Book List

<h2 style="text-align: center;">အပိုင်း - ( ၁၃၇၈ )</h2> <h2 style="text-align: center;">*</h2> <p> </p> <p> </p> <p style="text-align:justify">ရဲ့ဟိုင်ထွက်ခွာသွားသောအခါ ပတ်ပတ်လည်မှ လူများအားလုံး တအံ့တဩဖြင့် ရေရွတ်လိုက်ကြလေသည်။</p> <p style="text-align:justify">" အဲ့ရှောင်မင်က တကယ်ပဲ ရဲ့ဟိုင် နဲ့ ညီအစ်ကိုလား "</p> <p style="text-align:justify">" ဘယ်လိုလုပ် ဖြစ်နိုင်မှာလဲ "</p> <p style="text-align:justify">" အရင်က သူ့ကို လှောင်ခဲ့တဲ့သူတွေတော့သေပြီ "</p> <p style="text-align:justify">ထိုအချိန်တွင် ချိုင်ယဲ့လုံနှင့် ရှောင်မင်အားလှောင်ခဲ့သည့် ကျန်သူများက ပတ်ပတ်လည်မှ ပြောဆိုသံများကို ကြားသောအခါ ခေါင်းငုံ့သွားကြလေ၏။</p> <p style="text-align:justify">ရှောင်မင်က ထိုမြင်ကွင်းကိုမြင်သောအခါ ချိုင်ယဲ့လုံဆီသို့ လျှောက်လာပြီး...</p> <p style="text-align:justify">" မင်းခုနက ဘယ်သူ့ကို လူလိမ်လို့ခေါ်လိုက်တာလဲ "</p> <p style="text-align:justify">" ငါ .. ငါ .. ငါ ကိုယ့်အကြောင်းကိုယ်ပြောနေတာပါ "</p> <p style="text-align:justify">ချိုင်ယဲ့လုံ မျက်နှာဖြူဖျော့သွားပြီး ကြောက်ရွံ့စွာဖြင့် ပြန်ပြောလိုက်သည်။</p> <p style="text-align:justify">" ဟမ့် မင်းခုနက မောက်မာနေတာ မဟုတ်ဘူးလား .. အခုသတ္တိရှိရင် ငါ့ကိုထပ်ပြီးလှောင်လေ "</p> <p style="text-align:justify">ရှောင်မင် ချိုင်ယဲ့လုံ၏ ဦးခေါင်းကို လက်ညှိုးထိုးကာ ပြောလိုက်၏။</p> <p style="text-align:justify">တစ်ဖက်တွင် ချိုင်ယဲ့လုံ၏ မျက်လုံးထဲတွင် အေးစက်သော အလင်းတန်းအချို့က ဖြစ်ပေါ်လာသော်လည်း ရှောင်မင်၏ အနေအထားကို ပြန်ပြီးစဥ်းစားလိုက်လျှင် ချိုင်ယဲ့လုံ ဒေါသများကို မြိုချလိုက်ရသည်။</p> <p style="text-align:justify">" ဘာလို့စကားမပြောတာလဲ .. မင်း ' အ ' သွားတာလား "</p> <p style="text-align:justify">ရှောင်မင်သည် ချိုင်ယဲ့လုံ တိတ်ဆိတ်နေသည်ကိုမြင်လျှင် ထပ်မံ၍ လက်ညှိုးထိုးကာ ပြောလိုက်၏။</p> <p style="text-align:justify">" ဒီမှာဘာတွေဖြစ်နေတာလဲ "</p> <p style="text-align:justify">ထိုအချိန်တွင် အနက်ရောင်ဝတ်စုံ ဝတ်ဆင်ထားသော အမျိုးသမီးတစ်ယောက်က အနားသို့ချဥ်းကပ်လာလေသည်။</p> <p style="text-align:justify">လင်းဟောင် ချက်ချင်းပင် ဖြစ်ပျက်ခဲ့သော အရာများကို အလျင်အမြန် ထိုအနက်ရောင်ဝတ် အမျိုးသမီးအား ပြောပြလိုက်၏။</p> <p style="text-align:justify">" ချိုင်ယဲ့လုံက သူ့ကိုကြိမ်ဖန်များစွာ လှောင်ရယ်ခဲ့တာက တကယ်ကိုအပြစ်ရှိတယ်၊ ဒါပေမဲ့ သူခေါင်းငုံ့နေတဲ့အချိန်မှာတော့ ထပ်ပြီးအဆင့်အတန်းနဲ့ ဖိအားပေးတာက နည်းနည်းမလွန်လွန်းဘူးလား "</p> <p style="text-align:justify">အနက်ရောင်ဝတ်အမျိုးသမီးက ရှောင်မင်ကိုကြည့်ကာ တည်တည်ငြိမ်ငြိမ်ပင် ပြောလိုက်သည်။</p> <p style="text-align:justify">" ဟမ့် .. ငါဘယ်သူလဲဆိုတာကို မင်းသိလား "</p> <p style="text-align:justify">ရှောင်မင် ထိုအမျိုးသမီးကို ဒေါသတကြီးဖြင့် လက်ညှိုးထိုးကာ မေးလိုက်၏။</p> <p style="text-align:justify">" နင်ဘယ်သူပဲဖြစ်ပါစေ ကိုယ့်ရဲ့အဆင့်အတန်းနဲ့ အာဏာကို အခွင့်ကောင်းယူပြီးတော့ အခြားလူကို အနိုင်တော့ မကျင့်သင့်ဘူးမှလား "</p> <p style="text-align:justify">အနက်ရောင်ဝတ်အမျိုးသမီးက သူမကိုလက်ညှိုးထိုးလာလျှင် အေးစက်စက်ဖြင့် ပြောလိုက်သည်။</p> <p style="text-align:justify">" မင်းယုံသည်ဖြစ်စေ မယုံသည်ဖြစ်စေ ငါ့ညီအစ်ကိုကိုပြောပြီးတော့ မင်းကိုဒီရာထူးကနေ ဖယ်ရှားခိုင်းမယ် "</p> <p style="text-align:justify">ရှောင်မင် ဒေါသများနှင့်အတူ ပြောလိုက်၏။</p> <p style="text-align:justify">" နင်လုပ်ချင်ရာလုပ်နိုင်တယ် "</p> <p style="text-align:justify">ထိုအနက်ရောင်ဝတ်အမျိုးသမီး၏စကားက ရှောင်မင်ကို အဆုတ်များပေါက်ကွဲထွက်လုမတတ် ဒေါသများဖြစ်ပေါ်လာစေလေသည်။</p> <p style="text-align:justify">" နင့်နာမည်နဲ့  ရာထူး .. ခုပြောစမ်း "</p> <p style="text-align:justify">" တရားဥပဒေခန်းမရဲ့ လက်ရှိခန်းမသခင် ခွန်ရှောင်ချီ "</p> <p style="text-align:justify">" နင်ခဏလောက် စောင့်ဦး .. ငါနဲ့တွေ့မယ် "</p> <p style="text-align:justify">ရှောင်မင် အနက်ရောင်ဝတ် အမျိုးသမီးကို လက်ညှိုးငေါက်ငေါက်ထိုးပြီး ပြောလိုက်၏။</p> <p style="text-align:justify">တကယ်တော့ ထိုအနက်ရောင်ဝတ်အမျိုးသမီး ခွန်ရှောင်ချီဆိုသည်မှာ ခွန်ယင်းအာ၏ ကိုယ်ပိုင်အစေခံတစ်ယောက်ဖြစ်သည်။</p> <p style="text-align:justify">တစ်ဖက်တွင် ခွန်ရှောင်ချီသည် ရှောင်မင်၏ ခြိမ်းခြောက်မှုကို လုံးဝဂရုစိုက်ခြင်းမရှိပေ။</p> <p style="text-align:justify">ခွန်ယင်းအာသည် သူမအား တရားဥပဒေခန်းမ၏ အကြီးအကဲအဖြစ် ခန့်ခဲ့သည့်အချိန်တွင် တစ်ဖက်လူ၏ အဆင့်အတန်းက မည်မျှပင် မြင့်မားနေပါစေ စည်းမျဥ်းစည်းကမ်းအတိုင်း ပြဌာန်းထားသည့် ဥပဒေများကို ချိုးဖောက်ပါက မည်သည့်စိုးရိမ်စရာမှမရှိဘဲ အရေးယူနိုင်သည်ဟု ပြောကြားထားခဲ့၏။</p> <p style="text-align:justify">ဤသို့ဖြင့် ပတ်ဝန်းကျင်က တိတ်ဆိတ်သွားပြီး ရှောင်မင်မှာ ရဲ့ဟိုင်ပြန်လာမည့်အချိန်ကို ငြိမ်သက်စွာဖြင့် စောင့်ဆိုင်းနေလေသည်။</p> <p style="text-align:justify">ထိုအခြေအနေကိုကြည့်ပြီး လင်းဟောင် တစ်ခဏစဉ်းစားပြီးနောက် ရဲ့ဟိုင်အား အမြန်လာဖို့ခေါ်ရန် ပြေးသွားလိုက်လေ၏။</p> <p style="text-align:justify">တစ်ဖက်တွင် ဝူမင်က ရှောင်မင်ကိုကြည့်ပြီး ခေါင်းကိုခါယမ်းလိုက်သည်။</p> <p style="text-align:justify">" ရဲ့ဟိုင် နဲ့ ညီအစ်ကိုတော်နိုင်တော့ ကြောက်စရာကောင်းတဲ့ ပါရမီရှင်တစ်ယောက်လို့ ထင်နေခဲ့တာ .. ဒါပေမဲ့ ကြည့်ရတာ သူက အာဏာနဲ့အနိုင်ကျင့်တတ်တဲ့ သူတစ်ယောက်သက်သက်ပဲ "</p> <p style="text-align:justify">ထိုစကားက ဒေါသထွက်နေသောရှောင်မင်ကို ပို၍ပင် ဒေါသများ ပေါက်ကွဲထွက်လာစေ၏။</p> <p style="text-align:justify">" ဟိုကောင် မင်းဘာပြောလိုက်တာလဲ "</p> <p style="text-align:justify">" သခင်လေးရှောင်မင် စကားကိုသတိထားပြီး ပြောစေချင်ပါတယ် "</p> <p style="text-align:justify">ရှောင်မင်က ဝူမင် ဘယ်သူလဲဆိုတာ မသိသော်လည်း တန်ဘိုဟိုင်ကတော့ မသိဘူးဟု မဆိုလိုချေ။ ထို့ကြောင့်သူက ရှောင်မင်အားဝင်ရောက်ကာ ထိန်း၍ ပြောလိုက်သည်။</p> <p style="text-align:justify">" သူက ဘယ်သူမို့လို့လဲ "</p> <p style="text-align:justify">ရှောင်မင် မျက်မှောင်ကုပ်ကာ ပြန်မေးလိုက်၏။</p> <p style="text-align:justify">" သခင်လေးရှောင်မင် သူက ကျောက်စိမ်းအင်မော်တယ်အဆင့် ( 33 ) ကိုရောက်နေတဲ့ ဝူမင်ပဲ၊ အရှေ့ပိုင်းကုန်းမြေတိုက်ကြီးတစ်ခုလုံးရဲ့ လူငယ်မျိုးဆက်သစ်ချန်ပီယံ ဒုတိယအဆင့်မှာ ရှိနေတဲ့သူ၊ ပိုအရေးကြီးတာ ဝူမင်ရဲ့ ဆရာက အင်မော်တယ်ဘုရင်အဆင့် ကျင့်ကြံသူတစ်ယောက် ဖြစ်နေတယ်ဆိုတာပဲ "</p> <p style="text-align:justify">တန်ဘိုဟိုင် တီးတိုးပင် ကမန်းကတန်းဖြင့် ရှင်းပြလိုက်သည်။</p> <p style="text-align:justify">" ဟမ့် သူက လူငယ်မျိုးဆက်သစ်ချန်ပီယံ ဒုတိယနေရာကဆိုရင်တောင်မှ ငါ့အစ်ကိုကို ရှုံးနိမ့်ထားတဲ့ အရှုံးသမားတစ်ယောက် ဖြစ်နေတုန်းပဲ "</p> <p style="text-align:justify">ရှောင်မင် အေးစက်စက်ဖြင့် ပြောလိုက်ပြီး ဝူမင်ကို အထင်သေးစွာဖြင့် ကြည့်လိုက်ကာ...</p> <p style="text-align:justify">" မင်းလိူ အရှုံးသမားက ငါ့အရှေ့မှာ ဘာတွေလာပြီးတော့ အာဏာပါဝါတွေ ပြနေတာလဲ "</p> <p style="text-align:justify">" ဖောင်း "</p> <p style="text-align:justify">ရှောင်မင် သူ၏ပါးကို အုပ်ကိုင်လိုက်ပြီး ဝူမင်အား ဒေါသတကြီးဖြင့် ကြည့်လိုက်၏။</p> <p style="text-align:justify">" မင်းငါ့ကို ရိုက်တယ်ဟုတ်လား "</p> <p style="text-align:justify">" မင်းက ရဲ့ဟိုင်နဲ့ သိကျွမ်းနေတဲ့ သူသာမဟုတ်ရင် အခုလောက်ဆို လူသေတစ်ယောက်ဖြစ်သွားပြီ "</p> <p style="text-align:justify">ဝူမင် သူ၏လက်နှစ်ဖက်ကို နောက်ကျောပစ်ကာ တည်ငြိမ်သော အမူအရာဖြင့်...</p> <p style="text-align:justify">" ငါ့အရှေ့မှာ နောက်တစ်ခါလာပြီးတော့ ဒီပုံစံ .. ဒီလေသံနဲ့ စကားမပြောနဲ့ မင်းမှာ အဲ့လိုလုပ်ဖို့ အရည်အချင်းမရှိဘူး "</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save