Book List

<h2 style="text-align: center;">အပိုင်း - ( ၁၃၈၄ )</h2> <h2 style="text-align: center;">*</h2> <p> </p> <p> </p> <p style="text-align:justify"><br /> မဟာအကြီးအကဲချင်ကလဲ ရဲ့ဟိုင်အသုံးပြုနေသော မှော်ဆေးစည်းတံဆိပ်ကိုကြည့်ပြီး စိတ်ထဲတွင် ကြောက်ရွံ့မှုလှိုင်းလုံးကြီးများ ဖြစ်ပေါ်လာ၏။</p> <p style="text-align:justify">အဘယ့်ကြောင့်ဆိုသော် မဟာအကြီးအကဲချင်သည် ရဲ့ဟိုင်ဖန်တီးထားသော မှော်ဆေးစည်းတံဆိပ်ထဲမှ ရှေးဟောင်းမှော်ဆေးပညာနည်းစနစ်များ၏ အရိပ်အမြွက်ကို မြင်လိုက်ရသောကြောင့်ပင်။</p> <p style="text-align:justify">" ရဲ့ဟိုင် ရှေးဟောင်းမှော်ဆေးပညာရပ်လမ်းစဥ်ကို အမွေဆက်ခံခဲ့တာလား "</p> <p style="text-align:justify">မဟာအကြီးအကဲချင် အံ့အားသင့်စွာဖြင့် ရေရွတ်လိုက်၏။</p> <p style="text-align:justify">တကယ်တော့ မဟာအကြီးအကဲချင်သည် ရဲ့ဟိုင်က မှော်ဆေးဘုရင်၏ အမွေအနှစ်ကို ဆက်ခံခဲ့သည်အား လုံးဝမသိရှိပေ။</p> <p style="text-align:justify">မှော်ဆေးဘုရင်၏ အမွေအနှစ်ဆိုသည်မှာ ရှေးဟောင်းမှော်ဆေးပညာရပ်လမ်းစဥ်၏ အထွတ်အထိပ် တည်ရှိမှုဟု ယူဆနိုင်လေသည်။</p> <p style="text-align:justify">ဆေးစည်းတံဆိပ်မှ ထွက်ပေါ်လာသည့် ဆေးရုဏ်းများက တန်ဝမ်ဝမ်၏ခန္ဓာကိုယ်ထဲသို့ စိမ့်ဝင်သွားသောအခါ ရဲ့ဟိုင် သူမ၏ခန္ဓာကိုယ်ထဲတွင် ပိတ်ဆို့ခံထားရသော ရှေးဉီးဝိညာဥ်ချီများကို ပေါက်ကွဲစေလိုက်၏။ </p> <p style="text-align:justify">ထို့နောက် ကြောက်စရာကောင်းသော ရှေးဉီးဝိညာဥ်စွမ်းအင်များကို ချက်ချင်းပင် တန်ဝမ်ဝမ်၏ ခြေလက်များနှင့် အရိုးများဆီသို့ တွန်းပို့ပေးလိုက်သည်။ </p> <p style="text-align:justify">ထိုကဲ့သို့ စွမ်းအင်များ တဟုန်ထိုး တိုးဝင်လာသောအခါ တန်ဝမ်ဝမ်၏ ခန္ဓာကိုယ်ထဲတွင်ရှိသော ခြောက်သွေ့နေသည့် သွေးကြောများက ချက်ချင်းပင် တောက်ပစိုပြည်လာပြီး ရှေးဉီးဝိညာဥ်ချီများကို အရူးအမူးပင် ဝါးမြိုတော့၏။</p> <p style="text-align:justify">" အဲ့ဒီစွမ်းအားတွေအကုန်လုံးကို ကျင့်ကြံအဆင့်တက်ဖို့အတွက် အတားအဆီးကို တိုက်ခိုက်လိုက် "</p> <p style="text-align:justify">ရဲ့ဟိုင် အသံက တန်ဝမ်ဝမ်၏ နားထဲတွင် ပဲ့တင်ထပ်ကာ ထွက်ပေါ်လာသည်။</p> <p style="text-align:justify">တန်ဝမ်ဝမ် ချက်ချင်းပင် ရဲ့ဟိုင်၏ညွှန်ပြချက်ကို လိုက်နာပြီး ထိုစွမ်းအင်များကို အဆင့်တက်ရန်အတွက် အတားအဆီးဆီသို့ လမ်းညွှန်ပေးလိုက်၏။</p> <p style="text-align:justify">အသက်ရှူကြိမ် နှစ်ခါစာအတွင်း တန်ဝမ်ဝမ်၏ ကျင့်ကြံအဆင့်က ကောင်းကင်အမတ အလယ်အလတ်အဆင့်ကို ဖြတ်ကျော်သွားသည်။</p> <p style="text-align:justify">" မရပ်နဲ့ .. အဆင့်ဆက်တက် "</p> <p style="text-align:justify">တန်ဝမ်ဝမ် သူမကျင့်ကြံအဆင့်တက်သွားလို့ ပျော်ရွှင်မှုကို အပြည့်အဝ မခံစားရသေးခင် ရဲ့ဟိုင်၏ အသံက ထပ်မံ၍ ထွက်ပေါ်လာပြန်၏။</p> <p style="text-align:justify">ထို့နောက် ကောင်းကင်အမတနှောင်းပိုင်းအဆင့်...</p> <p style="text-align:justify">" ကောင်းကင်အမတ အထွတ်အထိပ်အဆင့် "</p> <p style="text-align:justify">" ကျောက်စိမ်းအင်မော်တယ်အဆင့် "</p> <p style="text-align:justify">တန်ဝမ်ဝမ်သည် သူမ၏ကျင့်ကြံအဆင့်က ကျောက်စိမ်းအင်မော်တယ်အဆင့်ကို ရောက်ရှိသွားသောအခါ အရေးကြီးသည့် တစ်စုံတစ်ခုကို ရုတ်တရက် သတိရမိသွားသည်။</p> <p style="text-align:justify">" ဂိုဏ်းချုပ်ရဲ့ .. ကျွန်မဒီလိုမျိုး အဆင့်တွေဆက်တိုက်တက်လိုက်တာက အခြေခံအုတ်မြစ်ကို မတည်မငြိမ် ဖြစ်မသွားစေနိုင်ဘူးလား "</p> <p style="text-align:justify">" မင်းအခုချိန်အထိ အဆင့်ဆက်တိုက် တက်ခဲ့တဲ့အချိန်မှာ ကျင့်ကြံရတာ ဘာအနှောင့်အယှက်အခက်အခဲရှိတာကို ခံစားရလို့လဲ "</p> <p style="text-align:justify">ရဲ့ဟိုင်ပြုံးပြီးပြောလိုက်လျှင် တန်ဝမ်ဝမ်၏ မျက်နှာ၌ အံ့အားသင့်မှုများ ထွက်ပေါ်လာ၏။</p> <p style="text-align:justify">တကယ်လဲ သူမ ကျင့်ကြံအဆင့် ဆက်တိုက်တက်လာသော်လည်း ဘာအနှောင့်အယှက် အဟန့်အတားကိုမှ မခံစားရပေ။ အရာအားလုံးက ချောချောမွေ့မွေ့ဖြင့် အဆင့်တက်နေခြင်းဖြစ်သည်။</p> <p style="text-align:justify">" ဘာလို့လဲ "</p> <p style="text-align:justify">သူမတအံ့တဩဖြင့် ပြန်မေးလိုက်၏။</p> <p style="text-align:justify">" ငါ့အထင်တော့ မင်းရဲ့ခန္ဓာကိုယ်ထဲမှာရှိနေတဲ့ ရှေးဉီးဝိညာဥ်က မင်းရဲ့အတိတ်ဘဝဝိညာဥ် ဖြစ်နေတဲ့ပုံပဲ၊ ဒါမှမဟုတ် မင်းရဲ့ခန္ဓာကိုယ်ထဲမှာ မွေးကတည်းက တည်ရှိနေတဲ့ ဝိညာဥ်အကြွင်းအကျန်လဲ ဖြစ်နိုင်တယ် "</p> <p style="text-align:justify">" ဒါပေမဲ့ အဲ့တာတွေက မင်းအတွက်ဘာမှ အရေးမကြီးဘူး၊ အရေးကြီးတာက ဒီရှေးဉီးဝိညာဥ်ဆိုတာ မင်းရဲ့စိတ်ဝိညာဥ်နဲ့ ခန္ဓာကိုယ်ကို လုံးဝလိုက်ဖက်ညီနေတယ်ဆိုတာပဲ "</p> <p style="text-align:justify">" မင်းရဲ့ခန္ဓာကိုယ် ဒီလိုမျိုး သေမလိုဖြစ်သွားရတဲ့ အကြောင်းအရင်းကတော့ အဲ့ဒီရှေးဉီးဝိညာဥ်ရဲ့စွမ်းအားတွေကို ခန္ဓာကိုယ်ဆီ မဖြန့်ကျက်နိုင်လို့ ဖြစ်နေတာ"</p> <p style="text-align:justify">ရဲ့ဟိုင်၏ ရှင်းပြချက်များအားလုံးက တန်ဝမ်ဝမ်ကို အလွန်ပင် အံ့အားသင့်စေသည်။</p> <p style="text-align:justify">" တကယ်တော့ နောက်ထပ်အခြေအနေတစ်ခုရှိသေးတယ်၊ အဲ့တာကတော့ မင်းရဲ့လက်ရှိမိသားစုက မင်းကိုဒီလိုအနေအထား ဖြစ်စေခဲ့တာပဲ၊ ဒီအသက်အရွယ်ထိ မင်းရဲ့ မင်းမိသားစုကမင်းကို ကောင်းကင်အမတ အစောပိုင်းအဆင့်ကိုပဲရောက်အောင်လို့ ထောက်ပံ့ပေးနိုင်စွမ်းပဲ ရှိခဲ့တယ်၊ မင်းသာ ဒီအသက်အရွယ်နဲ့ ကျောက်စိမ်းအင်မော်တယ်အဆင့်ကို ရောက်နေမယ်ဆိုရင် အခုလိုအခြေအနေမျိုး လုံးဝဖြစ်လာမှာမဟုတ်ဘူး၊ အဲ့တာကြောင့် ငါမင်းကိုကူညီပြီးတော့ အဲ့ဒီဝိညာဥ်စွမ်းအင်တွေကို ခန္ဓာကိုယ်ထဲ ဖြန့်ကျက်နိုင်အောင်လို့ လုပ်ပေးလိုက်တာ "</p> <p style="text-align:justify">ရဲ့ဟိုင် ထိုသို့ပြောပြီးသည့်အချိန်တွင် တန်ဝမ်ဝမ်၏ ကျင့်ကြံအဆင့်မှာ ကျောက်စိမ်းအင်မော်တယ် တတိယအဆင့်သို့ပင် ရောက်ရှိနေပြီ၏။</p> <p style="text-align:justify">ထိုအချိန်တွင် ရဲ့ဟိုင်၏ လှုပ်ရှားနေသော လက်ဟန်နည်းစနစ်များအကုန်လုံးက ရပ်တန့်သွားသည်။</p> <p style="text-align:justify">" မင်းအခု ဘယ်လိုခံစားရလဲ "</p> <p style="text-align:justify">ရဲ့ဟိုင် တန်ဝမ်ဝမ်အားကြည့်ကာ ပြုံးပြီးမေးလိုက်၏။</p> <p style="text-align:justify">" အရင်ကလို အဆင်မပြေဖြစ်ပြီး အားနည်းတဲ့ခံစားချက် လုံးဝမခံစားရတော့ဘူး .. ပြီးတော့ အရင်က ထက်လဲ အများကြီးပိုသန်မာလာတယ် "</p> <p style="text-align:justify">တန်ဝမ်ဝမ် သူမ၏ခန္ဓာကိုယ်ကို စစ်ဆေးပြီးနောက် အံ့အားသင့်စွာ ရေရွတ်လိုက်သည်။</p> <p style="text-align:justify">" ငါခုနက လုပ်သလိုပဲ မင်းရှေးဉီးဝိညာဥ်စွမ်းအားတွေကို အမြဲတမ်း ခန္ဓာကိုယ်ကို အဲ့လိုဖြန့်ကျက်ပေး၊ ရှေးဉီးဝိညာဥ်စွမ်းအားအကုန်လုံးကိုသာ ခန္ဓာကိုယ်နဲ့ တစ်သားတည်းပေါင်းစပ်နိုင်သွားပြီဆိုရင် နောက်ဆုံးမှာ မင်း အင်မော်တယ် အရှင်အဆင့်တောင် ရောက်သွားနိုင်မယ်ထင်တယ် "</p> <p style="text-align:justify">ထိုသို့ပြောပြီးသည်နှင့် ရဲ့ဟိုင် တစ်ခဏတာ စဥ်းစားပြီးနောက်...</p> <p style="text-align:justify">" ပြီးရင် ယွမ်ဟန်ဂိုဏ်းက တာဝန်ရှိတဲ့လူကို နာမည်စာရင်းသွားပေးလိုက် .. မင်းကိုသူက ရာထူးတစ်ခု စီစဥ်ပေးလိမ့်မယ် "</p> <p style="text-align:justify">" အမ် .. "</p> <p style="text-align:justify">ငြိမ်၍ နားထောင်နေသော တန်ဝမ်ဝမ်မှာ ရဲ့ဟိုင်၏ နောက်ဆုံးစကားကြောင့် အံ့အားသင့်ပြီး ဆွံ့အသွား၏။</p> <p style="text-align:justify">ရဲ့ဟိုင်သည် သူမ၏ရောဂါကို ကုသပေးရုံသာမက ယွမ်ဟန်ဂိုဏ်းတွင်လည်း ရာထူးတစ်ခု စီစဥ်ပေးမည်ဟု လုံးဝ မမျှော်လင့်ထားပေ။</p> <p style="text-align:justify">" သမီး ဂိုဏ်းချုပ်ကို မြန်မြန်ကျေးဇူးတင်လိုက်လေ "</p> <p style="text-align:justify">တန်ဘိုဟိုင် သူ၏သမီး ထိတ်လန့်တုန်လှုပ်နေသည့် အမူအရာကို သတိပြုမိသောအခါ ကမန်းကတန်းပင် သတိပေးလိုက်သည်။</p> <p style="text-align:justify">ဤအရာက ကြီးမားသော မဟာအခွင့်အရေးကြီးဖြစ်လေ၏။</p> <p style="text-align:justify">ရဲ့ဟိုင် ဆိုသည်မှာ မည်သူဖြစ်သနည်း။</p> <p style="text-align:justify">အနာဂါတ်တွင် အင်မော်တယ်ဘုရင်အဆင့် ဖြစ်လာနိုင်သူပင်။</p> <p style="text-align:justify">ယခုတောင်မှ အရှေ့ပိုင်း ကုန်းမြေတိုက်ကြီး တစ်ခုလုံး၏ သခင်ဟု ဆိုလို့ရသည်။</p> <p style="text-align:justify">တန်ဝမ်ဝမ်သည် အင်မော်တယ်အရှင်အဆင့်သို့ရောက်ရှိရန် အလားအလာရှိသော်လည်း သူမမည်မျှပင် သန်မာပါစေ အင်မော်တယ်ဘုရင်အဆင့်နှင့်တော့ သွားပြီးယှဥ်နိုင်မည်မဟုတ်ချေ။</p> <p style="text-align:justify">အထူးသဖြင့် ပိုပြီးအရေးကြီးသော အရာတစ်ခု ရှိသေး၏။</p> <p style="text-align:justify">တန်ဝမ်ဝမ်က လက်ရှိအချိန်တွင် လူအများ၏ ရှေ့၌ ရှေးဉီးဝိညာဥ်ကို ဖော်ထုတ်ပြခဲ့ခြင်းဖြစ်သည်။ ယွမ်ဟန်ဂိုဏ်း၏ အကာအကွယ် မပါဘဲဖြင့် သူမဆက်လက်၍ ရှင်သန်ဖို့ဆိုတာက မေးခွန်းထုတ်စရာပင်။</p> <p style="text-align:justify">တန်ဝမ်ဝမ်က ထိုအကြောင်းများကို မတွေးမိသော်လည်း တန်ဘိုဟိုင်က မတွေးမိဘူးဟု မဆိုလိုဘူးဖြစ်၏။</p> <p style="text-align:justify">သူမအဖေ၏ အကြည့်ကို မြင်သောအခါ တန်ဝမ်ဝမ် အလျင်အမြန်ပင် ဒူးထောက်လိုက်သည်။</p> <p style="text-align:justify">" ဒီလက်အောက်ငယ်သားက ဂိုဏ်းချုပ်ရဲ့ ချီးမြှင့်မှုကို ကျေးဇူးအထူးတင်ရှိပါတယ်၊ ယနေ့အချိန်ကစပြီး ကျွန်မတန်ဝမ်ဝမ်က ယွမ်ဟန်ဂိုဏ်းကို သေတဲ့အထိ သစ္စာရှိသွားမှာပါ "</p> <p style="text-align:justify">တန်ဝမ်ဝမ်၏ ထိုအမူအရာကိုကြည့်ပြီး ရဲ့ဟိုင် ခေါင်းကိုသာညိတ်ပြလိုက်၏။ တကယ်ဆို တန်ဝမ်ဝမ်လို ပါရမီရှင်တစ်ယောက်ကို သူကယွမ်ဟန်ဂိုဏ်း၏ လက်ရှိအဓိက ပြုစုပျိုးထောင်နေသော အဖွဲ့အစည်းထဲသို့ ထည့်လိုက်လို့ရသည်။</p> <p style="text-align:justify">သို့သော် လူတိုင်းက ယွမ်ဟန်ဂိုဏ်း၏ အဓိကပြုစုပျိုးထောင်ခြင်းကို ခံရရန်အတွက် အရည်အချင်း မပြည့်မီချေ။</p> <p style="text-align:justify">" ကောင်းပြီ မင်းတို့နှစ်ယောက် ဒီနေရာမှာပဲ ထိုင်ခုံတစ်ခုရှာပြီး ထိုင်လိုက်ကြ "</p> <p style="text-align:justify">တန်ဘိုဟိုင်နှင့် တန်ဝမ်ဝမ်တို့ နှစ်ယောက်လုံး ချက်ချင်းပင် မဟာအကြီးအကဲချင်၏ ဘေးနားရှိ လွတ်နေသော ထိုင်ခုံနှစ်လုံးကိုယူကာ ထိုင်လိုက်ကြလေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save