Book List

<h2 style="text-align:center">အပိုင်း - ( ၁၃၉၇ )</h2> <h2 style="text-align:center">*</h2> <p> </p> <p> </p> <p style="text-align:justify"><br /> ပွင့်ပွင့်လင်းလင်း ဝန်ခံရမည်ဆိုလျှင် ထိုအမျိုးသမီးမှာ ရုပ်ရည်အသွင်အပြင်က တကယ့်ကိုထိပ်တန်းဖြစ်၏။ သို့သော် ဝူမင်သည် သူမ၏ အပြုအမူများကို လုံးဝကြိုက်နှစ်သက်ခြင်းမရှိပေ။</p> <p style="text-align:justify">" ဟမ့် .. အပိုအလုပ်တွေမလုပ်ဘဲနဲ့ လေလံပွဲကို တစ်ခါတည်း တန်းသွားလို့ မရဘူးလား "</p> <p style="text-align:justify">ထိုရှီကျားဆိုသော အမျိုးသမီးက ပစ္စည်းတစ်ခုကို လေလံတင်ရန်အတွက် ဤမျှလောက်အထိ အချိန်ဆွဲနေသည်ကို တွေ့သောအခါ ဝူမင် မကျေမနပ်ဖြင့် အော်ပြောလိုက်သည်။</p> <p style="text-align:justify">တစ်ဖက်တွင် လေလံစင်မြင့်ပေါ်၌ရှိသော ရှီကျားက ဝူမင်ကို အံ့အားသင့်စွာဖြင့် လှမ်းကာကြည့်လိုက်၏။</p> <p style="text-align:justify">ရှီကျားသည် ယခုနက သူမ၏ ညှို့ငင်ဖြားယောင်းခြင်းနည်းစနစ်ကို အသုံးပြုခဲ့ခြင်းဖြစ်ပြီး အင်မော်တယ်သခင်အဆင့် ကျင့်ကြံသူများမှလွဲ၍ မည်သူကမှ သူမ၏ညှို့ငင်ဖြားယောင်းခြင်းအောက်ကနေ လွတ်မြောက်နိုင်မည်မဟုတ်ဟု ယုံကြည်သည်။</p> <p style="text-align:justify">ယခုတော့ ယောကျ်ားတစ်ယောက်က သူမကို ဤကဲ့သို့ စိတ်မရှည်သောလေသံဖြင့် ပြောလာခဲ့သည်လား။</p> <p style="text-align:justify">ဝူမင်၏ ထိုလုပ်ရပ်က နှာထနေသော အမျိုးသားကျင့်ကြံသူများ အများအပြားကို စိတ်ကူးဖြင့်ရွက်လွှင့်နေသည်အား မုန်တိုင်းဝင်သွားစေသဖြင့် ဒေါသထွက်သွားကြစေ၏။</p> <p style="text-align:justify">" သောက်ရူးကောင် .. မင်းဘယ်ကရောက်လာတာလဲ "</p> <p style="text-align:justify">" ချီးပဲ .. ခွေးကောင် မင်းကယောကျ်ား မဟုတ်ဘူးလား "</p> <p style="text-align:justify">" မင်းလိုကောင်က ငါတို့ရဲ့စိတ်ခံစားချက်တွေကို လာပြီးနှောင့်ယှက်ရဲတယ်ပေါ့ "</p> <p style="text-align:justify">" ဒီကနေထွက်သွားစမ်း .. "</p> <p style="text-align:justify">အခန်းထဲရှိ ယောကျ်ားကျင့်ကြံသူများအားလုံးက ကျိန်စာတိုက်သလို ကျိန်ဆဲကြပြီး ဟိန်းဟောက်လာသောအခါ ဝူမင်မျက်မှောင်ကုပ်သွားသည်။</p> <p style="text-align:justify">ချက်ချင်းပင် ဝူမင်၏ခန္ဓာကိုယ်မှ အလွန်ကြောက်စရာကောင်းသော ဝိညာဥ်စွမ်းအားက အုန်းခနဲ ပေါက်ကွဲထွက်လာပြီး လေလံခန်းမတစ်ခုလုံးကို ပျံ့နှံ့သွား၏။ တစ်ပြိုင်တည်းမှာပင် ရွှေရောင်အလင်းကွင်းများကလဲ ဝူမင်၏ခန္ဓာကိုယ်ပတ်ပတ်လည်၌ တစ်ခုပြီးတစ်ခု ထွက်ပေါ်လာလေသည်။ အသက်ရှူကြိမ်အနည်းငယ်အတွင်း ဝူမင်၏ခန္ဓာကိုယ်ကို ရွှေရောင်ကွင်း ( 30 ) က ဝန်းရံနေခဲ့၏။</p> <p style="text-align:justify">" ရွှေအင်မော်တယ်အဆင့် ( 30 ) "</p> <p style="text-align:justify">" ဒီသခင်လေးက ဘယ်သူလဲ "</p> <p style="text-align:justify">" ငယ်ငယ်ရွယ်ရွယ်နဲ့ ရွှေအင်မော်တယ်အဆင့် ( 30 ) ကို ရောက်နေတယ်ဆိုတော့ သာမန်လူတစ်ယောက် လုံးဝမဖြစ်နိုင်ဘူး "</p> <p style="text-align:justify">လေလံခန်းမထဲတွင်ရှိသော လူများအားလုံး ရွှေရောင်ကွင်း ( 30 ) ၏ တည်ရှိမှုအောက်တွင် အံ့အားသင့်ကာ ဆွံ့အသွားကြသည်။</p> <p style="text-align:justify">အဘယ့်ကြောင့်ဆိုသော် အင်မော်တယ်ကမ္ဘာတွင် လူတိုင်းသည် ရွှေအင်မော်တယ်အဆင့် ( 30 ) ကို မရောက်ရှိနိုင်သောကြောင့်ဖြစ်၏။ </p> <p style="text-align:justify">" ခုနကစကားကို ဘယ်ကောင်ပြောလိုက်တာလဲ .. ဒီဖေဖေရှေ့ လာခဲ့စမ်း "</p> <p style="text-align:justify">ဝူမင် မတ်တပ်ထရပ်လိုက်ပြီး အကုန်လုံးကို အေးစက်စက် စိုက်ကြည့်လိုက်သည်။</p> <p style="text-align:justify">လေလံပွဲတစ်ခုလုံး မည်သူကမှ စကားဟခြင်း မရှိတော့ပေ။ </p> <p style="text-align:justify">မျိုးဆက်ဟောင်းများတောင်မှ ဝူမင်ကိုပြန်ပြီးတော့ မေးခွန်းမထုတ်ရဲကြဘူးဖြစ်၏။ အဘယ့်ကြောင့်ဆိုသော် လက်ရှိအချိန်တွင် သူတို့က ဝူမင်ထက်သာလွန်နေသော်လည်း နောင် ( 10 ) နှစ်အတွင်း ဝူမင်၏အဆင့်က သူတို့ကိုပြန်၍ ကျော်လွှားသွားနိုင်သောကြောင့်ဖြစ်သည်။</p> <p style="text-align:justify">ထို့အပြင် ဝူမင်လိုပါရမီရှင် ကျင့်ကြံသူတစ်ယောက်လက်ထဲ၌ အခြားဝှက်ဖဲများ မရှိနေဘူးဆိုတာ လုံးဝမဖြစ်နိုင်ချေ။</p> <p style="text-align:justify">တစ်ဖက်တွင် ဝူမင်တို့ဝိုင်းတွင် ထိုင်နေသော ကောင်မလေးကလဲ အံ့အားသင့်နေ၏။ သူမဝင်ထိုင်လိုက်သောဝိုင်းတွင် ရှိနေသည့်လူ၏စွမ်းအားက ဤမျှအထိ သန်မာနေမည်ဟု မမျှော်လင့်ထားပေ။</p> <p style="text-align:justify">မည်သူမှ သူ၏စကားကို မတုံ့ပြန်သည်ကို မြင်သောအခါ ဝူမင် စင်ပေါ်တွင်ရှိနေသော ရှီကျားဆိုသည့် အမျိုးသမီးကို အေးစက်စက် စိုက်ကြည့်လိုက်ပြီး...</p> <p style="text-align:justify">" မင်းအနေနဲ့ ကြိုက်တဲ့နေရာမှာ သွားပြီး မင်း အထုတ်၊ အထည်တွေ ပြလို့ရတယ်၊ ဒါပေမဲ့ ငါ့အရှေ့မှာတော့ ဘယ်တော့မှ လာမလုပ်နဲ့ "</p> <p style="text-align:justify">မောက်မာခြင်း...</p> <p style="text-align:justify">ကြီးစိုးခြင်း...</p> <p style="text-align:justify">လုံးဝကို အရိုင်းဆန်ခြင်း...</p> <p style="text-align:justify">ဤအရာအားလုံးက ဝူမင်၏ခန္ဓာကိုယ်တွင် ထင်ဟပ်နေသည်။</p> <p style="text-align:justify">ကွင်းထဲတွင်ရှိသော ကျင့်ကြံသူယောကျ်ား အများအပြားကတော့ ထိုစကားကို လုံးဝကြိုက်ကြခြင်းမရှိပေ။ သို့သော်လည်း ကောင်းကင်ဓားမြို့တော်၏ လူငယ်မျိုးဆက်သစ် ပါရမီရှင်များပင်လျှင် ထိုစကားကို ပြန်လည်ချေပရန်အတွက် မတ်တပ်မရပ်ရဲကြဘူးဖြစ်၏။</p> <p style="text-align:justify">ယခုအချိန်တွင် သူတို့မတ်တပ်ရပ်လိုက်လျှင် တစ်ဖက်လူအား စော်ကားမိသွားသည်နှင့် အတူတူပင် ဖြစ်သွားပေမည်။ မည်သူကမှ ဘာမဟုတ်သည့် စကားတစ်ခွန်းတည်းနှင့်တော့ အကြီးအကျယ် ရန်ငြိုးမရှိချင်ကြဘူးဖြစ်သည်။</p> <p style="text-align:justify">ဤကဲ့သို့လုပ်ရန်လဲ မလိုအပ်ဘူးဖြစ်၏။</p> <p style="text-align:justify">" အဲ့တာက ဘယ်သူလဲ "</p> <p style="text-align:justify">နက်မှောင်နေသော ဓားရှည်တစ်ချောင်းကို လွယ်ထားသည့် လူငယ်တစ်ယောက်က ဘေးနားတွင်ရှိသော အဘိုးအိုကိုကြည့်ကာ မေးလိုက်သည်။</p> <p style="text-align:justify">" ငါလဲ သူ့ကို ရှင်းရှင်းလင်းလင်း မမြင်ရဘူး "</p> <p style="text-align:justify">အဘိုးအို ခေါင်းကိုခါယမ်းလိုက်ပြီး...</p> <p style="text-align:justify">" သူက သူ့ရဲ့ရုပ်ရည်ကို ရည်ရွယ်ချက်ရှိရှိ ဖုံးကွယ်ထားတာပဲ၊ ငါ့ရဲ့နတ်ဝိညာဥ်က သူ့အနားကို ချဥ်းကပ်သွားတဲ့အချိန်မှာ တစ်စုံတစ်ခုရဲ့ တားဆီးခြင်းကို ခံထားရတယ် "</p> <p style="text-align:justify">ကျောက်စိမ်းအင်မော်တယ်အဆင့်တွင် ရုပ်ခန္ဓာကိုသန်မာအောင် ကျင့်ကြံရပြီး ရွှေအင်မော်တယ်အဆင့်တွင် ဝိညာဥ်ကိုသန်မာအောင် ကျင့်ကြံရ၏။ ထို့အတူပင် အင်မော်တယ်သခင်အဆင့်တွင် ထိုသန်မာသော ရုပ်ခန္ဓာနှင့်ဝိညာဥ်ကို တစ်သားတည်းကျအောင် ပြန်ပြီးပေါင်းစပ်ရသည်။</p> <p style="text-align:justify">ထို့ကြောင့်လည်း အင်မော်တယ်သခင်အဆင့်များက အလွန်သန်မာပြီး ပြိုင်ဘက်ကင်းဖြစ်နေခြင်းပင်။</p> <p style="text-align:justify">သို့သော် အဘိုးအိုသည် အင်မော်တယ်သခင် တတိယအဆင့်တွင်ရှိနေပြီး ရွှေအင်မော်တယ်အဆင့်နှင့် ကျောက်စိမ်းအင်မော်တယ်အဆင့်တွင်လည်း သူ၏အဆင့်က မမြင့်မားခဲ့သောကြောင့် ဝူမင်ကို ထွင်းဖောက် မမြင်နိုင်ခြင်းဖြစ်၏။</p> <p style="text-align:justify">" သုံးရက်အတွင်း ကျွန်တော်တို့ ထာဝရဓားဂိုဏ်းက ဓာတ်ကြီးငါးပါးဓားဂိုဏ်းကို ဖျက်ဆီးပစ်မှာ၊ အဲ့ဒီအချိန်မှာ ဘာမှအမှားအယွင်း မဖြစ်ပါစေနဲ့လို့ ဆုတောင်းရမှာပဲ " </p> <p style="text-align:justify">လူငယ် စိုးရိမ်တကြီးဖြင့် ပြောလိုက်သည်။</p> <p style="text-align:justify">ဟောင်ရိဖန်သည် ကောင်းကင်ဓားနယ်မြေတွင် တော်တော်လေးကို နာမည်ကြီးသည့် ပါရမီရှင်တစ်ယောက်ဖြစ်၏။ ဓာတ်ကြီးငါးပါးဓားဂိုဏ်းမှ နံပါတ်တစ်ပါရမီရှင် ရှုကျန်းယီပင်လျှင် သူ့ကိုမယှဥ်နိုင်ပေ။</p> <p style="text-align:justify">သို့သော်လည်း ဟောင်ရိဖန်သည် သူ့ကိုယ်သူ ကမ္ဘာပေါ်မှ အသန်မာဆုံး ပါရမီရှင်ဟုတော့ ဘယ်တော့မှ မယူဆဘူးဖြစ်သည်။</p> <p style="text-align:justify">အရှေ့ပိုင်းကုန်းမြေတိုက်ကြီး၏ လူငယ်မျိုးဆက်သစ်ပြိုင်ပွဲ ထိပ်တန်း ( 10 ) ယောက်စာရင်းတွင်ပင် ထိပ်တန်း ( 7 ) ယောက်လောက်က သူ့ထက်သာလွန်သည်ဆိုတာကို ကောင်းကောင်းသိ၏။</p> <p style="text-align:justify">အဘယ့်ကြောင့်ဆိုသော် သူကျောက်စိမ်းအင်မော်တယ် အဆင့်တွင် ရောက်ရှိခဲ့သော အခြေအနေက ထိုလူများထက် နိမ့်ကျသောကြောင့်ဖြစ်သည်။</p> <p style="text-align:justify">သူတို့လို ပါရမီရှင်များ၏ အဆင့်တွင် နယ်ပယ်တစ်ခုလောက် ကွာဟသည်က အရာအားလုံးကိုဆုံးဖြတ်ရန် လုံလောက်၏။</p> <p style="text-align:justify">ပုံမှန်ဆိုလျှင် အဆင့်တစ်ခုလောက် ကွာခြားသည်ကို မှော်နည်းစနစ်များဖြင့် ဖာထေး၍ရနိုင်သည်။</p> <p style="text-align:justify">သို့သော် ထိုကဲ့သို့ ပါရမီရှင်များတွင် ထူးခြားကာ အစွမ်းထက်သော မှော်နည်းစနစ်များက အဘယ်ကြောင့် ရှားပါးနေမည်နည်း။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:center">***</p>


Save