Book List

<h2 style="text-align:center">အပိုင်း - ( ၁၃၉၆ )</h2> <h2 style="text-align:center">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">အဆင့် ( 6 ) အကြီးကဲ ထွက်သွားသောအခါ ဝမ်ရွှမ် တစ်ခဏစဉ်းစားပြီးနောက် ခွက်တစ်ခွက်ထဲသို့ အရက်များကို လောင်းထည့်လိုက်ပြီး ခွက်ကိုမြှောက်လိုက်၏။</p> <p style="text-align:justify">" ဝမ်ရွှမ်က အကူအညီအတွက် ကျေးဇူးတင်ပါတယ် အကြီးအကဲ .. ဒီဝိုင်တစ်ခွက်က အကြီးအကဲ အတွက်ပါပဲ "</p> <p style="text-align:justify">" ဝမ်ရွှမ် "</p> <p style="text-align:justify">" သူက ဝမ်ရွှမ်ဆိုတဲ့ တစ်ယောက်လား "</p> <p style="text-align:justify">အခြားစားပွဲမှ လူတချို့က တအံ့တဩဖြင့် ရေရွတ်လိုက်လျှင် ကျန်သည့်သူများက ထိုလူကိုစိုက်ကြည့်ကာ...</p> <p style="text-align:justify">" မင်းက ဝမ်ရွှမ်ဆိုတဲ့ နာမည်ကို သိလို့လား "</p> <p style="text-align:justify">" သိတာပေါ့ .. ဝမ်ရွှမ်ဆိုတာက တောင်ပိုင်းလျှို့ဝှက်ဓားဂိုဏ်းက ဓားသမားတစ်ဦးပဲလေ "</p> <p style="text-align:justify">" အထူးသဖြင့် ဝမ်ရွှမ်က တောင်ပိုင်းဓားသမားတွေထဲမှာ ထိပ်တန်း ( 10 ) ယောက်ထဲ အဆင့်သတ်မှတ်ခံထားရတဲ့သူပဲ "</p> <p style="text-align:justify">" သူလုံးဝ‌ကြောက်ရွံ့စိတ်မရှိတာ မထူးဆန်းတော့ဘူး .. ဘာလို့လဲဆိုတော့ ဝမ်ရွှမ်ကို ကောင်းကင်ဓားမြို့တော်က လုံးဝထိရဲမှာ မဟုတ်လို့လေ "</p> <p style="text-align:justify">ကျန်သူများကလဲ ခေါင်းညိတ်လိုက်ပြီး...</p> <p style="text-align:justify">" ဒါပေါ့ ထိပ်တန်းပါရမီရှင် တော်တော်များများကို ဘယ်သူတွေက အလွယ်တကူထိရဲလို့လဲ၊ နောက်ထပ် ( 10 ) စုနှစ်အနည်းငယ်ဆိုရင် ဒီမျိုးဆက်သစ်ပါရမီရှင်တွေက မျိုးဆက်ဟောင်းတွေကို ကျော်လွန်သွားတော့မှာ "</p> <p style="text-align:justify">တစ်ဖက်တွင် ဝမ်ရွှမ်သည် အရက်ခွက်ကို မော့ကာသောက်လိုက်ပြီး ပတ်ပတ်လည်မှ ကျင့်ကြံသူများကို သေချာစောင့်ကြည့်ခဲ့သော်လည်း သူ့ကိုကူညီခဲ့သောသူမှာ ဘယ်သူလဲဆိုတာကို သဲလွန်စရှာတွေ့ခဲ့ခြင်းမရှိပေ။ ထိုအချက်ကသူ့အား စိတ်ပျက်လက်ပျက် ဖြစ်သွားစေသည်။</p> <p style="text-align:justify">" လျှို့ဝှက်ဓားဂိုဏ်း "</p> <p style="text-align:justify">တစ်ဖက်တွင် ရဲ့ဟိုင်၏မျက်လုံးက အရောင်တလက်လက် တောက်ပလာ၏။</p> <p style="text-align:justify">" မင်းအဲ့ဒီ ဂိုဏ်းကို သိလို့လား "</p> <p style="text-align:justify">ဝူမင် တအံ့တဩဖြင့် ရဲ့ဟိုင်ကိုမေးလိုက်သည်။</p> <p style="text-align:justify">" လျှို့ဝှက်ဓားဂိုဏ်းဆိုတာက ရွှေဘီးအင်မော်တယ်ဘုရင် လျှို့ဝှက်တည်ထောင်ခဲ့တဲ့ ဂိုဏ်းတစ်ခုပဲလေ "</p> <p style="text-align:justify">ထိုစကားက ဝူမင်ကို မျက်လုံးပြူးသွားစေ၏။</p> <p style="text-align:justify">" ရဲ့ဟိုင် မင်း သေချာလား "</p> <p style="text-align:justify">ဝူမင်၏ ထိုတအံ့တဩအမူအရာကြောင့် ရဲ့ဟိုင်မျက်မှောင်ကုပ်သွားသည်။</p> <p style="text-align:justify">" ဘာဖြစ်လို့လဲ .. မင်းလဲ သူတို့ကိုသိတာလား "</p> <p style="text-align:justify">" အင်း .. သူ့နာမည်က ဝမ်ရွှမ် ဆိုရင်တော့ ငါသူ့ကိုသိတယ်၊ လျှို့ဝှက်ဓားဂိုဏ်းဆိုတာက တောင်ပိုင်းဒေသကြီးတစ်ခုလုံးမှာတောင်မှ သိသူက နည်းနည်းပဲရှိတော့တာ၊ ဝမ်ရွှမ်နဲ့ ဝမ်ယွီတို့ နှစ်ယောက်ရဲ့ ကျော်ကြားမှုကြောင့်သာမဟုတ်ရင် လျှို့ဝှက်ဓားဂိုဏ်းက လူတိုင်းရဲ့ အမြင်ကနေ ပျောက်ကွယ်သွားနေတာကြာပြီ "</p> <p style="text-align:justify">ဝူမင် ရဲ့ဟိုင်ကို တီးတိုးပြောလိုက်၏။</p> <p style="text-align:justify">" မင်းကသူတို့အကြောင်း တော်တော်သိနေတာပဲ "</p> <p style="text-align:justify">ရဲ့ဟိုင် ဝူမင်ကို တအံ့တဩဖြင့် ပြန်မေးလိုက်သည်။</p> <p style="text-align:justify">" ဒါပေါ့ .. မင်းနဲ့မတွေ့ခင် ငါ့ရဲ့ဆရာငါ့ကို တောင်ပိုင်းဒေသကြီးတစ်ခုလုံးကို ခေါ်သွားပြီးတော့ အဲ့ဒီမှာကျင့်ကြံစေခဲ့တာလေ "</p> <p style="text-align:justify">" ဒါဆို အဲ့ဒီလျှို့ဝှက်ဓားဂိုဏ်းရဲ့ ဂုဏ်သတင်းက ဘယ်လိုအခြေအနေရှိလဲ "</p> <p style="text-align:justify">" အဲ့တာတော့ .. ငါမသိဘူး "</p> <p style="text-align:justify">ဝူမင်သည် ထိုအကြောင်းကို အခြားလူများထံကသာ အနည်းငယ် ကြားနိုင်ခဲ့ခြင်းဖြစ်ပြီး လျှို့ဝှက်ဓားဂိုဏ်း၏ ဂုဏ်သတင်းအစစ်အမှန်ကိုတော့ လုံးဝသိရှိခြင်းမရှိပေ။</p> <p style="text-align:justify">ရဲ့ဟိုင် တစ်ခဏစဥ်းစားပြီးနောက် သူဆက်လက်၍ စောင့်ကြည့်နေရန်သာ ဆုံးဖြတ်လိုက်လေ၏။</p> <p style="text-align:justify">ဤသို့ဖြင့် နာရီဝက်အကြာတွင် ရဲ့ဟိုင်နှင့် ဝူမင်တို့ ကောင်းကင်ဓားမြို့တော်၌ ကျင်းပသော လေလံပွဲဆီသို့ ထွက်ခွာလာခဲ့သည်။</p> <p style="text-align:justify">လေလံပွဲဆီသို့ရောက်သောအခါ ရဲ့ဟိုင်နှင့် ဝူမင်တို့ နှစ်ယောက်လုံး တာအိုကျောက်တုံးတစ်ထောင်စီပေးပြီး လေလံခန်းမထဲသို့ ဝင်ရောက်လာခဲ့၏။</p> <p style="text-align:justify">ထို့နောက် လေလံခန်းမ တာဝန်ရှိသူများက ရဲ့ဟိုင်နှင့်ဝူမင်တို့ကို အပေါ်ထပ်ရှိ လဟာပြင်ထဲမှ စားပွဲဝိုင်းတစ်ခုဆီသို့ ခေါ်ဆောင်သွားသည်။</p> <p style="text-align:justify">ဝူမင် ထိုစားပွဲဝိုင်းတွင် ထိုင်ချလိုက်ပြီး ဒေါသတကြီးဖြင့်...</p> <p style="text-align:justify">" ချီးပဲ .. ဒီလေလံပွဲမှာ သီးသန့်အခန်းလေးဘာလေးတောင် မရှိဘူးလား "</p> <p style="text-align:justify">" ကြည့်ရတာ ရှင် ဒီလေလံပွဲအကြောင်း သေချာမစုံစမ်းခဲ့ဘူးပဲ၊ ကောင်းကင်ဓားမြို့တော်ရဲ့ လေလံပွဲမှာ သီးသန့်ခန်းဆိုတာမရှိဘူးလေ၊ အကုန်လုံးက တန်းတူပဲထိုင်ကြရတာ "</p> <p style="text-align:justify">ရဲ့ဟိုင်နှင့် ဝူမင်၏ နားထဲသို့ နူးညံ့ကာ သိမ်မွေ့ကြည်လင်သော အသံတစ်ခုက ထွက်ပေါ်လာလျှင် နှစ်ယောက်လုံး လှည့်ကြည့်လိုက်ကြ၏။</p> <p style="text-align:justify">ထိုသို့လှည့်ကြည့်လိုက်သည်နှင့် အလွန်လှပသည့် အမျိုးသမီးငယ်တစ်ယောက်ကို တွေ့လိုက်ရသည်။ သူမ၏မျက်ခုံးများက လခြမ်းကွေးနှင့်တူညီပြီး မျက်လုံးများက ကြယ်လေးများလို တောက်ပနေ၏။ အသားအရေကလဲ ကျောက်စိမ်း၏ တောက်ပမှုလို လင်းလက်ကာ ကြည်လင်နေသည်။</p> <p style="text-align:justify">" ကျေးဇူးပြုပြီး .. ကျွန်မဒီမှာထိုင်လို့ရလား "</p> <p style="text-align:justify">ထိုအမျိုးသမီးငယ်က တလေးတစားပင် ပြောလိုက်လျှင် ရဲ့ဟိုင် ပြုံး၍ မတ်တပ်ထရပ်လိုက်ပြီး ထိုင်ရန်နေရာကို ညွှန်ပေးလိုက်၏။</p> <p style="text-align:justify">တစ်ဖက်တွင် ကောင်မလေးက ဝင်ထိုင်ရန်ကြံရွယ်သော်လည်း ဝူမင်က မတ်တပ်မရပ်သည်ကို တွေ့သောအခါ သူမတုံ့ဆိုင်းသွားသည်။</p> <p style="text-align:justify">ရဲ့ဟိုင် ဝူမင်၏ ပုခုံးကိုပုတ်လိုက်ပြီး...</p> <p style="text-align:justify">" မင်းကဘာလို့ မထသေးတာလဲ "</p> <p style="text-align:justify">ချက်ချင်းပင် ဝူမင်၏နှုတ်ခမ်းထောင့်က တွန့်ကွေးသွား၏။</p> <p style="text-align:justify">" ရဲ့ဟိုင် မင်းရဲ့ အချစ်ပိုးက ပြန်ကြွလာပြန်ပြီလား "</p> <p style="text-align:justify">သူမျက်နှာမသာမယာဖြင့် အသံပို့လွှတ်ကာ ပြောလိုက်ပြီး မတ်တပ်ထရပ်လိုက်သည်။</p> <p style="text-align:justify">" ခွေးကောင် မင်းကမှအချစ်ပိုးတွေ ခန္ဓာကိုယ်တစ်ခုလုံးပြည့်နေလို့ ငါ့ကိုယွမ်ဟန်ဂိုဏ်းထိ လာပြီးခေါ်ရတာ မဟုတ်ဘူးလား "</p> <p style="text-align:justify">ရဲ့ဟိုင် အသံတိတ်ပင် ပြန်ပြောလိုက်၏။</p> <p style="text-align:justify">တကယ်တော့ ဝူမင် ရဲ့ဟိုင်ကို နောက်နေခြင်းဖြစ်သည်။ ခွန်ယင်းအာဆိုသည်မှာ အရှေ့ပိုင်းကုန်းမြေတိုက်ကြီး၏ ရင်သပ်ရှုမောဖွယ် အလှနတ်ဘုရားဟု သတ်မှတ်ခြင်းခံထားရသော်လည်း သူမက လက်ရှိအချိန်ထိ အပျိုဖြစ်နေဆဲပင်။ </p> <p style="text-align:justify">ခွန်ယင်းအာဆိုသည်မှာ ရဲ့ဟိုင်၏အစေခံဖြစ်သဖြင့် သူသာလိုချင်လျှင် အချိန်မရွေး တော်ကောက်လို့ရလေ၏။</p> <p style="text-align:justify">ယခုလဲ သူ၏ရှေ့တွင်ရှိသောမိန်းကလေးက တကယ်ကို လှပပေသည်။ သို့သော်လည်း ရဲ့ဟိုင်၏ စိတ်ဝင်စားခြင်းကို ရရှိရန်တော့ မထိုက်တန်သေးပေ။</p> <p style="text-align:justify">ဝူမင်က မတ်တပ်ထရပ်လိုက်လျှင် ကောင်မလေးမှာ ကျေးဇူးတင်စကားပြောလိုက်ပြီး ဝူမင်၏ ဘေးနားခုံတွင် ထိုင်လိုက်၏။</p> <p style="text-align:justify">ထိုအချက်က ဝူမင်၏မျက်နှာကို သိသိသာသာ ရှုတ်မဲ့သွားစေသောအခါ ကောင်မလေး ရှက်ရွံ့သောအမူအရာဖြင့် ချက်ချင်းပင် ထိုင်ခုံမှ ထပြောင်းသွားသည်။</p> <p style="text-align:justify">အချိန်ကြာလာသည်နှင့်အမျှ ကျင့်ကြံသူများက လေလံခန်းမထဲ ပြည့်နှက်လာလေ၏။ နောက်ဆုံး လေလံခန်းမကြီးတစ်ခုလုံး ထိုင်ခုံများအပြည့် ဖြစ်သွားသည့်အချိန်တွင် လေလံခန်းမတံခါးကလဲ ပိတ်သွားသည်။ ထို့နောက် အလယ်ရှိ လေလံစင်မြင့်ပေါ်၌ အမျိုးသမီးတစ်ယောက်ပုံရိပ်က ထွက်ပေါ်လာ၏။</p> <p style="text-align:justify">သူမထွက်ပေါ်လာသည်နှင့် တစ်ပြိုင်နက် ယောကျ်ားလေးများ၏ အသက်ရှူသံများက ဆက်တိုက်ပင် မြန်ဆန်လာတော့သည်။</p> <p style="text-align:justify">ဤကောင်မလေးက အရမ်းကိုစွဲဆောင်မှုရှိလွန်း၏။</p> <p style="text-align:justify">သူမစကားတစ်ခွန်းမှ မပြောသေးတာတောင်မှ မျက်လုံးအကြည့် အမူအရာများက ဖော်မပြနိုင်လောက်အောင် စွဲဆောင်မှုများနှင့် ပြည့်နှက်နေသည်။</p> <p style="text-align:justify">" အားလုံးပဲ မင်္ဂလာပါ .. ငါ့နာမည်က ရှီကျားပါပဲ "</p> <p style="text-align:justify">ထိုအမျိုးသမီး၏ အသံက ဂီတတူရိယာကြိုးလေးများကို တီးခတ်လိုက်သလို သာယာလွန်းလှ၏။ ထိုအသံက ယောကျ်ားသားများ၏ နူးညံ့သော နှလုံးသားအစိတ်အပိုင်းကို အလွယ်တကူပင် နှိုးဆွသွားသည်။</p> <p style="text-align:justify">ထို့အပြင်သူမက စကားပြောနေသည့်အချိန်တွင် ခန္ဓာကိုယ်ကိုကွေးညွှတ်ကာ လူတိုင်းကို ဦးညွှတ်လိုက်ပြီး အလှအပကို လူအုပ်ကြီးအား တိုက်ရိုက်ပင် ပြသလိုက်၏။</p> <p style="text-align:justify">လေလံခန်းမထဲတွင်ရှိသော ယောကျ်ားအားလုံးနီးပါး၏ မျက်လုံးများက နီရဲသွားပြီး အသက်ရှူသံက မြန်ဆန်လာသည်။ သူတို့၏ မျက်လုံးအကြည့်များကလည်း အမျိုးသမီး၏ ကိုယ်ခန္ဓာအလှကိုသာ ကြည့်နေကြလေ၏။</p> <p style="text-align:justify">ရဲ့ဟိုင်နှင့်ဝူမင် တို့ကတော့ ၎င်းကိုတစ်ချက်သာကြည့်ပြီး အကြည့်လွှဲသွားသည်။</p> <p style="text-align:justify">ဝူမင် ရဲ့ဟိုင်အား မျက်လုံးတစ်ဖက်မှိတ်ပြကာ ပြောလိုက်၏။</p> <p style="text-align:justify">" မဟုတ်ဘူး အဲ့တာကို အသက်ရွယ်နဲ့ လက်ကမြင်းမှုကြောင့် တထစ်ပြုတ်ကျနေတဲ့ အဆင့်လို့ပဲခေါ်တယ်၊ စစ်နေတုန်းပဲ"</p> <p style="text-align:justify">ရဲ့ဟိုင် ခပ်တည်တည်ဖြင့် ပြန်ပြောလိုက်သည်။</p> <p style="text-align:justify">အကယ်၍ ထိုအမျိုးသမီးသည် ဝူမင်ပြောသလို ဖြစ်နေပါက သူမ ဤအခြေအနေထိ တင်းနေအုံးမည်မဟုတ်ချေ။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:center">***</p>


Save