Book List

<h2 style="text-align: center;">အပိုင်း - ( ၁၄၀၉ )</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">" ရဲ့ဟိုင် မင်းက ငါတို့ကို စိတ်ဓာတ်အဆုံးစွန်ထိကျအောင် တည့်တိုးပြောနေတာလား "</p> <p style="text-align:justify">ရှုကျန်းယီ ကူကယ်ရာမဲ့သော အမူအရာဖြင့် ပြောလိုက်လျှင် ရဲ့ဟိုင်ပြုံးကာ ဘာမှပြန်မပြောပေ။</p> <p style="text-align:justify">" ဒါနဲ့ရဲ့ဟိုင် ငါမင်းကို အမြဲတမ်းမေးချင်တဲ့ မေးခွန်းတစ်ခုရှိတယ် "</p> <p style="text-align:justify">ရှုကျန်းယီ သိလိုစိတ်များနှင့်အတူ ရဲ့ဟိုင်ကိုကြည့်လိုက်ပြီး...</p> <p style="text-align:justify">" မင်းအနာဂါတ်မှာ အရှေ့ပိုင်းကုန်းမြေတိုက်ကြီး တစ်ခုလုံးကို ပေါင်းစည်းဖို့အတွက် အစီအစဥ်ရှိလား "</p> <p style="text-align:justify">" ဘာလဲ မင်းက ငါ အနာဂါတ်မှာ ဓာတ်ကြီးငါးပါးဓားဂိုဏ်းကို ဘယ်လိုကိုင်တွယ်မလဲဆိုတာကို အတိအကျမေးချင်တာမလား "</p> <p style="text-align:justify">ရဲ့ဟိုင် တည့်တိုးပြန်မေးလာလျှင် ရှုကျန်းယီ၏မျက်နှာတွင် ရှက်ရွံ့မှုများ ထွက်ပေါ်လာသော်လည်း ချက်ချင်းပင် ခေါင်းညိတ်လိုက်၏။</p> <p style="text-align:justify">" ဟုတ်တယ် "</p> <p style="text-align:justify">ရဲ့ဟိုင်၏ အမူအရာ လေးနက်သွားပြီး...</p> <p style="text-align:justify">" အရှေ့ပိုင်းကုန်းမြေတိုက်ကြီးရဲ့ အနာဂါတ်က မငြိမ်မသက်ဖြစ်လာမှာ အသေအချာပဲ၊ ငါတို့မျိုးဆက်က လူငယ်ပါရမီရှင်တွေ မျိုးဆက်ဟောင်းတွေကို ကျော်လွန်သွားတာနဲ့ အရှေ့ပိုင်းကုန်းမြေတိုက်ကြီးက အနှေးနဲ့အမြန်ဆိုသလို ဗရမ်းဗတာဖြစ်လာလိမ့်မယ် "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် ရှုကျန်းယီကိုကြည့်လိုက်ပြီး...</p> <p style="text-align:justify">" မင်းရဲ့ အနာဂါတ်ခွန်အားနဲ့ ဓာတ်ကြီးငါးပါးဓားဂိုဏ်းကို မင်းကာကွယ်ထားနိုင်မယ်လို့ထင်လား "</p> <p style="text-align:justify">၎င်းစကားကြားလျှင် ရှုကျန်းယီမှာ နှုတ်ဆိတ်သွားသည်။</p> <p style="text-align:justify">ဤသည်မှာ လုံးဝကို လက်တွေ့ကျသော မေးခွန်းတစ်ခုဖြစ်၏။</p> <p style="text-align:justify">သူ ရှုကျန်းယီက ပါရမီရှင်တစ်ယောက်ဆိုသည်မှာ မှန်သည်။ သို့သော် သူ့အထက်တွင် ပါရမီပိုကောင်းသောလူ ( 8 ) ယောက်တိတိ ရှိနေသေး၏။</p> <p style="text-align:justify">" ငါ့အနေနဲ့ ဓာတ်ကြီးငါးပါးဓားဘုရင်ကို မျက်နှာသာပေးပြီးတော့ မင်းတို့ဂိုဏ်းကို ချန်ထားပေးခဲ့လို့ရတယ်၊ ဒါပေမဲ့ အဲ့လိုလုပ်လိုက်ရင် ငါမင်းတို့ကို အမြဲတမ်းကာကွယ်ပေးနိုင်မှာ မဟုတ်တော့ဘူး "</p> <p style="text-align:justify">ရဲ့ဟိုင် ရှုကျန်းယီကို တည့်ပင်စိုက်ကြည့်ကာ ပြောလိုက်သည်။</p> <p style="text-align:justify">" ငါနားလည်ပြီ "</p> <p style="text-align:justify">ရှုကျန်းယီ ခါးသည်းသော အမူအရာဖြင့် ခေါင်းညိတ်လိုက်၏။</p> <p style="text-align:justify">ရဲ့ဟိုင်ပြောသွားသည့် စကားများက အလွန်အမင်းကို ရှင်းလင်းလွန်းသည်။ </p> <p style="text-align:justify">ယွမ်ဟန်ဂိုဏ်းက ဓာတ်ကြီးငါးပါးဓားဂိုဏ်းကို မသိမ်းပိုက်ဘဲ ချန်ထားခဲ့လျှင်တောင်မှ အခြားဂိုဏ်းများက သူတို့ဂိုဏ်းကို မသိမ်းပိုက်လာဘူးဟု မဆိုလိုချေ။ ထိုအချိန်တွင် သူတို့က ယွမ်ဟန်ဂိုဏ်းကို သွားပြီးအကူအညီတောင်းလဲ အချိန်မရွေး ကူညီရန်ဆိုသည်မှာ မလွယ်ကူဘူးဖြစ်၏။ </p> <p style="text-align:justify">အထူးသဖြင့် အချိန်တိုင်း ယွမ်ဟန်ဂိုဏ်းက ဓာတ်ကြီးငါးပါးဓားဂိုဏ်းကို မျက်စိဒေါက်ထောက်ပြီး လာကူညီနေရန်ကလဲ အဆင်မပြေချေ။</p> <p style="text-align:justify">" မဟုတ်ဘူး ... မင်းနားမလည်သေးဘူး "</p> <p style="text-align:justify">ရဲ့ဟိုင် ရှုကျန်းယီကိုကြည့်ကာ ခေါင်းခါယမ်း၍ ပြောလိုက်သည်။</p> <p style="text-align:justify">" မင်းဘာကို ဆိုလိုချင်တာလဲ "</p> <p style="text-align:justify">ရှုကျန်းယီ ရဲ့ဟိုင်ကို အံ့အားသင့်စွာဖြင့် ပြန်မေးလိုက်၏။</p> <p style="text-align:justify">" ကြောက်စရာကောင်းတဲ့ မဟာကပ်ဘေးကြီးက နီးလာနေပြီလို့ အကြီးအကဲတစ်ယောက် ငါ့ကိုပြောခဲ့တယ်၊ အဲ့ဒီမဟာကပ်ဘေး ရောက်လာတဲ့အချိန်ကျရင် အင်မော်တယ်ကမ္ဘာတစ်ခုလုံးတောင်မှ ပျက်စီးလုနီးပါး ဖြစ်သွားလိမ့်မယ်တဲ့၊ အင်မော်တယ်ဘုရင်အဆင့် ကျင့်ကြံသူတွေရဲ့ အကာအကွယ်အောက်မှာရှိနေတဲ့ အဖွဲ့အစည်းတွေက ဒီမဟာကပ်ဘေးကို ဖြတ်ကျော်နိုင်မလား မဖြတ်ကျော်နိုင်ဘူးလားဆိုတာကိုမသိဘူး၊ အနည်းဆုံးတော့ အင်မော်တယ်ဘုရင်အဆင့်ထက်အောက်က အဖွဲ့အစည်းတွေကတော့ ပျက်စီးသွားမှာသေချာတယ် "</p> <p style="text-align:justify">" ဘာ... "</p> <p style="text-align:justify">ထိုစကားက ရှုကျန်းယီ၏မျက်နှာကို အကြီးအကျယ် ပျက်ယွင်းသွားစေသည်။</p> <p style="text-align:justify">" ရဲ့ဟိုင် နင်တကယ်ပြောနေတာလား "</p> <p style="text-align:justify">ချန်ရှီလဲ မျက်နှာပျက်ယွင်းစွာဖြင့် ဝင်မေးလိုက်၏။</p> <p style="text-align:justify">" တကယ်တော့ အဲ့ဒီမဟာကပ်ဘေးက ငါအခုပြောတဲ့ အခြေအနေထက်တောင်မှ ပိုပြီးဆိုးနိုင်သေးတယ် "</p> <p style="text-align:justify">ရဲ့ဟိုင်၏ ထိုပြောစကားက လူတိုင်းကို ငြိမ်သက်ကာ အမူအရာများ လေးနက်သွားစေသည်။</p> <p style="text-align:justify">ရှုကျန်းယီနှင့် လီဘိုတို့နှစ်ယောက်လုံး တစ်ယောက်မျက်နှာတစ်ယောက်ကြည့်ကာ အကြည့်ချင်းဖလှယ်လိုက်ကြလေ၏။</p> <p style="text-align:justify">ရဲ့ဟိုင်ပြောသွားသည့် လက်ရှိစကားများအရဆိုလျှင် ဓာတ်ကြီးငါးပါးဓားဂိုဏ်းကလဲ တစ်ယောက်တည်း ရပ်တည်ရှင်သန်ပါက ထိုအချိန်တွင် ပျက်စီးဖို့ ကျိန်းသေလှသည်။</p> <p style="text-align:justify">အထူးသဖြင့် အနာဂါတ် ထိုမဟာကပ်ဘေးကြီး ဖြစ်လာသည့်အချိန်တွင် ယွမ်ဟန်ဂိုဏ်းသည် ဓာတ်ကြီးငါးပါးဓားဂိုဏ်းကို တသီးတသန့်ကြီး ဂရုစိုက်ပေးနိုင်မည်မဟုတ်ပေ။</p> <p style="text-align:justify">ဤသို့ဖြင့် စစ်သင်္ဘောက အသက်ရှူကြိမ်တစ်ဒါဇင်ကျော်ခန့် ပျံသန်းပြီးနောက် ရဲ့ဟိုင်သည် သောင်းနှင့်ချီသောစစ်သည်များ ဓာတ်ကြီးငါးပါးဓားဂိုဏ်းကို ဝန်းရံတိုက်ခိုက်နေသည်အား အဝေးကနေ လှမ်း၍မြင်လိုက်ရ၏။</p> <p style="text-align:justify">" ထာဝရဓားဂိုဏ်းက ကောင်တွေ .. "</p> <p style="text-align:justify">ရှုကျန်းယီ ထိုမြင်ကွင်းကိုကြည့်ပြီး ဒေါသအလွန် ထွက်သွားသည်။ ဤကောင်များက စိန်ခေါ်ပွဲပြုလုပ်မည်ဟု ပြောထားသော်လည်း ယခုတော့ ဓာတ်ကြီးငါးပါးဓားဂိုဏ်းကို ဝန်းရံကာ တိုက်ခိုက်နေကြ၏။</p> <p style="text-align:justify">" ရှုကျန်းယီ ငါမင်းကို အခွင့်အရေးတစ်ခုပေးမယ် "</p> <p style="text-align:justify">ရဲ့ဟိုင် စစ်သင်္ဘောမှ စွမ်းအင်များကို ညွှန်ပြကာ ပြောလိုက်သည်။</p> <p style="text-align:justify">" ဒါကို ငါသုံးနိုင်တာလား "</p> <p style="text-align:justify">ရှုကျန်းယီ မျက်လုံးများ အရောင်တလက်လက်တောက်ပလာပြီး ရဲ့ဟိုင်ကိုကြည့်ကာ ပြန်မေးလိုက်၏။</p> <p style="text-align:justify">ရဲ့ဟိုင်ခေါင်းညိတ်လိုက်လျှင် ရှုကျန်းယီချက်ချင်းပင် စွမ်းအင်အမြောက်ဆီသို့ ချဥ်းကပ်သွားပြီး အဆင့်မြင့်အင်မော်တယ် ကျောက်တုံး တစ်တုံးကို ၎င်းစွမ်းအင်အမြောက်ထဲသို့ ထည့်လိုက်သည်။</p> <p style="text-align:justify">သို့သော် စွမ်းအင်အမြောက်က အနည်းငယ်သာ တုန်ခါသွားပြီး ထပ်မံ၍ လှုပ်ရှားလာခြင်းမရှိပေ။</p> <p style="text-align:justify">" ဘာတွေဖြစ်နေတာလဲ "</p> <p style="text-align:justify">ရှုကျန်းယီ ရဲ့ဟိုင်ကိုကြည့်ကာ တအံ့တဩဖြင့် မေးလိုက်၏။</p> <p style="text-align:justify">" သောက်ချီး .. မင်းက အဆင့်မြင့်တာအိုကျောက်တုံး တစ်တုံးလောက်ထည့်ပြီးတော့ အင်မော်တယ်အရှင်အဆင့် စွမ်းအင်အမြောက်ကို အသက်သွင်းဖို့ လုံလောက်ပြီထင်နေတာလား "</p> <p style="text-align:justify">" ဒါပေမဲ့ မင်းခုနက ဒီအမြောက်ကို ပစ်ဖို့အတွက် အဆင့်မြင့်အင်မော်တယ်ကျောက်တုံး တစ်တုံးပဲ သုံးခဲ့တာကို ငါရှင်းရှင်းလင်းလင်း မြင်ခဲ့တယ်လေ "</p> <p style="text-align:justify">ရှုကျန်းယီ တအံ့တဩဖြင့် ပြောလိုက်သည်။</p> <p style="text-align:justify">" ငတုံးရယ် .. စွမ်းအင်အမြောက်ဆိုတာ အစောကြီးတည်းက အဆင့်မြင့် အင်မော်တယ်ကျောက်တုံးတွေနဲ့ စွမ်းအင်တွေကို စုစည်းပြီးသား၊ ငါကအဲ့တာကို အသက်သွင်းဖို့အတွက် အဆင့်မြင့်တာအိုကျောက်တုံး တစ်တုံးကိုပဲ အသုံးပြုဖို့ လိုအပ်ခဲ့တာ၊ အခု အမြောက်ထဲ စုဆောင်းထားတဲ့ စွမ်းအင်တွေက အသုံးပြုပြီးသွားပြီဆိုတော့ မင်းအနေနဲ့ ပြန်ပြီးစွမ်းအားဖြည့်သွင်းဖို့ လိုအပ်တယ်လေ "</p> <p style="text-align:justify">" အိုး "</p> <p style="text-align:justify">ထိုအချိန်ကျမှ ရှုကျန်းယီသည် သူအလွန်အတွေးလွန်သွားမိမှန်း နားလည်လိုက်၏။ နောက်ဆုံးတော့ ဤစွမ်းအင်အမြောက်မှာ အင်မော်တယ်အရှင်အဆင့်ဖြစ်သည်။ အဆင့်မြင့်တာအိုကျောက်တုံးတစ်တုံးတည်းဖြင့် မည်ကဲ့သို့ လုံလောက်နိုင်မည်နည်း။</p>


Save