Book List

<h2 style="text-align: center;">အပိုင်း - ( ၁၃၉၂ )</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">ဝူမင်မှာ ၎င်းကို လုံးဝခုခံခြင်းမရှိပေ။ ထို့နောက် သူ၏အသိစိတ်ပင်လယ်ထဲ ဝင်ရောက်လာသော နည်းစနစ်များကိုကြည့်ပြီး မျက်လုံးထဲတွင် စိတ်လှုပ်ရှားမှုများ တလက်လက်တောက်ပလာသည်။</p> <p style="text-align:justify">" မဟာချိတ်ပိတ်ခြင်းစွမ်းအား "</p> <p style="text-align:justify">ဤအရာက အလွန်လေးနက်နက်ရှိုင်းပြီး ထူးဆန်းလွန်းလှသည့် ချိတ်ပိတ်မှော်စွမ်းအား နည်းစနစ်တစ်မျိုးဖြစ်၏။</p> <p style="text-align:justify">ဝူမင်၏ အမူအရာကိုကြည့်ပြီး ရဲ့ဟိုင်ပြုံးကာ ရှေ့ကိုကြည့်လိုက်သည်။ သို့သော် သူ၏အမူအရာက လေးနက်နေ၏။</p> <p style="text-align:justify">" ငါမင်းကိုသတိပေးချင်တာက ဒီနည်းစနစ်ကို ငါပေးတယ်ဆိုတာ မင်းဆရာတောင်မှ မသိစေဖို့ပဲ "</p> <p style="text-align:justify">" စိတ်ချ ရဲ့ဟိုင် .. မင်းအတွေးတွေလွန်နေပြီ .. ငါကဒီလိုလုပ်စရာလား "</p> <p style="text-align:justify">ဝူမင် ထိုသို့ပြောပြီးသည်နှင့် တစ်စုံတစ်ခုကို သတိရသွားပြီး...</p> <p style="text-align:justify">" ဒါနဲ့ ရဲ့ဟိုင် ဖီးနစ်နတ်သမီးက ဘယ်မှာလဲ "</p> <p style="text-align:justify">" မင်းက ဖီးနစ်နတ်သမီးကို စိတ်ဝင်စားနေတာလား "</p> <p style="text-align:justify">ရဲ့ဟိုင် ဝူမင်ကို တအံ့တဩဖြင့် လှည့်ကြည့်ကာ မေးလိုက်သည်။</p> <p style="text-align:justify">" ချီး .. ဒါကဘာစကားတုန်း .. ဖီးနစ်နတ်သမီးက မင်းရဲ့မိန်းမပဲ အရှေ့ပိုင်းကုန်းမြေတိုက်ကြီးတစ်ခုလုံးက လူတွေ သိတယ်လေ၊ ဖီးနစ်နတ်သမီးကို မတွေ့တာ တော်တော်ကြာနေပြီမို့လို့ မေးကြည့်တာပဲရှိတယ် "</p> <p style="text-align:justify">ဝူမင် ဆွံ့အသော အမူအရာဖြင့် ပြောလိုက်၏။ </p> <p style="text-align:justify">" ငါ ယွမ်ဟန်ဂိုဏ်းကနေ ထွက်လာတုန်းက ဖီးနစ်နတ်သမီးကလဲ ထွက်ခွာသွားခဲ့ပြီ "</p> <p style="text-align:justify">" သူမက မင်းဆီကနေ ထွက်ခွာသွားခဲ့တာလား "</p> <p style="text-align:justify">" ဟုတ်တယ် "</p> <p style="text-align:justify">ရဲ့ဟိုင် ခေါင်းညိတ်လိုက်သည်။</p> <p style="text-align:justify">" မဟုတ်သေးဘူး .. ဖီးနစ်နတ်သမီးမှာ သဘာဝညှို့ငင်ဖြားယောင်းခြင်းခန္ဓာကိုယ် ပိုင်ဆိုင်တယ်လေ၊ မင်းက သူမကို ဒီအတိုင်းပဲ တစ်ယောက်တည်း လွှတ်လိုက်တာလား "</p> <p style="text-align:justify">ဝူမင် စိုးရိမ်ပူပန်မှုများနှင့် အတူ မေးလိုက်၏။</p> <p style="text-align:justify">" စိတ်မပူနဲ့ ချင်ချင်ရဲ့ ကိုယ်ပွားက ဖီးနစ်နတ်သမီးကို အနောက်ကနေ လျှို့ဝှက်စွာကာကွယ်ပေးထားတယ် "</p> <p style="text-align:justify">" အိုး .. ချင်ချင်ရဲ့ ကိုယ်ပွားနဲ့ဆိုရင် ဖီးနစ်နတ်သမီးကို ထိနိုင်တဲ့သူက အရှေ့ပိုင်းကုန်းမြေတိုက်ကြီးမှာ သိပ်မရှိတော့ဘူး "</p> <p style="text-align:justify">ဝူမင် စိုးရိမ်ပူပန်ခြင်းမရှိတော့ဘဲ ခေါင်းညိတ်လိုက်သည်။</p> <p style="text-align:justify">ထိုနေ့တွင် ချင်ချင်သည် သူမ၏ ကြောက်စရာကောင်းသော အင်မော်တယ်အရှင်အဆင့် အရှိန်အဝါကို ထုတ်ဖော်ခဲ့၏။ ၎င်းအရှိန်အဝါကိုကြည့်ရုံဖြင့် ချင်ချင်က အင်မော်တယ်သခင်အဆင့်မြင့်ထိ ရောက်ရှိနေပြီဆိုတာကို ဝူမင်ခံစားနိုင်သည်။</p> <p style="text-align:justify">ထို့ကြောင့် ချင်ချင်၏ ကိုယ်ပွားက အနည်းဆုံးတော့ အင်မော်တယ်အရှင် အစောပိုင်းအဆင့်တွင် ရှိမည်ဖြစ်၏။</p> <p style="text-align:justify">အရှေ့နတ်နန်းတော်က ဘိုးဘေးကူယန် အင်မော်တယ်အရှင်အဆင့်ကိုတက်ပြီးနောက် အရှေ့ပိုင်းကုန်းမြေတိုက်ကြီးတွင် အင်မော်တယ်အရှင်အဆင့် မြောက်များစွာ ပုန်းကွယ်နေရာမှ ထွက်ပေါ်လာသည်။</p> <p style="text-align:justify">သို့သော်လည်း ထိုအင်မော်တယ်အရှင်အဆင့် ကျင့်ကြံသူများ၏ အဆင့်မှာ သိပ်ပြီးမြင့်မားခြင်း မရှိသဖြင့် ချင်ချင်၏ ကိုယ်ပွားကို ထိပ်တိုက်ရင်ဆိုင်တိုက်ခိုက်လျှင်တောင် အသာစီးရနိုင်မည်မဟုတ်ပေ။</p> <p style="text-align:justify">ထို့အပြင် ဤကောင်များအကုန်လုံး မတိုက်ခိုက်ခင် နှစ်ခါပြန်စဥ်းစားရမည်ဖြစ်၏။ အဘယ့်ကြောင့်ဆိုသော် ယွမ်ဟန်ဂိုဏ်းတွင် ချင်ချင်၏ မူလခန္ဓာကိုယ်က ရှိနေဆဲဖြစ်သည်။</p> <p style="text-align:justify">ချင်ချင်ကို ဘေးဖယ်ထားလျှင်တောင်မှ ဖီးနစ်နတ်သမီး၏နောက်တွင် ရဲ့ဟိုင်ဆိုသော တကယ့်ပြိုင်ဘက်ကင်း ပုဂ္ဂိုလ်တစ်ယောက်ကလဲ ရှိနေသေး၏။</p> <p style="text-align:justify">ဖီးနစ်နတ်သမီးကို သွားထိခြင်းက ရဲ့ဟိုင်ကို ထိသည်နှင့် အတူတူပင်။</p> <p style="text-align:justify">" မင်းက မင်းမိန်းမအတွက် တော်တော်လေးကို ကောင်းကောင်းစီစဥ်ပေးထားတာပဲ "</p> <p style="text-align:justify">ဝူမင် အားကျစိတ်များနှင့်အတူ ပြောလိုက်သည်။ သို့သော် ရဲ့ဟိုင်ပြန်ပြောလိုက်သောစကားက ဝူမင်ကို တော်တော်လေး အံ့အားသင့်သွားစေ၏။</p> <p style="text-align:justify">" ဖီးနစ်နတ်သမီးက ငါ့မိန်းမ မဟုတ်ဘူး "</p> <p style="text-align:justify">" မင်းဘာပြောလိုက်တယ် "</p> <p style="text-align:justify">ဝူမင် ပြန်မမေးဘဲ မနေနိုင်တော့ချေ။</p> <p style="text-align:justify">" ဖီးနစ်နတ်သမီးရဲ့ နှလုံးသားထဲမှာ တာအိုကိုကျင့်ကြံဖို့ တစ်ခုတည်းသာရှိပြီးတော့ တစ်ခြားခံစားချက်တွေ သူမမှာမရှိဘူး "</p> <p style="text-align:justify">ရဲ့ဟိုင်ခေါင်းခါယမ်းပြီး ပြောလာသောစကားက ဝူမင်၏မျက်နှာတွင် ပဟေဠိများ ပြည့်နှက်သွားစေသည်။</p> <p style="text-align:justify">" မင်းက သူမရဲ့ခန္ဓာကိုယ် သွေးဆောင်ခြင်းကို မခံရဘူးလား "</p> <p style="text-align:justify">ဝူမင် တစ်ခဏတုံ့ဆိုင်းပြီးနောက် မေးလိုက်၏။</p> <p style="text-align:justify">ထိုစကားကြားလျှင် ရဲ့ဟိုင်ပြုံးလိုက်သည်။</p> <p style="text-align:justify">" ဝူမင် ဒီကမ္ဘာမှာ ငါတို့လိုကျင့်ကြံသူတွေအတွက် အချစ်ထက်အရေးကြီးတာတွေ အများကြီးရှိတယ်၊ အထူးသဖြင့် ငါတို့တစ်ဘဝလုံး လိုက်ရှာရမယ့် ပန်းတိုင်ပေါ့ "</p> <p style="text-align:justify">" ဥပမာအနေနဲ့ ပြောရရင် နတ်ဘုရားအဆင့်ပဲ "</p> <p style="text-align:justify">ထိုစကားက ဝူမင်၏ အသိစိတ်တစ်ခုလုံးကို အုန်းခနဲ တုန်ခါသွားစေ၏။</p> <p style="text-align:justify">နတ်ဘုရားများဆိုသည်မှာ တာအိုကိုကျော်လွန်၍ သဘာဝ၏ နိယာမများကနေ လွန်မြောက်ပြီး ဓာတ်ကြီးငါးပါးတည်ရှိမှု၏ အပြင်ဘက်သို့ ရောက်ရှိနေသော ပုဂ္ဂိုလ်များဖြစ်သည်။</p> <p style="text-align:justify">သို့သော် လူတိုင်းသည် နတ်ဘုရားဖြစ်ရန်အတွက် အရည်အချင်း မပြည့်မီချေ။</p> <p style="text-align:justify">အနည်းဆုံးတော့ ဝူမင်သည် သူကနတ်ဘုရားဖြစ်ရန် အရည်အချင်းမရှိဘူးဆိုတာကို ကောင်းကောင်းသိ၏။</p> <p style="text-align:justify">........</p> <p style="text-align:justify">" ငါခုထိ မယုံနိုင်သေးဘူး ... ဓာတ်ကြီးငါးပါးဓားဂိုဏ်းဆိုတာက အရင်တုန်းက အရမ်းကိုသန်မာပြီး ဘုန်းတန်ခိုးကြီးမားတဲ့ ဂိုဏ်းတစ်ခုပဲ၊ သူတို့ဂိုဏ်းက ထွက်ပေါ်လာတဲ့ ဓာတ်ကြီးငါးပါးဓားအမိန့်တော်ကို ဘယ်သူက မနာခံဘဲနေရဲလို့လဲ၊ အခုတော့ .... "</p> <p style="text-align:justify">" ဟုတ်တယ် .. ထာဝရဓားဂိုဏ်းက အဲ့လောက်ထိ မြန်မြန်ဆန်ဆန် သန်မာလာမယ်လို့ မမျှော်လင့်ထားဘူး "</p> <p style="text-align:justify">" အဲ့ဒီအကြောင်းပြောရရင် ထာဝရဓားဂိုဏ်းက တကယ်ကို တော်တော်လေး ကြောက်စရာကောင်းအောင် သန်မာတာပဲ၊ သူတို့က အခုဆိုရင် ဓာတ်ကြီးငါးပါးဓားဂိုဏ်းကိုတောင် ရင်ဆိုင်ပြီး အနိုင်ယူနိုင်တော့မယ် "</p> <p style="text-align:justify">" ဒါကလဲ ထာဝရဓားဘုရင် အရမ်းအစွမ်းထက်လာတာကြောင့်လေ "</p> <p style="text-align:justify">" ငါကြားတာတော့ ဓာတ်ကြီးငါးပါးဓားဘုရင်တောင်မှ ထာဝရဓားဘုရင်ကို မယှဥ်နိုင်ဘူးတဲ့ "</p> <p style="text-align:justify">" ခေါင်းဆောင်ချင်း မယှဥ်နိုင်မှတော့ ထာဝရဓားဂိုဏ်းအောက်မှာ ဓာတ်ကြီးငါးပါးဓားဂိုဏ်းက သူတို့ရဲ့ ဘိုးဘေးနယ်မြေအထိ ဆုတ်ခွာသွားရတာ အံ့အားသင့်စရာ မရှိတော့ဘူး "</p> <p style="text-align:justify">ရဲ့ဟိုင်နှင့်ဝူမင်တို့ နှစ်ယောက်သည် ကောင်းကင်ဓားနယ်မြေသို့ ရောက်ရှိလာပြီးနောက် ဓာတ်ကြီးငါးပါးဓားဂိုဏ်းသို့ တိုက်ရိုက်ပင် ဦးတည်သွားကြသည်။ သို့သော် လမ်းတစ်ဝက်တွင် ရဲ့ဟိုင်သည် ကောင်းကင်ဓားမြို့တော်၌ လေလံပွဲတစ်ခုရှိကြောင်း ကြားမိသဖြင့် ဝူမင်နှင့်အတူ အလျင်အမြန် ရောက်ရှိလာခြင်းဖြစ်၏။</p> <p style="text-align:justify">" ထာဝရဓားဂိုဏ်းက လက်ရှိမှာ ဓာတ်ကြီးငါးပါးဓားဂိုဏ်းကို တိုက်ခိုက်နေတာလား "</p> <p style="text-align:justify">ထိုအချိန်တွင် လူငယ်တစ်ဦးက မတ်တပ်ရပ်လိုက်ပြီး ယခုနကအကြောင်းကို ဆွေးနွေးနေသော ကျင့်ကြံသူများ၏ ဝိုင်းသို့ ချဥ်းကပ်ကာမေးလိုက်သည်။</p> <p style="text-align:justify">" မင်းက ဘယ်သူလဲ "</p> <p style="text-align:justify">ဝိုင်းထဲတွင်ရှိသော ကျင့်ကြံသူတစ်ယောက်က ထိုလူငယ်အားကြည့်ကာ မကျေမနပ်ဖြင့် မေးလိုက်၏။</p> <p style="text-align:justify">ထိုအချိန်တွင် ထောက်ခနဲ အော်မြည်သံနှင့်အတူ စားပွဲပေါ်၌ အဆင့်မြင့်တာအိုကျောက်တုံးတစ်တုံးက ထွက်ပေါ်လာသည်။</p> <p style="text-align:justify">ထိုကျောက်တုံးထွက်ပေါ်လာသည်နှင့် ဝိုင်းထဲတွင်ရှိသော လူများအားလုံး၏ မျက်လုံးက အရောင်တလက်လက် တောက်ပသွား၏။</p> <p style="text-align:justify">သူတို့သည် အလယ်အလတ်အဆင့် တာအိုကျောက်တုံးတောင် မပိုင်ဆိုင်နိုင်သော သာမန်ကျင့်ကြံသူများဖြစ်သည်။ ထို့ကြောင့် အဆင့်မြင့်တာအိုကျောက်တုံးဆိုသည်မှာ သူတို့အတွက်တော့ အလွန်ပင် လိုချင်မက်မောစရာ ရတနာတစ်ခုပင်။</p> <p style="text-align:justify">ယေဘုယျအားဖြင့်ပြောရလျှင် အဆင့်မြင့်တာအိုကျောက်တုံးများဆိုသည်မှာ အင်မော်တယ်သခင်အဆင့် ကျင့်ကြံသူများသာ အသုံးပြုနိုင်၏။</p> <p style="text-align:justify">သူတို့အရှေ့မှ ရှိနေသောလူငယ်က သန်မာသော အင်မော်တယ်သခင်အဆင့် ကျင့်ကြံသူမဟုတ်မှန်းသိသော်လည်း သူတို့စော်ကား၍ မတတ်နိုင်သောသူ ဖြစ်မှန်းကိုတော့ ကောင်းကောင်းသိလိုက်လေသည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save