Book List

<h2 style="text-align: center;">အပိုင်း - ( ၁၄၁၂ )</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify"><br /> " ချန်ရှီ နင်က ပင်လယ်လေးစင်းဘုရင်ရဲ့ သမီးမို့လို့ ကိုယ့်ကိုယ်ကိုယ် သာလွန်မြင့်မြတ်တဲ့သူတစ်ယောက်လို့ ထင်ကောင်းထင်လိမ့်မယ်၊ ပွင့်ပွင့်လင်းလင်းပြောရရင် မင်းအဖေကို ရဲ့ဟိုင်က ကျော်လွန်သွားဖို့ အချိန်တစ်ခုပဲ လိုအပ်တာ၊ အဲ့တာကြောင့် မင်းကေ ာမင်းအဖေကောက သူ့မျက်လုံးထဲမှာ ဘာမှမဟုတ်ဘူး "</p> <p style="text-align:justify">ထိုသို့ပြောပြီးသည်နှင့် ဝူမင်သည် ချန်ရှီကို အလေးအနက် စိုက်ကြည့်လိုက်ပြီး ..</p> <p style="text-align:justify">" အခုချိန်ကစပြီး မင်း ရဲ့ဟိုင်နဲ့ သူငယ်ချင်း ဖြစ်ချင်တယ်ဆိုရင် စိတ်ထဲမှာရှိနေတဲ့ မောက်မာမှုနဲ့မာနကို ဖယ်ထားသင့်တယ် "</p> <p style="text-align:justify">ထိုစကားများက ချန်ရှီကို တိတ်ဆိတ်ကာ ငြိမ်သက်သွားစေ၏။</p> <p style="text-align:justify">တစ်ခဏအကြာတွင် သူမ ရှီကျားအရှေ့သို့ သွားလိုက်ပြီး...</p> <p style="text-align:justify">" တောင်းပန်ပါတယ် .. ငါနင့်ကို အဲ့လိုမကြည့်သင့်သလို အဲ့လိုလဲမပြောခဲ့သင့်ဘူး၊ ငါ့ရဲ့တောင်းပန်မှုကို လက်ခံပေးပါ "</p> <p style="text-align:justify">ချန်ရှီ တလေးတစားဖြင့် လေးလေးနက်နက်ဦးညွှတ်ကာ ပြောလိုက်ခြင်းဖြစ်သည်။  </p> <p style="text-align:justify">တစ်ဖက်တွင် ရှီကျား၏ မျက်နှာ၌တော့ ထိတ်လန့်မှုများ ပြည့်နှက်နေ၏။ ချန်ရှီကဲ့သို့သော မြင့်မြတ်သည့် အမျိုးသမီးတစ်ယောက်က သူမလိုနိမ့်ကျသည့်သူတစ်ယောက်ကို ယခုလိုတောင်းပန်လာမည်ဟု လုံးဝမမျှော်လင့်ထားခဲ့ပေ။</p> <p style="text-align:justify">ရှီကျား လက်ဝှေ့ယမ်းကာ ခေါင်းခါယမ်း၍ ငြင်းဆန်ရန်လုပ်သည့်အချိန်တွင် ရဲ့ဟိုင်၏အကြည့်က သူမဆီသို့ ရောက်ရှိလာသည်။</p> <p style="text-align:justify">" ရှီကျား .. သူ့ရဲ့တောင်းပန်မှုကို လက်ခံလိုက် "</p> <p style="text-align:justify">သခင်ဖြစ်သူ၏ အမိန့်ကိုကြားလျှင် ရှီကျားမှာ မငြင်းဆန်ဝံ့တော့ချေ။ ဤသို့ဖြင့် ချန်ရှီ၏ တောင်းပန်မှုကို လက်ခံပြီးနောက် ရှီကျားသည် ရဲ့ဟိုင်ကို မျက်ရည်များဖြင့် ကြည့်လိုက်၏။</p> <p style="text-align:justify">" လေးစားမှု "</p> <p style="text-align:justify">ရှီကျားသည် သူမ၏ဘဝတွင် ဤအရာကို ပထမဆုံးအကြိမ် ခံစားဖူးခြင်းပင်။</p> <p style="text-align:justify">ကောင်းကင်ဓားမြို့တော်၏ လေလံပွဲကို သူမဦးစီးနေရသော်လည်း ၎င်းလေလံပွဲတွင် သူမကိုမည်သူက လေးစားဖူးသနည်း။ </p> <p style="text-align:justify">ရှီကျားသည် ထိုလူများ  သူမကိုကြည့်၍ ဘယ်လိုတွေးနေသည်ဆိုတာ ကောင်းကောင်းသိလေသည်။ </p> <p style="text-align:justify">ထိုသူများ အကုန်လုံးက သူမကို အိပ်ရာထဲခေါ်ပြီး ပုံစံအမျိုးမျိုးဖြင့် နှိပ်စက်ဖို့ကိုသာ တွေးနေကြခြင်းဖြစ်၏။ သူတို့၏ မျက်လုံးထဲတွင် မိမိအပေါ်လေးစားမှု တစ်ခုမှမရှိကြချေ။ </p> <p style="text-align:justify">" ရဲ့ဟိုင် ငါတို့အခု သူငယ်ချင်းတွေ ဖြစ်ပြီလား "</p> <p style="text-align:justify">ချန်ရှီ .. ရှီကျားကို တောင်းပန်ပြီးလျှင် ရဲ့ဟိုင်ကိုကြည့်ကာ တီးတိုးမေးလိုက်သည်။</p> <p style="text-align:justify">" မဟုတ်ဘူး "</p> <p style="text-align:justify">ရဲ့ဟိုင် ခေါင်းခါယမ်းလာလျှင် ချန်ရှီ နှုတ်ခမ်းကို ကိုက်လိုက်ပြီး ..</p> <p style="text-align:justify">" ဒါဆိုရင် နင်အရင်က ဘာလို့ငါ့ကို တာအိုကျောက်တုံးတွေနဲ့ ပြန်လည်နုပျိုဆေးကို ပေးခဲ့တာလဲ "</p> <p style="text-align:justify">" အဲ့တာက ငါမင်းရဲ့ စိတ်ဓာတ်ကို သဘောကျလို့ပေးလိုက်တာလေ "</p> <p style="text-align:justify">ရဲ့ဟိုင် ထိုသို့ ပြောပြီးသည်နှင့် ပျင်းရိစွာ အကြောဆန့်လိုက်ပြီး...</p> <p style="text-align:justify">" ဒီလိုပေးလိုက်တာနဲ့ပဲ မင်းနဲ့ငါ သူငယ်ချင်း ဖြစ် .. မဖြစ် သွားပြီး ပတ်သက်နေလို့လား "</p> <p style="text-align:justify">ရဲ့ဟိုင်၏ ထိုအပျင်းကြောဆန့်လိုက်သော အမူအရာကိုတွေ့လျှင် ရှီကျား နှုတ်ခမ်းကိုကိုက်ကာ ပြတ်ပြတ်သားသားပင် ထရပ်လိုက်၏။ ထို့နောက် သူမ ရဲ့ဟိုင်အနောက်သို့ ဖြည်းညှင်းစွာ လျှောက်သွားပြီး ပုခုံးပေါ်လက်တင်ကာ ညှင်သာစွာ နှိပ်နယ်ပေးလေသည်။</p> <p style="text-align:justify">ရှီကျား၏ အနှိပ်နည်းစနစ်က သာမန်နည်းစနစ် မဟုတ်ပေ။ ၎င်းက မရီဒန်သွေးကြောများကိုဖွင့်ပြီး ပင်ပန်းနွမ်းနယ်မှုကို သက်သာစေကာ အရိုးကို ခိုင်ခံ့စေသည့် နည်းစနစ်ဖြစ်၏။</p> <p style="text-align:justify">ရှီကျား၏ ထိုနှိပ်နယ်ပေးမှုအောက်တွင် ရဲ့ဟိုင်၏မျက်လုံးက တောက်ပလာပြီး လျင်မြန်စွာပင် မျက်နှာတွင် သက်တောင့်သက်သာဖြစ်မှုများ ထွက်ပေါ်လာလေသည်။</p> <p style="text-align:justify">ချန်ရှီက ၎င်းမြင်ကွင်းကို သတိထားမိလိုက်ပြီး သူမ၏မျက်လုံးက အရောင်တချို့ တောက်ပသွား၏။ </p> <p style="text-align:justify">" ရဲ့ဟိုင် တစ်လတောင်ရှိနေပြီ ငါတို့ဘယ်တော့ အင်မော်တယ်နန်းတော်ကိုသွားမှာလဲ "</p> <p style="text-align:justify">ဝူမင် ခုံတွင် ဝင်ထိုင်ကာ ကူကယ်ရာမဲ့သော အမူအရာဖြင့် ပြောလိုက်သည်။</p> <p style="text-align:justify">" မင်းက အဲ့လောက်တောင် မြန်မြန်သွားချင်နေတာလား "</p> <p style="text-align:justify">" ဒီမှာနေရတာ ဘာအဓိပ္ပါယ်မှမရှိဘူးလေ .. အင်မော်တယ်နန်းတော်မှာ အရင်းအမြစ်တွေ ဘယ်လောက်တောင်မှ ရှိတယ်ဆိုတာကို မင်းမသိသေးဘူး "</p> <p style="text-align:justify">" အဲ့ဒီနေရာမှာဆိုရင် အင်မော်တယ်သခင်အဆင့်အထိကို မြန်မြန်ရောက်နိုင်တဲ့ အရင်းအမြစ်တွေအကုန် ရှိမယ်ဆိုတာကို ငါသိတယ် "</p> <p style="text-align:justify">ရဲ့ဟိုင် ထိုသို့ပြောလိုက်လျှင် ဝူမင် ခေါင်းခါယမ်းလိုက်ကာ...</p> <p style="text-align:justify">" မင်းက အဲ့တာပဲ ထင်တာလား .. အင်မော်တယ်သခင်အဆင့်ကို ရောက်နိုင်တဲ့ အရင်းအမြစ်တွေအပြင် ကျင့်ကြံအဆင့်ကို မြှင့်တင်ပေးနိုင်တဲ့ လေ့ကျင့်ရေးအခန်းတွေကော မှော်စွမ်းအားနည်းစနစ်တွေကော အများကြီးရှိတယ်၊ အဲ့တာကြောင့် ဒီနေရာမှာနေတာက ငါတို့ရဲ့ အချိန်တွေကို ဖြုန်းတီးနေတာ သက်သက်ပဲ "</p> <p style="text-align:justify">ဝူမင် မချိပြုံးပြုံးကာ ပြောလိုက်၏။ ပါရမီရှင်များအကုန်လုံးက အင်မော်တယ်နန်းတော်ကို ရောက်နေချေပြီ။ သူတို့ တစ်ရက်နောက်ကြလေ ထိုသူများနှင့် ပိုဝေးကွာသွားလေပင်။</p> <p style="text-align:justify">" ကောင်းပြီလေ .. ဒါဆိုလဲ ငါတို့ နှစ်လအတွင်း အင်မော်တယ်နန်းတော်ကို သွားကြတာပေါ့ "</p> <p style="text-align:justify">ရဲ့ဟိုင် ဝူမင်ကိုကြည့်ကာ ပြောလိုက်သည်။</p> <p style="text-align:justify">" ကောင်းပြီ "</p> <p style="text-align:justify">ဝူမင် ခဏစဥ်းစားပြီးနောက် ခေါင်းညိတ်လိုက်၏။</p> <p style="text-align:justify">မည်သို့ပင်ဆိုပါစေ ဝူမင်သည် အင်မော်တယ်နန်းတော်ကို သူတစ်ယောက်တည်း မပြန်ရဲသည်ကတော့ အမှန်ပင်။</p> <p style="text-align:justify">တစ်ဖက်တွင် ရဲ့ဟိုင်က နှစ်လအကြာ၌ အင်မော်တယ်နန်းတော်သို့ သွားတော့မည်ဟု ဆိုသောစကားကို ကြားသောအခါ ရှီကျား၏ နှိပ်နေသောလက်က ခဏရပ်တန့်သွားလေသည်။ သို့သော် သူမ ပုံမှန်နှိပ်နယ်မှုကို ပြန်လည်၍ အမြန်စတင်လိုက်၏။</p> <p style="text-align:justify">ဤသို့ဖြင့် ခဏမျှစကားပြောပြီးနောက် ရဲ့ဟိုင်မတ်တပ်ထရပ်လိုက်ပြီး ဓာတ်ကြီးငါးပါးဓားဂိုဏ်းမှလူများကို သင်ကြားပေးရန်အတွက် ဦးတည်လိုက်သည်။</p> <p style="text-align:justify">" ရှီကျား "</p> <p style="text-align:justify">ရှီကျားသည် သူမ၏အသိစိတ်ထဲတွင် ချန်ရှီ၏ အသံပို့လွှတ်ကာ ခေါ်လိုက်သောအသံကို ကြားသောအခါ တအံ့တဩဖြင့် သွားနေသောခြေလှမ်းများ ရပ်တန့်သွား၏။</p> <p style="text-align:justify">" နင် .. နင့်ရဲ့  အနှိပ် နည်းစနစ် ငါ့ကို သင်ပေးလို့ရမလား "</p> <p style="text-align:justify">ချန်ရှီ နှုတ်ခမ်းကိုကိုက်ကာ တီးတိုးပြောလာလျှင် ရှီကျား အလွန်အံ့အားသင့်သွားသည်။</p> <p style="text-align:justify">" မဟုတ်ဘူး .. ဒါက အစေခံတွေပဲ သင်ယူရတဲ့ နည်းစနစ်လေ၊ အဲ့တာကို တကယ်ချင်နေတယလား "</p> <p style="text-align:justify">ရှီကျား အလန့်တကြားပင် ပြန်မေးလိုက်၏။</p> <p style="text-align:justify">" ငါတို့ရဲ့ ဆက်ဆံရေးမှာ သခင် ဒါမှမဟုတ် အစေခံဆိုတာ မရှိတော့ဘူး၊ ငါတို့အားလုံးက အတူတူပဲ၊ အဲ့တာကြောင့် ငါလဲ ဒီအနှိပ်နည်းစနစ်ကို သင်လို့ရတယ် "</p> <p style="text-align:justify">ချန်ရှီ၏ ထိုဆုံးဖြတ်ချက် ပြတ်သားနေသော အမူအရာနှင့် စကားကိုကြားသောအခါ ရှီကျား သူမကို ထပ်မငြင်းနိုင်တော့ပေ။</p> <p style="text-align:justify">" ကောင်းပြီလေ .. မိန်းကလေးချန် နင်လေ့လာချင်တယ်ဆိုလဲ ငါသင်ပေးမယ် "</p> <p style="text-align:justify">ရှီကျား၏အနှိပ်နည်းစနစ်သည် ရှေးဟောင်း နည်းစနစ်တစ်မျိုးဖြစ်ပြီး အမွေခံနည်းစနစ်ဖြစ်သော်လည်း ဤအရာက အနှိပ်နည်းစနစ်လေးသာဖြစ်သည်။ ထို့ကြောင့် ချန်ရှီက သင်ယူချင်သည်ဆိုလျှင် သူမအနေဖြင့် သင်ပေးနိုင်စွမ်းရှိ၏။</p> <p style="text-align:justify">တစ်ဖက်တွင် ရဲ့ဟိုင် လေ့ကျင့်သင်ကြားပေးသည့် နေရာကို ရောက်သည့်အခါ ဓာတ်ကြီးငါးပါးဓားဂိုဏ်းမှ တပည့်ပေါင်း တစ်သိန်းကျော်နီးပါး စုဝေးနေသည်ဆိုတာကို တွေ့လိုက်ရသည်။</p> <p style="text-align:justify">ယခုအချိန်တွင် ကောင်းကင်ဓားမြို့တော်မှလွဲ၍ ကောင်းကင်ဓားနယ်မြေတစ်ခုလုံးကို ဓာတ်ကြီးငါးပါးဓားဂိုဏ်းက သိမ်းပိုက်ထားပြီးပြီဖြစ်၏။ ထို့ကြောင့် ဤတပည့်များက ဘာမှအပြင်တွင် လုပ်စရာမရှိတော့ဘဲ ဤနေရာတွင် လာရောက်သင်ကြားနိုင်ခြင်းဖြစ်သည်။</p> <p style="text-align:justify">တပည့်များအားလုံး ဤနေရာတွင် စုဝေးနေသော်လည်း အပြင်ဘက်၌ ဓာတ်ကြီးငါးပါးဓားဂိုဏ်း၏ နယ်မြေတွေကို မည်သူကမှ တိုက်ခိုက်ရဲခြင်းမရှိပေ။</p> <p style="text-align:justify">အဘယ့်ကြောင့်ဆိုသော် ရဲ့ဟိုင်က အရှေ့ပိုင်းကုန်းမြေတိုက်ကြီးတစ်ခုလုံးကို ဓာတ်ကြီးငါးပါးဓားဂိုဏ်းအား သူကာကွယ်ထားကြောင်း ရှင်းရှင်းလင်းလင်း သက်သေပြထားသောကြောင့်ဖြစ်၏။</p> <p style="text-align:justify">ထိုသက်သေက တစ်ခြားမဟုတ်ဘဲ ထာဝရဓားဂိုဏ်းသာဖြစ်လေသည်။</p>


Save