Book List

<h2 style="text-align: center;">အခန်း(၂၄၈၉)</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p> </p> <p>ရွှယ်ချန်ကျဲ ဆိုသည်မှာ သူ့ထက် ခေတ်တစ်ခေတ်စောသည့် သွေးနတ်ဆိုးဂိုဏ်းမှ ပါရမီရှင် ဖြစ်သည်။</p> <p> </p> <p> </p> <p>သူ သွေးနတ်ဆိုးဂိုဏ်း၏ ပါရမီရှင် ဖြစ်လာစဥ်မှာပင် ရွှယ်ချန်ကျဲသည် ကပ်ဘေးအဆင့် အင်အားကြီး ပုဂ္ဂိုလ်တစ်ဦး ဖြစ်နေခဲ့ချေပြီ။</p> <p> </p> <p> </p> <p>ယခုလို နှစ်ပေါင်းများစွာ ကုန်လွန်ပြီးနောက်တွင်မူ ရွှယ်ချန်ကျဲသည် အနည်းဆုံး မဟာယာန တစ်ပိုင်းအဆင့် ကျင့်ကြံသူ တစ်ဦးပင် ဖြစ်နေလောက်၏။</p> <p> </p> <p> </p> <p>သို့သော်လည်း ရွှယ်ချန်ကျဲတို့ နှစ်ယောက်က မဟာယာန တစ်ပိုင်းအဆင့် ကျင့်ကြံသူ ဖြစ်နေလျှင်ပင် သူ့အနေဖြင့် အချိန်တစ်ခဏ ဆွဲထားနိုင်သရွေ့ သွေးနတ်ဆိုးဂိုဏ်းမှ အင်အားကြီး ပုဂ္ဂိုလ်များသည် ရွှယ်ယန်မြို့သို့ ရောက်ရှိလာနိုင်မည် မဟုတ်ပါလား။</p> <p> </p> <p> </p> <p>“ရွှယ်ချန်ကျဲ မင်းရဲ့သတ္တိက မခေဘူးပဲ.. သွေးနတ်ဆိုးဂိုဏ်းက ပါရမီရှင်နှစ်ယောက်ကို သတ်ဖြတ်ပြီး ငါမြို့စားမင်းရဲ့ နယ်မြေထဲမှာတောင် ပုန်းအောင်းရဲသေးတယ်”</p> <p> </p> <p> </p> <p>ရွှယ်ချင်းယန်က ရွှယ်ချန်ကျဲကို အေးစက်စက် မျက်ဝန်းများဖြင့် စိုက်ကြည့်ကာ ပြောလိုက်သည်။</p> <p> </p> <p> </p> <p>“ငါတို့က တစ်ဂိုဏ်းတည်းသားတွေ ဖြစ်ခဲ့ဖူးတဲ့ အတွက် မင်းသာ လိမ်လိမ်မာမာနဲ့ အညံ့ခံမယ်ဆိုရင် ငါမင်းရဲ့အလောင်းကို အကောင်းအတိုင်း ထားပေးမယ်”</p> <p> </p> <p> </p> <p>ရွှယ်ချင်းယန်ထံမှ စကားကိုကြားလျှင် ရွှယ်ချန်ကျဲ၏ မျက်ဝန်းများသည် အနည်းငယ် ကျဥ်းမြောင်းသွားခဲ့သည်။</p> <p> </p> <p> </p> <p>ရွှယ်ချင်းယန်က သူတို့ တည်နေရာကို အဘယ်ကြောင့် လျင်မြန်စွာ ရှာတွေ့ခဲ့သည်မှာ မထူးဆန်းတော့ပေ။</p> <p> </p> <p> </p> <p>အကြောင်းရင်းမှာ ရွှယ်ချင်းယန်သည် ရွှယ်ယန်မြို့၏ မြို့စားမင်း ဖြစ်နေသောကြောင့်ပင်။</p> <p> </p> <p> </p> <p>ရွှယ်ယန်မြို့သည် သွေးနတ်ဆိုးဂိုဏ်း၏ လက်အောက်တွင် ရှိသောကြောင့် ရွှယ်ယန်မြို့၏ မြို့စားမင်းရာထူးကို သွေးနတ်ဆိုးဂိုဏ်း၏ တပည့်များကသာ ဆက်ခံကြလေ့ ရှိသည်။</p> <p> </p> <p> </p> <p>ရွှယ်ယန်မြို့၏ မြို့စားမင်း ရာထူးသည် သွေးနတ်ဆိုးဂိုဏ်းတွင် အဆင့်အတန်း အလွန်တရာ မြင့်မားပြီး ဂိုဏ်းချုပ်၏ ကိုယ်ရံတော်နှစ်ယောက် ပြီးလျှင် ဒုတိယနေရာ၌ ရှိသလို မဟာယာန တစ်ပိုင်းအဆင့် အကြီးအကဲများ၏ အောက်တွင်လည်း မရှိတော့ပေ။</p> <p> </p> <p> </p> <p>ရွှယ်ချင်းယန်သည် ရွှယ်ယန်မြို့၏ မြို့စားမင်း ဖြစ်လာနိုင်ပုံ‌ထောက်လျှင် သေချာပေါက် ကိုင်တွယ်ရ လွယ်ကူသောသူ မဟုတ်လောက်ချေ။</p> <p> </p> <p> </p> <p>“တိုက်ပွဲကို အမြန်လက်စသတ်ရအောင်.. ရွှယ်ချင်းယန်ကို ငါနဲ့လွှဲထားလိုက်.. ကျန်တဲ့လူတွေကိုတော့ မင်းရှင်းလိုက်တော့”</p> <p> </p> <p> </p> <p>စကားဆုံးသည်နှင့် ကျန်းချန်၏ ပုံရိပ်သည် ရွှယ်ချင်းယန်ဆီသို့ လျင်မြန်စွာပင် တိုးဝင်သွားခဲ့သည်။</p> <p> </p> <p> </p> <p>“မင်းက ငါတို့ သွေးနတ်ဆိုးဂိုဏ်းက ပါရမီရှင်တွေကို ဓားချက်တစ်ချက်တည်းနဲ့ သတ်ဖြတ်ခဲ့တဲ့ ပြိုင်ဘက်ကင်း ဓားကျင့်ကြံသူလား.. မင်းရဲ့ဓားက ဘယ်‌လောက်တောင် အစွမ်းထက်လဲဆိုတာ ငါကြည့်ချင်သေးတယ်”</p> <p> </p> <p> </p> <p>ရွှယ်ချန်ကျဲက သူ့ဆီသို့ တိုးဝင်လာသည့် ကျန်းချန်ကို ကြည့်ကာ လှောင်ပြုံး ပြုံး၍ ပြောလိုက်သည်။</p> <p> </p> <p> </p> <p>မကြာခင်မှာပင် သူက လက်ဖဝါးကို လှုပ်ရှားလိုက်ရာ သွေးရောင်လက်ဝါးကြီးသည် ကောင်းကင်ယံကိုပင် လောင်ကျွမ်းပစ်နိုင်လောက်သည့် စွမ်းအားများနှင့်အတူ ကျန်းချန်ထံ အရှိန်အဟုန်ပြင်းစွာဖြင့် တိုးဝင်လာခဲ့သည်။</p> <p> </p> <p> </p> <p>“စိတ်မကောင်းပါဘူး.. မင်းဒီနေ့ ငါ့ရဲ့ဓားချက်ကို မြင်တွေ့ဖို့ အခွင့်အရေးရမှာ မဟုတ်ဘူး”</p> <p> </p> <p> </p> <p>ကျန်းချန်က အေးစက်စက် ရေရွတ်ပြီးသည်နှင့် သူ၏ လက်ဖဝါးထဲတွင် အင်မော်တယ်ကျောက်တိုင်သည် ရုတ်တရက် ပေါ်ထွက်လာခဲ့သည်။</p> <p> </p> <p> </p> <p>လက်ရှိ အခြေအနေနှင့် ပတ်သက်၍ ကျန်းချန်သည် သဘာဝကျစွာပင် ရှင်းလင်းစွာ သိရှိထားခဲ့သည်။</p> <p> </p> <p> </p> <p>သူ၏ လက်ရှိခွန်အားဖြင့် ဆိုလျှင် မည်သည့် မဟာယာန တစ်ပိုင်းအဆင့် ကျင့်ကြံသူကို မဆို စိုးရိမ်စရာမလိုသော်လည်း ရွှယ်ချင်းယန်နှင့် အချိန်အကြာကြီး တိုက်ခိုက်နေ၍ မဖြစ်ပေ။</p> <p> </p> <p> </p> <p>သို့မဟုတ်လျှင် သွေးနတ်ဆိုးဂိုဏ်းမှ မဟာယာနအဆင့်ကျင့်ကြံသူများ ရောက်လာသည်နှင့် ထွက်ပြေးရန် အမှန်တကယ် ခက်ခဲသွားပေလိမ့်မည် မဟုတ်ပါလော။</p> <p> </p> <p> </p> <p>ထိုအချက်ကြောင့်ပင် ကျန်းချန်သည် အင်မော်တယ်ကျောက်တိုင်ကို အသုံးပြုရန် တွေဝေမနေခဲ့ဘဲ အင်မော်တယ်ကျောက်တိုင်၏ အစွမ်းကို အသုံးချကာ တစ်ချက်တည်းဖြင့် ရွှယ်ချင်းယန်ကို သတ်ဖြတ်ရန် ရည်ရွယ်ထားခဲ့သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ကျန်းချန်၏ အစွမ်းကုန် လှုံ့ဆော်မှုအောက်တွင် အင်မော်တယ်ကျောက်တိုင်ထံကနေ အလွန်တရာ တောက်ပသော အင်မော်တယ် အလင်းတန်းများ ထွက်ပေါ်လာခဲ့ပြီး ကောင်းကင်နှင့်မြေကြီးကိုပင် ဖိနှိပ်ချုပ်ချယ်နိုင်လောက်သည့် နတ်ဘုရားကျောက်တိုင် အဖြစ် ပြောင်းလဲသွားခဲ့သည်။</p> <p> </p> <p> </p> <p>ထိုအခိုက်အတန့်တွင် ရွှယ်ယန်မြို့ တစ်ခုလုံးမှ ကျင့်ကြံသူအားလုံးသည် အင်မော်တယ်ကျောက်တိုင်၏ ဖိအားအောက်တွင် တုန်လှုပ် ချောက်ချားသွားကြ၏။</p> <p> </p> <p> </p> <p>ကျန်းချန်၏ ကျင့်ကြံခြင်းအဆင့် တိုးတက်လာမှုနှင့်အတူ အင်မော်တယ် ကျောက်တိုင်၏ စွမ်းရည်သည်လည်း အဆမတန် မြင့်တက်လာခဲ့သည်။</p> <p> </p> <p> </p> <p>ယခု ကျန်းချန်၏ ကျင့်ကြံခြင်းအဆင့်သည် နတ်ဘုရင် နဝမအထွတ်အထိပ်အဆင့်သို့ ရောက်ရှိနေပြီ ဖြစ်ရာ အင်မော်တယ်ကျောက်တိုင်၏ စွမ်းရည်သည် သံသယဖြစ်ဖွယ်ရာမရှိ အလွန်တရာ ကြောက်မက်ဖွယ်ရာကောင်းသော အဆင့်ကို ရောက်ရှိနေချေပြီ။</p> <p> </p> <p> </p> <p>“ဒါ.. ဒါက ဘာကြီးလဲဟ”</p> <p> </p> <p> </p> <p>လေထုထဲတွင် ရုတ်တရက်ပေါ်ထွက်လာခဲ့သည့် ကျောက်တိုင်ထံကနေ ထွက်ပေါ်လာခဲ့သော ကြောက်မက်ဖွယ်ရာ အင်အားကို ခံစားမိလျှင် မဟာယာန တစ်ပိုင်းအဆင့် ကျင့်ကြံသူ ဖြစ်သည့် ရွှယ်ချင်းယန်သည် အလွန်အမင်း ထိတ်လန့်တုန်လှုပ်သွားခဲ့သည်။</p> <p> </p> <p> </p> <p>သူက အင်မော်တယ်ကျောက်တိုင် ထံကနေ အလွန်တရာအန္တရာယ် ကြီးမားသော အငွေ့အသက်ကို ခံစားလိုက်ရ၏။</p> <p> </p> <p> </p> <p>သူ့အနေဖြင့် အနည်းငယ် ပေါ့ဆမိရုံဖြင့်ပင် ဤနေရာတွင် အမှန်တကယ် ကျဆုံးသွားနိုင်မည်ကို သူစိုးရိမ်နေမိသည်။</p> <p> </p> <p> </p> <p>“မီးလျှံသွေးပင်လယ်.. စုစည်းစမ်း”</p> <p> </p> <p> </p> <p>ရွှယ်ချင်းယန်က သူ၏ စိတ်ထဲမှ ထိတ်လန့်မှုကို ဖိနှိပ်လိုက်သည်။</p> <p> </p> <p> </p> <p>သူက လုံးဝ မပေါ့ဆဝံ့တော့ဘဲ မဟာယာန တစ်ပိုင်းအဆင့် ကျင့်ကြံသူ၏ စစ်မှန်သော အနှစ်သာရ စွမ်းအားများကို ချက်ချင်းဆိုသလို အစွမ်းကုန် ထုတ်ဖော်လိုက်သည်။</p> <p> </p> <p> </p> <p>ရွှယ်ချင်းယန်၏ ခန္ဓာကိုယ်ကနေ သွေးစွမ်းအားများ ထွက်ပေါ်လာခဲ့ပြီး အဆုံးသတ်တွင် ‌ကောင်းကင်နှင့် နေမင်းကိုပင် ဖုံးလွှမ်းနိုင်လောက်သည့် သွေးပင်လယ်ကြီး အဖြစ် ပြောင်းလဲသွားခဲ့သည်။</p> <p> </p> <p> </p> <p>ထိုသွေးပင်လယ်ထဲတွင် ပွက်ပွက်ဆူနေသည့် သွေးရောင်ချော်ရည်ခဲများပင် ရှိနေခဲ့၏။</p> <p> </p> <p> </p> <p>ကပ်ဘေးအဆင့် ကျင့်ကြံသူသည်ပင် ထိုသွေးပင်လယ်ထဲ ကျသွားမည် ဆိုလျှင် ချက်ချင်းဆိုသလို အငွေ့ပျံပျောက်ကွယ်သွားလိမ့်မည် ဖြစ်သည်။</p> <p> </p> <p> </p> <p>သို့သော်လည်း ရွှယ်ချင်းယန်၏ ရုန့်ရင်းပြီး အစွမ်းထက်သော သွေးပင်လယ်သည် ကောင်းကင်ယံတွင် အစွမ်းကုန် တောက်ပနေသည့် အင်မော်တယ်ကျောက်တိုင် အတွက်မူ ဘာမှ အသုံးမဝင်ခဲ့ပေ။</p> <p> </p> <p> </p> <p>တစ်ခဏအတွင်းမှာပင် အင်မော်တယ်ကျောက်တိုင်ပေါ်မှ တောက်ပသော အင်မော်တယ် အလင်းတန်းများသည် ကောင်းကင်နှင့်နေမင်းကို ဖုံးလွှမ်းထားနိုင်သည့် သွေးပင်လယ်ကို ထိုးဖောက်ကာ သွေးပင်လယ်တစ်ခုလုံးကို ဇကာပေါက်ကဲ့သို့ ဖြစ်သွားစေခဲ့သည်။</p> <p> </p> <p> </p> <p>အဆုံးသတ်တွင် သွေးပင်လယ်သည် အင်မော်တယ်ကျောက်တိုင်၏ အင်အားကို ခံနိုင်ရည်မရှိတော့ဘဲ ရွှယ်ယန်ပြည်နယ်၏ အထက်ကောင်းကင်ယံတွင် ပေါက်ကွဲထွက်သွားခဲ့သည်။</p> <p> </p> <p> </p> <p>တစ်ချိန်တည်းမှာပင် ရွှယ်ချင်းယန်၏ ခန္ဓာကိုယ်သည် ရုတ်တရက် တုန်ယင်သွားခဲ့ပြီး အင်မော်တယ် ကျောက်တိုင်၏ အင်မော်တယ် အလင်းတန်းနှင့် ထိမှန်ကာ လေထုထဲကနေ ပြုတ်ကျသွားခဲ့သည်။</p> <p> </p> <p> </p> <p>ရွှယ်ချင်းယန်ကို တစ်ကွက်တည်းဖြင့် အနိုင်ယူလိုက်ပြီးနောက်တွင် ကျန်းချန်သည် ရွှယ်ချင်းယန်၏ သေခြင်းရှင်ခြင်းကို ဂရုမစိုက်တော့ဘဲ ရွှယ်ချန်ကျဲကို ဝိုင်းရံထားသည့် ကျင့်ကြံသူများကို ဖိနှိပ်ရန် အင်မော်တယ်ကျောက်တိုင်ကို  ထပ်မံ အသုံးပြုလိုက်သည်။</p> <p> </p> <p> </p> <p>ကောင်းကင်နှင့်မြေကြီးက တုန်လှုပ်သွားခဲ့ပြီး ကျယ်လောင်သော ပေါက်ကွဲသံ တစ်သံ ထွက်ပေါ်လာခဲ့ကာ ရာနှင့်ချီသော ကျင့်ကြံသူများသည် ချက်ချင်းဆိုသလိုပင် သွေးမြူများ အဖြစ်သို့ ပြောင်းလဲသွားခဲ့သည်။</p> <p> </p> <p> </p> <p>ကောင်းကင်ယံကနေ သွေးမိုးများသည် အဆက်မပြတ် ရွာကျလာခဲ့ပြီး ရွှယ်ယန်မြို့ တစ်ခုလုံးသည် စွဲမက်ဖွယ်ရာကောင်းသော အနီရောင်သွေးများဖြင့် ဆေးခြယ်ထားသလို ဖြစ်နေခဲ့သည်။</p> <p> </p> <p> </p> <p>“သွားကြစို့”</p> <p> </p> <p> </p> <p>အင်မော်တယ်ကျောက်တိုင်ကို နှစ်ကြိမ်ဆက်တိုက် အသုံးပြုပြီးနောက်တွင် ကျန်းချန်၏ မျက်နှာသည် ဖြူဖျော့သွားခဲ့သည်။</p> <p> </p> <p> </p> <p>သူက တုံ့ဆိုင်းမနေဘဲ ရွှယ်ချန်ကျဲနှင့်အတူ အလင်းတန်းနှစ်ခု အဖြစ်သို့‌ ပြောင်းလဲကာ ကောင်းကင်ယံထဲသို့ တိုးဝင်၍ လျင်မြန်စွာ ပျောက်ကွယ်သွားခဲ့သည်။</p> <p> </p> <p> </p> <p>ကျန်းချန်တို့ ရွှယ်ယန်မြို့ကနေ ထွက်သွားပြီး အမွှေးတိုင် တစ်တိုင် လောင်ကျွမ်းစာခန့် အချိန်တွင် ပုံရိပ်တစ်ခုသည် ရွှယ်ယန်မြို့၏ အထက်ကောင်းကင်ယံသို့ ရောက်ရှိလာခဲ့သည်။</p> <p> </p> <p> </p> <p>ထိုသူမှာ သွေးနတ်ဆိုးဂိုဏ်း၏ လက်ယာကိုယ်ရံတော် ဖြစ်သည့် ရွှယ်ကျိုးမင် ဖြစ်သည်။</p> <p> </p> <p> </p> <p>‌အောက်ဘက်ရှိ ပရမ်းပတာ ဖြစ်နေသော အခြေအနေများကို မြင်တွေ့လိုက်ရလျှင် သူ၏ မျက်နှာ အမူအရာသည် ချက်ချင်းဆိုသလိုပင် သုန်မှုန်သွားခဲ့သည်။</p> <p> </p> <p> </p> <p>“တောက်.. ခြေတစ်လှမ်း နောက်ကျသွားခဲ့ပြီ”</p> <p> </p> <p> </p> <p>ရွှယ်ကျိုးမင်က သတင်းရရပြီးခြင်း ‌သွေးနတ်ဆိုးဂိုဏ်းကနေ ချက်ချင်းဆိုသလို အပြေးအလွှား ရောက်ရှိလာခဲ့ခြင်း ဖြစ်၏။</p> <p> </p> <p> </p> <p>ရွှယ်ယန်ပြည်နယ်၏ မြို့တော်တွင် မဟာယာနတစ်ပိုင်းအဆင့် ကျင့်ကြံသူ ဖြစ်သည့် ရွှယ်ချင်းယန် ရှိနေ၍ ထိုနှစ်ယောက်၏ ပြိုင်ဘက် မဟုတ်လျှင်ပင် အချိန်အနည်းငယ်ခန့် ဆွဲထားနိုင်လိမ့်မည်ဟု သူ ထင်ထားခဲ့သည်။</p> <p> </p> <p> </p> <p>သို့ရာတွင် သူ မမျှော်လင့်ခဲ့သည်မှာ ရွှယ်ချင်းယန် တို့သည် သူတို့ ရောက်လာသည်အထိ တောင့်မခံနိုင်ခဲ့ဘဲ အားလုံး အမြစ်ပြတ် ချေမှုန်းခံလိုက်ရခြင်းပင်။</p> <p> </p> <p> </p> <p>ရွှယ်ချင်းယန်ကို ဤမျှ တိုတောင်းသောအချိန်အတွင်း သတ်ဖြတ်ရန်မှာ သာမန် မဟာယာန တစ်ပိုင်းအဆင့် ကျင့်ကြံသူ တစ်ဦးပင်လျှင် အလွယ်တကူ လုပ်ဆောင်နိုင်မည်မဟုတ်ပေ။</p> <p> </p> <p> </p> <p>သို့ဆိုလျှင် ထိုနှစ်ယောက်ထဲမှ တစ်ယောက်သည် မဟာယာနအဆင့် ကျင့်ကြံသူ ဖြစ်နေပါသလော။</p> <p> </p> <p> </p> <p>ရွှယ်ကျိုးမင်၏ စိတ်ထဲတွင် မရေမရာ ဖြစ်နေသောအချိန်မှာပင် မဟာယာန တစ်ပိုင်းအဆင့် ကျင့်ကြံသူ တချို့သည် သူ၏ အနားတွင် ပေါ်လာခဲ့သည်။</p> <p> </p> <p> </p> <p>“လက်ယာကိုယ်ရံတော်.. ဒါ.. ဒါက ဘာတွေဖြစ်ကုန်တာလဲ”</p> <p> </p> <p> </p> <p>အောက်ဘက်ရှိ ပရမ်းပတာ ဖြစ်နေသော အခြေအနေကို မြင်လိုက်ရလျှင် မဟာယာန တစ်ပိုင်းအဆင့် ကျင့်ကြံသူများသည် ချက်ချင်းဆိုသလိုပင် အံ့ဩ ထိတ်လန့်သွားကြသည်။</p> <p> </p> <p> </p> <p>“ငါတို့ ခြေတစ်လှမ်း နောက်ကျသွားခဲ့တယ်”</p> <p> </p> <p> </p> <p>ရွှယ်ကျိုးမင်က သုန်မှုန်သော အမူအရာဖြင့် ပြောလိုက်သည်။</p> <p> </p> <p> </p> <p>“ရွှယ်ချန်ကျဲတို့ နှစ်ယောက်က ငါတို့တွေ ရောက်လာမှာကို ရိပ်စားမိပြီး ခပ်မြန်မြန် လက်စသတ်သွားတဲ့ပုံပဲ”</p> <p> </p> <p> </p> <p>ထိုစကားကိုကြားလျှင် မဟာယာန တစ်ပိုင်းအဆင့် ကျင့်ကြံသူများ၏ မျက်ဝန်းထဲတွင် ထိတ်လန့်သော အရိပ်အယောင်များ ဖုံးဖိမရစွာ ဖြစ်ပေါ်လာခဲ့သည်။</p> <p> </p> <p> </p> <p>ရွှယ်ယန်မြို့တွင် မဟာယာနအဆင့် ကျင့်ကြံသူ မရှိသော်လည်း အင်အားမှာ သေချာပေါက် အားမနည်းပေ။</p> <p> </p> <p> </p> <p>မဟာယာန တစ်ပိုင်းအဆင့် ကျင့်ကြံသူ ဖြစ်နေလျှင်ပင် ၎င်းတို့ကို အလွယ်တကူ သတ်ဖြတ်ရန် ဆိုသည်မှာ လုံးဝမဖြစ်နိုင်ပေ။</p> <p> </p> <p> </p> <p>သူတို့က ရွှယ်ချန်ကျဲတို့ နှစ်ယောက်၏ အင်အားကို လျှော့မတွက်ခဲ့သော်လည်း ထိုနှစ်ယောက်သည် ဤမျှအထိ ကြောက်မက်ဖွယ်ရာ ကောင်းလိမ့်မည်ဟု မထင်ထားခဲ့ကြပေ။</p> <p> </p> <p> </p> <p>အခန်း(၂၄၈၉)ပြီး၏။</p> <p> </p> <p> </p> <p> </p> <p> </p> <p> </p> <p> </p>


Save