Book List

<h2 style="text-align: center;">အခန်း(၂၄၉၀)</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p> </p> <p>“လက်ဝဲကိုယ်ရံတော်က သံသရာသွေးပညာရပ်ကို အသုံးပြုပြီး ရွှယ်ချန်ကျဲတို့ နှစ်ယောက်ရဲ့ လုပ်ရပ်ကို ဖော်ထုတ်ခဲ့ကတည်းကစပြီး ကျွန်တော်တို့တွေ သတိထားခဲ့ကြတယ်.. သူတို့ဘက်က ဒီကိစ္စကို အလွယ်တကူ သိရှိနိုင်မှာ မဟုတ်ဘူး”</p> <p> </p> <p> </p> <p>မဟာယာန တစ်ပိုင်းအဆင့် ကျင့်ကြံသူတစ်ဦးက အေးစက်စက် ပြောလိုက်သည်။</p> <p> </p> <p> </p> <p>“ဒါက သေချာပေါက် သွေးဓားအင်မော်တယ်ဂိုဏ်းက လူတွေ သူတို့ကို သတင်းပေးလိုက်တာပဲ ဖြစ်ရမယ်.. ကျွန်တော်တို့ သွေးဓားအင်မော်တယ်ဂိုဏ်းကို သွားပြီး အဲဒီဂိုဏ်းကို အရင်ဆုံး အမြစ်ပြတ်ချေမှုန်းမှ ရတော့မယ်ထင်တယ်”</p> <p> </p> <p> </p> <p>သွေးဓားအင်မော်တယ်ဂိုဏ်း၏ ဧရိယာမှလွဲ၍ ဆိတ်ငြိမ် သွေးကောင်းကင်နယ်မြေ တစ်ခုလုံးသည် သူတို့၏ ထိန်းချုပ်မှုအောက်တွင် ရှိနေခဲ့ခြင်း ဖြစ်သည်။</p> <p> </p> <p> </p> <p>ရွှယ်ချန်ကျဲတို့ နှစ်ယောက်ကို ကြိုတင်သတိပေးနိုင်စွမ်းသည် သွေးဓားအင်မော်တယ်ဂိုဏ်း တစ်ဂိုဏ်းထဲတွင်သာ ရှိသည်။</p> <p> </p> <p> </p> <p>ယခင်က သွေးနတ်ဆိုးဂိုဏ်းသည် သွေးဓားအင်မော်တယ်ဂိုဏ်းကို ရွှယ်ချန်ကျဲက တိတ်တဆိတ် ကူညီပေးနေသည်ဟု သံသယသာ ရှိခဲ့သည်။</p> <p> </p> <p> </p> <p>ယခုအခါတွင်မူ သွေးဓားအင်မော်တယ်ဂိုဏ်းသည် ရွှယ်ချန်ကျဲနှင့် ပူးပေါင်းနေသည်မှာ လုံးဝ သေချာသလောက် ရှိနေခဲ့ချေပြီ။</p> <p> </p> <p> </p> <p>“သွေးဓားအင်မော်တယ်ဂိုဏ်းရဲ့ နောက်ခံအင်အားကို အထင်မသေးနဲ့”</p> <p> </p> <p> </p> <p>ရွှယ်ကျိုးမင်က ခေါင်းခါရမ်းလိုက်ပြီး လေးနက်စွာ ပြောလိုက်သည်။</p> <p> </p> <p> </p> <p>“သွေးဓားအင်မော်တယ်ဂိုဏ်းကိုသာ ဒီလောက်အထိ အလွယ်တကူ ဖျက်ဆီးလို့ရမယ် ဆိုရင် သွေးနတ်ဆိုးဂိုဏ်းက အခုထိ သူတို့ကို ဘာလို့ အသက်ရှင်ခွင့်ပေးထားမှာလဲ”</p> <p> </p> <p> </p> <p>ယခင်က သွေးဓားအင်မော်တယ်ဂိုဏ်းသည် အင်မော်တယ်ကျင့်ကြံခြင်းစကြဝဠာ၏  ထိပ်တန်းဂိုဏ်းကြီးတစ်ဂိုဏ်းဖြစ်ခဲ့ဖူးသည်။</p> <p> </p> <p> </p> <p>သွေးနတ်ဆိုးဂိုဏ်းသည် သွေးဓားအင်မော်တယ်ဂိုဏ်းကို အသာစီး ရရှိလာပြီးနောက်တွင် သွေးဓားအင်မော်တယ်ဂိုဏ်းကို အမြစ်ပြတ် ချေမှုန်းရန်အတွက် မဟာယာနအဆင့် ကျင့်ကြံသူ တစ်ဦးထက်မကကို စေလွှတ်ခဲ့သော်လည်း မည်သူမျှ ပြန်မလာနိုင်ခဲ့ပေ။</p> <p> </p> <p> </p> <p>ထိုအချက်ကြောင့်ပင် သွေးနတ်ဆိုးဂိုဏ်းသည် သွေးဓားအင်မော်တယ်ဂိုဏ်းကို ကြောက်ရွံ့နေခဲ့ကြပြီး အလွယ်တကူ သွားရောက် မတိုက်ခိုက်ဝံ့ခြင်း ဖြစ်သည်။</p> <p> </p> <p> </p> <p>“လက်ယာကိုယ်ရံတော်.. ဒီတစ်ကြိမ်လည်း ရွှယ်ချန်ကျဲတို့ နှစ်ယောက်က လွတ်မြောက်သွားပြန်ပြီ.. သူတို့ကို သွေးဓားအင်မော်တယ်ဂိုဏ်းက ဆက်လက် ကူညီပေးနေဦးမယ်ဆိုရင် ကျွန်တော်တို့ သူတို့ကို ရှာဖွေဖို့ ပိုပြီး ခက်ခဲသွားမယ်ထင်တယ်.. အခု ကျွန်တော်တို့ ဘာဆက်လုပ်သင့်လဲ”</p> <p> </p> <p> </p> <p>မဟာယာန တစ်ပိုင်းအဆင့် ကျင့်ကြံသူ တစ်ဦးက မျက်မှောင်ကြုတ်ကာ မေးလိုက်သည်။</p> <p> </p> <p> </p> <p>“မင်း ငါ့ကို ကာကွယ်ထားပေးပါ.. အဲဒီနှစ်ကောင် ကမ္ဘာအဆုံးအထိ ထွက်ပြေးရင်တောင် ငါ သူတို့ကို သေချာပေါက် ရအောင်ရှာမယ်”</p> <p> </p> <p> </p> <p>ရွှယ်ကျိုးမင်၏ မျက်ဝန်းများက အနည်းငယ် လင်းလက်သွားခဲ့သည်။</p> <p> </p> <p> </p> <p>သူ၏ မျက်ဝန်းထဲတွင် အေးစက်စက် အလင်းတန်းတစ်ခု ဖြစ်ပေါ်လာခဲ့၏။</p> <p> </p> <p> </p> <p>“လက်ယာကိုယ်ရံတော် မလုပ်ပါနဲ့”</p> <p> </p> <p> </p> <p>ထိုမြင်ကွင်းကို မြင်လိုက်ရလျှင် မဟာယာန တစ်ပိုင်းအဆင့် ကျင့်ကြံသူက အလျင်အမြန်ပင် တားမြစ်လိုက်သည်။</p> <p> </p> <p> </p> <p>“ပြီးခဲ့တဲ့တစ်ကြိမ်ကလည်း လက်ဝဲကိုယ်ရံတော်က တားမြစ်ပညာရပ်ကို အသုံးပြုခဲ့တဲ့အတွက် ကျင့်ကြံခြင်းအဆင့်တွေ ကျဆင်းပြီး ဆယ်နှစ်၊ ဆယ့်ငါးနှစ် အတွင်း ပြန်လည်ကောင်းမွန်လာဖို့ ခက်ခဲတဲ့ အခြေအနေကို ရောက်ရှိသွားခဲ့တယ်.. တကယ်လို့ လက်ယာကိုယ်ရံတော်ကပါ တားမြစ်ပညာရပ်ကို အသုံးပြုလိုက်ရင် နောက်ဆက်တွဲရလဒ်က ခန့်မှန်းလို့ မရနိုင်လောက်အောင် ဖြစ်သွားလိမ့်မယ်”</p> <p> </p> <p> </p> <p>ထိုစကားကို ကြားလျှင် တားမြစ်ပညာရပ်ကို ထုတ်သုံးတော့မည့် ရွှယ်ကျိုးမင်၏ လှုပ်ရှားမှုများသည် ချက်ချင်းဆိုသလို ရပ်တန့်သွားခဲ့သည်။</p> <p> </p> <p> </p> <p>လွန်ခဲ့သည့် နှစ်အနည်းငယ်က သွေးနတ်ဆိုးဂိုဏ်းသည် နတ်ဘုရားနယ်မြေသို့ စစ်ချီခဲ့စဥ်တွင် မဟာယာနအဆင့် ကျင့်ကြံသူ တစ်ဦးကို ဆုံးရှုံးခဲ့ရသည်။</p> <p> </p> <p> </p> <p>ယခုအခါ လက်ဝဲကိုယ်ရံ‌တော်သည်လည်း တားမြစ်ပညာရပ်ကို အသုံးပြုခဲ့၍ တိုတောင်းသော အချိန်အတွင်း မဟာယာနအဆင့်ကို ပြန်လည် ရောက်ရှိရန် ခက်ခဲနေခဲ့သည်။</p> <p> </p> <p> </p> <p>ယင်းသည် သွေးနတ်ဆိုးဂိုဏ်း အတွက်မူ ကြီးမားသော ထိခိုက်မှု တစ်ခုပင်။</p> <p> </p> <p> </p> <p>အကယ်၍ သူသာ ရွှယ်ချန်ကျဲတို့ နှစ်ယောက်ကို ခြေရာခံရန်အတွက် တားမြစ်ပညာရပ်ကို အတင်းအကျပ် အသုံးပြုလိုက်မည် ဆိုလျှင် သူ၏ ကျင့်ကြံခြင်းအဆင့်သည်လည်း ကျဆင်းသွားနိုင်ခြေ ရှိနေခဲ့၍ သွေးနတ်ဆိုးဂိုဏ်း၏ အခြေအနေသည် ပို၍ပင် ဆိုးရွားသွားပေလိမ့်မည်။</p> <p> </p> <p> </p> <p>ထို့အပြင် အင်မော်တယ် ကျင့်ကြံခြင်း စကြဝဠာ၏ အင်မော်တယ် အစည်းအဝေးသည် နောက်သုံးနှစ် အတွင်း ကျင်းပတော့မည် ဖြစ်သည်။</p> <p> </p> <p> </p> <p>အကယ်၍ တားမြစ်ပညာကို အသုံးပြုလိုက်၍ သုံးနှစ်အတွင်း ပြန်လည် မကောင်းမွန်လာခဲ့လျှင် အင်မော်တယ်ဂိုဏ်းကြီးများ အကြားတွင် သွေးနတ်ဆိုးဂိုဏ်း၏ အဆင့်အတန်းသည် သိသိသာသာ ကျဆင်းသွားပေလိမ့်မည်။</p> <p> </p> <p> </p> <p>ရွှယ်ကျိုးမင်၏ မျက်ဝန်းများထဲတွင် တွေဝေသော အရိပ်အယောင် ဖြစ်သွားခဲ့ပြီး အဆုံးသတ်တွင် တားမြစ်ပညာရပ်ကို အသုံးပြုမည့် အစီအစဥ်အား လက်လျှော့လိုက်သည်။</p> <p> </p> <p> </p> <p>“သွားစို့.. အရင်ဆုံး ဂိုဏ်းကို ပြန်ပြီး ဒီကိစ္စကို ဂိုဏ်းချုပ်ဆီ သတင်းပို့ကြတာပေါ့”</p> <p> </p> <p> </p> <p>စကားဆုံးသည်နှင့် ရွှယ်ကျိုးမင်၏ ပုံရိပ်သည် လက်ခနဲ ဖြစ်သွားခဲ့ပြီး ရွှယ်ယန်မြို့ အထက်ကနေ တိုက်ရိုက်ဆိုသလို ပျောက်ကွယ်သွားခဲ့သည်။</p> <p> </p> <p> </p> <p>ရွှယ်ယန်ပြည်နယ်မှ ရွှယ်ကျိုးမင် ပြန်ရောက်လာပြီးနောက်တွင် သွေးနတ်ဘုရားသည် ကိစ္စရပ်များကို ဆွေးနွေးရန်အတွက် သွေးနတ်ဆိုးဂိုဏ်း၏ အဆင့်မြင့် အကြီးအကဲများကို အစည်းအဝေးလုပ်ရန် ဆင့်ခေါ်ခဲ့သည်။</p> <p> </p> <p> </p> <p>ရွှယ်ယန်ပြည်နယ်တွင် ဖြစ်ပျက်ခဲ့သည့် အခြေအနေများကို သိရှိလိုက်ရလျှင် သွေးနတ်ဆိုးဂိုဏ်းမှ အဆင့်မြင့် အကြီးအကဲ တော်တော်များများသည် လှုပ်လှုပ်ရှားရှား ဖြစ်သွားခဲ့ကြသည်။</p> <p> </p> <p> </p> <p>ဆိတ်ငြိမ်သွေးကောင်းကင်နယ်မြေတွင် ရွှယ်ချန်ကျဲပေါ်လာခဲ့သည်မှာ တစ်လ မပြည့်သေးသော်လည်း သွေးနတ်ဆိုးဂိုဏ်း၏ ပါရမီရှင်နှစ်ဦးသည် သတ်ဖြတ်ခံလိုက်ရပြီး ယခုဆိုလျှင် ရွှယ်ယန်မြို့ ပင်လျှင် မကြုံစဖူး ပြင်းထန်သော ထိခိုက်ပျက်စီးမှုများကို ခံစားခဲ့ရသည်။</p> <p> </p> <p> </p> <p>သွေးနတ်ဆိုးဂိုဏ်းကို တည်ထောင်စဥ်ကတည်းပင် ဤမျှကြီးမားသော ထိုးနှက်ချက်မျိုးကို မရရှိခဲ့သည်မှာ ဘယ်နှစ်နှစ် ရှိပြီးမှန်းပင် သူတို့ မမှတ်မိတော့ပေ။</p> <p> </p> <p> </p> <p>“အားလုံးပဲ...ရွှယ်ချန်ကျဲက ဒီတစ်ကြိမ်မှာ အရာအားလုံးကို ကြိုတင်ပြင်ဆင်ပြီး ပြန်ရောက်လာတဲ့ပုံပဲ.. ဒီကိစ္စကို ငါတို့ သွေးနတ်ဆိုးဂိုဏ်း အနေနဲ့ ဘယ်လို ကိုင်တွယ်သင့်တယ်လို့ မင်းတို့ထင်လဲ”</p> <p> </p> <p> </p> <p>သွေးနတ်ဘုရားက ခဏမျှ တိတ်ဆိတ်နေပြီးနောက်တွင် ခန်းမအတွင်းရှိ တိတ်ဆိတ်မှုကို အဆုံးသတ်၌ ဖြိုခွင်းလိုက်သည်။</p> <p> </p> <p> </p> <p>ထိပ်တန်း အင်မော်တယ်ဂိုဏ်းကြီးဆယ်ဂိုဏ်းထဲမှ တစ်ဂိုဏ်းဖြစ်သည့် သွေးနတ်ဆိုးဂိုဏ်းသည် ဂိုဏ်း၏ သစ္စာဖောက်တစ်ဦးကြောင့် ဤမျှ အရှက်ရစရာကောင်းသော အခြေအနေမျိုးနှင့် ကြုံတွေ့ရလိမ့်မည်ဟု သွေးနတ်ဘုရား လုံးဝ ထင်မထားခဲ့ပေ။</p> <p> </p> <p> </p> <p>သွေးနတ်ဆိုးဂိုဏ်းမှ အဆင့်မြင့် အကြီးအကဲများသည် သွေးနတ်ဘုရား၏ စကားကိုကြားလျှင် တစ်ဦးကို တစ်ဦး ကြည့်လိုက်ကြသည်။</p> <p> </p> <p> </p> <p>တစ်ခဏအတွင်း သူတို့သည် ပိုကောင်းသော နည်းလမ်းကို ရှာမတွေ့ခဲ့ကြပေ။</p> <p> </p> <p> </p> <p>“ဂိုဏ်းချုပ်.. ကျွန်တော်တို့က  အခု အလင်းထဲမှာ ရှိနေပြီး ရွှယ်ချန်ကျဲတို့ကတော့ အမှောင်ထဲမှာ ရှိနေတယ်.. ဒါ့အပြင် သူတို့ကို သွေးဓားအင်မော်တယ်ဂိုဏ်းက တိတ်တဆိတ် ကူညီပေးနေတာဆိုတော့ ဒီအတိုင်းသာ ဆက်သွားနေမယ်ဆိုရင် သူတို့ကပဲ ကျွန်တော်တို့ကို နဖားကြိုး ဆွဲသလို ဖြစ်နေလိမ့်မယ်.. ဂိုဏ်းချုပ်အနေနဲ့ ဗျူဟာကို ပြောင်းလဲဖို့ လိုအပ်မယ်ထင်တယ်”</p> <p> </p> <p> </p> <p>ထိုအခိုက်အတန့်တွင် လူလတ်ပိုင်းအရွယ် အမျိုးသားတစ်ဦးက အကြံပေးလိုက်သည်။</p> <p> </p> <p> </p> <p>သွေးနတ်ဘုရားက ထိုလူငယ်ကို ကြည့်ကာ မေးလိုက်၏။</p> <p> </p> <p> </p> <p>“မင်းက ဘယ်လိုဗျူဟာကို ပြောင်းလဲချင်လို့လဲ”</p> <p> </p> <p> </p> <p>“ဒီလိုမျိုး ရွှယ်ချန်ကျဲ တို့ကို လိုက်ရှာနေမဲ့အစား အသင့်စောင့်ဆိုင်းပြီး သူတို့ ပေါ်ထွက်လာအောင် လုပ်တာက ပိုကောင်းလိမ့်မယ် ထင်တယ်”</p> <p> </p> <p> </p> <p>ထိုစကားကို ပြောနေစဥ် လူလတ်ပိုင်းအရွယ် အမျိုးသား၏ မျက်ဝန်းများက လက်ခနဲ ဖြစ်သွားခဲ့သည်။</p> <p> </p> <p> </p> <p>“သူတို့က သွေးနတ်ဆိုးဂိုဏ်းရဲ့ပါရမီရှင်တွေကိုပဲ လုပ်ကြံနေတာ မဟုတ်လား.. ဒီလိုဆိုမှတော့ သူတို့ကို နောက်ထပ် လုပ်ကြံဖို့ အခွင့်အရေး တစ်ခု ဖန်တီးပေးလိုက်တာပေါ့”</p> <p> </p> <p> </p> <p>“ဂိုဏ်းချုပ်.. ဒီအစီအစဥ်က ဖြစ်နိုင်ခြေရှိတယ်လို့ ကျွန်တော်ထင်တယ် ကျွန်တော်တို့ ဂိုဏ်းက ပါရမီရှင် တစ်ယောက်ကို ရွှယ်ချန်ကျဲတို့ နှစ်ယောက် ထွက်လာအောင် ဆွဲဆောင်ဖို့ အသုံးချရမယ်.. ပြီးရင် ကျွန်တော်တို့က သူတို့ကို ဖမ်းဖို့ အချိန်ကိုက် စောင့်နေလိုက်ရုံပဲ.. ဒီလိုဆိုရင် ရွှယ်ချန်ကျဲတို့ နှစ်ယောက် အတောင်ပံပါရင်တောင် လွတ်မှာမဟုတ်ဘူး”</p> <p> </p> <p> </p> <p>ရွှယ်ကျိုးမင်ကလည်း လူလတ်ပိုင်းအရွယ် အမျိုးသား၏ အစီအစဥ်ကို ထောက်ခံလိုက်သည်။</p> <p> </p> <p> </p> <p>ရွှယ်ချန်ကျဲတို့ နှစ်ယောက် အမှောင်ထဲတွင် ပုန်းအောင်းနေခြင်းသည် သွေးနတ်ဆိုးဂိုဏ်း အတွက် သေချာပေါက် ကြီးမားသည့် စိုးရိမ်စရာတစ်ခု ဖြစ်သည်။</p> <p> </p> <p> </p> <p>သွေးနတ်ဆိုးဂိုဏ်းသည် ရွှယ်ချန်ကျဲတို့ နှစ်ယောက်ကို ရှာမတွေ့နိုင်သည့် အတွက် ၎င်းတို့ကို ထောင်ချောက်ဆင်ဖမ်းခြင်းသည် အကောင်းမွန်ဆုံး နည်းလမ်းတစ်ခုပင် မဟုတ်ပါလော။</p> <p> </p> <p> </p> <p>“ကောင်းပြီ အစီအစဥ်အတိုင်းလုပ်ကြတာပေါ့”</p> <p> </p> <p> </p> <p>“လက်ယာကိုယ်ရံတော်.. ဒီကိစ္စကို မင်းပဲစီစဥ်လိုက်ပါ”</p> <p> </p> <p> </p> <p>ထိုစကားကို ပြောနေစဥ် သွေးနတ်ဘုရား၏ ခန္ဓာကိုယ်တွင် ပြင်းထန်သော သတ်ဖြတ်လိုစိတ်များ လွှမ်းခြုံသွားခဲ့သည်။</p> <p> </p> <p> </p> <p>“ဒီတစ်ကြိမ်တော့ ဂိုဏ်းချုပ် ဖြစ်တဲ့ ငါကိုယ်တိုင် ပါဝင်ပြီး အဲဒီ သစ္စာဖောက်ကို အသေသတ်ပစ်မယ်”</p> <p> </p> <p> </p> <p>ကျန်းချန်နှင့်ရွှယ်ချန်ကျဲ တို့သည် ရွှယ်ယန်မြို့က‌နေ တစ်လမ်းလုံး ထွက်ပြေးလာခဲ့ကြသည်။</p> <p> </p> <p> </p> <p>သူတို့ မည်သူမည်ဝါဖြစ်မှန်း ပေါ်ပေါက်သွားပြီ ဖြစ်သောကြောင့် လက်ရှိအသွင်အပြင်ဖြင့် ဆိတ်ငြိမ်သွေးကောင်းကင်နယ်မြေတွင် သွားလာနေ၍ မရတော့ပေ။</p> <p> </p> <p> </p> <p>ထို့ကြောင့် လျှို့ဝှက်နည်းစနစ်များကို အသုံးပြုကာ သူတို့၏ ရုပ်ရည် အသွင်အပြင်နှင့် အရှိန်အဝါများကို ပြောင်းလဲလိုက်ကြသည်။</p> <p> </p> <p> </p> <p>မဟာယာနအဆင့်ကျင့်ကြံသူကိုယ်တိုင်မှလွဲ၍ သာမန်လူများအနေဖြင့် သူတို့ကို ဖော်ထုတ်ရန် မလွယ်ကူပေ။</p> <p> </p> <p> </p> <p>ကျန်းချန်တို့သည် ဆိတ်ငြိမ်သွေးကောင်းကင်နယ်မြေ အတွင်း လှည့်လည်သွားလာမနေဘဲ ပုန်းအောင်းရန် နေရာတစ်ခုကို အရင် ရှာဖွေခဲ့ကြသည်။</p> <p> </p> <p> </p> <p>ဤတစ်လအတွင်း သူတို့သည် သွေးနတ်ဆိုးဂိုဏ်း၏ ပါရမီရှင် နှစ်ဦးကို လုပ်ကြံခဲ့သည်။</p> <p> </p> <p> </p> <p>ယခုဆိုလျှင် ရွှယ်ယန်မြို့ကိုပါ အကြီးအကျယ် ထိခိုက်စေခဲ့ပြီ ဖြစ်ရာ သွေးနတ်ဆိုးဂိုဏ်းသည် သူတို့ကို နောက်ထပ်အခွင့်အရေး အလွယ်တကူ ပေးတော့မည် မဟုတ်ပေ။</p> <p> </p> <p> </p> <p>ထို့ကြောင့် အချိန်တိုအတွင်း သူတို့အနေဖြင့် သွေးနတ်ဆိုးဂိုဏ်းမှ ပါရမီရှင်များကို ထပ်မံ လုပ်ကြံရန်မှာ မဖြစ်နိုင်သလောက်ပင်။</p> <p> </p> <p> </p> <p>ကျန်းချန် ထံတွင် ကျန့်ဝူရွှယ် ပေးထားသည့် ဓားအဆောင်လက်ဖွဲ့လည်း ရှိနေခဲ့၍ ကျန့်ဝူရွှယ်မှ တစ်ဆင့် သွေးနတ်ဆိုးဂိုဏ်း၏ လှုပ်ရှားမှုများကို သိရှိနိုင်သည် ဖြစ်ရာ သတင်းများကို လိုက်လံစုံစမ်းနေရန် မလိုအပ်ချေ။</p> <p> </p> <p> </p> <p>ထိုအချိန်ကို အခွင့်ကောင်းယူပြီး ကျန်းချန်သည် ကျင့်ကြံခြင်းကို အာရုံစိုက်ကာ အုပ်စိုးသူအဆင့်ကို ထိုးဖောက်နိုင်ရန် စတင် ကြိုးစားခဲ့သည်။</p> <p> </p> <p> </p> <p>သွေးနတ်ဆိုးဂိုဏ်း၏ ပါရမီရှင်များကို လုပ်ကြံသည့် အစီအစဥ်သည် မမျှော်လင့်ဘဲ အောင်မြင်ခဲ့သည့်တိုင် သွေးနတ်ဆိုးဂိုဏ်း၏ အဓိကအင်အားများကို မထိခိုက်စေခဲ့ပေ။</p> <p> </p> <p> </p> <p>ထို့အပြင် ယခုအခါတွင် သွေးနတ်ဆိုးဂိုဏ်းသည် ကြိုတင်ပြင်ဆင်ထားမည် ဖြစ်၍ သူတို့အတွက် လုပ်ကြံရန် ပို၍ ခက်ခဲသွားတော့မည် ဖြစ်သည်။</p> <p> </p> <p> </p> <p>ယင်းကြောင့် ကျန်းချန်က သူ၏ ခွန်အားကို အမြန်ဆုံးမြှင့်တင်ရန် ဆုံးဖြတ်ထားခဲ့သည်။</p> <p> </p> <p> </p> <p>သူ့အနေဖြင့် အုပ်စိုးသူအဆင့်ကို ရောက်ရှိမှသာလျှင် သွေးနတ်ဆိုးဂိုဏ်းနှင့် ယှဥ်ပြိုင်နိုင်သည့် အရည်အချင်း အစစ်အမှန်ကို ရရှိလိမ့်မည် မဟုတ်ပါလား။</p> <p> </p> <p> </p> <p>အခန်း(၂၄၉၀)ပြီး၏။</p> <p> </p> <p> </p> <p> </p> <p> </p>


Save