Book List

<h2 style="text-align: center;">အပိုင်း - ( ၁၄၀၃ )</h2> <h2 style="text-align: center;">*</h2> <p> </p> <p> </p> <p style="text-align:justify">ရဲ့ဟိုင် ထိုဆေးရနံ့ကို ခံစားမိလိုက်သည်နှင့် တအံ့တဩ ရေရွတ်လိုက်သည်။</p> <p style="text-align:justify">ရဲ့ဟိုင် အသံကို လူတိုင်းကြားလိုက်ရပြီး ရှီကျားကလဲ အံ့အားသင့်စွာ ရဲ့ဟိုင်ကိုလှမ်းကြည့်လိုက်၏။</p> <p style="text-align:justify">" သခင်လေး .. ရှင်က မှော်ဆေးပညာရှင်တစ်ယောက် ဖြစ်နေမယ်လို့ ကျွန်မမထင်ထားဘူး "</p> <p style="text-align:justify">ရှီကျား ရဲ့ဟိုင်ကို အပြုံးနှင့် ကြည့်လိုက်ကာ...</p> <p style="text-align:justify">" သခင်လေး ဒီဆေးလုံးနဲ့ပတ်သက်ပြီးတော့ တစ်စုံတစ်ခု ပြောပြနိုင်မလား "</p> <p style="text-align:justify">ရဲ့ဟိုင်ခေါင်းညိတ်လိုက်ပြီး...</p> <p style="text-align:justify">" ပြန်လည်နိုပျိုခြင်းဆေးဆိုတာက အဆင့် ( 3 )၊ အဆင့် ( 6 )၊ အဆင့် ( 9 ) ဆိုပြီးတော့ ခွဲခြာမှုရှိပြီး သူလေလံတင်မယ့်ဆေးလုံးက အဆင့် ( 3 ) ပြန်လည်နုပျိုခြင်းဆေးလုံးပဲ "</p> <p style="text-align:justify">ရဲ့ဟိုင်၏ ထိုရှင်းပြသောစကားကိုကြားလျှင် ရှီကျား၏မျက်လုံးက ပို၍ပင် တလက်လက်တောက်ပလာလေသည်။</p> <p style="text-align:justify">" သခင်လေး ဆေးလုံးရဲ့ အဆင့် ( 3 )၊ အဆင့် ( 6 ) နဲ့ အဆင့် ( 9 ) တို့ ကွဲပြားခြားနားနေတဲ့အချက်ကို ထပ်ပြီးတော့ ရှင်းပြပေးလို့ရမလား "</p> <p style="text-align:justify">" အဆင့် ( 3 ) ပြန်လည်နုပျိုခြင်းဆေးက မိန်းကလေးတစ်ယောက်ရဲ့ အလှအပကို အနှစ် ( 100 ) တိတိ ထိန်းထားပေးနိုင်စွမ်းရှိတယ်၊ အဆင့် ( 6 ) ပြန်လည်နုပျိုခြင်းဆေးကတော့ အလှအပကို အနှစ် ( 1000 ) တိတိ ထိန်းပေးထားနိုင်စွမ်းရှိပြီး .. အဆင့် ( 9 ) ပြန်လည်နုပျိုခြင်းဆေးကတော့ ကိုယ့်ရဲ့အလှအပကို လက်ရှိအနေအထားအတိုင်း အနှစ်တစ်သောင်းအထိကြာအောင် ထိန်းထားပေးနိုင်စွမ်းရှိတယ် "</p> <p style="text-align:justify">ရဲ့ဟိုင်၏ ထိုစကားက အခန်းထဲရှိ မိန်းကလေးများ၏ မျက်လုံးများကို အရောင်များ တလက်လက်ဖြင့် တောက်ပလာစေပြီး လေလံခန်းမတစ်ခုလုံးပင် လင်းထိန်သွားစေသည်ဟု ထင်ရ၏။</p> <p style="text-align:justify">" ဒီဆေးလုံးရဲ့ တကယ့်အစစ်အမှန် အကျိုးသက်ရောက်မှုကို ရှင်းပြပေးတဲ့အတွက် ကျေးဇူးတင်ပါတယ် သခင်လေး "</p> <p style="text-align:justify">ရှီကျားသည် ရဲ့ဟိုင်ကိုဦးညွှတ်ကာ ပြောပြီးသည်နှင့် လေလံခန်းမထဲကို လှည့်ပတ်ကြည့်လိုက်ပြီး...</p> <p style="text-align:justify">" မိန်းကလေးတွေအတွက် အလှအပဆိုတာက အိုခြင်းရဲ့ တိုက်စားမှုအောက်မှာ တစ်ခဏတာပဲ၊ ဘယ်အမျိုးသမီးကကော သူမရဲ့အလှပဆုံး အသွင်အပြင်ကို ထာဝရမထိန်းထားချင်သူရှိလို့လဲ၊ ဒီအိုမင်းရင့်ရော်မှုကို တိုက်ဖြတ်တဲ့ ပြန်လည်နုပျိုခြင်း တတိယအဆင့်ဆေးလုံးက မိန်းကလေးတစ်ယောက် အကောင်းဆုံးအချိန်မှာရှိနေတဲ့ အလှအပတွေကို နှစ် ( 100 ) လောက် ထိန်းသိမ်းပေးထားနိုင်စွမ်းရှိတယ်၊ သူမက နှစ် ( 100 ) တိတိ လုံးဝ အိုမင်းရင့်ရော်လာမှာမဟုတ်ဘူး "</p> <p style="text-align:justify">ထိုအချိန်တွင် ရှီကျား၏ မျက်နှာအမူအရာက ဝမ်းနည်းသည့်အမူအရာ ဖြစ်ပေါ်သွားပြီး...</p> <p style="text-align:justify">" စိတ်မကောင်းစရာက ကျွန်မမှာ တာအိုကျောက်တုံး အများအပြားမရှိတာဘဲ၊ မဟုတ်ရင် ဒီဆေးလုံးကို လေလံမတင်ဘဲ ကျွန်မကိုယ်တိုင်သုံးဖို့အတွက် ယူထားလိုက်မိမှာ၊ တစ်စုံတစ်ယောက်ကသာ ဒီဆေးလုံးကို ကျွန်မအတွက် ဝယ်ပေးမယ်ဆိုရင် ကျွန်မ သူ့ကိုသေချာပေါက် အစွမ်းကုန်ပြန်ပြီး ဘာနဲ့ဖြစ်ဖြစ် ကျေးဇူးဆပ်ပါ့မယ် "</p> <p style="text-align:justify">သူမစကားဆုံးသည်နှင့် ရှီကျား၏မျက်လုံးများက ရီဝေသွားခဲ့ပြီး ညှို့ငင်အားလှိုင်းများက ထွက်ပေါ်လာသည်။ ထိုညှို့ငင်အားလှိုင်းများအောက်တွင် ယောကျ်ားသားများအားလုံးက စိတ်ဆန္ဒများ လှုံ့ဆော်ပေးခြင်းခံလိုက်ရပြီး သူမအတွက် အကုန်လုံး ဤဆေးလုံးကို ရယူပေးချင်စိတ် ပေါက်လာကြလေ၏။</p> <p style="text-align:justify">" ရှီကျား ခဏလေးပဲစောင့် .. ငါဒီပြန်လည်နုပျိုခြင်းဆေးလုံးကိုဝယ်ပြီး မင်းကိုပေးမယ် "</p> <p style="text-align:justify">" ငါ့မှာရှိတဲ့ ပိုင်ဆိုင်မှုအကုန်လုံး ဆုံးရှုံးသွားရမယ်ဆိုရင်တောင်မှ မင်းကိုငါ ဒီဆေးလုံးဝယ်ပေးမယ် "</p> <p style="text-align:justify">" ရှီကျား ငါ့ရဲ့ ခန္ဓာကိုယ်ရောင်းရမယ်ဆိုရင်တောင် မင်းကိုဘယ်လောက်ချစ်ကြောင်း ငါဒီဆေးလုံးဝယ်ပြီး သက်သေပြပေးမယ် "</p> <p style="text-align:justify">ရှီကျားသည် လူငယ်များ၏ ရဲရင့်သော စကားလုံးများကို ကြားသောအခါ ပြုံးပြလိုက်သော်လည်း လက်တွေ့တော့ သူမ အထူးတလည် တုန်လှုပ်ခြင်းမရှိပေ။</p> <p style="text-align:justify">ပြန်လည်နုပျိုခြင်းဆေးလုံးဆိုသည်မှာ အမျိုးသမီးများအားလုံး အကြိုက်ဖြစ်သည်။ ရှီကျားသည် ဤဆေးလုံးအား ဘယ်အမျိုးသမီးကမှ လိုချင်စိတ် မရှိဘူးဆိုတာ မယုံကြည်ချေ။</p> <p style="text-align:justify">ထို့ကြောင့် အမျိုးသမီးများ၏ အပြိုင်အဆိုင် လေလံစွဲမှုအောက်တွင် ဆေးလုံး၏ ဈေးနှုန်းကလဲ စိတ်ကူးမယဥ်နိုင်လောက်အောင် မြင့်မားလာမည်ဖြစ်၏။</p> <p style="text-align:justify">ဤလူငယ်များမှာ မည်ကဲ့သို့ ထိုဈေးနှုန်းကို တတ်နိုင်စွမ်းရှိမည်နည်း။</p> <p style="text-align:justify">" ပြန်လည်နုပျိုခြင်းဆေးဆိုတာက အရမ်းကိုရှားပါးတဲ့အတွက် အခြေခံဈေးနှုန်းက အလယ်အလတ်အဆင့် တာအိုကျောက်တုံး တစ်သိန်းဖြစ်ပြီးတော့ လေလံတစ်ခေါက်စွဲတိုင်း တစ်သောင်းထက် မနည်းရဘူး "</p> <p style="text-align:justify">ထိုဈေးနှုန်းကို ကြေညာလိုက်သည်နှင့် သူမအတွက် ခန္ဓာကိုယ်ကိုပင် ရောင်းစားကာ ဝယ်ပေးမည်ဟု ကြွေးကြော်နေကြသော လူငယ်များအားလုံး၏ ပါးစပ်က ပိတ်သွားကြသည်။</p> <p style="text-align:justify">တကယ့်ကိုဟာသပင်။</p> <p style="text-align:justify">ရှီကျားနှင့် တစ်ညအိပ်နိုင်ရန်အတွက် အလယ်အလတ်အဆင့် တာအိုကျောက်တုံး တစ်သိန်း ဤအရာကို မည်သူက အသုံးပြုနိုင်မည်နည်း။</p> <p style="text-align:justify">" တစ်သိန်းတစ်သောင်း "</p> <p style="text-align:justify">လူတော်တော်များများက ၎င်းဈေးနှုန်းကို မတတ်နိုင်ဘူးဆိုသော်လည်း ဤဈေးနှုန်းကို အခြားလူများက လေလံမစွဲနိုင်တော့ဘူးဟု မဆိုလိုချေ။</p> <p style="text-align:justify">" တစ်သိန်း နှစ်သောင်း "</p> <p style="text-align:justify">" တစ်သိန်း သုံးသောင်း "</p> <p style="text-align:justify">လေလံခန်းမထဲတွင်ရှိသော လူများအားလုံး အထူးသဖြင့် အမျိုးသမီးများက အစွမ်းကုန် လေလံစွဲလာသည်ကို တွေ့သောအခါ ချန်ရှီ၏ မျက်လုံးများကလဲ တလက်လက် တောက်ပလာ၏။</p> <p style="text-align:justify">သို့သော်လည်း သူမတွင် အလယ်အလတ်အဆင့် တာအိုကျောက်တုံးများက အများအပြား မရှိတော့ချေ။</p> <p style="text-align:justify">" အလယ်အလတ်အဆင့် တာအိုကျောက်တုံး ငါ့မှာမရှိတော့ဘူး .. ဒါပေမဲ့ လေလံစွဲဖို့အတွက် အခြားအရာတစ်ခုကို အပေါင်ပစ္စည်းအဖြစ်သုံးနိုင်လား "</p> <p style="text-align:justify">သူမ ရှီကျားကို အော်ပြောကာ မေးလိုက်သည်။</p> <p style="text-align:justify">" လေလံခန်းမမှာ အပေါင်ပစ္စည်းအဖြစ် လက်မခံဘူး၊ ဒါပေမဲ့ အဲ့ဒီပစ္စည်းကို ရောင်းချမယ်ဆိုရင်တော့ တန်ကြေးကိုအကဲဖြတ်ပြီးတော့ အလယ်အလတ်အဆင့် တာအိုကျောက်တုံးတွေအဖြစ် ပြောင်းလဲပေးနိုင်တယ်၊ စိတ်မပူပါနဲ့ ကျွန်မတို့လေလံခန်းမရဲ့ ဈေးနှုန်းတွက်ချက်မှုက အပြင်ထက်လုံးဝ မနိမ့်ပါဘူး "</p> <p style="text-align:justify">ရှီကျား၏ ထိုစကားကြားလျှင် အကုန်လုံးက လှောင်ပြုံးပြုံးလိုက်ကြ၏။</p> <p style="text-align:justify">" အပြင်ဈေးကွက်ပေါက်ဈေးထက် မနိမ့်ဘူးဟုတ်လား "</p> <p style="text-align:justify">မည်သူ့ကိုလာနောက်နေသနည်း။ လောကတွင် လေလံခန်းမ၌ ပစ္စည်းများကို ဈေးဖြတ်သည်က အနိမ့်ဆုံးဆိုတာကို လူတိုင်းသိကြသည်။</p> <p style="text-align:justify">ထိုစကားကြားလျှင် ချန်ရှီ တစ်ခဏတိတ်ဆိတ်သွားပြီးနောက် ...</p> <p style="text-align:justify">" ငါ့မှာအစွမ်းထက်တဲ့ အဆင့်မြင့် အင်မော်တယ်သခင်အဆင့်တွေရဲ့ တိုက်ခိုက်မှုကို တားဆီးနိုင်တဲ့ ကျောက်စိမ်းဆွဲပြားတစ်ခုရှိတယ် "</p> <p style="text-align:justify">သူမ ထိုသို့ပြောပြီးသည်နှင့် ခါးမှကျောက်စိမ်းဆွဲသီးတစ်ခုကို ဖြုတ်ယူလိုက်ပြီး လူတိုင်းမြင်အောင်ပြလိုက်၏။</p> <p style="text-align:justify">ချန်ရှီ၏ ထိုစကားက လေလံခန်းမထဲတွင်ရှိနေသော ကျင့်ကြံသူများအားလုံး၏အာရုံကို ဖမ်းစားသွားသည်။</p> <p style="text-align:justify">ရှီကျားမှာ ချန်ရှီ၏လက်ထဲမှ ကျောက်စိမ်းဆွဲသီးကို စူးစူးရဲရဲ စိုက်ကြည့်လိုက်ပြီး...</p> <p style="text-align:justify">" အဲ့ဒီကျောက်စိမ်းပြားက အဆင့်မြင့်အင်မော်တယ်သခင်တွေရဲ့ တိုက်ခိုက်မှုကို တကယ်တားဆီးပေးနိုင်တယ်ဆိုရင် ငါတို့လေလံခန်းမကနင့်ကို အလယ်အလတ်အဆင့်တာအိုကျောက်တုံးငါးသိန်း ပေးမယ် "</p> <p style="text-align:justify">" ငါးသိန်း "</p> <p style="text-align:justify">လေလံခန်းမထဲတွင်ရှိနေသော လူများအားလုံး ထိုဈေးနှုန်းကြောင့် သွေးအန်မိမလိုတောင် ဖြစ်သွားကြ၏။ </p> <p style="text-align:justify">ဤကဲ့သို့သော အဆင့်မြင့်အင်မော်တယ်သခင်များ၏ တိုက်ခိုက်မှုကို ကာကွယ်နိုင်သည့် ကျောက်စိမ်းပြားဆိုသည်မှာ အလယ်အလတ်အဆင့် တာအိုကျောက်တုံးတစ်သန်း ပေးဝယ်လျှင်တောင်မှ မရနိုင်သောပစ္စည်းဖြစ်သည်။</p> <p style="text-align:justify">" ကောင်မလေး မင်းဒီပြန်လည်နုပျိုခြင်းဆေးကို တကယ်လိုချင်တာလား "</p> <p style="text-align:justify">ရဲ့ဟိုင် ချန်ရှီကိုကြည့်ကာ မေးလိုက်၏။</p> <p style="text-align:justify">" ဒီဆေးလုံးကို ငါ့အတွက်လိုချင်တာမဟုတ်ဘူး .. ငါ့အမေကိုပေးချင်လို့ပဲ "</p> <p style="text-align:justify">ချန်ရှီ ခေါင်းကိုညှင်သာစွာခါယမ်း၍ ပြောလိုက်သည်။</p> <p style="text-align:justify">" ဒါဆိုရင်လဲ မင်းရဲ့ကျောက်စိမ်းဆွဲသီးကို ပြန်ပြီးတော့သိမ်းလိုက် "</p> <p style="text-align:justify">" ဘာလို့လဲ "</p> <p style="text-align:justify">ရဲ့ဟိုင်၏ ထိုစကားက ချန်ရှီကို တော်တော်လေး အံ့အားသင့်သွားစေ၏။</p> <p style="text-align:justify">" ဒီမှာမင်းအတွက် .. "</p> <p style="text-align:justify">ချန်ရှီကိုပို၍ပင် အံ့အားသင့်သွားစေသည်မှာ ရဲ့ဟိုင်က သူမဆီသို့ ကျောက်စိမ်းပုလင်းတစ်လုံးကို ပစ်ကာပေးလာခြင်းပင်။</p> <p style="text-align:justify">သူမ စိတ်ရှုပ်ထွေးစွာဖြင့် ပုလင်းကိုဖွင့်ကြည့်လိုက်လျှင် အထဲ၌ တောက်ပကာ လင်းလက်နေသော မှော်ဆေးလုံးတစ်လုံး ရှိနေသည်ကို တွေ့လိုက်ရသည်။ သို့သော် ပုလင်း၏အဝကို အစီအရင်တစ်ခုအဖြစ် ချိတ်ပိတ်ထားသဖြင့် ဆေးလုံး၏ဆေးရနံ့က ပုလင်းထဲတွင်ပင် အေးခဲနေလေ၏။</p> <p style="text-align:justify">" မင်းရဲ့မိဘအပေါ် သိတတ်မှုကို အသိအမှတ်ပြုတဲ့အနေနဲ့ .. ငါမင်းကို အဆင့် ( 6 ) ပြန်လည်နုပျိုခြင်းဆေးလုံး ပေးလိုက်မယ် "</p> <p style="text-align:justify">ရဲ့ဟိုင်မှာ ပေါ့ပေါ့ပါးပါး ပြောလိုက်ခြင်း ဖြစ်သော်လည်း သူ၏ထိုစကားက လေလံခန်းမထဲတွင်ရှိနေသော လူတိုင်း၏ နားထဲကို မိုးကြိုးပစ်ချလိုက်သလို ခံစားသွားရစေလေသည်။</p>


Save