Book List

<h2 style="text-align: center;">အခန်း (၁၃၉၅)</h2> <h2 style="text-align: center;">ပဋိညာဉ် အောင်မြင်ခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ထိုအမာခံတပည့်၏ ကျင့်ကြံမှုအဆင့်မှာ သိပ်မမြင့်လှဘဲ အဆင့် ၁ မသေမျိုး  မျှသာ ဖြစ်သည်။</p> <p>ထို့ကြောင့် သူ ဖန့်ချန်အား ချည်နှောင်ထားသည့် မသေမျိုးစွမ်းအင်ကို ဖန့်ချန်အနေဖြင့် စက္ကန့်ပိုင်းအတွင်း ဖြတ်တောက်ပြီး ဓားဖြင့် သတ်ဖြတ်ပစ်နိုင်စွမ်း ရှိသည်။</p> <p>​သို့သော် ဖန့်ချန် ထိုသို့ မလုပ်ခဲ့ပေ။</p> <p>ကြာနီနတ်မိမယ်ငယ်၏ နောက်ဆက်တွဲ အခြေအနေများကို သူ စောင့်ကြည့်လိုသေးသည်။</p> <p>​ထိုအမာခံတပည့်များကတော့ ကြာနီနတ်မိမယ်ငယ်နှင့် အစီရင်ဗဟိုချက် တို့ ပေါင်းစပ်မှုသည် အောင်မြင်လိမ့်မည်ဟု မထင်ကြပေ။</p> <p>​သို့သော် ဖန့်ချန်ကတော့ ထိုသို့ မယူဆပါ။</p> <p>​အကယ်၍ ထိုအရာအားလုံးမှာ ကြာနီနတ်မိမယ်ငယ် ကြိုတင်စီစဉ်ထားသည့်အတိုင်း ဖြစ်နေလျှင် ဤအဆင့်သည် လွဲချော်ရန် အခွင့်အရေး အလွန်နည်းပါးသည်။</p> <p>​ကြာနီနတ်မိမယ်ငယ်သည် အစီရင်ဗဟိုချက်ကို ရရှိမည်၊ ကျွယ်မင်နန်းတော်၏ အမာခံတပည့် ဖြစ်လာမည်၊ ထို့နောက် သူတို့၏ နယ်မြေကိုးခု ကို ရေနွေးပူဖြင့် ဖားပြုတ်သလို ဖြည်းဖြည်းချင်း ဝါးမြိုမည့် စီမံကိန်း ကို ဆက်လက် အကောင်အထည်ဖော်ပေလိမ့်မည်။</p> <p>​ဖန့်ချန် အသေအချာ သိနေသည့် အချက်တစ်ချက်မှာ ထိုစီမံကိန်းသည် တစ်ရက်၊ နှစ်ရက်အတွင်း ပြီးမြောက်နိုင်သည့် အရာမဟုတ်ခြင်းပင်။</p> <p>​ကြာနီနတ်မိမယ်ငယ်သည် ကျွယ်မင်နန်းတော်၏ အမာခံတပည့် ဖြစ်လာလျှင်တောင်မှ စီမံကိန်းကို အကြီးအကျယ် ရှေ့သို့ တွန်းပို့နိုင်မည်မဟုတ်ပေ။</p> <p>​အကြောင်းမှာ လူသားလောက ကိုးနယ်မြေတွင်လည်း ခုခံမည့်သူ မရှိသည်မဟုတ်။</p> <p>အဖိုးအိုကဲ့သို့သော ယန်နတ်ဘုရား များ တည်ရှိနေသရွေ့ သူတို့၏ စီမံကိန်းသည် ရေဆန်တက်နေသည့် လှေပမာ ချောမွေ့ရန် ခက်ခဲနေဦးမည် ဖြစ်သည်။</p> <p>​အချိန်များ တစ်ရက်ပြီးတစ်ရက် ကုန်ဆုံးသွားသည်။</p> <p>​သတင်းကြား၍ ရောက်ရှိလာကြသည့် အမာခံတပည့်များမှာ ပို၍ များပြားလာသည်။</p> <p>​နောက်ဆုံးတွင် ဖန့်ချန်သည် လီရှမ်းဇီ၊ နန်မင်ရုယွဲ့ နှင့် ထိုစီနီယာအစ်မကြီး တို့ကိုပါ မြင်လိုက်ရသည်။</p> <p>​"လူကို ဒီဘက် ခေါ်လာခဲ့ "</p> <p>စီနီယာအစ်မကြီးက အေးဆေးစွာ အမိန့်ပေးလိုက်သည်။</p> <p>​ဖန့်ချန်အား လူအုပ်ကြီး၏ ရှေ့သို့ ခေါ်ဆောင်သွားကြသည်။</p> <p>​လီရှမ်းဇီနှင့် နန်မင်ရုယွဲ့ တို့မှာ အနည်းငယ် အံ့အားသင့်သွားကြပြီး၊ နန်မင်ရုယွဲ့၏ ဘေးတွင်ပါလာသော နန်မင်ရှောက်ကျဲ မှာမူ ဖန့်ချန်ကို မြင်သည်နှင့် မျက်နှာပျက်သွားတော့သည်။</p> <p>​"မင်းတို့ သိကြတာလား "</p> <p>စီနီယာအစ်မကြီးက ဖန့်ချန်ကို တစ်ချက်ကြည့်ပြီးနောက် လီရှမ်းဇီနှင့် နန်မင်ရုယွဲ့ တို့ကို လှမ်းမေးလိုက်သည်။</p> <p>​နန်မင်ရုယွဲ့က ပြုံးလိုက်ပြီး ဖန့်ချန်နှင့် နန်မင်ရှောက်ကျဲ တို့ကြားမှ တိုက်ပွဲအကြောင်းကို ရှင်းပြလိုက်သည်။</p> <p>​လူတိုင်း အနည်းငယ် အံ့သြသွားကြသော်လည်း အလွန်အမင်း တုန်လှုပ်သွားခြင်းမျိုးတော့ မရှိပေ။</p> <p>ဤနေရာရှိ အမာခံတပည့်များထဲတွင် မည်သူ၏ ပါရမီက နန်မင်ရှောက်ကျဲ ထက် နိမ့်ပါးနေပါသနည်း</p> <p>​သူတို့၏ ထိုအရွယ်တုန်းကဆိုလျှင် လူတိုင်းမှာ သူ့ကို အနိုင်ယူနိုင်စွမ်း ရှိကြသူများချည်း ဖြစ်သည်။</p> <p>သို့မဟုတ်ပါက သူတို့သည် အမာခံတပည့်များ ဖြစ်လာကြမည်မဟုတ်သလို၊ နန်မင်ရှောက်ကျဲ မှာလည်း အခုထက်ထိ ထူးထူးခြားခြား ရာထူးတိုးမြှင့်ခြင်း မခံရဘဲ ရှိနေမည်မဟုတ်ပေ။</p> <p>​စီနီယာအစ်မကြီးသည် ဖန့်ချန်၏ ကိုယ်ပေါ်မှ မသေမျိုးစွမ်းအင် ချည်နှောင်မှုကို ဖယ်ရှားပေးလိုက်ပြီး မေးလိုက်သည်</p> <p>"မင်းတို့ နှစ်ယောက်က ဒီအစီရင်ဗဟိုချက်ကို အတူတူ ရှာတွေ့ခဲ့တာလား "</p> <p>​"ဟုတ်ပါတယ် "</p> <p>​"မင်းတို့ရဲ့ အဆင့်အတန်းနဲ့ အစီရင်ဗဟိုချက်ကို သဘောအလျောက် ကိုင်တွယ်ခွင့် မရှိဘူးဆိုတာ သိရဲ့လား အကယ်၍ သူမ ပဋိညာဉ်ဖွဲ့တာ ကျရှုံးသွားရင် ဘယ်လို အကျိုးဆက်မျိုး ရမလဲဆိုတာရော သိလား "</p> <p>စီနီယာအစ်မကြီးက အေးစက်စက် ဆိုသည်။</p> <p>​ဖန့်ချန်က ခဏစဉ်းစားလိုက်ပြီး</p> <p>"အပေါ့စားဆိုရင် ကျွယ်မင်နန်းတော်ကနေ နှင်ထုတ်ခံရမှာဖြစ်ပြီး၊ အပြင်းစားဆိုရင်တော့ အသက်ပျောက်ပြီး ကျင့်စဉ်တွေပါ ပျက်စီးသွားလိမ့်မယ်လို့ ဟိုတစ်ယောက်က ပြောထားပါတယ်ဗျ "</p> <p>သူက သူ့ကို အစောပိုင်းက ဖမ်းဆီးထားသည့် အမာခံတပည့်ကို ညွှန်ပြလိုက်သည်။</p> <p>​ထိုသူက နှာခေါင်းတစ်ချက် ရှုံ့လိုက်သော်လည်း ဘာမှ ထပ်မပြောပေ။</p> <p>​"အင်း... အဲဒါက တကယ်ရှိတဲ့ စည်းကမ်းပဲ။ ဒါကြောင့် သူမ ပဋိညာဉ် အောင်မြင်ဖို့ပဲ မင်း ဆုတောင်းထားသင့်တယ်။ မဟုတ်ရင်တော့ သူမဟာ အစီရင်ဗဟိုချက် တစ်ခုကို ဖျက်ဆီးလိုက်သလို ဖြစ်သွားမှာမို့၊ အဲဒီပြစ်ဒဏ်က မင်းတို့ ခေါင်းပေါ် ကျလာရင်တော့ အသက်ပျောက်ရဖို့ ရာခိုင်နှုန်း များလိမ့်မယ် "</p> <p>စီနီယာအစ်မကြီးက အေးစက်စက် ဆိုသည်။</p> <p>​မနီးမဝေးတွင် ရုတ်တရက် ဆူညံသံအချို့ ထွက်ပေါ်လာရာ စီနီယာအစ်မကြီးက မျက်မှောင်ကြုတ်ကာ မေးလိုက်သည်</p> <p>"ဘာဖြစ်တာလဲ "</p> <p>​"ကိုးနယ်မြေ ရှာဖွေရေးအဖွဲ့  က လူတွေ ရောက်လာတာပါတဲ့။ အခု အစီရင်ဗဟိုချက်နဲ့ ပဋိညာဉ်ဖွဲ့နေတဲ့သူက သူတို့အဖွဲ့ဝင်ဖြစ်ပြီး၊ ဒီလူကတော့ သူတို့ရဲ့ အဖွဲ့ခေါင်းဆောင်ပါတဲ့ "</p> <p>​"ကိုးနယ်မြေ ရှာဖွေရေးအဖွဲ့ "</p> <p>စီနီယာအစ်မကြီးက ဖန့်ချန်ကို တစ်ချက်ကြည့်ပြီး ရုတ်တရက် ပြုံးလိုက်သည်</p> <p>"နာမည်လေးက မဆိုးပါဘူး "</p> <p>​ထို့နောက် သူမက အေးဆေးစွာ ဆိုလိုက်သည်</p> <p>"သူတို့ကို လွှတ်ပေးလိုက်ပါ။ တကယ်လို့  ဒီမိန်းကလေး ပဋိညာဉ် အောင်မြင်သွားရင် သူတို့လည်း လူတစ်ယောက် တန်ခိုးရရင် ကြက်နဲ့ခွေးပါ နတ်ပြည်တက်  သလိုမျိုး အကျိုးရှိသွားမှာပေါ့ "</p> <p>​ယွီဝူးရှီး ၊ လင်းယွမ် နှင့် မုံချင့်လင် သုံးဦးစလုံး စီနီယာအစ်မကြီး၏ အစီရင်လှေပေါ်သို့ တစ်ဦးပြီးတစ်ဦး တက်လာကြပြီး ဖန့်ချန်၏ ဘေးသို့ အထိတ်တလန့်ဖြင့် ချဉ်းကပ်လာကြသည်။</p> <p>​"အဖွဲ့ခေါင်းဆောင်... ဟိုမှာရှိနေတာ ကြာနီမိတ်ဆွေ မဟုတ်လား ကျုပ်တို့ အကြည့်မမှားဘူးမလား "</p> <p>လင်းယွမ်က တိုးတိုးလေး မေးလိုက်သည်။</p> <p>​"အင်း... သူမပဲ "</p> <p>ဖန့်ချန်က အသာအယာ ခေါင်းညိတ်ပြလိုက်သည်။</p> <p>​"ကျုပ် ခုနက လင်းစီနီယာတို့ဆီမှာ ရှိနေတုန်း ကြားခဲ့တာကတော့ ကြာနီမိတ်ဆွေက အစီရင်ဗဟိုချက်နဲ့ ပဋိညာဉ်ဖွဲ့ဖို့ ကြိုးစားနေတာတဲ့။ တကယ်လို့ အောင်မြင်ရင် အမာခံတပည့်အဆင့်ကို တိုက်ရိုက် တက်လှမ်းသွားမှာလား "</p> <p>လင်းယွမ်၏ လေသံထဲတွင် မနာလိုအားကျမှုများ ပြည့်နှက်နေသည်။</p> <p>​မုံ့ချင်လင်မှာမူ အားကျခြင်းရော၊ မနာလိုခြင်းပါ ရောယှက်နေပြီး ကြာနီနတ်မိမယ်ငယ်ထံသို့ ခဏခဏ လှမ်းကြည့်နေတော့သည်။</p> <p>​အစောပိုင်းက ကြာနီနတ်မိမယ်ငယ်သည် အမာခံတပည့် ဖြစ်လာလိုသည့် ရည်မှန်းချက်ကို ထုတ်ဖော်ခဲ့ဖူးသော်လည်း၊ သူတို့၏ ပထမဆုံး နယ်မြေသစ်ရှာဖွေရေးခရီးစဉ်မှာတင် ထိုကဲ့သို့ ကြုံတွေ့ရလိမ့်မည်ဟု သူတို့ တကယ် မထင်ထားခဲ့ကြပေ။</p> <p>​အကယ်၍ ကြာနီနတ်မိမယ်ငယ်သာ အမှန်တကယ် အမာခံတပည့် ဖြစ်သွားလျှင်တော့ နံပါတ် ၄၃၂ အဝေးရောက်ကြယ်စင်စု၏ ဒဏ္ဍာရီတစ်ခု ဖြစ်လာပေလိမ့်မည်။</p> <p>​"ဒါနဲ့... မင်းတို့ထဲမှာ ချန်ရှင်းဟဲ  ကို မြင်တဲ့သူ ရှိလား "</p> <p>စီနီယာအစ်မကြီးက အနီးအနားရှိ အမာခံတပည့်များကို ရုတ်တရက် ကြည့်ကာ နန်မင်ရုယွဲ့ တို့၏ မျက်နှာများကိုပါ တစ်လှည့်စီ ဝေ့ကြည့်လိုက်သည်။</p> <p>​"ချန်ရှင်းဟဲ ခုနလေးတင် မြင်လိုက်သလိုပဲ။ သူ တခြားနေရာကို သွားရှာနေတာ ဖြစ်မှာပါ။ ဝူရှန့်ငရဲက ဒီလောက်ကျယ်တာ၊ သတင်းကြားရင်တောင် ချက်ချင်း ရောက်လာနိုင်ချင်မှ ရောက်လာမှာပေါ့ "</p> <p>တစ်စုံတစ်ယောက်က ဆိုသည်။</p> <p>​စီနီယာအစ်မကြီးက ခေါင်းကို အသာအယာ ယမ်းလိုက်ပြီး</p> <p> "ရောက်မလာနိုင်တာ မဟုတ်ဘူး။ ငါ အကြီးအကဲတွေဆီက သတင်းရထားတာကတော့ ချန်ရှင်းဟဲရဲ့ အသက်ဝိညာဉ်မီးအိမ် ငြိမ်းသွားပြီတဲ့ "</p> <p>​"သေသွားပြီ "</p> <p>လူတိုင်း ထိတ်လန့်သွားကြသည်။</p> <p>​"သတ်တဲ့သူက ငါတို့လူ မဟုတ်ဖို့ များတယ်။ ဒါကြောင့် ဝူရှန့်ငရဲထဲမှာ တခြားအင်အားစုက ကျင့်ကြံသူတွေ ပုန်းအောင်းနေတာ ရှိနိုင်တယ်၊ မင်းတို့အားလုံး သတိထားကြဦး "</p> <p>စီနီယာအစ်မကြီးက ဆိုသည်။</p> <p>​လူတိုင်း ဒေါသထွက်သွားကြသည်</p> <p> "သူတို့က စည်းကမ်းဖောက်ဖျက်ရဲတယ်ပေါ့ "</p> <p>​စည်းကမ်းမရှိလျှင် ဘောင်မဝင်ပေ။</p> <p>အကယ်၍ နယ်မြေသစ်လုပွဲက အဆုံးသတ်သွားပြီ ဖြစ်ပါလျက်နှင့် တစ်ဖက်လူက ထိုနေရာတွင် ပုန်းအောင်းနေသေးသည်ဆိုလျှင် ကျွယ်မင်နန်းတော်ကလည်း အဆင့် ၇ ရှေးဟောင်းမသေမျိုး များကို သူတို့၏ နယ်မြေများထဲသို့ စေလွှတ်ကာ အမာခံတပည့်များကို လိုက်လံသတ်ဖြတ်ခိုင်း၍ ရသည် မဟုတ်ပါလား။</p> <p>​ထိုသို့ဆိုလျှင် စနစ်တကျ ရှိတော့မည်လော ဒါက စစ်ကြေညာခြင်းနှင့် မတူပေဘူးလား</p> <p>​"မလောနဲ့ဦး၊ ဖြစ်နိုင်တာက အထင်မှားတာလည်း ဖြစ်နိုင်ပါတယ်။ အကြီးအကဲတွေက အင်အားစုအသီးသီးနဲ့ ဆွေးနွေးနေကြပြီဆိုတော့ မကြာခင်မှာ ရလဒ် ထွက်လာမှာပါ "</p> <p>စီနီယာအစ်မကြီးက အေးဆေးစွာ ဆိုသည်။</p> <p>​"စီနီယာအစ်မကြီး... တကယ်လို့ ကျုပ်တို့ ခန့်မှန်းထားသလိုသာ ဖြစ်နေမယ်ဆိုရင်တော့ အချို့အင်အားစုတွေက ဒီနှစ်တွေမှာ အရမ်း အေးအေးဆေးဆေး နေနေရလို့ ကျုပ်တို့ ကျွယ်မင်နန်းတော်ကို စစ်ကြေညာချင်နေတာပဲ "</p> <p>​"တကယ်လို့ တိုက်ချင်တယ်ဆိုရင်လည်း တိုက်လိုက်တာပေါ့ဗျာ၊ သုံ့ပန်းမယူတဲ့ တိုက်ပွဲမျိုးပေါ့၊ ဘယ်သူက ဘယ်သူ့ကို ကြောက်နေမှာလဲ "</p> <p>​"မင်းတို့တွေ စိတ်မလောကြစမ်းပါနဲ့။ သုံ့ပန်းမယူဘူး ဟုတ်လား အစီရင်ဗဟိုချက် တစ်ခု ပျက်စီးသွားရင် တစ်ခု လျော့သွားတာပဲ။ အဆုံးအထိ တိုက်ကြမယ်ဆိုရင် ဘယ်ဘက်က အကျိုးရှိမှာမို့လို့လဲ "</p> <p>​ဖန့်ချန်သည် ထိုလူများ၏ ငြင်းခုံသံများကို နားထောင်ရင်း အလွန်ပင် ရင်းနှီးနေသည့် ခံစားချက်တစ်ခု ရရှိလာကာ မျက်နှာထားမှာ ထူးဆန်းသွားသည်။</p> <p>​ဒါဟာ ဝိညာဥ်နတ်ဘုရားဂိုဏ်း ရဲ့ လက်ချက်နဲ့ အလွန်တူလှသည်။</p> <p>သေးငယ်သော နည်းလမ်းလေးအချို့ဖြင့် စည်းကမ်းကို အနည်းငယ် ဖောက်ဖျက်ပြရုံဖြင့် ကြောက်မက်ဖွယ်ကောင်းသော ဟာရီကိန်းမုန်တိုင်းကြီးတစ်ခုကို ဖန်တီးနိုင်ပြီး ဖျက်ဆီးအားပြင်းသော ရလဒ်များကို ဖြစ်ပေါ်စေနိုင်သည်။</p> <p>​အကယ်၍ အထက်သုံးနယ်မြေရှိ အင်အားစုများသာ တကယ် တိုက်ခိုက်ကြပြီး သုံ့ပန်းမယူကြေးဆိုလျှင် ဘယ်လို အကျိုးဆက်တွေ ဖြစ်လာမလဲဆိုတာ စဉ်းစားကြည့်ရုံနဲ့ သိနိုင်သည်။</p> <p>​အနည်းဆုံးတော့ ထိုနေရာရှိ အမာခံတပည့်များ၏ သုံးပုံတစ်ပုံ သို့မဟုတ် ထိုထက်မက သေဆုံးကုန်ပေလိမ့်မည်။</p> <p>​သို့သော်လည်း ထိုအဆင့်အထိ ရောက်နေသည့်သူများကို ဝိညာဥ်နတ်ဘုရားဂိုဏ်းက သွေးဝိညာဉ်နတ်ဆေးလုံး  အဖြစ် ဖော်စပ်ရန် အသုံးချနိုင်မည် မဟုတ်ပေ။</p> <p>​အကယ်၍ ထိုသို့သာ လုပ်ခဲ့လျှင် အင်အားစုအသီးသီး၏ ပူးပေါင်းနှိမ်နင်းခြင်းကို ချက်ချင်း ခံရပေလိမ့်မည်။</p> <p>ဤနေရာသည် မြေဝက်ဝံဂြိုဟ် ကဲ့သို့ သေးငယ်သော နေရာမဟုတ်သလို၊ ကျုံးကျိုး ကဲ့သို့ နေရာငယ်လေးလည်း မဟုတ်ပေ။</p> <p>​အကယ်၍ သွေးဝိညာဉ်နတ်ဆေးလုံးအတွက် မဟုတ်ဘူးဆိုလျှင်... ဒီလူသားအရေခွံခြုံထားတဲ့ မိစ္ဆာတွေ  ကို များများသေစေချင်ရုံ သက်သက်ပဲလား။</p> <p>​ဒါက ဝိညာဥ်နတ်ဘုရားဂိုဏ်းရဲ့ ရည်ရွယ်ချက်လား</p> <p>​"ခုနကလူက ဝိညာဥ်နတ်ဘုရားဂိုဏ်းက ကျင့်ကြံသူ ဖြစ်နေပြီး၊ ကြာနီနတ်မိမယ်ငယ်နဲ့ တစ်နေရာတည်းက လာတာဆိုရင်... သူ ချန်ရှင်းဟဲကို သတ်လိုက်ရင် ဘယ်လို အကျိုးဆက်တွေ ဖြစ်လာမလဲဆိုတာ မသိစရာ အကြောင်းမရှိဘူး"</p> <p>​"ဒါပေမဲ့ သူက တမင်တကာ လုပ်ခဲ့တယ်။ သူနဲ့ ကြာနီနတ်မိမယ်ငယ်ရဲ့ ဆက်ဆံရေးက ငါ ထင်ထားသလို မဟုတ်ဘူးလား သူတို့နှစ်ယောက်ကြားမှာ အဆက်အသွယ် မရှိဘူးလား "</p> <p>​ဖန့်ချန် စဉ်းစားနေစဉ်မှာပင် ကြာနီနတ်မိမယ်ငယ်၏ ကိုယ်ပေါ်မှ အလွန်တောက်ပသော စိမ်းရောင် နတ်အလင်းတန်းများ ဗြုန်းခနဲ ပွင့်ထွက်လာတော့သည်။</p> <p>​ထို့နောက်တွင် ထိုစိမ်းမြမြ အစီရင်ဗဟိုချက်သည် ကြာနီနတ်မိမယ်ငယ်၏ နဖူးအလယ်သို့ တည့်တည့် တိုးဝင်သွားပြီး ပျောက်ကွယ်သွားတော့သည်။</p> <p>​သူမသည် မျက်လုံးများကို ဖွင့်လိုက်သည်။</p> <p> ကျင့်ကြံမှု အရှိန်အဝါမှာ ထုံးစံအတိုင်းပင် ဖြစ်သော်လည်း၊ သူမသည် ယခင်နှင့် မတူတော့ဘဲ ပြောင်းလဲသွားသည်ကို သိသိသာသာ မြင်တွေ့နေရသည်။</p> <p>​"ပဋိညာဉ် အောင်မြင်သွားပြီလား "</p> <p>အမာခံတပည့် အတော်များများမှာ အံ့အားသင့်သော မျက်နှာထားများ ဖြစ်ပေါ်သွားကြတော့သည်။</p> <p> </p> <p> </p> <p style="text-align: center;">***</p>


Save