Book List

<h2 style="text-align: center;">အပိုင်း - ( ၁၃၉၃ )</h2> <h2 style="text-align: center;">*</h2> <p> </p> <p> </p> <p style="text-align:justify"><br /> " လက်ရှိအချိန်မှာ ဓာတ်ကြီးငါးပါးဓားဂိုဏ်းက ထာဝရဓားဂိုဏ်းရဲ့ တိုက်ခိုက်မှုအောက်မှာ သူတို့ရဲ့ ဘိုးဘေးနယ်မြေအထိ ဆုတ်ခွာသွားရပြီ၊ အဲ့ဒါကြောင့် ထာဝရဓားဂိုဏ်းက ဓာတ်ကြီးငါးပါးဓားဂိုဏ်းရဲ့ ဘိုးဘေးနယ်မြေကို ဝန်းရံပိတ်ဆို့ထားတယ်လေ "</p> <p style="text-align:justify">" ဓာတ်ကြီးငါးပါးဓားဂိုဏ်းအနေနဲ့ ထာဝရဓားဂိုဏ်းကို ဆက်ပြီးတောင့်ခံဖို့က မလွယ်ကူတော့ဘူး၊ ဒါပေမဲ့ ဓာတ်ကြီးငါးပါးဓားဂိုဏ်းရဲ့ ဘိုးဘေးနယ်မြေကို အတင်းထိုးဖောက်ဝင်ရောက်ပြီး တိုက်ခိုက်မယ်ဆိုရင်လဲ ထာဝရဓားဂိုဏ်းက ကြီးကြီးမားမား ပျက်စီးသေကြေမှုကို ခံစားရမှာ အသေအချာပဲ၊ အဲ့တာကြောင့် ထာဝရဓားဂိုဏ်းက ဓာတ်ကြီးငါးပါးဓားဂိုဏ်းကို စိန်ခေါ်တိုက်ပွဲ ကြေညာထားတယ် "</p> <p style="text-align:justify">" ဘယ်လို စိန်ခေါ်တိုက်ပွဲလဲ "</p> <p style="text-align:justify">လူငယ် ထပ်မေးလိုက်၏။</p> <p style="text-align:justify">" အဲ့တာက တစ်ဖက်နဲ့တစ်ဖက် ယှဉ်ပြိုင်ဖို့အတွက် ကျင့်ကြံသူသုံးယောက်ကို စေလွှတ်ရမယ့် စိန်ခေါ်တိုက်ပွဲပဲ၊ ရှုံးနိမ့် သူက ဘယ်သူမဆို ချွင်းချက်မရှိ လက်နက်ချရမယ်တဲ့ "</p> <p style="text-align:justify">" အဲ့ဒီစိန်ခေါ်ပွဲက ဘယ်တော့လဲ "</p> <p style="text-align:justify">" နောက်သုံးရက်အကြာ "</p> <p style="text-align:justify">" ကျေးဇူးတင်ပါတယ် "</p> <p style="text-align:justify">လူငယ် သူမေးချင်သည့်အရာများအားလုံး မေးပြီးသည်နှင့် မိမိထိုင်ခုံရှိရာသို့ ပြန်သွားလိုက်သည်။</p> <p style="text-align:justify">လှပသော အမျိုးသမီးငယ်လေးတစ်ယောက်က ထိုလူငယ်၏ဘေးတွင် ထိုင်နေလေ၏။</p> <p style="text-align:justify">အမျိုးသမီးငယ်သည် သူမ၏ဆန့်ကျင်ဘက်တွင်ရှိသော လူငယ်ကိုကြည့်ကာ...</p> <p style="text-align:justify">" လက်ရှိအခြေအနေအရတော့ အကောင်းဘက်မှာမရှိဘူး "</p> <p style="text-align:justify">" ဘယ်လောက်ပဲ အခြေအနေဆိုးပါစေ ငါတို့သွားပြီးတော့ တိုက်ခိုက်ကို တိုက်ခိုက်ရမှာပဲ "</p> <p style="text-align:justify">လူငယ်မျက်မှောင်ကုပ်ကာ ပြောလိုက်သည်။</p> <p style="text-align:justify">" ငါ့အထင်တော့ ဓာတ်ကြီးငါးပါးဓားဂိုဏ်းက စိန်ခေါ်ပွဲမှာ သုံးပွဲစလုံး အနိုင်ရခဲ့ရင်တောင်မှ ဘာမှဖြစ်လာမှာ မဟုတ်ဘူး၊ ထာဝရဓားဂိုဏ်းက ဒီလိုအရေးသာနေတဲ့ အခြေအနေမှာ စိန်ခေါ်ပွဲလေးတစ်ခုတည်းနဲ့ ဘယ်လိုလုပ် လက်ရှိအနေအထားကို စွန့်လွှတ်မှာလဲ "</p> <p style="text-align:justify">ကောင်မလေး လေးနက်သော အမူအရာဖြင့် ပြောလိုက်၏။</p> <p style="text-align:justify">" အဲ့တာကြောင့် သွားပြီးတော့ကို တိုက်ခိုက်ရမယ် ဆိုလိုတာပေါ့ "</p> <p style="text-align:justify">လူငယ် မချိပြုံးပြုံးကာ ပြန်ပြောလိုက်သည်။</p> <p style="text-align:justify">ထိုငယ်ရွယ်သောစုံတွဲ မသိသည်မှာ သူတို့ပြောစကားပြောဆိုနေမှုကို ရဲ့ဟိုင်နှင့်ဝူမင် နှစ်ယောက်လုံးက ကြားနေရခြင်းပင်။</p> <p style="text-align:justify">နောက်ဆုံးတော့ သူတို့နှစ်ယောက်လုံး၏ ဝိညာဉ်များမှာ အလွန်သန်မာသော အနေအထားသို့ ရောက်ရှိနေကြပြီဖြစ်သည်။ သူတို့၏ နတ်အသိစိတ်အာရုံကို ပိတ်ဆို့ဖို့ကြိုးစားလျှင်တောင်မှ မည်သူကမှ ပိတ်ဆို့နိုင်မည် မဟုတ်ဘူးဖြစ်၏။</p> <p style="text-align:justify">" ဓာတ်ကြီးငါးပါးဓားဂိုဏ်းက ဒီလိုပြင်ပအကူအညီတွေ ရှိနေမယ်လို့ ငါမထင်ထားဘူး "</p> <p style="text-align:justify">ဝူမင် ခပ်ဖျော့ဖျော့ပြုံးကာ ပြောလိုက်သည်။</p> <p style="text-align:justify">" မင်းသူတို့ကိုသိလား "</p> <p style="text-align:justify">ရဲ့ဟိုင် မေးလိုက်၏။</p> <p style="text-align:justify">" မသိဘူး "</p> <p style="text-align:justify">ဝူမင် ခေါင်းခါယမ်းလိုက်သည်။</p> <p style="text-align:justify">ထိုအချိန်တွင် လူသုံးဦးက လူငယ်စုံတွဲရှိရာ စားပွဲဝိုင်းသို့ ချဉ်းကပ်လာလေ၏။</p> <p style="text-align:justify">ထို့နောက် အဆင့်နိမ့်တာအိုကျောက်တုံးတစ်တုံးအား ထိုသုံးယောက်ထဲမှ တစ်ယောက်က လူငယ်စုံတွဲ၏ စားပွဲပေါ်သို့ ပစ်တင်လိုက်သည်။</p> <p style="text-align:justify">" ဒီစားပွဲမှာ ငါတို့ထိုင်မယ် .. မင်းတို့ထွက်သွား "</p> <p style="text-align:justify">ချဉ်းကပ်လာသော လူသုံးယောက်ထဲမှတစ်ယောက်က အေးစက်စက်ဖြင့် ပြောလိုက်လျှင် ဆိုင်ထဲတွင်ရှိနေသော လူများအားလုံး လှည့်မကြည့်ဘဲ မနေနိုင်တော့ချေ။</p> <p style="text-align:justify">ထိုလူသုံးယောက်က လူငယ်စုံတွဲကို တမင်တကာပင် ပြဿနာသွားရှာမှန်း အရူးတစ်ယောက်ပင် သိနိုင်၏။ အဆင့်မြင့်တာအိုကျောက်တုံး အသုံးပြုခဲ့သော လူငယ်စုံတွဲကို အဆင့်နိမ့်တာအိုကျောက်တုံးတစ်တုံးအား သူတောင်းစားပေးသလိုပေးပြီး ထွက်ခွာခိုင်းနေခြင်းပင်။</p> <p style="text-align:justify">" ထွက်သွား "</p> <p style="text-align:justify">ဝမ်ရွှမ် ထိုလူသုံးယောက်ကိုမော့ကြည့်ကာ အေးစက်စက်ဖြင့် ပြန်ပြောလိုက်သည်။</p> <p style="text-align:justify">" ငါတို့အစ်ကိုကြီးက မင်းတို့ကိုထွက်သွားလို့ပြောနေတာလေ .. မင်း လူစကားနားမလည်ဘူးလား "</p> <p style="text-align:justify">လူသုံးယောက်ထဲမှ ဘယ်ဘက်ခြမ်းတွင် ရှိနေသောလူက ဝမ်ရွှမ်ကို လက်ညှိုးထိုးကာ ဒေါသတကြီး ပြောလိုက်၏။</p> <p style="text-align:justify">" ငါစကားတစ်ခွန်းပဲ ထပ်ပြောမယ်၊ ထွက်သွား "</p> <p style="text-align:justify">ဝမ်ရွှမ်ထိုကဲ့သို့ထပ်ပြောလိုက်လျှင် လူသုံးယောက်ကလဲ ချက်ချင်းပင် တိုက်ခိုက်ရန်လုပ်သည်။ သို့သော် သူတို့၏လက်များ မြှောက်လိုက်သည်နှင့် ဝမ်ရွှမ်၏ ဝိညာဉ်စွမ်းအားက ခန္ဓာကိုယ်မှ ထွက်ပေါ်လာခဲ့ပြီး ထိုလူသုံးယောက်လုံးကို ချုပ်နှောင်သွား၏။</p> <p style="text-align:justify">ထိုအချိန်တွင် အလွန် သေးငယ်သော အစိမ်းရောင်တောက်ပနေသည့် အဆိပ်အပ်သုံးချောင်းက ချုပ်နှောင်ခံထားရသော လူသုံးယောက်၏ ခါးဆီသို့ ပုန်းကွယ်ကာ တိတ်တဆိတ်ပင် ထိုးဖောက်ဝင်ရောက်လာလေသည်။</p> <p style="text-align:justify">ထိုမြင်ကွင်းကိုကြည့်ပြီး အရက်သောက်နေသော ရဲ့ဟိုင်၏ မျက်လုံးထဲတွင် အရောင်တလက်လက် တောက်ပလာ၏။</p> <p style="text-align:justify">သူလက်ကိုဝှေ့ယမ်းလိုက်လျှင် အဆိပ်အပ်သုံးချောင်းက ဖုံးကွယ်ထားသော အရှိန်အဝါ ပျောက်ကွယ်သွားပြီး တဝှီဝှီအော်မြည်သံနှင့်အတူ လူတိုင်း၏ရှေ့တွင် ထင်ထင်ရှားရှား ထွက်ပေါ်လာသည်။</p> <p style="text-align:justify">" ဘာ .. အဆိပ်အပ်တွေ "</p> <p style="text-align:justify">" ဒီအဆိပ်အပ်သုံးချောင်းက အဲ့ဒီသုံးယောက်ကို တိုက်ခိုက်ဖို့ရည်ရွယ်ထားတာပဲ၊ ဦးတည်ချက်လမ်းကြောင်းကလဲ အခြားကထွက်လာတာ "</p> <p style="text-align:justify">" အပြစ်ပုံချတာလား "</p> <p style="text-align:justify">" ဒီအရူးသုံးကောင်ကို အသုံးချပြီးတော့ လူငယ်စုံတွဲကို ထောင်ချောက်ဆင်ချင်နေ‌ကြတာပဲ "</p> <p style="text-align:justify">ဆိုင်ထဲတွင်ရှိနေသော ကျင့်ကြံသူများက ဉာဏ်နည်းသောသူများမဟုတ်ချေ။ အခြေအနေကိုမြင်လိုက်သည်နှင့် ဘာလဲဆိုတာကို တန်း၍သိသွားကြ၏။</p> <p style="text-align:justify">တစ်ဖက်တွင်လဲ ၎င်းမြင်ကွင်းကိုကြည့်ပြီး လူငယ်စုံတွဲမှာ သူတို့ပစ်မှတ်ထားခံရပြီမှန်း နားလည်လိုက်သည်။</p> <p style="text-align:justify">သို့သော် နောက်ဆက်တွဲရလဒ်က သူတို့ကိုပို၍ တုန်လှုပ်သွားစေ၏။</p> <p style="text-align:justify">အဆိပ်အပ်သုံးချောင်းသည် ရုတ်တရက်ပင် လမ်းကြောင်းပြောင်းကာ ပြန်လှည့်သွားပြီး ခပ်လှမ်းလှမ်းရှိ စားပွဲဝိုင်းဆီသို့ တိုးဝင်သွားသည်။</p> <p style="text-align:justify">" ရွှီး "</p> <p style="text-align:justify">" ရွှီး "</p> <p style="text-align:justify">" ရွှီး "</p> <p style="text-align:justify">စားပွဲဝိုင်းမှလူများက အလောတကြီးပင် ထ၍ရှောင်တိမ်းရန် ကြိုးစား၏။ သို့သော် လူသုံးယောက်၏ နဖူးက အဆိပ်အပ်၏ ထိုးဖောက်ခြင်းကို ခံလိုက်ရပြီး ချက်ချင်းပင် တစ်ကိုယ်လုံးပြာနှမ်းကာ အသက်မဲ့သော အလောင်းကောင်ကြီးအဖြစ် ပြောင်းလဲသွားသည်။</p> <p style="text-align:justify">" ချီးပဲ .. ဘယ်ကောင်လဲကွ "</p> <p style="text-align:justify">ပိုင်မင် ထိုမြင်ကွင်းကိုကြည့်ပြီး ဒေါသတကြီး ဟိန်းဟောက်လိုက်ကာ မျက်လုံးက နီရဲတောက်သွား၏။ သူအဘယ့်ကြောင့် ဒေါသမထွက်ဘဲ နေနိုင်မည်နည်း။ သူ့တာဝန်က ဝမ်ရွှမ်နှင့်ကောင်မလေးကို ဓားပြတိုက်ရန်သာဖြစ်သည်။ သို့သော် သူယခုမှ လှုပ်ရှားရုံရှိသေး၏။ အရေးကြီး‌သော လုပ်ဖော်ကိုင်ဖက်သုံးယောက်က အသတ်ခံလိုက်ရပြီဖြစ်သည်။</p> <p style="text-align:justify">ထို့အပြင် ပြဿနာတစ်ခုမှာလဲ လှုပ်ရှားသွားသူက ဝမ်ရွှမ်နှင့် သူ၏ဘေးနားတွင်ထိုင်နေသော ကောင်မလေးမဟုတ်ချေ အခြားလူဖြစ်၏။</p> <p style="text-align:justify">" အဲ့အဆိပ်အပ်သုံးချောင်းက မင်းပိုင်တဲ့ အပ်တွေလား "</p> <p style="text-align:justify">ဝမ်ရွှမ် သူ၏လက်ကို ဝှေ့ယမ်းလိုက်ကာ ချုပ်နှောင်ထားသော လူသုံးယောက်ကို လွှတ်ပေးလိုက်ပြီး ပိုင်မင်ကို အေးစက်စက်စိုက်ကြည့်ကာ မေးလိုက်သည်။ </p> <p style="text-align:justify">ထိုအချိန်ကျမှ ချုပ်နှောင်ခံထားရသော လူသုံးယောက်မှာ ကြောက်လန့်တကြားဖြင့် ဖင်ထိုင်လဲကြသွား၏။ ယခုနက သူတို့ သေတွင်းကနေ လက်မတင်လေး ပြန်လည်၍ လွတ်မြောက်လာသည်ဆိုတာကို ကောင်းကောင်းသိကြလေသည်။ တစ်ဖက်လူက ပြောသော တန်ကြေးကိုမက်မောပြီး သူတို့က ကိုယ်သေမှာမသိဘဲ အလွယ်တကူပင် လှုပ်ရှားခဲ့မိ၏။</p> <p style="text-align:justify">နောက်ဆုံးတော့ သူတို့သည် လူမိုက်များနှင့် လူယုတ်မာများအတွက် နောက်ဆုံးသွားရာလမ်းက သေတွင်း တစ်ခုတည်းရှိသည်ဆိုတာကို နားလည်သွားပြီဖြစ်သည်။ သူများကို မကောင်းကြံလျှင် မိမိတွင်လဲ ကောင်းတာဖြစ်လာမည် မဟုတ်ချေ။ ယခုက လက်တွေ့ ဉပမာပင်ဖြစ်သည်။ </p> <p style="text-align:justify">ဒါတောင် သေတွင်းက လွတ်လာလို့ နားလည်ပြီး နောင်တရနိုင်ခြင်းပင်။ မဟုတ်လျှင် ဘယ်လိုသေသွားမှန်းတောင် နားလည်လိုက်ကြမည် မဟုတ်ဘူးဖြစ်၏။</p> <p style="text-align:justify">မကောင်းမှု အကုသိုလ်တွေအတွက် တန်ပြန်၀ဋ်ကြွေးကာ ကြောက်စရာကောင်းလွန်းပေစွ ...</p> <p style="text-align:justify">" မင်းဘာတွေပြောနေလဲဆိုတာ .. ငါနားမလည်ဘူး "</p> <p style="text-align:justify">ပိုင်မင်တုံ့ဆိုင်းခြင်းမရှိဘဲ တိုက်ရိုက်ပင် ငြင်းဆန်လိုက်၏။</p> <p style="text-align:justify">" ဒါဆို ဘယ်ကောင်က ငါ့ကိုလာပြီး လှည့်စားနေလဲဆိုတာကို ငါသိချင်တယ် "</p> <p style="text-align:justify">ဝမ်ရွှမ် ဆိုင်တစ်ခုလုံးကို လှည့်ပတ်ကြည့်လိုက်ပြီး...</p> <p style="text-align:justify">" အဆိပ်အပ်ကို ပစ်လိုက်တဲ့ကောင် သေချာနားထောင်စမ်း .. မင်းရဲ့ လက်ရှိမိသားစုတစ်စုလုံး အပါအဝင် မင်းရဲ့ မိသားစုက အမျိုးသမီးတိုင်း မျိုးဆက် ( 18 ) ဆက်တိုင်အောင်လို့ ငါတစ်ယောက်မကျန် လုပ်ပစ်မယ် "</p> <p style="text-align:justify">ထိုစကားကြားသောအခါ ရဲ့ဟိုင်ပင်လျှင် အံ့အားသင့်စွာဖြင့် မျက်လုံးပြူးသွားသည်။</p> <p style="text-align:justify">ဝမ်ရွှမ်လို အဆင့်အတန်းရှိသည့် ပုံစံရသော လူငယ်တစ်ယောက် ပါးစပ်ထဲကနေ ဤကဲ့သို့ ယုတ်ညံ့သောစကားများ ထွက်လာမည်ဟု လုံးဝမထင်မှတ်ထားပေ။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save