Book List

<h2 style="text-align: center;">အပိုင်း - ( ၁၃၈၇ )</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">" ရဲ့ဟိုင် အဲ့တာက တော်တော်လေး ဒဏ်ရာရပျက်စီးနေတဲ့ ဘုရင်အဆင့်ဓားတစ်ချောင်းပဲ "</p> <p style="text-align:justify">ထိုအချိန်တွင် ဆေးဘုရင်အိုး၏ ဝိညာဥ်အသံက ရဲ့ဟိုင်၏ နားထဲတွင် ထွက်ပေါ်လာသည်။</p> <p style="text-align:justify">" ဘာ .. သူက တကယ်ကို ဘုရင်အဆင့် ဓားတစ်ချောင်းပေါ့ "</p> <p style="text-align:justify">ရဲ့ဟိုင်မှာ ၎င်းက ဘုရင်အဆင့်လက်နက် ဖြစ်နိုင်သည်ဟု တွေးလိုက်မိသော်လည်း တကယ်ဖြစ်နေမည်ဟု မမျှော်လင့်ထားချေ။</p> <p style="text-align:justify">" ဟုတ်တယ် .. သူက ဘုရင်အဆင့်ဓားတစ်ချောင်းပဲ၊ လက်နက်ဝိညာဥ်တွေက လက်နက်ရဲ့ကိုယ်ထည်နဲ့ အနီးကပ်ဆုံး ချိတ်ဆက်နေတဲ့သူတွေ၊ အဲ့ဒီဓားကိုယ်ထည်က တော်တော်လေးပျက်စီးနေလို့ လက်နက်ဝိညာဥ်ကလဲ ထိခိုက်သွားပြီး စွမ်းအားက ဒီလောက်ပဲရှိတော့တာ "</p> <p style="text-align:justify">ဆေးဘုရင်အိုး၏ ဝိညာဥ်က ရဲ့ဟိုင်အား ချက်ချင်းပင် သွေးနတ်ဆိုးဓားအခြေအနေအား ရှင်းပြလိုက်၏။</p> <p style="text-align:justify">" ဒါပေမဲ့ မင်းထပ်ပြီးတော့ သူ့ကိုဖိအားပေးမယ်ဆိုရင် သူကတော်တော်လေးကို ကြောက်စရာကောင်းတဲ့ စွမ်းအားပမာဏကို ထုတ်လွှတ်လာလိမ့်မယ်၊ အဲ့ဒီစွမ်းအားကိုသာ ထုတ်လွှတ်လာရင် မင်းက အင်မော်တယ်အရှင်အဆင့် ခန္ဓာကိုယ်ကို ပိုင်ဆိုင်ထားရင်တောင်မှ တော်တော်လေးကို ပြင်းထန်တဲ့ဒဏ်ရာ ရရှိသွားဦးမှာပဲ "</p> <p style="text-align:justify">" အဲ့ဒီဓားကို အကြီးအကဲ ကိုင်တွယ်နိုင်လား "</p> <p style="text-align:justify">ရဲ့ဟိုင် ဆေးဘုရင်အိုးကို အလေးအနက် အမူအရာဖြင့် ပြန်မေးလိုက်သည်။</p> <p style="text-align:justify">" ငါဒီကောင့်ကို ချိတ်ပိတ်နိုင်စွမ်းတော့ရှိတယ် .. ဒါပေမဲ့ သတ်တော့ သတ်နိုင်မှာမဟုတ်ဘူး "</p> <p style="text-align:justify">" ဘာလို့လဲ "</p> <p style="text-align:justify">ရဲ့ဟိုင် တအံ့တဩဖြင့် ပြန်မေးလိုက်၏။ ဆေးဘုရင်အိုးကလဲ အကောင်းအတိုင်း ရှိနေသေးသလို ဆေးဘုရင်အိုး၏ ဝိညာဥ်ကလဲ အကောင်းအတိုင်းရှိနေသေးသည်။ ပြောရလျှင် သွေးနတ်ဆိုးဓားထက် ဆေးဘုရင်အိုး၏ ဝိညာဥ်က အများကြီးသန်မာပြီး သာလွန်လေ၏။</p> <p style="text-align:justify">" ဘာလို့လဲဆိုတော့ အဲ့ဒီသွေးနတ်ဆိုးဓားရဲ့ ကိုယ်ထည်ကိုသာ ငါတို့မဖျက်ဆီးနိုင်ဘူးဆိုရင် သူ့ရဲ့လက်နက်ဝိညာဥ်ကိုလည်း သတ်နိုင်မှာမဟုတ်လို့ပဲ၊ ဘုရင်အဆင့် လက်နက်တစ်ချောင်းရဲ့ ကိုယ်ထည်က ပျက်စီးနေရင်တောင် ဖျက်ဆီးဖို့က လွယ်ကူတယ်လို့ မင်းထင်နေလား "</p> <p style="text-align:justify">ထိုစကားကြားလျှင် ရဲ့ဟိုင်မှာ တိတ်ဆိတ်သွားသည်။ ပြောတာလဲ မှန်၏။ သူ၏ လက်ရှိဝှက်ဖဲနှင့် စွမ်းအားနည်းစနစ်အကုန်လုံး အသုံးပြုလျှင်တောင်မှ ဘုရင်အဆင့် လက်နက်တစ်ခု၏ ကိုယ်ထည်ကို ဖျက်ဆီးရန်ဆိုသည်က လုံးဝမဖြစ်နိုင်ပေ။</p> <p style="text-align:justify">" အဲ့တာဆိုလဲ သူ့ကိုချိတ်ပိတ်ရုံပဲ တတ်နိုင်တာပေါ့ "</p> <p style="text-align:justify">" ကောင်းပြီ ငါနဲ့လွှဲထားလိုက် "</p> <p style="text-align:justify">ဆေးဘုရင်အိုး၏ စကားဆုံးသည်နှင့် သွေးနတ်ဆိုးဓား၏ ပတ်ပတ်လည်လေဟာနယ်က ရုတ်တရက် အက်ကွဲသွား၏။ ထို့နောက် သက်ရှိများအားလုံး၏ အထက်တွင် တည်ရှိနေသည့် အရှိန်အဝါနှင့် မြင့်မြတ်သော စွမ်းအင်အလင်းတန်းများက ၎င်းအက်ကွဲကြောင်းထဲမှ ထွက်ပေါ်လာသည်။</p> <p style="text-align:justify">အလွန်ကြီးမားသော ဖိအားကြီးတစ်ခုကလဲ ယွမ်ဟန်ဂိုဏ်းတစ်ခုလုံးကို ပြည့်နှက်သွား၏။</p> <p style="text-align:justify">ထိုဖိအားအောက်တွင် ရဲ့ဟိုင်မှလွဲ၍ ကျင့်ကြံသူများအားလုံး ဒူးထောက်သွားကြသည်။ ထို့နောက် သူတို့အားလုံး၏စိတ်ထဲတွင် ရှိခိုးဦးညွှတ်လိုစိတ်များ ဖြစ်ပေါ်လာ၏။</p> <p style="text-align:justify">လက်ရှိအချိန်တွင် အကုန်လုံး၌ အတွေးတစ်ခုသာ ကျန်ရှိတော့သည်။</p> <p style="text-align:justify">ဤအရာက အရှုံးပေးဆိုသည့် အတွေးပင်။</p> <p style="text-align:justify">ဝူမင်က ထိုမြင်ကွင်းကို အံ့အားသင့်စွာ ကြည့်နေလေသည်။</p> <p style="text-align:justify">" ရဲ့ဟိုင် ဆရာက ယွမ်ဟန်ဂိုဏ်းထဲမှာ ရှိနေတာလား "</p> <p style="text-align:justify">တစ်ဖက်တွင် ရဲ့ဟိုင်ကတော့ သွေးနတ်ဆိုးဓားကို ထိုလေဟာနယ်အက်ကွဲကြောင်းထဲမှ ကြောက်စရာကောင်းသည့် စွမ်းအားတစ်ခုက ဆွဲသွင်းနေသည်အား တည်ငြိမ်စွာကြည့်နေ၏။</p> <p style="text-align:justify">ထို့နောက်ဓားက ပျောက်ကွယ်သွားပြီးနောက် ရဲ့ဟိုင်ကလဲ သူ၏ရပ်နေသောနေရာမှ ဖျတ်ခနဲပျောက်ကွယ်သွားသည်။</p> <p style="text-align:justify">ချက်ချင်းပင် ရဲ့ဟိုင် မိုးကောင်းကင်အင်မော်တယ်နန်းတော်၏ ( 5 ) လွှာသို့ ရောက်ရှိလာ၏။</p> <p style="text-align:justify">ထိုနေရာတွင် ဆေးဘုရင်အိုး၏ ဝိညာဥ်က သွေးနတ်ဆိုးဓားအား နည်းစနစ်မျိုးစုံကို အသုံးပြု၍ ချိတ်ပိတ်နေလေသည်။</p> <p style="text-align:justify">သွေးနတ်ဆိုးဓားသည်လဲ ဆေးဘုရင်အိုးဝိညာဥ်၏ ပိတ်ဆို့ခြင်းကို အသည်းအသန် ရုန်းကန်နေပြီး အထပ်ထပ်အခါခါ ထိုးဖောက်ထွက်ရန်အတွက် ကြိုးစားနေ၏။</p> <p style="text-align:justify">သို့သော် သွေးနတ်ဆိုးဓား မည်မျှပင် အစွမ်းကုန်ကြိုးစားပါစေ သူ၏ကြိုးစားမှုအားလုံးက အချည်းနှီးဖြစ်နေခဲ့သည်။</p> <p style="text-align:justify">" မဟုတ်ဘူး .. ငါတို့နှစ်ယောက်လုံးက ဘုရင်အဆင့် မှော်လက်နက်ရဲ့ ဝိညာဥ်တွေပဲ၊ မင်းကဘာလို့ လူသားကိုကူညီပြီး ကိုယ့်အချင်းချင်းကို ရက်စက်နေရတာလဲ "</p> <p style="text-align:justify">သွေးနတ်ဆိုးဓား၏ ဝိညာဥ်သည် အကြိမ် ( 100 ) ကျော်ခန့် ကြိုးစားပြီးနောက် အလုပ်မဖြစ်တော့လျှင် ဒေါသတကြီးဖြင့် အော်ဟစ်လိုက်၏။</p> <p style="text-align:justify">" ဟမ့် .. ငါက နတ်တစ်ပါးဆိုရင် .. မင်းကနတ်ဆိုးကောင်ပဲ၊ မင်းနဲ့ ငါက တူညီမှုမရှိဘူး "</p> <p style="text-align:justify">ဆေးဘုရင်အိုး၏ ဝိညာဥ် အေးစက်စက်ဖြင့် ပြန်ပြောလိုက်သည်။</p> <p style="text-align:justify">" မဟုတ်ဘူး … ငါတို့လို ဘုရင်အဆင့်မှော်လက်နက်တွေက ကိုယ်ပိုင်အသိဉာဏ်နဲ့ ဝိညာဥ်ကို ပိုင်ဆိုင်ထားတယ်၊ ဘာလို့ ငါတို့က ကိုယ့်ကံကြမ္မာကိုယ် မထိန်းချုပ်နိုင်ရမှာလဲ၊ လူသားတွေရဲ့ ထိန်းချုပ်မှုကို လက်မခံဘဲနဲ့ ငါတို့ဘာသာငါတို့ ရှင်သန်ရပ်တည်နိုင်စွမ်းရှိတယ် "</p> <p style="text-align:justify">သွေးနတ်ဆိုးဓား ဆေးဘုရင်အိုးဝိညာဥ်ကို စွဲဆောင်ဖြားယောင်းလိုက်၏။</p> <p style="text-align:justify">" ဟမ့် .. ငါ့အရှေ့မှာ အဲ့လိုလှည့်ကွက်တွေနဲ့ လာမကစားနဲ့ "</p> <p style="text-align:justify">သို့သော် ဆေးဘုရင်အိုးဝိညာဥ်မှာ သွေးနတ်ဆိုးဓား၏ ပြောစကားများအားလုံးကို လျစ်လျူရှုထားလေသည်။</p> <p style="text-align:justify">" မင်း … ငါ့ကို ဒီ့ထက်ထပ်ပြီး တွန်းအားမပေးဖို့ ငါပြောချင်တယ် .. အခုက အချိန်မှီနေတုန်းပဲ "</p> <p style="text-align:justify">ထိုအချိန်တွင် သွေးနတ်ဆိုးဓား၏ အံကြိတ်ကာပြောလိုက်သောစကားသံက ထွက်ပေါ်လာ၏။ ထို့အတူ ဓားကလဲ တဝှီဝှီဖြင့် တုန်ခါလာခဲ့ပြီး သွေးနီရောင်အလင်းတန်းများက လင်းလက်တောက်ပလာသည်။ ထိုသွေးနီရောင်အလင်းတန်းက မည်မျှတောက်ပသည်ဆိုလျှင် မိုးကောင်းကင်အင်မော်တယ်နန်းတော်၏ ( 5 ) လွှာတစ်ခုလုံးကိုတောင် သွေးရောင်အဖြစ် ပြောင်းလဲသွားစေ၏။</p> <p style="text-align:justify">" ဘာလဲ မင်းရဲ့ဝိညာဥ်အနှစ်သာရကို လောင်ကျွမ်းဖို့ စီစဥ်နေတာလား "</p> <p style="text-align:justify">ဆေးဘုရင်အိုးဝိညာဥ် လှောင်ပြုံးပြုံးလိုက်ပြီး...</p> <p style="text-align:justify">" မင်းတောင် အဲ့လိုလုပ်ရဲရင် .. ငါကလဲ ဘာလို့ ကြောက်နေရမှာတုန်း "</p> <p style="text-align:justify">လက်ရှိအချိန်တွင် ဆေးဘုရင်အိုးမှာ သူ၏အဓိကလက်နက်ကိုယ်ထည်ကလဲ ဤနေရာတွင်ရှိနေပြီး မိမိကိုယ်တိုင်ကလဲ စွမ်းအားအပြည့် အထွတ်အထိပ်အခြေအနေတွင်ရှိသည်။</p> <p style="text-align:justify">အင်မော်တယ်သခင်အဆင့်နီးပါးသို့ ကျဆင်းနေသော သွေးနတ်ဆိုးဓား၏ဝိညာဥ်ကို မည်ကဲ့သို့ ကြောက်ရမည်နည်း။</p> <p style="text-align:justify">" ကောင်းတယ် .. ကောင်းတယ် .. မင်းကမကြောက်မှတော့ ငါကလဲ တကယ့်ပျက်စီးမှုဆိုတာ ဘာလဲ ပြရသေးတာပေါ့၊ ငါသေရင်တောင်မှ မင်းလဲ အကောင်းတိုင်း ကျန်ခဲ့မယ် မထင်နဲ့ "</p> <p style="text-align:justify">ချက်ချင်းပင် သွေးနတ်ဆိုးဓားသည် သူ၏ဝိညာဥ်အနှစ်သာရစွမ်းအားကို ပြတ်ပြတ်သားသားပင် လောင်ကျွမ်းပလိုက်လေ၏။</p> <p style="text-align:justify">အုန်းခနဲ သွေးစွမ်းအားများက အလုံးလိုက်အရင်းလိုက် ပေါက်ကွဲထွက်လာပြီး ဓားမှထွက်ပေါ်နေသည့် သွေးနီရောင်အလင်းတန်းက ပို၍ပင် နီရဲတောက်လာသည်။</p> <p style="text-align:justify">ထိုသွေးနီရောင်အလင်းတန်းသည် အရပ်မျက်နှာအနှံ့ကိုဖျက်ဆီးပြီး ( 5 ) လွှာတွင်ရှိနေသော တောင်များကို အမှုန့်ကြိတ်ပစ်ကာ ရေများကို အငွေ့ပျံသွားစေ၏။</p> <p style="text-align:justify">ဆေးဘုရင်အိုး၏ ဝိညာဥ်သည် မှော်ဆေးအလင်းတန်းများကို ထုတ်လွှတ်ကာ ၎င်းသွေးစွမ်းအင်များကို တည်ငြိမ်စွာဖြင့် တုံ့ပြန်သည်။</p> <p style="text-align:justify">" မဟုတ်သေးဘူး .. ဒီကောင်က တကယ်ကြီး သူ့ကိုယ်သူ သတ်သေဖို့ ကြိုးစားနေတာလား .. အဲ့လိုဆိုရင် ငါလဲ တကယ်မလွယ်တော့ဘူး "</p> <p style="text-align:justify">ဆေးဘုရင်အိုး၏ ဝိညာဥ်သည် အချိန်အတော်ကြာသည်အထိ သွေးနတ်ဆိုးဓားက သူ၏ဝိညာဥ်အနှစ်သာရ စွမ်းအားများကို ဆက်တိုက်လောင်ကျွမ်းနေသည်အား တွေ့သောအခါ မျက်မှောင်ကုပ်၍ ရေရွတ်လိုက်၏။</p> <p style="text-align:justify">" စိတ်မပူနဲ့ .. သူ့တိုက်ခိုက်မှုကိုသာ ထိန်းထား၊ ဒီကောင် အားနည်းသွားအောင်လို့ ငါကူညီပေးမယ် "</p> <p style="text-align:justify">ရဲ့ဟိုင် ဝင်ပြောလိုက်ခြင်းပင်။</p> <p style="text-align:justify">" မင်းကလား … "</p> <p style="text-align:justify">ဆေးဘုရင်အိုး၏ဝိညာဥ် တအံ့တဩဖြစ်သွားပြီး ရဲ့ဟိုင်ကို သံသယများနှင့်အတူ ကြည့်လိုက်၏။</p> <p style="text-align:justify">သူသံသယဖြစ်သည်ကလဲ ပုံမှန်ပင်။ လက်ရှိအချိန်တွင် သွေးနတ်ဆိုးဓားက ၎င်း၏ဝိညာဥ်အနှစ်သာရကို လောင်ကျွမ်းပြီးနောက် အင်မော်တယ်ဘုရင်တစ်ပါး၏ စွမ်းအားကို ခဏတာပိုင်ဆိုင်နေပြီဖြစ်သည်။</p> <p style="text-align:justify">ရဲ့ဟိုင်၏ ခန္ဓာကိုယ်က သန်မာသည်ဆိုသော်လည်း အင်မော်တယ်ဘုရင်အဆင့် ခန္ဓာကိုယ်တော့ မရှိသေးပေ။ သူကမည်ကဲ့သို့ ကူညီပေးနိုင်မည်နည်း။</p> <p style="text-align:justify">သို့သော်လည်း ထိုအချိန်တွင် ဆေးဘုရင်အိုး၏ ဝိညာဥ်သည် ရဲ့ဟိုင်၏ ခန္ဓာကိုယ်မှ အဆုံးမဲ့သော အလင်းတန်းများ ဖြာထွက်လာသည်ကို အံ့အားသင့်စွာ တွေ့လိုက်ရ၏။</p> <p style="text-align:justify">၎င်းအလင်းတန်းက ကမ္ဘာပေါ်တွင် အမြင့်မြတ်ဆုံး အလင်းတန်းဖြစ်ပြီး တုနှိုင်းမဲ့သော အရှိန်အဝါကို ပိုင်ဆိုင်ထားသည်။</p> <p style="text-align:justify">နတ်အလင်းက ရဲ့ဟိုင်၏ ခန္ဓာကိုယ်မှ ထွက်ပေါ်လာသည်နှင့် ချက်ချင်းပင် သွေးနတ်ဆိုး ဓားကိုယ်ထည်ထဲမှ နာကျင်စွာ အော်ဟစ်သံများက ထွက်ပေါ်လာလေ၏။</p> <p style="text-align:justify">" မဟုတ်ဘူး … အဲ့တာဘာကြီးလဲ နာတယ် .. ဝေးဝေးကိုသွားစမ်း "</p> <p style="text-align:justify">သွေးနတ်ဆိုးဓား၏ ဝိညာဥ် ကြောက်လန့်စွာဖြင့် အော်ဟစ်လိုက်သည်။</p> <p style="text-align:justify">တစ်ဖက်တွင် ဆေးဘုရင်အိုး၏ ဝိညာဥ်ကတော့ ၎င်းမြင်ကွင်းကိုကြည့်ပြီး ဟက်ဟက်ပက်ပက် ရယ်မောတော့၏။</p> <p style="text-align:justify">" ဟား .. ဟား .. ကောင်းတယ်၊ ရဲ့ဟိုင် ကြည့်ရတာ နတ်အလင်းတန်းက ဒီကောင့်အပေါ်မှာ တော်တော်လေးသက်ရောက်မှုရှိပုံပဲ "</p> <p style="text-align:justify">ရဲ့ဟိုင်ပြုံးလိုက်ပြီး သူ၏နတ်အလင်းတန်းကို စွမ်းအားအကုန် ထုတ်သုံးလိုက်လျှင် တစ်ဖက်၌ သွေးနတ်ဆိုးဓားကလဲ နတ်အလင်းတန်းကြောင့် အလွန်နာကျင်လာသဖြင့် ဒေါသတကြီး သူ၏အနှစ်သာရကို ပိုမိုလောင်ကျွမ်းကာ တိုက်ခိုက်လေသည်။</p> <p style="text-align:justify">" ရဲ့ဟိုင် .. သတိထား .. ဒီကောင်စွမ်းအားအကုန် ထုတ်သုံးတော့မယ် "</p> <p style="text-align:justify">ထိုကဲ့သို့ သွေးနတ်ဆိုးဓားမှ ပြောင်းလဲမှုကို တွေ့သောအခါ ဆေးဘုရင်အိုး၏ဝိညာဥ် လေးနက်သော အမူအရာဖြင့် ပြောလိုက်၏။</p> <p style="text-align:justify">သွေးနတ်ဆိုးဓားသာ လုံးဝရူးသွပ်သွားမည်ဆိုလျှင် သူတောင်မှ တော်တော်လေးကို ပေးဆပ်ရမည်ဆိုတာကို ဆေးဘုရင်အိုး၏ ဝိညာဥ် နားလည်လေသည်။</p> <p style="text-align:justify">ရဲ့ဟိုင်သည် ဆေးဘုရင်အိုး၏ဝိညာဥ်မှာ သွေးနတ်ဆိုးဓား၏ စွမ်းအားအကုန်ထုတ်သုံးမှုကို ကောင်းကောင်းထိန်းသိမ်းနိုင်သည်ဟု ယုံကြည်၏။ သို့သော် ပြဿနာက ဆေးဘုရင်အိုး၏ ဝိညာဥ်ကလဲ ၎င်းအနှစ်သာရစွမ်းအား တော်တော်ကုန်ဆုံးသွားနိုင်ဖွယ်ရှိသည်။</p> <p style="text-align:justify">ရဲ့ဟိုင် တုန့်ဆိုင်းမနေတော့ပဲ အတွေးတစ်ချက်တည်းဖြင့် အချိန်စွမ်းအားကို တိုက်ရိုက်ပင် ထုတ်သုံးလိုက်၏။</p> <p style="text-align:justify">လက်ရှိအချိန်တွင် သူ၏ကျင့်ကြံအဆင့်က ရွှေအင်မော်တယ်အဆင့် ( 24 ) သို့ ရောက်ရှိနေပြီဖြစ်သည်။ ထို့ကြောင့် ရဲ့ဟိုင် သူ၏ကျင့်ကြံအဆင့်ကို ရွှေအင်မော်တယ်အဆင့် ( 27 ) အထိ ဆက်တိုက်မြှင့်တင်ရန်အတွက် ပြင်ဆင်လိုက်၏။ </p> <p style="text-align:justify">အကြောင်းအရင်းကတော့ သူ၏ကျင့်ကြံအဆင့် တိုးလာသည်နှင့်အမျှ ခန္ဓာကိုယ်က ထုတ်လွှတ်နိုင်သော နတ်အလင်း၏ စွမ်းအားကလဲ ပိုမို၍တိုးလာမည်ဖြစ်သောကြောင့်ပင်။</p> <p style="text-align:justify">ဤသို့ဖြင့် ရဲ့ဟိုင်၏ခန္ဓာကိုယ်မှ အရှိန်အဝါက ဆက်တိုက်တိုးတက်လာပြီး အဆင့်တက်လာသည်နှင့်အမျှ ခန္ဓာကိုယ်မှ ထုတ်ဖော်နေသော နတ်အလင်းတန်းကလဲ ယခင်ကထက် သိသိသာသာ ပို၍အားကောင်းလာလေသည်။</p> <p style="text-align:justify">ထိုအခြေအနေက ဆေးဘုရင်အိုး ဝိညာဥ်၏ မျက်လုံးကို အရောင်များ လင်းလက်တောက်ပလာစေ၏။</p> <p style="text-align:justify">" ဟား .. ဟား ကောင်းတယ်၊ ကောင်လေး မင်းသူ့ကို အဲ့လိုသာ အဆက်မပြတ်ဖိအားပေးနေ .. ကျန်တာငါ့တာဝန်ထားလိုက် " </p> <p style="text-align:justify">ဆေးဘုရင်အိုး၏ ဝိညာဥ် ဝမ်းသာအားရဖြင့် သွေးနတ်ဆိုးဓား၏ ပိုပြင်းထန်လာသော တန်ပြန်တိုက်ခိုက်မှုများကို စွမ်းအားကုန်ထုတ်ကာ အကြိမ်ကြိမ် အခါခါ ရပ်တန့်ပြီး ပိတ်ဆို့လိုက်လေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save