Book List

<h2 style="text-align: center;">အပိုင်း - ( ၁၄၀၁ )</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">" လေးသိန်းတစ်သောင်း "</p> <p style="text-align:justify">ဝူမင်ဘေးနားတွင်ထိုင်နေသော မိန်းကလေး အော်ဟစ်လိုက်ပြီး မျက်နှာတွင် စိုးရိမ်ပူပန်မှုများ မြင့်တက်လာ၏။ </p> <p style="text-align:justify">ဤအရာက သူမတွင်ရှိတာ အကုန်ဖြစ်သည်။</p> <p style="text-align:justify">ဈေးသာပိုမြင့်လာလျှင် သူမတတ်နိုင်တော့မည် မဟုတ်ပေ။</p> <p style="text-align:justify">" လေးသိန်းသုံးသောင်း "</p> <p style="text-align:justify">ထိုအချိန်တွင် ဟောင်ရိဖန် အော်ပြောလိုက်သောအသံက သူမ၏ခန္ဓာကိုယ်ကို ဆတ်ခနဲတုန်ခါသွားစေ၏။ ချက်ချင်းပင် ကောင်မလေး စိတ်ပျက်လက်ပျက်ဖြင့် ပြန်ထိုင်ချလိုက်တော့သည်။</p> <p style="text-align:justify">ဟောင်ရိဖန် ထိုဈေးနှုန်းကို အော်ပြောလိုက်ချိန်တွင် မည်သူကမှ အနောက်ကနေဆက်ပြီး လိုက်မလာတော့ချေ။ အကုန်လုံး တိတ်ဆိတ်သွားကြ၏။</p> <p style="text-align:justify">ဤကဲ့သို့ အလယ်အလတ်အဆင့် တာအိုကျောက်တုံး အနည်းငယ်နှင့်ကပ်ပြီး ရှုံးနိမ့်ခဲ့သည်လား။ လက်ရှိအနေအထားက ချန်ရှီ၏ မျက်နှာတွင် မလိုလားမှုနှင့် ဝမ်းနည်းမှုများ ပြည့်နှက်လာစေသည်။</p> <p style="text-align:justify">အကယ်၍သူလည်း အဆင့်( 9 ) ဝိညာဥ်အရည်ကို ရယူနိုင်လျှင် ရွှေအင်မော်တယ်အဆင့် ( 27 ) အထိ ကျင့်ကြံနိုင်မည်ဖြစ်၏။ ကံမကောင်းစွာဖြင့်သူမ ခိုးထွက်လာသည့်အချိန်၌ တန်ဖိုးရှိသော ပစ္စည်း တော်တော်များများကို ယူဆောင်လာခဲ့ခြင်းမရှိပေ။</p> <p style="text-align:justify">ထိုအချိန်တွင် ချန်ရှီ၏အရှေ့၌ သိုလှောင်အိတ်တစ်လုံး ထွက်ပေါ်လာလေသည်။ သူမ အသိစိတ်အာရုံဖြင့် အထဲကိုကြည့်လိုက်လျှင် မျက်နှာ၌ အံ့အားသင့်မှုများ ပြည့်နှက်သွား၏။ </p> <p style="text-align:justify">၎င်းသိုလှောင်အိတ်ထဲ၌ အလယ်အလတ်အဆင့် တာအိုကျောက်တုံး တစ်သိန်းတိတိ ပါဝင်နေခဲ့သည်။</p> <p style="text-align:justify">ချန်ရှီ ရဲ့ဟိုင်ကိုမကြည့်ဘဲ မနေနိုင်တော့ချေ။</p> <p style="text-align:justify">ရဲ့ဟိုင် ခပ်ဖွဖွပြုံးလိုက်ပြီး... </p> <p style="text-align:justify">" သွား .. လေလံဆက်စွဲလိုက် "</p> <p style="text-align:justify">" ကျေးဇူးတင်ပါတယ် သခင်လေး၊ ငါမကြာခင် ဒီချေးငှားမှုကို နှစ်ဆပြန်ပေးပါ့မယ် "</p> <p style="text-align:justify">ချန်ရှီ ရဲ့ဟိုင်အား အလွန်တရာ ကျေးဇူးတင်လိုက်၏။ ယခုမှ သိသောလူတစ်ယောက်ကို အလယ်ဆင့် တာအိုကျောက်တုံး တစ်သိန်း ချေးငှားဖို့ဆိုတာ တော်ယုံစိတ်ထားနှင့် မဖြစ်နိုင်ချေ။</p> <p style="text-align:justify">" ဒီထက်ပိုဈေးပေးမယ့်သူ ရှိသေးလား "</p> <p style="text-align:justify">ထိုအချိန်တွင် ရှီကျား၏ နူးညံသိမ်မွေ့ကာ စွဲဆောင်မှုရှိသော အသံလေးက ထွက်ပေါ်လာသည်။</p> <p style="text-align:justify">" လေးသိန်းလေးသောင်း "</p> <p style="text-align:justify">ရှုကျန်းယီ တုံ့ဆိုင်းသွားပြီးနောက် ကျယ်လောင်စွာဖြင့် အော်ဟစ်လိုက်၏။</p> <p style="text-align:justify">" ဟမ့် လေးသိန်း ငါးသောင်း "</p> <p style="text-align:justify">ဟောင်ရိဖန် အေးစက်စက်ဖြင့် ပြောလိုက်သည်။ </p> <p style="text-align:justify">ဟောင်ရိဖန်သည် ရှုကျန်းယီ သူ့အားလှည့်စားခဲ့သော ကစားပွဲကို လုံးဝမမေ့သေးချေ။</p> <p style="text-align:justify">" လေးသိန်းခြောက်သောင်း "</p> <p style="text-align:justify">ချန်ရှီလဲ ဝင်ရောက်ကာ လေလံစွဲလိုက်၏။ </p> <p style="text-align:justify">" လေးသိန်းခုနစ်သောင်း "</p> <p style="text-align:justify">ဟောင်ရိဖန် ချန်ရှီကို လှမ်းကာစိုက်ကြည့်ပြီး ပြောလိုက်သည်။</p> <p style="text-align:justify">" လေးသိန်းရှစ်သောင်း "</p> <p style="text-align:justify">ချန်ရှီ ထိုကဲ့သို့ လေလံထပ်စွဲလာလျှင် ဟောင်ရိဖန်က အချိန်အတော်ကြာအောင် တွေဝေတုံ့ဆိုင်းနေသွားလေ၏။ </p> <p style="text-align:justify">နောက်ဆုံးတွင် သူပြန်ထိုင်ချလိုက်ပြီး ဆက်ပြီးတော့မလိုက်တော့ဖို့ ဆုံးဖြတ်လိုက်သည်။ </p> <p style="text-align:justify">ဤဈေးနှုန်းက အဆင့် ( 9 ) ဝိညာဥ်အရည်တစ်ပုလင်း၏ ဈေးနှုန်းထက် အရမ်းမြင့်မားနေပြီဖြစ်၏။ နောက်ထပ်ဆက်ပြီးတော့ လေလံဈေးမြှင့်တင်ရန် မသင့်တော်တော့ချေ။ ဤတစ်ကြိမ်တွင် အဆင့် ( 9 ) ဝိညာဥ်အရည်ကို သူမရလိုက်သော်လည်း မိမိအတွက် အရေးမကြီးဘူးဖြစ်သည်။ သူ့တွင် အခြားအရင်းအမြစ်များ ရှိနေသေး၏။</p> <p style="text-align:justify">အထူးသဖြင့် သူဤကဲ့သို့ လေလံဆက်စွဲရန် ဆုံးဖြတ်လိုက်ရသည့် အဓိကအကြောင်းအရင်းလည်း ရှိသေးသည်။ ၎င်းက ချန်ရှီနှင့် အတူ အဆက်မပြတ်လိုက်ပြီး လေလံဆက်စွဲနေပါက သူမ၏ ဘေးနားတွင် ထိုင်နေသော ဝူမင်ကို ဒေါသထွက်သွားစေမည်လားဟု တွေးမိသွားခြင်းပင်။</p> <p style="text-align:justify">ဟောင်ရိဖန်သည် သူက ရွှေအင်မော်တယ်အဆင့် ( 30 ) သို့ရောက်ရှိနိုင်မည်ဟု ယုံကြည်ချက်ရှိသော်လည်း ၎င်းဝူမင်၏ အကန့်အသတ်က ရွှေအင်မော်တယ်အဆင့် ( 30 ) သာရှိသည်ဟု မည်သူ အာမခံနိုင်မည်နည်း။ ထို့ကြောင့် ဟောင်ရိဖန်က လေလံဆက်စွဲဖို့ကို စွန့်လွှတ်လိုက်ခြင်းဖြစ်၏။ </p> <p style="text-align:justify">ဤသို့ဖြင့် ချန်ရှီသည် အလယ်အလတ်အဆင့် တာအိုကျောက်တုံးများကို အတိအကျပေးချေပြီးနောက် အဆင့် ( 9 ) ဝိညာဥ်အရည်ပုလင်းအား အောင်မြင်စွာဖြင့် ရယူနိုင်ခဲ့သည်။ </p> <p style="text-align:justify">ချန်ရှီ၏ အလွန်တရာ ပျော်ရွှင်နေသော အမူအရာကိုမြင်လျှင် ဝူမင် လှောင်ပြုံးပြုံးလိုက်ပြီး...</p> <p style="text-align:justify">" ကောင်မလေး မင်းသာ အဆင့် ( 10 ) ဝိညာဥ်အရည်ကို ရခဲ့မယ်ဆိုရင် ( 7 ) ရက် ( 7 ) ညလောက် မအိပ်နိုင်မစားနိုင် ဖြစ်နေမလားမသိဘူး "</p> <p style="text-align:justify">" ဟမ့် .. ငါ့မှာ အဆင့် ( 10 ) ဝိညာဥ်အရည်ရှိပြီးသား "</p> <p style="text-align:justify">ချန်ရှီ သူမ၏ ချစ်စရာကောင်းသော နှာခေါင်းလေးကို ရှုတ်လိုက်ကာ ဝူမင်ကိုပြန်၍ ရန်တွေ့လိုက်၏။</p> <p style="text-align:justify">" အိုး .. ကြည့်ရတာ မင်းရဲ့မိသားစုက သာမန်မဟုတ်တဲ့ပုံပဲ "</p> <p style="text-align:justify">ဝူမင်သည် ချန်ရှီ၏ ပြန်ဖြေလာသောစကားကြောင့် အစပထမတွင် အံ့အားသင့်သွားသည်။ ထို့နောက်သူ ချန်ရှီအား အလေးအနက်ကြည့်ပြီး ပြောလိုက်လေ၏။</p> <p style="text-align:justify">" အင်း .. ငါ့မိသားစုက သိပ်မဆိုးတဲ့ အထဲမှာပါတယ် "</p> <p style="text-align:justify">ချန်ရှီသည် သူမမိဘများ၏အကြောင်းကို ပြန်တွေးလိုက်သည့်အချိန်တွင် မျက်နှာ၌ ထိတ်လန့်မှုအချို့ ဖြစ်ပေါ်လာပြီး စကားကိုမတင်မကျ ပြောလိုက်သည်။ </p> <p style="text-align:justify">ဖြစ်နိုင်လျှင်လက်ရှိ ခိုးထွက်လာသောအချိန်၌ မိဘများအကြောင်းကို မတွေးရဲချေ။</p> <p style="text-align:justify">သို့သော် အချိန်တိုင်း အိမ်နှင့်ဝေးကွာနေသော ဝူမင်က ချန်ရှီ၏ မျက်နှာအမူအရာကို မည်ကဲ့သို့ သတိပြုနိုင်မည်နည်း။</p> <p style="text-align:justify">" ကြည့်ရတာ မင်းတို့မိသားစုက အင်မော်တယ်အရှင်တွေရှိတဲ့ မိသားစုများလား "</p> <p style="text-align:justify">ဝူမင် ပေါ့ပေါ့ပါးပါးပင် မေးလိုက်၏။</p> <p style="text-align:justify">အခြားလူများဆိုလျှင် ထိုမိန်းကလေး၏နောက်တွင် အင်မော်တယ်အရှင်တစ်ပါး ရှိနေသဖြင့် ထိတ်လန့် တုန်လှုပ်မိကြမည်ဖြစ်သည်။ သို့သော် ဝူမင်ကတော့ ဤကဲ့သို့မဟုတ်ချေ။ သူ့တွင် အင်မော်တယ်ဘုရင်အဆင့် နောက်ခံဆရာတစ်ယောက်ရှိလေ၏။ အထူးသဖြင့် သူဝူမင်က ဆရာ၏တစ်ဦးတည်းသော အမွေဆက်ခံသူလည်းဖြစ်သည်။</p> <p style="text-align:justify">ထိုအချိန်တွင် လေလံစင်မြင့်ပေါ်ရှိ ရှီကျား၏ အသံက ပြန်လည်ထွက်ပေါ်လာသဖြင့် သူတို့စကားဝိုင်းက ပြတ်တောက်သွား၏။</p> <p style="text-align:justify">" လေလံပွဲအတွက် နောက်ထပ်ပစ္စည်းတစ်ခုကတော့ တိမ်ကောင်းကင်မိုးကြိုးပုလဲပဲ "</p> <p style="text-align:justify">ရှီကျား၏ ထိုအသံက လေလံခန်းမတစ်ခုလုံးကို ပဲ့တင်ထပ်သွားသည့်အချိန်တွင် ရှုကျန်းယီကဲ့သို့ ပါရမီရှင်များအားလုံး၏ မျက်လုံးက တလက်လက်တောက်ပလာသည်။</p> <p style="text-align:justify">ရဲ့ဟိုင်တို့ မျိုးဆက်တွင်ရှိနေသော ပါရမီရှင်များအကုန်လုံးက မည်မျှပင် ကြောက်စရာကောင်းလောက်အောင် ပါရမီရှိနေပါစေ ရွှေအင်မော်တယ်အဆင့်၌သာ ရှိနေကြဆဲဖြစ်၏။</p> <p style="text-align:justify">အင်မော်တယ်သခင်အဆင့်သို့ ရောက်ရန်ဆိုသည်မှာ နောက်ထပ် ( 10 ) နှစ် ဒါမှမဟုတ် အနှစ် ( 20 ) လောက် မကြိုးစားဘဲဖြင့် မဖြစ်နိုင်ချေ။</p> <p style="text-align:justify">မေးခွန်းတစ်ခုမှာ ထိုကဲ့သို့ အင်မော်တယ်သခင်အဆင့်သို့ ရောက်ရှိရန် ကြိုးစားနေသည့်အချိန်၌ မိမိ၏အသက်က အာမခံမှုရှိသည်လားဆိုတာပင်။</p> <p style="text-align:justify">ထို့ကြောင့် အင်မော်တယ်သခင်တွေကို သတ်နိုင်သော ဤတိမ်ကောင်းကင်မိုးကြိုးပုလဲကို ပိုင်ဆိုင်ရခြင်းက သူတို့လို ရွှေအင်မော်တယ်အဆင့် ပါရမီရှင်များအတွက်တော့ တကယ်ကိုကြောက်စရာကောင်းသည့် ဝှက်ဖဲတစ်ခုဟု ဆိုရမည်ဖြစ်သည်။ </p> <p style="text-align:justify">ယင်းကြောင့် ၎င်းတိမ်ကောင်းကင်မိုးကြိုးပုလဲအတွက် လေလံပွဲပြိုင်ဆိုင်မှုက ပို၍ပင် ပြင်းထန်လာလေ၏။</p> <p style="text-align:justify">နောက်ဆုံးတွင် ရှုကျန်းယီက တိမ်ကောင်းကင်မိုးကြိုးပုလဲကို အလယ်အလတ်အဆင့်တာအိုကျောက်တုံး နှစ်သိန်းနှစ်သောင်းဖြင့် ရယူနိုင်ခဲ့သည်။</p> <p style="text-align:justify">" နောက်တစ်ခု လေလံစွဲမယ့်အရာကတော့ ပန်းချီကားတစ်ချပ်ပဲ "</p> <p style="text-align:justify">ရှီကျား ထိုသို့စကားပြောပြီးသည်နှင့် စာလိပ်တစ်လိပ်ကို ဖွင့်ချလိုက်လျှင် ဘေးတိုက်လဲလျောင်းနေသော အမျိုးသမီးတစ်ယောက်၏ ပုံကို ရေးဆွဲထားသည့် ပန်းချီကားတစ်ချပ်က လူတိုင်း၏ ရှေ့တွင် ပေါ်လာ၏။</p> <p style="text-align:justify">သူမသည် အင်မော်တစ်ပါးနှင့်တူညီပြီး ဖြူစွတ်နေသော အဖြူရောင်ဝတ်စုံကို ဝတ်ဆင်ထားလေသည်။</p> <p style="text-align:justify">သူမ၏မျက်နှာကို အရှေ့ကနေ ရှင်းရှင်းလင်းလင်း မမြင်ရသော်လည်း ထိုလဲလျောင်းနေသည့် ခန္ဓာကိုယ် ကောက်ကြောင်းတစ်ခုတည်းကပင် လုံးဝရင်သပ်ရှုမောစရာ ကောင်းလှ၏။</p> <p style="text-align:justify">" ဒီပန်းချီကားမှာ ချိတ်ပိတ်အစီအရင်တစ်ခု ပါဝင်ပြီးတော့ အဲ့ဒီချိတ်ပိတ်အစီအရင်ကို အင်မော်တယ်သခင် အထွတ်အထိပ်အဆင့်တွေတောင်မှ မချိုးဖျက်နိုင်ဘူး၊ ကျွန်မအထင်တော့ ဒီပန်းချီကားက ကမ္ဘာတစ်ခုဖြစ်နေတဲ့ပုံပဲ၊ အဲ့ဒီအမျိုးသမီးက ပန်းချီကားရဲ့ ကမ္ဘာထဲမှာ ချိတ်ပိတ်ခံထားရပုံရတယ်၊ ကံမကောင်းစွာပဲ လျှို့ဝှက်ချက်ကို ဘယ်လိုရှာရှာ ရှာမတွေ့နိုင်ခဲ့ဘူး "</p> <p style="text-align:justify">ထိုသို့ပြောပြီးသည်နှင့် ရှီကျားသည် လေလံခန်းမမှလူတိုင်းကို လှည့်ကြည့်လိုက်ကာ...</p> <p style="text-align:justify">" အဲ့တာကြောင့် ငါတို့ ဒီပန်းချီကားကို လေလံတင်ဖို့အတွက် ပြင်ဆင်လိုက်တာပဲ "</p> <p style="text-align:justify">" ဒီပန်းချီကားရဲ့ အစဖွင့်ဈေးက အလယ်အလတ်အဆင့် တာအိုကျောက်တုံး သုံးသောင်းဖြစ်ပြီးတော့ လေလံတစ်ခုချင်းစီမှာ တစ်ထောင်ထက် မနည်းရဘူး "</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save