Book List

<h2 style="text-align: center;">အပိုင်း ၅၈၁</h2> <h2 style="text-align: center;">စစ်သူကြီး၏ လောဘ</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ယွမ်ရှောင်သည် ဓားဌာန အကြောင်းကို တစ်ခါမှ မကြားဖူးခဲ့သော်လည်း မဟာတာအိုနယ်မြေအတွင်းရှိ ဓားပညာရပ်ဆိုင်ရာ နေရာတစ်ခု ဖြစ်မည်ဟု ခန့်မှန်းမိသည်။ ချောင်ရူက ဤနေရာကို ရုတ်တရက် ထည့်သွင်းပြောဆိုရခြင်းမှာ ထင်ရှားသော ရည်ရွယ်ချက်တစ်ခု ရှိနေ၍ ယွမ်ရှောင်အား ကာကွယ်ရန်ပင် ဖြစ်သည်။ ထို့အပြင် သူမသည် မိုးကြိုးဌာနမှ အဆင့်မြင့် အရာရှိကြီး ၁၀၀ ၏ ပြင်းထန်သော အကြည့်အောက်တွင် ထိုသို့ လုပ်ဆောင်နေခြင်း ဖြစ်သည်။ ဓားဌာနကို ဤကိစ္စထဲသို့ ဆွဲသွင်းလိုက်ခြင်းဖြင့် ယွမ်ရှောင်၏ ကံကြမ္မာနှင့် ပတ်သက်သော ဆုံးဖြတ်ချက်တွင် အဖွဲ့အစည်းများ ပိုမို ပါဝင်လာစေမည် ဖြစ်ကာ အဘက်ဘက်မှ ခြိမ်းခြောက်မှုများကို ဖြတ်ကျော်ပြီး အသက်ရှင်သန်နိုင်မည့် အခွင့်အရေး ရှိလာပေလိမ့်မည်။ ကောင်းကင်ရုံးတော် သို့ ရောက်ရှိလာကတည်းက အဆင့်အတန်း မြင့်တက်လာစေရန် အရာရှိကြီးများ၏ လောဘကို အမြဲတမ်း အသုံးချခဲ့သော်လည်း မျှော်လင့်မထားသော ဤလုပ်ရပ်က သူ့ကို အတော်လေး အံ့အားသင့်သွားစေသည်။</p> <p>"ဒီမိန်းမက ငါ့ကို ပိုင်ဆိုင်ချင်တဲ့ ဆန္ဒတွေကြောင့် ရူးသွားတာလားဟ"</p> <p>ဤကဲ့သို့သော အချိန်မျိုးတွင် တစ်ဖက်လူအား ဆန့်ကျင်ရန် မည်မျှ သတ္တိရှိရမည်ကို သူ သတိပြုမိသည်။</p> <p>"သူမကို ဖိအားပေးနေတာ မဟာစစ်သူကြီးများ ဖြစ်နိုင်မလား"</p> <p>အသက်အရွယ် ရနေပြီဖြစ်သော်လည်း လျှပ်စီးမိုးကြိုး မုန်တိုင်းများ ဝန်းရံထားကာ နဂါးတစ်ကောင်၏ ကြမ်းကြုတ်မှု၊ ကျားတစ်ကောင်၏ ခွန်အားများဖြင့် ပြည့်နှက်နေသော ကောင်းကင်ဘုံကိုးထပ် မိုးကြိုး မဟာစစ်သူကြီး အမှန်တကယ် ဖြစ်နိုင်ချေရှိပေသည်။ ယွမ်ရှောင်သည် ဆက်ဆံရေး ကွန်ရက်များကို ရှင်းလင်းစွာ နားလည်သွား၍ သူ၏ အရည်အချင်းကို ထုတ်ပြလိုက်သည်နှင့်တစ်ပြိုင်နက်၊ ပါးစပ်ပေါက်များစွာကို ဆွဲဆောင်မိသွားပြီး အလွန် ဆိုးရွားသော အခြေအနေသို့ ရောက်ရှိသွားစေကာ ယခု မည်သူက အရင်ဆုံး ဝါးနိုင်မည် ဆိုသည်ကသာ မေးခွန်းထုတ်စရာ ဖြစ်လာသည်။ ပိုဟုန်၊ ပိုင်တိ နှင့် အဆင့်မြင့် အင်မော်တယ် အများအပြားသည် အေးစက်စွာ ရပ်နေကြပြီး မျက်လုံးများတွင် မုန်းတီးမှုများနှင့် သတ်ဖြတ်လိုစိတ်များ ပြည့်နှက်နေသဖြင့် ယွမ်ရှောင် ၏ သေဆုံးခြင်းမှလွဲ၍ အခြား မလိုချင်ကြပေ။ မိုးကြိုးဌာန ရွေးချယ်ပွဲ အတွင်း ကျောင်းတော်မှ ပါရမီရှင်များနှင့် ဆုံတွေ့လျှင် သူ သေသည်အထိ သနားညှာတာမှု ကင်းမဲ့စွာ တိုက်ခိုက်ကြမည်ကို သေချာပေါက် သိနေသည်။ မဟာစစ်သူကြီး၊ ချောင်ရှန်းနှင့် ကူစုဝမ်၏ အခြေအနေမှာ အများကြီး ပို၍ ရှုပ်ထွေးနေသော်လည်း အန္တရာယ်များအတွင်း၌ ကြီးမားသော အခွင့်အရေးများ မကြာခဏ ပုန်းကွယ်နေတတ်၍ မဟာစစ်သူကြီး နှင့်ချောင်ရှန်းတို့ မည်သို့ ကိုင်တွယ်မည်ကို မြင်တွေ့ရန် စိတ်အားထက်သန်နေကာ အဖြေက မကြာခင် ထွက်ပေါ်လာတော့မည် ဖြစ်သည်။</p> <p>ဓားဌာန အကြောင်း ကြားသောအခါ ချောင်ရှန်း၏ စိတ်ထဲတွင် ဒေါသများ တဟုန်းဟုန်းတောက်သွားသော်လည်း လျင်မြန်စွာ တည်ငြိမ်စေလိုက်၏။</p> <p>“မင်းရဲ့ ဒီနေ့ စွမ်းဆောင်ရည်တွေက ကောင်းကင်နဲ့ မြေကြီးကို တကယ် တုန်လှုပ်စေပါတယ်။ မင်းရဲ့ အဖေအနေနဲ့ ငါ အတိုင်းမသိ ဂုဏ်ယူမိတယ်”</p> <p>“အရာအားလုံးက မွေးစားအဖေ့ရဲ့ လမ်းညွှန်မှု ကျေးဇူးတွေကြောင့်ပါ”</p> <p>ယွမ်ရှောင်သည် မြင့်မားလာသော အဆင့်အတန်းကို ပွင့်လင်းစွာ လက်ခံလိုက်ပြီး အသုံးအနှုန်း တစ်ခုတည်းကပင် သူတို့ကို ပိုမို နီးကပ်သွားစေပြီး ဆက်ဆံရေးကို သိသိသာသာ ပြောင်းလဲသွားစေသောကြောင့် ချောင်ရှန်း မျှော်လင့်ထားခဲ့သည်နှင့် လုံးဝ မတူညီပေ။ အဖေ ဆိုသော စကားလုံးသည် ယခုအခါ သူ သည်းခံရမည့် စမ်းသပ်မှုတစ်ခု ဖြစ်နေသည့်တိုင်အောင် လက်မခံ၍ မဖြစ်တော့ချေ။ </p> <p>တီးတိုးပြောဆိုသံများကို လျစ်လျူရှုကာ ချောင်ရှန်း က အပြုံးတစ်ခုဖြင့် ဆက်ပြောသည်။</p> <p> “မင်းရဲ့ ဓားပိုင်နက် ဖြစ်ပေါ်လာတာကို ဂုဏ်ပြုတဲ့အနေနဲ့ လက်ဆောင်တစ်ခု ပေးဖို့ ငါ ရည်ရွယ်ထားတယ်။ မင်း ဘာလိုချင်လဲဆိုတာ ပြောပါ”</p> <p>ယွမ်ရှောင်က တစ်ခဏမျှပင် တုံ့ဆိုင်းခြင်းမရှိဘဲ တောင်းဆိုလိုက်သည်။</p> <p> “ ကျွန်တော့်မှာ ဓားစက်ကွင်းတွေနဲ့ နတ်ဆိုး အရိုးတွေ ထပ်လိုသေးတယ်။ ပေးနိုင်သလောက် အများကြီး လိုချင်တယ်”</p> <p>“သဘောတူတယ်။ လာ လာ၊ အိမ်တော်ကို ပြန်ကြစို့။ ရတနာခန်းမ ထဲမှာ မင်း ကြိုက်တဲ့ ဓားစက်ကွင်းတွေနဲ့ နတ်ဆိုး အရိုးတွေ ဘာမဆို ရွေးချယ်နိုင်တယ်”</p> <p>သူ၏ ရက်ရောမှုက ပတ်ဝန်းကျင်ရှိ လူများကို ပို၍ မျက်မှောင်ကြုတ်သွားစေသည်။</p> <p>“ချောင်ရှန်း က ဒီကောင်လေးကို ဘာပဲဖြစ်ဖြစ် တကယ်ပဲ ကာကွယ်ပေးတော့မှာလား”</p> <p>“ဒီလောက်တောင် ရဲတင်းတာလား”</p> <p>“စောင့်ကြည့်နေလိုက်၊ ဒီဆုံးဖြတ်ချက်က သူ့အတွက် အနှေးနဲ့ အမြန် ပြဿနာတွေ သယ်ဆောင်လာလိမ့်မယ်”</p> <p>“လုယောင် က သူ့အတွက် သေခြင်းတရား ဖြစ်လာမှာ သေချာတယ်”</p> <p>မနှစ်မြို့သော တီးတိုးအသံများ လေထုထဲတွင် ပြည့်နှက်နေပြီး သူတို့၏ မျက်လုံးများတွင် ချောင်ရှန်း အား လူမိုက်တစ်ဦးအဖြစ် ပုံဖော်နေကြ၏။</p> <p>ချောင်အိမ်တော်အကြောင်း ကြားလိုက်ရချိန်မှသာ ယွမ်ရှောင်က အေးစက်သွားပြီး အခြေအနေကို နားလည်သဘောပေါက်သွား၏။ မဟာစစ်သူကြီးက လောဘကြီးလွန်းသဖြင့် မစောင့်နိုင်တော့ဘဲ ထိုနေရာတွင် တစ်ခုခု စီစဉ်ထားရန် သေချာပြီး ချောင်ရှန်းတစ်ယောက် ကူညီပေးနေခြင်း ဖြစ်သည်။ စောင့်ကြည့်နေသူ သိန်းချီသည် ယွမ်ရှောင်ကို အေးစက်စွာ ကြည့်နေကြပြီး မတူကွဲပြားသော်လည်း တစ်ဦးချင်းစီတိုင်းက သူ သေဆုံးမည့် အချိန်ကို စိတ်အားထက်သန်စွာ စောင့်မျှော်နေကြသည်။</p> <p>"အိမ်ပြန်ကြစို့"</p> <p>ကူစုဝမ်က ဆွဲဆောင်မှုရှိသော အမူအရာဖြင့် လက်ယပ်ခေါ်လိုက်သည်။</p> <p>"ကောင်းပါပြီ"</p> <p>ယွမ်ရှောင် က အပြုံးတစ်ခုဖြင့် ခေါင်းညိတ်သည်။</p> <p>"လူစုခွဲကြတော့"</p> <p>မဟာစစ်သူကြီးက ကျေနပ်သော အပြုံးဖြင့် ပြောလိုက်ရာ ချောင်ရူ မျက်မှောင်ကြုတ်သွားပြီး လူငယ် ပါရမီရှင် အများစု၏ မျက်နှာအမူအရာများ ရှုံ့မဲ့သွားကြသော်လည်း အရာရှိများသည် တစ်ဖက်လူ၏ နည်းလမ်းကို သိနေသည့်အလား နားလည်ရခက်စွာ ပြုံးနေကြသည်။</p> <p>အဝေးတစ်နေရာမှ မြို့စားကျန်း သည် ဖြစ်ပျက်နေသမျှ အားလုံးကို စောင့်ကြည့်ရင်း နဖူးပေါ်သို့ လက်တင်ကာ သက်ပြင်းချလိုက်သည်။</p> <p> "ဒီလူငယ်လေးရဲ့ လောဘက သူ့ကို ထောင်ချောက်ထဲ ဆွဲသွင်းသွားပြီ။ ချောင်အိမ်တော် ကနေ ပြန်လမ်းမရှိဘူး"</p> <p>ချောင်ရှန်း ပင်လျှင် ပြတ်ပြတ်သားသား အရှုံးပေးလိုက်ရပြီ ဖြစ်ရာ မကြာသေးခင်ကမှ ရာထူးတိုးထားသော အဆင့် ၄ မိုးကြိုး တမန်တော် တစ်ဦးဆိုလျှင် ပြောစရာပင် မလိုတော့ချေ။ သမီးများ ဂုဏ်သိက္ခာကျဆင်းခဲ့လျှင်ပင် သူသည် ယွမ်ရှောင်နှင့် သေချာပေါက် အဆက်အသွယ် ဖြတ်ရပေလိမ့်မည်။</p> <p>"အဖေ၊ လုယောင်က တကယ်ပဲ အမြင့်ကြီးကို တက်လှမ်းသွားပြီနော်"</p> <p> ကျန်းဟယ်ချင်းက သူ၏ လက်ကို ဆုပ်ကိုင်ကာ စိတ်လှုပ်ရှားစွာ ပြောလိုက်သည်။</p> <p>"သူ့ရဲ့ သက်တမ်းက အခု ပိုတိုသွားပြီ။ ဒီညကိုတောင် ရှင်သန်ကျော်ဖြတ်နိုင်မှာ မဟုတ်ဘူး"</p> <p>မြို့စားကျန်းက ခေါင်းခါလျက် တီးတိုးရေရွတ်နေသည်။</p> <p>"ဘာပြောလိုက်တာလဲ"</p> <p>ကျန်းဟိုင်ယန် က ဇဝေဇဝါဖြင့် မေးလာသော်လည်း သူ့အနေဖြင့် မဖြေလို၍ စကားလမ်းကြောင်း ပြောင်းသွား၏။</p> <p>"ငါတို့လည်း သွားပြီး အောင်ပွဲခံကြတာပေါ့"</p> <p>ဤသို့ဖြင့် မှောင်နေသော ကောင်းကင်အောက်တွင်၊ ကြီးကျယ်ခမ်းနားသော ပါရမီ ပြသမှုကြီး ပြီးဆုံးသွားခဲ့ကာ လုယောင် ဟူသော အမည်နာမသည် မိုးကြိုးဌာန တစ်ခွင် နောက်တစ်ကြိမ် ပဲ့တင်ထပ်သွားပြန်သည်။ ဆယ်နှစ်တိုင်တိုင် ပျောက်ဆုံးနေခဲ့သော လူငယ်တစ်ဦးသည် ရက်အနည်းငယ်အတွင်း မိုးကြိုးဌာနတွင် ဤကဲ့သို့ လှုပ်ခတ်စေလိမ့်မည်ဟု မည်သူက ကြိုတင်ခန့်မှန်းနိုင်မည်နည်း။</p> <p>လူအများ ထွက်ခွာလာသော်လည်း မဟာကောင်းကင်ကျောင်းတော်မှ တပည့်များမှာမူ ဒေါသများကို ပေါက်ကွဲနိုင်ခြင်း မရှိဘဲ ကျန်ရစ်ခဲ့ကြပြီး ကျန်နေသော ရွေးချယ်ပွဲ လေးချီတွင် ယွမ်ရှောင် ပြင်းပြင်းထန်ထန် ပေးဆပ်စေရမည်ဟု ကျိန်တွယ်ခဲ့ကြသည်။ ခြိမ်းခြောက်လိုသော အကြည့်များအောက်တွင်၊ ချောင်ရှန်း နှင့် ကူစုဝမ် တို့သည် ယွမ်ရှောင်ကို အန္တရာယ်များသော ကျောင်းတော်မှ ဘေးကင်းစွာ စောင့်ရှောက်ခေါ်ဆောင်သွားကြပြီး ချောင်အိမ်တော်သို့ ဦးတည်သွားကြသည်။</p> <p>"ဂုဏ်ယူပါတယ် ဗိုလ်ချုပ်ချောင်။ နတ်ဘုရားတွေ ကောင်းချီးပေးထားတဲ့ ပါရမီရှင်လို သားတစ်ယောက် ရထားတာပဲ"</p> <p>လမ်းတစ်လျှောက်တွင် မိုးကြိုးဌာန မှ အင်မော်တယ်များက ချီးကျူးခဲ့ကြပြီး မဟာစစ်သူကြီးအနေဖြင့် ယွမ်ရှောင်ကို လူသိရှင်ကြား ကိုင်တွယ်ဖြေရှင်း၍ မရနိုင်သော အကြောင်းရင်းပင် ဖြစ်သည်။ ဓားဖိနှိပ်မှု တံခါး ပျက်စီးသွားခြင်းနှင့် သာမန် အင်မော်တယ်များသည် ဆက်စပ်မှု နည်းပါးလှသည့်အပြင် အဆင့်အတန်း နိမ့်ကျသူများသည် သာမန် ပါရမီရှင်များ တိုးတက်လာသည်ကို ထောက်ခံအားပေးသူများ ဖြစ်ကြ၏။</p> <p>"မိုးကြိုးဌာန ရဲ့ အမြစ်တွေက ပုပ်ပွနေနိုင်ပေမယ့်၊ အနည်းဆုံးတော့ အကိုင်းအခက်တွေက ကောင်းမွန်နေပုံရတယ်"</p> <p>ယခင်က မိုးကြိုးဌာနမှ အင်မော်တယ် များသည် သူ၏ မောက်မာမှုများကို သည်းမခံနိုင်ခဲ့ကြသော်လည်း ယခုအခါ သူတို့၏ ပါးစပ်ဖျားတွင် စကား တစ်ခွန်းတည်းသာ ရှိတော့သည်။</p> <p>"ဧကရာဇ်အလောင်းအလျာတစ်ယောက်က သဘောထားကွဲလွဲမှု အားလုံးကို ဘာကြောင့် မဖိနှိပ်နိုင်ရမှာလဲ။"</p> <p>မဟာကောင်းကင်ကျောင်းတော်ကမူ ယွမ်ရှောင်ကို သတ်ရန် နည်းလမ်း ရှာဖွေနေပြီး မဟာစစ်သူကြီး၊ ချောင်ရှန်း နှင့် မြို့စားကျန်းကဲ့သို့ ပုဂ္ဂိုလ်များသည်လည်း သူ့ကို အသုံးချင်နေ၍ အသာစီးရနေသောကြောင့် ချောင်အိမ်တော်သို့ ခေါ်ဆောင်လာနိုင်ခြင်းပင်။ သူသာ သေဆုံးသွားလျှင် ထောက်ခံသူ မည်မျှများပြားပါစေ၊ အားပေးသံများ တိတ်ဆိတ်သွားပေလိမ့်မည်။ ထို့ကြောင့် အစမှ အဆုံးတိုင်အောင်၊ မဟာတာအိုနယ်မြေ သည် ရက်စက်ကြမ်းကြုတ်သော လက်တွေ့ဆန်ဆန် နေရာတစ်ခု ဖြစ်သည်။</p> <p>ချောင်ရှန်း နှင့် ကူစုဝမ်တို့က ပြုံးရွှင်နေကြပြီး ခပ်ဝဝ ဝက်တစ်ကောင် ရလာသူများပမာ ဝမ်းမြောက်နေကာ မိုးကြိုးဌာန ၏ မဟာစစ်သူကြီးထံ ဆက်သရန် အလွန် စိတ်အားထက်သန်နေကြသည်။</p> <p>"ကောင်းကင်ရုံးတော် မှာ အဆင့် ၆ အထက် ဘယ်သူမဆို လုံးဝ ပုပ်ပွနေကြပုံရတယ်"</p> <p>ယွမ်ရှောင်က နောက်သို့ လှည့်ကြည့်လိုက်သောအခါ ချောင်ရူ၏ ပုံရိပ် အနောက်မှ လိုက်ပါလာဆဲဖြစ်ကြောင်း မြင်လိုက်ရသည်။ ဓားဌာန အကြောင်းကို ပြောလိုက်ခြင်းကပင် တစ်ဖက်လူ၏ လောဘကို ငြိမ်သက်သွားစေရန် မလုံလောက်ခဲ့၍ သူမလည်း အကူအညီမဲ့သလို ခံစားနေရမည်သာ။ ကျောင်းတော်မှ ထွက်ခွာလာခဲ့ကြသောအခါ မဟာစစ်သူကြီးသည် သည် အနီးအနားတွင် မရှိတော့ဘဲ လမ်းပေါ်တွင် ချောင်မိသားစု နှင့် ယွမ်ရှောင်သာ ရှိတော့သည်။</p> <p>သူက ခြေလှမ်းများ ရုတ်တရက် ရပ်တန့်၍ သူမကို လှမ်းခေါ်လိုက်သည်။</p> <p>"ဒေါ်လေး"</p> <p>သူမ၏ မျက်နှာသည် ရေခဲကဲ့သို့ အေးစက်ကာ တည်ငြိမ်နေပြီး ချောင်ရှန်း နှင့် ကူစုဝမ် လင်မယားတို့လည်း ရပ်တန့်သွားကြ၍ ပြုံးကာ လှည့်ကြည့်လာသဖြင့် ယွမ်ရှောင်က သူတို့ကို လေးနက်စွာ ပြောလိုက်လေသည်။</p> <p>"ခင်ဗျားတို့ နှစ်ယောက်လုံးနဲ့ ရှင်းရှင်းလင်းလင်း ပြောစရာတစ်ခု ရှိတယ်”</p> <p> </p> <p> </p> <p> </p> <p style="text-align: center;">***</p>


Save