Book List

<h2 style="text-align: center;">အခန်း ၂၃၀</h2> <h2 style="text-align: center;">ပြိုင်ဘက်ကင်း နတ်ဘုရားစွမ်းအား၊ ကံကြမ္မာကို ရွေးချယ်ရန် နောက်ထပ် အခွင့်အရေးတစ်ခု</h2> <h2 style="text-align: center;">*</h2> <p> </p> <p> </p> <p>"နတ်ဘုရားစွမ်းပကား... မင်း နတ်ဘုရားစွမ်းပကားကို နားလည်သဘောပေါက်ထားပြီလား..."</p> <p>လီချင်းချိုး၏ အမူအရာ ထူးဆန်းသွားပြီး အကြားမှားလေသလားဟုပင် တွေးလိုက်မိသည်။</p> <p>နတ်ဘုရားစွမ်းပကားမှာ မယုံနိုင်လောက်အောင် ခက်ခဲလှသည်။ သူ့ရဲ့ နတ်ဘုရားစွမ်းပကားမှာ တာအိုမျိုးဆက် မျက်နှာပြင်မှ စတင်ခဲ့ခြင်း ဖြစ်ပြီး၊ ကျန်းကျောက်ရှား၏ နတ်ဘုရားစွမ်းပကားမှာ ကိုယ်ပိုင် အခွင့်အရေးများကြောင့် ဖြစ်သည်။</p> <p>ဆယ့်ခြောက်နှစ်အရွယ် ကျောက်ကျိန်းက ကိုယ်ပိုင် နားလည်သဘောပေါက်နိုင်စွမ်းဖြင့် နတ်ဘုရားစွမ်းပကား တစ်ခုကို ဖန်တီးနိုင်မည်လား။</p> <p>"အရင်က တတိယဦးလေး အတိဒုက္ခရင်ဆိုင်တာကို ကြည့်ရင်းနဲ့ ထိုးထွင်းသိမြင်မှု တချို့ ရခဲ့တယ်... ကောင်းကင်မိုးကြိုးဆိုတာ ကောင်းကင်နဲ့ မြေကြီးရဲ့ အရမ်း အစွမ်းထက်တဲ့ စွမ်းအားတစ်ခုလို့ ကျွန်တော် ခံစားရတယ်... အကယ်၍ အဲဒါကို ကိုယ့်အတွက် အသုံးချနိုင်မယ်ဆိုရင် အရမ်း ကောင်းမှာပဲလို့ တွေးမိတယ်... ဒီလို စဉ်းစားရင်းနဲ့ တဖြည်းဖြည်း နားလည်သဘောပေါက်လာတာပါ..."</p> <p>ကျောက်ကျိန်းက အတိတ်ကို ပြန်လည် အမှတ်ရရင်း ပြောလိုက်တော့ ထိုစကားကို ကြားသောအခါ လီချင်းချိုး အလွန် စိတ်လှုပ်ရှားသွားသည်။</p> <p>သူသည် ကျမ်းစာတိုက်အတွက် အများဆုံး ပံ့ပိုးပေးခဲ့သူ ဖြစ်သည်မှာ အံ့သြစရာ မဟုတ်တော့ပေ။</p> <p>ကျောက်ကျိန်းနှင့်သူ့ကြားက ဆရာတပည့် ဆက်ဆံရေးကို ဘေးဖယ်ထားမည်ဆိုလျှင် ကျောက်ကျိန်းမှာ ငယ်ရွယ်သော်လည်း ဂိုဏ်းအတွက် ပံ့ပိုးကူညီမှုများမှာ မင်ကွမ်းနှင့် ဝူရှင်းယွဲ့တို့ထက် မနည်းပေ။ သူသည် ကျင့်စဉ်များနှင့် မှော်ပညာရပ်များကို အမြောက်အမြား ဖန်တီးခဲ့ပြီး ၎င်းတို့ အားလုံးကို တစ်ကိုယ်ကောင်းမဆန်ဘဲ ဂိုဏ်းအတွက်ပေးအပ်ခဲ့ကာ လက်ရှိ ဂိုဏ်း၏ သင်ကြားရေး နည်းလမ်းများ ထွန်းကားမှုအတွက် အခြေခံအုတ်မြစ်ကို ချမှတ်ပေးခဲ့သူပင်။</p> <p>ထို့ကြောင့်ပင် ကျင့်ကြံရေးပိုင်းတွင် ကျောက်ကျိန်း နှစ်အနည်းငယ်ကြာ နောက်ကျကျန်ခဲ့ရခြင်း ဖြစ်သည်။</p> <p>ကျောက်ကျိန်းသည် မိသားစု ဆက်ဆံရေးများနှင့် ပတ်သက်၍ အမှားတစ်ခု ပြုလုပ်ခဲ့ပြီး ၎င်းမှာ သူ ပြုလုပ်ခဲ့သမျှ တစ်ခုတည်းသော အမှားပင် ဖြစ်သည်။ သို့သော်လည်း သူ့ရဲ့ ရှုထောင့်မှ ကြည့်လျှင် ၎င်းမှာ အမှားတစ်ခု မဟုတ်ပေ။ ယေဘုယျအားဖြင့်  ကောင်းကွက်များက  ဆိုးကွက်များထက် သာလွန်နေပေသည်။</p> <p>"ဒါဆို မင်း ငါ့ကို ဘာလုပ်ပေးစေချင်လဲ..."</p> <p> "ကျွန်တော် အကူအညီ မလိုပါဘူး... အတိဒုက္ခရင်ဆိုင်ဖို့ ကိုယ့်ကိုယ်ကိုယ်ပဲ အားကိုးရပါမယ်... အရင်က တတိယဦးလေး အတိဒုက္ခရင်ဆိုင်တုန်းက ဆရာ ကူညီပေးခဲ့လို့ အတိဒုက္ခက ကောင်းကင်အတိဒုက္ခထက် အများကြီး ပိုပြီး အစွမ်းထက်သွားခဲ့တယ်လေ... ဒါက ကောင်းကင်အတိဒုက္ခက အပြင်လူတွေ ဝင်စွက်ဖက်တာကို ခွင့်မပြုဘူးဆိုတာ ပြသနေတယ်... ဆရာက လုံလောက်အောင် အစွမ်းထက်နေလို့သာ တတိယဦးလေးက ကံကောင်းပြီး ဘာတန်ပြန်သက်ရောက်မှုမှ မရှိခဲ့တာပါ..."</p> <p>"တန်ပြန်သက်ရောက်မှု... မင်း အဲဒါကိုတောင် ခံစားနိုင်တာလား..."</p> <p>"ကျွန်တော့်ရဲ့ ခံစားချက်တွေကို ရှင်းရှင်းလင်းလင်း မဖော်ပြနိုင်ပေမဲ့ ဒါတွေက ကျွန်တော် တကယ်ပဲ နားလည်သဘောပေါက်ထားတဲ့ အရာတွေပါ..."</p> <p>ကျောက်ကျိန်း၏ နားလည်သဘောပေါက်နိုင်စွမ်း အသွင်ပြောင်းလဲလာပြီဖြစ်ကြောင်း လီချင်းချိုး ရုတ်တရက် ခံစားလိုက်ရသည်။</p> <p>အသွင်ပြောင်းလဲမှု ပြီးဆုံးသွားသည်နှင့် ကံကြမ္မာ ပျောက်ကွယ်သွားနိုင်ပေသည်။</p> <p>ဆရာတပည့်နှစ်ဉီးသား နတ်ဘုရားစွမ်းပကားအကြောင်း တစ်ခဏမျှ ဆွေးနွေးခဲ့ကြပြီး သူ့ ဆရာတွင်လည်း နတ်ဘုရားစွမ်းပကား ရှိကြောင်း သိလိုက်ရသောအခါ ကျောက်ကျိန်း အလွန် စိတ်လှုပ်ရှားသွားသည်။ လီချင်းချိုးက နတ်ဘုရားစွမ်းပကားကို ကျွမ်းကျင်ပိုင်နိုင်ရန် ကိုယ်ပိုင် အတွေ့အကြုံများကို ကျောက်ကျိန်းနှင့် မျှဝေခဲ့ရာ ကျောက်ကျိန်းကို  စိတ်ကူးဉာဏ်များ ပိုမိုရရှိစေခဲ့သည်။</p> <p>...</p> <p>နှစ်မကုန်မီ နှစ်ရက်အလိုတွင် ကျောက်ကျိန်းတယောက် အတိဒုက္ခရင်ဆိုင်ရာ စင်မြင့်သို့ တက်ရောက်သွားခဲ့သည့် သတင်းများ အလျင်အမြန် ပျံ့နှံ့သွားပြီး တပည့်များစွာကို အံ့အားသင့်သွားစေခဲ့သည်။</p> <p> ကျောက်ကျိန်း မူလအားဖြည့်နယ်ပယ် နဝမအဆင့်သို့ ရောက်ရှိသွားပြီလား။</p> <p>နောက်ပိုင်းတွင် ကျောက်ကျိန်းက နတ်ဘုရားစွမ်းပကားကို ဖန်တီးရန် ရည်ရွယ်နေကြောင်း တပည့်များ သိရှိသွားကြသည်။</p> <p>နတ်ဘုရားစွမ်းပကားကို ဖန်တီးရာတွင် ကောင်းကင်အတိဒုက္ခကို ကျော်လွှားရန် လိုအပ်သည်!</p> <p>နတ်ဘုရားစွမ်းပကားဆိုတာ တကယ်တော့ ဘာလဲဆိုတာက တပည့်များအတွက် စူးစမ်းချင်စရာ အကြောင်းအရာတစ်ခု ဖြစ်လာခဲ့သည်။</p> <p>ကျောက်ကျိန်းက အတိဒုက္ခရင်ဆိုင်ရာ စင်မြင့်ပေါ်တွင် နေ့ရောညပါ တရားထိုင်နေခဲ့ပြီး လီရွှယ်တောင်ထွတ်၏ ကောင်းကင်ယံတွင် မိုးကြိုးတိမ်တိုက်များ စတင် စုရုံးလာတော့သည်။</p> <p>"ကောင်းကင်အတိဒုက္ခ တကယ် ရှိနေတာပဲ..."</p> <p>ချောက်ကမ်းပါးပေါ်တွင် ရပ်လျက် လီချင်းချိုးက အတိဒုက္ခရင်ဆိုင်ရာ စင်မြင့်ကို ကြည့်ကာ ချီးကျူးစွာ တီးတိုး ရေရွတ်လိုက်သည်။</p> <p>သူ့ရဲ့ ကျင့်ကြံမှုအဆင့်မှာ ကျောက်ကျိန်းထက် မြင့်မားသော်လည်း တာအိုအပေါ် သူ့ရဲ့ နားလည်မှုမှာ အမှန်တကယ်ပင် ကျောက်ကျိန်းထက် နိမ့်ကျနေပေသည်။</p> <p>ကျောက်ကျိန်း၏ မှော်ပညာရပ်များနှင့် ကျင့်စဉ်များက သိုင်းပညာဘက်သို့ ဦးတည်နေပြီး စစ်မှန်သော သိုင်းခန္ဓာ ကံကြမ္မာက ဤနယ်ပယ်တွင် သူ့ရဲ့ နားလည်သဘောပေါက်နိုင်စွမ်းကို မြှင့်တင်ပေးသဖြင့် နားလည်သဘောပေါက်နိုင်စွမ်းမှာ ထူးချွန်သော အဆင့်ထက် များစွာ သာလွန်နေစေသည်။</p> <p>ရှန်ယွဲ့၊ ရွှီနင်းနှင့် ကျန်းကျောက်ရှားတို့သည်လည်း လီချင်းချိုး၏ ဘေးတွင် တစ်ယောက်ပြီး တစ်ယောက် ပေါ်လာကြပြီး ကျောက်ကျိန်း အဘယ်ကြောင့် အတိဒုက္ခရင်ဆိုင်နေရသနည်းဟု စူးစမ်းချင်စိတ် ဖြစ်နေကြသည်။</p> <p>၎င်းတို့သာမက အတွင်းစည်း တပည့်များ၏ ပုံရိပ်များကလည်း တောင်ခြေရှိ တောအုပ်အထက် ကောင်းကင်ယံတွင် အဆက်မပြတ် ပေါ်လာနေပြီး ဘာဖြစ်နေသနည်းဟု ကြည့်ရှုရန် အားလုံး အလုအယက် ရောက်လာကြသည်။</p> <p>လူတိုင်း၏ အကြည့်အောက်တွင် ကျောက်ကျိန်း၏ ခေါင်းနောက်တွင် နေမင်းငယ်လေး တစ်စင်း ရုတ်တရက် ပေါ်လာပြီး ဖြည်းညင်းစွာ တက်လာကာ ကျယ်ပြန့်လာပြီး ဝဲဂယက်တစ်ခုဖြင့် ဝိုင်းရံထားလေသည်။</p> <p>"မဟာနေမင်းယန်ကျင့်စဉ်ဆိုတဲ့အတိုင်း သူက ဒီကျွမ်းကျင်မှုကို အဆင့်သစ်တစ်ခုဆီ မြှင့်တင်လိုက်တာပဲ..."</p> <p>လီချင်းချိုး စိတ်ထဲမှ သက်ပြင်းချလိုက်မိသည်။</p> <p>မဟာနေမင်းယန်ကျင့်စဉ်မှာ ကျောက်မိသားစု တော်ဝင်မိသားစု၏ ကျင့်စဉ် ဖြစ်သည်။ ကျောက်ကျိန်း ၎င်းကို သင်ယူပြီးနောက် ဘယ်သောအခါမှ ပေါ့ပေါ့ဆဆ မလုပ်ခဲ့ဘဲ မဟာနေမင်းယန်ကျင့်စဉ်၏ ဗားရှင်းများစွာကိုပင် ဖန်တီးခဲ့သေးသည်။</p> <p>ကောင်းကင်ဘုံ၏ စွမ်းအားများ စတင် စုရုံးလာသော်လည်း ကျန်းကျောက်ရှား အတိဒုက္ခရင်ဆိုင်စဉ်ကလောက် ကြောက်မက်ဖွယ် မကောင်းသော်လည်း မှိုင်းညို့ပြီး ဖိနှိပ်မှု ခံစားချက်ကိုတော့ ပေးစွမ်းနေဆဲပင်။</p> <p>ပထမဆုံး မိုးကြိုးပစ်ချလိုက်သောအခါ ကျောက်ကျိန်း၏ နောက်ရှိ နေမင်းမှာ အချင်း သုံးကျန်းကျော် ရှိနေပြီ ဖြစ်ပြီး မိုးကြိုး ထိမှန်သောအခါ ပြေလျော့သွားတော့သည်။</p> <p>မဟုတ်ဘူး... ပြေလျော့သွားတာ မဟုတ်ဘူး... စုပ်ယူလိုက်တာပဲ!</p> <p>ကျောက်ကျိန်း၏ ခန္ဓာကိုယ်တွင် မိုးကြိုးများ တဖျပ်ဖျပ် လင်းလက်နေပြီး သူသည် ကောင်းကင်မိုးကြိုး၏ စွမ်းအားကို ခံနိုင်ရည် ရှိနေကြောင်း လီချင်းချိုး ထက်မြက်စွာ သတိပြုမိလိုက်သည်။</p> <p>သူက ဒီအတိုင်း ခံနိုင်ရည် ရှိနေရုံသာ မကဘဲ ကောင်းကင်မိုးကြိုးဖြင့် ခန္ဓာကိုယ် သန့်စင်ခြင်းကို အသုံးပြုကာ ကောင်းကင်ရွှေခန္ဓာကိုယ်ကျင့်စဉ်ကိုလည်း လည်ပတ်နေခြင်း ဖြစ်သည်။</p> <p>ဒီကောင်လေးကတော့...</p> <p>တကယ် အထင်ကြီးစရာပဲ!</p> <p>ကျန်းကျောက်ရှားသည်လည်း ကျောက်ကျိန်း၏ စွမ်းဆောင်ရည်ကြောင့် အံ့အားသင့်သွားပြီး အားကောင်းသော အကျပ်အတည်း ခံစားချက်တစ်ခုကို ရုတ်တရက် ခံစားလိုက်ရသည်။</p> <p>ရွှီနင်းနှင့် ရှန်ယွဲ့တို့လည်း ထိုနည်းတူပင်…</p> <p>ဒီနှစ်ပြီးသွားရင် ကျောက်ကျိန်းက ကြီးပြင်းလာပြီး နောင်ကျရင် တားဆီးမရနိုင်တော့ဘူး…..</p> <p>ကျောက်ကျိန်း အသက် ခြောက်နှစ်အရွယ် ဂိုဏ်းသို့ ဝင်ရောက်လာကတည်းက သူ့ရဲ့ ပါရမီကို လူတိုင်း မြင်တွေ့နိုင်ခဲ့သည်။ သူသည် ဂိုဏ်း၏ နံပါတ်တစ် ပါရမီရှင် ဖြစ်ပြီး ချင်းရှောင်ဂိုဏ်း၏ အနာဂတ် ဖြစ်လာမည်ကို လူတိုင်း အသိအမှတ်ပြုထားကြသည်။</p> <p>သို့သော် သူ တကယ် ကြီးပြင်းလာသောအခါ ကျန်းကျောက်ရှားနှင့် အခြားနှစ်ဦးမှာ မိန်းမောသွားသကဲ့သို့ ခံစားလိုက်ရသည်။</p> <p>အချိန်တွေ မြန်လိုက်တာ! ဒီသွက်လက်တဲ့ ကောင်လေးက အစွမ်းထက်တဲ့သူ တစ်ယောက်ရဲ့ အရှိန်အဝါကို ရယူတော့မယ်….</p> <p>နောက်ထပ် မိုးကြိုးတစ်ချက် ပစ်ချလာပြန်သော်လည်း ကျောက်ကျိန်း၏ နေမင်းက စုပ်ယူသွားပြန်သည်။ ကျောက်ကျိန်း၏ ခန္ဓာကိုယ် စတင် တုန်ယင်လာပြီး အထူးချုပ်လုပ်ထားသော ဝတ်ရုံများ ပြင်းထန်စွာ လွင့်ဝဲနေကာ အချိန်မရွေး ပေါက်ကွဲထွက်သွားတော့မည့်အလား ဖြစ်နေသည်။</p> <p>သူ့မျက်နှာပေါက် ခုနစ်ခုမှ သွေးများ စတင် စီးကျလာသော်လည်း တိတ်ဆိတ်နေပြီး ပါးစပ်ကို တင်းကျပ်စွာ ပိတ်ထားသည်။</p> <p>ကောင်းကင်မိုးကြိုးများ တစ်ချက်ပြီးတစ်ချက် ဆက်တိုက် ပစ်ချလာပြီး သူ့ခေါင်းပေါ်ရှိ နေမင်းမှာ ပိုမို ကြီးမားလာကာ ၎င်း၏ စွမ်းအားမှာလည်း အလျင်အမြန် တိုးလာနေသည်။ ဤနေမင်းအတွင်း ပါဝင်သော ကြောက်မက်ဖွယ်ကောင်းသော စွမ်းအားကို လူတိုင်း ခံစားနိုင်ကြသည်။</p> <p>ကောင်းကင်နှင့် မြေကြီးကြားရှိ လေပြင်းများနှင့် လှိုင်းများမှာ ပူပြင်းလောင်ကျွမ်းလာသည်။</p> <p>ကိုးချက်မြောက် ကောင်းကင်မိုးကြိုးများ ပစ်ချပြီးနောက် ကျောက်ကျိန်းမှာ သွေးများဖြင့် ဖုံးလွှမ်းနေသော်လည်း တရားထိုင်နေသော ကိုယ်ဟန်ကို ထိန်းသိမ်းထားဆဲပင်။</p> <p>ဤတစ်ကြိမ်တွင် လီချင်းချိုးက သူ့ကို ယုံကြည်ရန် ဆုံးဖြတ်လိုက်ပြီး အတိဒုက္ခရင်ဆိုင်ခြင်းကို ဝင်ရောက် မစွက်ဖက်ခဲ့ပေ။</p> <p>မိုးခြိမ်းသံများ ဆက်လက် ထွက်ပေါ်နေပြီး ဆယ့်ခြောက်ချက်မြောက် မိုးကြိုးပစ်ချပြီးမှသာ နတ်ဘုရားစွမ်းအားများ ပျောက်ကွယ်သွားတော့သည်။</p> <p>ကျောက်ကျိန်း မလဲကျခဲ့ပေ။ သူသည် အတိဒုက္ခရင်ဆိုင်ရာ စင်မြင့်ပေါ်တွင် ဆက်လက် ထိုင်နေခဲ့သည်။ သူ့ ခေါင်းပေါ်ရှိ နေမင်းမှာ အချင်း ခြောက်ကျန်းကျော် ရှိနေပြီး ၎င်း၏ မျက်နှာပြင်တွင် ရွှေရောင် မီးတောက်များနှင့် အနီရောင် မီးတောက်များ လောင်ကျွမ်းနေကာ တကယ်ကို ခမ်းနားသော မြင်ကွင်းတစ်ခု ဖြစ်နေ၏။</p> <p>ထိုစဉ်မှာပင် လီချင်းချိုး၏ မျက်လုံးရှေ့တွင် အသိပေးချက် တစ်ခု ရုတ်တရက် ပေါ်လာသည်။</p> <p>【ချင်းရှောင်ဂိုဏ်းတွင် နတ်ဘုရားစွမ်းပကားကို ဖန်တီးနိုင်ခဲ့သော ပထမဆုံး တပည့် ရှိလာခဲ့ပြီး တာအိုမျိုးဆက်တွင် နတ်ဘုရားစွမ်းပကားအတွက် လမ်းစဖော်ပေးခဲ့သောကြောင့် သင့်အား ကံကြမ္မာ ရွေးချယ်ခွင့် တစ်ကြိမ် ပေးအပ်လိုက်သည်။】</p> <p>ကံကြမ္မာကို ရွေးချယ်ခွင့်!</p> <p>လီချင်းချိုး အလွန် ဝမ်းသာသွားသည်၊ အကြောင်းမှာ ကံကြမ္မာက ရွေးချယ်ပေးသော ဆုကြေးကို သူ မရရှိခဲ့သည်မှာ နှစ်ပေါင်းများစွာ ကြာမြင့်ခဲ့ပြီ ဖြစ်သောကြောင့်ပင်။</p> <p> နှစ်ပေါင်းများစွာ ကျောက်ကျိန်းကို ပြုစုပျိုးထောင်ပေးခဲ့မှုက နောက်ဆုံးတွင် ကြီးမားသော အကျိုးအမြတ်များ ရရှိလာခဲ့ပြီ.</p> <p>ထို့နောက် သူက ကျောက်ကျိန်း၏ မျက်နှာပြင်ကို ခေါ်ယူလိုက်သည်။</p> <p>【အမည်- ကျောက်ကျိန်း】</p> <p>【ကျား/မ-ကျား】</p> <p>【အသက်-၁၆】</p> <p>【သစ္စာရှိမှု (ခေါင်းဆောင်/ဂိုဏ်း) - ၉၅/၉၄ (အများဆုံး ၁၀၀)】</p> <p>【ကျင့်ကြံမှု ပါရမီ - ထူးချွန်】</p> <p>【နားလည်သဘောပေါက်နိုင်စွမ်း - ထူးချွန်】</p> <p>【ကံကြမ္မာ - ပြိုင်ဘက်ကင်း နတ်ဘုရားစွမ်းအား၊ စစ်မှန်သော သိုင်းခန္ဓာ】</p> <p>【ပြိုင်ဘက်ကင်း နတ်ဘုရားစွမ်းအား -  ကိုယ်ပိုင် နားလည်သဘောပေါက်နိုင်စွမ်းဖြင့် နတ်ဘုရားစွမ်းပကားကို ဖန်တီးခြင်းဖြင့် ကောင်းကင်နှင့် မြေကြီး၏ အသိအမှတ်ပြုမှုကို ရရှိပြီး ထူးခြားသော ကံကောင်းခြင်းများကို ရရှိမည်။ ထိုသူ၏ နတ်ဘုရားစွမ်းပကားကို ကောင်းကင်နှင့် မြေကြီးက အကူအညီပေးမည် ဖြစ်သည်။】</p> <p>【စစ်မှန်သော သိုင်းခန္ဓာ - သိုင်းပညာဖြင့် လမ်းစဉ်သို့ ဝင်ရောက်ခြင်း၊ သိုင်းလမ်းစဉ်မှနေ၍ မသေမျိုးလမ်းစဉ်ကို ဖန်တီးနိုင်စွမ်း ရှိသည်။】</p> <p>...</p> <p>လွယ်ကူစွာကျိုးပဲ့နိုင်သော ကံကြမ္မာ မှာ နောက်ဆုံးတွင် ပျောက်ကွယ်သွားပြီး ကံကြမ္မာသစ်ဖြစ်သော ပြိုင်ဘက်ကင်း နတ်ဘုရားစွမ်းအား ဖြင့် အစားထိုးခံလိုက်ရပြီ ဖြစ်၏!</p> <p>ကောင်းကင်နဲ့ မြေကြီးရဲ့ အကူအညီနဲ့လား…</p> <p>ဒါက အတော်လေး အထင်ကြီးစရာ ကောင်းပုံရတယ်….</p> <p>အရေးအကြီးဆုံးက ကျောက်ကျိန်းဟာ ထူးချွန်တဲ့ ပါရမီ နှစ်ခု ရှိတဲ့သူ တစ်ယောက်အဖြစ် အသွင်ပြောင်းသွားပြီ ဖြစ်တယ်…</p> <p>လောလောဆယ်တွင် ဤကဲ့သို့သော မျက်နှာပြင်မျိုး ရှိသူမှာ ချူကျင်း တစ်ယောက်တည်းသာ ရှိကြောင်း လီချင်းချိုး သိထားသော်လည်း ချူကျင်းမှာ သေဆုံးသွားပြီ ဖြစ်၏။</p> <p>ဤနေ့မှစ၍ ကျောက်ကျိန်းသည် ချင်းရှောင်ဂိုဏ်း၏ နံပါတ်တစ် ပါရမီရှင် ဖြစ်လာပြီဟု ဆိုလျှင် ချဲ့ကားရာ မရောက်ပေ!</p> <p>လီချင်းချိုးက ကျောက်ကျိန်းကို နက်နက်ရှိုင်းရှိုင်း တစ်ချက် ကြည့်လိုက်ပြီးနောက် လှည့်ကာ တောင်အောက်သို့ ဆင်းသွားတော့သည်။</p> <p>ရွှီနင်းနှင့် ရှန်ယွဲ့တို့လည်း တစ်ယောက်ပြီး တစ်ယောက် ထွက်သွားကြသော်လည်း ကျန်းကျောက်ရှားမှာ မျက်မှောင်ကြုတ်လျက် ချောက်ကမ်းပါးရှေ့တွင် ရပ်နေဆဲပင်။</p> <p>ကျောက်ကျိန်း၏ ကောင်းကင်အတိဒုက္ခမှာ သူ့ရဲ့ ကောင်းကင်အတိဒုက္ခလောက် ကြောက်မက်ဖွယ် မကောင်းသော်လည်း ကျောက်ကျိန်း၏ အတွေ့အကြုံမှာ ဝိညာဉ်အသိအာရုံအဆင့် မဟုတ်ပေ။ ကျောက်ကျိန်းသည်  အတိဒုက္ခရင်ဆိုင်ရာတွင် သူ့ကိုယ်သူသာ လုံးဝ အားကိုးခဲ့ခြင်း ဖြစ်သည်။</p> <p>"ဒီကောင်လေး..."</p> <p>ယခုမှစ၍ ကျောက်ကျိန်းကိုလည်း  ပြိုင်ဘက်အဖြစ် သတ်မှတ်ရန် ကျန်းကျောက်ရှား ဆုံးဖြတ်လိုက်ချေပြီ။</p> <p>နောက်ရက်များတွင် ကျောက်ကျိန်းက နတ်ဘုရားစွမ်းပကားကို ဖန်တီးနိုင်ခဲ့ခြင်းနှင့် ကောင်းကင်အတိဒုက္ခအပေါ် သူ့ရဲ့ လုပ်ဆောင်ချက်များ အလျင်အမြန် ပျံ့နှံ့သွားတော့သည်။</p> <p>နှစ်ကုန်ပြီးပြီးချင်းမှာပင် ကျောက်ကျိန်းက အတိဒုက္ခရင်ဆိုင်ရာ စင်မြင့်မှ ဆင်းလာခဲ့ပြီး ကျင့်ကြံခြင်းဂူသို့ ပြန်သွားမည့်အစား ကျမ်းစာတိုက်ဘက်သို့ ဦးတည်သွားခဲ့သည်။</p> <p>လမ်းတစ်လျှောက်တွင် တပည့်များက သူ့ကို မေးခွန်းများ မေးကြရာ သူက အားလုံးကို ဖြေကြားပေးခဲ့သည်။</p> <p>သူ ဖန်တီးခဲ့သော နတ်ဘုရားစွမ်းပကားကိုစစ်မှန်နေမင်း သိုင်းပညါဟု ခေါ်ဆိုသည်။</p> <p>သူသည် စစ်မှန်နေမင်း သိုင်းပညာကို လေ့ကျင့်ရန် နည်းလမ်းများကို ရေးမှတ်ပြီး တပည့်များ လေ့ကျင့်နိုင်ရန် ကျမ်းစာတိုက်တွင် ထည့်သွင်းထားမည် ဖြစ်သည်!</p> <p>ဤသည်က တပည့်များစွာကို စိတ်လှုပ်ရှားသွားစေခဲ့ပြီး ကျောက်ကျိန်း၏ ဂုဏ်သိက္ခာ တစ်ဟုန်ထိုး တက်လာခဲ့သည်။</p> <p>နွေဦးရာသီ ပွဲတော် နီးကပ်လာသည်နှင့်အမျှ ဤကိစ္စမှာ တပည့်များအကြား ရေပန်းစားသော ဆွေးနွေးစရာ အကြောင်းအရာ တစ်ခု ဖြစ်နေဆဲပင်။</p> <p>လင်းရှောင်ခြံဝင်းအတွင်း မည်သည့် ကျင့်ကြံရေး လှုပ်ရှားမှုမှ မရှိဘဲ လီချင်းချိုးသည်ပင် ပွဲတော်ကို ကျင်းပရန် စောစောစီးစီး ရောက်ရှိလာသဖြင့် ခြံဝင်းမှာ အလွန် စည်ကားနေသည်။</p> <p>လီချင်းချိုးက ကုလားထိုင်ပေါ်တွင် ထိုင်လျက် လီရှို့ကျန်းနှင့် လီရှို့မင်တို့ ကစားခုန်စားနေသည်ကို ကြည့်နေပြီး လီတုန်းယွဲ့နှင့် ယွင်ချိုင်တို့က သူ့ တစ်ဖက်တစ်ချက်စီတွင် ထိုင်ကာ ပန်းများနှင့် သစ်သီးများကို လက်ဖြင့် အခွံခွာပေးနေကြသည်။</p> <p>ကျောက်ကျိန်းက ရှည်လျားသော စားပွဲ၏ ထောင့်တစ်နေရာတွင် ထိုင်နေပြီး ရှောင်ညီနောင်သုံးဖော်၊ ယွမ်လီ၊ ကျိယာ၊ ယန်ကျွယ်တိန်နှင့် ချန်ချန်ဟိုင်တို့က သူ့ကို ဝိုင်းရံထားကာ နတ်ဘုရားစွမ်းပကားအကြောင်း ဆွေးနွေးနေကြသည်။</p> <p>ကျန်းကျောက်ရှားက လီချင်းချိုး၏ မျက်နှာချင်းဆိုင်တွင် ထိုင်လျက် တစ်ယောက်တည်း သေရည် သောက်နေသည်။ ဝူမန်အာက သူ့ကို စကားပြောရန် ကြိုးစားသော်လည်း သူက လျစ်လျူရှုထားသည်။</p> <p>ရွှီနင်းက အမိုးစွန်းပေါ်တွင် ရပ်လျက် နှင်းများကို ကြည့်ရှုခံစားနေသည်။</p> <p>ချင်းရှောင်ဘိုးဘေးနှင့်ရှန်ယွဲ့တို့က တစ်ယောက်ကိုတစ်ယောက် ကြွားလုံးထုတ်နေကြပြီး ချင်းရှောင်ဘိုးလေးခင်မျာ သိသိသာသာ အနောက်သို့ ပြတ်ကျန်နေသည်။</p> <p>ဤမြင်ကွင်းများမှာ လီချင်းချိုးအတွက် အလွန် လှပလွန်းလှပြီး နှစ်တိုင်း ဤကဲ့သို့ ဖြစ်နေရန် သူ အမှန်တကယ် မျှော်လင့်မိသည်။</p> <p>"အစ်ကိုကြီး... ရှို့ကျန်းနဲ့ ရှို့မင်တို့ကို ဘယ်တော့လောက် မသေမျိုးလမ်းစဉ်ကို ကျင့်ကြံခိုင်းဖို့ စီစဉ်ထားလဲ... ပြီးတော့ သူတို့ကို ဘယ်သူ သင်ပေးမှာလဲ..."</p> <p>လီတုန်းယွဲ့က လီရှို့ကျန်းနှင့် အခြားတစ်ယောက်ကို ကြည့်ရင်း ရုတ်တရက် မေးလိုက်ခြင်းပင်။</p> <p>အသက် သုံးနှစ်အရွယ် လီရှို့ကျန်းနှင့် လီရှို့မင်တို့က ဉာဏ်ရည်နှင့် ထက်မြက်မှုများကို ပြသနေပြီ ဖြစ်ပြီး အသက်အရွယ်တူ အခြားကလေးများနှင့် လုံးဝ မတူဘဲ သွက်လက်စွာ စကားပြောဆိုနေကြသည်။ ၎င်းတို့တွင် မသေမျိုးလမ်းစဉ်ကို ကျင့်ကြံရန် ပါရမီ ရှိ၊ မရှိကို လူတိုင်း စူးစမ်းချင်နေကြသည်။</p> <p>လီချင်းချိုးက …"စစ်ဖုန်း ပြန်လာတဲ့အချိန်မှာ သူတို့ စတင် ကျင့်ကြံကြမှာပါ... ပြီးတော့ စစ်ဖုန်းက သူတို့ကို သင်ပေးရမှာပေါ့..."</p> <p>သူ ဤသို့ ပြုလုပ်ရခြင်းမှာ လီစစ်ဖုန်းအတွက် ဖြစ်သည်။</p> <p>အကယ်၍ လီစစ်ဖုန်းက ဤကောင်လေး နှစ်ယောက်ကို ဆက်လက် လျစ်လျူရှုထားမည်ဆိုလျှင် နောင်တွင် သားနှစ်ယောက်ကို ထိန်းချုပ်နိုင်တော့မည် မဟုတ်ပေ။</p> <p>လီရှို့ကျန်းနှင့် လီရှို့မင်တို့နှင့် ယှဉ်လျှင် လီချင်းချိုးက လီစစ်ဖုန်းကို ပို၍ အလိုလိုက်နေဆဲပင်။</p> <p>လီစစ်ဖုန်းတွင် အားနည်းချက်များ မည်မျှပင် ရှိပါစေ သူကိုယ်တိုင် ပြုစုပျိုးထောင်ပေးခဲ့သူ ဖြစ်ပြီး သူ့ မျက်လုံးထဲတွင် လီစစ်ဖုန်းမှာ အမြဲတမ်း ကလေးတစ်ယောက်သာ ဖြစ်နေမည် ဖြစ်သည်။</p> <p>"သူက ကလေးတွေကို မသေမျိုးလမ်းစဉ်ကို ကျင့်ကြံဖို့ သင်ပေးနိုင်မှာလား... ရှို့ကျန်းနဲ့ ရှို့မင်တို့ရဲ့ တိုးတက်မှုကို အနှောင့်အယှက် မဖြစ်စေနဲ့နော်…”</p> <p>လီတုန်းယွဲ့က စိုးရိမ်တကြီး မေးလိုက်တော့</p> <p>“အချိန်တန်ရင် ငါတို့ သိရမှာပေါ့”</p> <p>လီချင်းချိုးက ပေါ့ပေါ့ပါးပါး ပြောလိုက်ပြီး လုံးဝ စိတ်မပူပေ။</p> <p>သူက လီစစ်ဖုန်းကို မယုံကြည်ဘဲ လီရှို့ကျန်းနှင့် လီရှို့မင်တို့ကို ယုံကြည်ခြင်း ဖြစ်သည်။</p> <p>ယခုအခါ ကျောက်ကျိန်း ကြီးပြင်းလာပြီ ဖြစ်ရာ "ပါရမီရှင် ကောင်လေး" ဟူသော ဂုဏ်ပုဒ်ကို ဤကောင်လေး နှစ်ယောက်က ဆက်ခံမည် ဖြစ်သည်။</p> <p>လီချင်းချိုးက ၎င်းတို့ကို ဖိနှိပ်ထားရန် လုံးဝ ရည်ရွယ်ချက် မရှိဘဲ  ပါရမီများကို အပြည့်အဝ ထုတ်ဖော်ပြသခွင့် ပြုမည် ဖြစ်သည်။ ဤသည်က ချင်းရှောင်ဂိုဏ်းတွင် ပါရမီရှင်များ မရှားပါးကြောင်းနှင့် မျိုးဆက်တစ်ခုစီတိုင်းက ယခင်ကထက် ပိုမို အစွမ်းထက်လာကြောင်း တပည့်များနှင့် လောကကြီးကို ပြောပြရန်လည်း ဖြစ်ပေသည်။</p> <p>ယွင်ချိုင်က ဘေးတွင် စကားတစ်ခွန်းမျှ မပြောဘဲ ထိုင်နေပြီး သူမ၏ အာရုံစိုက်မှုကလည်း ကျောက်ကျိန်းအပေါ်တွင်သာ ရှိနေသည်။</p> <p>သူမသည် ကျောက်ကျိန်းထက် ငါးနှစ် ကြီးသော်လည်း ကျောက်ကျိန်း၏ ပါရမီက သူမထက် များစွာ သာလွန်ကြောင်း သူမ ဝန်ခံရမည် ဖြစ်သည်။ အနည်းဆုံးတော့ သူမက နတ်ဘုရားစွမ်းပကားကို မဖန်တီးနိုင်ပေ။</p> <p>ယခုအခါ သူမက ကျောက်ကျိန်းကို သူမ၏ စံပြအဖြစ် သတ်မှတ်ထားလိုက်ပြီဖြစ်သည်။</p> <p>ရှောင်ညီနောင်သုံးဖော်ကိုတော့ ခြိမ်းခြောက်မှု တစ်ခုအဖြစ် သူမ မယူဆတော့ပေ။</p> <p>ခြံဝင်းအတွင်းရှိ လူတိုင်း ကိုယ်စီ ပျော်ရွှင်နေကြစဉ် လူများ ဆက်တိုက် ဝင်လာကြပြီး အချို့က နှစ်သစ်ကူး နှုတ်ဆက်ရန် လာကြကာ အချို့က ၎င်းတို့၏ ကိစ္စရပ်များကို အစီရင်ခံရန် လာကြခြင်းပင်။</p> <p>လီတုန်းယွဲ့မှာ အလျင်အမြန် ဘေးသို့ ဆွဲခေါ်ခံလိုက်ရသည်၊ အကြောင်းမှာ ဌာနခွဲတစ်ခုစီတိုင်းက လည်ပတ်ရန် ငွေကြေးနှင့် အရင်းအမြစ်များ လိုအပ်ပြီး ၎င်းတို့အားလုံးက သူမကို တိုင်ပင်ရသောကြောင့်ပင်။</p> <p>ကျူးယန်က လီချင်းချိုးကို ကြည့်ရင်း အနည်းငယ် ချီတုံချတုံ ဖြစ်နေသည်။</p> <p>သေချာ စဉ်းစားပြီးနောက် သူမက သတ္တိမွေးကာ လီချင်းချိုး၏ ဘေးတွင် ဝင်ထိုင်ပြီး တီးတိုး ပြောလိုက်သည်။</p> <p>"ဂိုဏ်းချုပ်... ကျူးမိသားစုက လျူကျင်းကို ထောက်ခံဖို့ ဆန္ဒရှိပါတယ်... ပြီးတော့ သူတို့ရဲ့ စစ်ဆင်ရေးကို စတင်နေပါပြီ..."</p> <div> </div> <p> </p> <p style="text-align: center;"> </p> <p style="text-align: center;">***</p>


Save