Book List

<h2 style="text-align: center;">အခန်း (၆၉)</h2> <h2 style="text-align: center;">ပွဲကြည့်စင် အပျက်အစီးများကို ရှင်းလင်းခြင်း</h2> <h2 style="text-align: center;">*</h2> <p> </p> <p> </p> <p>“သူ ဘယ်ရောက်သွားတာလဲ”</p> <p> </p> <p>ချင်ရှောင်ယွဲ့မှာ ကြောင်အမ်းအမ်း ဖြစ်နေ၏။</p> <p> </p> <p>သူမက ဟာလာဟင်းလင်း ဖြစ်နေသော ချင်ဖုန်း၏ အခန်းကို ကြည့်ကာ သူမ၏ မျက်လုံးများကိုပင် မယုံနိုင်အောင် ဖြစ်နေလေသည်။</p> <p> </p> <p>သူမက စက္ကန့်အနည်းငယ်ခန့် ကြောင်အမ်းနေပြီးနောက် အလျင်အမြန် ဖုန်းထုတ်ကာ ခေါ်ကြည့်လိုက်သည်။ သို့သော် ဖုန်းပိတ်ထားကြောင်းသာ စနစ်က ဖြေကြားလာ၏။</p> <p> </p> <p>သူမက အတော်ကြာအောင် ရှာဖွေပြီးနောက် ချင်ဖုန်း၏ ဖုန်းကို အမှိုက်ပုံးထဲမှ တွေ့လိုက်ရသည်။ ထိုဖုန်းမှာ လုံးဝ ကွဲကြေနေကာ အသုံးပြု၍ မရနိုင်တော့ကြောင်း သိလိုက်ရ၏။</p> <p> </p> <p>သူမအနေဖြင့် အချက်အလက်တစ်ခုကို လက်ခံရတော့မည်ဖြစ်ကြောင်း သဘောပေါက်သွားလေသည်။</p> <p> </p> <p>ချင်ဖုန်းနှင့် သူမက အဆက်အသွယ် လုံးဝ ပြတ်တောက်သွားခဲ့ခြင်းပင်။</p> <p> </p> <p>...</p> <p> </p> <p>ချင်ဖုန်းက နာကြည်းမှု သင်္ချိုင်းဂူမှ ထွက်ခွာလာခဲ့၏။</p> <p> </p> <p>ရေတွင်း၏ အောက်ခြေမှနေ၍ သူက လျပ်တပျက် အရိပ်ခုတ်ချက်ကို တိုက်ရိုက်အသုံးပြုကာ ရေတွင်းဝမှ အပြင်သို့ ထွက်လာပြီး မြေပြင်ပေါ်သို့ ပြန်လည်ရောက်ရှိလာခဲ့သည်။</p> <p> </p> <p>ထို့နောက် သူ၏ အတွေ့အကြုံအမှတ်ဇယားကို တစ်ချက်ကြည့်လိုက်၏။</p> <p> </p> <p>“အဆင့် ၁၂ ရောက်ဖို့ တစ်ဝက်တောင် မလိုတော့ဘူး”</p> <p> </p> <p>“ငါ အရင်ဆုံး အဆင့်တင်ရမယ်”</p> <p> </p> <p>သူ့အတွက် နောက်ထပ် ကြီးမားသော တိုးတက်မှုမှာ 'ဝိညာဉ်ဝါးမျိုသူ' သွေးမျိုးဆက် မိစ္ဆာတစ်ကောင်ကို ရှာဖွေရန် ဖြစ်သည်။</p> <p> </p> <p>သို့သော် ချင်ဖုန်း၏ မှတ်ဉာဏ်များအရ ထိုအကောင်က ကျန်းဟိုင်မြို့ဟောင်းအပျက်အစီးများတစ်ဝိုက်တွင် ပေါ်လာလေ့ မရှိချေ။</p> <p> </p> <p>“အရင်ဆုံး ငါ အဆင့် ၁၅ ကို တင်ပြီးရင် မြို့ဟောင်းအပျက်အစီးတွေကြားက နေရာပြောင်းရွှေ့စက်ဝန်းကို ဖွင့်မယ်၊ ပြီးမှ နတ်ဆိုးမြို့တော်အပျက်အစီးတွေဆီ သွားရှာမယ်”</p> <p> </p> <p>သူ၏ အတိတ်ဘဝတွင် စစ်သည်တော်တစ်ဦး ဖြစ်ခဲ့သဖြင့် ချင်ဖုန်းက 'ဝိညာဉ်ဝါးမျိုသူ' နှင့် ပတ်သက်သော အသေးစိတ် အချက်အလက်များကို သေချာ မလေ့လာခဲ့ဖူးချေ။</p> <p> </p> <p>သူ ဝေဝါးဝါး မှတ်မိနေသော အချက်အလက်တစ်ခုမှာ နတ်ဆိုးမြို့တော်အပျက်အစီးများတစ်ဝိုက်၊ တိတိကျကျဆိုရသော် နတ်ဆိုးမြို့တော်အပျက်အစီးများ၏ အပြင်ဘက်ရှိ 'ထိတ်လန့်ဖွယ် ပင်လယ်သင်္ဘော' ၌ 'ဝိညာဉ်ဝါးမျိုသူ' တစ်ကောင် ပေါ်လာခဲ့ဖူးသည် ဟူ၍ပင်။</p> <p> </p> <p>အကယ်၍ ထိတ်လန့်ဖွယ် ပင်လယ်သင်္ဘော၌ သူရှာမတွေ့ခဲ့ပါက ၎င်း၏ တည်နေရာကို စုံစမ်းပေးရန် အစိုးရကို အကူအညီ တောင်းရတော့မည် ဖြစ်၏။</p> <p> </p> <p>သေချာသည်မှာ...</p> <p> </p> <p>ယခုအဆင့်တွင် အခြားကစားသမားများက မြို့ဟောင်းအပျက်အစီးများထဲ၌ပင် အသက်ရှင်သန်ရန် မနည်းကြိုးစားနေရပြီး ၎င်းတို့ထဲမှ ထွက်ခွာရန်ဆိုသည်မှာ ဝေလာဝေးပင်။</p> <p> </p> <p>ချင်ဖုန်းက သူ၏ မှတ်ဉာဏ်များအရ ကျန်းဟိုင်မြို့ဟောင်းအပျက်အစီးများထဲရှိ အကြီးမားဆုံးသော မိစ္ဆာများ စုဝေးရာ နေရာဆီသို့ စီးတော်ယာဉ်ကို စီး၍ တောက်လျှောက် ချီတက်သွားလိုက်၏။</p> <p> </p> <p>၎င်းကား ပွဲကြည့်စင် အပျက်အစီးတစ်ခု ဖြစ်ပေသည်။</p> <p> </p> <p>ထိုနေရာက ကျန်းဟိုင်မြို့ဟောင်းအပျက်အစီးများ၏ မြောက်ဘက်တွင် တည်ရှိပြီး ဘောလုံးကွင်းလေးကွင်း သို့မဟုတ် ငါးကွင်းစာခန့် ညီမျှသော ဧရိယာအကျယ်အဝန်း ရှိ၏။</p> <p> </p> <p>မြေအောက်ထပ်နှစ်ထပ်ပင် ရှိသေးကာ ရှုပ်ထွေးသော ပတ်ဝန်းကျင် အနေအထားများနှင့် မိစ္ဆာများစွာလည်း ရှိနေပေသည်။</p> <p> </p> <p>အခြားကစားသမားများအတွက်မူ ဤနေရာသို့ ရောက်လာပါက သေချာပေါက် သေဒဏ်ချမှတ်ခံရသကဲ့သို့ ဖြစ်မည်ပင်။</p> <p> </p> <p>သို့သော် အကန့်အသတ်မရှိ ကိုယ်ဖျောက်နိုင်သော ချင်ဖုန်းအတွက်မူ မည်သည့် ခြိမ်းခြောက်မှုမှ မရှိချေ။</p> <p> </p> <p>“ဒီနေရာက သန်မာတဲ့သူတွေအတွက် နိဗ္ဗာန်ဘုံပဲ”</p> <p> </p> <p>ချင်ဖုန်းက လမ်းတစ်လျှောက်ရှိ မိစ္ဆာအုပ်စုအချို့ကို ရှင်းလင်းသွားခဲ့ကာ မိနစ်အနည်းငယ်အကြာတွင် ပွဲကြည့်စင်အပျက်အစီးများဆီသို့ ရောက်ရှိသွားသည်။</p> <p> </p> <p>သူက မော့ကြည့်လိုက်ရာ ဟောင်းနွမ်းပျက်စီးနေသော နံရံများနှင့် အပျက်အစီးများကြားတွင် အမှိုက်များကို မွှေနှောက်နေကြသော 'ခြေလက်မဲ့ကောင်' အချို့ကို တွေ့လိုက်ရသည်။</p> <p> </p> <p>ရုတ်တရက်...</p> <p> </p> <p>အနက်ရောင်တောက်ပနေပြီး ထက်ရှလှသော ဓားအလင်းတန်းတစ်ခုက ပတ်ဝန်းကျင် ဧရိယာတစ်ခုလုံးကို လျပ်တပျက် ဖုံးလွှမ်းသွား၏။</p> <p> </p> <p>-၄၇၂၈။</p> <p> </p> <p>-၄၆၉၇။</p> <p> </p> <p>-၄၇၁၂။</p> <p> </p> <p>ထိုဓားအလင်းတန်း၌ ပါဝင်နေသော အမှောင်ဒြပ်စင်စွမ်းအင်က ထို 'ခြေလက်မဲ့ကောင်' များကို ထက်ဝက်တိတိ ခုတ်ပိုင်းလိုက်ကာ နေရာ၌ပင် ပွဲချင်းပြီး သေဆုံးသွားစေခဲ့လေသည်။</p> <p> </p> <p>ချင်ဖုန်း၏ ပုံရိပ်က အရိပ်များထဲမှနေ၍ ထွက်ပေါ်လာ၏။</p> <p> </p> <p>ချက်ချင်းဆိုသလိုပင် သူက ကိုယ်ဖျောက်ထားသည့် အခြေအနေသို့ ပြန်လည် ဝင်ရောက်သွားလေသည်။</p> <p> </p> <p>ခြေလက်မဲ့ကောင်များ၏ အလောင်းများထံမှ အလင်းတန်းများ ဆက်တိုက်ထွက်ပေါ်လာကာ ပြန့်ကျဲနေသော တိုက်ပွဲဝင်ပစ္စည်းများ ကျကျန်ခဲ့၏။</p> <p> </p> <p>ဤအဆင့် ၁၁ နှင့် ၁၂ မိစ္ဆာအသေးလေးများက အတွေ့အကြုံအမှတ် ၁၀၀ ကျော်လေးသာ ပေးပေသည်။</p> <p> </p> <p>ကံအားလျော်စွာဖြင့် ထိုနေရာတွင် မိစ္ဆာအသေးလေးများ အမြောက်အမြား ရှိနေကာ လက်ရှိအဆင့်၌ ချင်ဖုန်းကို လာရောက်ယှဉ်ပြိုင်နိုင်မည့်သူ တစ်ယောက်မှ မရှိသေးချေ။</p> <p> </p> <p>သူက အဆင့်အမြန်တင်သည့်လုပ်ငန်းစဉ်ကို ချက်ချင်း စတင်လိုက်တော့၏။</p> <p> </p> <p>ပထမဆုံးအနေဖြင့် ပွဲကြည့်စင်အပျက်အစီး၏ မြေညီထပ်ရှိ မိစ္ဆာများကို သူက ရှင်းလင်းလိုက်သည်။</p> <p> </p> <p>ထို့နောက် မြေအောက် ပထမထပ်။</p> <p> </p> <p>နောက်ဆုံးတွင် မြေအောက် ဒုတိယထပ်။</p> <p> </p> <p>ချင်ဖုန်းက အမှောင်ထုထဲမှ ကချေသည်တစ်ဦးအလား ဤဧရိယာရှိ မိစ္ဆာအားလုံး၏ အိပ်မက်ဆိုး ဖြစ်လာခဲ့၏။ ရွှေအဆင့်ဘော့စ်များပင်လျှင် သူ၏ ခုတ်ချက်တစ်ချက်ကို မခံနိုင်ကြချေ။</p> <p> </p> <p>အတွေ့အကြုံအမှတ်များ၊ သက်တမ်းများနှင့် ဆင့်ကဲပြောင်းလဲခြင်း အမှတ်များအားလုံးကို ချင်ဖုန်း၏ လောဘလက်က သိမ်းကျုံးယူငင်လိုက်လေသည်။</p> <p> </p> <p>...</p> <p> </p> <p>အချိန်များ ကုန်ဆုံးသွား၏။</p> <p> </p> <p>အပြင်ဘက်၌ နေထွက်လာချိန်၌ပင် နတ်ဘုရားစွန့်ပစ်တိုက်ကြီးမှာ မှိန်ပျပျ အခြေအနေ၌သာ ရှိနေဆဲ ဖြစ်သည်။</p> <p> </p> <p>နေမရှိသလို လလည်း မရှိချေ။ မှုန်ဝါးဝါး မီးခိုးရောင် အလင်းတန်းလေးများသာ မြေပြင်တစ်ခွင်သို့ ဖြာကျနေကာ ကမ္ဘာကြီးတစ်ခုလုံးကို ယိုယွင်းပျက်စီးနေသော အရိပ်တစ်ခုဖြင့် ဖုံးလွှမ်းထားလေသည်။</p> <p> </p> <p>ကျန်းဟိုင်မြို့ဟောင်းအပျက်အစီးများ၏ ပွဲကြည့်စင်ထဲတွင် တစ္ဆေညခရီးသွားဝံပုလွေကို စီးနင်းထားသော ချင်ဖုန်းက အပျက်အစီးများထဲမှနေ၍ ထွက်ပေါ်လာ၏။</p> <p> </p> <p>ပွဲကြည့်စင်အပျက်အစီးကြီးတစ်ခုလုံးရှိ မိစ္ဆာများအားလုံးကို သူက တစ်ယောက်တည်း ရှင်းလင်းပြီးသွားခဲ့ပြီ ဖြစ်သည်။</p> <p> </p> <p>နောက်ထပ်မိစ္ဆာများ ပြန်လည်ထွက်ပေါ်လာရန် အချိန်အတော်ကြာ ယူရဦးမည် ဖြစ်၏။</p> <p> </p> <p>ထိုအချိန်၌ပင် ကစားသမားအဖွဲ့တစ်ဖွဲ့က ဤဧရိယာသို့ ရောက်ရှိလာကြသည်။</p> <p> </p> <p>ယောကျ်ားနှင့် မိန်းမများ ရောနှောပါဝင်နေသော ကစားသမားခြောက်ယောက်က ပတ်ဝန်းကျင်ကို သတိထားကာ အကဲခတ်နေကြ၏။</p> <p> </p> <p>ရုတ်တရက် သူတို့၏ မျက်စိရှေ့တွင် ပေါ်လာသော မြင်ကွင်းက သူတို့ကို တုန်လှုပ်သွားစေလေသည်။</p> <p> </p> <p>“ဟယ်... ဒီမှာ မိစ္ဆာအသေးလေးတွေရဲ့ အလောင်းတွေ ဘာလို့ ဒီလောက်တောင် အများကြီး ရှိနေရတာလဲ”</p> <p> </p> <p>“တစ်ဖွဲ့ဖွဲ့က အရင်ရောက်လာပြီး ရှင်းသွားတာများလား”</p> <p> </p> <p>“ချီးပဲ၊ ဒါက အရမ်းကြမ်းလွန်းမနေဘူးလား။ တစ်ချက်ကြည့်လိုက်တာနဲ့တင် ဒီမှာ မိစ္ဆာအသေးလေးတွေရဲ့ အလောင်းတွေ ရာနဲ့ချီပြီး ရှိနေတာ သိသာနေပြီ”</p> <p> </p> <p>လူခြောက်ယောက်စလုံး၏ မျက်လုံးများ ပြူးကျယ်သွားကြကာ သူတို့၏ အသက်ရှူသံများပင် မြန်ဆန်လာကြ၏။</p> <p> </p> <p>သူတို့က ချင်ဖုန်းကို ကျော်ဖြတ်၍ တစ်ယောက်ပြီးတစ်ယောက် ပြေးသွားကြသည်။</p> <p> </p> <p>ချင်ဖုန်း ရှိနေကြောင်းကို တစ်ယောက်မှ သတိမထားမိခဲ့ကြချေ။</p> <p> </p> <p>အဘယ်ကြောင့်ဆိုသော် ချင်ဖုန်း၏ တစ္ဆေညခရီးသွားဝံပုလွေမှာလည်း ကိုယ်ဖျောက်နိုင်သော စွမ်းရည်ကို ပိုင်ဆိုင်ထားသောကြောင့်ပင်။</p> <p> </p> <p>【တစ္ဆေညခရီးသွားဝံပုလွေ (အဆင့် ၁၃)】</p> <p> </p> <p>【အဆင့် - ရွှေအဆင့်】</p> <p> </p> <p>【ခွန်အား - ၁၆၈】</p> <p> </p> <p>【ခံနိုင်ရည် - ၁၇၅】</p> <p> </p> <p>【လျင်မြန်မှု - ၂၁၁】</p> <p> </p> <p>【ဝိညာဉ်စွမ်းရည် - ၁၅၅】</p> <p> </p> <p>(စီးတော်ယာဉ်သည် ၎င်း၏ပိုင်ရှင်နှင့် တူညီသော အတွေ့အကြုံအမှတ်ကို ရရှိပြီး အဆင့်တက်မည် ဖြစ်သည်။ စီးတော်ယာဉ်ခေါင်းလောင်းကို အရောင်းအဝယ် ပြုလုပ်ပါက စီးတော်ယာဉ်၏ အဆင့်မှာ မူလအခြေအနေသို့ ပြန်လည်ရောက်ရှိသွားမည် ဖြစ်သည်။)</p> <p> </p> <p>【အပြေး - စီးတော်ယာဉ်အဖြစ် အသုံးပြုချိန်တွင် ဖွင့်လှစ်နိုင်ပြီး လှုပ်ရှားမှုအမြန်နှုန်းကို ၂၄၅% တိုးမြှင့်ပေးသည်။】</p> <p> </p> <p>【ညခရီးသွား - ညအချိန်တွင် အဆင့် ၁ ကိုယ်ဖျောက်ထားသည့် အခြေအနေ၌ အမြဲတမ်းနေနိုင်မည် ဖြစ်သည်။ တိုက်ခိုက်ပါက ကိုယ်ဖျောက်ခြင်းမှ ထွက်သွားမည်ဖြစ်ပြီး ကိုယ်ဖျောက်ခြင်းမှ ထွက်၍ တိုက်ခိုက်မှုအဖြစ် ပျက်စီးမှုအား ၁၂၀ ကို ပေါင်းထည့်ပေးမည်။ ကိုယ်ပေါ်လာပြီးနောက် နောက်တစ်ကြိမ် ကိုယ်ဖျောက်နိုင်ရန် ၆၀ စက္ကန့် ကြာမြင့်မည် ဖြစ်သည်။】</p> <p> </p> <p>【ဆက်တိုက် ခုန်အုပ်ခြင်း - ပစ်မှတ်တစ်ခုတည်းကို သုံးကြိမ်ဆက်တိုက် ခုန်အုပ်တိုက်ခိုက်နိုင်ပြီး တိုက်ခိုက်မှုတိုင်းတွင် ရုပ်ပိုင်းဆိုင်ရာ တိုက်ခိုက်မှုအား ၂၆၇ ကို ပေါင်းထည့်ပေးမည်။ ပြန်လည်အသုံးပြုရန်ကြာချိန် - ၁၂ စက္ကန့်။】</p> <p> </p> <p>【ဝံပုလွေ ဟိန်းဟောက်သံ - မဟာမိတ်များအတွက် တိုက်ခိုက်မှုအား၊ ရုပ်ပိုင်းဆိုင်ရာ ကာကွယ်မှုနှင့် ဒြပ်စင်အားလုံးဆိုင်ရာ ခံနိုင်ရည် ၃၅ ကို ပေါင်းထည့်ပေးမည်ဖြစ်ပြီး ၁၈၀၀ စက္ကန့်ကြာ ကြာမြင့်မည် ဖြစ်သည်။ ပြန်လည်အသုံးပြုရန်ကြာချိန် - ၆၀၀ စက္ကန့်။】</p> <p> </p> <p>ချင်ဖုန်းက ဤစီးတော်ယာဉ်ကို ပထမဆုံး ဆင့်ခေါ်ခဲ့ချိန်၌ ၎င်း၏ အဆင့်မှာ ၁၂ ဖြစ်၏။</p> <p> </p> <p>ပွဲကြည့်စင်အပျက်အစီးများထဲတွင် ယခုအချိန်အထိတိုင်အောင် သူ့နောက်မှလိုက်ကာ တိုက်ပွဲဝင်ခဲ့ပြီးနောက် ၎င်းက အဆင့် ၁၃ သို့ ရောက်ရှိသွားခဲ့ပြီဖြစ်ကာ ၎င်း၏ စွမ်းရည်အချက်အလက်များနှင့် တိုက်ခိုက်ရေးစွမ်းအားတို့လည်း တိုးတက်လာခဲ့ပေသည်။</p> <p> </p> <p>အဓိကအချက်မှာ ဤစီးတော်ယာဉ်တွင် ကိုယ်ဖျောက်နိုင်စွမ်း ရှိနေခြင်းပင်။ ညဘက်၌သာ ကိုယ်ဖျောက်နိုင်သည်ဟု ဆိုသော်လည်း တိုက်ခိုက်မှု မပြုလုပ်သရွေ့ အမြဲတမ်းကိုယ်ဖျောက်ထားနိုင်ခြင်းက အတော်လေး လွန်ကဲနေပြီ ဖြစ်၏။</p> <p> </p> <p>“ဒီ 'ညခရီးသွား' စွမ်းရည်က ဂိမ်းထဲမှာတော့ ယေဘုယျအားဖြင့် အသုံးဝင်တယ်”</p> <p> </p> <p>“ဒါပေမဲ့ လက်တွေ့ကမ္ဘာမှာတော့ ဒီအာနိသင်က ကောင်းကင်ဘုံကိုတောင် ဆန့်ကျင်နိုင်တဲ့ အဆင့်ပဲ...”</p> <p> </p> <p>ချင်ဖုန်းက ဤစီးတော်ယာဉ်ခေါင်းလောင်းကို လက်တွေ့ကမ္ဘာဆီသို့ သေချာပေါက် ထုတ်ယူမည် ဖြစ်၏။</p> <p> </p> <p>သို့သော် ဤရွှေအဆင့် စီးတော်ယာဉ်ခေါင်းလောင်းက အထူးပစ္စည်းတစ်ခု ဖြစ်ပြီး ထုတ်ယူရန် လိုအပ်သော သက်တမ်းမှာ တူညီသောအဆင့်ရှိ ပစ္စည်းကိရိယာများထက် ဆယ်ဆခန့် ပိုများပေသည်။</p> <p> </p> <p>ရက်ပေါင်း သုံးသောင်းမှ ငါးသောင်းခန့် ရှိမည်ပင်။</p> <p> </p> <p>“ညမိုးချုပ်လာတဲ့အခါ တစ္ဆေဝံပုလွေကို စီးပြီး နတ်ဆိုးမြို့တော်ဆီ သွားလို့ ရပြီ”</p> <p> </p> <p>“သူ့ရဲ့ လက်ရှိ စွမ်းရည်အချက်အလက်တွေအရ အမြန်ဆုံးအမြန်နှုန်းက တစ်စက္ကန့်ကို မီတာ ၁၅၀ အထိ ရောက်နိုင်ပြီး ပုံမှန် ပြေးနှုန်းကတောင် တစ်စက္ကန့်ကို မီတာ ၁၀၀ ထိ အလွယ်တကူ ရနိုင်တယ်...”</p> <p> </p> <p>ချင်ဖုန်းက သူ့ဘေးမှ ဖြတ်သွားသော တုန်လှုပ်နေသည့် ကစားသမား ခြောက်ယောက်ကို လျစ်လျူရှုထားလိုက်သည်။</p> <p> </p> <p>သူက ကိုယ်ဖျောက်ထားသော တစ္ဆေညခရီးသွားဝံပုလွေကို ဆက်လက်စီးနင်းလျက် အောက်ဘုံဝိညာဉ်နယ်မြေဆီသို့ ဦးတည်သွားလိုက်၏။</p> <p> </p> <p>ချင်ဖုန်းကိုယ်တိုင်သာ ၎င်းကို မြင်နိုင်ပေသည်။</p> <p> </p> <p>သူ၏အောက်တွင် တစ်မီတာခွဲခန့်မြင့်ပြီး မီးခိုးမည်းရောင် အမွေးအမှင်များနှင့်အတူ တောရိုင်းဆန်မှုနှင့် သတ်ဖြတ်လိုစိတ်များ ပြည့်နှက်နေသော အပြာရောင်မျက်လုံးတစ်စုံရှိသည့် ကိုယ်တစ်ပိုင်း ဖောက်ထွင်းမြင်နိုင်သော တစ္ဆေဝံပုလွေတစ်ကောင် ရှိနေပေသည်။</p> <p> </p> <p>ဤတစ္ဆေညခရီးသွားဝံပုလွေတစ်ကောင်တည်းဖြင့်ပင် လက်ရှိအဆင့်ရှိ ကစားသမားများကို အလွယ်တကူ သတ်ဖြတ်နိုင်ပေသည်။</p> <p> </p> <p>ချင်ဖုန်းက အဆင့်သတ်မှတ်ချက်ဇယားကို တစ်ချက်ကြည့်လိုက်၏။</p> <p> </p> <p>သူက အဆင့် ၁၂ သို့ ရောက်ရှိသွားပြီးနောက် ကျန်းဟိုင်မြို့နယ်မြေ၏ အဆင့်သတ်မှတ်ချက်ဇယား ပွင့်လာခဲ့ပြီ ဖြစ်သည်။</p> <p> </p> <p>ထိုအချိန်၌ သူက အဆင့် ၁၃ ဖြင့် ပထမနေရာတွင် တစ်ဦးတည်း ရပ်တည်နေ၏။</p> <p> </p> <p>ဒုတိယနေရာမှ ကစားသမားမှာ အဆင့် ၁၀ ၌သာ ရှိနေသေးပေသည်။</p> <p> </p> <p>အဆင့် ၃ ဆင့်သာ ကွာခြားသည်ဟု ထင်ရသော်လည်း တကယ်တမ်း၌ တခြားသူများအနေဖြင့် ရက်အတော်ကြာသည်အထိ သူ့ကို လိုက်မီနိုင်မည် မဟုတ်ချေ။</p> <p> </p> <p>ထို့ပြင် ယမန်နေ့ညမှ ယခုအချိန်အထိတိုင်အောင် မိစ္ဆာများ ရှင်းလင်းခဲ့ရာမှ ချင်ဖုန်း၏ ရရှိမှုများက ပို၍ပင် ကောင်းမွန်နေသေး၏။</p> <p> </p> <p>သူ၏ အဆင့် ၁၁ မှ ၁၃ သို့ တက်သွားသည့်အပြင် လဲလှယ်၍ရသော သက်တမ်းမှာလည်း ရက်ပေါင်း သုံးသောင်းကျော်မှ ကိုးသောင်းနီးပါးအထိ တဟုန်ထိုး မြင့်တက်သွားခဲ့ရာ ၎င်းက ၂၄၅ နှစ်နှင့် ညီမျှနေပေသည်။</p> <p> </p> <p>ထို့ပြင် သူ၏ ဆင့်ကဲပြောင်းလဲခြင်း အမှတ်များမှာလည်း ၂၅၅ မှတ်အထိ ရောက်ရှိနေခဲ့ပြီ ဖြစ်၏။</p> <p> </p> <p>ပစ္စည်းကိရိယာများနှင့် စွမ်းရည်စာအုပ်များအတွက် ဆိုရလျှင်မူ ၎င်းတို့လည်း တိုးတက်လာခဲ့ပေသည်။</p> <p> </p> <p>ချင်ဖုန်းက စွမ်းရည်များကို ဆင့်ကဲပြောင်းလဲရန်အတွက် သူ၏ စွမ်းရည်စာရင်းကို ဖွင့်တော့မည့်အချိန်၌ပင် မြို့ဟောင်းအပျက်အစီးများ၏ အရှေ့ဘက်ခြမ်း၌ ရုတ်တရက် ကြီးမားသော ဆူညံသံကြီးတစ်သံ ပေါက်ကွဲထွက်ပေါ်လာ၏။</p> <p> </p> <p>ချင်ဖုန်းရပ်နေသော မြေပြင်ပင်လျှင် အကြိမ်အနည်းငယ် တုန်ခါသွားလေသည်။</p> <p> </p> <p>ချင်ဖုန်းက အဝေးမှနေ၍ လှမ်းကြည့်လိုက်ရာ ချက်ချင်းပင် အံ့အားသင့်သွား၏။</p> <p> </p> <p>“သံမဏိအပျိုစင်ကို အပြင်ထွက်လာအောင် လုပ်ရဲလောက်တဲ့အထိ ဘယ်သူကများ အဲ့ဒီလောက်တောင် ရူးမိုက်နေရတာလဲ”</p> <p> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save