Book List

<h2 style="text-align: center;">အပိုင်း - ( ၁၃၉၀ )</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">ခွန်ယင်းအာနှင့် ကျန်သူများအားလုံး ရောက်ရှိလာပြီးနောက် ရဲ့ဟိုင်၏ အနားတွင်ရပ်နေသော အလွန်လှပသည့် မိန်းကလေးတစ်ယောက်ကို တွေ့လိုက်ရ၏။</p> <p style="text-align:justify">ထိုမိန်းကလေးမှာ စိမ်းပြာရောင်ဝတ်စုံကို ဝတ်ဆင်ထားပြီး တည်ငြိမ်ကာ အေးစက်သည့် အမူအရာကို ပိုင်ဆိုင်ထားသည်။ သို့သော် ရဲ့ဟိုင်ကို သူမ ကြည့်သည့်အကြည့်များထဲတွင်တော့ တွယ်တာမှုနှင့် ချစ်ခင်မြတ်နိုးမှု စသည့်နူးညံ့သည့် အရိပ်အယောင်များ တည်ရှိနေ၏။</p> <p style="text-align:justify">ဂိုဏ်းခေါင်းဆောင်နှင့် အကြီးအကဲများအားလုံး ဆုံသွားသည်ကိုမြင်လျှင် ရဲ့ဟိုင်မှ...</p> <p style="text-align:justify">" ဒီနေ့အားလုံးကို ခေါ်လိုက်ရတာက အဓိကကြေညာစရာသုံးခုရှိလို့လဲ "</p> <p style="text-align:justify">ခဏနားပြီးနောက် ရဲ့ဟိုင်ဆက်ပြီး...</p> <p style="text-align:justify">" ပထမအချက်ကတော့ ဝူမင်က ယွမ်ဟန်ဂိုဏ်းထဲကို တရားဝင်ဝင်ရောက်တော့မှာဖြစ်တယ် ဒါပေမဲ့ ဝူမင်က ယွမ်ဟန်ဂိုဏ်းထဲမှာ အမြဲရှိနေနိုင်မှာ မဟုတ်ဘူးဆိုတော့ သူ့ကိုလောလောဆယ် လက်ထောက်အကြီးအကဲ ရာထူးကိုပဲ ပေးအပ်သွားဦးမယ် "</p> <p style="text-align:justify">ထိုစကားက ယွမ်ဟန်ဂိုဏ်းထဲတွင်ရှိနေသော ခေါင်းဆောင်များနှင့် အကြီးအကဲများအားလုံးကို ဝမ်းသာသွားစေသည်။</p> <p style="text-align:justify">ဝူမင်ဆိုသည်မှာ မည်သူဖြစ်သနည်း။</p> <p style="text-align:justify">ကျောက်စိမ်းအင်မော်တယ်အဆင့် ( 33 ) ကို ရောက်ရှိခဲ့သည့်သူဖြစ်၏။</p> <p style="text-align:justify">ဝူမင်လဲတစ်နေ့တွင် အင်မော်တယ်ဘုရင်အဆင့်ကို ရောက်ရှိမှာကျိန်းသေပင်။ ဝူမင် ယွမ်ဟန်ဂိုဏ်းထဲသို့ ဝင်ရောက်လာခြင်းက အနာဂါတ်တွင် ယွမ်ဟန်ဂိုဏ်း၌ အင်မော်တယ်ဘုရင်အဆင့်နှစ်ပါး ရှိနေမည်ဟု ဆိုလိုနေသည် မဟုတ်လား။</p> <p style="text-align:justify">" ဒုတိယအချက်အနေနဲ့ ဂိုဏ်းရဲ့အာဏာရှင် အကြီးအကဲရာထူးကို ငါ့ရဲ့အစေခံ ချင်ချင်ကို ပေးအပ်သွားမယ် "</p> <p style="text-align:justify">ရဲ့ဟိုင် သူ၏ဘေးနားတွင်ရှိသော ချင်ချင်ကို လက်ညှိုးထိုးပြကာ ပြောလိုက်သည်။</p> <p style="text-align:justify">ထိုစကားက အကြီးအကဲများနှင့် ခေါင်းဆောင်များအားလုံးကို ရုတ်ရုတ်သဲသဲ ဖြစ်သွားစေ၏။</p> <p style="text-align:justify">ခွန်ယင်းအာကို သူတို့အသိအမှတ်ပြုရသည့် အကြောင်းအရင်းမှာ သူမကိုယ်တိုင်က အရည်အချင်းရှိသည့်အပြင် ခွန်မိသားစုနောက်ခံလည်းရှိသည်။ ထို့ကြောင့် သူမ ယွမ်ဟန်ဂိုဏ်း၏ ဒုဂိုဏ်းချုပ်အနေအထား ရရှိလာခြင်းကို မည်သူကမှ ကန့်ကွက်ကြမည်မဟုတ်ချေ။</p> <p style="text-align:justify">သို့သော် ချင်ချင်ဆိုသည်မှာ အတွေ့အကြုံလဲမရှိသလို ခွန်အားကလဲ မလုံလောက်ပေ။ ယွမ်ဟန်ဂိုဏ်း၏ အာဏာရှင်အကြီးအကဲဖြစ်ရန် သူမကမည်ကဲ့သို့ အရည်အချင်း ပြည့်မီနိုင်မည်နည်း။</p> <p style="text-align:justify">ဂိုဏ်း၏အာဏာရှင် အကြီးအကဲရာထူး အခွင့်အာဏာဆိုသည်မှာ ဂိုဏ်းချုပ်နှင့် ယှဥ်နိုင်လှနီးပါးရှိသော အာဏာရှင်တစ်ပါးပင်။</p> <p style="text-align:justify">" ဂိုဏ်းချုပ် ဒါကတော့ နည်းနည်းမသင့်တော်ဘူးမလား "</p> <p style="text-align:justify">ဝမ်ညီအစ်ကိုသုံးယောက်ထဲမှ ဝမ်ရန်ထျန်း တစ်ခဏတုံ့ဆိုင်းပြီးနောက် ပထမဆုံးစ၍ ပြောလိုက်၏။</p> <p style="text-align:justify">ဝမ်ယန်ထျန်းကဲ့သို့ အင်မော်တယ်သခင်အဆင့် ( 9 ) တွင် ရှိနေသောလူများက လက်ရှိအချိန်တွင် ယွမ်ဟန်ဂိုဏ်း၏ ထိပ်သီးအကြီးအကဲများ ဖြစ်လာခဲ့သည်။</p> <p style="text-align:justify">ဟုတ်၏။ ဤအရာက ယာယီမျှသာဖြစ်သည်။ နောက်ပိုင်းသူတို့၏ လုပ်ရပ်များကို ကြည့်ရှုဦးမည်ဖြစ်၏။</p> <p style="text-align:justify">" ဟုတ်ပါတယ် ဂိုဏ်းချုပ် .. ဒီကိစ္စနဲ့ပတ်သက်ပြီး အနာဂါတ်ကို ထည့်တွေးသင့်တယ်ထင်ပါတယ် "</p> <p style="text-align:justify">တစ်ဖက်လက်အဘွားဒူကလဲ တီးတိုးဝင်ပြောသည်။</p> <p style="text-align:justify">" လီဂျင် မင်းကကော ဘယ်လိုထင်လဲ "</p> <p style="text-align:justify">ရဲ့ဟိုင် လီဂျင်ကိုကြည့်ကာ ပြောလိုက်၏။</p> <p style="text-align:justify">တစ်ခဏစဥ်းစားပြီးနောက် လီဂျင်မှ...</p> <p style="text-align:justify">" ကျွန်တော်လဲ ဒီကိစ္စကို စဥ်းစားဖို့လိုအပ်မယ်လို့ ထင်ပါတယ် "</p> <p style="text-align:justify">လီမိသားစုခေါင်းဆောင်လီဂျင်သည် လက်ရှိအချိန်တွင် ရွှေအင်မော်တယ်အဆင့်သာ ရှိသေးသော်လည်း သူကအတွေ့အကြုံနှင့် လုပ်ရည်ကိုင်ရည် များစွာရှိသည်။ ထို့ကြောင့် ဤကဲ့သို့ ထိပ်သီးအကြီးအကဲရာထူးကို ရရှိထားခြင်းပင်။</p> <p style="text-align:justify">ရဲ့ဟိုင်ကိုယ်တိုင်ကလဲ လက်ရှိအချိန်ထိ ဘူရီမြို့နှင့် ကျိယန်မြို့မှ လူများအကုန်လုံးကို အလေးထားနေဆဲဖြစ်၏။ သူသည် အရေးကြီးကိစ္စအချို့ကိုပင် ထိုလူများအား ရှာဖွေကာ သီးသန့်ဆွေးနွေးမှုများ ပြုလုပ်လေ့ရှိသည်။</p> <p style="text-align:justify">သူ့အနေဖြင့် ထိုလူများကို တစ်ခုသာ တောင်းဆိုထား၏။</p> <p style="text-align:justify">စည်းစိမ်ဥစ္စာ၊ ဂုဏ်ပုဒ်နှင့် အာဏာကို သူပေးနိုင်စွမ်းရှိသည်။ သို့သော် မည်သူကမှ ဂိုဏ်းကိုလုံးဝ သစ္စာဖောက်လို့မရချေ။</p> <p style="text-align:justify">" တကယ်တော့ အာဏာရှင်အကြီးအကဲရာထူးအတွက် အများကြီး ဆွေးနွေးစရာမလိုဘူး၊ ကျွန်မရဲ့ အရည်အချင်းကို သက်သေပြလိုက်ရင် အကုန်လုံးအဆင်ပြေသွားလိမ့်မယ် "</p> <p style="text-align:justify">ချင်ချင် လူတိုင်းကို အေးဆေးတည်ငြိမ်စွာဖြင့် ကြည့်လိုက်ပြီး...</p> <p style="text-align:justify">" အာဏာရှင်အကြီးအကဲ တစ်ယောက်အတွက် ပထမဆုံးလိုအပ်တဲ့အရာက ခွန်အားပဲ၊ ခွန်အားသာမရှိဘူးဆိုရင် အကုန်လုံးကိုဘယ်လိုလုပ် အုပ်ချုပ်နိုင်စွမ်းရှိမှာလဲ "</p> <p style="text-align:justify">စကားဆုံးသည်နှင့် ချင်ချင်၏ ဦးခေါင်းထက်၌ ကြီးကြယ်ခမ်းနားသော အရှိန်အဝါများ ထွက်ပေါ်နေသည့် ပုံရိပ်ကြီးတစ်ခု ထွက်ပေါ်လာ၏။ ထိုပုံရိပ်ထွက်ပေါ်လာသည်နှင့် အခန်းထဲတွင်ရှိသော ကျင့်ကြံသူများအားလုံး၏ မျက်နှာက သိသိသာသာ ပျက်ယွင်းသွားသည်။</p> <p style="text-align:justify">ဝမ်ယန်ထျန်းတို့ကဲ့သို့ အင်မော်တယ်သခင်အဆင့် ( 9 ) ကျင့်ကြံသူများလည်း အတူတူပင်ဖြစ်၏။</p> <p style="text-align:justify">" ရှေးဦးဝိညာဥ် "</p> <p style="text-align:justify">" အင်မော်တယ်အရှင်အဆင့် "</p> <p style="text-align:justify">ဂိုဏ်းချုပ်၏အစေခံက တကယ်ကို အင်မော်တယ်အရှင်အဆင့် ကျင့်ကြံခြင်းကို ပိုင်ဆိုင်ထားသည်လား။</p> <p style="text-align:justify">" အဲ့ဒီချင်ချင်ရဲ့ ကျင့်ကြံအဆင့်က လွန်ခဲ့တဲ့နှစ်အနည်းငယ်တုန်းကဆို မြေအမတအဆင့်မှာပဲ ရှိနေသေးတာမလား "</p> <p style="text-align:justify">" ဟုတ်တယ် .. အမှန်ပဲ၊ ချင်ချင်ဝင်ရောက်ခဲ့တဲ့ ဂိုဏ်းက ဒုတိယတန်းစား ဂိုဏ်းလေးတစ်ခုလေ၊ ဒုတိယတန်းစားဂိုဏ်းလေးတစ်ခုက သူမလို ပါရမီရှင်တစ်ယောက်ကို မွေးထုတ်ပေးနိုင်မှာမဟုတ်ဘူး "</p> <p style="text-align:justify">" သေချာပေါက် ရဲ့ဟိုင်ဆီကို ချင်ချင်ရောက်ရှိလာတုန်းက သူမရဲ့ကျင့်ကြံအဆင့်က အရမ်းကိုနိမ့်နေတာ၊ ဒါပေမဲ့ သူမက အချိန်တိုအတွင်း ဒီလောက်တိုးတက်မှုကို ဘယ်လိုလုပ်ရရှိခဲ့တာလဲ "</p> <p style="text-align:justify">" ဂိုဏ်းချုပ် .. ချင်ချင်ကို ဂိုဏ်းချုပ်ကိုယ်တိုင် လေ့ကျင့်ပေးထားတာပဲ ဖြစ်ရမယ် "</p> <p style="text-align:justify">အကြီးအကဲနှင့် ခေါင်းဆောင်များအားလုံး၏ မျက်နှာအမူအရာ အမျိုးမျိုးကိုကြည့်လိုက်ပြီး ရဲ့ဟိုင်ပြုံးလိုက်သည်။</p> <p style="text-align:justify">" ဟုတ်တယ် .. ချင်ချင်ဆီမှာ အဖိုးတန်အရင်းအမြစ်တချို့ကို ငါအသုံးပြုထားတာ၊ မင်းတို့အားလုံးလဲ ငါနဲ့လက်တွဲလုပ်ပြီးတော့ သေချာအလုပ်ကြိုးစားရင် အနာဂါတ်မှာ အင်မော်တယ်အရှင်အဆင့်ကို ရောက်ဖို့ဆိုတာက မဖြစ်နိုင်တာတော့မဟုတ်ဘူး "</p> <p style="text-align:justify">ရဲ့ဟိုင်၏ထိုစကားက အင်မော်တယ်သခင်အဆင့် ( 9 ) သို့ ရောက်ရှိနေသော ဝမ်ယန်ထျန်းနှင့် ကျန်သူများအားလုံး၏မျက်လုံးကို အရောင်တလက်လက် တောက်ပလာစေလေ၏။</p> <p style="text-align:justify">ထိုအချိန်တွင် ချင်ချင်မှ...</p> <p style="text-align:justify">" အခုဆိုရင် အာဏာရှင်အကြီးအကဲရာထူးကို ရရှိဖို့အတွက် ကျွန်မက အရည်အချင်းရှိပြီလား "</p> <p style="text-align:justify">အကုန်လုံး ခေါင်းညိတ်လိုက်ကြသည်။</p> <p style="text-align:justify">ချင်ချင် အင်မော်တယ်အရှင်အဆင့်ခွန်အားကို ထုတ်ပြလာကတည်းက မည်သူမှသူမကို ဆန့်ကျင်ရဲခြင်း မပြုလုပ်ကြတော့ချေ။</p> <p style="text-align:justify">" ကောင်းပြီ တတိယမြောက်ကြေညာမယ့်အချက်ကတော့ ငါအင်မော်တယ်နန်းတော်ကို သွားတော့မယ်ဆိုတာပဲ "</p> <p style="text-align:justify">" ဂိုဏ်းချုပ် ထွက်သွားတော့မလို့လား "</p> <p style="text-align:justify">ခွန်ယင်းအာ ကမန်းကတန်းပင် မေးလိုက်၏။</p> <p style="text-align:justify">ထို့နောက် တွန့်ဆုတ်သော အမူအရာများက သူမ၏မျက်လုံးထဲတွင် ဖြစ်ပေါ်လာသည်။</p> <p style="text-align:justify">" အင်းဟုတ်တယ် အခုချိန်က ငါအင်မော်တယ်တရားရုံးကို သွားဖို့အချိန်တန်နေပြီ "</p> <p style="text-align:justify">ရဲ့ဟိုင် ခေါင်းညိတ်လိုက်၏။</p> <p style="text-align:justify">ထို့နောက် ရဲ့ဟိုင် ဂိုဏ်းတွင်းရှိ ကိစ္စအမျိုးမျိုးကို အားလုံးနှင့် သေချာဆွေးနွေးလိုက်သည်။ အစည်းအဝေးပွဲက ပြီးဆုံးသွားသည့်အချိန်တွင် နေ့တစ်ဝက်တောင်မှ ကြာမြင့်သွားခဲ့လေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save