Book List

<h2 style="text-align: center;">အပိုင်း - ( ၁၄၀၄ )</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">" သောက်ချီး အဲ့တာက အဆင့် ( 6 ) ပြန်လည်နုပျိုခြင်းဆေး .. ဟုတ်လား "</p> <p style="text-align:justify">" အဆင့် ( 6 ) ပြန်လည်နုပျိုခြင်းဆိုတာက အဆင့် ( 3 ) ပြန်လည်နုပျိုခြင်းဆေးထက် ( 10 ) ဆတန်ဖိုးရှိတဲ့ အရာပဲ "</p> <p style="text-align:justify">" ဒီကောင်က ကောင်မလေးကို စွဲဆောင်ဖို့အတွက် အဲ့လောက်တောင်မှ ကြေးကြီးကြီးကို ထုတ်သုံးလာတယ်ပေါ့ "</p> <p style="text-align:justify">ချန်ရှီလဲ လက်ထဲတွင် ကိုင်ထားသော ဆေးလုံးကြောင့် တစ်ချက်တွန့်သွားပြီး ထိတ်လန့်သွား၏။</p> <p style="text-align:justify">" ဒါ .. ဒါ .. ဒါက အရမ်းကို ဈေးကြီးလွန်းတယ်မလား "</p> <p style="text-align:justify">ချန်ရှီ ဤအရာကို မည်ကဲ့သို့ သူမလက်ခံဝံ့မည်နည်း။</p> <p style="text-align:justify">" စိတ်မပူနဲ့ .. ဒါက ပြန်လည်နုပျိုခြင်းဆေးလုံးလေးပဲ ငါ့အတွက်တော့ ဘာတန်ဖိုးမှမရှိဘူး "</p> <p style="text-align:justify">ရဲ့ဟိုင်ပြုံးကာပြောလိုက်လျှင် ချန်ရှီ ခဏစဥ်းစားပြီးနောက် ရဲ့ဟိုင်အား သူမလက်ထဲရှိ ကျောက်စိမ်းဆွဲသီးကို တိုက်ရိုက်ပင် ပေးအပ်လိုက်သည်။</p> <p style="text-align:justify">" ငါဒါကို နင့်အတွက်ပေးပါရစေ "</p> <p style="text-align:justify">" ဒီကျောက်စိမ်းဆွဲသီးက ငါ့အထင်အရဆိုရင် မင်းရဲ့မိဘတွေ မင်းကိုပေးထားတဲ့ ပစ္စည်းမလား "</p> <p style="text-align:justify">ရဲ့ဟိုင်ထိုသို့ပြောပြီးသည်နှင့် ခေါင်းခါယမ်းလိုက်ပြီး...</p> <p style="text-align:justify">" ငါက တစ်စုံတစ်ယောက်ရဲ့ မိဘအမွေအနှစ်ပစ္စည်းကို လက်ခံမှာမဟုတ်ဘူး "</p> <p style="text-align:justify">" ဒါပေမဲ့ .. "</p> <p style="text-align:justify">ချန်ရှီ တစ်စုံတစ်ခုပြောချင်သည့်အချိန်တွင် ရဲ့ဟိုင် မျက်မှောင်ကုပ်သွားပြီး...</p> <p style="text-align:justify">" မင်းသာဆက်ပြီးတော့ စကားတွေရှည်နေမယ်ဆိုရင် ငါဒီနေရာက ထွက်သွားတော့မယ် "</p> <p style="text-align:justify">၎င်းစကားကြားသောအခါ ချန်ရှီလဲ ဘာမှမပြောရဲတော့ဘဲ နာခံစွာဖြင့် ပါးစပ်ကိုပိတ်လိုက်လေ၏။</p> <p style="text-align:justify">ရှီကျား ထိုအဖြစ်အပျက်ကြောင့် ဒေါသထွက်သွားလေသည်။ </p> <p style="text-align:justify">အဆင့်မြင့်အင်မော်တယ်သခင်အဆင့်၏ တိုက်ခိုက်မှုကို ကာကွယ်ပေးနိုင်သော ကျောက်စိမ်းပြားက ယခုလေးတင် သူမ၏ ပါးစပ်နားသို့ ရောက်ရှိလာပြီးမှ ပြုတ်ကျသွားခဲ့၏။</p> <p style="text-align:justify">သို့သော်လည်း ရှီကျားသည် လေလံစံအိမ်ထဲတွင် လေလံစွဲသူများ စည်းမျဥ်းကို ချိုးဖောက်ခြင်းမရှိဘဲဖြင့် သွားပြီးတော့ ရန်မစရဲချေ။</p> <p style="text-align:justify">အထူးသဖြင့် ပြန်လည်နုပျိုခြင်းဆေးလုံး ဖော်စပ်နည်းဆိုသည်မှာ ပျောက်ဆုံးနေသည်က ကြာပြီဖြစ်သည်။ </p> <p style="text-align:justify">ဤတတိယအဆင့် ပြန်လည်နုပျိုခြင်းဆေးလုံးကိုတောင်မှ သူမတို့က လျှို့ဝှက်နယ်မြေတစ်ခုထဲတွင် ရှာတွေ့ခဲ့ခြင်းပင်။ </p> <p style="text-align:justify">သို့တိုင် ရဲ့ဟိုင်က အဆင့် ( 6 ) ပြန်လည်နုပျိုခြင်းဆေးလုံးကို အလွယ်တကူပင် ထုတ်ယူခဲ့၏။ ၎င်းက ရဲ့ဟိုင်မှာ ထူးခြားသည့် လူတစ်ယောက်ဟု ဖော်ပြနေသည်။</p> <p style="text-align:justify">ဖြစ်နိုင်လျှင် ဤကဲ့သို့လူတစ်ယောက်ကို သွားပြီးမစော်ကားသည်က အကောင်းဆုံးဖြစ်၏။</p> <p style="text-align:justify">" နောက်တစ်ခုကတော့ နတ်ဆိုးသားရဲတွေရဲ့ သားပေါက်လေးတွေကို လေလံတင်ဖို့ပါ "</p> <p style="text-align:justify">" ဒီသားရဲပေါက်လေးတွေက အနာဂါတ်မှာ အင်မော်တယ်သခင်အဆင့် ဖြစ်လာဖို့အတွက် အလားအလာကောင်းတွေရှိပါတယ်၊ သားရဲပေါက်တွေကို အခုနေဝယ်ထားပြီး ရေရှည်လေ့ကျင့်မှုသာ ပြုလုပ်ပေးရင် အနာဂါတ်ကျိန်းသေပေါက် သူတို့က မိမိရဲ့တိုက်ခိုက်ရေး မဟာမိတ်ကောင်းတွေ ဖြစ်လာမှာ အသေချာပါပဲ "</p> <p style="text-align:justify">ရှီကျား၏ထိုစကားက လေလံခန်းမထဲရှိ လူတော်တော်များများကို စိတ်ဝင်စားစေသော်လည်း ရဲ့ဟိုင်ကတော့ ထိုသာမန်နတ်ဆိုးသားရဲပေါက်လေးများ အကုန်လုံးအား စိတ်ဝင်စားခြင်းမရှိပေ။ </p> <p style="text-align:justify">ဤအခြေအနေကိုကြည့်ရလျှင် လေလံပစ္စည်းများက သူစိတ်ဝင်စားသည့်အရာလည်း မရှိတော့ဘူးဆိုတာကို ခန့်မှန်းမိသဖြင့် ရဲ့ဟိုင်ထကာ ထွက်လာသည်။ လေလံပွဲမပြီးမချင်း ပျင်းရိစွာ ထိုင်နေရမည့်အလုပ်ကို သူမလုပ်လိုပေ။</p> <p style="text-align:justify">ရဲ့ဟိုင်နှင့် ဝူမင်တို့ ထကာထွက်သွားသည်ကိုတွေ့လျှင် ချန်ရှီကလဲ ထရပ်လိုက်ပြီး ရဲ့ဟိုင်တို့အနောက်သို့ လိုက်ပါလာလေ၏။</p> <p style="text-align:justify">သူမအနောက်က လိုက်လာသည်ကိုတွေ့လျှင် ရဲ့ဟိုင်နှင့် ဝူမင်တို့ နှစ်ယောက်လုံး မျက်မှောင်ကုပ်ကာ လှည့်ကြည့်လိုက်သည်။</p> <p style="text-align:justify">" ကောင်မလေး မင်းဘယ်သွားမလို့လဲ "</p> <p style="text-align:justify">" ငါ .. ငါ .. ငါ့ကို နင်တို့နဲ့ အတူ ခေါ်သွားလို့ရမလား "</p> <p style="text-align:justify">" အဆင်မပြေဘူး "</p> <p style="text-align:justify">ရဲ့ဟိုင်နှင့်ဝူမင်တို့နှစ်ယောက်လုံး တစ်ပြိုင်နက်တည်း ပြောလိုက်ခြင်းဖြစ်၏။</p> <p style="text-align:justify">" ငါ .. ငါ အိမ်ကနေတိတ်တဆိတ်လေး ခိုးထွက်လာတာဆိုတော့ ပြင်ပကမ္ဘာမှာ ဘယ်သူ့ကိုမှမသိဘူး အဲ့တာကြောင့် နင် .. နင်တို့နောက်ကို လိုက်ချင်တာပါ "</p> <p style="text-align:justify">ချန်ရှီသည် အထစ်ထစ်အအဖြင့် သနားစရာကောင်းသော အမူအရာလုပ်ပြီး ရဲ့ဟိုင်ကိုကြည့်ကာ ပြောလိုက်သည်။</p> <p style="text-align:justify">" ကောင်မလေး ငါတို့နှစ်ယောက်လုံးက လူဆိုးတွေဖြစ်နေမှာ မင်းမကြောက်ဘူးလား "</p> <p style="text-align:justify">ရဲ့ဟိုင် ထိုမိန်းကလေးကိုကြည့်ကာ ကူကယ်ရာမဲ့စွာဖြင့် ပြောလိုက်၏။</p> <p style="text-align:justify">" နင်တို့က လူဆိုးတွေ မဟုတ်ဘူး "</p> <p style="text-align:justify">ချန်ရှီ လုံးဝကို ယုံကြည်ချက်အပြည့်ဖြင့် ပြောလိုက်လေသည်။ သူမ တုံးအသော်လဲ စိတ်ကတော့ လူကောင်းလား လူဆိုးလား ခံစားနိုင်သေး၏။</p> <p style="text-align:justify">" ကောင်းပြီလေ .. ငါတို့နောက်ကို လိုက်ချင်တယ်ဆိုမှတော့ လိုက်ခဲ့တော့ပေါ့ "</p> <p style="text-align:justify">ရဲ့ဟိုင် တစ်ခဏစဥ်းစားပြီးနောက် သူမ၏တောင်းဆိုချက်ကို လက်ခံလိုက်၏။ ဤချန်ရှီဆိုသောကောင်မလေးကို ကြည့်ရသည်မှာ တော်တော်လေးကို ရိုးအသည့် ကောင်မလေးတစ်ယောက်ပင်။ သူမသာ အပြင်ဘက်တွင် တစ်ယောက်တည်း လှည့်လည်သွားလာနေပါက လှည့်စားခံရမည်ကို ရဲ့ဟိုင် စိုးရိမ်မိလေသည်။</p> <p style="text-align:justify">" ဒါနဲ့ နင်တို့နာမည်တွေကို ငါမသိသေးဘူး "</p> <p style="text-align:justify">ချန်ရှီ ရဲ့ဟိုင်က လက်ခံလိုက်လျှင် ဝမ်းသာသွားခဲ့ပြီး နှစ်ယောက်လုံး၏နာမည်အား မေးလိုက်လေ၏။</p> <p style="text-align:justify">သို့သော် ထိုအချိန်တွင် ရှုကျန်းယီနှင့် အကြီးအကဲလီဘိုတို့နှစ်ယောက်က ရဲ့ဟိုင်အနားသို့ ရောက်ရှိလာကာ ...</p> <p style="text-align:justify">" ရဲ့ဟိုင် "</p> <p style="text-align:justify">ရှုကျန်းယီ ဝမ်းသာအားရဖြင့် အော်ဟစ်လိုက်၏။</p> <p style="text-align:justify">" ရဲ့ဟိုင် "</p> <p style="text-align:justify">ချန်ရှီသည် ထိုနာမည်ကိုကြားသောအခါ သူမ၏မျက်လုံးထဲတွင် စိတ်ရှုပ်ထွေးမှု အမူအရာများ ဖြစ်ပေါ်လာသည်။ သူမယခင်က ထိုနာမည်ကို ဘယ်နေရာတွင် ကြားခဲ့ဖူးသနည်း။</p> <p style="text-align:justify">" နေဦး .. နင်က အရှေ့တိုင်းကုန်းမြေတိုက်ကြီးရဲ့ လူငယ်မျိုးဆက်သစ်ချန်ပီယံ ရဲ့ဟိုင်လား "</p> <p style="text-align:justify">သူမ မျက်လုံးပြူးကျယ်စွာဖြင့် ရဲ့ဟိုင်ကိုကြည့်ကာ မေးလိုက်လေ၏။</p>


Save