Book List

<h2 style="text-align: center;">အခန်း ၁၅၄</h2> <h2 style="text-align: center;">*</h2> <p> </p> <p>"စီနီယာအစ်မ လုကို ဂါရဝပြုပါတယ်"</p> <p>အမှန်အတိုင်း ပြောရလျှင် ကျင့်ပင်အာအတွက် အလျှော့ပေးခြင်းဆိုသည်မှာ အရှုံးပေးခြင်း မဟုတ်ပေ။</p> <p>......</p> <p>အဘယ်ကြောင့်ဆိုသော် သူမသည် အစကတည်းက လုရွှယ်ချီနှင့် ထိပ်တိုက်ရင်ဆိုင်ရန် ရည်ရွယ်ချက် မရှိခဲ့သောကြောင့် ဖြစ်သည်...။</p> <p>သူမသည် ထိုမျှအထိ မိုက်မဲသူမဟုတ်ပေ။ ယခုအချိန်၌ သူမ၏ ခွန်အားနှင့် အဆင့်အတန်းမှာ လုရွှယ်ချီထက် နိမ့်ကျနေသည်ဖြစ်ရာ ထိပ်တိုက်ရင်ဆိုင်ခြင်းမှာ မိမိကိုယ်ကိုယ် ဒုက္ခရှာခြင်းသာ ဖြစ်မှန်း သူမ ကောင်းကောင်းသိသည်။</p> <p>အားလုံးကို ခြုံငုံကြည့်လျှင်... လုရွှယ်ချီသည် ရှန်ကျင်းနယ်ပယ်သို့ ရောက်ရှိနေပြီဖြစ်ကာ အနာဂတ် ရှောင်ကျူးတောင်ထိပ်၏ ဆက်ခံသူလည်း ဖြစ်သည်။</p> <p>ထို့ပြင် အနာဂတ် ဂိုဏ်းချုပ်ကတော်လည်း ဖြစ်နိုင်သည် မဟုတ်ပါလား.....။</p> <p>အင်း... ဂိုဏ်းချုပ်ကတော်ဆိုသည့် အဆင့်အတန်းကို ကျင်းယွမ်ကလန် တစ်ခုလုံးက အသိအမှတ်ပြုထားကြပြီး ဖြစ်သော်လည်း ကျင့်ပင်အာမှာမူ မည်သို့နည်း။</p> <p>သူမ၏ ပါရမီမှာ မဆိုးလှဘဲ ထူးခြားသည့် ခန္ဓာကိုယ်ပိုင်ရှင် ဖြစ်သော်လည်း ကျင့်စဉ်ကြောင့် လက်ရှိတွင် သူမ၏ ကျင့်စဉ်အဆင့်မှာ သိပ်မမြင့်သေးဘဲ ယူကျင်း အဆင့် (၈) ဝန်းကျင်သာ ရှိသေးသည်။</p> <p>သို့သော် ဤအရာမှာ ပြဿနာမဟုတ်ပေ။</p> <p>ယခုမူ သူမသည် ဟဲ့ဟွမ်ဂိုဏ်း၏ စစ်မှန်သော ကျင့်စဉ်ကို ရရှိထားပြီး ဖြစ်သည်။</p> <p>သူမကို အချိန်အနည်းငယ် ပေးလိုက်မည်ဆိုပါက ၃ နှစ်မှ ၅ နှစ်အတွင်း ရှန်ကျင်းနယ်ပယ်သို့ တက်လှမ်းရန် သူမ ယုံကြည်မှု ရှိသည်။</p> <p>အဓိက ပြဿနာမှာ သူမ၏ အနေခက်လှသော အဆင့်အတန်းပင် ဖြစ်သည်။</p> <p>ဟဲ့ဟွမ်ဂိုဏ်းမှ ကျင်းယွမ်ကလန်သို့ ရောက်လာပြီး တောင်ခုနစ်တောင်ထိပ် မှစစ်ဆေးမေးမြန်းပွဲ အပြီးတွင် ရွှမ်ချာဂိုဏ်း၏ ဂိုဏ်းချုပ် ဖြစ်လာမည် ဆိုသော်လည်း...</p> <p>မမေ့ပါနှင့်။ ရွှမ်ချာဂိုဏ်းမှာ ယခုမှ စတင်တည်ထောင်ခါစသာ ရှိသေးသည်။ သူမသည် အမည်ခံ ဂိုဏ်းချုပ်သာ ဖြစ်၏။ အနာဂတ် ရှောင်ကျူးတောင်ထိပ် ဆက်ခံသူ၊ သို့မဟုတ် အနာဂတ် ဂိုဏ်းချုပ်ကတော်နှင့် သူမ မည်သို့ ယှဉ်နိုင်ပါမည်နည်း.......... နှိုင်းယှဉ်စရာပင် မလိုချေ။</p> <p>ခဏတာမျှ ကျင့်ကျူးဆောင်အတွင်း လေထုမှာ တိတ်ဆိတ်သွားသည်။ မိန်းကလေးနှစ်ဦးစလုံး အရင်စကားမပြောကြဘဲ တစ်ဦးကိုတစ်ဦး တည်ငြိမ်စွာ ကြည့်နေကြသည်။</p> <p>သူတို့၏ ဆံနွယ်များမှာ လွင့်ပျံနေပြီး နှစ်ဦးစလုံးမှာ ထိပ်တန်း အလှနတ်သမီးများ ဖြစ်ကြသည်။</p> <p>ယခု ငယ်ရွယ်သေးသော်လည်း နောက်ထပ် နှစ်အနည်းငယ်အတွင်း သူတို့နှစ်ဦးစလုံးမှာ လောက၏ ထိပ်တန်း အမျိုးသမီးများ ဖြစ်လာကြမည်မှာ ငြင်းမရသော အချက်ပင်။</p> <p>ရွှမ်ချာဂိုဏ်း တည်ထောင်ခြင်းက ကျင့်ပင်အာ၏ အမည်ကို နတ်ဘုရားနယ်မြေ တစ်ခုလုံးတွင် ကျော်ကြားစေလိမ့်မည်။</p> <p>လုရွှယ်ချီ၏ ခွန်အားမှာလည်း အံ့မခန်းဖြစ်ကာ ယခု ရှန်ကျင်းနယ်ပယ်သို့ တက်လှမ်းနိုင်ခြင်းက သူမကို အထက်လမ်းနှင့် နတ်ဆိုးလမ်းစဉ် နှစ်ဖက်စလုံး၏ ထိပ်တန်း တိုက်ခိုက်ရေးသမားများ စာရင်းဝင်သွားစေပြီ ဖြစ်သည်။</p> <p>"အဟွတ် အဟွတ်"</p> <p>ဂရန်းမာစတာရွှယ်ယွဲ့က အသာအယာ ချောင်းဟန့်လိုက်သည်။ ချက်ချင်းပင် ကျင့်ကျူးဆောင်အတွင်းရှိ လူအားလုံး လှည့်ကြည့်လိုက်ကြ၏။</p> <p>ဂရန်းမာစတာရွှယ်ယွဲ့ သည် လုရွှယ်ချီကို ကြည့်ကာ စူးရူ၏ ဘေးရှိ ကျင့်ပင်အာကို ညွှန်ပြပြီး တည်ငြိမ်စွာ ပြောလိုက်သည် .....</p> <p>"ရွှယ်ချီ... ငါ မိတ်ဆက်ပေးမယ်။ ဒါက ရွှမ်ချာဂိုဏ်းရဲ့ ဂိုဏ်းချုပ်ပဲ..."</p> <p>သူမသည် ကျင့်ပင်အာ၏ အထောက်အထားကို ထုတ်ဖော်ကာ မိတ်ဆက်ပေးလိုက်ခြင်း ဖြစ်သည်။ ဤမြင်ကွင်းကြောင့် ဘေးမှ စူးရူမှာ တစ်မျိုးကြီး ခံစားလိုက်ရသည်။</p> <p>ဘာလို့ သူမရဲ့ စီနီယာအစ်မက မီးလောင်ရာ လေပင့်ပေးနေသလို ခံစားနေရတာလဲ။ဟုတ်တယ်..... အတိအကျပဲ..... မီးလောင်ရာ လေပင့်ပေးနေတာပဲ။</p> <p>.......</p> <p>လုရွှယ်ချီ အစောပိုင်းက ရောက်လာစဉ်တွင် မည်သူ့ကိုမျှ မိတ်ဆက်မပေးခဲ့ဘဲ ယခု အနေရဆုံး အခက်ဆုံး အချိန်ကျမှ သူမက ရာထူးအဆင့်အတန်းကို ထုတ်ဖော်မိတ်ဆက်ပေးနေခြင်း ဖြစ်သည်။</p> <p>လုရွှယ်ချီက ကျင့်ပင်အာရဲ့ အထောက်အထားကို မသိဘဲ နေပါ့မလား..... စူးရူ၏ အမူအရာမှာ ထူးဆန်းနေသည်။</p> <p>ဂျိချန်းဖန်က သူမရဲ့ စီနီယာအစ်မကို တစ်ချိန်ချိန်မှာ စိတ်ဆိုးအောင် လုပ်ထားခဲ့ဖူးသလား..... ထူးဆန်းလိုက်တာ။</p> <p>ယခုအချိန်တွင် သူမ၏ ဆရာမ မိတ်ဆက်ပေးမှုကို နားထောင်ပြီးနောက် အေးစက်လှသော မိန်းကလေး၏ အကြည့်မှာ ကျင့်ပင်အာထံသို့ တစ်ဖန် ရောက်ရှိသွားပြန်သည်။</p> <p>သူမ၏ မျက်လုံးများမှာ ကြည်လင်နေပြီး တည်ငြိမ်သည့် အမူအရာဖြင့် သူမ၏ နှုတ်ခမ်းနီနီလေးများကို အသာဟကာ ပြောလိုက်သည် .....</p> <p>"စီနီယာအစ်ကို ဂျိက မင်းအကြောင်း ငါ့ကို ပြောပြဖူးတယ်"</p> <p>ဤစကား ထွက်လာသည်နှင့် ကျင့်ကျူးဆောင်အတွင်းရှိ လူများအားလုံး အနည်းငယ် တုန်လှုပ်သွားကြသည်။</p> <p>သူတို့သည် ခါးကို မတ်လိုက်ကြပြီး လုရွှယ်ချီနှင့် ကျင့်ပင်အာကြား အကြည့်ချင်း ကူးလူးနေကြသည်ကို စောင့်ကြည့်နေကြသည်။</p> <p>စတော့မှာလား..... စတော့မှာလား.....</p> <p>ရန်ဖြစ်တော့မှာလား..........</p> <p>ဂရန်းမာစတာရွှယ်ယွဲ့သည် သူမ၏ နားကို မသိမသာ စွင့်ထားလိုက်သည်။ အပြင်ပန်းတွင် မျက်လုံးမှိတ် အနားယူနေပုံရသော်လည်း အမှန်တကယ်တွင်မူ ကျင့်ကျူးဆောင်အတွင်းရှိ လှုပ်ရှားမှုတိုင်းကို အာရုံစိုက်နေခြင်း ဖြစ်သည်။</p> <p>နှစ်တစ်ရာမှာ တစ်ခါသာ ကြုံရခဲသည့် ဤကဲ့သို့ စိတ်လှုပ်ရှားစရာ မြင်ကွင်းကို သူမ မည်သို့ လက်လွတ်ခံနိုင်ပါမည်နည်း။</p> <p>စူးရူ၏ ရင်ထဲတွင် အနည်းငယ် တင်းကျပ်သွားကာ အသက်ရှူပင် မဝချင်တော့ပေ။</p> <p>မိန်းကလေးနှစ်ဦးကြား အကြည့်ချင်း ဖလှယ်နေသည်ကို ကြည့်ကာ တစ်ယောက်ယောက်က ရုတ်တရက် ပေါက်ကွဲပြီး ထိပ်တိုက် တိုက်ခိုက်ကြမည်ကို သူမ စိုးရိမ်နေမိသည်...။</p> <p>သို့သော် ကံကောင်းထောက်မစွာပင် ထိုကဲ့သို့သော စိတ်ကူးယဉ်မှုများမှာ ဖြစ်မလာခဲ့ပေ။</p> <p>ကျင့်ပင်အာသည် အေးစက်လှသော မိန်းကလေး၏ စကားကို ရင်ဆိုင်ကာ ညင်သာစွာ ပြုံးလိုက်သည်။ သူမ၏ အပြစ်ပြောစရာမရှိသော မျက်နှာတွင် အပြုံးတစ်ခု ပေါ်လာပြီး .....</p> <p>"ကျွန်မလည်း သခင်လေးက စီနီယာအစ်မ လု အကြောင်း ပြောပြတာကို ကြားဖူးပါတယ်"</p> <p>"သခင်လေးက ပြောတယ်... စီနီယာအစ်မ လုက သူ့ဘဝရဲ့ အချစ်ဆုံးသူတဲ့၊ အကယ်၍ သူသာ ရွေးချယ်စရာရှိခဲ့ရင် သံသယဖြစ်ဖွယ်မရှိဘဲ စီနီယာအစ်မ လုကိုပဲ ရွေးချယ်မှာပါတဲ့"</p> <p>ကျင့်ပင်အာ၏ တောက်ပသော မျက်လုံးများမှာ လုရွှယ်ချီကို ကြည့်နေပြီး သူမ၏ မျက်လုံးထဲတွင် အားကျသည့် အရိပ်အယောင်များ ပါဝင်နေသည်။</p> <p>သူမ သိမြင်နိုင်သည်မှာ... ဂျိချန်းဖန်နှင့် လုရွှယ်ချီတို့မှာ အမှန်တကယ်ပင် လိုက်ဖက်ညီလှသည့် စုံတွဲဖြစ်သည်ကိုပင်။</p> <p>.......</p> <p>ပတ်ဝန်းကျင်ရှိ ရှောင်ကျူးတောင်ထိပ် တပည့်များမှာ အံ့အားသင့်သွားကြသည်။</p> <p>ဘာ.....</p> <p>စီနီယာအစ်မ လု ဟုတ်လား.....</p> <p>သူမက "စီနီယာအစ်မ" လို့တောင် ခေါ်နေပြီလား.....</p> <p>သူတို့သည် ကျင့်ပင်အာ ယခုလေးတင် ပြောလိုက်သည့် စကားများကို ဂရုမစိုက်မိကြဘဲ "စီနီယာအစ်မ လု" ဆိုသည့် အခေါ်အဝေါ်ကိုသာ ကြားလိုက်ရသဖြင့် လုရွှယ်ချီ ဘာတွေးနေသနည်းဟု သူတို့ သိချင်နေကြသည်။</p> <p>ဤသို့တွေးပြီး အားလုံး၏ အကြည့်မှာ လုရွှယ်ချီထံသို့ ရောက်သွားကြသည်။</p> <p>သူမသည် ဖြည်းဖြည်းချင်း တွေးတောနေသည်ကို မြင်လိုက်ရ၏။ အခြားသူများနှင့် မတူသည်မှာ လုရွှယ်ချီသည် ကျင့်ပင်အာ ပြောလိုသည့် အဓိပ္ပာယ်ကို နားလည်လိုက်ခြင်း ဖြစ်သည်။</p> <p>သူမ ပြောလိုသည်မှာ... အကယ်၍ လုရွှယ်ချီသာ ကျင့်ပင်အာကို လက်မခံခဲ့ပါက ဂျိချန်းဖန်သည် သံသယဖြစ်ဖွယ်မရှိဘဲ လုရွှယ်ချီကိုသာ ရွေးချယ်မည် မဟုတ်ပါလား.....</p> <p>ထို့ကြောင့် ကျင့်ပင်အာက ခေါင်းငုံ့ပြီး အလျှော့ပေးလိုက်ခြင်းလော..... ထိုသို့လား.....</p> <p>လုရွှယ်ချီ မသိပေ။</p> <p>သို့သော် ကျင့်ပင်အာ လိမ်ညာနေခြင်း မဟုတ်မှန်း သူမ သိသည်။</p> <p>အကယ်၍ ရွေးချယ်စရာ ရှိခဲ့လျှင် ဂျိချန်းဖန်သည် သူမကိုသာ မဆိုင်းမတွ ရွေးချယ်မည်မှာ အမှန်ပင်။ လုရွှယ်ချီတွင် ဤအပေါ်၌ ကိုယ်ပိုင် ယုံကြည်မှု ရှိသည်။</p> <p>အဘယ်ကြောင့်ဆိုသော် သူမနှင့် ဂျိချန်းဖန်ကြားရှိ သံယောဇဉ်ကို မည်သူမျှ ဖြတ်တောက်၍ မရနိုင်သောကြောင့်ပင်။ မည်သူမျှ မရနိုင်ပေ။</p> <p>သို့သော်လည်း သူမသည် ဂျိချန်းဖန်အပေါ် အလွန်အမင်း ဂရုစိုက်လွန်းလှသဖြင့် ကိစ္စရပ်များစွာတွင် သူမက ထပ်တလဲလဲ အလျှော့ပေးခဲ့ရသည်။</p> <p>ပိယောင်၏ ကိစ္စကဲ့သို့ပင်။ လုရွှယ်ချီသည် ဤကိစ္စကို ဂျိချန်းဖန်၏ ရှေ့တွင် အစမှ အဆုံးအထိ တစ်ခါမျှ ထုတ်မပြောခဲ့ပေ။ သူမ ဂရုမစိုက်လို့လား..... အမှန်တကယ်တော့ မဟုတ်ပေ။ သူမတွင် ကိုယ်ပိုင် ယုံကြည်မှု ရှိသောကြောင့်သာ ဖြစ်သည်။</p> <p>ဂျိချန်းဖန်၏ နှလုံးသားထဲမှ သူမ၏ နေရာကို မည်သူမျှ လှုပ်ခါနိုင်မည်ဟု သူမ မယုံကြည်ပေ။</p> <p>သူမ ယခင်ကလည်း ထိုသို့ တွေးခဲ့သလို၊ ယခုလည်း တွေးနေဆဲဖြစ်ကာ အနာဂတ်တွင်လည်း ပြောင်းလဲမည် မဟုတ်ပေ။</p> <p>သို့သော်လည်း ကျင့်ပင်အာအကြောင်း သိလိုက်ရချိန်တွင် လုရွှယ်ချီ အနည်းငယ် ဝမ်းနည်းမိသော်လည်း... ထိုဝမ်းနည်းမှုမှာ လွန်ခဲ့သော လရောင်အောက်မှ ပန်းခင်းထဲ၌ 'လရောင်အောက်မှ ပန်းပွင့်များ' ဓားချက်အောက်တွင် ပျောက်ကွယ်သွားခဲ့ပြီ ဖြစ်သည်။</p> <p>ဂျိချန်းဖန်၏ နှလုံးသားထဲတွင် သူမ၏ နေရာမှာ မလှုပ်မယှက် ရှိနေမှန်း သူမ ကောင်းကောင်းသိသည်။ ထို့ကြောင့် အခြေအနေမှာ ဤသို့ဖြစ်နေလျှင်မူ... သူမ သူ့ကို နောက်တစ်ကြိမ် ထပ်ပြီး ခွင့်လွှတ်ပေးလိုက်မည်။</p> <p>တကယ့် ရိုမန့်တစ်ဆန်လှသော အချစ်မျိုးကို မည်သူက ငြင်းပယ်နိုင်ပါမည်နည်း..... လုရွှယ်ချီ၏ မျက်လုံးများတွင် နူးညံ့မှုများ ယှက်သန်းလာသည်။</p> <p>သူ့ကို အကြိမ်ကြိမ် ခွင့်လွှတ်ပေးခဲ့ပြီးမှတော့ နောက်ထပ်တစ်ကြိမ် ခွင့်လွှတ်ပေးလိုက်လျှင် ဘာဖြစ်သွားမှာမို့လို့လဲ..... အနည်းဆုံးတော့ သူမ ဘယ်တော့မှ ရှုံးနိမ့်မှာ မဟုတ်ဘူး မဟုတ်လား.....</p> <p>ဤပြိုင်ပွဲတွင် လုရွှယ်ချီသည် မည်သူမျှ လှုပ်ခါ၍ မရသော၊ ငြင်းပယ်၍ မရသော "ဇနီးကြီး" အဖြစ် အမြဲတမ်း ရှိနေပေလိမ့်မည်..........</p> <p>သင့်ရှေ့တွင် ရပ်နေသူမှာ မည်သူဟု ထင်ပါသနည်း..... အနာဂတ် ရှောင်ကျူးတောင်ထိပ်၏ ဆက်ခံသူ၊ အမှောင်ဆီးနှင်းဓား၏ ပိုင်ရှင်၊ ဘိုးဘေး ကျင်းယွမ်ပြီးလျှင် ပါရမီအရှိဆုံးဟု တင်စားခံရသူ၊ ဂျိချန်းဖန်မှလွဲ၍ မျိုးဆက်သစ်တို့၏ ခေါင်းဆောင်.......၊</p> <p> ငြင်းပယ်၍ မရသော ဇနီးကြီး၊ ကျင်းယွမ်ကလန်၏ အနာဂတ် ဂိုဏ်းချုပ်ကတော်၊ ကိုးကမ္ဘာနတ်သမီးဟု ကျော်ကြားလှသည့် ..... လုရွှယ်ချီ ပင် ဖြစ်သည်။</p> <p>အေးစက်လှသော မိန်းကလေးမှာ ထိုနေရာတွင် ထိုင်နေသည်။ သူမထံမှ အလွန်အမင်း အေးစက်သော အငွေ့အသက်များ ထွက်ပေါ်နေသော်လည်း သူမ၏ ကြည်လင်သော မျက်လုံးများတွင် နူးညံ့မှု အရိပ်အယောင်လေး ပေါ်လာသည်။</p> <p>သူမသည် ကျင့်ပင်အာကို မော့ကြည့်လိုက်သော်လည်း နောက်ဆုံးတွင် ဘာမှမပြောခဲ့ပေ။</p> <p>သူမသည် တစ်ဖက်လူကို ဗြောင်ကျကျ အသိအမှတ်ပြုခြင်းလည်း မပြုသလို၊ တစ်ဖက်လူ၏ "စီနီယာအစ်မ လု" ဆိုသည့် ခေါ်ဝေါ်မှုကိုလည်း ဗြောင်ကျကျ ငြင်းပယ်ခြင်း မပြုခဲ့ပေ။</p> <p>ဤကဲ့သို့သော သဘောထားမျိုးက ကျင့်ကျူးဆောင်အတွင်းရှိ လူတိုင်းကို အမှန်တကယ်ပင် ဇဝေဇဝါ ဖြစ်စေတော့သည်။</p> <p> </p> <p style="text-align: center;">***</p> <p> </p>


Save