Book List

<h2 style="text-align: center;">အခန်း (၆၂)</h2> <h2 style="text-align: center;">ခေါင်းဆောင်အန်း၊ ဒီလိုကြီး မလုပ်ပါနဲ့</h2> <h2 style="text-align: center;">*</h2> <p> </p> <p>သေချာသည်မှာ အရှေ့တိုင်းပညာရှိနှင့် သူ၏ မိသားစုဝင်များ၏ ထမင်းစားပွဲက အလွယ်တကူ ပြီးဆုံးသွားမည် မဟုတ်ချေ။</p> <p> </p> <p>ချင်ဖုန်းကလည်း လောမနေပေ။</p> <p> </p> <p>လက်တွေ့ကမ္ဘာဆီသို့ မပြန်ခင်၌ သူက တိုက်ပွဲဝင်ပစ္စည်းတစ်သုတ်ကို အရင်ဆုံး ရှင်းလင်းရမည်ဖြစ်ကာ လောဘလက်မှတဆင့် ယခုလေးတင် ရရှိထားသော ဆင့်ကဲပြောင်းလဲခြင်းအမှတ်များကိုလည်း အသုံးပြုရဦးမည် ဖြစ်၏။</p> <p> </p> <p>ထိုသို့ဆိုလျှင် သူက လက်တွေ့ကမ္ဘာဆီသို့ စွမ်းရည်များကို ပိုမိုထုတ်ယူနိုင်မည် ဖြစ်သည်။</p> <p> </p> <p>အောက်ဘုံဝိညာဉ်ထံမှနေ၍ ချင်ဖုန်းက ဆင့်ကဲပြောင်းလဲခြင်းအမှတ် စုစုပေါင်း ၁၀၀ ကို ရရှိခဲ့လေသည်။</p> <p> </p> <p>သူ့ထံ၌ ကျန်ရှိနေသော အမှတ်များနှင့် ပေါင်းလိုက်လျှင် ယခုအခါ ၁၁၅ မှတ် ရှိနေပြီ ဖြစ်၏။</p> <p> </p> <p>“မော်ကွန်းအဆင့်ကို မရောက်သေးတဲ့ စွမ်းရည်အများစုကို အခု မော်ကွန်းအဆင့်အထိ ဆင့်ကဲပြောင်းလဲလို့ ရပြီ”</p> <p> </p> <p>ချင်ဖုန်းက သူ၏ စွမ်းရည်စာရင်းကို ဝေ့ကြည့်လိုက်သည်။</p> <p> </p> <p>ဘာမှ ထပ်ပြောနေစရာ မလိုတော့ချေ။ သူက တစ်ခုပြီးတစ်ခု ဆင့်ကဲပြောင်းလဲတော့မည်ပင်။</p> <p> </p> <p>သူက ဆင့်ကဲပြောင်းလဲခြင်း အမှတ် ၄၂ မှတ်ကို အသုံးပြု၍ အရိပ်ဝတ်ရုံကို မော်ကွန်းအဆင့်သို့ ရောက်ရန် သုံးကြိမ်တိုင်တိုင် ဆင့်ကဲပြောင်းလဲလိုက်၏။</p> <p> </p> <p>ကိုယ်ဖျောက်ထားသည့် ကြာချိန် - ၃၆ စက္ကန့် → ၆၀ စက္ကန့်။</p> <p> </p> <p>ကိုယ်ဖျောက်ခြင်းမှ ထွက်၍ တိုက်ခိုက်မှု - ၃၀၀ → ၅၀၀။</p> <p> </p> <p>ပြန်လည်အသုံးပြုရန်ကြာချိန် - ၂၂ စက္ကန့် → ၁၅ (၈.၅) စက္ကန့်။</p> <p> </p> <p>ထို့နောက် သူက နောက်ကျောဓားချက် မြှင့်တင်ခြင်းကို မော်ကွန်းအဆင့်သို့ ရောက်ရန် နှစ်ကြိမ်ဆင့်ကဲပြောင်းလဲရန်အတွက် ဆင့်ကဲပြောင်းလဲခြင်း အမှတ် ၃၄ မှတ်ကို အသုံးပြုလိုက်ရာ နောက်ကျောဓားချက် ပျက်စီးမှုအားမှာ ၅၀% မှ ၇၅% သို့ တိုးတက်သွားခဲ့လေသည်။</p> <p> </p> <p>သူ့ထံတွင် ဆင့်ကဲပြောင်းလဲခြင်း အမှတ် ၃၉ မှတ် ကျန်ရှိနေသေး၏။</p> <p> </p> <p>ချင်ဖုန်းက ခေတ္တမျှ စဉ်းစားလိုက်ပြီးနောက် မြအဆင့် အဆိပ်မြှားတိုကို လောလောဆယ်၌ ဆင့်ကဲပြောင်းလဲမှု မလုပ်ဆောင်သေးရန် ဆုံးဖြတ်လိုက်သည်။</p> <p> </p> <p>ထိုအစား သူက ပန်းပွင့်ခြင်းကျိန်စာကို နှစ်ကြိမ် ဆင့်ကဲပြောင်းလဲရန် ဆင့်ကဲပြောင်းလဲခြင်း အမှတ် ၃ မှတ်ကို အရင်ဆုံး အသုံးပြုလိုက်၏။</p> <p> </p> <p>မြအဆင့်မှ စိန်အဆင့်၊ ထိုမှတဆင့် မော်ကွန်းအဆင့်သို့ ဆင့်ကဲပြောင်းလဲသွားသော ပန်းပွင့်ခြင်းကျိန်စာကို ကစားသမားများ သေဆုံးပြီး စက္ကန့် ၆၀ အတွင်း အလောင်းများအပေါ် အသုံးပြုနိုင်မည်ဖြစ်ကာ အာနိသင်အသစ် တစ်ခုကိုလည်း ရရှိလာခဲ့သည်။</p> <p> </p> <p>“အလောင်းတွေကို ဖျောက်ဖျက်ပြီး သဲလွန်စတွေကိုပါ ဖျက်ဆီးပစ်လို့ ရတာလား”</p> <p> </p> <p>ချင်ဖုန်းမှာ အံ့အားသင့်သွားခဲ့၏။</p> <p> </p> <p>ထိုအာနိသင်က ဂိမ်းထဲတွင်မူ အသုံးမဝင်သလောက်ပင်။</p> <p> </p> <p>သို့သော် ဂိမ်းပြင်ပ၌မူ နည်းနည်းတော့ အသုံးဝင်နိုင်မည် မဟုတ်ပါလော။</p> <p> </p> <p>သူက သိပ်ပြီး အများကြီး တွေးမနေတော့ချေ။</p> <p> </p> <p>သူက အမှောင်မိုက်ဆုံးအချိန် စွမ်းရည်ကို သုံးကြိမ်တိုင်တိုင် ချက်ချင်း ဆင့်ကဲပြောင်းလဲလိုက်လေသည်။</p> <p> </p> <p>【သင်သည် ဆင့်ကဲပြောင်းလဲခြင်း အမှတ် ၁+၂+၃ မှတ်ကို အသုံးပြုလိုက်ပါသည်။ လက်ကျန် ၃၀ မှတ် ကျန်ရှိပါသည်။】</p> <p> </p> <p>【အမှောင်မိုက်ဆုံးအချိန် (ပလက်တီနမ်အဆင့် → မြအဆင့် → စိန်အဆင့် → မော်ကွန်းအဆင့်) - အနက်ရောင် အလင်းတန်းများကို ထုတ်လွှတ်ပြီး အကွာအဝေးအတွင်းရှိ ရန်သူအားလုံးကို မျက်စိကန်းသွားစေသည်။ ပြန်လည်အသုံးပြုရန်ကြာချိန် - ၆၀ (၃၄.၃) စက္ကန့်။】</p> <p> </p> <p>【အကွာအဝေး - ၂၀ → ၃၀ → ၄၀ → ၅၀ မီတာ။】</p> <p> </p> <p>【အခြေခံကြာချိန် - ၁၀ → ၁၂ → ၁၄ → ၁၆ စက္ကန့် (ပစ်မှတ်၏ ဝိညာဉ်စွမ်းရည် မြင့်မားလေလေ၊ ကြာချိန် တိုတောင်းလေလေ ဖြစ်သည်)။】</p> <p> </p> <p>လက်ကျန် ဆင့်ကဲပြောင်းလဲခြင်း အမှတ် ၃၀ ဖြင့် ပန်းပွင့်ခြင်းကျိန်စာကို မော်ကွန်းအဆင့်မှ ဒဏ္ဍာရီအဆင့်သို့ ဆင့်ကဲပြောင်းလဲရန် ကွက်တိ လုံလောက်ပေသည်။</p> <p> </p> <p>“အဲ့ဒါကို ဆင့်ကဲပြောင်းလဲလိုက်ရမလား”</p> <p> </p> <p>ချင်ဖုန်းက တွေးတောလိုက်၏။</p> <p> </p> <p>ဤစွမ်းရည်မှာ ရှေးဟောင်းနတ်ဘုရားတစ်ပါး၏ ကောင်းချီးပေးခြင်းခံထားရသော မြအဆင့် ရတနာသေတ္တာမှ ရရှိခဲ့ခြင်း ဖြစ်သည်။</p> <p> </p> <p>သူ၏ အတိတ်ဘဝတွင် ဤစွမ်းရည်၏ နာမည်ကိုပင် မကြားဖူးခဲ့ဘဲ ၎င်း၏ အာနိသင်ကိုသာ ဝေဝါးဝါး ကြားဖူးခဲ့ခြင်းက ၎င်းစွမ်းရည်မှာ မည်မျှ ရှားပါးကြောင်းကို ပြသနေပေသည်။</p> <p> </p> <p>အနည်းဆုံး ဈေးကွက်ထဲတွင် ၎င်းအတွက် စွမ်းရည်စာအုပ်များ မရှိခဲ့ချေ။</p> <p> </p> <p>“ဒါက ရှားပါးတဲ့စွမ်းရည်တစ်ခုဆိုတော့ ငါ ဆက်ပြီး ဆင့်ကဲပြောင်းလဲလိုက်သင့်တယ်”</p> <p> </p> <p>“ဒဏ္ဍာရီအဆင့် စွမ်းရည်တိုင်းမှာ သူတို့ရဲ့ ထူးခြားတဲ့ အချက်တွေ ရှိကြတာပဲ”</p> <p> </p> <p>“အသုံးဝင်မယ့် အထူးအာနိသင်တချို့ ပါလာနိုင်တယ်”</p> <p> </p> <p>နောက်ဆုံးတွင် ချင်ဖုန်းက ၎င်းကို ဆင့်ကဲပြောင်းလဲရန် ဆုံးဖြတ်လိုက်လေသည်။</p> <p> </p> <p>【သင်သည် ဆင့်ကဲပြောင်းလဲခြင်း အမှတ် ၃၀ ကို အသုံးပြုလိုက်ပါသည်။ လက်ကျန် ဝ မှတ် ကျန်ရှိပါသည်။】</p> <p> </p> <p>【ပန်းပွင့်ခြင်း ကျိန်စာ (မော်ကွန်းအဆင့် → ဒဏ္ဍာရီအဆင့်) - အထွေထွေ စွမ်းရည်။ ကစားသမားများ သေဆုံးပြီး စက္ကန့် ၆၀ → ၃၀၀ အတွင်း အလောင်းများအပေါ် အသုံးပြု၍ လဲလှယ်၍ရသော သက်တမ်းများကို ဆက်တိုက် ဝါးမျိုနိုင်သည်...】</p> <p> </p> <p>【အသစ် - ပစ်မှတ်ထံ၌ ကျန်ရှိနေသော လဲလှယ်၍မရသည့် သက်တမ်း ၅၀% ကိုလည်း တစ်ပြိုင်နက်တည်း ဝါးမျိုနိုင်သည်။】</p> <p> </p> <p>【အသစ် - ပြန့်ကျဲနေသော 'လဲလှယ်၍မရသည့် သက်တမ်း' အလင်းလုံးများကို ဝါးမျိုနိုင်သည်။】</p> <p> </p> <p>“ချီးပဲ”</p> <p> </p> <p>ချင်ဖုန်းမှာ မနေနိုင်ဘဲ ကျိန်ဆဲလိုက်မိ၏။</p> <p> </p> <p>ထိုအရာက တကယ့်ကို အဓိပ္ပာယ်မရှိလောက်အောင် ကြမ်းလွန်း၏။</p> <p> </p> <p>ပစ်မှတ်၏ လဲလှယ်၍ရသော သက်တမ်းအားလုံးကို ဝါးမျိုနိုင်ရုံတင်မကဘဲ သူတို့၏ လဲလှယ်၍မရသော သက်တမ်း ၅၀% ကိုပါ ဝါးမျိုနိုင်သေးသည်လော။</p> <p> </p> <p>ပြန့်ကျဲနေသော လဲလှယ်၍မရသည့် သက်တမ်းတွေကိုတောင် ဝါးမျိုလို့ ရခြင်းပင်။</p> <p> </p> <p>“လဲလှယ်လို့မရတဲ့ သက်တမ်းတွေကို လက်တွေ့ကမ္ဘာဆီ စွမ်းရည်တွေ ထုတ်ယူဖို့အတွက် အသုံးပြုလို့ မရနိုင်ပေမဲ့...”</p> <p> </p> <p>“နောက်ပိုင်းမှာ သက်တမ်းကုန်ဆုံးမှုနှုန်းက အဆရာထောင်ချီ မြင့်တက်လာမယ့် အဆင့်မြင့်နယ်မြေတွေကို ဝင်ရောက်တဲ့အခါကျရင် လဲလှယ်လို့မရတဲ့ သက်တမ်းတွေက အရင်ဆုံး ကုန်ဆုံးသွားမှာပဲ”</p> <p> </p> <p>“ဒီစွမ်းရည်ရှိနေရင် ငါ့အတွက် လဲလှယ်လို့မရတဲ့သက်တမ်း လိုအပ်ချက် ရှိတော့မှာ မဟုတ်ဘူး”</p> <p> </p> <p>ဆင့်ကဲပြောင်းလဲခြင်း အမှတ်များ အားလုံး ကုန်ဆုံးသွားခဲ့လေပြီ။</p> <p> </p> <p>ထို့နောက် ချင်ဖုန်းက ဝမ်မုန့်ကို အသိပေးလိုက်ကာ အနီးနားရှိ နေရာအမှတ်အသားတစ်ခုကို ပေးလိုက်၏။</p> <p> </p> <p>သေချာသည်မှာ အောက်ဘုံဝိညာဉ်နယ်မြေ၏ ဝင်ပေါက်အနီးတွင် မဟုတ်ဘဲ မီတာငါးရာခန့် ကွာဝေးသော နေရာတစ်ခု ဖြစ်ပေသည်။</p> <p> </p> <p>လောလောဆယ်တွင် ထိုနေရာ၌ မိစ္ဆာများ မရှိသေးချေ။</p> <p> </p> <p>ဤတစ်ကြိမ် ရောင်းချမည့် ပစ္စည်းများတွင် ကပ်ရောဂါဖန်တီးသူထံမှ ကျကျန်ခဲ့သော တိုက်ပွဲဝင်ပစ္စည်းများသာမက အောက်ဘုံဝိညာဉ်နယ်မြေရှိ ဘော့စ်အသေးလေးများထံမှ ကျကျန်ခဲ့သော ပစ္စည်းများလည်း ပါဝင်ပေသည်။</p> <p> </p> <p>“လောဘလက်ကနေ ရလာတဲ့ ဒီနေရာလွတ် ၁၀၀ ပါတဲ့ ကျောပိုးအိတ်က အရမ်း အသုံးဝင်တာပဲ”</p> <p> </p> <p>“ဒီပစ္စည်းတွေအားလုံးကို ငါ့ဆီမှာ သယ်ထားတာတောင်မှ နေရာတစ်ဝက်လောက် လွတ်နေသေးတယ်”</p> <p> </p> <p>ချင်ဖုန်းက ကျေနပ်စွာဖြင့် ခေါင်းညိတ်လိုက်၏။</p> <p> </p> <p>သူက ထိုနေရာအမှတ်အသားဆီသို့ တစ်ယောက်တည်း ထွက်ခွာသွားလိုက်သည်။</p> <p> </p> <p>မကြာခင်၌ပင်။</p> <p> </p> <p>ပျက်စီးနေသော လူနေအဆောက်အအုံတစ်ခု၏ အိပ်ခန်းထဲ၌ ဝမ်မုန့်၊ အန်းယွီနှင့် တခြားသူခြောက်ယောက်တို့က မျက်နှာကို ဖုံးကွယ်ထားဆဲဖြစ်သော ချင်ဖုန်းနှင့် တွေ့ဆုံလိုက်ကြ၏။</p> <p> </p> <p>“ပုံမှန်အတိုင်းပဲ၊ ငါက ဈေးသတ်မှတ်မယ်၊ မင်းတို့ လက်မခံရင် ငြင်းလို့ ရတယ်”</p> <p> </p> <p>ချင်ဖုန်းက ပစ္စည်းများကို စတင်၍ ထုတ်ပြလိုက်လေသည်။</p> <p> </p> <p>ပထမဆုံးအနေဖြင့် ငွေအဆင့်၊ ရွှေအဆင့်နှင့် ပလက်တီနမ်အဆင့် ပစ္စည်းများပင်။</p> <p> </p> <p>ဤပစ္စည်းတစ်သုတ်၏ စုစုပေါင်းတန်ဖိုးမှာ လဲလှယ်၍ရသော သက်တမ်း ၁၈,၀၀၀ ရက် ရှိပေသည်။</p> <p> </p> <p>ခေါင်းဆောင်အန်းက အရင်ကလိုပင် ပွင့်လင်းပြတ်သားနေဆဲ ဖြစ်၏။</p> <p> </p> <p>သူမက အားလုံးကို ယူလိုက်သည်။</p> <p> </p> <p>မည်သို့ပင်ဆိုစေကာမူ ချင်ဖုန်း၏ ဈေးနှုန်းများက အလွန် မျှတနေသောကြောင့်ပင်။</p> <p> </p> <p>ပစ္စည်းများကို လက်ခံရရှိပြီးနောက် နဂါးစစ်သည်တော် ကောင်မလေး၏ မျက်လုံးများမှာ ပြုံးလိုက်ချိန်တွင် လခြမ်းကွေးလေးများအလား ဖြစ်သွားတော့၏။</p> <p> </p> <p>“အခုဆိုရင် ငါတို့ ကျန်းဟိုင်မြို့ရဲ့ ဖွံ့ဖြိုးတိုးတက်မှုအမြန်နှုန်းက ပိုပြီး မြန်ဆန်လာတော့မယ်”</p> <p> </p> <p>“တကယ်တော့ နတ်ဆိုးမြို့တော် လေတပ်နဲ့ လေးဆယ့်ခြောက်ခုမြောက် အမြောက်တပ်ဖွဲ့လို အစိုးရတပ်ဖွဲ့ တော်တော်များများက ငါတို့ဆီကနေ ပစ္စည်းကိရိယာတွေကို တောင်းဆိုနေကြတာ”</p> <p> </p> <p>“ငါတို့က အခု မတူညီတဲ့ မြို့တွေကြားမှာ ဆက်သွယ်လို့ မရသေးလို့ပါ။ ကုန်သွယ်ရေး လမ်းကြောင်းတွေလည်း မရှိသေးဘူးလေ”</p> <p> </p> <p>“ဂုရုကြီးအရိပ်၊ ကျေးဇူးတင်ပါတယ်နော်”</p> <p> </p> <p>အန်းယွီက ချင်ဖုန်းကို ကြည့်လိုက်ချိန်တွင် သူမ၏ လှပသော မျက်ဝန်းများထဲ၌ ပျော်ရွှင်မှုများ ပြည့်နှက်နေ၏။</p> <p> </p> <p>“ရပါတယ်၊ အပြန်အလှန် ကူညီကြတာပဲလေ။ ဒါနဲ့ ငါ့ဆီမှာ အညံ့စား၊ သာမန်နဲ့ ကြေးအဆင့် ပစ္စည်းတချို့ ရှိသေးတယ်၊ မင်းတို့ လိုချင်သေးလား”</p> <p> </p> <p>ချင်ဖုန်းက ပစ္စည်းအပုံလိုက်ကို ဆက်ထုတ်ပြရင်း မေးလိုက်သည်။</p> <p> </p> <p>သူက ပစ္စည်းများကို ထပ်ထုတ်နေသည်အား မြင်လိုက်ရချိန်၌ အန်းယွီနှင့် တခြားခြောက်ယောက်တို့ အားလုံးမှာ ကြောင်အမ်းအမ်း ဖြစ်သွားကြ၏။</p> <p> </p> <p>“ရှင့်... ရှင့်မှာ ဘယ်လိုလုပ်ပြီး ကျောပိုးအိတ်နေရာတွေ ဒီလောက်အများကြီး ရှိနေရတာလဲ”</p> <p> </p> <p>ချင်ဖုန်းမှ ယခုလေးတင် ထုတ်ပေးခဲ့သော ငွေအဆင့်၊ ရွှေအဆင့်နှင့် ပလက်တီနမ်အဆင့် ပစ္စည်းများကိုပင် အန်းယွီတစ်ယောက်တည်း၏ ကျောပိုးအိတ်ထဲသို့ အားလုံးမဆံ့သဖြင့် ဝမ်မုန့်ကပါ ကူညီသိမ်းဆည်းပေးခဲ့ရခြင်း ဖြစ်၏။</p> <p> </p> <p>သို့သော်လည်း ချင်ဖုန်းက သာမန်နှင့် ကြေးအဆင့်ပစ္စည်း အခုသုံးဆယ်ကျော်ကို ထပ်ထုတ်လာသည် မဟုတ်ပါလော။</p> <p> </p> <p>“ဂုရုကြီးက ဒိုရေမွန်များလား”</p> <p> </p> <p>ကုယုရွှယ်က စပ်စုချင်စိတ်ဖြင့် ချင်ဖုန်း၏ ဗိုက်ကိုပင် ပြေးထိကြည့်လိုက်လေသည်။</p> <p> </p> <p>“…”</p> <p> </p> <p>ချင်ဖုန်းမှာ မေးခွန်းထုတ်စရာများ အပြည့်ဖြစ်သွားတော့၏။</p> <p> </p> <p>နောက်ဆုံးတွင် အန်းယွီနှင့် ဝမ်မုန့်သာမက ကုယုရွှယ်၊ လင်းလီယွီ၊ မျက်စိလျင်သောလေးသမားနှင့် ကဒ်သခင်ဦးလေးကြီးတို့၏ ကျောပိုးအိတ်များအားလုံးပါ ပစ္စည်းများဖြင့် ပြည့်နှက်သွားခဲ့သည်။</p> <p> </p> <p>နတ်ဘုရားစွန့်ပစ်ဂိမ်းထဲတွင် သေဆုံးသွားလျှင် ကျောပိုးအိတ်ထဲရှိ ပစ္စည်းများ ပြုတ်ကျမသွားခြင်းက တော်သေးသည်ဟု ဆိုရမည်ပင်။</p> <p> </p> <p>“မိတ်ဆွေတွေအနေနဲ့ သတိပေးရရင် မြို့ဟောင်းအပျက်အစီးရဲ့ အလယ်ဗဟိုက ကျောက်ဆင်းတုကြီးအောက်မှာ မူလမြို့ငယ်လေးဆီ ပြန်သွားလို့ရတဲ့ နေရာပြောင်းရွှေ့စက်ဝန်းဆီ ရောက်မယ့် လှေကားတစ်ခု ရှိတယ်”</p> <p> </p> <p>“ဒါပေမဲ့ အဲ့ဒီကို ပြန်ဖို့အတွက် ပထမဆုံးအကြိမ်မှာ သက်တမ်း ၅၀၀ ရက် ပေးရလိမ့်မယ်... နောက်ပိုင်း ပြန်ရင်တော့ အခမဲ့ပဲ။ ကိုယ့်ဘာသာ စဉ်းစားကြပေါ့”</p> <p> </p> <p>သူတို့က ဤဧရိယာထဲတွင် မိစ္ဆာများကို မသတ်ရဲကြသည်အား မြင်သဖြင့် ချင်ဖုန်းက သူတို့ကို သတိပေးလိုက်ခြင်း ဖြစ်၏။</p> <p> </p> <p>ပြောပြီးနောက် သူက လှည့်ထွက်သွားလိုက်သည်။</p> <p> </p> <p>ပစ္စည်းများကိုလည်း ရှင်းလင်းပြီးသွားပြီဖြစ်လေရာ လက်တွေ့ကမ္ဘာဆီ ပြန်ရမည့် အချိန်ရောက်ပြီ ဖြစ်၏။</p> <p> </p> <p>သူ ထွက်သွားချိန်တွင်...</p> <p> </p> <p>အန်းယွီက ပျောက်ကွယ်သွားသော သူ၏ ကျောပြင်ကို ကြည့်လျက် သူမ၏ လှပသော မျက်ဝန်းများက အရောင်လက်သွားပြီးနောက် အဖွဲ့ချန်နယ်ထဲတွင် စိတ်လှုပ်ရှားစွာဖြင့် တီးတိုးပြောလိုက်သည်။ “ကြည့်လိုက် ကြည့်လိုက်၊ ဂုရုကြီးက အတိတ်ကနေ ပြန်လည်မွေးဖွားလာတဲ့သူ ဖြစ်နိုင်တယ်လို့ ငါ ပြောသားပဲ။ မဟုတ်ရင် ဒီလို လျှို့ဝှက်ထားတဲ့ အချက်အလက်မျိုးကို သူက ဘယ်လိုလုပ် သိနေမှာလဲ”</p> <p> </p> <p>ဝမ်မုန့်က သူ၏ နဖူးကို သူပြန်ရိုက်လိုက်သည်။ “ခေါင်းဆောင်အန်း၊ အဲ့ဒီလိုကြီး မပြောပါနဲ့၊ ငါ နည်းနည်းတောင် ကြောက်လာပြီ...”</p> <p> </p> <p>ကဒ်သခင်ဦးလေးကြီးကလည်း ပြုံးလျက် ပြောလာ၏။ “ဟုတ်ပါ့၊ အရမ်းကြီး အာရုံမစားပါနဲ့။ အဲ့ဒီအချိန်တုန်းက ငါတို့လည်း မိစ္ဆာတွေ လိုက်လို့ ထွက်ပြေးခဲ့ရပဲတာလေ၊ မဟုတ်ရင် အဲ့ဒီနားတစ်ဝိုက်ကို ရှာကြည့်တဲ့အခါ သေချာပေါက် တွေ့မှာပဲ။ အရိပ်က ကိုယ်ဖျောက်နိုင်တဲ့အတွက် ငါတို့ထက် နယ်မြေအနေအထားကို ပိုကျွမ်းကျင်နေတာ ပုံမှန်ပါပဲ”</p> <p> </p> <p>၎င်းကို ကြားသည်တွင် အန်းယွီက အတွေးထဲ နစ်မြောသွားသည်။</p> <p> </p> <p>ရုတ်တရက် သူမက ထပ်ပြောလိုက်၏။ “နင်တို့ ဘယ်လိုထင်လဲ၊ ငါသာ အရိပ်ကို မြူဆွယ်လိုက်မယ်ဆိုရင် အောင်မြင်နိုင်ခြေ ဘယ်လောက်ရှိလောက်မလဲ”</p> <p> </p> <p>“…”</p> <p> </p> <p>တစ်ဖွဲ့လုံး ဆွံ့အသွားကြတော့၏။</p> <p> </p> <p style="text-align: center;"> </p> <p style="text-align: center;">***</p>


Save