Book List

<h2 style="text-align: center;">အခန်း (၆၆)</h2> <h2 style="text-align: center;">ပလက်တီနမ်အဆင့် စွမ်းရည်၊ ညအမှောင်ခွင်းဓား</h2> <h2 style="text-align: center;">*</h2> <p> </p> <p> </p> <p>ချင်ဖုန်းက ရေတွင်းထဲသို့ ခုန်ဆင်းလိုက်၏။</p> <p> </p> <p>ရေတွင်းက သိပ်မနက်ဘဲ ဘေးဘက်တွင် အပေါ်သို့ ပြန်တက်နိုင်ရန်အတွက် အုတ်ခဲများ ထိုးထွက်နေသည်ကို သူသတိထားမိလိုက်သည်။</p> <p> </p> <p>သို့သော် ရေတွင်းထဲသို့ ရောက်သည်နှင့်တစ်ပြိုင်နက် သူက သင်္ချိုင်းဂူ၏ နယ်မြေထဲသို့ ဝင်ရောက်သွားခဲ့လေပြီ။</p> <p> </p> <p>【သင်သည် 'နာကြည်းမှု သင်္ချိုင်းဂူ' သို့ ရောက်ရှိသွားပါပြီ။ သင်၏ အဝေးဆက်သွယ်ရေးစနစ်ကို ပိတ်ပင်ထားမည် ဖြစ်သည်။】</p> <p> </p> <p>ချင်ဖုန်းက သိပ်ပြီး ဂရုမစိုက်ချေ။</p> <p> </p> <p>ရေတွင်း၏ အောက်ခြေသို့ ရောက်ချိန်၌ ရှေ့တွင် မီတာသုံးမီတာခန့် ကျယ်ဝန်းသော လမ်းကြောင်းတစ်ခု ပေါ်လာပြီး နှစ်ဖက်စလုံးတွင် တောက်ပနေသော ကျောက်တုံးများဖြင့် မှိန်ပျပျ လင်းထိန်နေသည်ကို သူမြင်လိုက်ရသည်။</p> <p> </p> <p>ချင်ဖုန်းက အရိပ်ဝတ်ရုံအခြေအနေကို ထိန်းသိမ်းထားလျက် တိတ်ဆိတ်စွာ ရှေ့ဆက်သွားလိုက်သည်။</p> <p> </p> <p>မီတာတစ်ရာခန့် ရှေ့ဆက်သွားပြီးနောက် ချင်ဖုန်းက ဟောင်းနွမ်းပျက်စီးနေသော တံခါးကြီးတစ်ခုကို စောင့်ကြပ်နေသည့် ဓားမကြီးတစ်လက် ကိုင်ဆောင်ထားသော ပုပ်ဟောင်နံ့များ ထွက်ပေါ်နေသည့် ဝတုတ်တုတ် မိစ္ဆာတစ်ကောင်ကို တွေ့လိုက်ရ၏။</p> <p> </p> <p>【အငြိုးကြီးတစ္ဆေ (အဆင့် ၁၂)】</p> <p> </p> <p>【အဆင့် - ရွှေအဆင့်】</p> <p> </p> <p>ဤဘော့စ်က အရပ်နှစ်မီတာကျော် မြင့်မားကာ အလွန်အမင်း တောင့်တင်းသန်မာပြီး ၎င်း၏ လက်ထဲတွင် သံချေးတက်နေသော ဓားမကြီးနှစ်လက်ကိုလည်း ကိုင်ဆောင်ထား၏။ ထို့ပြင် ၎င်း၏ တစ်ကိုယ်လုံးမှာ ပုပ်ဟောင်နေကာ အသားတုံးကြီးများ စုပုံထားသည့်အလား ဖြစ်နေပေသည်။</p> <p> </p> <p>ဤတံခါးစောင့်ဘော့စ်က အန်းယွီနှင့် သူမ၏ အဖွဲ့ကို ကစဉ့်ကလျား ထွက်ပြေးသွားစေခဲ့ခြင်းပင်။</p> <p> </p> <p>သူတို့၏ စရိုက်လက္ခဏာများအရ သူတို့က သေချာပေါက် စမ်းသပ်တိုက်ခိုက်ခဲ့လောက်မည်ဟု ချင်ဖုန်းက ယုံကြည်ထား၏။</p> <p> </p> <p>မည်သို့ပင်ဆိုစေကာမူ သူတို့ထံတွင် ရွှေအဆင့် ပစ္စည်းကိရိယာများနှင့် ရွှေအဆင့်စွမ်းရည်များ ရှိနေပြီဖြစ်လေရာ တစ်ချက်ကြည့်ရုံဖြင့် ထွက်ပြေးသွားရန်မှာ မဖြစ်နိုင်ချေ။</p> <p> </p> <p>သို့သော် သူတို့၏ ကြိုးစားမှုက ကျရှုံးသွားခဲ့သည်မှာ သိသာလှသည်။</p> <p> </p> <p>“အငြိုးကြီးတစ္ဆေ...”</p> <p> </p> <p>“ဒီဘော့စ်မျိုးနဲ့ ငါ သိပ်ပြီး မကြုံဖူးဘူး”</p> <p> </p> <p>“ဒါပေမဲ့ သူ့ရဲ့ ပုံပန်းသဏ္ဍာန်အရဆိုရင် တိုက်ခိုက်မှုအားနဲ့ အကွာအဝေးပိုင်းဆိုင်ရာ အထူးမြင့်မားတဲ့ ရုပ်ပိုင်းဆိုင်ရာ တိုက်ခိုက်ရေး အမျိုးအစားပဲ ဖြစ်လိမ့်မယ်”</p> <p> </p> <p>“ဝမ်မုန့်က အဲ့ဒါကို မခံနိုင်ခဲ့ဘူးပေါ့လေ”</p> <p> </p> <p>ချင်ဖုန်းက အနည်းငယ် ခန့်မှန်းကြည့်လိုက်သည်။</p> <p> </p> <p>သူရောင်းချခဲ့သော ပစ္စည်းကိရိယာများနှင့် စွမ်းရည်စာအုပ်များတွင် ကာကွယ်မှုအား မြှင့်တင်ပေးသည့် ပစ္စည်းများ သိပ်များများစားစား မပါဝင်ခဲ့ချေ။</p> <p> </p> <p>အကယ်၍ ဝမ်မုန့်၏ ကာကွယ်မှုက မလုံလောက်ဘဲ ဘော့စ်၏ တိုက်ခိုက်မှုများကြောင့် သွေးကျနှုန်း အရမ်းမြန်နေမည်ဆိုပါက အစွမ်းအထက်ဆုံး သွေးဖြည့်သူပင်လျှင် သူ့ကို ကယ်တင်နိုင်မည် မဟုတ်ချေ။</p> <p> </p> <p>သေချာသည်မှာ သူက ချက်ချင်းတော့ အသတ်ခံရမည် မဟုတ်ပေ။</p> <p> </p> <p>မည်သို့ပင်ဆိုစေကာမူ သန့်စင်သောဒိုင်းစစ်သည်တော်ဖြစ်သည့် ဝမ်မုန့်၌ ယခုအခါတွင် အနည်းဆုံး သွေးပမာဏ လေးငါးထောင်ခန့် ရှိနေမည် ဖြစ်၏။</p> <p> </p> <p>သူက ဘော့စ်၏ ခုတ်ချက်တစ်ချက်ကို ခံလိုက်ရပြီးနောက် သွေးတစ်ဝက်ကျော် လျော့ကျသွားချိန်၌ ဆက်မခံနိုင်တော့ဘူးဟု ခံစားခဲ့ရကာ ထွက်ပြေးခဲ့ခြင်း ဖြစ်လောက်ပေသည်။</p> <p> </p> <p>သို့သော်...</p> <p> </p> <p>ချင်ဖုန်းအတွက်မူ ၎င်းကို ခံနိုင်ရည်ရှိမရှိ စဉ်းစားနေစရာ မလိုချေ။</p> <p> </p> <p>အဘယ်ကြောင့်ဆိုသော်...</p> <p> </p> <p>“သိမ်မွေ့သော လွတ်မြောက်ခြင်း”</p> <p> </p> <p>“လျပ်တပျက် အရိပ်ခုတ်ချက်”</p> <p> </p> <p>ချင်ဖုန်းက သိမ်မွေ့သော လွတ်မြောက်ခြင်း၏ တက်ကြွစွမ်းရည်ကို ဖွင့်လှစ်လိုက်ကာ ကပ်ရောဂါဓားကို ကိုင်ဆောင်လျက် လျပ်တပျက် လှုပ်ရှားလိုက်၏။</p> <p> </p> <p>ဓားမကြီးနှစ်လက်ကို ကိုင်ဆောင်ထားသော ရွှေအဆင့် အငြိုးကြီးတစ္ဆေ၏ ပုပ်ဟောင်နေသော အသားစိုင်ခန္ဓာကိုယ်ထက်၌ ဓားအလင်းတန်းများ ပွင့်လန်းသွားလေသည်။</p> <p> </p> <p style="margin-left:36.0pt">-၃၉၈၇။</p> <p style="margin-left:36.0pt"> </p> <p style="margin-left:36.0pt">-၁၃၅၅၅ (အားနည်းချက်ကို တိုက်ခိုက်မှု)</p> <p style="margin-left:36.0pt"> </p> <p style="margin-left:36.0pt">-၃၉၈၇။</p> <p> </p> <p>စုစုပေါင်း ဓားအလင်းတန်းကိုးချက်က ပုပ်ဟောင်နေသော မိစ္ဆာကြီး၏ ခေါင်းပေါ်၌ ပျက်စီးမှု ကိန်းဂဏန်းကိုးခုကို ထွက်ပေါ်လာစေခဲ့၏။</p> <p> </p> <p>ချင်ဖုန်းက ၎င်းတို့ကို တစ်ချက်ကြည့်လိုက်ပြီးနောက် အနည်းငယ် အံ့အားသင့်သွားသည်။</p> <p> </p> <p>“ဒီဘော့စ်ရဲ့ ကာကွယ်မှုက တကယ်ကို မြင့်မားတာပဲ”</p> <p> </p> <p>“အခု ငါ့ရဲ့ အရိပ်ဝတ်ရုံစွမ်းရည်က မော်ကွန်းအဆင့်ကို ရောက်နေပြီ၊ ပြီးတော့ ကိုယ်ဖျောက်ခြင်းကနေ ထွက်ပြီး တိုက်ခိုက်မှုက အမှတ် ၅၃၅ အထိ ရောက်နေပြီဆိုတော့ အရင်ကထက် အများကြီး ပိုများနေပြီ”</p> <p> </p> <p>“ပလက်တီနမ်အဆင့် အောက်ဘုံဝိညာဉ်ကို တိုက်ခိုက်တုန်းကတောင် လျပ်တပျက် အရိပ်ခုတ်ချက် တစ်ချက်ကို ပျက်စီးမှုအား ၅၀၀၀ နီးပါး ထွက်တယ်”</p> <p> </p> <p>“ဒါပေမဲ့ ဒီဝတုတ်ကြီးကိုကျတော့ လေးထောင်တောင် မပြည့်ဘူးလား”</p> <p> </p> <p>ကံအားလျော်စွာဖြင့် ၎င်း၏ သက်ရောက်မှုက ကြီးကြီးမားမား မရှိလှချေ။</p> <p> </p> <p>ယခုအခါ ချင်ဖုန်း၏ အပြည့်အစုံနီးပါးရှိနေသော မော်ကွန်းအဆင့် စွမ်းရည်များကို တစ်ခုနှင့်တစ်ခု ထပ်ပေါင်းလိုက်သည့်အခါ ပေါက်ကွဲထွက်စေသော အာနိသင် ရှိနေပေသည်။</p> <p> </p> <p>ရွှေအဆင့်ဘော့စ်ကို မော်ကွန်းအဆင့်စွမ်းရည်များနှင့် တိုက်ခိုက်ခြင်း ဖြစ်၏။ ထိုအရာက ဟင်းသီးဟင်းရွက်များကို လှီးဖြတ်နေသလိုပင်။</p> <p> </p> <p>လျပ်တပျက် အရိပ်ခုတ်ချက်တစ်ချက် အသုံးပြုပြီးနောက် ချင်ဖုန်းက အဝေးသို့ ချက်ချင်း ဆုတ်ခွာလိုက်ကာ သူ၏ အရိပ်ဝတ်ရုံ အခြေအနေကို ထိန်းသိမ်းထားလိုက်၏။</p> <p> </p> <p>ဤဘော့စ်တွင် သွေးပမာဏ စုစုပေါင်း ၁၂၀,၀၀၀ ခန့်သာ ရှိပေသည်။</p> <p> </p> <p>သိမ်မွေ့သော လွတ်မြောက်ခြင်းထံမှ 'လည်လှီးခြင်း' ပျက်စီးမှုအားက နှစ်ကြိမ်သာ အလုပ်လုပ်ရသေးခင်၌ပင် ရမ်းသန်းခုတ်ပိုင်းနေသော 'အငြိုးကြီးတစ္ဆေ' ကို ချက်ချင်း အသေသတ်လိုက်နိုင်ပြီ ဖြစ်၏။</p> <p> </p> <p>ပုပ်ဟောင်နေသော အသားစိုင်များက မြေပြင်ပေါ်၌ အပုံလိုက် ပြန့်ကျဲသွားလေသည်။</p> <p> </p> <p>ချင်ဖုန်းက အရိပ်ဝတ်ရုံကို ခြုံထားဆဲဖြစ်ကာ ဘော့စ်၏ အလောင်းနှင့် မီတာသုံးဆယ်ကျော် အကွာ၌သာ နေနေခဲ့၏။</p> <p> </p> <p>ဆယ်စက္ကန့်ကျော် ကြာပြီးနောက်မှသာ ချင်ဖုန်းက ဖြည်းညင်းစွာ ချဉ်းကပ်သွားလေသည်။</p> <p> </p> <p>ရွေးချယ်စရာ မရှိချေ။</p> <p> </p> <p>သူ၏ အတိတ်ဘဝတွင် အရှုံးများစွာ ကြုံတွေ့ခဲ့ရသဖြင့် သူလုပ်သမျှ ကိစ္စတိုင်း၌ အလွန် သတိထားနေခဲ့ခြင်း ဖြစ်၏။</p> <p> </p> <p>တချို့သော ဘော့စ်များက သေဆုံးပြီးနောက် ကိုယ်တိုင်ပေါက်ကွဲတတ်ကြကာ လူများစွာကလည်း ထိုအရာကြောင့် ဒုက္ခရောက်ခဲ့ကြဖူးသည်။ တချို့အဖွဲ့များဆိုလျှင် ဘော့စ်ကို အနိုင်ယူနိုင်လိုက်ပြီဟု ထင်မှတ်နေချိန်၌ ဘော့စ်၏ အလောင်းက ပေါက်ကွဲသွားသဖြင့် တစ်ဖွဲ့လုံး သေကုန်သည်အထိပင်။</p> <p> </p> <p>မနည်းကြိုးစားပမ်းစား ရယူထားရသည့် တိုက်ပွဲဝင်ပစ္စည်းများကို ဖြတ်သွားဖြတ်လာ တခြားကစားသမားများက ကောက်ယူသွားကြမည် ဖြစ်၏။</p> <p> </p> <p>“လောဘလက်”</p> <p> </p> <p>ချင်ဖုန်းက အငြိုးကြီးတစ္ဆေ၏ အလောင်း၌ လောဘလက်ကို အသုံးပြုလိုက်၏။</p> <p> </p> <p>ဟင်းလင်းပြင်ထဲမှနေ၍ ရွှေရောင်လက်ဝါးကြီးတစ်ခု ထွက်ပေါ်လာကာ အသားစများအဖြစ် ပြန့်ကျဲနေသော အငြိုးကြီးတစ္ဆေ၏ အလောင်းကို ဆုပ်ကိုင်လိုက်သကဲ့သို့ ဖြစ်လာသည်။</p> <p> </p> <p>ချက်ချင်းဆိုသလိုပင် အပိုတိုက်ပွဲဝင်ပစ္စည်းငါးခု ကျကျန်ခဲ့၏။</p> <p> </p> <p>ထို့ပြင် ပလက်တီနမ်ရောင် အလင်းတန်းချည်းသက်သက် ခုနစ်ခုတိတိလည်း ပါဝင်နေပေသည်။</p> <p> </p> <p>၎င်းတို့ထဲ၌ အံ့အားသင့်ဖွယ်ကောင်းလောက်အောင်ပင် ချင်ဖုန်းအသုံးပြုနိုင်သော စွမ်းရည်စာအုပ်တစ်အုပ်နှင့် ပစ္စည်းကိရိယာတစ်ခု ပါဝင်နေခဲ့သည်။</p> <p> </p> <p>【ညအမှောင်ခွင်းဓား (ပလက်တီနမ်အဆင့်) - လုပ်ကြံသတ်ဖြတ်သူ စွမ်းရည်။ ဓားပေါ်သို့ အမှောင်စွမ်းအားများကို သွင်းယူကာ ၅ မီတာအတွင်းရှိ ရန်သူအားလုံးကို အမှောင်ဒြပ်စင် ပျက်စီးမှုအားများ ဖြစ်ပေါ်စေပြီး အပိုဆောင်း အမှောင်ဒြပ်စင် တိုက်ခိုက်မှုအား ၅၀၀ ပါဝင်သည်။ ပြန်လည်အသုံးပြုရန်ကြာချိန် - ၁၀ (၅.၇) စက္ကန့်။ လိုအပ်သော အဆင့် - ၁၁။】</p> <p> </p> <p>၎င်းကား လုပ်ကြံသတ်ဖြတ်သူ အလုပ်အကိုင်အတွက် ဒြပ်စင်အခြေခံ တိုက်ခိုက်ရေး စွမ်းရည်တစ်ခု ဖြစ်ပေသည်။</p> <p> </p> <p>“ငါ့အရိပ်အလုပ်အကိုင်ရဲ့ အခြေခံစွမ်းရည်လေးမျိုး အပိုဆုကြေးတွေက ၃၊ ၃၊ ၈ နဲ့ ၅ မှတ်စီ အသီးသီးဖြစ်တယ်”</p> <p> </p> <p>“ငါ့ရဲ့ ဝိညာဉ်စွမ်းရည် အပိုဆုကြေးက ခွန်အားထက်တောင် ပိုများနေသေးတယ်”</p> <p> </p> <p>“ဒါကြောင့် ငါ့ရဲ့ လက်ရှိ အခြေခံ မှော်တိုက်ခိုက်မှုအားက အခြေခံ ရုပ်ပိုင်းဆိုင်ရာ တိုက်ခိုက်မှုအားထက် ပိုများနေတယ်”</p> <p> </p> <p>“ဒါပေမဲ့ ကပ်ရောဂါဓားက ပုံမှန် ရုပ်ပိုင်းဆိုင်ရာ လက်နက်တစ်ခုဖြစ်ပြီး ရုပ်ပိုင်းဆိုင်ရာ တိုက်ခိုက်မှုအားကိုပဲ ပေါင်းထည့်ပေးတာ”</p> <p> </p> <p>“ငါသာ ကပ်ရောဂါဓားကို အသုံးပြုပြီး လုပ်ကြံသတ်ဖြတ်သူ စွမ်းရည်တွေကို ထုတ်ဖော်မယ်ဆိုရင် ပျက်စီးမှုအားက သိသိသာသာ လျော့နည်းသွားလိမ့်မယ်...”</p> <p> </p> <p>သို့သော် ၎င်းက ပလက်တီနမ်အဆင့်မှ စတင်သော အဆင့် ၁၁ စွမ်းရည်တစ်ခု ဖြစ်ပြီး ၎င်း၏ အပိုဆောင်း တိုက်ခိုက်မှုအားက အတော်လေး မြင့်မားနေပေသည်။</p> <p> </p> <p>“အဲ့ဒါကို မော်ကွန်းအဆင့်ရောက်အောင် အရင် ဆင့်ကဲပြောင်းလဲလိုက်မယ်”</p> <p> </p> <p>ချင်ဖုန်းက အမိန့်ပေးလိုက်၏။</p> <p> </p> <p>【သင်သည် ဆင့်ကဲပြောင်းလဲခြင်း အမှတ် ၁+၂+၃ မှတ်ကို အသုံးပြုလိုက်ပါသည်။ လက်ကျန် ၃၆ မှတ် ကျန်ရှိပါသည်။】</p> <p> </p> <p>【ညအမှောင်ခွင်းဓား (ပလက်တီနမ်အဆင့် → မြအဆင့် → စိန်အဆင့် → မော်ကွန်းအဆင့်) - ၅ → ၇ → ၉ → ၁၂ မီတာအတွင်းရှိ ရန်သူအားလုံးကို အမှောင်ဒြပ်စင် ပျက်စီးမှုအားများ ဖြစ်ပေါ်စေပြီး အပိုဆောင်း အမှောင်ဒြပ်စင် တိုက်ခိုက်မှုအား ၅၀၀ → ၇၅၀ → ၁၀၀၀ → ၁၃၀၀ ပါဝင်သည်။ ပြန်လည်အသုံးပြုရန်ကြာချိန် - ၁၀ (၅.၇) စက္ကန့်။ လိုအပ်သော အဆင့် - ၁၁။】</p> <p> </p> <p>စွမ်းရည်ကို ဆင့်ကဲပြောင်းလဲပြီးနောက် ၎င်း၏ အကွာအဝေးက ၅ မီတာမှ ၁၂ မီတာအထိ ကျယ်ပြန့်သွားခဲ့ရာ ၎င်းက သေချာပေါက် ကြီးမားသော အပြောင်းအလဲတစ်ခုပင်။</p> <p> </p> <p>ထို့ပြင် အပိုဆောင်း တိုက်ခိုက်မှုအားကလည်း ၅၀၀ မှ ၁၃၀၀ အထိ တိုးတက်သွားခဲ့၏။</p> <p> </p> <p>“ဘယ်လိုပဲဖြစ်ဖြစ် ဒါက တစ်ဦးတည်း ပစ်မှတ်ထားတဲ့ တိုက်ခိုက်မှု မဟုတ်ဘဲ ဧရိယာတိုက်ခိုက်မှု ဖြစ်နေတဲ့အတွက် ဒီအပိုဆောင်း တိုက်ခိုက်မှုအားက သိပ်တော့ မပြင်းထန်လှဘူး”</p> <p> </p> <p>“တစ်ကြိမ် အသုံးပြုလိုက်ရုံနဲ့ ရလာတဲ့ စုစုပေါင်း ပျက်စီးမှုအားက လျပ်တပျက် အရိပ်ခုတ်ချက်နဲ့တောင် ယှဉ်လို့ မရနိုင်သေးဘူး...”</p> <p> </p> <p>“ဒါပေမဲ့ မိစ္ဆာအသေးလေးတွေကို ရှင်းလင်းဖို့အတွက်တော့ ဒါက နတ်ဘုရားအဆင့် စွမ်းရည်တစ်ခုပဲ”</p> <p> </p> <p>လျပ်တပျက် အရိပ်ခုတ်ချက်တွင် ၅ မီတာ ခုတ်ပိုင်းနိုင်စွမ်း ရှိသော်လည်း ၎င်းက အဆုံး၌ မျဉ်းဖြောင့်စွမ်းရည် တစ်ခုသာ ဖြစ်၏။</p> <p> </p> <p>တိုက်ပွဲအတော်များများ၌ ၎င်းက ဧရိယာတစ်ခုလုံးရှိ မိစ္ဆာအသေးလေးများ အားလုံးကို မရှင်းလင်းနိုင်ချေ။</p> <p> </p> <p>သို့သော် ‘ညအမှောင်ခွင်းဓား’ ကမူ ကွာခြားပေသည်။</p> <p> </p> <p>မိမိ၏ ပတ်ပတ်လည် ၁၂ မီတာအတွင်းရှိ အမှောင်ဒြပ်စင် ပျက်စီးမှုအားဆိုသည်မှာ အချင်း ၂၄ မီတာရှိသော စက်ဝိုင်းပုံ ဧရိယာတစ်ခုနှင့် ညီမျှပေသည်။</p> <p> </p> <p>အကယ်၍ ချင်ဖုန်းသာ ထိုစွမ်းရည်ကို အရင်ကတည်းက သင်ယူထားခဲ့မည်ဆိုပါလျှင် အောက်ဘုံဝိညာဉ်နယ်မြေကို ရှင်းလင်းသည့် သူ၏ အမြန်နှုန်းမှာ နှစ်ဆခန့် ပိုမြန်သွားမည် ဖြစ်၏။</p> <p> </p> <p>ထိုစွမ်းရည်ကို သင်ယူပြီးနောက် ချင်ဖုန်းက နောက်ထပ် ပလက်တီနမ်အဆင့် လုပ်ကြံသတ်ဖြတ်သူပစ္စည်းကိရိယာကို ကြည့်လိုက်သည်။</p> <p> </p> <p>【အငြိုးကြီး သားရေချပ်ဝတ် (ပလက်တီနမ်အဆင့်) - ရုပ်ပိုင်းဆိုင်ရာ ကာကွယ်မှု + ၅၅၊ ဒြပ်စင်အားလုံးဆိုင်ရာ ခံနိုင်ရည် + ၄၅။ ပျက်စီးမှု တားဆီးခြင်း + ၄၂၊ သွေးပမာဏ + ၇၇၇။ ဝတ်ဆင်ရန် လိုအပ်ချက် - အဆင့် ၁၂။】</p> <p> </p> <p>【အငြိုးတရား - တိုက်ခိုက်ခံရပြီးနောက် အခြေခံ တိုက်ခိုက်မှုအား ၃၀ ကို ရရှိမည်။】</p> <p> </p> <p>အဆင့် ၁၂ သို့ ရောက်သည်နှင့်တစ်ပြိုင်နက် ချင်ဖုန်း ဝတ်ဆင်ထားသော အဆင့် ၅ ရွှေအဆင့် ‘တစ္ဆေမီးတောက် သားရေချပ်ဝတ်’ ကို အစားထိုးနိုင်ပြီ ဖြစ်၏။</p> <p> </p> <p>‘အငြိုးတရား’ အထူးအာနိသင်က သိပ်အသုံးမဝင်လှသော်လည်း မရှိတာထက်စာလျှင် ပိုကောင်းပေသည်။ ထို့ပြင် ဤသားရေချပ်ဝတ်၏ အခြေခံကာကွယ်မှု၊ ခံနိုင်ရည်နှင့် တားဆီးနိုင်စွမ်းတို့က အလွန် မြင့်မားလှ၏။</p> <p> </p> <p>ဘော့စ်ထံမှ ကျကျန်ခဲ့သည့် အခြားသော တိုက်ပွဲဝင်ပစ္စည်းများမှာ စုစုပေါင်း အခုနှစ်ဆယ်ခန့် ရှိပေသည်။</p> <p> </p> <p>၎င်းတို့ အားလုံးကို ရောင်းချလိုက်ပါက သက်တမ်း ရက်တစ်သောင်းကျော် ရရှိမည် ဖြစ်၏။</p> <p> </p> <p>ဤရွှေအဆင့်ဘော့စ် ‘အငြိုးကြီးတစ္ဆေ’ ကို သတ်ဖြတ်လိုက်ချိန်၌ အငြိုးကြီးတစ္ဆေက သက်တမ်း ရက် ၁၀၀၀ ကျော်လေးသာ ပေးခဲ့ပြီး လောဘလက်မှ ရရှိသော အပိုဆုကြေး ငါးခုနှင့် ပေါင်းလိုက်လျှင်ပင် ၆၃၀၀ ရက်သာ ရှိသေးပေသည်။</p> <p> </p> <p>“ငါ အခု သင်္ချိုင်းဂူထဲ ဝင်လို့ရပြီ၊ ပစ္စည်းကောင်းတချို့ရဖို့တော့ မျှော်လင့်ရတာပဲ... စီးတော်ယာဉ်တစ်ကောင်ရရင် အကောင်းဆုံးပဲ”</p> <p> </p> <p>ချင်ဖုန်းက ဟောင်းနွမ်းပျက်စီးနေသော ကျောက်တံခါးရှေ့သို့ ရောက်လာကာ ၎င်းကို တွန်းဖွင့်လိုက်လေသည်။</p> <p> </p> <p>ထိုအချိန်၌ပင်...</p> <p> </p> <p>ရှဲလ်မြို့ငယ်လေးထဲရှိ ချင်ရှောင်ယွဲ့မှာမူ တွေဝေမှုများနှင့် မျှော်လင့်ချက်ကင်းမဲ့ခြင်းထဲသို့ ကျဆင်းနေခဲ့လေသည်။</p> <p> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save