Book List

<h2 style="text-align: center;">အပိုင်း - ( ၁၃၈၀ )</h2> <h2 style="text-align: center;">*</h2> <p> </p> <p> </p> <p style="text-align:justify">ခွန်ယင်းအာသည် ကောင်းကင်အဆင့်နယ်မြေရှိရာသို့ ဦးတည်သွားနေရင်း ရဲ့ဟိုင်ကို တိတ်တဆိတ် အကဲခတ်နေခဲ့သည်။</p> <p style="text-align:justify">ရဲ့ဟိုင်က သူမကို စိတ်ဆိုးပုံမရသည်ကို သတိပြုမိလိုက်သောအခါ ခွန်ယင်းအာ ရဲ့ဟိုင်၏ လက်ကို ရဲရင့်စွာဖြင့် ချိတ်လိုက်၏။ ရဲ့ဟိုင်က မငြင်းသည်ကို မြင်လျှင် ခွန်ယင်းအာ သူမ၏ခန္ဓာကိုယ်လေးဖြင့် ရဲ့ဟိုင်၏ လက်မောင်းအား မှီတွယ်လိုက်သည်။</p> <p style="text-align:justify">" သခင် ကျွန်မကို စိတ်မဆိုးဘူးလား "</p> <p style="text-align:justify">ခွန်ယင်းအာ ရဲ့ဟိုင် နားဆီကပ်ကာ တီးတိုးပြောလိုက်၏။</p> <p style="text-align:justify">" စိတ်မဆိုးဘူး "</p> <p style="text-align:justify">ရဲ့ဟိုင် ပေါ့ပေါ့ပါးပါးပင် ပြန်ပြောလိုက်လျှင် ခွန်ယင်းအာ၏ မျက်လုံးများ တလက်လက် တောက်ပလာသည်။</p> <p style="text-align:justify">" တကယ်လား "</p> <p style="text-align:justify">" ဟုတ်တယ်လေ .. မင်းက ဘာအမှားမှမလုပ်ထားတာ ငါကဘာကို စိတ်ဆိုးရမှာလဲ "</p> <p style="text-align:justify">" ဒါဆိုရင် သခင်ဘာလို့ ကျွန်မကိုအော်ခဲ့တာလဲ "</p> <p style="text-align:justify">ခွန်ယင်းအာ ဝမ်းနည်းသော အမူအရာဖြင့် ပြောလိုက်၏။</p> <p style="text-align:justify">" ယင်းအာ မင်းလဲ ငါ့အခက်အခဲကို နားလည်သင့်တယ် "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် သွားနေသော ခြေလှမ်းများကို ရပ်တန့်လိုက်ကာ...</p> <p style="text-align:justify">" ဒီနေ့မင်းလုပ်ခဲ့တာ အရမ်းကိုကောင်းမွန်တဲ့လုပ်ရပ်ပဲ၊ အခုချိန်ကစပြီး တရားဥပဒေခန်းမတစ်ခုလုံးကို မင်းစိတ်ကြိုက် စီမံခန့်ခွဲနိုင်တယ်၊ ဒါပေမဲ့ ငါ့လူတွေက ကိစ္စထဲ ပါလာရင်တော့ ငါ့ကိုအရင်ပြောပါ "</p> <p style="text-align:justify">" ဒါဆိုသခင် ငါကကော မင်းရဲ့လူလား "</p> <p style="text-align:justify">ခွန်ယင်းအာ ရဲ့ဟိုင်၏အနား ပို၍ကပ်သွားကာ တီးတိုးမေးလိုက်သည်။</p> <p style="text-align:justify">" မင်းဘယ်လိုထင်လဲ "</p> <p style="text-align:justify">ရဲ့ဟိုင် ခွန်ယင်းအာကို မျက်လုံးမှေးစဥ်းကာကြည့်ပြီး မေးလိုက်၏။</p> <p style="text-align:justify">...........</p> <p style="text-align:justify">ကောင်းကင်အဆင့်၊ မြေအဆင့်၊ ရွှမ်အဆင့်နှင့် ဟောင်အဆင့် နယ်မြေနေရာလေးခုလုံးက ဆက်စပ်နေသောကြောင့် ရွှမ်အဆင့်တွင် ဖြစ်ပျက်ခဲ့သော အရာများကို ကောင်းကင်အဆင့်မှ လူများကလည်း သိရှိနေကြလေသည်။</p> <p style="text-align:justify">ရဲ့ဟိုင် တန်ဝမ်ဝမ်ကို မဟာအကြီးအကဲချင်ထံသို့ ခေါ်ဆောင်လာပြီး...</p> <p style="text-align:justify">" ဆရာကြီး မှော်ဆေးသခင်ချင် မိန်းကလေးတန်ရဲ့ ခန္ဓာကိုယ်ကို စစ်ဆေးပေးပါလို့ တစ်ချက်လောက် အကူအညီတောင်းပါရစေ "</p> <p style="text-align:justify">ရဲ့ဟိုင် တလေးတစားပင် မဟာအကြီးအကဲချင်အား ဦးညွှတ်ကာ ပြောလိုက်၏။</p> <p style="text-align:justify">ရဲ့ဟိုင်၏ ထိုအပြုအမူက မဟာအကြီးအကဲချင်၏ မျက်လုံးကို မှိန်ဖျော့သွားစေသည်။</p> <p style="text-align:justify">သို့သော် ချက်ချင်းပင် သူ၏အမူအရာကို ပြင်လိုက်ပြီး တန်ဝမ်ဝမ်ကိုကြည့်ကာ...</p> <p style="text-align:justify">" ကောင်းပြီ ငါစစ်ဆေးပေးပါမယ် "</p> <p style="text-align:justify">ချက်ချင်းပင် သူ တန်ဝမ်ဝမ်၏လက်ကို ဆွဲယူလိုက်ပြီး သွေးကြောပေါ်သို့ လက်နှစ်ချောင်းတင်ကာ စစ်ဆေးလိုက်၏။</p> <p style="text-align:justify">မိနစ်ဝက်ကြာသောအခါ မဟာအကြီးအကဲချင်၏ မျက်လုံးထဲတွင် အံ့ဩမှုနှင့် ရှုပ်ထွေးမှုများ ထွက်ပေါ်လာသည်။</p> <p style="text-align:justify">" မိန်းကလေးတန် မင်းရဲ့ခန္ဓာကိုယ်တစ်ခုလုံးက အရမ်းအားနည်းနေတာကို ငါတွေ့တယ်၊ ဒါပေမဲ့ ရောဂါလက္ခဏာပြစ်ချက်ကို ငါလုံးဝရှာမရဘူး "</p> <p style="text-align:justify">မဟာအကြီးအကဲချင်၏ စကားက ရှိနေသူများအားလုံးကို အံ့အားသင့်သွားစေ၏။</p> <p style="text-align:justify">မဟာအကြီးအကဲချင်ဆိုသည်မှာ မည်သူဖြစ်သနည်း။ အရှေ့တိုင်းကုန်းမြေတိုက်ကြီးတစ်ခုလုံးတွင် အဆင့်မြင့် အင်မော်တယ်သခင်အဆင့် မှော်ဆေးပညာရှင်သုံးယောက်ထဲမှ တစ်ယောက်အဖြစ် သတ်မှတ်ခံထားရသောသူဖြစ်သည်။</p> <p style="text-align:justify">သို့သော် မဟာအကြီးအကဲချင် တန်ဝမ်ဝမ်၏ ရောဂါအခြေအနေကို မစစ်ဆေးနိုင်ဘူးဟု ဆိုလိုနေ၏။</p> <p style="text-align:justify">တစ်ဖက်တွင် တန်ဝမ်ဝမ်၏ ခန္ဓာကိုယ်က တုန်ခါသွားပြီး မျက်နှာက ပို၍ပင် ဖြူဖျော့သွားသည်။</p> <p style="text-align:justify">ဤအရာက သူမ၏ အခြေအနေမှာ ကုသလို့မရတော့သည့် အနေအထား ဖြစ်နေသည်ဟု ဆိုလိုနေခဲ့သည်မလား။</p> <p style="text-align:justify">" ငါ့ကိုကြည့်ခွင့်ပေးပါ "</p> <p style="text-align:justify">နောက်ထပ် အသက်ကြီးသော မှော်ဆေးပညာရှင်တစ်ယောက်ကလည်း အနားသို့ချဥ်းကပ်လာပြီး ပြောလိုက်လေ၏။</p> <p style="text-align:justify">" အဲ့တာက ဘယ်သူလဲ "</p> <p style="text-align:justify">" မင်း သူ့ကိုတောင် မသိဘူးလား .. ဒါက အရှေ့တိုင်းကုန်းမြေတိုက်ကြီးတစ်ခုလုံးရဲ့ နာမည်ကြီးမှော်ဆေးပညာရှင် ဂျန်ယွမ်ထျန်းပဲ "</p> <p style="text-align:justify">သို့သော် လူတိုင်းကိုအံ့အားသင့်စေသည်မှာ ဂျန်ယွမ်ထျန်းကိုယ်တိုင်ကလဲ တန်ဝမ်ဝမ်ကို တစ်နာရီ၏ လေးပုံတစ်ပုံနီးပါး စစ်ဆေးပြီးနောက် ရောဂါ ရှာတွေ့ခဲ့ခြင်းမရှိပေ။</p> <p style="text-align:justify">" ဒီလောက်ထူးဆန်းတဲ့ အခြေအနေမျိုး တစ်ခါမှမတွေ့ဖူးဘူး "</p> <p style="text-align:justify">ဂျန်ယွမ်ထျန်း အလေးအနက် အမူအရာဖြင့် ပြောလိုက်သည်။</p> <p style="text-align:justify">" ဒီကလေးမလေးရဲ့ အခြေအနေက အရမ်းကိုစိုးရိမ်ရတယ်၊ သူမက နောက်ဆုံးအသက်မီးတောက်နဲ့ ရှေ့ဆက်နေတယ်လို့ ပြောရင်တောင်မှ ချဲ့ကားပြောသလို ဖြစ်နေမှာမဟုတ်ဘူး .. ငါလဲ မတတ်နိုင်ဘူးဆိုတော့ တစ်ခြား မှော်ဆေးပညာရှင်အားလုံး သူမ အသက်ကိုကယ်နိုင်မလားဆိုတာ တစ်ချက်စမ်းကြည့်ကြပါ "</p> <p style="text-align:justify">ဂျန်ယွမ်ထျန်း၏ စကားကိုကြားလျှင် အခြားအင်မော်တယ်သခင်အဆင့် မှော်ဆေးပညာရှင်များကလည်း သူတို့၏ လျှို့ဝှက်နည်းစနစ်များကို အသုံးပြုကာ တန်ဝမ်ဝမ်ကို စတင်၍စစ်ဆေးကြလေ၏။</p> <p style="text-align:justify">သို့သော်လည်း အချိန်အတော်ကြာသောအခါ မည်သည့်အင်မော်တယ်သခင်အဆင့် မှော်ဆေးပညာရှင်ကမှ အရှေ့သို့တိုးကာ စစ်ဆေးခြင်းမရှိတော့ချေ။</p> <p style="text-align:justify">အဘယ့်ကြောင့်ဆိုသော် တန်ဝမ်ဝမ်၏ ခန္ဓာကိုယ်တွင် မည်သည့်အရာ မှားယွင်းနေသည်ဆိုတာကို သူနားမလည်သောကြောင့်ဖြစ်သည်။</p> <p style="text-align:justify">တစ်ဖက်တွင် တန်ဝမ်ဝမ်သည် တုန်လှုပ်ခြောက်ခြားမှုများဖြင့် ပြည့်နှက်နေသော သူမအဖေတန်ဘိုဟိုင်၏ မျက်နှာကို ကြည့်လိုက်ကာ...</p> <p style="text-align:justify">" အဖေ ကြည့်ရတာ ဒါကျွန်မရဲ့ ကံကြမ္မာပဲထင်တယ် "</p> <p style="text-align:justify">သူမ၏ မျက်နှာတွင် မချိပြုံးတစ်ခုက ရှိနေလေ၏။</p> <p style="text-align:justify">တန်ဘိုဟိုင် လက်သီးကို တင်းကြပ်စွာဆုပ်ထားပြီး...</p> <p style="text-align:justify">" မဟုတ်ဘူး ငါဒါကို လုံးဝလက်မခံနိုင်ဘူး "</p> <p style="text-align:justify">ချက်ချင်းပင် တန်ဘိုဟိုင် ရဲ့ဟိုင်အရှေ့တွင် ဒူးထောက်လိုက်ပြီး...</p> <p style="text-align:justify">" ဂိုဏ်းချုပ်ရဲ့ ကျေးဇူးပြုပြီးတော့ ကျွန်တော့်သမီးရဲ့အသက်ကို ကယ်တင်ပေးပါ "</p> <p style="text-align:justify">ချက်ချင်းပင် တဒုန်းဒုန်းအသံများ ထွက်ပေါ်လာကာ တန်ဘိုဟိုင် ကြမ်းပြင်နှင့်နဖူးကို ပြင်းထန်စွာပင်ဆောင့်ပြီး ရဲ့ဟိုင်အား တောင်းပန်လိုက်သည်။ </p> <p style="text-align:justify">ထိုသို့ပြုလုပ်ချိန်တွင်လည်း စွမ်းအားကို ရုတ်သိမ်းထားသဖြင့် နဖူးက ကွဲထွက်သွားပြီး သွေးများက ရဲခနဲ ဖြာထွက်လာ၏။ ဖခင်တစ်ယောက်အနေဖြင့် မျှော်လင့်ချက်မရှိတော့ဘူး ဆိုလျှင်တောင်မှ မိမိ၏ သမီးကို ကယ်တင်ရန် လုံးဝလက်မလျှော့လိုဘူးဖြစ်သည်။</p> <p style="text-align:justify">" အဖေ ဂိုဏ်းချုပ်ရဲ့က သူတတ်နိုင်သမျှ အရာအားလုံးကို လုပ်ပေးခဲ့ပြီးပါပြီ "</p> <p style="text-align:justify">တန်ဝမ်ဝမ် အသက်မဲ့နေသော အမူအရာဖြင့် သူမ၏အဖေအား ပြောလိုက်၏။ </p> <p style="text-align:justify">သို့သော် တန်ဘိုဟိုင် ရဲ့ဟိုင်ကို မျက်ရည်များဖြင့်ကြည့်ကာ...</p> <p style="text-align:justify">" ဂိုဏ်းချုပ်ရဲ့ အဆင့်အတန်းနဲ့ဆိုရင် အလယ်ပိုင်းကုန်းမြေတိုက်ကြီးက အင်မော်တယ်သခင် အထွတ်အထိပ်အဆင့် မှော်ဆေးပညာရှင်တွေကို ဖိတ်ခေါ်နိုင်မယ်ဆိုတာကို ကျွန်တော်သိပါတယ် .. ကျေးဇူးပြုပြီး ကူညီပေးပါ ဂိုဏ်းချုပ် "</p> <p style="text-align:justify">တန်ဘိုဟိုင် ထိုသို့ပြောလိုက်လျှင် ရှိနေသောလူများအားလုံး သူ့အား ကွဲပြားခြားနားသော အမူအရာဖြင့် ကြည့်လာလေသည်။</p> <p style="text-align:justify">ဤတန်ဘိုဟိုင်က သူ့အဆင့်ကို သူ မသိဘူးလား။</p> <p style="text-align:justify">ရဲ့ဟိုင်အနေဖြင့် ထိပ်တန်းအဆင့် မှော်ဆေးပညာရှင်တစ်ယောက်ကို ဖိတ်ခေါ်နိုင်သည်ဆိုတာ မှန်ကန်၏။ </p> <p style="text-align:justify">သို့သော် ဤကဲ့သို့ပြုလုပ်ရန် ရဲ့ဟိုင်သည် အရင်ဦးစွာ အင်မော်တယ်နန်းတော်သို့ သွားရမည်ဖြစ်သည်။ ဒုတိယအနေဖြင့် ရဲ့ဟိုင်က ထိုမှော်ဆေးပညာရှင်ကို ကျေးဇူးကြွေးတင်သွားပြီး ၎င်းအားပြန်ဆပ်ရပေမည်။</p> <p style="text-align:justify">ဤအခြေအနေများ အောက်တွင် အဘယ့်ကြောင့် တန်ဘိုဟိုင်ကို ဘာအကျိုးအမြတ်မှမရှိဘဲ ကူညီပေးရမည်နည်း။</p> <p style="text-align:justify">ဒီတောင်းဆိုမှုကြီးက တော်တော်လေး လွန်သွားချေပြီ။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save