Book List

<h2 style="text-align: center;">အပိုင်း - ( ၁၃၈၉ )</h2> <h2 style="text-align: center;">*</h2> <p> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">" အနှစ်သာရကိုးမျိုးဝိုင်ဆိုတာက ဝိုင်နယ်မြေမှာ အနှစ် ( 100 ) မှ တစ်အိုး ထုတ်လုပ်နိုင်တာမလား၊ လက်ရှိ ဧည့်ခံထားတဲ့ အရေအတွက်နဲ့ဆိုရင် အိုးရာနဲ့ ချီရှိမှာပဲ၊ ဝိုင်နယ်မြေက ယွမ်ဟန်ဂိုဏ်းအတွက် တော်တော်လေးကို ရင်းနှီးထားတယ်လို့ဆိုရမယ် "</p> <p style="text-align:justify">" ဟမ့် .. ယွမ်ဟန်ဂိုဏ်းက ဝိုင်နယ်မြေနဲ့ ထိစပ်နေတာလေ ယွမ်ဟန်ဂိုဏ်းသာ တောင်းဆိုမယ်ဆိုရင် ဝိုင်နယ်မြေက ငြင်းရဲမယ်ထင်လား၊ သူတို့သာ ငြင်းလိုက်တာနဲ့ အကုန်လုံး တစ်ခါတည်း မျိုးဖြုတ်ခြင်းခံရလိမ့်မယ် "</p> <p style="text-align:justify">" အနှစ်သာရကိုးမျိုးဝိုင် "</p> <p style="text-align:justify">" နှစ်ပေါင်းများစွာအတွင်း ငါဒီဝိုင်ကို တစ်ခွက်ပဲသောက်ဖူးခဲ့တာ .. အခုတော့ အလကား အများကြီးသောက်ရပြီ "</p> <p style="text-align:justify">" အနှစ်သာရကိုးမျိုးဝိုင်ဆိုတာက မတူညီတဲ့ အင်မော်တယ်သစ်သီး ( 9 ) မျိုးနဲ့ ပြုလုပ်ထားပြီး နှစ်ပေါင်း ( 100 ) တိတိ ထားရတဲ့ဝိုင်ပဲ၊ အင်မော်တယ်သစ်သီး ( 9 ) မျိုးလုံးမှာ ထူးကဲတဲ့ဂုဏ်သတ္တိရှိတာဆိုတော့ သူတို့ရဲ့ပေါင်းစပ်မှုက အရမ်းကိုမွှေးတဲ့ရနံ့နဲ့ ကောင်းမွန်တဲ့အရသာကို ဖန်တီးပေးတယ်လေ "</p> <p style="text-align:justify">" ပိုပြီးအရေးကြီးတာ အနှစ်သာရကိုးမျိုးဝိုင်က လူတစ်ယောက်ရဲ့ ကျင့်ကြံအဆင့်ကို တိုးတက်စေနိုင်စွမ်းရှိတာပဲ၊ မြေအမတအဆင့် ကျင့်ကြံသူတွေက အဆင့် ( 3 ) ဆင့်လောက်ကို ဆက်တိုက်တိုးတက်နိုင်ပြီး .. ကောင်းကင်အမတအဆင့် ကျင့်ကြံသူတွေကတော့ အဆင့် ( 2 ) ဆင့်လောက်ကို မြှင့်တင်နိုင်တယ်၊ ကျောက်စိမ်းအင်မော်တယ်အဆင့်တွေတောင်မှ အဆင့်တစ်ခုကို မြှင့်တင်နိုင်စွမ်းရှိတယ်တဲ့ "</p> <p style="text-align:justify">" မင်းက လက်ထဲမှာကိုင်ထားတဲ့ ဝိုင်ကိုပဲ ဂရုစိုက်မနေနဲ့ .. မင်းအရှေ့မှာရှိနေတဲ့ အင်မော်တယ်သစ်သီးတွေကိုကော သတိမထားမိဘူးလား "</p> <p style="text-align:justify">" သောက်ချီး .. ဒါတွေက ဝိညာဥ် အင်မော်တယ် သစ်သီးတွေမလား "</p> <p style="text-align:justify">" ဝိညာဥ် အင်မော်တယ် သစ်သီးဆိုတာက စိတ်ဝိညာဥ်ကို မြှင့်တင်ပေးနိုင်တဲ့ ရှားပါးအင်မော်တယ်သစ်သီးတွေပဲ၊ ဘာလို့ဆို ကျင့်ကြံအဆင့်တစ်ခု မြှင့်တင်နိုင်တာထက် စိတ်ဝိညာဥ်ကို နည်းနည်းတိုးတက်သွားစေတာက ပိုပြီးတော့ လူတိုင်းအတွက် အကျိုးရှိတယ်လေ "</p> <p style="text-align:justify">" ခုနက ရဲ့ဟိုင်ကို ပေးခဲ့တဲ့လက်ဆောင်တွေ အရမ်းကိုရက်ရောလွန်းတယ်လို့ ငါထင်ခဲ့ပေမဲ့ .. အခုတော့ ရဲ့ဟိုင်က ပိုပြီးဘယ်လောက်ရက်ရောလဲဆိုတာကို ကောင်းကောင်းနားလည်သွားပြီ၊ ဒီလိုမျိုး ခမ်းနားကြီးကြယ်တဲ့ပွဲမျိုးကို ငါနောက်တစ်ခါထပ်ပြီးတော့ တက်ဖူးမှာမဟုတ်တော့ဘူး "</p> <p style="text-align:justify">" ဟုတ်တယ် မင်းပြောတာအမှန်ပဲ "</p> <p style="text-align:justify">ထိုအချိန်တွင် ဓာတ်ကြီးငါးပါးဓားဂိုဏ်း၏ ဓားဘုရင်က သူတို့စားပွဲဝိုင်းရှိရာသို့ ချဥ်းကပ်လာသော ရဲ့ဟိုင်ကိုကြည့်ပြီး မျက်နှာတွင် စိတ်လှုပ်ရှားမှုများ ပြည့်နှက်လာ၏။</p> <p style="text-align:justify">" ဓားဘုရင် "</p> <p style="text-align:justify">ရဲ့ဟိုင် ဓာတ်ကြီးငါးပါးဂိုဏ်း၏ စားပွဲသို့ရောက်သောအခါ ပြုံး၍နှုတ်ဆက်လိုက်သည်။</p> <p style="text-align:justify">" ရဲ့ဂိုဏ်းချုပ် "</p> <p style="text-align:justify">ဓားဘုရင်ကလဲ မတ်တပ်ရပ်ကာ တလေးတစားဖြင့် ပြန်နှုတ်ဆက်လိုက်၏။</p> <p style="text-align:justify">ရှုကျန်းယီ ရဲ့ဟိုင်အခြေအနေကို ပြောပြသည့်အချိန်တည်းက ဓားဘုရင်မှာ ရဲ့ဟိုင်အား သေချာစုံစမ်း စောင့်ကြည့်နေခဲ့ခြင်းဖြစ်သည်။ အောက်ကမ္ဘာတွင် သူတွေ့ခဲ့ပြီး အမွေအနှစ်ပေးခဲ့သောရဲ့ဟိုင်က အချိန်တိုအတွင်း ဤကဲ့သို့အဆင့်ထိ ရောက်ရှိလာမည်ဟု လုံးဝမထင်ထားခဲ့ပေ။</p> <p style="text-align:justify">ရှုကျန်းယီက ရဲ့ဟိုင်ကို ဓာတ်ကြီးငါးပါးဓားဂိုဏ်းသို့ ဝင်ရောက်စေရန်အတွက် ပြောဆိုလာသည့်အချိန်တွင် သူကလဲ ရဲ့ဟိုင်အား အခွင့်အရေး ကြီးကြီးမားမားပေးရန် ရည်ရွယ်ထားခဲ့၏။</p> <p style="text-align:justify">ထိုအခွင့်အရေးက ရှုကျန်းယီကဲ့သို့ လူငယ်ဂိုဏ်းသခင်များအတွက်သာ ရနိုင်သည့် အခွင့်အရေးများဖြစ်သည်။</p> <p style="text-align:justify">သို့သော် လက်ရှိအခြေအနေအရ ဆိုလျှင် ရဲ့ဟိုင်က ဓာတ်ကြီးငါးပါးဓားဂိုဏ်း၏ အခွင့်အရေးများကို လုံးဝစဥ်းစားတော့မည် မဟုတ်ချေ။</p> <p style="text-align:justify">" ညီအစ်ကိုရှု "</p> <p style="text-align:justify">ရဲ့ဟိုင် ဓားဘုရင်၏ဘေးနားတွင်ထိုင်နေသော ရှုကျန်းယီအားကြည့်ကာ ပြုံး၍နှုတ်ဆက်လိုက်၏။</p> <p style="text-align:justify">" ညီအစ်ကိုရဲ့ "</p> <p style="text-align:justify">ရှုကျန်းယီကလဲ တလေးတစားပင် ပြန်နှုတ်ဆက်လိုက်သည်။</p> <p style="text-align:justify">သို့သော် ရှူကျန်းယီ၏မျက်လုံးထဲတွင် ထိတ်လန့်တုန်လှုပ်မှုအချို့က ရှိနေဆဲပင်။ အချိန်ကြာလာသည်နှင့်အမျှ ရဲ့ဟိုင်နှင့်သူ့အကြားကွာဟချက်က ပိုပို၍ကြီးလာပြီး ရဲ့ဟိုင်မှာ သူလုံးဝလိုက်မမီနိုင်သည့်အဆင့်သို့ ရောက်ရှိနေပြီဆိုတာကို နားလည်၏။</p> <p style="text-align:justify">ဓားဘုရင်သည် ရဲ့ဟိုင်အား ဂုဏ်ပြုစကားအချို့ပြောပြီးနောက် ...</p> <p style="text-align:justify">" ဒါနဲ့ ရဲ့ဂိုဏ်းချုပ် ဘယ်အချိန်လောက်အားမလဲဆိုတာ သိလို့ရမလား "</p> <p style="text-align:justify">" ဘာလဲ ဓာတ်ကြီးငါးပါးဂိုဏ်းကို ဖိတ်မလို့လား "</p> <p style="text-align:justify">" ဟုတ်ပါတယ် "</p> <p style="text-align:justify">" ကျွန်တော် အင်မော်တယ်တရားရုံးကိုမသွားခင် ဓာတ်ကြီးငါးပါးဂိုဏ်းဆီလာခဲ့မယ် "</p> <p style="text-align:justify">ရဲ့ဟိုင် တစ်ခဏစဥ်းစားပြီးနောက် ဓားဘုရင်အား ကတိပေးလိုက်သည်။</p> <p style="text-align:justify">သူသည် အောက်ကမ္ဘာတွင် ဓာတ်ကြီးငါးပါးဓားသိုင်းကို သင်ယူခဲ့ပြီး ကျင့်ကြံရေးလမ်းကြောင်းတွင်လည်း တော်တော်လေးကို အထောက်အကူဖြစ်စေခဲ့၏။ ထို့ကြောင့် ဓာတ်ကြီးငါးပါးဓားဂိုဏ်းသို့ သူသွားရောက်လည်ပတ်သည်က လုပ်ကိုလုပ်ရမည့်အရာတစ်ခုပင်။</p> <p style="text-align:justify">ဤသို့ဖြင့် ယွမ်ဟန်ဂိုဏ်းတည်ထောင်ပွဲက သုံးရက်သုံးညတိတိ ကြာမြင့်ခဲ့လေသည်။</p> <p style="text-align:justify">ဤသုံးရက်အတွင်း ယွမ်ဟန်ဂိုဏ်းသည် အခမ်းအနားကို တက်ရောက်လာသော လူများအကုန်လုံးကို အင်မော်တယ်အစားအစာများ အလုံအလောက် ထောက်ပံ့ပေးခဲ့၏။</p> <p style="text-align:justify">ဤသို့ဖြင့် ကျင့်ကြံသူများ ပြန်ပြီးတော့ ထွက်ခွာသွားပြီးနောက်တွင် ရဲ့ဟိုင်က ကြေညာချက်တစ်ခုကို ထုတ်ပြန်ခဲ့သည်။</p> <p style="text-align:justify">၎င်းကြေညာချက်မှာ ယွမ်ဟန်ဂိုဏ်းတွင် ကျား နှင့် ဝံပုလွေ ဌာနခွဲတစ်ခုကို တည်ထောင်ပြီး တပည့်တစ်သိန်းတိတိကို သူကိုယ်တိုင်လေ့ကျင့်ပေးမည်ဆိုသော ကြေညာချက်ဖြစ်၏။</p> <p style="text-align:justify">ထိုသတင်းပျံ့နှံ့သွားသည်နှင့် အရပ်လေးမျက်နှာမှ ကျင့်ကြံသူများအားလုံး ရုတ်ရုတ်သဲသဲ ဖြစ်သွားကြသည်။</p> <p style="text-align:justify">ရဲ့ဟိုင်ဆိုသည်မှာ မည်သူဖြစ်သနည်း။</p> <p style="text-align:justify">သူက အနာဂါတ်တွင် အင်မော်တယ်ဘုရင်ဘွဲ့ကို ရယူရန် အလားအလာ အရှိဆုံးသူပင်။ သူ၏ကိုယ်တိုင်သင်ကြားမှုကို လက်ခံရသောသူများ အကုန်လုံးက အနာဂါတ်တွင် ရဲ့ဟိုင် အင်မော်တယ်ဘုရင်ဖြစ်သွားသည်နှင့် သူတို့အကုန်လုံးကလဲ ဘုရင်တစ်ပါး၏ တပည့်များဖြစ်လာပေမည်။</p> <p style="text-align:justify">ချက်ချင်းပင် သန်းနှင့်ချီသော ကျင့်ကြံသူများက ယွမ်ဟန်ဂိုဏ်းသို့ စုပြုံရောက်ရှိလာပြီး အရေအတွက်ကလဲ တစ်နေ့ထက်တစ်နေ့ ပိုမိုများပြားလာခဲ့သည်။</p> <p style="text-align:justify">ယွမ်ဟန်ဂိုဏ်း၏ ထောက်လှမ်းရေးခန်းမသည်  ထိုတပည့်များ၏ အထောက်အထားများကို စစ်ဆေးရန် တာဝန်ယူထားလေ၏။</p> <p style="text-align:justify">ရဲ့ဟိုင်သည် တပည့်တစ်သိန်းကိုလက်ခံရာတွင် အရှေ့ပိုင်းကုန်းမြေတိုက်ကြီး၏ အရှေ့၊ အနောက်၊ တောင်၊ မြောက် နယ်မြေလေးခုမှ တပည့်များကိုသာ လက်ခံမည်ဟု အလေးပေးကာ ပြောကြားခဲ့သည်။ အခြားနယ်မြေမှလူများ ရောက်ရှိလာလျှင် သူကလက်ခံမည်မဟုတ်ချေ။</p> <p style="text-align:justify">သို့သော်လည်း သူသင်ကြားပေးမည့် တပည့်တစ်သိန်းကြားထဲတွင် အခြားနယ်မြေတွေနှင့် ဂိုဏ်းများ၏ သူလျှိုများ ရှိနေမည်ဆိုတာကိုတော့ ရဲ့ဟိုင်ကောင်းကောင်းသိ၏။</p> <p style="text-align:justify">သို့သော် သူစိတ်ဝင်စားခြင်းမရှိပေ။</p> <p style="text-align:justify">ဤအရာက မည်သည့်ဂိုဏ်းအတွက်ဆို ရှောင်လွှဲ၍မရသော အရာပင်ဖြစ်သည်။</p> <p style="text-align:justify">ထို့နောက် ရဲ့ဟိုင်သည် တပည့်တစ်သိန်းကို သေချာရွေးချယ်ပြီးနောက် သူတို့ကိုကျင့်ကြံပေးရန်အတွက် အင်မော်တယ်နန်းတော်ဆီသို့ တိုက်ရိုက်ပင် ခေါ်ဆောင်သွားခဲ့၏။</p> <p style="text-align:justify">အင်မော်တယ်နန်းတော်၏ ပထမအဆင့်က ကျင့်ကြံနှုန်းကို ပြင်ပကမ္ဘာထက် ( 5 ) ဆပို၍မြန်စေပြီး ဒုတိယအဆင့်ကတော့ ( 4 ) ဆမြန်ဆန်စေကာ တတိယအဆင့်က ( 3 ) ဆမြန်ပြီး စတုတ္ထအဆင့်ကတော့ ( 2 ) ဆဖြစ်သည်။ ( 5 ) လွှာကတော့ တစ်ဆခွဲတိတိ ပြင်ပကမ္ဘာထက် ကျင့်ကြံအဆင့် အမြန်နှုန်းကို တိုးမြှင့်ပေးနိုင်စွမ်းရှိ၏။</p> <p style="text-align:justify">ရဲ့ဟိုင် ထိုတပည့်တစ်သိန်းထဲတွင် လူတိုင်း၏ ကျင့်ကြံအဆင့်အလိုက် မိုးကောင်းကင်အင်မော်တယ်နန်းတော်၏ အလွှာများကို ခွဲခြားကာ သတ်မှတ်ပေးခဲ့သည်။</p> <p style="text-align:justify">မိုးကောင်းကင် အင်မော်တယ်နန်းတော်သည် တစ်ပြိုင်နက်တည်း ကျင့်ကြံသူတစ်သိန်းကို လေ့ကျင့်ပေးရန်အတွက် နေရာမရှိသော်လည်း ရဲ့ဟိုင်နှင့် ဝမ်ညီအစ်ကိုတို့၏ ကြိုးစားမှုအောက်တွင် မိုးကောင်းကင် အင်မော်တယ်နန်းတော်၏ အတွင်းလေဟာနယ်က တော်တော်လေးကို ကြီးမားအောင် ချဲ့ထွင်ထားနိုင်ပြီဖြစ်၏။ ယခုအချိန်တွင် ၎င်းက တစ်သိန်းသာမက တစ်သန်းအထိပါ ကျင့်ကြံသူများကို ထည့်သွင်း၍ လေ့ကျင့်ပေးနိုင်စွမ်းရှိသည်။</p> <p style="text-align:justify">ထိုကျင့်ကြံသူ တစ်သိန်းကို မိုးကောင်းကင်အင်မော်တယ်နန်းတော်ထဲတွင် လေ့ကျင့်ပေးနေသည့်အချိန်၌ ခွန်ယင်းအာကလဲ မိုးကောင်းကင်အင်မော်တယ် နန်းတော်ထဲတွင် ကျင့်ကြံရန် ယွမ်ဟန်ဂိုဏ်းမှ ထူးချွန်သော ပါရမီရှင်တပည့်များကို ပို့ပေးခဲ့၏။</p> <p style="text-align:justify">ထိုလုပ်ရပ်က ရဲ့ဟိုင်သည် မိုးကောင်းကင်အင်မော်တယ်နန်းတော်ကို လူတိုင်းသိအောင်လို့ ထုတ်ပြလာခြင်းနှင့် တူညီနေသည်။ ရဲ့ဟိုင်ကလဲ အစောကြီးကတည်းက မိုးကောင်းကင်အင်မော်တယ်နန်းတော်ကို ဆက်လက်၍ ဖုံးကွယ်ထားရန် အစီအစဥ် မရှိတော့ချေ။</p> <p style="text-align:justify">" မိုးကောင်းကင် အင်မော်တယ်နန်းတော် "</p> <p style="text-align:justify">" ရဲ့ဟိုင်မှာ ကျင့်ကြံအဆင့် မြှင့်တင်ပေးနိုင်တဲ့ အဲ့လိုအင်မော်တယ်နန်းတော်တစ်ခု တကယ်ရှိနေတာလား "</p> <p style="text-align:justify">" ဒီလိုအင်မော်တယ်နန်းတော်နဲ့ဆိုရင် ယွမ်ဟန်ဂိုဏ်းက အင်အားမကြီးလာမှပဲ ထူးဆန်းနေလိမ့်မယ် "</p> <p style="text-align:justify">" အကုန်လုံးပဲ စောင့်ကြည့်နေကြ .. ယွမ်ဟန်ဂိုဏ်း ထပ်ပြီးတော့ နယ်မြေချဲ့ထွင်ဖို့က သိပ်ကြာတော့မှာမဟုတ်ဘူး "</p> <p style="text-align:justify">ကျင့်ကြံသူများ စိုးရိမ်နေကြသည့်အတိုင်းပင် ခွန်ယင်းအာ၏ ဦးဆောင်မှုအောက်တွင် ယွမ်ဟန်ဂိုဏ်း၏ စစ်တပ်က အရှေ့၊ အနောက်၊ တောင်၊ မြောက်ရှိ နယ်မြေပေါင်း မြောက်များစွာကို ဆက်လက်၍ ပေါင်းစည်းကာ သိမ်းပိုက်ခဲ့၏။</p> <p style="text-align:justify">ရဲ့ဟိုင်ကတော့ ပြင်ပကမ္ဘာမှ အရာအားလုံးကို လျစ်လျူရှုထားပြီး မိုးကောင်းကင်အင်မော်တယ်နန်းတော်ထဲ၌ တပည့်များကိုသာ လေ့ကျင့်သင်ကြားပေးနေလေသည်။</p> <p style="text-align:justify">တစ်နှစ်ကြာသွား၏။</p> <p style="text-align:justify">နှစ်နှစ်ကြာသွားသည်။</p> <p style="text-align:justify">သုံးနှစ်ကြာသွား၏။</p> <p style="text-align:justify">သုံးနှစ်ကြာပြီးနောက်တွင် ရဲ့ဟိုင်သည် ယွမ်ဟန်ဂိုဏ်း၏ ခေါင်းဆောင်နှင့် အကြီးအကဲများအားလုံးကို အစည်းအဝေးခန်းမသို့ ခေါ်ဆောင်လိုက်လေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save