Book List

<h2 style="text-align: center;">အပိုင်း - ( ၁၄၀၈ )</h2> <h2 style="text-align: center;">*</h2> <p> </p> <p> </p> <p style="text-align:justify">ကောင်းကင်ဓားမြို့တော်၏ မြို့သခင်မှာ ဤကဲ့သို့ပုံစံဖြင့် သေဆုံးသွားသည်လား။</p> <p style="text-align:justify">၎င်းမြင်ကွင်းကိုကြည့်ပြီး ကောင်းကင်ဓားမြို့တော်မှ လူများအကုန်လုံး လက်ရှိမြို့တော်၏ အခြေအနေက အစကနေ ပြောင်းလဲတော့မည်ဆိုတာ နားလည်လိုက်ကြသည်။ </p> <p style="text-align:justify">တစ်ဖက်တွင် ရဲ့ဟိုင် ကောင်းကင်ဓားမြို့တော်ကို မည်သို့ကိုင်တွယ်ရမည်ဆိုတာကို တွေးတောနေသည့်အချိန်တွင် ရုတ်တရက် သူ၏မျက်လုံးထဲ၌ လူတစ်ယောက်၏ ပုံသဏ္ဌာန် ဝင်ရောက်လာ၏။ </p> <p style="text-align:justify">ချက်ချင်းပင် ရဲ့ဟိုင်၏ ခန္ဓာကိုယ်မှ ကြောက်စရာကောင်းသော ဝိညာဥ်စွမ်းအား ဖြာထွက်လာပြီး လူတိုင်း၏ နောက်ကွယ်တွင် သူ့အားထောက်လှမ်းနေသော ရှီကျားကို ချုပ်နှောင်လိုက်၏။</p> <p style="text-align:justify">ထို့နောက် ရှီကျား၏ ခန္ဓာကိုယ်က အလိုအလျောက် လေပေါ်သို့ မြောက်တက်လာလေသည်။</p> <p style="text-align:justify">" ဂိုဏ်းချုပ်ရဲ့ "</p> <p style="text-align:justify">ရှီကျား၏ လှပသောမျက်နှာတွင် ယခုအချိန်၌ ကြောက်ရွံ့မှုများက ပြည့်နှက်နေ၏။</p> <p style="text-align:justify">" ကောင်းကင်ဓားမြို့တော်ကို ငါမင်းနဲ့ လွှဲထားခဲ့မယ်၊ ဒီမြို့တော်တစ်ခုလုံးကို ကောင်းကောင်းစီမံဖို့အတွက် မင်းမှာယုံကြည်ချက်ရှိလား "</p> <p style="text-align:justify">ရဲ့ဟိုင်၏ စကားကြားလျှင် ကြောက်ရွံ့နေသော ရှီကျားမှာ လှုပ်ရှားရုန်းကန်နေမှုများ ရပ်တန့်သွားပြီး တုန်လှုပ်စွာဖြင့် ရဲ့ဟိုင်ကို မျက်လုံးပြူးစွာ ကြည့်နေမိသည်။</p> <p style="text-align:justify">ထို့နောက် သူမသတိဝင်လာပြီး အလျင်အမြန်ပင်... </p> <p style="text-align:justify">" ဟုတ် ... ဟုတ် ... ဟုတ်ကဲ့ "</p> <p style="text-align:justify">ရှီကျားက အမြဲတမ်း ရည်မှန်းချက်ကြီးမားသူတစ်ယောက်ဖြစ်၏။ ရဲ့ဟိုင်က အစက သူမကိုသတ်ဖြတ်မည်ဟု ထင်ခဲ့ခြင်းဖြစ်သည်။ မည်သို့ပင်ဆိုပါစေ သူမက လေလံပွဲတွင် ရဲ့ဟိုင်အပေါ်၌ မကောင်းသော စိတ်ဆန္ဒများရှိခဲ့ဖူး၏။</p> <p style="text-align:justify">သို့သော် ရဲ့ဟိုင်က ကောင်းကင်ဓားမြို့တော်တစ်ခုလုံးကို သူမ၏လက်ထဲသို့ လွှဲအပ်ပေးမည်ဟု မည်သူက ထင်ထားမည်နည်း။ </p> <p style="text-align:justify">" ကောင်းကင်ဓားမြို့တော်တစ်ခုလုံးကို အပြီးပိုင်ထိန်းချုပ်ဖို့အတွက် ငါမင်းကိုအချိန်တစ်လပေးမယ်၊ ဒီတစ်လအတွင်း ငါ့ရဲ့ကိုယ်ပွားသုံးကောင်က မင်းလက်ထဲမှာပဲ "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် ရှီကျား၏ ဘေးနားတွင် မျက်နှာဖုံးစွပ်ထားသော လူသုံးယောက် ထွက်ပေါ်လာလေသည်။</p> <p style="text-align:justify">" ဟုတ်ကဲ့ပါ သခင် "</p> <p style="text-align:justify">ရှီကျား တွေဝေတုံ့ဆိုင်းခြင်းမရှိ ရဲ့ဟိုင်ကို သခင်ဟု တန်း၍ခေါ်လိုက်၏။</p> <p style="text-align:justify">" အခုချိန်ကစပြီး မင်းရဲ့ ဘာမကောင်းတဲ့အရာကိုမှ မလုပ်နဲ့တော့၊ ဒါကမင်းတို့ နတ်ဆိုးသားရဲဂိုဏ်းရဲ့ မှော်နည်းစနစ်ကျင့်စဥ်ပဲ၊ ဘယ်လောက်နားလည်မလဲဆိုတာ မင်းရဲ့စွမ်းအင်အပေါ်မူတည်တည် "</p> <p style="text-align:justify">ရဲ့ဟိုင် စကားဆုံးသည်နှင့် ရှေးဟောင်းကျမ်းစာအုပ်တစ်ခုကို ရှီကျားထံသို့ ပစ်ပေးလိုက်သည်။</p> <p style="text-align:justify">ရှီကျား ၎င်းကျမ်းစာကို ဖွင့်ကြည့်လိုက်လျှင် သူမ၏မျက်လုံးထဲ၌ မယုံကြည်နိုင်မှုများ ဖြစ်ပေါ်လာ၏။</p> <p style="text-align:justify">" သ .. သ .. သခင် တစ်ခုမေးလို့ရမလား၊ ကျွန်မတို့ မြေခွေးမျိုးနွယ်ရဲ့ အစစ်အမှန် မှော်နည်းစနစ်ကို သခင်ကဘယ်လိုလုပ် ပိုင်ဆိုင်နေတာလဲ "</p> <p style="text-align:justify">" မင်းသာကောင်းကောင်းလေး စွမ်းဆောင်နိုင်တယ်ဆိုရင် အင်မော်တယ်ဘုရင်အဆင့် မှော်နည်းစနစ်ကိုတောင်မှ ငါပေးနိုင်တယ် "</p> <p style="text-align:justify">စကားဆုံးသည်နှင့် ရဲ့ဟိုင်က သူ၏စစ်သင်္ဘောကို ထိန်းချုပ်ကာ ဓာတ်ကြီးငါးပါးဓားဂိုဏ်းရှိရာသို့ ဦးတည်၍ ထွက်သွားသည်။ </p> <p style="text-align:justify">ရှီကျားသည် ရဲ့ဟိုင်ပျောက်ကွယ်သွားသည်ကိုကြည့်ပြီး သူမ၏မျက်လုံးထဲ၌ ထိတ်လန့်ကြောက်ရွံ့မှုများက ပြည့်နှက်နေခဲ့၏။</p> <p style="text-align:justify">အဘယ့်ကြောင့်ဆိုသော် အင်မော်တယ်အရှင်အဆင့် မှော်နည်းစနစ်တစ်ခုကို ရဲ့ဟိုင်က သူမအား ပေါ့ပေါ့ပါးပါး ပေးခဲ့သောကြောင့်ဖြစ်သည်။ </p> <p style="text-align:justify">ရှီကျားသည် သူမ၏ဘဝတွင် ဤကဲ့သို့နည်းစနစ်ကိုတစ်ခါမှ အိမ်မက်ပင် မမက်ဖူးဘူးဖြစ်၏။</p> <p style="text-align:justify">ခဏလောက် တွေးဝေနေပြီးနောက် ရှီကျား ရဲ့ဟိုင်၏ ကိုယ်ပွားထဲမှ တစ်ယောက်အား ဦးညွှတ်လိုက်ပြီး... </p> <p style="text-align:justify">" ကျေးဇူးပြုပြီး မြို့ကို ပိတ်ဆို့ပေးထားလို့ရမလားရှင့် "</p> <p style="text-align:justify">ချက်ချင်းပင် ရဲ့ဟိုင်၏ ကိုယ်ပွားက ပျောက်ကွယ်သွားသည်။</p> <p style="text-align:justify">ရှီကျားသည် နောက်ထပ်ကိုယ်ပွားတစ်ကောင်ကို ကြည့်ကာ...</p> <p style="text-align:justify">" ထာဝရဓားဂိုဏ်းက ကျင့်ကြံသူအားလုံးကို ဖမ်းဆီးဖို့အတွက် ကျေးဇူးပြုပြီး မြို့စောင့်တပ်နဲ့ ပူးပေါင်းပေးပါ "</p> <p style="text-align:justify">ဒုတိယကိုယ်ပွားကလည်း ချက်ချင်းပင် ပျောက်ကွယ်သွားပြီး ရှီကျား တတိယကိုယ်ပွားကို ကြည့်လိုက်၏။</p> <p style="text-align:justify">" ကျေးဇူးပြုပြီးတော့ ကျွန်မအနောက်ကိုလိုက်ပြီး အမိန့်နာခံဖို့ငြင်းဆန်နေတဲ့ ကောင်းကင်ဓားမြို့တော်က ကျင့်ကြံသူအားလုံးကို သတ်ပေးပါ "</p> <p style="text-align:justify">ရှီကျားသည် သူမ၏ရာထူးက သူများအားကိုးဖြင့် ရလာသည့်ရာထူးဆိုတာကို သိရှိ၏။ ထို့ကြောင့် ကျင့်ကြံသူတော်တော်များများ ကျေနပ်ကြမည်မဟုတ်ချေ။</p> <p style="text-align:justify">ထိုလူများက မိမိရာထူးကိုငြင်းလာလျှင် ဘာလုပ်မည်နည်း။</p> <p style="text-align:justify">သတ်ပစ်မည်။</p> <p style="text-align:justify">ဤသည်က အထိရောက်ဆုံးနှင့် အရိုးရှင်းဆုံးနည်းလမ်းပင်။</p> <p style="text-align:justify">ရဲ့ဟိုင်က တစ်လအတွင်း ကောင်းကင်ဓားမြို့တော်ကို အပြီးအပိုင် ထိန်းချုပ်ရမည်ဟု အမိန့်ချသွားပြီဖြစ်သည်။</p> <p style="text-align:justify">ယခုအချိန်တွင် သူမအနေဖြင့် သနားညှာတာစိတ် ဝင်နေလို့မရချေ။ မိမိကိုသစ္စာမဖောက်ဘဲ အညံ့ခံသ၍ ထိုလူတွေ အသက်ရှင်သန်မည်ဖြစ်၏။</p> <p style="text-align:justify">ရှီကျား ကောင်းကင်ဓားမြို့တော်တစ်ခုလုံးကို ရှင်းလင်းသုတ်သင်ရန်အတွက် သူမ၏ဓားကို မြှောက်နေသည့်အချိန်တွင် ရဲ့ဟိုင်နှင့် အဖွဲ့ကတော့ ဓာတ်ကြီးငါးပါးဓားဂိုဏ်းရှိရာသို့ ချဥ်းကပ်သွားပြီဖြစ်သည်။</p> <p style="text-align:justify">လီဘိုသည် စစ်သင်္ဘောကို လှည့်ပတ်ကြည့်လိုက်ပြီး...</p> <p style="text-align:justify">" ရဲ့ဟိုင် ဒါကအင်မော်တယ်သခင်အဆင့် သင်္ဘောမဟုတ်ဘဲ အင်မော်တယ်အရှင်အဆင့်သင်္ဘောမလား "</p> <p style="text-align:justify">သူအဘယ့်ကြောင့် ဤကဲ့သို့ မေးလိုက်ရသနည်းဆိုလျှင် လုမိသားစုမှ အင်မော်တယ်အရှင်အဆင့်ပုဂ္ဂိုလ်သည် ဤသင်္ဘောမှ စွမ်းအင်အမြောက်၏ တိုက်ခိုက်မှုကို အစွမ်းကုန်ခုခံခဲ့ရသောကြောင့်ဖြစ်၏။</p> <p style="text-align:justify">" ဟုတ်တယ် "</p> <p style="text-align:justify">လီဘိုသည် တွေးထားပြီးသားဖြစ်သော်လည်း ရဲ့ဟိုင်က ခေါင်းညိတ်ဝန်ခံလိုက်သောအခါ အံ့အားသင့်ထိတ်လန့်တုန်လှုပ်ရဆဲပင်။</p> <p style="text-align:justify">ထို့နောက် သူ၏ မျက်နှာတွင် သံသယ အချို့ဖြစ်ပေါ်လာပြီး ...</p> <p style="text-align:justify">" ရဲ့ဟိုင် အင်မော်တယ်အရှင်အဆင့် စစ်သင်္ဘောတွေက အင်မော်တယ်အရှင် အစောပိုင်းအဆင့် ပုဂ္ဂိုလ်တွေကို သတ်ဖြတ်နိုင်တယ်လို့ ဆိုတယ်မလား၊ ဘာလို့ ဒီစစ်သင်္ဘောနဲ့ လုဘင်းထျန်ကို မသတ်လိုက်တာလဲ၊ မင်းခွန်အားနဲ့ ဒီစစ်သင်္ဘောပေါင်းလိုက်ရင် သူ့ကို သတ်နိုင်မှာ အသေချာပဲ  "</p> <p style="text-align:justify">လီဘို စိတ်ဝင်တစားဖြင့် မေးလိုက်သည်။</p> <p style="text-align:justify">" သူ့ကို သတ်မယ်ဆိုရင် စစ်သင်္ဘောရဲ့ စွမ်းအားကို အဆုံးစွန်အထိ မြှင့်တင်ရမှာ ဒါကမထိုက်တန်ဘူး "</p> <p style="text-align:justify">ထိုသို့ပြောပြီးသည် နှင့် ရဲ့ဟိုင် လီဘိုကိုကြည့်လိုက်ပြီး...</p> <p style="text-align:justify">" နောက်ထပ်အကြောင်းပြချက်တစ်ခုက အင်မော်တယ်ဘုရင်အဆင့် အဖွဲ့အစည်းတွေမှာတောင်မှ အင်မော်တယ်အရှင်အဆင့် ပုဂ္ဂိုလ်တွေဆိုတာက များများစားစားရှိတာမဟုတ်ဘူး၊ လုဘန်အန်းကိုသာ ငါသတ်လိုက်မယ်ဆိုရင် လုမိသားစုနဲ့ ငါက လုံးဝကို ရန်သူဖြစ်သွားလိမ့်မယ် "</p> <p style="text-align:justify">ရဲ့ဟိုင်သည် ဉာဏ်နည်းသူတစ်ယောက် မဟုတ်ဘူးဖြစ်၏။ လက်ရှိက လုမိသားစုနှင့်သူသည် နှစ်ဖက်ကြား ရင်ကြားစေ့ရန် အနေအထား ရှိနေသေးသည်။ လုဘန်အန်းကိုသာ သူသတ်လိုက်မည်ဆိုလျှင် ၎င်းရင်ကြားစေ့ဖို့ အနေအထားက ရှိတော့မည် မဟုတ်ချေ။</p> <p style="text-align:justify">" ရဲ့ဟိုင် ဒါနဲ့ မင်းဆီမှာ ဒီလို အင်မော်တယ်အရှင်အဆင့် စစ်သင်္ဘော ဘယ်နှစီးလောက်ရှိလဲ "</p> <p style="text-align:justify">လီဘို သူ၏လက်ကိုပွတ်သပ်ကာ လိုချင်တပ်မက်စိတ်များမှင့်အတူ မေးလိုက်၏။</p> <p style="text-align:justify">" ဘာလဲ မင်းက ဝယ်ချင်လို့လား "</p> <p style="text-align:justify">" ဟုတ်တယ် ငါစဥ်းစားနေတာ "</p> <p style="text-align:justify">လီဘို ပွင့်ပွင့်လင်းလင်းပင် ပြောလိုက်သည်။</p> <p style="text-align:justify">" ပြောရမှာ စိတ်မကောင်းပေမဲ့ မင်းတို့ဓာတ်ကြီးငါးပါးဓားဂိုဏ်းသာ အင်မော်တယ်အရှင်အဆင့် စစ်သင်္ဘောတစ်စီးကို ဝယ်မယ်ဆိုရင် ဒေဝါလီခံသွားရနိုင်တယ် "</p> <p style="text-align:justify">ရဲ့ဟိုင်ပြုံးကာ ပြောလိုက်၏။</p> <p style="text-align:justify">အင်မော်တယ်အရှင်အဆင့် စစ်သင်္ဘောများဆိုသည်မှာ အင်မော်တယ်သခင်အဆင့် စစ်သင်္ဘောများထက် ပို၍တည်ဆောက်ရခက်ခဲပြီး ကုန်ကျစရိတ် အများကြီးပိုများသည်။</p> <p style="text-align:justify">ဓာတ်ကြီးငါးပါးဂိုဏ်းသည် အင်မော်တယ်သခင်အဆင့် စစ်သင်္ဘောကို ခြစ်ကုတ်၍ ဝယ်ယူနိုင်မည်ဖြစ်သော်လည်း အင်မော်တယ်အရှင်အဆင့် စစ်သင်္ဘောကိုတော့ တတ်နိုင်မည်မဟုတ်ပေ။</p>


Save