Book List

<h2 style="text-align: center;">အခန်း ၁၀၃</h2> <h2 style="text-align: center;">စည်းမျဉ်းဥပဒေသများကို ကျွမ်းကျင်ခြင်း၏ စစ်မှန်သော ထိတ်လန့်ဖွယ်ရာများ</h2> <h2 style="text-align: center;">*</h2> <p> </p> <p> </p> <p>ရုပ်ရည်ချောမောသော လူငယ်တစ်ယောက်က ကျန်းမင်ရှေ့တွင် ရပ်နေသည်။ သူက အပြာရောင် ဝတ်ရုံကို ဝတ်ဆင်ထားပြီး နှုတ်ခမ်းထောင့်တွင် နွေးထွေးသော အပြုံးတစ်ခု ချိတ်ဆွဲထား၏။</p> <p>"မင်းတို့တွေက လူသားတွေလား…" ကျန်းမင်က မေးလိုက်သည်။</p> <p>"သေချာတာပေါ့…" လူငယ်က ခေါင်းညိတ်ပြ၏။ "ငါက လူသား တစ်ယောက် ဆိုတာကိုတော့ မင်း ယုံကြည်လို့ ရပါတယ်… ဒါပေမဲ့ ငါ ဘယ်ကလာတယ်၊ ငါ့အတိတ်က ဘာလဲ၊ ဒါမှမဟုတ် ငါ ဘယ်ကို သွားမလဲ ဆိုတာကိုတော့ မမေးနဲ့… မင်းက အဆင့် ၅ မှာပဲ ရှိသေးပေမယ့် အဆင့် ၉ ကျင့်ကြံသူ တစ်ယောက်ဖြစ်တဲ့ ငါ့ရှေ့မှာ ရပ်နေနိုင်တယ်…"</p> <p>"အထွတ်အထိပ် စေတီရဲ့ သမိုင်းတစ်လျှောက်လုံးမှာ ဒီလို လုပ်နိုင်တဲ့သူ ဆိုလို့ မင်းတစ်ယောက်တည်းပဲ ရှိတာ… ဒါကြောင့် ကိုယ့်ကိုယ်ကိုယ် ဂုဏ်ယူလိုက်ပါ…"</p> <p>ကျန်းမင် အံ့အားသင့်သွားသည်။</p> <p>'သူတို့က တကယ့် လူသားအစစ်တွေပါလား… ဒါပေမဲ့ သူတို့က ဘယ်သူ့အတွက် အလုပ်လုပ်ပေးနေတာလဲ… အထွတ်အထိပ် စေတီကို တည်ဆောက်ခဲ့တဲ့ လူအတွက်လား… ဒါမှမဟုတ် သူတို့က အထွတ်အထိပ် စေတီမှာ ပါဝင်နေတဲ့ အမြင့်ဆုံး အုပ်ချုပ်ရေးမှူးတွေထဲက တစ်ယောက်များလား…'</p> <p>မေးခွန်းများစွာက ကျန်းမင်၏ ခေါင်းထဲတွင် ဖြတ်ပြေးသွားသော်လည်း ၎င်းတို့အတွက် အဖြေ မရှိခဲ့ပေ။</p> <p>"အထွတ်အထိပ် စေတီရဲ့ အပြင်ဘက်မှာကော ဘယ်လိုနေလဲ…" ကျန်းမင်က ဆက်မေးလိုက်၏။</p> <p>"စကြဝဠာကြီးက ကျယ်ဝန်းတယ်… မင်း စိတ်ကူးထားနိုင်တာထက် အများကြီး ပိုကျယ်ဝန်းတယ်…" လူငယ်က အဖြေပေးလာသည်။</p> <p>ကျန်းမင်က မျက်ခုံးပင့်လိုက်၏။</p> <p>လူငယ်က သူ့မေးခွန်းကို တိုက်ရိုက် မဖြေခဲ့သော်လည်း သူ ဘာပြောချင်နေသည်ကို ကျန်းမင် နားလည်သွားသည်။</p> <p>အထွတ်အထိပ် စေတီ၏ အပြင်ဘက်တွင် အဆင့် ၅ ကျင့်ကြံသူ ဆိုသည်မှာ သူတစ်ယောက်တည်း မဟုတ်ချေ။</p> <p>၎င်းမှာ သူ့အတွက် အသုံးဝင်သော အချက်အလက် တစ်ခုဟု မှတ်ယူနိုင်သောကြောင့် သူ စိတ်ပျက်မသွားခဲ့ပေ။</p> <p>'စကြဝဠာကြီးက တကယ်ကို ကြီးမားကျယ်ပြောတာပဲ…'</p> <p>"လာစမ်း…" လူငယ်က အော်ဟစ်လိုက်သည်။ "အဆင့် ၉ ကျင့်ကြံသူ အများစုက မတူညီတဲ့ ကမ္ဘာလောက အသီးသီးရဲ့ ထိပ်ဆုံးမှာ ရပ်တည်နေကြပြီး တစ်စုံတစ်ရာသော အဆုံးစွန် စွမ်းအားတွေကို အပြည့်အဝ ကျွမ်းကျင်ထားတယ်…"</p> <p>"လာပြီ…" ကျန်းမင်၏ မျက်နှာထား တည်ကြည်သွားသည်။</p> <p>သူက ကြယ်တာရာ နတ်ဘုရား အသွင်ပြောင်းခြင်းကို အသက်သွင်း၏။ ထို့နောက် ဓားကို မြှောက်၍ အော်ဟစ်လိုက်သည်။</p> <p>"အာကာပြင် သဏ္ဍာန်မဲ့ ဓားချီ…"</p> <p>ဓားစွမ်းအင် ကိုးခုက လေထုကို ပုံပျက်သွားစေပြီး လူငယ်ထံသို့ ပြေးဝင်သွားကြသည်။ ဤသည်မှာ ယခုချိန်အထိ ဤအထူးစွမ်းရည်ဖြင့် ကျန်းမင် ထုတ်ဖော်ခဲ့သမျှထဲတွင် အကြီးမားဆုံး စွမ်းအားပင်။ လူငယ်ကို အသက်ရှူရန် အခွင့်အရေး မပေးဘဲ သူ့လက်ထဲရှိ ဓားမှာ ပျောက်ကွယ်သွားပြီး လေထဲသို့ ခုန်တက်လိုက်သည်။ ထို့နောက် လက်သင်္ကေတ တစ်ခု ဖော်၍ တောင်ကိုးလုံး နတ်ဘုရား ရတနာကို ဆင့်ခေါ်လိုက်၏။</p> <p>ထိုနောက်တွင် နတ်ဘုရား တောင်ကိုးလုံး လေထဲတွင် ထွက်ပေါ်လာသည်။ ၎င်းတို့က အစီအရင် တစ်ခုအဖြစ် ဖွဲ့စည်းသွားပြီး ဖိနှိပ်ခြင်း၊ ကန့်သတ်ခြင်းနှင့် ဖျက်ဆီးခြင်း စွမ်းအားများ ကဲ့သို့သော စွမ်းအား မျိုးစုံက လူငယ်အပေါ်သို့ ကျဆင်းလာတော့သည်။</p> <p>လူငယ်က သူ့အထက်တွင် ဝဲပျံနေသော နတ်ဘုရား တောင်တန်းကိုးလုံးကို ကြည့်၍…</p> <p>"မင်းက အဆင့် ၅ ကျင့်ကြံသူ တစ်ယောက်လေး ဖြစ်နေတာတောင် ဒီလို အထူးစွမ်းရည်မျိုးကို ကျွမ်းကျင်နိုင်တာ တကယ်ကို အထင်ကြီးစရာပဲ…"</p> <p>သူ့အဝတ်အစားများမှာ အတော်လေး စုတ်ပြတ်နေပုံပေါ်ပြီး အကာအကွယ် ဒိုင်းလွှားတစ်ခုကဲ့သို့ သူ့ခန္ဓာကိုယ်ကို ရစ်ပတ်ထားသော အပြာရောင် အလင်းတန်းမှာလည်း တဖျပ်ဖျပ် လင်းလက်နေသည်။</p> <p>"ကျနေတဲ့ ရေပေါက်လေးတွေကတောင် ကျောက်တုံးကို ထိုးဖောက်နိုင်တယ်… ရေစက် တိုက်ခိုက်မှု…"</p> <p>လူငယ်က လက်ထဲတွင် ဓားကို ကိုင်ဆောင်လျက် လေထဲသို့ ခုန်တက်လိုက်သည်။ ဓားသွားထိပ်တွင် စုစည်းနေသော ဓားစွမ်းအင်က နတ်ဘုရား တောင်တန်းကိုးလုံးကို ဖောက်ထွင်းသွားပြီး တောင်ကိုးလုံး နတ်ဘုရား ရတနာ စွမ်းအားကို ပြိုကျသွားစေ၏။</p> <p>ဤသည်မှာ ကျန်းမင် မျှော်လင့်ထားသည့် အရာပင်။ အန္တိမ ကျင့်ကြံသူ တစ်ယောက်ကို အနိုင်ယူရန် ထိုမျှ မလွယ်ကူကြောင်း သူ သိထားသည်။</p> <p>သူ့လက်သီးကို မြင့်မြင့်မြှောက်၍ အဆုံးမဲ့ သတ်ဖြတ်ခြင်း လက်သီး၏ မြေပြင် ဖြိုခွင်းခြင်း တိုက်ခိုက်မှုကို အသက်သွင်းလိုက်သည်။</p> <p>ဤလှုပ်ရှားမှုမှာ မြေကြီးကို ဖိနှိပ်ပြီး ချောက်ကမ်းပါးကို ဖြိုခွဲနိုင်သည့် စွမ်းအားများ ပြည့်နှက်နေသော အစွမ်းထက်သည့် တိုက်ခိုက်မှု တစ်ခု ဖြစ်၏။</p> <p>"မိုးဖွဲ ဓား…"</p> <p>လူငယ်က သူ့ဓားကို လှည့်ပတ်လိုက်ရာ လေထဲတွင် ထူထပ်သော ရေပေါက်လေးများ ထွက်ပေါ်လာပြီး ကျန်းမင်ထံ ပြေးဝင်လာကြသည်။</p> <p>ရေပေါက်လေးများက ကျန်းမင်၏ လက်သီးနှင့် ဝင်တိုက်မိသွားပြီး သတ္တုချင်း ရိုက်ခတ်သံများကို ထွက်ပေါ်လာစေသည်။</p> <p>လူငယ်၏ တိုက်ခိုက်မှု ပြင်းထန်နေသော်လည်း ကျန်းမင်က နောက်ဆုတ်မသွားခဲ့ပေ။ ရေပေါက်လေးများက သူ့လက်သီးပေါ် မိုးရွာချသကဲ့သို့ ကျဆင်းလာပြီး လက်သီး မျက်နှာပြင်ပေါ်တွင် အဖြူရောင် အစက်အပြောက် များစွာကို ချန်ထားခဲ့၏။</p> <p>အကယ်၍ သူသာ ကြယ်တာရာ နတ်ဘုရား အသွင်ပြောင်းခြင်းနှင့် အဆုံးမဲ့ သတ်ဖြတ်ခြင်း လက်သီးကို အသက်မသွင်းထားပါက ရေပေါက်လေးများက သူ့အရေပြားကို ဖောက်ထွင်းပြီး အရိုးများကို ချေမွသွားမည်ဖြစ်ကြောင်း သူ ကောင်းကောင်း သိထားသည်။</p> <p>မည်သို့ပင်ဆိုစေ သူက အဆင့်မြင့် တာအိုလက်နက်ကို ကိုင်ဆောင်ထားသည့် အန္တိမ ကျင့်ကြံသူ တစ်ယောက်နှင့် တိုက်ခိုက်နေရခြင်း မဟုတ်ပါလား။</p> <p>"ဘယ်လောက်တောင် သန်မာတဲ့ ခန္ဓာကိုယ်လဲ…" လူငယ်က အာမေဋိတ်သံဖြင့် ရေရွတ်လိုက်သည်။ သူက ဓားကို ဆုပ်ကိုင်လိုက်ရာ သူ့ပတ်လည်ရှိ အော်ရာမှာ ထပ်မံ ပြောင်းလဲသွား၏။ တစ်ချိန်တည်းမှာပင် သူက ဟိန်းဟောက်မိပြန်သည်။</p> <p>"ဝဲဂယက် သုံးထောင်…"</p> <p>ဝှစ်…</p> <p>လေထဲမှ ရေလှိုင်းများ တစ်ခုပြီး တစ်ခု စီးဝင်လာပြီး တိုက်ပွဲမြေပြင် တစ်ခုလုံးကို ပင်လယ်ကမ္ဘာ တစ်ခုအဖြစ် ပြောင်းလဲပစ်သည်။ ရေပြင်ထက်တွင် လည်ပတ်နေသော ဝဲဂယက်များ ရှိနေပြီး ကြောက်မက်ဖွယ် ကောင်းသော စုပ်ယူအား တစ်ခုကို ထုတ်လွှတ်ကာ ကျန်းမင်အား မဆုတ်မနစ်သော အင်အားဖြင့် ဆွဲသွင်းရန် ကြိုးစားနေကြသည်။</p> <p>"မင်းမှာ မင်းရဲ့ သန်မာတဲ့ ခန္ဓာကိုယ်နဲ့ ကိုက်ညီတဲ့ အထူးစွမ်းရည် မရှိဘူး… အဲ့ဒါသာ ရှိရင် မင်း ငါ့ကို ယှဉ်နိုင်ဖို့ အခွင့်အရေး ရှိကောင်း ရှိနိုင်တယ်…" လူငယ်က ခေါင်းခါယမ်းရင်း ပြောလိုက်၏။</p> <p>"မင်းရဲ့ စွမ်းအားက တကယ်ကို ဖွံ့ဖြိုးမှု အားနည်းနေသေးတယ်… ဒါကြောင့် မင်းခန္ဓာကိုယ်ရဲ့ အပြည့်အဝ စွမ်းအားကို မထုတ်ဖော်နိုင်တာ… မင်းမှာ သန်မာတဲ့ ခန္ဓာကိုယ် ရှိရင်တောင် ရိုင်းစိုင်းတဲ့ ခွန်အားသက်သက်နဲ့ တိုက်ခိုက်ရမယ်လို့ မဆိုလိုဘူး… ကြီးမားတဲ့ ခွန်အားနဲ့ ခိုင်မာတဲ့ ကာကွယ်မှုကလွဲရင် မင်းဆီမှာ များပြားလှတဲ့ သွေးချီတွေ ရှိနေသေးတယ်… သွေးချီဆိုတာ ဝိညာဉ်စွမ်းအင်နဲ့ ဆင်တူတယ်… ပြီးတော့ ရွေ့လျားမှုတွေနဲ့ ကျွမ်းကျင်မှု မြောက်မြားစွာကို လောင်စာ ဖြည့်ပေးဖို့ ဝိညာဉ်စွမ်းအင်လိုမျိုး အသုံးပြုနိုင်တယ်…"</p> <p>"ကံမကောင်းစွာနဲ့ပဲ ငါတို့က တိုက်ပွဲ အလယ်မှာ ရောက်နေတာဆိုတော့ မင်းကို အလျော့ပေးလို့ မရဘူး… ဒါမှမဟုတ်ရင်တော့ မင်းအတွက် အသုံးဝင်မယ့် အရာတစ်ခုခုကို ငါ သင်ပေးနိုင်ကောင်း သင်ပေးနိုင်လိမ့်မယ်…" လူငယ်က ခဏတာ ရပ်တန့်သွားပြီး ထပ်ပေါင်းပြောလိုက်သည်။</p> <p>"အခု ငါသုံးနေတာက ရေတာအိုရဲ့ အခြေခံ အကျဆုံး ပုံစံပဲ ရှိသေးတယ်… အဲ့ဒီထဲကို သုခကမ္ဘာရဲ့ စွမ်းအားကို ဖြည့်သွင်းထားတာ… ပြီးတော့ အန္တိမ ကျင့်ကြံသူ တစ်ယောက်ရဲ့ စစ်မှန်တဲ့ စွမ်းအားကို ငါ အပြည့်အဝ မထုတ်ဖော်ရသေးဘူး…"</p> <p>ကျန်းမင် နှုတ်ခမ်းထောင့်များ တွန့်ကွေးသွား၏။</p> <p>သူ့ရှေ့ရှိ လူငယ်မှာ စကားများလွန်းသည်ဟု သူ ခံစားမိလာသည်။</p> <p>သို့သော်လည်း ယခုအချိန်မှာ စကားပြောနေရမည့် အချိန် မဟုတ်ကြောင်း သူ သိထားသည်။ မည်သို့ပင်ဆိုစေ သူ့ကို စုပ်ယူရန် ကြိုးစားနေသည့် ဝဲဂယက်များကို သူ ရှင်းလင်းရန် လိုအပ်နေသေး၏။ သူက ရွှံ့နွံထဲ ကျသွားသလို ခံစားနေရပြီး မည်မျှပင် ကြိုးစားရုန်းကန်ပါစေ ထိုအထဲမှ သူ့ကိုယ်သူ ဆွဲမထုတ်နိုင်ခဲ့ပေ။</p> <p>"ကောင်းကင် လွန်ပူ…"</p> <p>ကျန်းမင်က ကြမ်းတမ်းစွာ အော်ဟစ်တော့သည်။ လက်သီးချက်က ဟင်းလင်းပြင် စွမ်းအားကို အစပျိုးပေးပြီး သူ့ရှေ့ရှိ ဝဲဂယက်များ အားလုံးကို ဖောက်ခွဲပစ်လိုက်၏။</p> <p>"မင်းကို အနိုင်ယူဖို့ နည်းလမ်း မရှိဘူး ဆိုတာကို ငါ မယုံဘူး…"</p> <p>သူ အော်ဟစ်ပြီး သူ့ပတ်ဝန်းကျင်ဆီ လက်သီးချက်များ ဆက်လက် ပစ်သွင်းကာ ပတ်ပတ်လည်ရှိ ဝဲဂယက်များအား ချေမွ၍ သမုဒ္ဒရာကို ဖောက်ထွင်းသွားတော့သည်။</p> <p>"ဒါက မဆိုးပါဘူး… ဒါပေမဲ့ ဒါလေးကော ဘယ်လိုလဲ… မင်း တန်ပြန် တိုက်ခိုက်နိုင်မလား…" လူငယ်က ဓားကို ဝှေ့ယမ်းရင်း ပြုံးနေသည်။ လေထဲမှ ရေစီးကြောင်း အများအပြား ထွက်ပေါ်လာပြီး သမုဒ္ဒရာကို ရစ်ပတ်သွား၏။</p> <p>ရေစီးကြောင်းများထဲတွင်လည်း ဝဲဂယက်များ ပါဝင်နေပြီး ၎င်းတို့က စုပ်ယူအား၏ စွမ်းအားကို ပိုကြီးထွားလာစေသည်။</p> <p>"ငါ မင်းကို ပြောသားပဲ… မင်းရဲ့ ရုပ်ပိုင်းဆိုင်ရာ ခန္ဓာကိုယ် အသုံးပြုပုံနဲ့ ပတ်သက်တဲ့ အသိပညာက အရမ်း တိမ်ယံလွန်းတယ်လို့… မဟုတ်ရင် မင်း ငါ့ရဲ့ ဒီနည်းစနစ်ကနေ အလွယ်တကူ လွတ်မြောက်နိုင်လိမ့်မယ်…" လူငယ်က ရယ်မောနေသည်။ "ကောင်းပြီ… ခုခံနေတာကို ရပ်လိုက်ဖို့ ငါ အကြံပေးချင်တယ်… ဒါက အဓိပ္ပာယ် မရှိဘူး…"</p> <p>"တကယ်လား…" ကျန်းမင် မေးလိုက်၏။</p> <p>နောက်တစ်စက္ကန့်တွင် သူ ပျောက်ကွယ်သွားတော့သည်။ ကျန်းမင် ဘယ်ရောက်သွားသနည်းဟု လူငယ် တွေးနေစဉ်မှာပင် သူ့အနောက်တွင် ထွက်ပေါ်လာပြီး ခေါင်းဆီသို့ လက်သီး တစ်ချက် ပစ်သွင်းလိုက်သည်။</p> <p>ဘန်း…</p> <p>လူငယ်၏ ခေါင်း ပေါက်ကွဲသွားသော်လည်း ကျန်းမင် အံ့အားသင့်သွားရသည်မှာ သွေးများအစား ရေများသာ ထွက်ကျလာခြင်းပင်။</p> <p>"အဲ့ဒါက တည်နေရာ ရွှေ့ပြောင်းခြင်းလား…" လူငယ်က ကျန်းမင်၏ အနောက်တွင် ထွက်ပေါ်လာသည်။ "ဒါက သုခဘုံ အဆင့်ကို မရောက်သေးတဲ့ ကျင့်ကြံသူတွေ အတွက်တော့ အရမ်း အစွမ်းထက်တဲ့ လှုပ်ရှားမှု တစ်ခုပဲ… ဒါပေမဲ့ ရောက်ပြီးသား သူတွေ အတွက်တော့ သက်ရောက်မှုက အဲ့ဒီလောက် မထိရောက်ဘူး… သုခကမ္ဘာက တစ်ဆင့် မင်းဘယ်မှာ ရှိနေလဲ ဆိုတာကို ချက်ချင်း ရှာတွေ့နိုင်တယ်… ဒါတင် မကသေးဘူး… အဲ့ဒါက မင်းအပေါ် နောက်ဆုံး အဆုံးအဖြတ်ပေးမယ့် တိုက်ခိုက်မှု လုပ်ဖို့ ငါတို့ကို အခွင့်အရေး ပေးလိမ့်ဦးမယ်…"</p> <p>သူက မူလဝိညာဉ်မှ တစ်ဆင့် စကားပြောနေခြင်း ဖြစ်ပြီး ၎င်းက ကျန်းမင် နားထဲသို့ တိုက်ရိုက် ဝင်ရောက်လာ၏။</p> <p>နောက်တစ်စက္ကန့်တွင် ဓားသွားထိပ်က ကျန်းမင်၏ အရှေ့သို့ ရောက်လာခဲ့လေပြီ။</p> <p>"ဝိညာဉ်စွမ်းအင် အလင်းတန်း…" ကျန်းမင်က ကာကွယ်ရေး အထူးစွမ်းရည်ကို အလျင်အမြန် အသက်သွင်းလိုက်သည်။ အလင်းတန်း တစ်ခုက သူ့နဖူးကို အကာအကွယ် အတားအဆီး တစ်ခုအဖြစ် ဖုံးလွှမ်းသွားသော်လည်း လူငယ်၏ တိုက်ခိုက်မှုကို တားဆီးရန် ဘာမှ မလုပ်နိုင်ခဲ့ပေ။ ဓားသွားထိပ်က အတားအဆီးကို ထောပတ်တုံးအား ဖြတ်တောက်သကဲ့သို့ ဖောက်ထွင်းသွားတော့သည်။</p> <p>မည်သို့ပင်ဆိုစေ ၎င်းက ကျန်းမင်အား ကျရောက်လာတော့မည့် အရှုံးမှ လွတ်မြောက်ရန် အချိန်လုံလုံလောက်လောက် ရရှိစေခဲ့သည်။</p> <p>ကျန်းမင် ပြန်လည် ထွက်ပေါ်လာချိန်တွင် သူ့နဖူး၌ ချွေးအေးများ ပြည့်နှက်နေ၏။</p> <p>သူက မေးလိုက်သည်။ "မင်း အဲ့ဒါကို ဘယ်လို လုပ်လိုက်တာလဲ…"</p> <p>"ငါက အဆင့် ၉ ကျင့်ကြံသူလေ… မင်းတို့ရဲ့ ကျင့်ကြံမှု စနစ်အရ ဆိုရင် အန္တိမအဆင့် ကျင့်ကြံသူလို့ ဘာသာပြန်လို့ ရတယ်…" လူငယ်က နားရွက်တဖက်မှ တဖက်ထိ ပြုံးရွှင်စွာ ပြန်ဖြေသည်။</p> <p>"ငါ သုခကမ္ဘာကို မထုတ်ဖော်ခဲ့ပေမယ့် ငါ လိုချင်တဲ့ အချိန်တိုင်း သူ့ရဲ့ စွမ်းအားကို သုံးနိုင်တယ်… မင်း ဘယ်လောက်ပဲ မြန်မြန်၊ အတွေးအာရုံထက်တော့ ဘယ်တော့မှ ပိုမမြန်နိုင်ဘူး… တကယ်လို့ မင်း နေရာရွှေ့ပြောင်းမယ် ဆိုရင် ငါက မင်းအတွက် ရေကိုယ်ပွား တစ်ခု ချန်ထားခဲ့မယ်… ငါက အခြေအနေကို ငါ့ဘက် အသာစီးရအောင် ပြောင်းလဲနေတဲ့ အချိန်မှာ မင်းက ငါ့ကို အနိုင်ယူလိုက်ပြီ ဆိုတဲ့ အထင်အမြင်မှားမှု တစ်ခုကို ပေးလိမ့်မယ်…"</p> <p>"မင်းက ဘာလို့ သုခဘုံအဆင့် ကျင့်ကြံသူ တစ်ယောက်ထက် အများကြီး ပိုသန်မာနေရတာလဲ…"</p> <p>ကျန်းမင်က အန္တိမ ကျင့်ကြံသူ တစ်ယောက် ဖြစ်ခြင်း၏ စွမ်းအားကို ယခင်က ကြုံတွေ့ဖူးသော်လည်း ၎င်းမှာ ငှားရမ်းထားသော စွမ်းအားသာ ဖြစ်သည်။</p> <p>ထိုစွမ်းအားကို အပြည့်အဝ အသုံးချရန် သူ မသိခဲ့သလို ယခုမှသာ အန္တိမ ကျင့်ကြံသူ တစ်ယောက်၏ စွမ်းအားမှာ မည်မျှ ထိတ်လန့်ဖွယ် ကောင်းကြောင်း သဘောပေါက်သွားတော့သည်။</p> <p>၎င်းမှာ လူသားတစ်ယောက် ယှဉ်ပြိုင် တိုက်ခိုက်နိုင်မည့် အရာမျိုး မဟုတ်ပေ။</p> <p>"မင်းတို့ရဲ့ ကျင့်ကြံမှု စနစ်မှာ အဆင့် ၈ နဲ့ အဆင့် ၉ ကြား ကွာခြားချက်က ကောင်းကင်နဲ့ မြေကြီးလောက် ကြီးမားတယ်…" လူငယ်က စိတ်ရှည်စွာ ရှင်းပြ၏။ "ဥပမာအနေနဲ့ ငါက ပတ်ဝန်းကျင်မှာ ရှိတဲ့ ရေအားလုံးကို ခြယ်လှယ်နိုင်တယ်… ရေရှိတဲ့ နေရာတိုင်းက ငါ့ရဲ့ ပိုင်နက် ဖြစ်လိမ့်မယ်… သေချာတာပေါ့… ရေက ငါနဲ့ ဝေးလေလေ အာနိသင်က လျော့ကျလေလေ ဖြစ်မှာပဲ…"</p> <p>"ဒါဆိုရင် ငါ့ခန္ဓာကိုယ်ထဲမှာလည်း…" ကျန်းမင် မျက်လုံးများ အံ့အားသင့်မှုကြောင့် ပြူးကျယ်သွားသည်။</p> <p>လူငယ်က ပြုံးလိုက်သည်။</p> <p>"ရေတာအို ဒါမှမဟုတ် ရေကို ခြယ်လှယ်နိုင်တဲ့ စွမ်းရည်ဆိုတာ အဆင့် ၉ ကျင့်ကြံသူ တစ်ယောက်ရဲ့ အခြေခံ အကျဆုံး အရာပဲ… ငါနဲ့ အဆင့်တူတဲ့ လူတစ်ယောက်ကို အနိုင်ယူဖို့ ဆိုရင်တော့ လုံလောက်မှာ မဟုတ်ဘူး… ဒါပေမဲ့ ငါ့ထက် အဆင့်နိမ့်တဲ့ သူတစ်ယောက်ကို အနိုင်ယူဖို့ ဆိုရင်တော့ လုံလောက်တာထက်ကို ပိုတယ်…"</p> <p>"ရေ ပေါက်ကွဲမှု…"</p> <p>လူငယ်က ဓားကို မြှောက်၍ ကျန်းမင်ထံ ချိန်ရွယ်သည်။</p> <p>မည်သည့် ဓားစွမ်းအင်မှ မရှိသလို မည်သည့် တိုက်ခိုက်မှုကိုမျှ မထုတ်ဖော်ခဲ့သော်လည်း ကျန်းမင်၏ မျက်နှာမှာ ကြောက်ရွံ့မှုကြောင့် ဖြူရော်သွားလေပြီ။</p> <p>ထိုအခိုက်အတန့်တွင် သူ့ကြွက်သားများ၊ အရိုးများ၊ ကလီစာများ၊ သွေးများနှင့် ဆဲလ်များ တုန်ခါနေသည်ကို သူ ခံစားလိုက်ရသည်။ အကယ်၍ သူ့ခန္ဓာကိုယ်သာ မသန်မာခဲ့လျှင် ရေအိုင် တစ်အိုင် အဖြစ် ပြောင်းလဲသွားလောက်ပြီ ဖြစ်သည်။</p> <p>"မဟာ အကာအကွယ်…"</p> <p>သူ့တွင် လက်ရှိ ရှိနေသော အစွမ်းထက်ဆုံး ကာကွယ်ရေး လှုပ်ရှားမှုကို သူ လျင်မြန်စွာ အသက်သွင်းလိုက်သည်။</p> <p>ဤကာကွယ်ရေး မန္တန်မှာ ဒြပ်စင်ငါးပါး ကာကွယ်ရေးကို အခြေခံ၍ ဖန်တီးထားခြင်း ဖြစ်၏။ သူက ကာကွယ်ရေး အထူးစွမ်းရည် အားလုံးကို အတူတကွ ပေါင်းစပ်ပြီး အစွမ်းထက်သော ကာကွယ်ရေး မန္တန်တစ်ခု အဖြစ် ဖွဲ့စည်းခဲ့ကာ ၎င်းကို မဟာ အကာအကွယ် အဖြစ် အမည်ပေးခဲ့သည်။</p> <p>နောက်တစ်စက္ကန့်တွင် ကျန်းမင်၏ ခန္ဓာကိုယ်မှ အရောင်မျိုးစုံ ပေါက်ကွဲထွက်လာတော့သည်။ ၎င်းမှာ ဒြပ်စင်ငါးပါး၏ စွမ်းအားပင်။ ၎င်းတို့က သူ့ခန္ဓာကိုယ် ပတ်လည်တွင် လည်ပတ်နေပြီး သူ့အထဲရှိ အမည်မသိ စွမ်းအားကို အပြင်သို့ တွန်းထုတ်ပစ်လိုက်၏။</p> <p>"ကောင်းပြီ… ဒါက ကောင်းမွန်တဲ့ ကာကွယ်ရေး မန္တန် တစ်ခုပဲ… ဒါပေမဲ့ ဒါက သူလုပ်နိုင်တာ အကုန်ပဲ" လူငယ်က မှတ်ချက်ပေးလာသည်။ "အန္တိမ အဆင့်ရဲ့ အထွတ်အထိပ်ကို ရောက်နေတဲ့ ငါ့လို လူတစ်ယောက်ကို ဆန့်ကျင်ဖို့ကတော့ အသုံးမဝင်ဘူး… ငါ မင်းကို ရေ ပေါက်ကွဲမှု တစ်ချက်တည်းနဲ့ ဖောက်ခွဲပစ်နိုင်တယ်… ဒါပေမဲ့ စိတ်ဓာတ်မကျပါနဲ့… မင်းက လုံလောက်အောင် မသန်မာလို့ မဟုတ်ပါဘူး… မင်းအဆင့်မှာ မင်းကို အရမ်း အစွမ်းထက်တယ်လို့ သတ်မှတ်နိုင်တယ်… ကံမကောင်းစွာနဲ့ မင်းရဲ့ အဆင့်က အရမ်း နိမ့်နေတာပဲ…"</p> <p>"ကျေးဇူး အများကြီး တင်ပါတယ်…" ကျန်းမင်က ပြန်ဖြေ၏။ "အကယ်၍ မင်းသာ ဒီစွမ်းရည်ကို အစကတည်းက သုံးခဲ့ရင် ငါ သေနေလောက်ပြီ… ဘာလို့လဲ…"</p> <p>"မင်းကို သတ်ရတဲ့ ရည်ရွယ်ချက်က ဘာလဲ… ဒါက ကောင်းကင် တိုက်ပွဲစင်မြင့်လေ… မင်း ဒီကို အကြိမ်ကြိမ် ပြန်လာနိုင်တယ်… ပြီးတော့ အဆင့် ၉ ကျင့်ကြံသူ တစ်ယောက်က ဘယ်လောက်တောင် ထိတ်လန့်ဖို့ ကောင်းလဲ ဆိုတာကို နောက်ဆုံးမှာ မင်း သဘောပေါက်သွားလိမ့်မယ်…" လူငယ်က ပြောလိုက်သည်။</p> <p>"မင်း တိုက်ပွဲကို ဆက်လုပ်ချင်သေးလား…"</p> <p>"သေချာတာပေါ့… ငါ နိုင်တဲ့အထိ လက်လျှော့မှာ မဟုတ်ဘူး…"</p> <p>"ဒါမှ ငါ့ကောင်ကွ… ငါ ရေ ဥပဒေသကို အပြည့်အဝ မကျွမ်းကျင်သေးပေမယ့် အန္တိမ ကျင့်ကြံသူ တစ်ယောက်ရဲ့ စစ်မှန်တဲ့ စွမ်းအားကို မင်းကို ပြပေးမယ်…”</p> <p>“ငါ လာပြီ…"</p> <p>"ရေပိုင်နက် သုံးထောင်… ငါ့ရန်သူကို လွှမ်းခြုံပြီး သူ့ကို ချေမွပစ်စမ်း…"</p> <p>သူက လက်ကို ဝှေ့ယမ်းလိုက်ရာ သမုဒ္ဒရာ တစ်ခုနှင့် ဝဲဂယက်များ ထွက်ပေါ်လာ၏။</p> <p>စုပ်ယူအားမှာ အလွန် ပြင်းထန်လွန်းသဖြင့် ကျန်းမင်မှာ မတ်တပ်ပင် ကောင်းကောင်း မရပ်နိုင်တော့ချေ။ သူက နေရာရွှေ့ပြောင်းပြီး ထွက်ပြေးရန် ကြိုးစားသော်လည်း သူ့ပတ်လည်ရှိ ဝဲဂယက်များက သူ့ကို အခွင့်အရေး မပေးခဲ့ပေ။</p> <p>"မင်းရဲ့ စွမ်းရည်ကို သိပြီးသွားရင် မင်းရဲ့ လှုပ်ရှားမှုကို တန်ပြန် တိုက်ခိုက်ဖို့ ဆိုတာ ကိတ်မုန့်စားသလို လွယ်ပါတယ်…" လူငယ်၏ အသံက ကျန်းမင်၏ နားထဲသို့ ဝင်ရောက်လာသည်။ "ဒါကို မမေ့နဲ့… ကိုယ့်လက်ထဲမှာ အမြဲတမ်း လျှို့ဝှက် ဖဲချပ်တစ်ခု ချန်ထား… ငါ လာပြီ… ရေ ပေါက်ကွဲမှု…"</p> <p>ယခုတစ်ကြိမ် ကျန်းမင်က သူ့ခန္ဓာကိုယ်ထဲရှိ ရေမော်လီကျူးများ လှုပ်ရှားနေသည်ကို ခံစားရုံသာမက သူ့အပေါက်များမှလည်း ရေများ စီးကျလာနေတော့သည်။</p> <p> </p> <p> </p> <p style="text-align: center;">End</p> <p style="text-align: center;">***</p>


Save