Book List

<h2 style="text-align: center;">အခန်း(၂၄၈၂)</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p> </p> <p>ကျန်းချန်သည် သူ၏ရှေ့တွင် ကြီးမားသော သွေးရောင်တောက်ပနေသည့် တောင်ကြီးတစ်လုံးကို မြင်တွေ့ခဲ့ရသည်။</p> <p> </p> <p> </p> <p>ထိုတောင်ကြီးသည် ကောင်းကင်ယံသို့ ထိုးဖောက်ဝင်ရောက်နေသည့် သွေးရောင်နတ်ဓားတစ်လက် အလား ထောင်မတ်စွာ တည်ရှိနေခဲ့၏။</p> <p> </p> <p> </p> <p>စင်စစ် ထိုသွေးရောင်တောင်ကြီးသည် သွေးဓားအင်မော်တယ်ဂိုဏ်း တည်ရှိသောနေရာ ဖြစ်သည့် သွေးဓားတောင်ပင်ဖြစ်သည်။</p> <p> </p> <p> </p> <p>သွေးဓားအင်မော်တယ်ဂိုဏ်းသည် ရှည်လျားသော သမိုင်းကြောင်း ရှိပြီး အင်မော်တယ် ကျင့်ကြံခြင်း စကြဝဠာ၏ ရှေးအကျဆုံး ဂိုဏ်းကြီးများထဲမှ တစ်ဂိုဏ်းဖြစ်သည်။</p> <p> </p> <p> </p> <p>ဂိုဏ်း၏ အထွတ်အထိပ်ကာလတွင် သွေးဓားအင်မော်တယ်ဂိုဏ်းသည် အင်မော်တယ်ကျင့်ကြံခြင်းစကြဝဠာ၏ ထိပ်တန်းဂိုဏ်းကြီး ဆယ်ဂိုဏ်းထဲမှ တစ်ဂိုဏ်း ဖြစ်ခဲ့သည်။</p> <p> </p> <p> </p> <p>သို့သော်လည်း ဂိုဏ်း၏ အတွင်းရေး မငြိမ်မသက်မှုများကြောင့် သွေးဓားအင်မော်တယ်ဂိုဏ်းမှ လူတချို့သည် သွေးဓားအင်မော်တယ်ဂိုဏ်းကနေ ခွဲထွက်ပြီး သွေးနတ်ဆိုးဂိုဏ်းကို တည်ထောင်ခဲ့ကြသည်။</p> <p> </p> <p> </p> <p>သွေးနတ်ဆိုးဂိုဏ်းကို တည်ထောင်ပြီးသည့် အချိန်ကစ၍ သွေးနတ်ဆိုးဂိုဏ်းသည် ဆိတ်ငြိမ်သွေးကောင်းကင် နယ်မြေထဲတွင် လျင်မြန်စွာ အင်အားကြီးထွားလာခဲ့ပြီး မကြာမီမှာပင် အင်အားများစွာ ထိခိုက်ပျက်စီးသွားခဲ့သော သွေးဓားအင်မော်တယ်ဂိုဏ်းကိုပင် ကျော်တက်သွားခဲ့ကာ သွေးဓားအင်မော်တယ်ဂိုဏ်း၏ နေရာကို အစားဝင်ပြီး အင်မော်တယ်ကျင့်ကြံခြင်း စကြဝဠာ၏ ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းထဲမှ တစ်ဂိုဏ်း ဖြစ်လာခဲ့သည်။</p> <p> </p> <p> </p> <p>ဤနှစ်များတစ်လျှောက်လုံးတွင် သွေးဓားအင်မော်တယ်ဂိုဏ်းသည် သွေးနတ်ဆိုးဂိုဏ်း၏ ဖိနှိပ်မှုကို ခံခဲ့ရပြီး တဖြည်းဖြည်း အင်အား ဆုတ်ယုတ်လာခဲ့သည်။</p> <p> </p> <p> </p> <p>နှစ်စဥ်နှစ်တိုင်းတွင် သွေးဓားအင်မော်တယ်ဂိုဏ်းသို့ ဝင်ရောက်လိုသူများသည် အလွန်တရာ နည်းပါးသွားခဲ့သည်။</p> <p> </p> <p> </p> <p>ထိုအကြောင်းကြောင့်ပင် သွေးဓားအင်မော်တယ်ဂိုဏ်းသည် ပြိုင်ဘက်ကင်း ပါရမီရှင်များကို မွေးဖွားရန် ခက်ခဲလာခဲ့ပြီး မျိုးဆက် တစ်ဆက်ထက် တစ်ဆက် ပိုမို၍ အားနည်းလာခဲ့သည်။</p> <p> </p> <p> </p> <p>ဤအခြေအနေကပင် လက်ရှိ သွေးဓားအင်မော်တယ်ဂိုဏ်းတွင် မဟာယာနအဆင့် ကျင့်ကြံသူ တစ်ဦးမျှပင် မရှိတော့သည့်အခြေအနေသို့ ဦးတည်သွားစေခဲ့၏။</p> <p> </p> <p> </p> <p>သိပ်မကြာမီက သွေးဓားအင်မော်တယ်ဂိုဏ်းတွင် ကျောက်ယွိထျန်းဟု အမည်ရသည့် ပြိုင်ဘက်ကင်းပါရမီရှင် တစ်ဦး ခက်ခက်ခဲခဲ မွေးဖွားလာသော်လည်း မကြာသေးမီကပင် သွေးနတ်ဆိုးဂိုဏ်း၏ သတ်ဖြတ်ခြင်းကို ခံခဲ့ရသည်။</p> <p> </p> <p> </p> <p>ထိုကိစ္စနှင့်ပတ်သက်၍ သွေးဓားအင်မော်တယ်ဂိုဏ်းသည် အလွန်အမင်း ဒေါသထွက်သွားခဲ့ပြီး သွေးနတ်ဆိုးဂိုဏ်းနှင့် တိုက်ပွဲပင် ဖြစ်ပွားခဲ့သော်လည်း အဆုံးသတ်၌ ဝမ်းနည်းကြေကွဲမှုများနှင့်သာ ပြန်လာခဲ့ရသည်။</p> <p> </p> <p> </p> <p>ယနေ့အခါတွင် သွေးဓားအင်မော်တယ်ဂိုဏ်းသည် သွေးနတ်ဆိုးဂိုဏ်းကို ဟန့်တားရန် အတွက် ၎င်းတို့၏ အခြေခံအုတ်မြစ်ကို အားကိုး၍ သွေးဓားတောင်ပေါ်တွင်သာ နေနိုင်တော့၏။</p> <p> </p> <p> </p> <p>ကျန်းချန်တို့နှစ်ဦးက အရှိန်အဝါကို ဖုံးကွယ်၍ ခရီးဆက်လာရင်း သွေးဓားအင်မော်တယ်ဂိုဏ်း၏ တံခါးဝ ဆီသို့ ရောက်ရှိလာကြသည်။</p> <p> </p> <p> </p> <p>“မင်းတို့က ဘယ်သူတွေလဲ.. ငါတို့ သွေးဓားအင်မော်တယ်ဂိုဏ်းဆီ ဘာလာလုပ်တာလဲ”</p> <p> </p> <p> </p> <p>သွေးဓားအင်မော်တယ်ဂိုဏ်း၏ တံခါးဝသို့ ကျန်းချန်တို့ နှစ်ဦး ရောက်ရှိလာသည်နှင့် တစ်ပြိုင်နက် ‌သွေးဓားအင်မော်တယ်ဂိုဏ်းမှ တပည့်တစ်ဦးသည် ကျန်းချန်တို့ နှစ်ဦးကို ဟန့်တားလိုက်ပြီး သတိကြီးသော အမူအရာဖြင့် စိုက်ကြည့်ကာ မေးခွန်းထုတ်လိုက်သည်။</p> <p> </p> <p> </p> <p>ကျန်းချန်က ခပ်ယဲ့ယဲ့ပြုံးကာ ပြန်ဖြေလိုက်၏။</p> <p> </p> <p> </p> <p>“ငါတို့နှစ်ယောက်က သွေးဓားအင်မော်တယ်ဂိုဏ်းကို ဝင်ရောက်ဖို့ ရောက်လာတာပါ”</p> <p> </p> <p> </p> <p>“သွေးဓားအင်မော်တယ်ဂိုဏ်းထဲကို ဝင်ရောက်ဖို့လား”</p> <p> </p> <p> </p> <p>ကျန်းချန်၏ စကားကိုကြားလျှင် သွေးဓားအင်မော်တယ်ဂိုဏ်းမှ တပည့်သည် မအံ့ဩဘဲ မနေနိုင်ခဲ့ပေ။</p> <p> </p> <p> </p> <p>သွေးဓားအင်မော်တယ်ဂိုဏ်း အင်အားဆုတ်ယုတ်လာကတည်းကပင် သွေးဓားအင်မော်တယ်ဂိုဏ်း ထဲသို့ ဝင်ရောက်လာသူ အရေအတွက်သည် နည်းသထက် နည်းလာခဲ့သည်။</p> <p> </p> <p> </p> <p>မကြာသေးမီ နှစ်များအတွင်း သွေးဓားအင်မော်တယ်ဂိုဏ်းဆီသို့ တပည့်ခံရန် ရောက်ရှိလာသူမှာ မရှိသလောက်ပင်။</p> <p> </p> <p> </p> <p>အထူးသဖြင့် ကျောက်ယွိထျန်းကြောင့် ဖြစ်ပွားခဲ့သည့် တိုက်ပွဲတွင် သွေးဓားအင်မော်တယ်ဂိုဏ်းသည် သွေးနတ်ဆိုး၏ လက်ထဲ၌ အကြီးအကျယ် အရေးနိမ့်ခဲ့သောကြောင့် ဖြစ်သည်။</p> <p> </p> <p> </p> <p>လက်ရှိအချိန်တွင် သူတို့ သွေးဓားအင်မော်တယ်ဂိုဏ်း ထဲသို့ ဝင်ရောက်လာသူ ရှိနေဦးမည်ဟု သွေးဓားအင်မော်တယ်ဂိုဏ်းမှ တပည့်သည် မမျှော်လင့်ထားခဲ့ပေ။</p> <p> </p> <p> </p> <p>[ဒီအခြေအနေက တကယ်ကို ထူးဆန်းနေတယ်.. ငါ့ရှေ့က နှစ်ယောက်က သွေးဓားအင်မော်တယ်ဂိုဏ်းထဲကို ထိုးဖောက်ဝင်ရောက်ဖို့ ရည်ရွယ်ချက်နဲ့ ရောက်လာတဲ့ သွေးနတ်ဆိုးဂိုဏ်းဝင်တွေများ ဖြစ်နေမလား]</p> <p> </p> <p> </p> <p>ထိုသို့တွေးမိလျှင် သွေးဓားအင်မော်တယ်ဂိုဏ်းမှ တပည့်သည် သတိကြီးစွာ ထားရန် ဆုံးဖြတ်လိုက်သည်။</p> <p> </p> <p> </p> <p>ယနေ့အခါတွင် သွေးဓားအင်မော်တယ်ဂိုဏ်းသည် သွေးနတ်ဆိုးဂိုဏ်းနှင့် လုံးဝ ယှဥ်နိုင်စွမ်းမရှိတော့သော်လည်း သွေးနတ်ဆိုးဂိုဏ်းသည် သွေးဓားအင်မော်တယ်ဂိုဏ်း၏ ဌာနချုပ်ကို ဝင်တိုက်ရန် ဘယ်တော့မှ မဝံ့ရဲခဲ့ပေ။</p> <p> </p> <p> </p> <p>အကယ်၍ သွေးနတ်ဆိုးဂိုဏ်းမှ လူများကိုသာ သွေးဓားအင်မော်တယ်ဂိုဏ်းထဲသို့ အမှန်တကယ် ထိုးဖောက် ဝင်ရောက်ဖွင့် ပေးလိုက်မိပြီး ၎င်းတို့က သွေးဓားအင်မော်တယ်ဂိုဏ်းကို ထောက်လှမ်းရန် သို့မဟုတ် ဖျက်ဆီးရန် အတွက် ဖြစ်နေခဲ့လျှင် နောက်ဆက်တွဲ ရလဒ်များသည် မှန်းဆ၍ပင် ရမည်မဟုတ်ပေ။</p> <p> </p> <p> </p> <p>“ဒါဆို မင်းတို့နှစ်ယောက် ကျေးဇူးပြုပြီး ငါ့နောက်ကနေ လိုက်ခဲ့ပေးပါ”</p> <p> </p> <p> </p> <p>သွေးဓားအင်မော်တယ်ဂိုဏ်းမှ တပည့်သည် ကျန်းချန် တို့ကို တစ်ချက် ကြည့်လိုက်ပြီးနောက်တွင် သွေးဓားအင်မော်တယ်ဂိုဏ်း၏ အတွင်းပိုင်းဆီသို့‌ ခေါ်ဆောင်သွားရန် ပြင်လိုက်သည်။</p> <p> </p> <p> </p> <p>ဤနှစ်ဦးက သွေးဓားအင်မော်တယ်ဂိုဏ်းထဲကို ဝင်ရောက်ရန် စိတ်ရင်းအမှန်ဖြင့် ရောက်လာခြင်းလော သို့မဟုတ် သွေးနတ်ဆိုးဂိုဏ်းမှ စေလွှတ်လိုက်သော အတွင်းသူလျှိုလော ဆိုသည်ကို သူ့အနေဖြင့် ခွဲခြားနိုင်ခြင်း မရှိချေ။</p> <p> </p> <p> </p> <p>ထို့ကြောင့် ဤနှစ်ဦးကို ဂိုဏ်း၏ အကြီးအကဲများထံ ခေါ်‌ဆောင်သွားရန် ဆုံးဖြတ်ခဲ့သည်။</p> <p> </p> <p> </p> <p>သွေးဓားအင်မော်တယ်ဂိုဏ်းမှ တပည့်၏ ဦးဆောင်မှုအောက်တွင် ကျန်းချန်တို့ နှစ်ဦးသည် ခန်းမတစ်ခုဆီသို့ လျင်မြန်စွာပင် ရောက်ရှိလာခဲ့သည်။</p> <p> </p> <p> </p> <p>ခန်းမ၏ အလယ်ဗဟိုတွင် သွေးရောင်ဝတ်စုံဝတ် အဘိုးအို တစ်ယောက်သည် မျက်စိမှိတ်၍ တင်ပျဥ်ခွေကာ ထိုင်နေခဲ့၏။</p> <p> </p> <p> </p> <p>သူ၏ ခန္ဓာကိုယ် တစ်ခုလုံးတွင် မည်သည့် အရှိန်အဝါမျှ ထွက်ပေါ်နေခြင်း မရှိသော်လည်း ခန္ဓာကိုယ်တစ်ခုလုံးသည် မရေမတွက်နိုင်သော သွေးများ စွန်းပေနေသည့် ထက်ရှသော ဓားတစ်လက် ကဲ့သို့ဖြစ်နေခဲ့ပြီး လူတို့၏ စိတ်ကို ထိုးဖောက်နိုင်စွမ်း ရှိနေသကဲ့သို့ပင်။</p> <p> </p> <p> </p> <p>“အကြီးအကဲသွေးသစ်ရွက်.. ဒီနှစ်ယောက်က သွေးဓားအင်မော်တယ်ဂိုဏ်းထဲ ဝင်ဖို့ ရောက်လာတာပါ.. ကျေးဇူးပြုပြီး အကြီးအကဲ ဆုံးဖြတ်ပေးပါဦး”</p> <p> </p> <p> </p> <p>သွေးဓားအင်မော်တယ်ဂိုဏ်းမှတပည့်သည် ခန်းမအလယ်တွင် တင်ပျဥ်ခွေကာ ထိုင်နေသည့် အဘိုးအိုကို ကြည့်ကာ တရိုတသေ ပြောလိုက်သည်။</p> <p> </p> <p> </p> <p>သွေးဓားအင်မော်တယ်ဂိုဏ်း ဆုတ်ယုတ်လာကတည်းကစ၍ နှစ်စဥ်နှစ်တိုင်းတွင် သွေးဓားအင်မော်တယ်ဂိုဏ်းသို့ လာရောက် တပည့်ခံသူ အရေအတွက်မှာ လက်ချိုးရေတွက်၍ ရသလောက်သာရှိတော့သည်။</p> <p> </p> <p> </p> <p>ထို့ကြောင့် သွေးဓားအင်မော်တယ်ဂိုဏ်းသည် ဂိုဏ်းဝင်များအတွက် စစ်ဆေးရေး အကဲဖြတ်မှုကို ဖျက်သိမ်းခဲ့ပြီး အရာအားလုံးကို အကြီးအကဲ  သွေးသစ်ရွက်ကသာ ဆုံးဖြတ်ခဲ့သည်။</p> <p> </p> <p> </p> <p>သွေးဓားအင်မော်တယ်ဂိုဏ်းမှ တပည့်၏ စကားကိုကြားလျှင် အကြီးအကဲ သွေးသစ်ရွက်သည် မှိတ်ထားသော သူ၏ မျက်လုံးများကို ဖွင့်လိုက်သည်။</p> <p> </p> <p> </p> <p>သူက စူးရှသော အကြည့်ဖြင့် ကျန်းချန်တို့ နှစ်ဦးကို အကဲခတ်လိုက်ပြီးနောက်တွင် အေးစက်စက် ပြောလိုက်သည်။</p> <p> </p> <p> </p> <p>“မင်းတို့နှစ်ယောက်က သွေးဓားအင်မော်တယ်ဂိုဏ်းဆီ အမှန်တကယ် ဝင်ဖို့လာတာ မဟုတ်ဘူး.. ပြောစမ်း သွေးနတ်ဆိုးဂိုဏ်းက မင်းတို့ကို လွှတ်လိုက်တာ မဟုတ်လား”</p> <p> </p> <p> </p> <p>ထိုစကားကိုကြားလျှင် ကျန်းချန်က ခပ်ယဲ့ယဲ့ ပြုံးလိုက်ပြီး အကြီးအကဲ သွေးသစ်ရွက်ကို မေးခွန်းထုတ်လိုက်သည်။</p> <p> </p> <p> </p> <p>“အကြီးအကဲက ကျွန်တော်တို့ကို သွေးနတ်ဆိုးဂိုဏ်းကလို့ ဘာလို့ ဒီလောက်အထိ အတိအကျ ပြောနိုင်တာလဲ”</p> <p> </p> <p> </p> <p>“ကပ်ဘေးအဆင့် ကျင့်ကြံသူ နှစ်ယောက်က ရွှေအမြုတေအဆင့် ကျင့်ကြံသူတွေ အဖြစ် ဟန်ဆောင်နေတာ ငါ မသိဘူးလို့များ မင်းတို့ ထင်နေလား”</p> <p> </p> <p> </p> <p>အကြီးအကဲသွေးသစ်ရွက်က ‌လှောင်ပြုံးပြုံးကာ ပြောလိုက်သည်။</p> <p> </p> <p> </p> <p>“ကြည့်ရတာ သွေးနတ်ဆိုးဂိုဏ်းက ငါတို့ သွေးဓားအင်မော်တယ်ဂိုဏ်းကို ဖျက်ဆီးဖို့ အမှန်တကယ် အားထုတ်နေတဲ့ပုံပဲ”</p> <p> </p> <p> </p> <p>“ကပ်.. ကပ်ဘေးအဆင့်လား”</p> <p> </p> <p> </p> <p>သွေးဓားအင်မော်တယ်ဂိုဏ်းမှ တပည့်သည် အကြီးအကဲ သွေးသစ်ရွက်၏ စကားကိုကြားလျှင် အမူအရာ အကြီးအကျယ် ပြောင်းလဲသွားခဲ့သည်။</p> <p> </p> <p> </p> <p>ဤနှစ်ယောက်သည် အမှန်တကယ်ပင် သွေးနတ်ဆိုးဂိုဏ်းမှ စေလွှတ်လိုက်သည့် လူများ ဖြစ်နေခဲ့သည်။</p> <p> </p> <p> </p> <p>“အကြီးအကဲသွေးသစ်ရွက်ရဲ့ မြင်နိုင်စွမ်းက ဘယ်ဆိုးလို့လဲ”</p> <p> </p> <p> </p> <p>သူ၏ရှေ့တွင် ရှိသော အဘိုးအိုကိုကြည့်ကာ ကျန်းချန်၏ မျက်ဝန်းထဲတွင် အံ့အားသင့်သော အမူအရာတစ်ခု ဖြစ်ပေါ်လာခဲ့သည်။</p> <p> </p> <p> </p> <p>အကြီးအကဲသွေးသစ်ရွက်၏ ကျင့်ကြံခြင်းအဆင့်သည် အလွန်အမင်း မမြင့်မားဘဲ ကပ်ဘေးနှောင်းပိုင်း အဆင့်တွင်သာ ရှိသော်လည်း ခံစားသိရှိနိုင်စွမ်းတွင်မူ အလွန်တရာထက်မြက်ပြီး သူတို့ နှစ်ဦး၏ စစ်မှန်သော အင်အားကိုပင် တစ်ချက်ကြည့်ရုံဖြင့် ထိုးဖောက်မြင်နိုင်ခဲ့သည်။</p> <p> </p> <p> </p> <p>“မင်းတို့နှစ်ယောက်က အစွမ်းထက်တယ် ဆိုပေမဲ့လည်း ငါတို့ သွေးဓားအင်မော်တယ်ဂိုဏ်းကို လက်လွတ်စပယ် မလာသင့်ဘူး.. ငါတို့ သွေးဓားအင်မော်တယ်ဂိုဏ်းက အခုအချိန်မှာ အင်အားနည်းနေပေမဲ့ ဘယ်သူမဆို အနိုင်ကျင့်လို့ရတဲ့ ဂိုဏ်း မဟုတ်ဘူး”</p> <p> </p> <p> </p> <p>အကြီးအကဲ သွေးသစ်ရွက်က အေးစက်စက်ကြည့်ကာ ပြောလိုက်သည်။</p> <p> </p> <p> </p> <p>“မင်းတို့ သွေးဓားအင်မော်တယ်ဂိုဏ်းဆီ လာရတဲ့ရည်ရွယ်ချက်ကို ပြောစမ်း.. ဒါဆို မင်းတို့ရဲ့အလောင်းကို အကောင်းအတိုင်း ထားပေးဖို့ ငါစဥ်းစားပေးမယ်”</p> <p> </p> <p> </p> <p>“အကြီးအကဲသွေးသစ်ရွက်.. ကျွန်တော်တို့က သွေးနတ်ဆိုးဂိုဏ်းရဲ့အဖွဲ့ဝင် မဟုတ်ပါဘူး.. ဒါ့အပြင် သွေးဓားအင်မော်တယ်ဂိုဏ်း အပေါ်မှာလည်း မကောင်းတဲ့စိတ် မရှိပါဘူး”</p> <p> </p> <p> </p> <p>ကျန်းချန်က တည်ငြိမ်စွာ ပြောလိုက်သည်။</p> <p> </p> <p> </p> <p>“ကျွန်တော်တို့က ‌သွေးဓားအင်မော်တယ်ဂိုဏ်းနဲ့ ပူးပေါင်းဆောင်ရွက်ဖို့ ရောက်လာခဲ့တာပါ”</p> <p> </p> <p> </p> <p>ထိုစကားကိုကြားလျှင် အကြီးအကဲသွေးသစ်ရွက်၏ မျက်ဝန်းများသည် အနည်းငယ် ကျဥ်းမြောင်းသွားခဲ့သည်။</p> <p> </p> <p> </p> <p>“ငါတို့ သွေးဓားအင်မော်တယ်ဂိုဏ်းနဲ့ မင်းနဲ့ တစ်ခါမှ မဆုံဖူးဘူး.. ငါတို့ကြားမှာ ပူးပေါင်းစရာ ဘာမှ မရှိဘူးထင်တယ်”</p> <p> </p> <p> </p> <p>“ဒါပေမဲ့ ကျွန်တော်တို့မှာ တူညီတဲ့ ရည်ရွယ်ချက်တစ်ခု ရှိပါတယ်.. အဲဒါက သွေးနတ်ဆိုးဂိုဏ်းကို ရင်ဆိုင်ဖို့ပဲ”</p> <p> </p> <p> </p> <p>ကျန်းချန်က ခပ်ယဲ့ယဲ့ပြုံးကာ ပြောလိုက်သည်။</p> <p> </p> <p> </p> <p>“ရန်သူရဲ့ရန်သူက မိတ်ဆွေပဲလို့ ပြောကြတယ် မဟုတ်လား.. ကျွန်တော် သွေးဓားအင်မော်တယ်ဂိုဏ်းဆီ လာခဲ့တာက သွေးဓားအင်မော်တယ်ဂိုဏ်းနဲ့ ပူးပေါင်းပြီး သွေးနတ်ဆိုးဂိုဏ်းကို အတူတူ ရင်ဆိုင်ဖို့အတွက်ပဲ”</p> <p> </p> <p> </p> <p>ကျန်းချန်၏ စကားကိုကြားလျှင် အကြီးအကဲသွေးသစ်ရွက်၏ မျက်ဝန်းထဲတွင် ထူးဆန်းသော အမူအရာတစ်ခု ဖြစ်ပေါ်လာခဲ့သည်။</p> <p> </p> <p> </p> <p>သူက ခဏမျှ တိတ်ဆိတ်သွားခဲ့သည်။</p> <p> </p> <p> </p> <p>ထို့နောက်တွင် သူ၏ စကားသံသည် ခန်းမအတွင်း၌ ပဲ့တင်ထပ်သွားခဲ့သည်။</p> <p> </p> <p> </p> <p>“ငါတို့ သွေးဓားအင်မော်တယ်ဂိုဏ်းက နောက်ခံဘာမှန်း မသိရတဲ့ လူတွေနဲ့ ပူးပေါင်းဆောင်ရွက်မှာမဟုတ်ဘူး.. မင်းတို့တွေ သွေးဓားအင်မော်တယ်ဂိုဏ်းနဲ့ ပူးပေါင်းပြီး သွေးနတ်ဆိုးဂိုဏ်းကို တကယ်ပဲ ရင်ဆိုင်ချင်တယ်ဆိုရင် မင်းတို့ရဲ့ နောက်ခံကို အရင် ပြောပြရလိမ့်မယ်”</p> <p> </p> <p> </p> <p>အခန်း(၂၄၈၂)ပြီး၏။</p> <p> </p> <p> </p> <p> </p> <p> </p>


Save