Book List

<h2 style="text-align: center;">အပိုင်း - ( ၁၃၉၉ )</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">ရဲ့ဟိုင်နှင့်ဝူမင်တို့ ဆွေးနွေးနေသည့် အချိန်မှာပင် စစ်သင်္ဘော၏ ဈေးနှုန်းက သုံးသိန်းအထိ ခုန်တက်သွားပြီဖြစ်၏။</p> <p style="text-align:justify">သို့သော်လည်း လက်ရှိအချိန်တွင် လေလံစွဲသူက နှစ်ဦးသာရှိတော့သည်။</p> <p style="text-align:justify">၎င်းမှာ ဓာတ်ကြီးငါးပါးဓားဂိုဏ်းမှ ရှုကျန်းယီနှင့် ထာဝရဓားဂိုဏ်းမှ ဟောင်ရိဖန်တို့ပင်ဖြစ်၏။</p> <p style="text-align:justify">" သုံးသိန်းတစ်သောင်း "</p> <p style="text-align:justify">ဟောင်ရိဖန် တည်ငြိမ်စွာ ပြောလိုက်သည်။</p> <p style="text-align:justify">" သုံးသိန်းနှစ်သောင်း "</p> <p style="text-align:justify">ရှုကျန်းယီကလဲ မဆိုင်းမတွပင် အနောက်မှလိုက်လာ၏။</p> <p style="text-align:justify">" သုံးသိန်းသုံးသောင်း "</p> <p style="text-align:justify">" လေးသိန်း "</p> <p style="text-align:justify">ရှုကျန်းယီ ပြတ်ပြတ်သားသားပင် လေလံစွဲလိုက်သည်။ ဤကဲ့သို့ များများတင်လိုက်သောကြောင့် ဈေးနှုန်းက လေလံပွဲအရှိန်ကို ပို၍ပင် တက်သွားစေမည်ဆိုတာ သူသဘောပေါက်၏။ သို့သော် ပြတ်ပြတ်သားသား လေလံစွဲလိုက်ဆဲပင်။</p> <p style="text-align:justify">" လေးသိန်းတစ်သောင်း "</p> <p style="text-align:justify">ဟောင်ရိဖန် ရှုကျန်းယီအား ဒေါသတကြီး လှမ်းကြည့်ကာ ပြောလိုက်သည်။</p> <p style="text-align:justify">" ငါးသိန်း "</p> <p style="text-align:justify">ရှုကျန်းယီသည် ဤကိန်းဂဏန်းက သူ၏မျှော်မှန်းချက်ထက်ပင် အများကြီးကျော်လွန်နေသော ကိန်းဂဏန်းဖြစ်သဖြင့် ၎င်းကိုအော်လိုက်သည့်အချိန်၌ နှလုံးက လည်ချောင်းမှ ခုန်ထွက်တော့မည့်အလား မြန်ဆန်လာ၏။</p> <p style="text-align:justify">" ငါးသိန်းတစ်သောင်း "</p> <p style="text-align:justify">ဟောင်ရိဖန် လှောင်ပြုံးပြုံးကာ အနောက်ကနေလိုက်သည်။</p> <p style="text-align:justify">ရှုကျန်းယီအံကြိတ်ကာ လေလံကိုဆက်စွဲမည်ပြင်ချိန် အသံတစ်ခုက သူ၏နားထဲတွင် ဝင်ရောက်လာလေ၏။</p> <p style="text-align:justify">" ဒါက ချို့ယွင်းချက်ရှိနေတဲ့ စစ်သင်္ဘောတစ်စင်းပဲ၊ ဘာလို့အဲ့လောက်တောင်မှ အကုန်ကျခံနေမှာလဲ "</p> <p style="text-align:justify">ရှုကျန်းယီ၏ မျက်နှာအမူအရာက အစပိုင်းတွင် မျက်လုံးပြူးသွားသည်။ ထို့နောက် တဖြည်းဖြည်း သူ၏မျက်နှာတွင် ပျော်ရွှင်မှုများ ထွက်ပေါ်လာခဲ့၏။</p> <p style="text-align:justify">" ရဲ့ဟိုင် မင်း ဘယ်တုန်းကရောက်နေတာလဲ "</p> <p style="text-align:justify">" အခုပဲ၊ ဓာတ်ကြီးငါးပါးဓားဂိုဏ်းမှာ ဒီလိုတွေဖြစ်ပျက်နေတယ်ဆိုတာကို မင်းဘာလို့ငါ့ကိုအသိမပေးတာလဲ "</p> <p style="text-align:justify">ရဲ့ဟိုင် ၎င်းကို နဂိုတည်းက သိချင်နေခြင်းဖြစ်သည်။ ပုံမှန်ဆိုလျှင် ဓာတ်ကြီးငါးပါးဓားဂိုဏ်းအနေဖြင့် သူ့ကို ဤအခြေအနေအား ဖွင့်ပြောလာလျှင် သူကျိန်းသေပေါက် ကူညီမည်ဖြစ်၏။</p> <p style="text-align:justify">" ငါ မပြေတာ မဟုတ်ဘူး ရဲ့ဟိုင် .. ထာဝရဓားဂိုဏ်းက အင်မော်တယ်တရားရုံးက တော်တော်လေးကိုသန်မာတဲ့ ပုဂ္ဂိုလ်တစ်ယောက်နဲ့ ချိတ်ဆက်နေတယ် "</p> <p style="text-align:justify">ထိုသို့ပြောပြီးသည်နှင့် ရှုကျန်းယီ သက်ပြင်းချလိုက်ပြီး...</p> <p style="text-align:justify">" ဂိုဏ်းချုပ်က မင်းကို ဒီကိစ္စအကြောင်းမကြားဖို့အတွက် ငါ့ကိုသူကိုယ်တိုင် တားမြစ်ထားခဲ့တာ "</p> <p style="text-align:justify">ထိုစကားက ရဲ့ဟိုင်ကို တကယ်ပင် အံ့အားသင့်စေကြောင်း ဝန်ခံရပေမည်။</p> <p style="text-align:justify">ရဲ့ဟိုင်သည် ထိုနေ့မှအဖြစ်ကို ပြန်တွေးကြည့်လိုက်လျှင် ဓားဘုရင်နှင့် တွေ့ဆုံသည့်အချိန်၌ ဓားဘုရင်ကသူ့ကို ပုံမှန်အကြောင်းများသာ ပြောခဲ့ပြီး ဤအခြေအနေကို တစ်ခွန်းလေးတောင် မဟခဲ့ချေ။ ထိုလူမှာ တကယ်ကို ကောင်းမွန်သည့်လူဟု ဆိုရမည်ဖြစ်သည်။</p> <p style="text-align:justify">" ကောင်းပြီ .. ဒီချို့ယွင်းနေတဲ့ စစ်သင်္ဘောတစ်စင်းကို လေလံစွဲမနေနဲ့တော့ .. စစ်သင်္ဘောတစ်စင်းအကောင်း ငါမင်းကိုပေးမယ် "</p> <p style="text-align:justify">ရဲ့ဟိုင် ခဏစဥ်းစားပြီးနောက် ပြန်ပြီးပြောလိုက်၏။</p> <p style="text-align:justify">" ဒါဘယ်လိုလုပ်ဖြစ်နိုင်မှာလဲ အဲ့တာက တန်ဖိုးအရမ်းကြီးတယ်လေ ငါလက်မခံနိုင်ဘူး "</p> <p style="text-align:justify">ရှုကျန်းယီ ကမန်းကတန်းပင် ငြင်းဆန်သည်။</p> <p style="text-align:justify">" ဒါက အဆင့်နိမ့်စစ်သင်္ဘောလေးတစ်စင်းပဲ ငါ့အတွက်ဘာမှမဟုတ်ဘူး "</p> <p style="text-align:justify">ရဲ့ဟိုင် ပြန်ပြောလိုက်လျှင် ရှုကျန်းယီ၏ မျက်လုံးက ပြူးကျယ်သွား၏။</p> <p style="text-align:justify">" အဆင့်နိမ့်သင်္ဘောလေးတစ်စင်းက မင်းအတွက်ဘာမှမဟုတ်ဘူးဆိုတော့ မင်းမှာအဆင့်မြင့်သင်္ဘောတစ်စင်း ရှိနေလို့လား "</p> <p style="text-align:justify">ရှုကျန်းယီ ၎င်းစကားကို ပြန်မမေးဘဲ မနေနိုင်တော့ပေ။</p> <p style="text-align:justify">" ဟုတ်တယ် "</p> <p style="text-align:justify">ရှုကျန်းယီ ???</p> <p style="text-align:justify">ရှုကျန်းယီ၏ မျက်နှာတွင် မေးခွန်းအမှတ်အသားများ ထွက်ပေါ်လာသည်။ သူကပုံမှန်အတိုင်း ပေါ့ပေါ့ပါးပါးသာ မေးလိုက်ခြင်းဖြစ်သော်လည်း ရဲ့ဟိုင်ကတကယ် ပိုင်ဆိုင်ထားမည်ဟု မမျှော်လင့်ထားချေ။</p> <p style="text-align:justify">အဆင့်မြင့်စစ်သင်္ဘောများဆိုသည်မှာ ဘာကိုကိုယ်စားပြုသနည်း။ ၎င်းက အင်မော်တယ်သခင်အထွတ်အထိပ်အဆင့် ကျင့်ကြံသူများကို ကိုယ်စားပြုခြင်းဖြစ်၏။ ထိုစစ်သင်္ဘောတစ်စင်းကိုသာပိုင်ဆိုင်လျှင် အရှေ့ပိုင်းကုန်းမြေတိုက်ကြီး တစ်ခုလုံးကို လွတ်လွတ်လပ်လပ်ဖြင့် ဖြတ်သန်းသွားလာနိုင်စွမ်းရှိသည်ဟု ဆိုလို့ရသည်။</p> <p style="text-align:justify">အဆင့်မြင့်စစ်သင်္ဘောများသည် အင်မော်တယ်သခင် အစောပိုင်းအဆင့်နှင့် အလယ်အလတ်အဆင့်များကို သတ်ဖြတ်နိုင်ပြီး အင်မော်တယ်သခင် အထွတ်အထိပ်အဆင့်များကိုတောင်မှ တကယ့်တကယ်သာ ထိပ်တိုက်ရင်ဆိုင် တိုက်ခိုက်မည်ဆိုလျှင် သတ်ဖြတ်နိုင်စွမ်းရှိ၏။</p> <p style="text-align:justify">" ရဲ့ဟိုင် မင်းငါ့ကို နောက်နေတာတော့ .. မဟုတ်ဘူးမလား "</p> <p style="text-align:justify">" ငါမင်းကို ဘယ်တုန်းက အဲ့လိုစနောက်ဖူးလို့ "</p> <p style="text-align:justify">၎င်းစကားကြားသောအခါ ရှုကျန်းယီ ငြိမ်သက်သွားသည်။ ကြည့်ရသည်မှာ ယွမ်ဟန်ဂိုဏ်း၏အင်အားက သူထင်ထားသည်ထက် အများကြီးပိုကြီးမားနေသည့်ပုံပင်။</p> <p style="text-align:justify">ဥပမာအနေဖြင့်ပြောရလျှင် ရဲ့ဟိုင်နှင့်ဝူမင်တို့က လူသိရှင်ကြား အသိအမှတ်ပြုခံထားရသော အင်မော်တယ်ဘုရင်နှစ်ယောက်ဖြစ်၏။ ထို့နောက် ရဲ့ဟိုင်နှင့် သူ၏တာအိုလက်တွဲဖော် ဖီးနစ်နတ်သမီး ရှိသေးသည်။ သူမကလဲ အနာဂါတ်တွင် အင်မော်တယ်ဘုရင်အဆင့်ကို ရောက်ရှိနိုင်သူပင်။</p> <p style="text-align:justify">အထူးသဖြင့် ကျိုးဒူအာဆိုတာကလဲ စာရင်းထဲသို့ မဖြစ်မနေ ထည့်သွင်းစဥ်းစားရမည်ဖြစ်၏။</p> <p style="text-align:justify">ကျိုးဒူအာသည် သူမမျိုးနွယ်၏ ကံကြမ္မာအားလုံးကို လက်ခံရရှိခဲ့ပြီးဖြစ်သည်။ အနာဂါတ်တွင် အင်မော်တယ်ဘုရင်တစ်ယောက် ဖြစ်လာမည်မှာ အသေအချာပင်။ ထို့ကြောင့် ယွမ်ဟန်ဂိုဏ်းတွင် အနာဂါတ်အင်မော်တယ်ဘုရင် လေးပါးရှိသည်ဟု ဆိုလိုနေခဲ့၏။ ပိုင်ဆိုင်ထားသော စစ်သင်္ဘောတွေပါ ထည့်တွက်လိုက်လျှင် ...</p> <p style="text-align:justify">ထိုအတွေးက ရှုကျန်းယီ၏ ခန္ဓာကိုယ်တစ်ခုလုံးကို တဆတ်ဆတ် တုန်ခါသွားစေသည်။</p> <p style="text-align:justify">ယေဘုယျအားဖြင့် အင်မော်တယ်ဘုရင်တစ်ပါးရှိသော ဂိုဏ်းတစ်ခုကပင် အလွန်ကြောက်စရာကောင်းနေပြီဖြစ်၏။ သို့သော် ယွမ်ဟန်ဂိုဏ်းတွင် အင်မော်တယ်ဘုရင် လေးယောက်နှင့် မယုံနိုင်စရာကောင်းသော စစ်အင်အားလဲ ရှိနေခဲ့သည်။</p> <p style="text-align:justify">ရှုကျန်းယီ ၎င်းကိုစဥ်းစားရင်း အရှေ့ပိုင်းကုန်းမြေတိုက်ကြီး တစ်ခုလုံးရှိ မည်သည့်အင်အားစုကမှ ယွမ်ဟန်ဂိုဏ်း၏ တိုးတက်မှုကို တားဆီးနိုင်တော့မည်မဟုတ်ကြောင်း ယုံကြည်သွား၏။</p> <p style="text-align:justify">ယွမ်ဟန်ဂိုဏ်းသည် အရှေ့ပိုင်းကုန်းမြေတိုက်ကြီးတစ်ခုလုံးကို သိမ်းပိုက်ပြီးနောက် အလယ်ပိုင်းဒေသသို့ပင် အရှိန်ဖြင့် ထိုးဝင်ကာ တိုးတက်လာနိုင်သည်။</p> <p style="text-align:justify">ထို့ကြောင့် ယွမ်ဟန်ဂိုဏ်း အရှေ့ပိုင်းကုန်းမြေတိုက်ကြီးတစ်ခုလုံးကိုတောင် ကျော်လွန်နိုင်သည်ဆိုလျှင် လက်ရှိ ဓာတ်ကြီးငါးပါးဓားဂိုဏ်း ပြဿနာက ...</p> <p style="text-align:justify">ရှုကျန်းယီ အတွေးများနှင့်အတူ ငြိမ်သက်သွား၏။</p> <p style="text-align:justify">ရှုကျန်းယီက လေလံစွဲတာကိုရပ်သွားလျှင် ဟောင်ရိဖန်ရုတ်တရက် ဆိုးဝါးသော ခံစားချက်တစ်ခုကို ရရှိလိုက်သည်။</p> <p style="text-align:justify">"ရှုကျန်းယီ .. မင်း လေလံထပ်မဆွဲတော့ဘူးလား "</p> <p style="text-align:justify">ဟောင်ရိဖန် မျက်မှောင်ကုပ်ကာ မေးလိုက်၏။</p> <p style="text-align:justify">ပုံမှန်အရဆို ဓာတ်ကြီးငါးပါးဓားဂိုဏ်းမှာ ထာဝရဓားဂိုဏ်းထက်ပင် ဤကဲ့သို့ အဓိက စစ်သင်္ဘောကြီးများကို လိုအပ်နေကြောင်း ဟောင်ရိဖန် ကောင်းကောင်းသိသည်။ ထို့ကြောင့်လည်း ဟောင်ရိဖန်က ရှုကျန်းယီအား ဓာတ်ကြီးငါးပါးဓားဂိုဏ်း၏ အရင်းအမြစ်များကို လျှော့ချရန်အတွက် ဤကဲ့သို့ လေလံဈေးကို အကြိမ်ကြိမ်မြှင့်တင်ခဲ့ခြင်းပင်။</p> <p style="text-align:justify">ယခုမူ ရှုကျန်းယီက လေလံစွဲခြင်းကို ရပ်တန့်လိုက်ပြီး စစ်သင်္ဘောကို တစ်ချက်တောင်လှည့်မကြည့်တော့ဘူးဖြစ်၏။</p> <p style="text-align:justify">" ချို့ယွင်းနေတဲ့ စစ်သင်္ဘောတစ်ခုအတွက်နဲ့ အလယ်အလတ်အဆင့်တာအိုကျောက်တုံး ငါးသိန်းတစ်သောင်းကို အသုံးပြုရအောင် ငါရှုကျန်းယီက ဉာဏ်နည်းတဲ့သူတစ်ယောက်မဟုတ်ဘူး "</p> <p style="text-align:justify">ရှုကျန်းယီ ဟောင်ရိဖန်ကို လှောင်ပြုံးနှင့်အတူ ပြန်ပြောလိုက်သည်။ ထိုသို့ပြောလိုက်ရသည် အပေါ် တော်တော်လေးလဲ အားရကျေနပ်သွားလေ၏။</p> <p style="text-align:justify">" မင်းဘာပြောလိုက်တယ် "</p> <p style="text-align:justify">ထိုစကားက ဟောင်ရိဖန်ကို မတ်တပ်ရပ်သွားစေ၏။</p> <p style="text-align:justify">ရှုကျန်းယီ ပြုံးရုံသာပြုံးနေပြီး ဘာမှဆက်မပြောတော့ချေ။</p> <p style="text-align:justify">ဟောင်ရိဖန် ချက်ချင်းပင် စင်မြင့်ပေါ်ရှိ ရှီကျားကို စိုက်ကြည့်လိုက်သည်။</p> <p style="text-align:justify">" မိန်းကလေး .. မင်း အဲ့ဒီစကားကို ရှင်းပြနိုင်မလား "</p> <p style="text-align:justify">ရှီကျားသည် ရှုကျန်းယီကို တစ်ချက်ကြည့်လိုက်ပြီး အေးဆေးတည်ငြိမ်သော အမူအရာဖြင့်...</p> <p style="text-align:justify">" ဒီစစ်သင်္ဘောက လက်ရှိအချိန်မှာ အသုံးပြုနိုင်နေသေးပြီး အစွမ်းကုန်တိုက်ခိုက်မှုကိုတောင် ပြုလုပ်နိုင်တယ်ဆိုတာ ငါလုံးဝအာမခံနိုင်တယ် "</p> <p style="text-align:justify">" ဒါဆို အစွမ်းကုန်တိုက်ခိုက်မှုပြီးရင် ဘာဖြစ်မလဲ .. "</p> <p style="text-align:justify">ဟောင်ရိဖန် အလောတကြီးပင် မေးလိုက်၏။ သူမ၏ အာမခံမှုက ထိုနေရာတွင် ရပ်သွားပြီး နောက်ဆက်တွဲမပါတာကို သူ သတိထားမိလေသည်။</p> <p style="text-align:justify">" အဲ့တာတော့ ငါလဲမသိဘူးလေ "</p> <p style="text-align:justify">ရှီကျား ပုခုံးတွန့်ကာ ပေါ့ပေါ့ပါးပါးပင် ပြောလိုက်လေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save