Book List

<h2 style="text-align: center;">အခန်း (၇၀)</h2> <h2 style="text-align: center;">လွတ်မြောက်ခြင်း၏ ဒဏ္ဍာရီလာ လက်ဆောင်</h2> <h2 style="text-align: center;">*</h2> <p> </p> <p> </p> <p>‘သံမဏိအပျိုစင်’ မှာ ပလက်တီနမ်အဆင့်ဘော့စ်တစ်ကောင်၏ အမည်ပြောင် ဖြစ်ပေသည်။</p> <p> </p> <p>၎င်း၏ တကယ့်အမည်မှာ 'သံမဏိသူတော်စင်မ' ပင်။</p> <p> </p> <p>သူ၏ အတိတ်ဘဝ၌ ဤအကောင်က ကျန်းဟိုင်မြို့မှ ကစားသမားအားလုံးအပေါ် နက်ရှိုင်းသော အထင်ကြီးမှုကို ချန်ထားရစ်ခဲ့သည့် ကြောက်မက်ဖွယ်ကောင်းသော ဘော့စ်တစ်ကောင် ဖြစ်၏။</p> <p> </p> <p>၎င်း၏ နည်းဗျူဟာပိုင်းဆိုင်ရာ ခက်ခဲမှုအဆင့်မှာ တကယ်တမ်း၌ 'အောက်ဘုံဝိညာဉ်၊ ဖေဆယ်လ်' နှင့် ဆင်တူပေသည်။</p> <p> </p> <p>သို့သော် တိုက်ပွဲက အများပြည်သူပိုင်ဧရိယာတွင် ဖြစ်ပွားခဲ့သဖြင့် ဘော့စ်ကို လုယူရန် ကြိုးစားသူ အလွန်များပြားခဲ့၏။</p> <p> </p> <p>သူ၏ အတိတ်ဘဝတုန်းက တစ်စုံတစ်ယောက်မှာ ဤဘော့စ်ကို အပြီးသတ် အနိုင်ယူနိုင်ရန်အတွက် နေ့ဝက်ခန့် အချိန်ယူခဲ့ရပေသည်။</p> <p> </p> <p>သေချာသည်မှာ ထိုအချိန်က ချင်ဖုန်းသည် အောက်ဘုံဝိညာဉ်ကို တိတ်တဆိတ် အနိုင်ယူခဲ့ပြီးဖြစ်လေရာ သံမဏိသူတော်စင်မကို ဝိုင်းဝန်းတိုက်ခိုက်ရာတွင် သူက မပါဝင်ခဲ့ချေ။</p> <p> </p> <p>ကျန်းဟိုင်မြို့ရှိ အခြားကစားသမားများမှာ ဤဘော့စ်ကြောင့် အကြိမ်ထောင်ပေါင်းများစွာ သေဆုံးခဲ့ကြရ၏။</p> <p> </p> <p>သို့သော် ဘော့စ်၏ သတ်ဖြတ်ခြင်းခံရသူမှာ အနည်းငယ်သာ ရှိပေသည်။</p> <p> </p> <p>အများစုမှာ အခြားသော ကစားသမားများ၏ သတ်ဖြတ်ခြင်းကို ခံခဲ့ကြရခြင်းပင်။</p> <p> </p> <p>အဘယ်ကြောင့်ဆိုသော် သံမဏိသူတော်စင်မကို အနိုင်ယူနိုင်ပါလျှင် 'ဘုရားကျောင်း ခိုလှုံရာစခန်း' ဟုခေါ်သော ခိုလှုံရာစခန်းတစ်ခုကို ရရှိမည် ဖြစ်သောကြောင့်ပင်။</p> <p> </p> <p>“ငါ မှတ်မိတာ မမှားဘူးဆိုရင် လူတော်တော်များများက အခုလောက်ဆို ဂိုဏ်းတွေ ဖွဲ့နေလောက်ပြီ”</p> <p> </p> <p>“ဒါပေမဲ့ အရင်ဘဝတုန်းကတော့ သံမဏိအပျိုစင်ကို တတိယနေ့ရောက်မှ ရှာတွေ့ခဲ့ကြတာ...”</p> <p> </p> <p>ချင်ဖုန်းက အဝေးသို့ လှမ်းကြည့်လိုက်၏။</p> <p> </p> <p>အပျက်အစီးများကြားတွင် ရပ်နေသော အမြင့်ဆယ်မီတာခန့်ရှိ သံမဏိရုပ်တုတစ်ခုကို သူတွေ့လိုက်ရသည်။ အကွာအဝေးကြောင့် ၎င်း၏ ခန္ဓာကိုယ်အောက်ပိုင်းကိုမူ သေချာ မမြင်ရသေးချေ။</p> <p> </p> <p>သူမ၏ ခန္ဓာကိုယ်အပေါ်ပိုင်းမှာမူ သံမဏိဖြင့် အပြည့်အဝ သွန်းလောင်းထားပြီး သူမ၏ လက်များတွင် လက်ချောင်းများ မရှိဘဲ သတ်ဖြတ်လိုစိတ်များ ပြည့်နှက်နေသော ထက်မြက်သည့် သံမဏိစက်ဝိုင်းပြားနှစ်ခုသာ ရှိနေပေသည်။</p> <p> </p> <p>သံမဏိဖြင့် ဖွဲ့စည်းထားသော မိန်းမပျိုလေး၏ မျက်နှာထက်တွင် မည်သည့်အခါမျှ ပြောင်းလဲသွားမည်မဟုတ်သည့် ထူးဆန်းပြီး ရက်စက်သော အပြုံးတစ်ခုလည်း ရှိနေ၏။</p> <p> </p> <p>သူမ၏ ရင်ဘတ်ပေါ်တွင်မူ မီးတောက်များ မှုတ်ထုတ်သည့် ကိရိယာနှစ်ခု ရှိနေသည်။ သေချာသည်မှာ မီးတောက်မှုတ်ထုတ်ခြင်းက သံမဏိ သူတော်စင်မ၏ ဒုတိယအဆင့်ရောက်မှသာ အသုံးပြုမည့် စွမ်းရည်တစ်ခု ဖြစ်ပေသည်။</p> <p> </p> <p>“တစ်ယောက်ယောက်က ဒါကို ရှာတွေ့ထားပြီဆိုတော့ ဒီဘော့စ်ကို ငါပဲ ယူလိုက်တော့မယ်”</p> <p> </p> <p>ချင်ဖုန်း၏ နှုတ်ခမ်းများက တွန့်ကွေးသွားပြီးနောက် သူက ချက်ချင်းပင် လမ်းကြောင်းပြောင်းကာ တစ္ဆေညခရီးသွားဝံပုလွေကို စီးနင်းလျက် သံမဏိသူတော်စင်မ ရှိရာနေရာဆီသို့ အမြန်ဆုံးနှုန်းဖြင့် ပြေးထွက်သွားလိုက်၏။</p> <p> </p> <p>လမ်းတစ်လျှောက်တွင် ချင်ဖုန်းက အလကား မနေခဲ့ချေ။</p> <p> </p> <p>သူက စွမ်းရည်စာရင်းကို တိုက်ရိုက်ဖွင့်ကာ စွမ်းရည်များကို စတင်၍ ဆင့်ကဲပြောင်းလဲလိုက်သည်။</p> <p> </p> <p>ဤတစ်ကြိမ်၌ ပွဲကြည့်စင်အပျက်အစီးများကို ရှင်းလင်းပြီးနောက် ချင်ဖုန်းက ရွှေအဆင့်ဘော့စ်နှစ်ကောင်ကိုပါ အလွယ်တကူ သတ်ဖြတ်နိုင်ခဲ့၏။</p> <p> </p> <p>၎င်းတို့ထဲမှ တစ်ကောင်ထံမှနေ၍ သူ့အတွက် ကောင်းမွန်သော ရွှေအဆင့်စွမ်းရည်စာအုပ်တစ်အုပ် ကျကျန်ခဲ့ပေသည်။</p> <p> </p> <p>ချင်ဖုန်းက ထိုစွမ်းရည်ကို မော်ကွန်းအဆင့်အထိ ဆင့်ကဲပြောင်းလဲရန် ဆင့်ကဲပြောင်းလဲခြင်း အမှတ် ၁၁ မှတ်ကို တိုက်ရိုက် အသုံးပြုလိုက်သည်။</p> <p> </p> <p>【တိတ်ဆိတ်သော ကိုယ်ဖျောက်ခြင်း (ရွှေအဆင့် → ပလက်တီနမ်အဆင့် → မြအဆင့် → စိန်အဆင့် → မော်ကွန်းအဆင့်) နေရာ၌ပင် ကိုယ်ဖျောက်ထားသည့် အခြေအနေသို့ ဝင်ရောက်မည်ဖြစ်ပြီး တိုက်ခိုက်မှု မပြုလုပ်သရွေ့ သို့မဟုတ် မလှုပ်ရှားသရွေ့ ကိုယ်ဖျောက်ထားသည့် အခြေအနေတွင် အမြဲတမ်း နေနိုင်မည် ဖြစ်သည်။ အကယ်၍ တိုက်ခိုက်မှု ပြုလုပ်ပါက ကိုယ်ဖျောက်ခြင်းမှ ထွက်၍ တိုက်ခိုက်မှုအဖြစ် အမှတ် ၃၀၀ → ၄၀၀ → ၅၀၀ → ၆၀၀ → ၈၀၀ ကို အပိုဆောင်း ပေါင်းထည့်ပေးမည် ဖြစ်သည်။ ပြန်လည်အသုံးပြုရန်ကြာချိန် - ၁၂၀ → ၁၁၀ → ၁၀၀ → ၈၀ → ၆၀ (၃၈.၇) စက္ကန့်။ လိုအပ်သော အဆင့် - ၁၃။】</p> <p> </p> <p>၎င်းကား အခြားသော ကိုယ်ဖျောက်စွမ်းရည် တစ်ခုပင်။</p> <p> </p> <p>ကွာခြားချက်မှာ ဤကိုယ်ဖျောက်စွမ်းရည်က လှုပ်ရှား၍ မရနိုင်ခြင်း ဖြစ်၏။</p> <p> </p> <p>သူက မလှုပ်ရှားသရွေ့ အမြဲတမ်း ကိုယ်ဖျောက်နေနိုင်မည် ဖြစ်သည်။</p> <p> </p> <p>ဤစွမ်းရည် ရှိနေခြင်းက ချင်ဖုန်းအတွက် နောက်ထပ် ပေါက်ကွဲထွက်ပေါ်စေသော တိုက်ခိုက်ရေးနည်းလမ်းတစ်ခု ရှိလာပြီဖြစ်ကြောင်း ဆိုလိုပေသည်။</p> <p> </p> <p>ဘော့စ်တစ်ကောင်နှင့် တိုက်ခိုက်ရာတွင် သူက ကိုယ်ဖျောက်ထားလျက် ပထမဆုံးတိုက်ခိုက်မှုကို စတင်နိုင်ပြီးနောက် 'တိတ်ဆိတ်သော ကိုယ်ဖျောက်ခြင်း' ကို အသုံးပြုကာ ထိုကိုယ်ဖျောက်ခြင်းမှ ထွက်၍ တိုက်ခိုက်မှု အမှတ် ၈၀၀ ကို ရရှိစေရန် နောက်ထပ် တိုက်ခိုက်မှုတစ်ခုကို ပြုလုပ်နိုင်ပေသည်။</p> <p> </p> <p>ဤအပိုဆောင်း ကိုယ်ဖျောက်ခြင်းမှ ထွက်၍ တိုက်ခိုက်မှု အမှတ် ၈၀၀ မှာ အမျိုးမျိုးသော အပိုဆုကြေးများနှင့် ပေါင်းစပ်ပြီးနောက် နောက်ဆုံး ပျက်စီးမှုအား နှစ်ထောင်မှ သုံးထောင်အထိ ဖြစ်ပေါ်စေနိုင်သေး၏။</p> <p> </p> <p>တစ်ခုတည်းသော အားနည်းချက်မှာ ဤစွမ်းရည်၏ ပြန်လည်အသုံးပြုရန်ကြာချိန်က အနည်းငယ် ရှည်လျားနေခြင်းပင်။</p> <p> </p> <p>“ဒါပေမဲ့ ဒီစွမ်းရည်က လက်တွေ့ကမ္ဘာမှာတော့ တကယ်ကို ပြိုင်ဘက်ကင်းပဲ...”</p> <p> </p> <p>“ဂိမ်းထဲဝင်တဲ့အခါ အဲ့ဒါကို ဖွင့်ထားလိုက်မယ်ဆိုရင် ဂိမ်းထဲကနေ ပြန်မထွက်သရွေ့ ငါက အမြဲတမ်း ကိုယ်ဖျောက်ထားတဲ့ အခြေအနေမှာ ရှိနေမှာပဲ”</p> <p> </p> <p>ဂိမ်းထဲဝင်ရောက်ချိန်၌ သူ၏ လက်တွေ့ကမ္ဘာရှိ ခန္ဓာကိုယ်က 'ရွေးချယ်၍ မရနိုင်သော' အခြေအနေသို့ ရောက်ရှိနေခြင်းနှင့် ပေါင်းစပ်လိုက်ပါလျှင်...</p> <p> </p> <p>ဆိုလိုသည်မှာ ဤစွမ်းရည် ရှိနေသရွေ့ နောင်တွင် ချင်ဖုန်းက ဂိမ်းထဲသို့ ဝင်ရောက်လိုက်တိုင်း သူ၏ လက်တွေ့ကမ္ဘာရှိ ခန္ဓာကိုယ်မှာ ပျောက်ကွယ်သွားသကဲ့သို့ ဖြစ်နေမည်ပင်။</p> <p> </p> <p>ဤကမ္ဘာကြီးထဲမှနေ၍ လုံးဝ ပျောက်ကွယ်သွားမည် ဖြစ်သည်။</p> <p> </p> <p>ချင်ဖုန်းက 'တိတ်ဆိတ်သော ကိုယ်ဖျောက်ခြင်း' အပြင် အဆင့်နိမ့် လုပ်ကြံသတ်ဖြတ်သူ စွမ်းရည်စာအုပ် အချို့ကိုလည်း ရရှိခဲ့သေး၏။</p> <p> </p> <p>သို့သော် 'ကန်ကျောက်ခြင်း (ပစ်မှတ်၏ စွမ်းရည်ထုတ်လွှတ်မှုကို နှောင့်ယှက်နိုင်သည်)' သာလျှင် အနည်းငယ် အသုံးဝင်ပြီး ကျန်သော စွမ်းရည်များက အခြေခံအားဖြင့် အသုံးမကျလှချေ။</p> <p> </p> <p>သေချာသည်မှာ ချင်ဖုန်းက ၎င်းတို့ အားလုံးကို သင်ယူလိုက်၏။ ဤသို့သော စွမ်းရည်များကို သူက ဝိညာဉ်ဝါးမျိုသူ သွေးမျိုးဆက်စွမ်းအား ရရှိပြီးသည်နှင့်တပြိုင်နက် မော်ကွန်းအဆင့်သို့ မြှင့်တင်ကာ သွေးမျိုးဆက်စွမ်းအားအတွက် ဝါးမျိုစေပြီး ပိုမိုအားကောင်းသော သွေးမျိုးဆက်အချက်အလက်များကို ရရှိစေနိုင်ပေသည်။</p> <p> </p> <p>'တိတ်ဆိတ်သော ကိုယ်ဖျောက်ခြင်း' ကို ဆင့်ကဲပြောင်းလဲပြီးနောက် ချင်ဖုန်းက အခြားစွမ်းရည်နှစ်ခုကိုပါ ဆင့်ကဲပြောင်းလဲလိုက်သည်။</p> <p> </p> <p>【အဆိပ်မြှားတို (မြအဆင့် → စိန်အဆင့် → မော်ကွန်းအဆင့်) - အမြင့်ဆုံး အကွာအဝေး ၁၇ → ၁၈ → ၂၀ မီတာ။ ထိမှန်ပါက တိုက်ခိုက်မှု ပျက်စီးမှုအား ၂၄၀ → ၃၀၀ → ၄၀၀ ကို ဖြစ်ပေါ်စေပြီး 'အဆိပ်သင့်' အခြေအနေကို သက်ရောက်စေမည်။】</p> <p> </p> <p>【အဆိပ်သင့် - တစ်စက္ကန့်လျှင် ၈၀% → ၉၀% → ၁၀၀% စဉ်ဆက်မပြတ် ပျက်စီးမှုအား ဖြစ်ပေါ်စေမည်။ အားနည်းချက် အပိုဆုကြေး မပါဝင်ပါ။ ၅ စက္ကန့်ကြာ ကြာမြင့်မည်။ ထပ်ဆင့်၍ မရပါ။】</p> <p> </p> <p>အဆိပ်မြှားတိုကို မော်ကွန်းအဆင့်သို့ ဆင့်ကဲပြောင်းလဲရန် ဆင့်ကဲပြောင်းလဲခြင်း အမှတ် ၃၄ မှတ် အသုံးပြုခဲ့ရ၏။</p> <p> </p> <p>နောက်ဆုံးအနေဖြင့် သူက ဒဏ္ဍာရီအဆင့်ဖြစ်နေပြီဖြစ်သော 'သိမ်မွေ့သော လွတ်မြောက်ခြင်း' ကို ဒဏ္ဍာရီလာအဆင့်သို့ ဆင့်ကဲပြောင်းလဲရန် ဆင့်ကဲပြောင်းလဲခြင်း အမှတ် ၂၀၀ ကို အသုံးပြုလိုက်သည်။</p> <p> </p> <p>【သိမ်မွေ့သော လွတ်မြောက်ခြင်း (ဒဏ္ဍာရီအဆင့် → ဒဏ္ဍာရီလာအဆင့်) - အားနည်းချက် တိုက်ခိုက်မှု ပြင်ဆင်ချက် + ၂၀၀% → ၃၀၀%၊ အားနည်းချက် တိုက်ခိုက်မှု အဆ ပွားများမည်။ အဆင့် ၅။】</p> <p> </p> <p>【တက်ကြွစွာ အသုံးပြုမှု - သင်၏ နောက်ထပ် တိုက်ခိုက်မှုကို 'လည်လှီးခြင်း' အာနိသင် ဖြစ်ပေါ်စေမည်ဖြစ်ပြီး တစ်စက္ကန့်လျှင် ထိုတိုက်ခိုက်မှု၏ ၁၅၀% → ၂၀၀% ပျက်စီးမှုအား ဖြစ်ပေါ်စေမည်။ ၃ စက္ကန့်ကြာ ကြာမြင့်မည်။ ပြန်လည်အသုံးပြုရန်ကြာချိန် - ၂၅ (၂၂.၂) စက္ကန့် → ၁၅ (၉.၇) စက္ကန့်။】</p> <p> </p> <p>ဤစွမ်းရည်က ဒဏ္ဍာရီလာအဆင့်သို့ ရောက်ရှိသွားခဲ့လေပြီ။</p> <p> </p> <p>ပြောင်းလဲမှု အနည်းငယ်သာ ရှိသည်ဟု ထင်ရသော်လည်း ဤစွမ်းရည်က နောက်ဆုံးတွင် အရည်အသွေးပိုင်းဆိုင်ရာ အပြောင်းအလဲတစ်ခု ဖြစ်ပေါ်သွားခဲ့ပြီဖြစ်ကြောင်း ချင်ဖုန်းက သိလိုက်ပေသည်။</p> <p> </p> <p>ဤ ၃၀၀% အားနည်းချက် တိုက်ခိုက်မှု ပြင်ဆင်ချက် ရှိနေသရွေ့ ချင်ဖုန်းအတွက် တချို့သော အထူးမိစ္ဆာများမှလွဲ၍ သူ ကြည့်လိုက်သော မည်သူမဆို အားနည်းချက်များအပြည့် ဖြစ်နေတော့မည်ပင်။</p> <p> </p> <p>ကစားသမားများကို ဥပမာပေးရလျှင် သူတို့၏ အားနည်းချက်များမှာ နှလုံးနှင့် ခေါင်း ဖြစ်၏။</p> <p> </p> <p>၃၀၀% အထိ ချဲ့ကားလိုက်ပါက သူတို့၏ တစ်ကိုယ်လုံးကို တိုက်ရိုက် လွှမ်းခြုံသွားပြီ ဖြစ်သည်။</p> <p> </p> <p>ချင်ဖုန်း၏ 'လျပ်တပျက် အရိပ်ခုတ်ချက်' စွမ်းရည်ကိုယ်တိုင်က အားနည်းချက်များထံမှ အကျိုးအမြတ် မရရှိနိုင်ချေ။</p> <p> </p> <p>သို့သော် အားနည်းချက်က မူလထက် လေးဆအထိ ကြီးမားသွားသောကြောင့် သူက ဘယ်နေရာကိုပဲ ခုတ်ခုတ် ထိုနေရာက အားနည်းချက်သာ ဖြစ်နေတော့မည်ပင်။</p> <p> </p> <p>ဒဏ္ဍာရီအဆင့် သိမ်မွေ့သော လွတ်မြောက်ခြင်းအောက်တွင် ချင်ဖုန်း၏ လျပ်တပျက် အရိပ်ခုတ်ချက်က ပစ်မှတ်၏ အားနည်းချက်ကို ထိမှန်ရန် ပျမ်းမျှအားဖြင့် အခွင့်အရေး သုံးပုံတစ်ပုံသာ ရှိခဲ့၏။</p> <p> </p> <p>ဤခုတ်ချက်၏ နေရာမှာ သူ၏ ထိန်းချုပ်မှုအောက်တွင် မရှိသဖြင့် စနစ်ကသာ ကျပန်းဖြစ်တန်စွမ်းဖြင့် တွက်ချက်ပေးနိုင်ပေသည်။</p> <p> </p> <p>သို့သော် ယခု ဒဏ္ဍာရီလာအဆင့် သိမ်မွေ့သော လွတ်မြောက်ခြင်းတွင်မူ သူ၏ လျပ်တပျက် အရိပ်ခုတ်ချက် ကိုးချက်တွင် အနည်းဆုံး ရှစ်ချက်က အားနည်းချက် ပျက်စီးမှုအား ဖြစ်နေတော့မည်ပင်။</p> <p> </p> <p>ထိုအရာက တကယ့်ကို ကြီးမားသော ခုန်ပျံကျော်လွှားမှု ဖြစ်ပေသည်။</p> <p> </p> <p>သိမ်မွေ့သော လွတ်မြောက်ခြင်းကို ဆင့်ကဲပြောင်းလဲပြီးနောက် ချင်ဖုန်းထံတွင် ဆင့်ကဲပြောင်းလဲခြင်း အမှတ် ၁၀ မှတ် ကျန်ရှိနေသေးသော်လည်း ၎င်းကို လောလောဆယ် အသုံးမပြုသေးဘဲ ချန်ထားလိုက်၏။</p> <p> </p> <p>ထို့နောက် သူ၏ ပစ္စည်းကိရိယာများကို စစ်ဆေးလိုက်သည်။</p> <p> </p> <p>ပထမဆုံးအနေဖြင့် သူက အရိုးဖြူ ဆွဲကြိုးတစ်ကုံးကို စစ်ဆေးလိုက်သည်။</p> <p> </p> <p>【လှည့်စားသူဆွဲကြိုး (ပလက်တီနမ်အဆင့်) - လုပ်ကြံသတ်ဖြတ်သူ အဆင်တန်ဆာ။ ရုပ်ပိုင်းဆိုင်ရာ တိုက်ခိုက်မှု + ၄၅၊ ခွန်အား + ၂၀၊ ခံနိုင်ရည် + ၂၀။ ဝတ်ဆင်ရန် လိုအပ်ချက် - အဆင့် ၁၃။】</p> <p> </p> <p>【ထူးခြားသော အာနိသင် - ကိုယ်ဖျောက်မှုအဆင့် + ၁။】</p> <p> </p> <p>ဤဆွဲကြိုးကို ဝတ်ဆင်ပြီးနောက် ချင်ဖုန်းက 'ကြည်ညိုသူ ဆွဲကြိုး' ကို ဖြုတ်ထားရုံသာ ရှိတော့၏။</p> <p> </p> <p>မည်သို့ပင်ဆိုစေကာမူ ကြည်ညိုသူဆွဲကြိုးက ဆင့်ခေါ်သည့် အမျိုးအစား ပစ္စည်းကိရိယာတစ်ခု ဖြစ်ပေသည်။</p> <p> </p> <p>လိုအပ်ချိန်၌ ၎င်းကို ပြောင်းဝတ်ကာ ဆင့်ခေါ်နိုင်ပြီး ပြီးနောက် ပြန်ဖြုတ်ထားနိုင်ပေသည်။ 'ကြည်ညိုသူဆွဲကြိုး' ကို ဖြုတ်လိုက်လျှင်လည်း ဆင့်ခေါ်ထားပြီးသား ကြည်ညိုသူက ပျောက်ကွယ်သွားလိမ့်မည် မဟုတ်ချေ။</p> <p> </p> <p>ဤလှည့်စားသူဆွဲကြိုး၏ အထူးအာနိသင်က ချင်ဖုန်းအတွက် ကိုယ်ဖျောက်မှုအဆင့် ၁ ဆင့်ကို တိုက်ရိုက် ပေါင်းထည့်ပေးလိုက်၏။</p> <p> </p> <p>၎င်းက သူ၏ ကိုယ်ဖျောက်မှုအဆင့်ကို အဆင့် ၄ အထိ ရောက်ရှိသွားစေခဲ့ပြီ ဖြစ်သည်။</p> <p> </p> <p>“စွမ်းရည်ကိုယ်တိုင်က ကိုယ်ဖျောက်မှုအဆင့် ၁ ရှိတယ်၊ ဒီလှည့်စားသူ ဆွဲကြိုးက အဆင့် ၁ ထပ်ပေါင်းပေးတယ်၊ လုပ်ကြံသတ်ဖြတ်သူ အလုပ်အကိုင်က အဆင့် ၂ ထပ်ပေါင်းပေးတယ်ဆိုတော့ စုစုပေါင်း ကိုယ်ဖျောက်မှုအဆင့် ၄ အထိ ရောက်သွားပြီ”</p> <p> </p> <p>သို့သော် အားနည်းချက်မှာ ဤလှည့်စားသူဆွဲကြိုးက ပြန်လည်အသုံးပြုရန်ကြာချိန် အမြန်နှုန်းကို ပေါင်းမထည့်ပေးခြင်းပင်။</p> <p> </p> <p>ပြန်လည်အသုံးပြုရန်ကြာချိန် အမြန်နှုန်း ၂၀% ပေါင်းထည့်ပေးသော ကြည်ညိုသူဆွဲကြိုးကို ဖြုတ်ထားလိုက်ပြီးနောက် ချင်ဖုန်း၏ ပြန်လည်အသုံးပြုရန်ကြာချိန် အမြန်နှုန်းက အနည်းငယ် လျော့ကျသွားခဲ့သည်။ သို့သော် ၎င်းက ကြီးကြီးမားမား သက်ရောက်မှု မရှိလှချေ။</p> <p> </p> <p>နှိုင်းယှဉ်ကြည့်မည်ဆိုပါလျှင် ကိုယ်ဖျောက်မှုအဆင့် ၁ ဆင့်က သေချာပေါက် ပိုအရေးကြီးပေသည်။ ဤဆွဲကြိုးမှ ပေါင်းထည့်ပေးသော ရုပ်ပိုင်းဆိုင်ရာတိုက်ခိုက်မှုနှင့် ခွန်အားတို့က ပျက်စီးမှုအားကို တိုးတက်စေမည်ဖြစ်သည်မှာ ဆိုဖွယ်ရာပင် မရှိတော့ချေ။</p> <p> </p> <p>ထို့ပြင် ခေါင်းဆောင်းနေရာအတွက်လည်း နောက်ထပ် ပစ္စည်းကိရိယာတစ်ခု ရှိနေသေး၏။</p> <p> </p> <p style="text-align: center;"> </p> <p style="text-align: center;">***</p> <p> </p> <p>ဘာသာပြန်သူမှတ်ချက်။     ။ တစ်အုပ်တစ်အုပ်ထွက်ဖို့ အချိန်အတော်လေး စောင့်ဆိုင်းခဲ့ရတဲ့အတွက် တောင်းပန်ပါတယ်ခင်ဗျ။ တစ်ပတ်နှစ်အုပ် သေချာထွက်နိုင်အောင် ကြိုးစားရေးသားပါ့မယ်။ အားပေးမှုတိုင်းအတွက် ကျေးဇူးပါခင်ဗျ။ ဖတ်ကောင်းတယ်ဆို ကြိုးစားအားထုတ်ရကျိုး နပ်ပါတယ်ခင်ဗျာ။</p> <p> </p> <p> </p> <p> </p> <p> </p> <p style="text-align: center;">***</p>


Save