Book List

<h2 style="text-align: center;">အခန်း (၆၈)</h2> <h2 style="text-align: center;">စီးတော်ယာဉ်တစ်ခု ထွက်လာတာလား</h2> <h2 style="text-align: center;">*</h2> <p> </p> <p> </p> <p>အန်းယွီ၏ ဆူပူကြိမ်းမောင်းခြင်းကို ခံလိုက်ရပြီးနောက် မာနိုင်းလျန်မှာ မျက်နှာငယ်လေး ဖြစ်သွားသည်။</p> <p> </p> <p>သူက သိပ်ပြီး နားမလည်နိုင်ခဲ့ချေ။</p> <p> </p> <p>အရိပ်က သွေးကြောင်သော လုပ်ကြံသတ်ဖြတ်သူတစ်ယောက်သာ မဟုတ်ပါလော။</p> <p> </p> <p>သူတို့၏ ကိုယ်ဖျောက်မြင်နိုင်စွမ်းအဆင့်သာ မှီနေပါလျှင် အရိပ်ကို မထိန်းချုပ်နိုင်မည်အား ကြောက်နေစရာ လိုပါဦးမည်လော။</p> <p> </p> <p>အစိုးရက အရိပ်ကို အဘယ်ကြောင့် စိုးရိမ်နေရပါမည်နည်း။</p> <p> </p> <p>အန်းယွီက သူ့ကို လုံးဝ လစ်လျူရှုထားလိုက်၏။</p> <p> </p> <p>“ကဲပါ၊ လူစုခွဲကြ၊ ဘော့စ်တွေကို ဆက်ရှာကြမယ်”</p> <p> </p> <p>အန်းယွီက လက်ဝှေ့ယမ်းလိုက်ကာ မာနိုင်းလျန်အပါအဝင် သူမ၏ ပတ်ဝန်းကျင်ရှိ အခြားသောအစိုးရဝန်ထမ်းများကို အဝေးသို့ လွှတ်လိုက်သည်။</p> <p> </p> <p>သူတို့ ထွက်သွားပြီးနောက်တွင် အန်းယွီက ရှေ့သို့တက်သွားကာ ဘော့စ်ထံမှ ကျကျန်ခဲ့သော ပစ္စည်းများကို ကောက်ယူလိုက်၏။</p> <p> </p> <p>“နတ်ဆရာအတွက် ရွှေအဆင့်ပစ္စည်းကိရိယာတစ်ခုရယ်၊ ငွေအဆင့်ပစ္စည်းတစ်ခုရယ်၊ ငွေအဆင့်စွမ်းရည်စာအုပ် တစ်အုပ်ရယ်...”</p> <p> </p> <p>“ဟူး”</p> <p> </p> <p>“ဂုရုကြီးက ပေါ့ပေါ့ပါးပါးလေး လှုပ်ရှားလိုက်တာတောင် ငါတို့ကို ရွှေအဆင့်တွေသာမက ပလက်တီနမ်အဆင့်ပစ္စည်းတွေပါ အများကြီး ရောင်းပေးနိုင်တယ်”</p> <p> </p> <p>“သူက ဘော့စ်တွေ ဘယ်လောက်တောင် သတ်ခဲ့ပြီးပြီလဲ”</p> <p> </p> <p>“ဒါမှမဟုတ် သူ့ရဲ့ ပါရမီက ရတနာရှာဖွေခြင်းများလား”</p> <p> </p> <p>“အဲ့ဒီပစ္စည်းတွေအားလုံးက ရတနာသေတ္တာတွေ ဖွင့်ပြီး ရလာတာများလား”</p> <p> </p> <p>အန်းယွီမှာ လုံးဝ နားမလည်နိုင်အောင် ဖြစ်နေ၏။</p> <p> </p> <p>ဤအချိန်၌ ဝမ်မုန့်က ပြေးလာကာ အနည်းငယ် တွေဝေစွာဖြင့် မေးလိုက်သည်။ “တကယ်တော့ ငါတို့က အရိပ်ရဲ့ စရိုက်ကို မသိသေးဘူးလေ။ နောက်ကျရင် သူက လူတွေကို ထပ်သတ်နေရင်ရော ဘယ်လိုလုပ်မလဲ။ ငါတို့က သူ့အတွက် ဆက်ပြီး လိုက်ရှင်းပေးနေရမှာလား။ အထက်က လူကြီးတွေကလည်း သဘောထား ကွဲလွဲမှုတွေ ရှိလာနိုင်တယ်”</p> <p> </p> <p>အန်းယွီက ခေါင်းခါလိုက်၏။ “အထက်က ဘယ်လိုပဲတွေးတွေး... ငါကတော့ အရိပ်နဲ့ ပူးပေါင်းဆောင်ရွက်ဖို့ပဲ တောင်းဆိုမယ်။ အထက်ကလူတွေက သူ့အတွက် လိုက်မရှင်းပေးချင်ဘူးဆိုရင်တောင် ငါကိုယ်တိုင် သူ့နောက်ကနေ လိုက်ရှင်းပေးမယ်”</p> <p> </p> <p>ဝမ်မုန့် “…”</p> <p> </p> <p>လင်းလီယွီ “…”</p> <p> </p> <p>ကုယုရွှယ် “…”</p> <p> </p> <p>မျက်စိလျင်သော လေးသမား၊ ကဒ်သခင် ဦးလေးကြီး “…”</p> <p> </p> <p>...</p> <p> </p> <p>နာကြည်းမှု သင်္ချိုင်းဂူ၏ အနက်ရှိုင်းဆုံး အပိုင်းတွင်။</p> <p> </p> <p>ချင်ဖုန်းက ရှေ့သို့ တောက်လျှောက် ချီတက်သွားခဲ့ကာ ကြေးအဆင့်ဘော့စ်များနှင့် ငွေအဆင့်ဘော့စ်အချို့ အပါအဝင် မိစ္ဆာအသေးလေး အကောင်နှစ်ရာကျော်ကို ရှင်းလင်းခဲ့၏။</p> <p> </p> <p>သူ၏ အတွေ့အကြုံအမှတ်မှာလည်း အဆင့် ၁၁ ခွဲသို့ ရောက်ရှိသွားခဲ့ပြီ ဖြစ်သည်။</p> <p> </p> <p>အဆင့် ၁၂ သို့ ရောက်ရန် သိပ်မလိုတော့ချေ။</p> <p> </p> <p>နောက်ဆုံးတွင် သူက သင်္ချိုင်းဂူ၏ အနက်ရှိုင်းဆုံးအပိုင်းသို့ ရောက်ရှိသွားခဲ့ကာ ရွှေရောင်ခေါင်းတလားတစ်လုံးကို တွေ့လိုက်ရ၏။ ဤသင်္ချိုင်းဂူကို စူးစမ်းလေ့လာခြင်း၏ နောက်ဆုံးဆုကြေးမှာ ထိုခေါင်းတလားထဲတွင် ရှိနေပေသည်။</p> <p> </p> <p>သို့သော်...</p> <p> </p> <p>ခေါင်းတလားကို ဖွင့်လိုက်ပါက ဘော့စ်တစ်ကောင်ကို သေချာပေါက် ဆင့်ခေါ်မိမည်ပင်။</p> <p> </p> <p>“သွား”</p> <p> </p> <p>ချင်ဖုန်းက ကြည်ညိုသူကို ဆင့်ခေါ်လိုက်ကာ ရှေ့သို့သွား၍ ခေါင်းတလား အဖုံးကို ဖွင့်ရန် အမိန့်ပေးလိုက်သည်။</p> <p> </p> <p>ကြည်ညိုသူက ခေါင်းတလားကို ဖွင့်လိုက်သည်တွင် ထိုထဲမှနေ၍ ဖြူဖျော့ဖျော့မြူခိုးများ ပန်းထွက်လာကာ ပတ်တီးများ ရစ်ပတ်ထားသော ဖုတ်ကောင်တစ်ကောင်အဖြစ် စုစည်းသွားတော့၏။</p> <p> </p> <p>【နာကြည်းမှုသားတော် (အဆင့် ၁၂)】</p> <p> </p> <p>【အဆင့် - ရွှေအဆင့်】</p> <p> </p> <p>“ချီးထဲမှ... ဘာသားတော်ကြီးလဲကွာ”</p> <p> </p> <p>ရွှေအဆင့်ဘော့စ်တစ်ကောင်သာ ဖြစ်နေသည်ကို မြင်လိုက်ရချိန်၌ ချင်ဖုန်းမှာ စိတ်ပျက်သွား၏။</p> <p> </p> <p>၎င်း၏ ပုံပန်းသဏ္ဍာန် အပြည့်အဝ စုစည်းသွားသည်ကိုပင် သူက စောင့်မနေတော့ဘဲ ကပ်ရောဂါဓားကို ကိုင်ဆောင်လျက် သိမ်မွေ့သော လွတ်မြောက်ခြင်းနှင့် လျပ်တပျက် အရိပ်ခုတ်ချက်တို့ကို ချက်ချင်း အသုံးပြုလိုက်လေသည်။</p> <p> </p> <p>ပတ်တီးများ ရစ်ပတ်ထားသော ဖုတ်ကောင်၏ ခန္ဓာကိုယ်ပေါ်၌ ဓားအလင်းတန်းကိုးချက် ချက်ချင်း ပွင့်လန်းသွားတော့၏။</p> <p> </p> <p>ပျက်စီးမှု ကိန်းဂဏန်း ကိုးခု ထွက်ပေါ်လာသည်။</p> <p> </p> <p>“ဝုန်း…”</p> <p> </p> <p>တိုက်ခိုက်ခံလိုက်ရသည်နှင့်တစ်ပြိုင်နက် နာကြည်းမှုသားတော်မှာ သွေးတစ်ဝက်ကျော် ချက်ချင်း လျော့ကျသွားခဲ့၏။</p> <p> </p> <p>တစ်စက္ကန့်အကြာတွင်...</p> <p> </p> <p>၎င်း၏ ခေါင်းပေါ်၌ ပိုမိုမြင့်မားသော ပျက်စီးမှု ကိန်းဂဏန်းကိုးခု ထပ်မံ ပေါက်ကွဲထွက်ပေါ်လာကာ ၎င်းမှာ ချက်ချင်းပင် အသတ်ခံလိုက်ရလေသည်။</p> <p> </p> <p>“သောက်ကျိုးနည်း... ဟိုဟာဒီဟာတွေ လုပ်ပြနေပြီးတော့ ဒီကောင်က ဝင်ပေါက်မှာရှိတဲ့ အငြိုးကြီးတစ္ဆေထက်တောင် ပိုအားနည်းနေသေးတယ်”</p> <p> </p> <p>ချင်ဖုန်းက ခေါင်းခါယမ်းလိုက်သည်။</p> <p> </p> <p>ဤသို့သော နှိုင်းယှဉ်ချက်အရ ပိုမိုကြွပ်ဆတ်သော ဘော့စ်များက ကစားသမားများအတွက် ပို၍ကြီးမားသော ခြိမ်းခြောက်မှုတစ်ခု ဖြစ်တတ်ကြောင်း သူသိထားပေသည်။ အဘယ်ကြောင့်ဆိုသော် ၎င်းတို့ထံ၌ ပိုမိုများပြားသော တိုက်ခိုက်ရေးနည်းလမ်းများနှင့် ပိုမိုမြင့်မားသော ပျက်စီးမှုအားများ ရှိနေတတ်သောကြောင့်ပင်။</p> <p> </p> <p>သို့သော် သူ့အတွက်မူ ကိစ္စမရှိချေ။</p> <p> </p> <p>မည်သို့ပင်ဖြစ်စေကာမူ သူထံ၌ ရွှေအဆင့်အရာများအားလုံးက ချက်ချင်း အသတ်ခံရမည်သာ ဖြစ်၏။</p> <p> </p> <p>နာကြည်းမှုသားတော်ကို သတ်ဖြတ်ပြီးနောက် သူက လောမနေဘဲ ဖြည်းဖြည်းချင်း စောင့်ဆိုင်းနေလိုက်သည်။</p> <p> </p> <p>“နာကြည်းမှုရဲ့ သားတောင် ရှိတယ်ဆိုရင် နာကြည်းမှုရဲ့ အဖေရော မရှိဘူးလို့ ဘယ်သူက ပြောနိုင်မှာလဲ”</p> <p> </p> <p>ဤနတ်ဘုရားစွန့်ပစ်ဂိမ်းထဲတွင် ထောင်ချောက်များက အင်မတန် များပြားလွန်းလှပေသည်။</p> <p> </p> <p>တစ်ခါတစ်ရံ၌ နောက်ဆုံးဘော့စ်ဟု ထင်ရသော အရာများက အမြည်းတစ်ခုသာ ဖြစ်နေတတ်၏။</p> <p> </p> <p>ချင်ဖုန်းက သူ၏ အတိတ်ဘဝတွင် ဤ ‘နာကြည်းမှု သင်္ချိုင်းဂူ’ ကို တစ်ခါမှ မတွေ့ဖူးခဲ့သဖြင့် နောက်ဆုံးရလဒ်က ဘာဖြစ်လာမည်ကို သူ မသိချေ။</p> <p> </p> <p>နာရီဝက်ခန့် စောင့်ဆိုင်းပြီးနောက် သင်္ချိုင်းဂူထဲတွင် နောက်ထပ် မည်သည့် လှုပ်ရှားမှုမှ မရှိတော့ပေ။</p> <p> </p> <p>ထိုအချိန်ကျမှသာ ချင်ဖုန်းက ကြည်ညိုသူကို ရှေ့သို့သွားခိုင်းလိုက်ကာ နာကြည်းမှုသားတော်အလောင်းကို ထောင့်တစ်နေရာဆီသို့ ဆွဲယူသွားခိုင်းလိုက်၏။</p> <p> </p> <p>လောဘလက်။</p> <p> </p> <p>သူက အရင်ဆုံး ပစ္စည်းများကို ကောက်ယူလိုက်ရာ တိုက်ပွဲဝင်ပစ္စည်း တစ်ပုံတစ်ပင်ကြီးကို အောင်မြင်စွာ ရရှိလိုက်လေသည်။</p> <p> </p> <p>ချင်ဖုန်းက ၎င်းတို့ကို တစ်ချက်ကြည့်လိုက်ရာ ပလက်တီနမ်အဆင့် ပစ္စည်းခြောက်ခု ပါဝင်သော်လည်း ကံဆိုးစွာဖြင့်   လုပ်ကြံသတ်ဖြတ်သူအတွက် တစ်ခုမှ ပါမလာခဲ့ချေ။</p> <p> </p> <p>“ဘာကို နာကြည်းမှုရဲ့ သားတော်လဲ၊ သုံးစားမရတဲ့ကောင်ကြီး...”</p> <p> </p> <p>ချင်ဖုန်းက ခေါင်းခါယမ်းလိုက်၏။</p> <p> </p> <p>ထို့နောက် သူက ကြည်ညိုသူကို ရှေ့သို့သွားခိုင်းလိုက်ကာ ခေါင်းတလားကို စစ်ဆေးရန် အမိန့်ပေးလိုက်သည်။</p> <p> </p> <p>ကြည်ညိုသူက လက်လှမ်းလျက် အတွင်းသို့ ခေါင်းပြူ၍ ကြည့်လိုက်ချိန်၌ပင်...</p> <p> </p> <p>ဝုန်း။</p> <p> </p> <p>ရုတ်တရက် ခေါင်းတလားထဲမှနေ၍ ဖြူဖျော့ဖျော့ အလင်းတန်းတစ်ခု ပေါက်ကွဲထွက်ပေါ်လာကာ ကြည်ညိုသူ၏ ခေါင်းကို တိုက်ရိုက် ကြေမွသွားစေလိုက်၏။</p> <p> </p> <p>-၁၂၉၈၈ (အားနည်းချက်ကို တိုက်ခိုက်မှု)</p> <p> </p> <p>【သင် ဆင့်ခေါ်ထားသော 'ကြည်ညိုသူ (ငွေအဆင့်)' သေဆုံးသွားပါသည်။】</p> <p> </p> <p>ချင်ဖုန်းက စနစ်၏ အသိပေးချက်ကို လက်ခံရရှိလိုက်ပြီးနောက် သက်ပြင်းချလိုက်မိ၏။</p> <p> </p> <p>ကြည်ညိုသူကို ရှေ့သွား၍ ကြည့်ခိုင်းလိုက်သည်က တော်သေးပေသည်။ မဟုတ်ပါလျှင် ကြေမွသွားမည့်ခေါင်းက သူ့ခေါင်း ဖြစ်နေလိမ့်မည်ပင်။</p> <p> </p> <p>ကံဆိုးစွာဖြင့်ပင် ဖြူဖျော့ဖျော့ အလင်းတန်း ပေါက်ကွဲထွက်လာပြီးနောက် နောက်ထပ် မည်သည့်လှုပ်ရှားမှုမျှ မရှိတော့ချေ။</p> <p> </p> <p>ချင်ဖုန်း မျှော်လင့်ထားခဲ့သော ပလက်တီနမ်အဆင့် ‘နာကြည်းမှု၏ အဖေ’ က ပေါ်မလာခဲ့သဖြင့် သူက အကြီးအကျယ် စိတ်ပျက်သွား၏။</p> <p> </p> <p>“ရွှေအဆင့် ဆုကြေးကိုပဲ ဖွင့်ယူလို့ ရတော့မယ့်ပုံပဲ...”</p> <p> </p> <p>ချင်ဖုန်းက ခေတ္တမျှ စောင့်ဆိုင်းလိုက်ပြီးနောက် ကြည်ညိုသူ၏ ဆင့်ခေါ်ရန်အတွက် ပြန်လည်အသုံးပြုရန်ကြာချိန် ကုန်ဆုံးသွားချိန်၌ နောက်တစ်ကောင်ကို ထပ်မံ ဆင့်ခေါ်လိုက်လေသည်။</p> <p> </p> <p>တူညီသော ဆင့်ခေါ်ခံ သတ္တဝါများကို အထူးသတ်မှတ်ထားခြင်း မရှိပါက တစ်ချိန်တည်းတွင် တစ်ကောင်သာ တည်ရှိနိုင်ပေသည်။</p> <p> </p> <p>ချင်ဖုန်းက ကြည်ညိုသူကို ဆင့်ခေါ်ပြီးနောက် ထိုကြည်ညိုသူကို ရှေ့သို့ နောက်တစ်ကြိမ် လွှတ်လိုက်၏။</p> <p> </p> <p>တွန့်လိမ်ပိန်ချုံးနေသော ဖြူဖျော့ဖျော့သတ္တဝါပုံစံ ကြည်ညိုသူက ခေါင်းတလားဘေးသို့ သစ္စာရှိရှိ ရောက်လာကာ ၎င်းကို ထပ်ဖွင့်ရန် လက်လှမ်းလိုက်သည်။</p> <p> </p> <p>ဝုန်း။</p> <p> </p> <p>ဖြူဖျော့ဖျော့အလင်းတန်းက ပေါက်ကွဲထွက်ပေါ်လာပြန်ကာ နောက်ထပ် ကြည်ညိုသူတစ်ကောင် ထပ်မံ သေဆုံးသွားပြန်၏။</p> <p> </p> <p>“တော်လောက်ပြီ”</p> <p> </p> <p>ချင်ဖုန်း၏ မျက်ခွံများ လှုပ်ရှားသွားလေသည်။</p> <p> </p> <p>အကယ်၍ ဤအရာကသာ တခြားတစ်ယောက်ယောက်ဆိုလျှင် အကြိမ်ကြိမ် သေနေလောက်ပြီ မဟုတ်ပါလော။</p> <p> </p> <p>မိစ္ဆာများကို ရှင်းလင်းရသည်က အဆင်ချောနေပြီး ရတနာသေတ္တာ ဖွင့်သည့်နေရာကျမှ လာပိတ်မိနေလိမ့်မည်ဟု ချင်ဖုန်းက လုံးဝ ထင်မထားခဲ့ချေ။</p> <p> </p> <p>“ဒီနေရာမှာ အချိန်ဖြုန်းနေလို့ မရဘူး”</p> <p> </p> <p>“ရတနာသေတ္တာကို ရဖို့ ငါ နည်းလမ်းရှာမှ ဖြစ်မယ်။ တစ်ကြိမ်သေသွားရင်တောင် ငါ့ဆီမှာ တစ္ဆေမီးတောက် ခေါင်းလောင်း ရှိနေတာပဲ၊ ဘာမှ ဆုံးရှုံးစရာ မရှိဘူး”</p> <p> </p> <p>ချင်ဖုန်းက ကြည်ညိုသူကို ထပ်မံဆင့်ခေါ်ရန် စောင့်မနေတော့ချေ။</p> <p> </p> <p>ထိုအစား သူက ‘အနက်ရောင်အလင်းဒိုင်း’ ကို ဖွင့်လှစ်လိုက်ကာ ခေါင်းတလားရှေ့သို့ ကိုယ်တိုင်သွားရောက်လိုက်၏။</p> <p> </p> <p>ထို့နောက် သူက လက်လှမ်းလိုက်သည်။</p> <p> </p> <p>သို့သော် မည်သည့် တုံ့ပြန်မှုမှ မရှိချေ။</p> <p> </p> <p>“နှစ်ကြိမ်တည်းလား”</p> <p> </p> <p>ချင်ဖုန်းက တွေးတောမိလိုက်သည်။ ဂိမ်း၏ အစောပိုင်းရှိ ထောင်ချောက်တစ်ခုအတွက် နှစ်ကြိမ်ဆိုသည်မှာပင် အနည်းငယ် လွန်လွန်းနေပြီဖြစ်လေရာ နောက်ထပ် ရှိတော့မည် မဟုတ်ချေ။</p> <p> </p> <p>ထိုအချိန်ကျမှသာ သူက ခေါင်းပြူ၍ ထောင်ချောက်ထဲသို့ တစ်ချက်ကြည့်လိုက်၏။</p> <p> </p> <p>“ရွှေအဆင့် ရတနာသေတ္တာပဲ”</p> <p> </p> <p>“ဖွင့်မယ်”</p> <p> </p> <p>သူက လက်လှမ်းကာ ရတနာသေတ္တာကို ဖွင့်လိုက်လေသည်။</p> <p> </p> <p>ရတနာသေတ္တာထဲမှ မှိန်ပျပျ ရွှေရောင်အလင်းတန်းတစ်ခု ထွက်ပေါ်လာ၏။</p> <p> </p> <p>ချင်ဖုန်း၏ မျက်စိရှေ့၌ ပေါ်လာသည်မှာ ဖြူဖျော့ဖျော့ စီးတော်ယာဉ် ခေါင်းလောင်းတစ်ခုပင်။</p> <p> </p> <p>“ဒါက... စီးတော်ယာဉ်ခေါင်းလောင်းလား”</p> <p> </p> <p>“စီးတော်ယာဉ်တစ်ခု တကယ် ထွက်လာတာလား”</p> <p> </p> <p>ချင်ဖုန်းမှာ အံ့ဩသွားလေသည်။</p> <p> </p> <p>ဤသင်္ချိုင်းဂူမှနေ၍ စီးတော်ယာဉ်တစ်ခု ထွက်လာခဲ့လျှင် သိပ်ကောင်းမည်ဟု ယခုလေးတင် သူတွေးနေခဲ့ခြင်း ဖြစ်သည်။</p> <p> </p> <p>ရလဒ်ကမူ...</p> <p> </p> <p>တကယ် ထွက်လာခဲ့၏။</p> <p> </p> <p>“ငါ့ကံက အရမ်း ကောင်းလွန်းနေတာလား”</p> <p> </p> <p>“ဒါမှမဟုတ် လင်းလီယွီကြောင့်လား”</p> <p> </p> <p>မည်သို့ပင်ဆိုစေကာမူ ဤသင်္ချိုင်းဂူကို လင်းလီယွီက မတော်တဆ ရှာဖွေတွေ့ရှိခဲ့ခြင်းပင်။</p> <p> </p> <p>ထိုအမျိုးသမီးထံတွင် နားလည်ရခက်ခဲသော ကံတရားများ ရှိနေကြောင်း ချင်ဖုန်းမှာ ဝန်ခံရတော့မည်ပင်။</p> <p> </p> <p>မည်သို့ပင်ဖြစ်စေကာမူ ချင်ဖုန်း၏ ပထမဆုံး စီးတော်ယာဉ်က လက်ထဲသို့ ရောက်ရှိလာခဲ့ပြီ ဖြစ်၏။</p> <p> </p> <p>“အဲ့ဒါက ဘာဖြစ်မလဲဆိုတာ မသိရသေးပေမဲ့ စီးတော်ယာဉ်တစ်ကောင်သာဆိုရင် ငါ့ရဲ့ ခရီးသွားနှုန်းကို သေချာပေါက် အဆများစွာ မြန်ဆန်သွားစေမှာပဲ”</p> <p> </p> <p>“လာစမ်း”</p> <p> </p> <p>ချင်ဖုန်းက လက်လှမ်းကာ စီးတော်ယာဉ်ခေါင်းလောင်းကို ကောက်ယူလိုက်လေသည်။</p> <p> </p> <p>【စီးတော်ယာဉ် ခေါင်းလောင်း (တစ္ဆေညခရီးသွားဝံပုလွေ) - အသုံးပြုပြီးနောက် တစ္ဆေညခရီးသွားဝံပုလွေ (အဆင့် ၁၂) တစ်ကောင်ကို ဆင့်ခေါ်နိုင်ပြီး တိုက်ပွဲတွင် ကူညီပေးနိုင်ကာ စီးနင်းနိုင်သည်။ လိုအပ်သော အဆင့် - ၁၂။】</p> <p> </p> <p>တစ္ဆေညခရီးသွားဝံပုလွေလော။</p> <p> </p> <p>ချင်ဖုန်းမှာ အနည်းငယ် အံ့အားသင့်သွား၏။</p> <p> </p> <p>ဤအကောင်က ဂိမ်း၏အစောပိုင်းတွင် ရရှိနိုင်သော အမြန်ဆုံး စီးတော်ယာဉ်များထဲမှ တစ်ခု ဖြစ်ပေသည်။</p> <p> </p> <p>“မဆိုးဘူး၊ တကယ့်ကို ကြီးမားတဲ့ အမြတ်ပဲ”</p> <p> </p> <p>“အသုံးပြုဖို့ အဆင့် ၁၂ လိုနေတာပဲ ဆိုးတယ်။ အရင်ဆုံး မိစ္ဆာတချို့ကို သတ်ပြီး အဆင့် ၁၂ ရောက်အောင် အရင်တင်ရဦးမယ်”</p> <p> </p> <p>ချင်ဖုန်းက မူလလမ်းကြောင်းအတိုင်း ပြန်ထွက်လာခဲ့လေသည်။</p> <p> </p> <p>တစ်ချိန်တည်း၌ပင်...</p> <p> </p> <p>ရှုခင်းအလှအိမ်ရာရှိ တိုက်အမှတ် ၁၁၊ ဆယ့်တစ်ထပ်မြောက်တွင်။</p> <p> </p> <p>ချင်ရှောင်ယွဲ့က ချင်ဖုန်းကို အကူအညီ တောင်းရန်အတွက် ညတွင်းချင်း အိမ်သို့ ပြန်ပြေးလာခဲ့သော်လည်း တံခါးဖွင့်ဝင်ကာ နေရာအနှံ့ရှာကြည့်ပြီးနောက် သူမမှာ ချက်ချင်းဆိုသလို ကြောင်အမ်းအမ်း ဖြစ်သွားလေသည်။</p> <p> </p> <p>ချင်ဖုန်း...</p> <p> </p> <p>ပျောက်သွားလေပြီ။</p> <p> </p> <p>ချင်ဖုန်းမှာ ပျောက်ကွယ်သွားရုံသာမက ချင်ဖုန်း၏ ကုတင်၊ စားပွဲ၊ အဝတ်အစားများနှင့် အခြားသော အရာများအားလုံးပါ ပျောက်ကွယ်သွားခဲ့ပြီ ဖြစ်သည်။</p> <p> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save