Book List

<h2 style="text-align: center;">အပိုင်း - ( ၁၃၇၇ )</h2> <h2 style="text-align: center;">*</h2> <p> </p> <p style="text-align:justify"><br /> " သူဘယ်မှာလဲ "</p> <p style="text-align:justify">" ဂိုဏ်းချုပ် သူ့ကို တကယ်သိတာလား "</p> <p style="text-align:justify">လင်းဟောင် မျှော်လင့်ထားသော်လည်း တအံ့တဩဖြင့် မေးလိုက်ဆဲပင်။</p> <p style="text-align:justify">" ဟုတ်တယ် "</p> <p style="text-align:justify">" ဒါပေမဲ့ အဲ့ဒီလူက ဂိုဏ်းချုပ်ကို သူ့ရဲ့ညီအစ်ကိုလို့ ပြောနေပါတယ် "</p> <p style="text-align:justify">" အဲ့တာအမှန်ပဲ "</p> <p style="text-align:justify">ရဲ့ဟိုင် ချက်ချင်းပင် အရှေ့ကိုခြေတစ်လှမ်းတိုးလိုက်ပြီး...</p> <p style="text-align:justify">" သူဘယ်မှာလဲ ငါ့ကို သူ့ဆီခေါ်သွား "</p> <p style="text-align:justify">" ဂိုဏ်းချုပ် ကျေးဇူးပြုပြီး အနောက်က လိုက်ခဲ့ပါ "</p> <p style="text-align:justify">လင်းဟောင် ကမန်းကတန်းပင်ပြောပြီး အရှေ့ကနေ ဦးဆောင်လိုက်သည်။ ကြည့်ရသည်မှာ ဤရှောင်မင်ဆိုသောလူက သူတို့ဂိုဏ်းချုပ်အတွက် တော်တော်လေး အရေးပါပုံရလေ၏။</p> <p style="text-align:justify">တစ်ဖက်တွင် ဝူမင်ကလဲ ထိုစကားကြားသောအခါ မတ်တပ်ထရပ်လိုက်သည်။</p> <p style="text-align:justify">" ရဲ့ဟိုင် နဲ့ ညီအစ်ကို "</p> <p style="text-align:justify">ထိုစကားက ဝူမင်ကို တော်တော်လေး အလေးနက်သွားစေ၏။</p> <p style="text-align:justify">ထိုလူက ရဲ့ဟိုင်နှင့်ပင် ညီအစ်ကိုအဖြစ် ပြုလုပ်နိုင်ခြင်းရှိသဖြင့် ရဲ့ဟိုင်လိုမျိုး ကြောက်စရာကောင်းသည့် ပါရမီရှင်တစ်ယောက် ဖြစ်ရပေမည်။ ထို့ကြောင့် ထိုလူနှင့် မိတ်ဆွေဖွဲ့ရန်အတွက် သူကြိုးစားရမည်ဖြစ်သည်။</p> <p style="text-align:justify">ထိုအချိန်တွင် ဝမ်ဘင်က ရှောင်မင်ကို ဒေါသတကြီး ကြိမ်းမောင်းနေသည့်အချိန်၌ လူတိုင်း၏ တအံတဩရေရွတ်သံကို ကြားလိုက်ရလေ၏။</p> <p style="text-align:justify">" ရဲ့ဟိုင် "</p> <p style="text-align:justify">" ရဲ့ဟိုင်က တကယ် ဒီကိုရောက်လာတာလား "</p> <p style="text-align:justify">ရွှမ်အဆင့်နေရာတွင်ရှိနေသော မျိုးဆက်သစ်လူငယ်များသာမက မျိုးဆက်ဟောင်းပုဂ္ဂိုလ်များ အားလုံးကလည်း အံ့အားသင့်သွားသည်။</p> <p style="text-align:justify">ထိုအချိန်တွင် ရဲ့ဟိုင်က ရှောင်မင်ရှိရာသို့ တည့်တည့်လျှောက်သွားသည်အား သူတို့အကုန်လုံး တွေ့လိုက်ရလေ၏။</p> <p style="text-align:justify">" ရဲ့ဟိုင် "</p> <p style="text-align:justify">ရှောင်မင် ရဲ့ဟိုင်ကိုတွေ့သောအခါ ဝမ်းသာအားရဖြင့် အော်ဟစ်လိုက်သည်။</p> <p style="text-align:justify">တစ်ဖက်တွင် ဝမ်ဘင်၏ နှုတ်ခမ်းထောင့်က တဆတ်ဆတ်တုန်ယင်သွားလေ၏။</p> <p style="text-align:justify">" ချီးပဲ "</p> <p style="text-align:justify">" ကျေးဇူးပြုပြီး ဘိုးဘေးလေး မင်းသူ့နာမည်ကို တိုက်ရိုက်သွားခေါ်လို့မရဘူးလေ "</p> <p style="text-align:justify">သို့သော်လည်း ဝမ်ဘင်သည် ရဲ့ဟိုင်၏ မျက်နှာတွင် အပြုံးတစ်ခုကို မြင်လိုက်သောအခါ အံ့အားသင့်သွားသည်။</p> <p style="text-align:justify">" ဟား .. ဟား ရှောင်မင် ကတုံးကောင် .. ငါမင်းကိုမတွေ့တာကြာပြီ "</p> <p style="text-align:justify">" ရဲ့ဟိုင် ငါဒီနှစ်ပိုင်းအတွင်း မင်းကိုရှာဖို့အတွက် ဘယ်လောက်တောင်မှ ခက်ခဲခဲ့လဲ ဆိုတာကိုသိလား "</p> <p style="text-align:justify">ရှောင်မင် ငိုသံပါကြီးနှင့် ပြောလိုက်လေ၏။ နောက်ဆုံးတော့ အခက်များစွာကြားထဲမှ သူအမြဲ ကုန်းဆင်းနေခဲ့သည် ပေါင်ကြီးကိုပြန်တွေ့ရချေပြီ။</p> <p style="text-align:justify">" သောက်ကတုံး မသိရင် ငါကမင်းကို တမင်တကာ ဒုက္ခပေးနေတဲ့သူ ကျနေတာပဲ "</p> <p style="text-align:justify">ရဲ့ဟိုင်ပြုံးကာ ပြန်ပြောလိုက်လေသည်။ ထိုကောင်က ခုထိ ယခင်လို ဘာမှ မပြောင်းလဲသေးပေ။</p> <p style="text-align:justify">" မင်းကို တွေ့ဖို့ ဘယ်လောက်ခက်ခဲတယ်ထင်လဲ၊ ငါအခုတောင်မှ မင်းကိုတွေ့ဖို့အတွက် ရှိသမျှပစ္စည်းအကုန်လုံးကို ရောင်းချခဲ့ရတယ်၊ အဲ့ဒါမင်းသိလား ... "</p> <p style="text-align:justify">ရှောင်မင် ကူကယ်ရာမဲ့သော အမူအရာဖြင့် ပြောလိုက်၏။</p> <p style="text-align:justify">သို့သော်လည်း ရှောင်မင်သည် ဘေးနားတွင်ရှိသော ဝမ်ဘင်ကို သတိရသွားကာ ချက်ချင်းပင် ဂိုဏ်းချုပ်ဖြစ်သူအား အနားသို့ဆွဲလိုက်သည်။</p> <p style="text-align:justify">" ရဲ့ဟိုင် ဒါက ငါ့ရဲ့ ဇူဖန်းဂိုဏ်းခေါင်းဆောင် ဝမ်ဘင်ပဲ "</p> <p style="text-align:justify">" ဝမ်ဘင်က ဂိုဏ်းခေါင်းဆောင်ရဲ့ ကို ဂါရဝပြုပါတယ် "</p> <p style="text-align:justify">ဝမ်ဘင် ချက်ချင်းပင် ရဲ့ဟိုင်အား ကမန်းကတန်း ဦးညွှတ်လိုက်၏။</p> <p style="text-align:justify">စိတ်ထဲတွင်လည်း စိတ်အားတက်ကြွမှုများ ထွက်ပေါ်လာသည်။</p> <p style="text-align:justify">ဤရှောင်မင်ဆိုသော ကောင်က ရဲ့ဟိုင်နှင့်တကယ် ညီအစ်ကိုဖြစ်နေသည်လား။</p> <p style="text-align:justify">ဤအရာက သူ့အတွက် ကြီးမားသော ကုသိုလ်ကောင်းမှုပင်ဖြစ်၏။ ယခုနက သူ ရှောင်မင်ကို အစိတ်စိတ်အမြွှာမြွှာ ခုတ်ပိုင်းသတ်ချင်နေသော်လည်း ယခုတော့ ရှောင်မင်အား ဘိုးဘေးတစ်ပါးလို စင်ပေါ်တင်ပြီး ပူဇော်လိုစိတ်များ ဖြစ်ပေါ်လာသည်။</p> <p style="text-align:justify">" မင်းတို့ ဇူဖန်းဂိုဏ်းက ငါတို့ယွမ်ဟန်ဂိုဏ်း လက်အောက်ကို ကူးပြောင်းလာတယ်ဆိုတာ ငါမှတ်မိသေးတယ် .. ဟုတ်လား "</p> <p style="text-align:justify">ရဲ့ဟိုင် ဝမ်ဘင်ကိုကြည့်ကာ ပြောလိုက်၏။</p> <p style="text-align:justify">" ဟုတ်ပါတယ် ဂိုဏ်းခေါင်းဆောင် .. အခုဆိုရင် ကျွန်တော်တို့ ဇူဖန်းဂိုဏ်းက ယွမ်ဟန်ဂိုဏ်းရဲ့ လက်အောက်ခံဂိုဏ်းတစ်ခု ဖြစ်နေပါပြီ "</p> <p style="text-align:justify">ဝမ်ဘင် ကမန်းကတန်းပင် ပြောလိုက်သည်။</p> <p style="text-align:justify">" လင်းဟောင် ဝမ်ဘင်ကို ရာထူးတိုးမြှင့်ပေးလိုက် "</p> <p style="text-align:justify">ရဲ့ဟိုင် သူ၏ဘေးနားတွင်ရှိသော လင်းဟောင်ကိုကြည့်ကာ ပြောလိုက်၏။</p> <p style="text-align:justify">" ဟုတ်ကဲ့ပါ .. ဂိုဏ်းချုပ် "</p> <p style="text-align:justify">လင်းဟောင် ကမန်းကတန်းပင် ပြန်ပြောလိုက်သည်။</p> <p style="text-align:justify">" ကျေး .. ကျေး .. ကျေးဇူးတင်ပါတယ်၊ ဂိုဏ်းခေါင်းဆောင် "</p> <p style="text-align:justify">တစ်ဖက်တွင် ဝမ်ဘင်မှာ သူကံကောင်းလာပြီဆိုတာကိုသိသော်လည်း ဤကဲ့သို့ တိုက်ရိုက်ကြီး ရာထူးတိုးမြင့်သွားသည်ဟု ခံစားလိုက်ရသောအခါ အံ့ဩဆွံ့အစွာဖြင့် ပြန်ပြောလိုက်၏။ ဒါ အိမ်မက်တော့ မဟုတ်လောက်ဘူးမှလား။ အိမ်မက်ဆိုရင်တောင်မှ သူမနိုးထင်ချင်တော့ပေ။</p> <p style="text-align:justify">ရဲ့ဟိုင်ခေါင်းကို ညိတ်ပြလိုက်ပြီး...</p> <p style="text-align:justify">" ရှောင်မင်၊ ရှန်ဟွာ မင်းတို့နှစ်ယောက် ငါနဲ့လိုက်ခဲ့ "</p> <p style="text-align:justify">ဤသို့ဖြင့် ရှောင်မင်နှင့်ရှန်ဟွာတို့နှစ်ယောက်သည် ရဲ့ဟိုင်နှင့်အတူ ထွက်ခွာခါနီးတွင် ရှောင်မင် တစ်စုံတစ်ခုကို သတိရသွားပြီး သူ၏ပြောင်နေသောဦးခေါင်းကို ဖတ်ခနဲရိုက်လိုက်သည်။</p> <p style="text-align:justify">" ဟုတ်သားပဲ ... မေ့တော့မလို့ .. ရဲ့ဟိုင် မင်းငါ့ကို တစ်ခုကျေးဇူးအကြွေးဝိုင်းဆပ်ပေးနိုင်မလား "</p> <p style="text-align:justify">" ဘာကျေးဇူးအကြွေးလဲ "</p> <p style="text-align:justify">" မိန်းကလေး တန်ဝမ်ဝမ်ရဲ့ အကူအညီကြောင့်သာမဟုတ်ရင် ငါမင်းရဲ့ယွမ်ဟန်ဂိုဏ်းထဲကိုတောင် ဝင်လာနိုင်မှာမဟုတ်ဘူး "</p> <p style="text-align:justify">ရှောင်မင် ထိုသို့ပြောပြီး သူနှင့်မဝေးလှသော နေရာတွင်ရှိသော တန်ဝမ်ဝမ်ကို လက်ညှိုးထိုးပြကာ...</p> <p style="text-align:justify">" လက်ရှိ မိန်းကလေးတန်ဝမ်ဝမ်က ရောဂါပြင်းတစ်ခုကို ခံစားနေရတယ်လေ၊ သူ့ကိုကုသဖို့အတွက် ကျွမ်းကျင်မှော်ဆေးပညာရှင်တစ်ယောက်ကို မင်းစီစဥ်ပေးနိုင်မလား "</p> <p style="text-align:justify">" ဒါကလွယ်လွယ်လေးပါ "</p> <p style="text-align:justify">ရဲ့ဟိုင် ပေါ့ပေါ့ပါးပါးပင် ခေါင်းညိတ်လိုက်ကာ...</p> <p style="text-align:justify">" မိန်းကလေး တန်ဝမ်ဝမ် ဟုတ်လား .. ငါနဲ့လိုက်ခဲ့ "</p> <p style="text-align:justify">တစ်ဖက်တွင် တန်ဝမ်ဝမ်၏ နှလုံးခုန်သံက တဒုတ်ဒုတ်ဖြင့် မြန်ဆန်လာနေ၏။ </p> <p style="text-align:justify">တန်ဘိုဟိုင်က သူ့သမီး ကြောင်အနေသည်ကို မြင်သောအခါ အလျင်အမြန်ပင်...</p> <p style="text-align:justify">" ဝမ်ဝမ် .. ဝမ်ဝမ် မြန်မြန်သွားလိုက်လေ "</p> <p style="text-align:justify">ထိုအချိန်ကျမှ တန်ဝမ်ဝမ် သတိဝင်လာပြီး ရဲ့ဟိုင်ဘေးနားသို့ အလျင်အမြန် ကပ်သွားလိုက်သည်။</p> <p style="text-align:justify">သို့သော်လည်း တန်ဝမ်ဝမ်မှာ အလွန် စိတ်လှုပ်ရှားနေသဖြင့် သူမ၏ကိုယ်တွင်းအင်္ဂါများက လှုပ်ခါလာပြီး ပြင်းထန်စွာ ချောင်းဆိုးလိုက်ကာ ရဲ့ဟိုင်၏ အဝတ်များပေါ်သို့ သွေးများဖူးခနဲ အန်ထွက်သွားလေ၏။</p> <p style="text-align:justify">ရဲ့ဟိုင်ဝတ်ဆင်ထားသော ပိုးသားဖြူရောင်ဝတ်စုံက ချက်ချင်းပင် သွေးနီရောင်အဖြစ် ပြောင်းလဲသွားသည်။</p> <p style="text-align:justify">ထိုမြင်ကွင်းကိုကြည့်ပြီး တန်ဘိုဟိုင် မူးမေ့လဲမလို ဖြစ်သွား၏။</p> <p style="text-align:justify">အဘယ့်ကြောင့်ဆိုသော် တန်ဝမ်ဝမ်၏ အန်ထွက်လာသောသွေးများက ရဲ့ဟိုင်၏ အဝတ်ကိုသာမက မျက်နှာကိုပါ ပေကျံသွားစေသောကြောင့်ဖြစ်သည်။</p> <p style="text-align:justify">တန်ဝမ်ဝမ်၏ ဖြူဖျော့နေသော မျက်နှာကလဲ ပို၍ပင် ဖြူဖျော့သွားပြီး ကြောက်ရွံ့စိတ်ကြောင့် ခြေဖျားလက်ဖျားများ အေးစက်သွားလေ၏။</p> <p style="text-align:justify">လင်းဟောင် ဒေါသတကြီးဖြင့်...</p> <p style="text-align:justify">" နင်... "</p> <p style="text-align:justify">ရဲ့ဟိုင် လင်းဟောင်ကို တစ်ချက်စိုက်ကြည့်လိုက်ကာ...</p> <p style="text-align:justify">" သူမက တမင်တကာ လုပ်တာမှ မဟုတ်တာ၊ ဘာကိုဒေါသထွက်နေတာလဲ "</p> <p style="text-align:justify">ရဲ့ဟိုင်ချက်ချင်းပင် သူ၏မျက်နှာမှသွေးများကို လက်ဖြင့်သုတ်လိုက်ပြီး...</p> <p style="text-align:justify">" လင်းဟောင် မဟာအကြီးအကဲချင်က ဒီကိုရောက်နေတယ်မလား .. သူ့ဆီကို တန်ဝမ်ဝမ် ခေါ်သွားပေးလိုက် "</p> <p style="text-align:justify">" ငါအဝတ်အစား သွားလဲလိုက်ဦးမယ် "</p> <p style="text-align:justify">ရဲ့ဟိုင်သည် သူ၏ပုံသဏ္ဌာန်ကို အထူးတလည် ဂရုစိုက်ခြင်းမရှိပေ။ သို့သော် ယနေ့အချိန်အခါသမယက ထူးခြားလွန်းသဖြင့် သူ့အနေဖြင့် ဤအတိုင်းနေလို့တော့ မရဘူးဖြစ်သည်။</p> <p style="text-align:justify">" ဒါဆိုရင် ငါလဲ မိန်းကလေးတန်ဝမ်ဝမ်နဲ့ လိုက်သွားမယ် "</p> <p style="text-align:justify">ရှောင်မင် ထို့သို့ပြောလာလျှင် ရဲ့ဟိုင်ခေါင်းညိတ်လိုက်ပြီး အဝတ်လဲရန် ထွက်ခွာသွားလေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save