Book List

<h2 style="text-align: center;">အပိုင်း - ( ၁၄၀၅ )</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"><br /> " ဟုတ်တယ် "</p> <p style="text-align:justify">ရဲ့ဟိုင် ခေါင်းညိတ်ကာ ဝန်ခံလိုက်သည်။ ဤအကြောင်းကို သူ့အနေဖြင့် ဖုံးကွယ်ထားစရာ မလိုအပ်ချေ။</p> <p style="text-align:justify">" နင်က တကယ်ကြီးကို ရဲ့ဟိုင်ပေါ့ "</p> <p style="text-align:justify">သူမ၏ ထိုအော်ဟစ်လိုက်သံက ကျယ်သွားသဖြင့် ပတ်ပတ်လည်ရှိ ကျင့်ကြံသူများအားလုံး၏ အာရုံစိုက်မှုကို ရရှိသွားသည်။</p> <p style="text-align:justify">" ရဲ့ဟိုင် "</p> <p style="text-align:justify">" ယွမ်ဟန်ဂိုဏ်းခေါင်းဆောင် ရဲ့ဟိုင်က ဓားမြို့တော်ကို ရောက်နေတာလား "</p> <p style="text-align:justify">" နောက်ဆုံးတော့ ရဲ့ဟိုင် သူ့ရဲ့ပစ္စည်းတွေကို အလွယ်တကူထုတ်ယူပြီး မကြောက်မရွံ့ လူတိုင်းရှေ့မှာပေးခဲ့တာ ဘာကြောင့်လဲ ငါနားလည်သွားပြီ၊ သူက ဘယ်သူ့ကိုမှ လုံးဝဂရုမစိုက်တာပဲ "</p> <p style="text-align:justify">" နေဦး ရဲ့ဟိုင်ဆိုတာက ဓာတ်ကြီးငါးပါးဓားဂိုဏ်းနဲ့ ပတ်သက်နေတဲ့သူလေ အခု ရဲ့ဟိုင်ရောက်လာပြီဆိုတော့ ထာဝရဓားဂိုဏ်းက ဓာတ်ကြီးငါးပါးဓားဂိုဏ်းကို ဖျက်ဆီးနိုင်ပါဦးမလား "</p> <p style="text-align:justify">" ရဲ့ဟိုင် ဆိုတာက အင်မော်တယ်အရှင်အဆင့် တိုက်ခိုက်ရေးစွမ်းအားကို ပိုင်ဆိုင်ထားတဲ့သူပဲ၊ ထာဝရဓားဂိုဏ်းက ရဲ့ဟိုင်အရှေ့မှာ ဘယ်လိုလုပ် ရပ်တည်နိုင်မှာလဲ "</p> <p style="text-align:justify">ကျင့်ကြံသူများ၏ ထိုဆွေးနွေးချက်ကို နားထောင်ရင်း ဟောင်ရိဖန်၏ မျက်နှာက မဲသဲလာ၏။</p> <p style="text-align:justify">နောက်ဆုံးတော့ သူတို့စိုးရိမ်နေသော ရဲ့ဟိုင်က ရောက်ရှိလာခဲ့ချေပြီ။</p> <p style="text-align:justify">အရှေ့တိုင်းကုန်းမြေတိုက်ကြီး တစ်ခုလုံးတွင် ရဲ့ဟိုင်ဆိုသည်မှာ တကယ်ကို ထိပ်ဆုံး၌ရပ်တည်နေသော လူတစ်ယောက်ဖြစ်သည်။</p> <p style="text-align:justify">" ရဲ့ဟိုင် ငါတို့စကားပြောလို့ရမလား "</p> <p style="text-align:justify">ဟောင်ရိဖန် တစ်ခဏတွေးတောပြီးနောက် ရဲ့ဟိုင်ရှေ့သို့လျှောက်သွားပြီး ပြောလိုက်၏။</p> <p style="text-align:justify">" မင်းက .. ငါနဲ့ စကားပြောဖို့အတွက် အရည်အချင်းရှိတယ်ဆိုတာ သေချာလား "</p> <p style="text-align:justify">ရဲ့ဟိုင် ဟောင်ရိဖန်ကို မျက်လုံးမှေးစဥ်းကာ ကြည့်လိုက်ပြီး...</p> <p style="text-align:justify">" မင်းတို့ ငါနဲ့ စကားပြောချင်တယ်ဆိုရင် ထာဝရဓားဘုရင်ဆိုတဲ့ လူကို လာခိုင်းလိုက် "</p> <p style="text-align:justify">စကားဆုံးသည်နှင့် သူ၏လက်ကို ဝှေ့ယမ်းလိုက်လျှင် လေဟာနယ်ထဲ၌ စစ်သင်္ဘောကြီးတစ်စင်းက ထွက်ပေါ်လာလေသည်။</p> <p style="text-align:justify">" သွားကြရအောင် "</p> <p style="text-align:justify">ရဲ့ဟိုင်၏ စကားဆုံးသည်နှင့် ဝူမင်၊ ချန်ရှီ၊ ရှုကျန်းယီနှင့် လီဘိုတို့က စစ်သင်္ဘောပေါ်သို့ ခုန်တက်သွားကြ၏။</p> <p style="text-align:justify">ထိုမြင်ကွင်းကိုကြည့်ပြီး ကောင်းကင်ဓားမြို့တော်၏ အစောင့်များမျက်နှာက ပျက်ယွင်းသွားသည်။</p> <p style="text-align:justify">ဤနေရာက မည်သည့်နေရာဖြစ်သနည်း။</p> <p style="text-align:justify">ဤနေရာက စည်းမျဥ်းစည်းကမ်းများနှင့် နေထိုင်သော ကောင်းကင်ဓားမြို့တော်ဖြစ်၏။ ဤမြို့တော်တွင် စစ်သင်္ဘောမပြောနှင့် လူတောင်မှ ပျံသန်းလို့မရချေ။ သို့သော် ရဲ့ဟိုင်က မြို့လယ်ခေါင်၌ စစ်သင်္ဘောကြီးတစ်စင်းကို ပေါ်တင်ပင်ထုတ်သုံးခဲ့ပြီး ပျံသန်းခဲ့သည်။ ၎င်းက မြို့ကိုရန်စလိုက်သည်နှင့် အတူတူပင်။</p> <p style="text-align:justify">သို့သော် ရဲ့ဟိုင်ကို မည်သူကမှ သွားပြီးတော့ မတားဆီးရဲကြဘူးဖြစ်၏။</p> <p style="text-align:justify">ရဲ့ဟိုင် ရှုကျန်းယီကိုကြည့်လိုက်ပြီး...</p> <p style="text-align:justify">" မင်းတို့ ပြိုင်ပွဲအတွက် လျှို့ဝှက်ဓားဂိုဏ်းက ဝမ်ရွှမ်နဲ့ဝမ်ယုကို ဖိတ်ခေါ်ခဲ့သေးလား "</p> <p style="text-align:justify">" ဟုတ်တယ်လေ .. မင်းဘယ်လိုသိတာလဲ "</p> <p style="text-align:justify">ရှုကျန်းယီ အံ့အားသင့်စွာဖြင့် မေးလိုက်သည်။</p> <p style="text-align:justify">" အဲ့ဒီနှစ်ယောက်ကို ကြည့်လိုက် "</p> <p style="text-align:justify">ရဲ့ဟိုင် လူအုပ်ထဲမှ ကျင့်ကြံသူနှစ်ယောက်ကို လက်ညှိုးထိုးပြလိုက်၏။</p> <p style="text-align:justify">ရှုကျန်းယီ ရဲ့ဟိုင်လက်ညှိုးညွှန်ပြသည့်နေရာကို ကြည့်လိုက်လျှင် ဝမ်ရွှမ်နှင့်ဝမ်ယုတို့နှစ်ယောက်ကို တွေ့လိုက်ရလေသည်။</p> <p style="text-align:justify">ထိုနှစ်ဦးသည် မူလအစီအစဥ်အရဆိုလျှင် ဓာတ်ကြီးငါးပါးဓားဂိုဏ်းကို လျှို့ဝှက်စွာဖြင့်သွားလာရန် ရည်ရွယ်ထားခြင်းဖြစ်၏။ ယခုတော့ ရဲ့ဟိုင်က သူတို့၏ဇစ်မြစ်ကို ဖော်ထုတ်လိုက်ပြီဖြစ်သဖြင့် ဆက်ပြီးတော့ ဟန်ဆောင်စရာ မလိုအပ်တော့ချေ။</p> <p style="text-align:justify">ချက်ချင်းပင် ဝမ်ရွှမ်နှင့် ဝမ်ယုတို့နှစ်ယောက်လုံး စစ်သင်္ဘောပေါ်သို့ ပျံသန်းကာ တက်လာကြသည်။ ထို့နောက် ရဲ့ဟိုင်ကို တလေးတစားပင် ဦးညွှတ်လိုက်ကြလေ၏။</p> <p style="text-align:justify">ရဲ့ဟိုင်၏ ကျော်ကြားမှုကို တောင်ပိုင်းဒေသရှိ သူတို့လူငယ်မျိုးဆက်သစ် ပါရမီရှင်များပင်လျှင် ကြားဖူးသည်။</p> <p style="text-align:justify">အတိုချုံးမိတ်ဆက်စကား အနည်းငယ်ပြောပြီးနောက် ရဲ့ဟိုင်က စစ်သင်္ဘောကို မြို့တံခါးဆီသို့ တိုက်ရိုက်ပင် ဦးတည်စေလိုက်၏။ သူမည်သူမှ ဂရုစိုက်ခြင်းမရှိချေ။</p> <p style="text-align:justify">" ရဲ့ဟိုင် ငါတို့ဒီလိုသွားနေတာက ကောင်းကင်ဓားမြို့တော်ကို စော်ကားသလို ဖြစ်မသွားနိုင်ဘူးလား "</p> <p style="text-align:justify">ရှုကျန်းယီ စိုးရိမ်ပူပန်စွာဖြင့် မေးမြန်းလိုက်သည်။</p> <p style="text-align:justify">" ငါ့ရဲ့ကိုယ်ပွားက လေလံပွဲမှာ စိတ်ဝင်စားစရာကောင်းတဲ့ အချက်အလက်အချို့ကိုတွေ့ခဲ့တယ် "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် ရှုကျန်းယီကိုပြုံးကာကြည့်လိုက်ပြီး...</p> <p style="text-align:justify">" ငါဘာတွေ့လဲဆိုတာကို မင်းခန့်မှန်းကြည့်လိုက် "</p> <p style="text-align:justify">" ဘာလဲ ထာဝရဓားဂိုဏ်းကို ကောင်းကင်ဓားမြို့တော်က ထောက်ပံ့ပေးနေတာလား "</p> <p style="text-align:justify">ရှုကျန်းယီ တစ်ခဏစဥ်းစားပြီးနောက် မျက်နှာပျက်ယွင်းစွာဖြင့် ပြောလိုက်၏။</p> <p style="text-align:justify">" ကြည့်ရတာ မင်းတို့ဓာတ်ကြီးငါးပါးဓားဂိုဏ်းကလဲ ဒီအကြောင်းကို တစ်စိတ်တစ်ပိုင်း သိနေတဲ့ပုံပဲ "</p> <p style="text-align:justify">ထိုသို့ပြောပြီးသည်နှင့် ရဲ့ဟိုင်၏မျက်လုံးထဲတွင် အေးစက်မှုများက ဖြစ်တည်လာခဲ့ပြီး...</p> <p style="text-align:justify">" အရှေ့တိုင်းကုန်းမြေတိုက်ကြီးက လူတိုင်း ဓာတ်ကြီးငါးပါးဓားဂိုဏ်းက ငါနဲ့ပတ်သက်နေတယ်ဆိုတာကိုသိကြတယ်၊ ဒါပေမဲ့ ဓားမြို့တော်နဲ့ ထာဝရဓားဂိုဏ်းကတော့ ဓာတ်ကြီးငါးပါးဓားဂိုဏ်းကို တိုက်ခိုက်ရဲဆဲပဲ၊ ကြည့်ရတာ သူတို့က ငါ့ကို လုံးဝထည့်မတွက်ထားဘူးဆိုတာ ရှင်းလင်းနေတယ်လေ "</p> <p style="text-align:justify">" ရဲ့ဟိုင် မင်း ဓားမြို့တော်ကို စမ်းသပ်ဖို့အတွက် ဒီလိုမျိုး လုပ်နေတာတော့ မဟုတ်ဘူးမှလား "</p> <p style="text-align:justify">" ဟုတ်တယ် .. ဓားမြို့တော်ကို တိုက်ခိုက်ဖို့အတွက် ငါတွန်းအားပေးနေတာပဲ "</p> <p style="text-align:justify">" သူတို့က မတိုက်ခိုက်လာရင်ကော "</p> <p style="text-align:justify">ရှုကျန်းယီ မျက်မှောင်ကုပ်၍ မေးလိုက်သည်။</p> <p style="text-align:justify">" ဒီကောင်တွေ မတိုက်ခိုက်ရင်တော့ သူတို့က ငါ့အတွက် ပြိုင်ဘက်ဖြစ်ဖို့တောင်မှ အရည်အချင်းမရှိဘူးပေါ့ "</p> <p style="text-align:justify">" နင်သူတို့ကို အထင်သေးလို့ မရဘူး ရဲ့ဟိုင် .. ဘာလို့လဲဆိုတော့ ကောင်းကင်ဓားမြို့တော်က အင်မော်တယ်နန်းတော်ရဲ့ အာဏာရှိပုဂ္ဂိုလ်အချို့နဲ့ ချိတ်ဆက်နေတယ်လေ "</p> <p style="text-align:justify">ချန်ရှီ တုံ့ဆိုင်းစွာဖြင့် ဝင်ရောက်ကာ ပြောဆိုလိုက်၏။</p> <p style="text-align:justify">ရဲ့ဟိုင် ချန်ရှီကို သေချာစိုက်ကြည့်လိုက်သည်။ ထင်ထားသလိုပင် ဤကောင်မလေး၏ နောက်ခံက လုံးဝမရိုးရှင်းချေ။</p> <p style="text-align:justify">" အဲ့တာက ဘယ်သူလဲဆိုတာကို နင်သိလား "</p> <p style="text-align:justify">" သူက အရှေ့ပိုင်းအစောင့်တပ်ဗိုလ်ချုပ် လုဘင်ရှုပဲ "</p> <p style="text-align:justify">" နေပါဦး .. အဲ့ဒီ လုဘင်ရှု ဆိုတဲ့လူက ဘာလို့ သူ့ရဲ့လက်တံတွေကို ဘာမဟုတ်တဲ့ ဒီမြို့လေးလို နေရာထိတောင်မှ ဖြန့်ကျက်ထားတာတုန်း "</p> <p style="text-align:justify">ဝူမင် တအံ့တဩဖြင့် ဝင်မေးလိုက်လေ၏။ အင်မော်တယ် နန်းတော်မှ လူများအတွက် ကောင်းကင်ဓားမြို့တော် ဆိုသည်မှ လုံးဝကို သေးငယ်သည့် အသုံးမဝင်သော မြို့လေးဖြစ်သည်။</p> <p style="text-align:justify">" ဘာလို့လဲဆိုတော့ ကောင်းကင်ဓားမြို့တော်မှာ အင်မော်တယ်ဘုရင်အဆင့် အမွေအနှစ် ရှိတယ်ဆိုတဲ့ ကောလဟာလတွေကြောင့်လေ "</p> <p style="text-align:justify">" အင်မော်တယ်ဘုရင်အဆင့် အမွေအနှစ်ဟုတ်လား "</p> <p style="text-align:justify">ချန်ရှီ၏ ထိုစကားက ဝူမင် တကယ် အလန့်တကြားဖြစ်သွားစေသည်။</p> <p style="text-align:justify">" ဟုတ်တယ် "</p> <p style="text-align:justify">" မဟုတ်သေးဘူးနော် .. တစ်ခုခုတော့ မှားနေပြီ ကောင်းကင်ဓားမြို့တော်မှာ အင်မော်တယ်ဘုရင်အဆင့် အမွေအနှစ် တကယ်ရှိတယ်ဆိုရင် လုဘင်ရှုက ဒါကိုသူ့ရဲ့ ခွန်အားနဲ့ ဘယ်လိုလုပ်ကာကွယ်နိုင်မှာလဲ၊ သတင်းကြားရင် လူတော်တော်များများက ဒီမြို့ကို သိမ်းပိုက်ဖို့ ကြိုးစားကြမှာပဲ "</p> <p style="text-align:justify">ဝူမင် မျက်မှောင်ကုပ်ကာ မေးလိုက်၏။</p> <p style="text-align:justify">" လုဘင်ရှုက ရိုးရှင်းတယ်လို့ ရှင်ထင်နေရင် မှားသွားလိမ့်မယ် "</p> <p style="text-align:justify">ချန်ရှီ ခေါင်းခါယမ်းကာပြောလိုက်လျှင် ဝူမင်မှာပို၍ မျက်မှောင်ကြုတ်သွားသည်။</p> <p style="text-align:justify">" အဲ့ဒီလုဘင်ရှုက အင်မော်တယ်ဘုရင်အဆင့်တော့ မဟုတ်ဘူးမလား "</p> <p style="text-align:justify">" ဟုတ်တယ် .. လုဘင်ရှုက အင်မော်တယ်အရှင်အဆင့်ပဲရှိသေးတာ .. ဒါပေမဲ့ လုမိသားစုမှာ အင်မော်တယ်ဘုရင်တစ်ပါးရှိတယ်လေ "</p> <p style="text-align:justify">" လုမိသားစုရဲ့ အင်မော်တယ်ဘုရင် "</p> <p style="text-align:justify">ယခုအချိန်တွင်တော့ ရဲ့ဟိုင်က တအံ့တဩဖြင့် ရေရွတ်လိုက်ခြင်းဖြစ်၏။</p> <p style="text-align:justify">ရဲ့ဟိုင် အံ့ဩသော အမူအရာကိုကြည့်ပြီး ချန်ရှီ ခေါင်းညိတ်လိုက်ကာ...</p> <p style="text-align:justify">" အဲ့ဒါအမှန်ပဲ ..ဒါပေမဲ့ သိပ်တော့စိတ်မပူနဲ့၊ လုမိသားစုမှာ အင်မော်တယ်ဘုရင်ရှိရင်တောင်မှ သူတို့က လုပ်ချင်တိုင်းလုပ်လို့ ရတာတော့မဟုတ်ဘူး "</p>


Save