Book List

<h2 style="text-align: center;">အပိုင်း - ( ၁၃၉၁ )</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify"><br /> ရဲ့ဟိုင် အစည်းအဝေးပြီးသည်နှင့် ချက်ချင်းပင် ဂိုဏ်းမှထွက်ခွာရန်လုပ်သည်။ သူတိမ်သင်္ဘောကိုထုတ်ယူလိုက်ပြီး ဝူမင်အားလှမ်းခေါ်ကာ ဓာတ်ကြီးငါးပါးဂိုဏ်းသို့ တိုက်ရိုက်ပင် ဦးတည်လိုက်၏။</p> <p style="text-align:justify">ရဲ့ဟိုင်သည် အင်မော်တယ်နန်းတော်သို့မသွားခင် ဓာတ်ကြီးငါးပါးဓားဂိုဏ်းကို လာခဲ့မည်ဟု ဓားဘုရင်အား ကတိပေးခဲ့သည်ကို လုံးဝမမေ့သေးပေ။</p> <p style="text-align:justify">" ရဲ့ဟိုင် ငါမေးဦးမယ်၊ မင်း ဓာတ်ကြီးငါးပါးဓားဂိုဏ်းမှာ သုံး၊ လေးနှစ်လောက်တော့ ကြာကြာနေမှာ မဟုတ်ဘူးမလား "</p> <p style="text-align:justify">ဝူမင် တိမ်တိုက်လှေပေါ်တွင် ရဲ့ဟိုင်နှင့်အတူ ဘေးချင်းကပ်ရပ်ရပ်နေရင်း မေးလိုက်သည်။</p> <p style="text-align:justify">" မဟုတ်ဘူး .. အများဆုံး သုံးလပဲ "</p> <p style="text-align:justify">" သုံးလဆိုရင်တော့ အဆင်ပြေပါတယ် "</p> <p style="text-align:justify">ထိုသို့ပြောပြီးသည်နှင့်ဝူမင် ရဲ့ဟိုင်ကို သေချာစိုက်ကြည့်လိုက်ကာ...</p> <p style="text-align:justify">" ဒါနဲ့ မင်းအခု ဘယ်အဆင့်ကိုရောက်နေပြီလဲ "</p> <p style="text-align:justify">" မင်းကကော "</p> <p style="text-align:justify">ရဲ့ဟိုင် ထိုမေးခွန်းကို ဖြေမည့်အစား ပြန်၍မေးလိုက်၏။</p> <p style="text-align:justify">" ရွှေအင်မော်တယ်အဆင့် ( 30 ) "</p> <p style="text-align:justify">" ငါလဲမင်းနဲ့ အတူတူပဲ "</p> <p style="text-align:justify">" ဟား .. ဟား ဘယ်သူက မင်းနဲ့တူလို့လဲ၊ ငါလွန်ခဲ့တဲ့ ရက်အနည်းငယ်ကပဲ ရွှေအင်မော်တယ်အဆင့် ( 31 ) ကို ဖြတ်ကျော်သွားပြီ "</p> <p style="text-align:justify">ဝူမင် ရယ်မောကာ ပြောလိုက်သည်။</p> <p style="text-align:justify">ဝူမင် ထိုသို့ရယ်မောသည်ကိုမြင်လျှင် ရဲ့ဟိုင်၏နှုတ်ခမ်းထောင့်က တွန့်ကွေးသွားလေ၏။</p> <p style="text-align:justify">" မင်းက ရွှေအင်မော်တယ်အဆင့် ( 31 ) ကို ရောက်သွားရင်တောင်မှ ငါ့ကိုနိုင်မယ်လို့ယုံလား "</p> <p style="text-align:justify">" ဟမ့် .. မင်းသာ ခန္ဓာကိုယ်စွမ်းအားကို မသုံးဘူးဆိုရင် ငါသေချာပေါက်နိုင်တယ် "</p> <p style="text-align:justify">" ရွှေအင်မော်တယ်အဆင့်တွေဆိုတာက သူတို့ရဲ့ဝိညာဥ်ကိုပဲ ပြိုင်ဆိုင်ကြတာလေ "</p> <p style="text-align:justify">" မင်းသေချာလား "</p> <p style="text-align:justify">ရဲ့ဟိုင် ဝူမင်ကိုကြည့်ကာ ပြုံး၍မေးလိုက်သည်။</p> <p style="text-align:justify">" သေချာတယ် "</p> <p style="text-align:justify">စကားဆုံးသည်နှင့် ဝူမင်၏ ဝိညာဥ်စွမ်းအားက မျက်ခုံးနှစ်ခုမှ ဖြာထွက်လာခဲ့ပြီး ရှေးဟောင်းသားရဲကြီးတစ်ကောင်၏ ပုံရိပ်တစ်ခု ဦးခေါင်းထက်တွင် ထွက်ပေါ်လာ၏။</p> <p style="text-align:justify">" ဝေါင်း "</p> <p style="text-align:justify">ထိုရှေးဟောင်းသားရဲကြီးက ကောင်းကင်ကိုမော့ကာ ဟိန်းဟောက်လိုက်လျှင် လေဟာနယ်က တွန့်လိမ်ကာ ပုံပျက်သွားသည်။</p> <p style="text-align:justify">" မင်းအဆင်သင့်ဖြစ်ပြီလား "</p> <p style="text-align:justify">ဝူမင် ရဲ့ဟိုင်ကိုကြည့်ကာ စိတ်အားထက်သန်မှုများနှင့်အတူ မေးလိုက်၏။</p> <p style="text-align:justify">" ကောင်းပြီ လာခဲ့ "</p> <p style="text-align:justify">ရဲ့ဟိုင်ပြုံးကာ ခေါင်းညိတ်လိုက်သည်။</p> <p style="text-align:justify">ချက်ချင်းပင် ဝူမင်၏ဦးခေါင်းထက်မှ ရှေးဟောင်းသားရဲကြီးမှ နတ်အလင်းတန်းများ ဖြာထွက်လာပြီး ရဲ့ဟိုင်ဆီသို့ အရှိန်ဖြင့်ပြေးဝင်သွား၏။ ထိုသားရဲကြီး ခြေတစ်လှမ်းလှမ်းသွားတိုင်း ခြေထောက်အောက်ရှိလေဟာနယ်က ပြိုကျသွားပြီး တွင်းပေါက်ကြီးများ ဖြစ်သွားသည်။</p> <p style="text-align:justify">သို့သော် ဝိညာဥ်ရှေးဟောင်းသားရဲကြီးသည် ရဲ့ဟိုင်နှင့် မီတာအနည်းငယ်အကွာသို့ ရောက်သောအခါ ရဲ့ဟိုင်၏ မျက်ခုံးနှစ်ခုအလယ်မှ ဝိညာဥ်စွမ်းအားများက တဟုန်ထိုး ပေါက်ကွဲထွက်လာသည်။</p> <p style="text-align:justify">ထိုဝိညာဥ်စွမ်းအားများသည် လေထုထဲတွင် ရှေးဟောင်းစည်းတံဆိပ်တစ်ခုကို ချက်ချင်းပင် ထွင်းထုလိုက်၏။</p> <p style="text-align:justify">ရှေးဟောင်းစည်းတံဆိပ် ပုံစံပေါ်လာသည်နှင့် လျှို့ဝှက်ဆန်းကြယ်သော စွမ်းအင်လှိုင်းလုံးများက ကောင်းကင်တစ်ခုလုံးကို လွှမ်းခြုံသွားသည်။</p> <p style="text-align:justify">တစ်ချိန်တည်းမှာပင် အလွန်ကြီးမားသော ရှေးဟောင်းသားရဲကြီးသည် ရဲ့ဟိုင်၏အရှေ့တွင် တင်းတင်းကြပ်ကြပ် ချုပ်နှောင်ခြင်းခံထားရပြီး ကျယ်လောင်စွာ ဟိန်းဟောက်နေလေ၏။</p> <p style="text-align:justify">ဝူမင်သည် သူ၏ဝိညာဥ်ဖြင့် ဖန်တီးထားသော ရှေးဟောင်းသားရဲကြီးက အသိစိတ်ပင်လယ်နှင့် ပြတ်တောက်သွားသည်ကို ခံစားလိုက်ရလျှင် မျက်နှာထက်၌ မယုံကြည်နိုင်မှုများ ဖြစ်ပေါ်လာသည်။</p> <p style="text-align:justify">သူ၏နတ်အသိစိတ်အာရုံနှင့် ဝိညာဥ်စွမ်းအားကို တစ်ဖက်လူက အတင်းအကြပ် ဖြတ်တောက်သွားခြင်းပင်။</p> <p style="text-align:justify">" ချီးပဲ "</p> <p style="text-align:justify">သူ့ကို ဝိညာဉ်စွမ်းအားတွင် ယခုလို ဖိနှိပ်နိုင်ဖို့ဆိုလျှင် အနည်းဆုံး ရွှေအင်မော်တယ်အဆင့် ( 33 ) ကို ရှိနေရမည်မလား။</p> <p style="text-align:justify">ယခုအချိန်တွင် ဝူမင်သည် တကယ်ကို ထိတ်လန့်တုန်လှုပ်သွားပြီဖြစ်၏။ အထူးသဖြင့် သူ၏ ကိုယ်ပိုင်ဝိညာဥ်စွမ်းအားနှင့် နတ်အသိစိတ်အာရုံကို ချုပ်နှောင်ထားသော တစ်ဖက်လူ၏ ထူးဆန်းသောနည်းစနစ်ဖြစ်သည်။</p> <p style="text-align:justify">" ရဲ့ဟိုင် မင်းဘယ်လို လုပ်လိုက်တာလဲ "</p> <p style="text-align:justify">ရဲ့ဟိုင် ပြုံးရုံသာပြုံးလိုက်ပြီး သူ၏ဝိညာဥ်စွမ်းအားချိတ်စည်းကို ပြန်လည်၍ ဖယ်ရှားလိုက်၏။</p> <p style="text-align:justify">ထိုချိတ်စည်းမှာ ချိတ်ပိတ်ဘုရင်၏ မှော်စွမ်းအားနည်းစနစ်သာဖြစ်သည်။</p> <p style="text-align:justify">တစ်ဖက်တွင် ဝူမင်မှာ သူ၏ရှေးဟောင်းသားရဲဝိညာဥ်ကြီးကို ပြန်လည်သိမ်းဆည်းလိုက်ပြီး ရဲ့ဟိုင်ကို အံ့အားသင့်နေသော အမူအရာများအပြည့်ဖြင့်ကြည့်ကာ...</p> <p style="text-align:justify">" မင်းက တကယ်ကို ဘယ်လိုထူးဆန်းတဲ့ ကောင်လဲဆိုတာ ငါနားမလည်နိုင်တော့ဘူး "</p> <p style="text-align:justify">" သိပ်ပြီးတော့အံ့ဩမနေနဲ့ အဲ့တာက လှည့်ကွက်လေးတစ်ခုပဲ "</p> <p style="text-align:justify">" လှည့်ကွက် ဟုတ်လား .. ဘာလှည့်ကွက်လဲ "</p> <p style="text-align:justify">ဝူမင် အားတက်သရော်ဖြင့် မေးလိုက်၏။</p> <p style="text-align:justify">" အဲ့တာ အင်မော်တယ်ဘုရင်အဆင့် ချိတ်ပိတ်စွမ်းအားတစ်မျိုးပဲ "</p> <p style="text-align:justify">" အင်မော်တယ်ဘုရင်အဆင့် ချိတ်ပိတ်စွမ်းအား .. ဟုတ်လား "</p> <p style="text-align:justify">ဝူမင် အလန့်တကြားဖြင့် အော်ဟစ်လိုက်ပြီး...</p> <p style="text-align:justify">" မင်းပြောတဲ့ အင်မော်တယ်ဘုရင်အဆင့် ချိတ်ပိတ်စွမ်းအားက ရှေးဟောင်းသားရဲ ချိတ်ပိတ်ဘုရင်ရဲ့ စွမ်းအားတော့ မဟုတ်ဘူးမလား "</p> <p style="text-align:justify">" ဟုတ်တယ် "</p> <p style="text-align:justify">ရဲ့ဟိုင်ခေါင်းညိတ်လိုက်လျှင် ဝူမင်၏မျက်လုံးက ပို၍ပင် ပြူးကျယ်သွားသည်။</p> <p style="text-align:justify">" သောက်ချီးကောင် မင်းရဲ့ကံကြမ္မာက တကယ်ကို ကောင်းကင်ဘုံထိ အံတုနေတာပဲ "</p> <p style="text-align:justify">ဝူမင် မနာလိုစိတ်များဖြင့် ပြောလိုက်၏။</p> <p style="text-align:justify">အင်မော်တယ်ဘုရင်အဆင့်တွေထဲမှာတောင်မှ အဆင့်အတန်းအမျိုးမျိုး ကွဲပြားခြားနားသည်။ ရှေးဟောင်းချိတ်ပိတ်သားရဲဘုရင်ဆိုသည်မှာ အင်မော်တယ်ဘုရင်အဆင့်များထဲတွင်ပင် ထိပ်တန်းအဆင့်များထဲမှ တစ်ယောက်ဖြစ်၏။</p> <p style="text-align:justify">" မင်းဒီနည်းစနစ်ကို လေ့လာချင်လား "</p> <p style="text-align:justify">" မင်းက ငါ့ကို သင်ပေးမလို့လား "</p> <p style="text-align:justify">ရဲ့ဟိုင်၏ စကားကြားလျှင် ဝူမင် မျက်လုံးပြူးကာ ပြန်မေးလိုက်သည်။</p> <p style="text-align:justify">" မင်းမှာသန်မာတဲ့ ခွန်အားမရှိဘဲနဲ့ ငါ့နောက်ကိုလိုက်လို့ ရမှာမဟုတ်ဘူး "</p> <p style="text-align:justify">ရဲ့ဟိုင်ထိုသို့ပြောပြီးသည်နှင့် သူ၏နတ်အသိစိတ်အာရုံက အလင်းတန်းတစ်ခုအသွင် ပြောင်းလဲသွားကာ ဝူမင်၏ မျက်ခုံးနှစ်ခုအလယ်သို့ ဝင်ရောက်သွားလေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save