Book List

<h2 style="text-align: center;">အခန်း (၆၁)</h2> <h2 style="text-align: center;">ဒဏ္ဍာရီအဆင့် လောဘလက်</h2> <h2 style="text-align: center;">*</h2> <p> </p> <h2 style="text-align: center;"> </h2> <p>အောက်ဘုံ ဝိညာဉ်နယ်မြေ။</p> <p> </p> <p>အခြားသော ကစားသမားများက ပထမဆုံး သတ်ဖြတ်မှု ကြေညာချက်တစ်ခုတည်းကိုသာ ကြားလိုက်ရသော်လည်း ချင်ဖုန်းကမူ စနစ်၏ အသိပေးချက်များကို ဆက်တိုက်ဆိုသလို လက်ခံရရှိနေခဲ့လေသည်။</p> <p> </p> <p>【သင်သည် 'အောက်ဘုံ ဝိညာဉ်၊ ဖေဆယ်လ် (ပလက်တီနမ်အဆင့်)' ကို သတ်ဖြတ်လိုက်ပါသည်။】</p> <p> </p> <p>【သင်သည် အတွေ့အကြုံအမှတ် ၄၈၀၀၀ ကို ရရှိပါသည်။】</p> <p> </p> <p>【ဂုဏ်ယူပါသည်။ သင်သည် အဆင့် ၁၁ သို့ ရောက်ရှိသွားပါပြီ။】</p> <p> </p> <p>【သင်၏ အခြေခံစွမ်းရည် လေးမျိုးစလုံး +၄ တိုးလာပါသည်။】</p> <p> </p> <p>【သင်သည် လွတ်လပ်စွာ အသုံးပြုနိုင်သော စွမ်းရည်အမှတ် ၁၀ မှတ် ရရှိပါသည်။】</p> <p> </p> <p>【ဂုဏ်ယူပါသည်။ သင်သည် ဆင့်ကဲပြောင်းလဲခြင်း အမှတ် ၂၀ ကို ရရှိပါသည်။】</p> <p> </p> <p>【သင်သည် သက်တမ်း ၁၅၂၀ ရက် (လဲလှယ်၍ ရ) ကို ရရှိပါသည်။】</p> <p> </p> <p>【သင်သည် ပလက်တီနမ်အဆင့် ဘော့စ်ကို ကမ္ဘာပေါ်တွင် ပထမဆုံး သတ်ဖြတ်နိုင်ခဲ့ပါသည်။ ဆုကြေးအဖြစ် ဂုဏ်သတင်းအမှတ် ၁၀ မှတ် ရရှိပါသည်။】</p> <p> </p> <p>【ဂုဏ်ယူပါသည်။ သင်သည် 'အောက်ဘုံ ဝိညာဉ်နယ်မြေ' ၏ ပိုင်ရှင် ဖြစ်လာပါပြီ...】</p> <p> </p> <p>စနစ်၏ အသိပေးချက်များ ဆက်တိုက် ဝင်ရောက်လာမှုက ချင်ဖုန်းကို သက်ပြင်းချနိုင်သွားစေခဲ့၏။</p> <p> </p> <p>တစ်နာရီခန့် အချိန်ယူပြီးနောက် နောက်ဆုံးတွင် သူ ပြီးမြောက်သွားခဲ့ပြီ ဖြစ်သည်။</p> <p> </p> <p>ယခုမှစ၍ ချင်ဖုန်းအတွက် ဤနတ်ဘုရားစွန့်ပစ်တိုက်ကြီးပေါ်တွင် အခြေစိုက်စခန်းတစ်ခု ရှိလာတော့မည်ပင်။</p> <p> </p> <p>ထို့ပြင်...</p> <p> </p> <p>အရေးအကြီးဆုံးမှာ ဤ ‘ခိုလှုံရာစခန်း’ ကို လက်တွေ့ကမ္ဘာဆီသို့ ထုတ်ယူနိုင်ခြင်းပင် ဖြစ်၏။</p> <p> </p> <p>‘အောက်ဘုံ ဝိညာဉ်နယ်မြေ’ ၏ ပိုင်ရှင်တစ်ဦးအနေဖြင့် ချင်ဖုန်းက ဤအောက်ဘုံ ဝိညာဉ်နယ်မြေကို လက်တွေ့ကမ္ဘာဆီသို့ ထုတ်ယူနိုင်ပြီး ၎င်း၏ မှော်ကာကွယ်ရေး အတားအဆီးကိုလည်း ဖွင့်လှစ်နိုင်ပေသည်။</p> <p> </p> <p>ထိုကာကွယ်ရေး အတားအဆီး ရှိနေသရွေ့ လေယာဉ်များ သို့မဟုတ် တင့်ကားများကပင် 'အောက်ဘုံ ဝိညာဉ်နယ်မြေ' ကို ထိုးဖောက်နိုင်မည် မဟုတ်ချေ။</p> <p> </p> <p>နျူကလီးယားဗုံးများအတွက် ဆိုရလျှင်မူ...</p> <p> </p> <p>တခြားသူများ မသိကြသော်လည်း ချင်ဖုန်းက အလွန်ကောင်းစွာ သိထားပေသည်။</p> <p> </p> <p>နတ်ဘုရားစွန့်ပစ်ဂိမ်းကြီး ဆင်းသက်လာချိန်၌ လက်တွေ့ကမ္ဘာရှိ အကြီးစား အစုလိုက်အပြုံလိုက် သေကြေပျက်စီးစေနိုင်သော လက်နက်ကြီးများမှာ ယိုယွင်းပျက်စီးလာခဲ့ပြီ ဖြစ်၏။</p> <p> </p> <p>အထူးသဖြင့် အဖျက်စွမ်းအား အကြီးမားဆုံးသော နျူကလီးယားဗုံးများဆိုလျှင် ပထမဆုံးနေ့ကတည်းက အခြေခံအားဖြင့် အသုံးပြု၍ မရနိုင်တော့ချေ။</p> <p> </p> <p>လေယာဉ်များနှင့် တင့်ကားများကမူ နောက်ထပ် တစ်လ သို့မဟုတ် နှစ်လခန့်သာ မနည်း ဆက်လက် အသုံးပြုနိုင်မည် ဖြစ်သည်။</p> <p> </p> <p>သေချာသည်မှာ ‘အောက်ဘုံ ဝိညာဉ်နယ်မြေ’ ကို လက်တွေ့ကမ္ဘာဆီသို့ ထုတ်ယူရန်အတွက် လဲလှယ်၍ရသော သက်တမ်း အနှစ် ၁၃၀၀ ကျော် လိုအပ်မည် ဖြစ်၏။</p> <p> </p> <p>သူ၏ အတိတ်ဘဝတွင်မူ ချင်ဖုန်းက ၎င်းကို ထုတ်ယူခဲ့ပြီး နတ်ဘုရားသတ်ဂိုဏ်း၏ လက်တွေ့ကမ္ဘာ အခြေစိုက်စခန်းအဖြစ် အသုံးပြုခဲ့ပေသည်။</p> <p> </p> <p>ချင်ဖုန်းက ရင်းနှီးကျွမ်းဝင်ပြီးသားဖြစ်သော ‘အောက်ဘုံ ဝိညာဉ်နယ်မြေ’ ကို သိပ်ပြီး အာရုံစိုက်မနေတော့ချေ။</p> <p> </p> <p>ထိုအစား ဤတစ်ကြိမ်၌ သူ၏ ရရှိမှုများကို အရင်ဆုံး စစ်ဆေးလိုက်၏။</p> <p> </p> <p>ပထမဆုံးအနေဖြင့် သူက အဆင့် ၁၁ သို့ ရောက်ရှိသွားခဲ့ပြီ ဖြစ်သည်။</p> <p> </p> <p>“အဆင့် ၁၀ နောက်ပိုင်းမှာ အဆင့်တစ်ဆင့်တက်တိုင်း အခြေခံစွမ်းရည် အားလုံးအတွက် ၄ မှတ်စီနဲ့ လွတ်လပ်စွာ အသုံးပြုနိုင်တဲ့ စွမ်းရည်အမှတ် ၁၀ မှတ် ရရှိတယ်”</p> <p> </p> <p>“အဲ့ဒါတွေကို လျင်မြန်မှုစွမ်းရည်ဆီပဲ ဆက်ထည့်ရမယ်”</p> <p> </p> <p>ချင်ဖုန်းက အဆင့် ၂၀ ရောက်သည်အထိ လျင်မြန်မှုစွမ်းရည်ကိုသာ ဆက်တိုက် တင်သွားရန် စီစဉ်ထား၏။</p> <p> </p> <p>အကန့်အသတ်မဲ့ ဆင့်ကဲပြောင်းလဲခြင်းစနစ်အောက်တွင် လူတစ်ယောက်၏ အမြန်နှုန်းနှင့် တုံ့ပြန်မှုကသာ လုံလောက်စွာ မြန်ဆန်နေမည်ဆိုပါက နတ်ဘုရားစွန့်ပစ်ဂိမ်းထဲရှိ ဘော့စ်များစွာကို ထိခိုက်ဒဏ်ရာ မရရှိဘဲ အနိုင်ယူနိုင်ပေသည်။</p> <p> </p> <p>ထို့ကြောင့် လျင်မြန်မှုစွမ်းရည်က အစောပိုင်း အဆင့်များတွင် ချင်ဖုန်းအတွက် အရေးအကြီးဆုံး စွမ်းရည်တစ်ခု ဖြစ်နေဆဲပင်။</p> <p> </p> <p>“ရွှေအဆင့် ဘော့စ်တွေက ဆင့်ကဲပြောင်းလဲခြင်း အမှတ် ၇ မှတ်ပဲ ပေးတာ”</p> <p> </p> <p>“ပလက်တီနမ်အဆင့် ဘော့စ်က အမှတ် ၂၀ တောင် တိုက်ရိုက် ပေးလိမ့်မယ်လို့ ငါ ထင်မထားခဲ့ဘူး”</p> <p> </p> <p>“လောဘလက်နဲ့ ပေါင်းလိုက်မယ်ဆိုရင်...”</p> <p> </p> <p>ချင်ဖုန်းက သူ၏ လက်ရှိ ဆင့်ကဲပြောင်းလဲခြင်း အမှတ်များကို ကြည့်လိုက်ရာ စုစုပေါင်း ၂၂၅ မှတ် ရှိနေခဲ့၏။</p> <p> </p> <p>လောဘလက်ကို တစ်ကြိမ် ဆင့်ကဲပြောင်းလဲရန် လုံလောက်ပေသည်။</p> <p> </p> <p>‘အောက်ဘုံ ဝိညာဉ်’ အပေါ်သို့ လောဘလက်ကို အသုံးမပြုမီ ချင်ဖုန်းက ဤစွမ်းရည်ကို အရင်ဆုံး တစ်ကြိမ် ဆင့်ကဲပြောင်းလဲလိုက်လေသည်။</p> <p> </p> <p>【သင်သည် ဆင့်ကဲပြောင်းလဲခြင်း အမှတ် ၂၁၀ ကို အသုံးပြုလိုက်ပါသည်။ လက်ကျန် ၁၅ မှတ် ကျန်ရှိပါသည်။】</p> <p> </p> <p>【လောဘလက် (မော်ကွန်းအဆင့် → ဒဏ္ဍာရီအဆင့်) -လုပ်ကြံသတ်ဖြတ်သူ စွမ်းရည်။ အပို တိုက်ပွဲဝင်ပစ္စည်း ရရှိရန် ၃၀၀% → ၅၀၀% အခွင့်အရေး ရှိသည်။ ရရှိလာသော အပို တိုက်ပွဲဝင်ပစ္စည်းသည် အဆင့် ၁ ဆင့် မြင့်တက်သွားရန် ၁၀၀% အခွင့်အရေး ရှိသည်။】</p> <p> </p> <p>【တက်ကြွမဲ့ အာနိသင် အသစ် - ပစ္စည်းများ သိမ်းဆည်းရန် အသုံးပြုနိုင်သော နေရာလွတ် ၁၀၀ ပါဝင်သည့် 'လောဘနေရာလွတ်' တစ်ခုကို သင် ရရှိပါသည်။】</p> <p> </p> <p>ပြီးစီးသွားသော ဆင့်ကဲပြောင်းလဲခြင်း၏ အာနိသင်က ချင်ဖုန်း၏ မျက်လုံးများကို အရောင်လက်သွားစေ၏။</p> <p> </p> <p>“အပို တိုက်ပွဲဝင်ပစ္စည်း ရနိုင်ခြေက သုံးခုကနေ ငါးခုအထိ တိုးလာတယ်”</p> <p> </p> <p>“ပြီးတော့ နေရာလွတ် ၁၀၀ ပါတဲ့ သိုလှောင်ရုံ နေရာတစ်ခုပါ ပါလာသေးတယ်”</p> <p> </p> <p>နောက်ဆုံးအချက်မှာ ချင်ဖုန်း လုံးဝ မျှော်လင့်မထားခဲ့သည့် အရာပင်။ ဤအာနိသင်က သူ၏ နောင်လာမည့် မိစ္ဆာရှင်းလင်းမှုများအတွက် အများကြီး ပိုအဆင်ပြေသွားစေမည် ဖြစ်၏။</p> <p> </p> <p>လောဘလက် အဆင့်တက်သွားပြီးနောက် ချင်ဖုန်းက ‘အောက်ဘုံ ဝိညာဉ်’ ၏ အလောင်းဆီသို့ ထိုစွမ်းရည်ကို အသုံးပြုလိုက်လေသည်။</p> <p> </p> <p>ချက်ချင်းဆိုသလိုပင် ဘော့စ်၏ တစ်စစီဖြစ်နေသော လျှပ်စီးခန္ဓာကိုယ်ထံမှ အပိုတိုက်ပွဲဝင်ပစ္စည်းငါးခု ပေါက်ကွဲထွက်ပေါ်လာ၏။ အနိမ့်ဆုံးအဆင့်များမှာ ပလက်တီနမ်အဆင့်ဖြစ်ပြီး မြအဆင့် ပစ္စည်းအချို့ပါ ရောနှောပါဝင်နေပေသည်။</p> <p> </p> <p>၎င်းတို့ထဲတွင် အဆင့် ၁၃ ၌ ဝတ်ဆင်နိုင်သော မြအဆင့် လုပ်ကြံသတ်ဖြတ်သူ သားရေချပ်ဝတ်တစ်ခုနှင့် အဆင့် ၁၅ ၌ ဝတ်ဆင်နိုင်သော မြအဆင့် လုပ်ကြံသတ်ဖြတ်သူ ဆွဲကြိုးတစ်ကုံးတို့ ပါဝင်၏။</p> <p> </p> <p>ထို့အပြင် သင်ယူရန် အဆင့် ၁၄ လိုအပ်သော မြအဆင့် လုပ်ကြံသတ်ဖြတ်သူ စွမ်းရည်စာအုပ်တစ်အုပ်လည်း ပါဝင်သေးသည်။</p> <p> </p> <p>“လောလောဆယ်တော့ ငါဝတ်လို့ မရသေးတာမို့ အိမ်မှာပဲ သိမ်းထားလိုက်တော့မယ်”</p> <p> </p> <p>ချင်ဖုန်းက ဤအဆင့် ၁၃ မှ ၁၅ အတွင်းရှိ ပစ္စည်းများကို ချက်ချင်း ကိုင်တွယ်ရန် အစီအစဉ်မရှိသေးဘဲ အချိန်အနည်းငယ် စောင့်ဆိုင်းဦးမည် ဖြစ်၏။</p> <p> </p> <p>မည်သို့ပင်ဖြစ်စေ ယခုအခါ ဧက ၁,၂၀၀ ကျယ်ဝန်းသော ‘အောက်ဘုံ ဝိညာဉ်နယ်မြေ’ နန်းတော်ကြီးတစ်ခုလုံးက သူ့အပိုင် ဖြစ်နေပြီပင်။ သူက ပစ္စည်းများကို နန်းတော်ထဲရှိ မည်သည့်နေရာ၌မဆို ခိုးယူခံရမည်၊ ပျောက်ဆုံးသွားမည်ကို ပူပန်စရာမလိုဘဲ ထားသိုနိုင်ပြီ ဖြစ်သည်။</p> <p> </p> <p>“ကြည်ညိုသူတို့... နန်းတော်ထဲက တိုက်ပွဲဝင်ပစ္စည်းတွေအားလုံးကို ကောက်ယူပြီး တစ်နေရာတည်းမှာ စုပုံထားလိုက်ကြ”</p> <p> </p> <p>ချင်ဖုန်းက နန်းတော်ထဲရှိ ဒြပ်စင်မိစ္ဆာများကို ရှင်းလင်းထားခဲ့လေရာ ပစ္စည်းများစွာ ကျကျန်ခဲ့၏။</p> <p> </p> <p>ပစ္စည်းကိရိယာများဖြစ်စေ၊ စွမ်းရည်စာအုပ်များဖြစ်စေ သူက မကောက်ယူခဲ့သလို ကြည့်တောင် မကြည့်ခဲ့ချေ။</p> <p> </p> <p>ယခုအချိန်က ထိုပစ္စည်းများ အားလုံးကို ဝင်ရောက်စီစဉ်ခိုင်းရန် ‘ကြည်ညိုသူ’ အတွက် အကောင်းဆုံးအချိန်ပင်။</p> <p> </p> <p>တစ်ချိန်တည်းမှာပင် ချင်ဖုန်း၌ သူ၏ နောက်ထပ် ဖွံ့ဖြိုးတိုးတက်မှု အစီအစဉ်တစ်ခု ရှိနေခဲ့ပြီ ဖြစ်၏။</p> <p> </p> <p>“တိုက်ကြီးပေါ်ကို ရောက်လာပြီးပြီဆိုတော့ ငါ့ရဲ့ ပထမဆုံး သွေးမျိုးဆက်စွမ်းအားကို ရဖို့ သွေးမျိုးနွယ်မိစ္ဆာတချို့ကို လိုက်ရှာလို့ ရပြီ...”</p> <p> </p> <p>သွေးမျိုးဆက်စွမ်းအား။</p> <p> </p> <p>ဤအရာက နတ်ဘုရားစွန့်ပစ်ဂိမ်းထဲရှိ ကစားသမားတစ်ဦး၏ စွမ်းအားအတွက် နောက်ထပ်အရေးကြီးသော အစိတ်အပိုင်းတစ်ခု ဖြစ်ပေသည်။</p> <p> </p> <p>ဂိမ်းထဲတွင် အမျိုးအစားစုံလင်လှသော သွေးမျိုးနွယ်မိစ္ဆာများ ရှိသည်။ ကစားသမားများက ၎င်းတို့ကို သတ်ဖြတ်ပြီးနောက် မတူညီသော သွေးမျိုးဆက်စွမ်းအားများကို ရရှိနိုင်၏။</p> <p> </p> <p>သွေးမျိုးဆက်စွမ်းအားတစ်ခုစီ၌ မတူညီသော အာနိသင်များ ရှိကြပေသည်။</p> <p> </p> <p>“ဒီဘဝမှာ ငါ့အတွက် အသင့်တော်ဆုံး သွေးမျိုးဆက်စွမ်းအားကတော့... ဝိညာဉ်ဝါးမျိုသူပဲ ဖြစ်ရမယ်”</p> <p> </p> <p>ဝိညာဉ်ဝါးမျိုသူ သွေးမျိုးဆက်။</p> <p> </p> <p>ဤသွေးမျိုးဆက်စွမ်းအားကို ရရှိပြီးနောက် မိမိ၏ ကိုယ်ပိုင်စွမ်းရည်များအား ဝါးမျိုနိုင်သော စွမ်းအားကို ရရှိလာမည် ဖြစ်သည်။ ဝါးမျိုခံလိုက်ရသော စွမ်းရည်၏ အဆင့်က မြင့်မားလေလေ၊ သွေးမျိုးဆက်စွမ်းအားမှ ထောက်ပံ့ပေးသော စွမ်းရည်အချက်အလက်များနှင့် အာနိသင်များက ပို၍ အစွမ်းထက်လေလေပင်။</p> <p> </p> <p>“ဒီဘဝမှာ ငါက စွမ်းရည်တွေကို အကန့်အသတ်မရှိ ဆင့်ကဲပြောင်းလဲနိုင်တယ်”</p> <p> </p> <p>“အဆင့်နိမ့်စွမ်းရည်တွေနဲ့ အသုံးမဝင်တဲ့ စွမ်းရည် တော်တော်များများက ငါ့အတွက် လုံးဝ သုံးစားမရဘူး”</p> <p> </p> <p>“ဒါပေမဲ့ အဲ့ဒါတွေကို မော်ကွန်းအဆင့်အထိ ဆင့်ကဲပြောင်းလဲလိုက်ပြီး ဝိညာဉ်ဝါးမျိုသူ သွေးမျိုးဆက်နဲ့ ဝါးမျိုပစ်လိုက်မယ်ဆိုရင် ငါ့ရဲ့ သွေးမျိုးဆက်အချက်အလက်တွေက အတော်‌လေး ကြောက်စရာကောင်းတဲ့ အဆင့်တစ်ခုအထိ ရောက်သွားလိမ့်မယ်”</p> <p> </p> <p>နတ်ဘုရားစွန့်ပစ်ဂိမ်းထဲတွင် မော်ကွန်းအဆင့် စွမ်းရည်တိုင်းက အလွန်အမင်း တန်ဖိုးကြီးလှကြောင်း သိထားရမည်ပင်။</p> <p> </p> <p>သာမန်အခြေအနေများအောက်၌ မည်သူက ဝိညာဉ်ဝါးမျိုသူ သွေးမျိုးဆက်ကို အသုံးပြု၍ မော်ကွန်းအဆင့် စွမ်းရည်တစ်ခုကို ဝါးမျိုပစ်ရန် ဆန္ဒရှိပါမည်နည်း။</p> <p> </p> <p>ဝါးမျိုခံလိုက်ရသော စွမ်းရည်များကို အသုံးပြု၍ မရနိုင်တော့သလို နောင်တွင်လည်း ပြန်လည်သင်ယူ၍ မရနိုင်တော့ချေ။</p> <p> </p> <p>သို့သော် ဤဘဝတွင်မူ ချင်ဖုန်းအတွက် ကွာခြားနေခဲ့ပြီ ဖြစ်၏။</p> <p> </p> <p>အမှိုက်စွမ်းရည်များစွာ သို့မဟုတ် လုပ်ဆောင်ချက်များ ထပ်နေသော စွမ်းရည်များကို မော်ကွန်းအဆင့်သို့ ဆင့်ကဲပြောင်းလဲလိုက်လျှင်ပင် မူလကတည်းက မော်ကွန်းအဆင့်ဖြစ်နေသော စွမ်းရည်များထက် ညံ့ဖျင်းနေဆဲ ဖြစ်သည်။</p> <p> </p> <p>လုပ်ကြံသတ်ဖြတ်သူစွမ်းရည် ထောင်ပေါင်းများစွာ ရှိ၏။</p> <p> </p> <p>ချင်ဖုန်းအနေဖြင့် ၎င်းတို့ထဲမှ တက်ကြွသော တိုက်ခိုက်ရေးစွမ်းရည် အားလုံးကို အသုံးပြုနိုင်မည် မဟုတ်ချေ။</p> <p> </p> <p>အသုံးအဝင်ဆုံး အရာများကိုသာ သိမ်းထားလျှင် လုံလောက်ပြီ ဖြစ်၏။</p> <p> </p> <p>“ဝိညာဉ်ဝါးမျိုသူသွေးမျိုးဆက်ကို ရသွားတာနဲ့ ငါက စွမ်းရည်စာအုပ်တွေကို အမြောက်အမြား ဝယ်ယူပြီးတော့ ငါ့ကိုယ်ငါ အကြီးအကျယ် တိုးတက်အောင် နောက်တစ်ကြိမ်  လုပ်လို့ရပြီ”</p> <p> </p> <p>ချင်ဖုန်းက တွေးလိုက်သည်။</p> <p> </p> <p>ဤအချိန်၌ သူ၏ သီးသန့်စကားပြောခန်းက လင်းလက်လာ၏။</p> <p> </p> <p>စနိုးဝှိုက်မှ ပို့လိုက်ခြင်းပင်။ “ဂုရုကြီးရေ... ပလက်တီနမ်အဆင့်ဘော့စ်ကို ပထမဆုံး သတ်ဖြတ်နိုင်ခဲ့တဲ့အတွက် ဂုဏ်ယူပါတယ်။ ကျွန်မဆီမှာ သတင်းကောင်းတစ်ခု ရှိသေးတယ်။ အရှေ့တိုင်းပညာရှိ ဗိုက်ဆာသွားလို့ နောက်ဆုံးတော့ လိုင်းအောက်သွားပြီတဲ့။ သူက သူ့မိသားစုဝင်အတော်များများနဲ့အတူ ‘ကျန်းနန် စားသောက်ဆိုင်’ မှာ ထမင်းစားနေတယ်လို့ သိထားတယ်။ သူ့မိသားစုက သက်တမ်းအများကြီး ဝယ်ယူထားပြီး ဂိမ်းထဲကို ယူလာပြီးတော့ တိုက်ခိုက်ရေးစွမ်းအားအဖြစ် ပြောင်းလဲဖို့ ပြင်ဆင်နေကြတယ်”</p> <p> </p> <p>ထိုကောင်မလေးထံမှ အသံမက်ဆေ့ချ်က အင်မတန်ဆွဲဆောင်မှု ရှိနေဆဲပင်။</p> <p> </p> <p>၎င်းကို ကြားသည်တွင် နောက်ဆုံး၌ ချင်ဖုန်းက ပြုံးလိုက်လေသည်။</p> <p> </p> <p>“မဆိုးဘူးပဲ”</p> <p> </p> <p>“အရှေ့တိုင်းပညာရှိရဲ့ မိသားစုက သက်တမ်းအတော်များများ ယူလာခဲ့တယ်ပေါ့လေ”</p> <p> </p> <p>“ဒီတစ်ခေါက် လက်တွေ့ကမ္ဘာဆီ ပြန်သွားတဲ့အခါကျရင် ပန်းပွင့်ခြင်းကျိန်စာကိုပါ ငါ ထုတ်ယူလို့ရပြီ... အဲ့ဒီလူတွေဆီမှာရှိတဲ့ သက်တမ်းတစ်ရက်လေးတောင် အလဟဿ မဖြစ်စေရဘူး”</p> <p> </p> <p style="text-align: center;"> </p> <p style="text-align: center;">***</p>


Save