Book List

<h2 style="text-align: center;">အခန်း (၁၃၂)</h2> <h2 style="text-align: center;">တီမီစတူဒီယို</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>တန်ချင်းရွှဲ့နှင့် ယန်ဝေ့ကျိန်းတို့ ဇနီးမောင်နှံသည် ဟန်းနီးမွန်း ခရီးစဉ်အတွင်း တန်ယွဲဂျားနှင့် နေ့စဉ် ဗီဒီယိုဖုန်း ခေါ်ဆိုကြ၏။ မိခင်နှင့် သမီးဖြစ်သူတို့သည် တစ်နေ့တာအတွင်း ကြုံတွေ့ရသမျှနှင့် မြင်တွေ့ရသမျှတို့ကို ပျော်ပျော်ရွှင်ရွှင်ပင် အပြန်အလှန် ပြောပြကြလေသည်။</p> <p>မကြာမီမှာပင် စာသင်နှစ်သစ် စတင်တော့မည် ဖြစ်သည်။ တန်ယန်အတွက် တက္ကသိုလ်ဝင်ခွင့် စာမေးပွဲဖြေဆိုရန် လေးလပင် မပြည့်တော့ချေ။</p> <p>ဒသမတန်း ကျောင်းသားများ၏ ပတ်ဝန်းကျင်မှာ သိသိသာသာ တင်းမာလာခဲ့သည်။ အတန်းတိုင်းလိုလို၏ ကျောက်သင်ပုန်းပေါ်တွင် "တက္ကသိုလ်ဝင်ခွင့် စာမေးပွဲဖြေဆိုရန် ရက်ပေါင်း (XX) သာ လိုတော့သည်" ဟု မြေဖြူဖြင့် စာလုံးကြီးကြီး ရေးသားထားကြရာ ကျောင်းသားတိုင်း၏ စိတ်ထဲတွင် စိုးရိမ်ပူပန်မှုများ ဖြစ်ပေါ်နေရတော့၏။</p> <p>တန်ယန်၏ အတန်းဖြစ်သော ဒသမတန်း (၁) တွင် ကျောင်းသားများသည် ကျောင်းဆင်းချိန်များ၌ပင် ကိုယ်ရေးကိုယ်တာ ကိစ္စမှလွဲ၍ ခုံမှမထဘဲ လေ့ကျင့်ခန်း ပုစ္ဆာများကိုသာ အသည်းအသန် တွက်ချက်နေကြ၏။ ယခုအချိန်တွင် ပုစ္ဆာတစ်ပုဒ် ပိုတွက်နိုင်ခြင်းမှာ စာမေးပွဲတွင် အမှတ်တစ်မှတ် ပိုရနိုင်သည်ဟု ဆိုလိုခြင်းဖြစ်ပြီး ထိုအမှတ် တစ်မှတ်မှာပင် သူတို့ဘဝ၏ အချိုးအကွေ့တစ်ခု ဖြစ်သွားနိုင်ပေသည်။</p> <p>တန်ယန်သည် ယခင်ကလည်း သူငယ်ချင်းများကို အရေးကြီးသော သင်ခန်းစာများ ပြန်လည်နွှေးပေးပြီး ရလဒ်ကောင်းများ ရရှိအောင် ကူညီပေးခဲ့ဖူးသည့် သမိုင်းကြောင်းရှိခြင်း၊ သူမ၏ စွမ်းဆောင်ရည်မှာလည်း ထူးချွန်ထက်မြက်ခြင်းတို့ကြောင့် အတန်းပိုင်ဆရာမက ကျောင်းသားများ၏ စိတ်ဖိစီးမှု လျော့ကျစေရန်အတွက် တန်ယန်အား ပြန်လည်လေ့ကျင့်ရေး သင်ခန်းစာတစ်ခု ပို့ချပေးရန် တောင်းဆိုခဲ့လေသည်။</p> <p>ထိုသို့ တန်ယန်က သင်ကြားပေးလိုက်သည့်အတွက် သင်ယူမှု ဝန်းကျင်မှာ သိသိသာသာပင် ပြန်လည်သက်ဝင် လှုပ်ရှားလာပြီး ယခင်ကကဲ့သို့ အသက်မဲ့ကာ တင်းမာနေခြင်းမျိုး မရှိတော့ပေ။</p> <p>ထို့နောက်တွင်မူ နေ့စဉ်နေ့တိုင်း နေ့လယ်ပိုင်း ပြန်လည်လေ့ကျင့်ရေး သင်ခန်းစာ နှစ်ချိန်လုံးကို တန်ယန်ကပင် ဦးဆောင်ကာ သင်ကြားပေးခဲ့သည်။ ဒသမတန်း (၁) မှ ကျောင်းသားများသည် ထိပ်တန်းကျောင်းသူ တစ်ဦး၏ ပံ့ပိုးကူညီမှုကို ရရှိခြင်းကြောင့် စာသင်ရသည်မှာ ရုတ်တရက် ပျော်စရာ ကောင်းလာခဲ့၏။</p> <p>ရလဒ်အနေဖြင့် ကျောင်း၏ ဝက်ဘ်ဆိုဒ်ဖိုရမ် စာမျက်နှာများပေါ်တွင် ချီးမွမ်းခန်းများ ဝေဝေဆာဆာ ထွက်ပေါ်လာပြန်သည်။ ဤသည်မှာ အခြားအတန်းများ၊ အထူးသဖြင့် တန်ယန်၏ အတန်းဖော်ဟောင်းများကို မနာလိုဖြစ်စေခဲ့ရာ ဒသမတန်း (၁) ကျောင်းသားများ တင်ထားသည့် ပို့စ်များအောက်တွင် သရော်စာများ လာရောက် ရေးသားကြတော့သည်။</p> <p>ကံကောင်းသည်မှာ ပို့စ်တင်သည့် ကျောင်းသားမှာ အလွန်ပင် အကောင်းမြင်တတ်သူ ဖြစ်ပေသည်။ အခြားသူများ၏ သရော်စကားများကို မြင်သောအခါ သူက ပို၍ပင် ဘဝင်မြင့်စွာဖြင့်</p> <p>"မင်းတို့ ငါ့ကို ကြည့်မရ ဖြစ်နေတာကို မြင်ရတာ သဘောကျတယ်၊ ဒါပေမဲ့ မင်းတို့ငါ့ကို ဘာမှမလုပ်နိုင်ဘူးလေ တကယ်ကို ကျေနပ်စရာပဲ"</p> <p>ဟု ပြန်လည် တုံ့ပြန်ခဲ့လေသည်။</p> <p>အချိန်တွေမှာ မြားတစ်စင်းအလား ကုန်လွန်သွားခဲ့ရာ တက္ကသိုလ်ဝင်ခွင့် စာမေးပွဲကြီးမှာ နီးကပ်လာခဲ့ချေပြီ။</p> <p>C နိုင်ငံ၏ တက္ကသိုလ်ဝင်ခွင့် စာမေးပွဲမှာ တစ်နိုင်ငံလုံး အတိုင်းအတာဖြင့် ကျင်းပခြင်းဖြစ်ပြီး ဗားရှင်းအေနှင့် ဗားရှင်းဘီဟူ၍ ပုံစံနှစ်မျိုးကို ကျပန်းသတ်မှတ်ပေးခြင်း ဖြစ်သည်။ နှစ်စဉ်နှစ်တိုင်း ဗားရှင်းအေမှာ ဗားရှင်းဘီထက် ပိုမိုခက်ခဲလေ့ ရှိသဖြင့် ဆရာများနှင့် မိဘများမှာ မိမိတို့၏ ကလေးများကို ဗားရှင်းဘီသာ ကျစေလိုကြ၏။</p> <p>သို့သော် တန်ယန်အတွက်မူ ဗားရှင်းအေဖြစ်စေ၊ ဗားရှင်းဘီဖြစ်စေ အရေးမကြီးပေ။ အကြွင်းမဲ့ ထူးချွန်ထက်မြက်သည့် စွမ်းရည်ရှေ့မှောက်တွင် မေးခွန်းများ ပိုမိုခက်ခဲလေလေ သူမ၏ ထူးချွန်မှုမှာ ပိုမိုပေါ်လွင်လေလေ ဖြစ်ပေလိမ့်မည်။</p> <p>စာမေးပွဲမဖြေမီ မီကိုက သူမကို အားပေးရန် ဗီဒီယိုကောလ် ခေါ်ဆိုခဲ့သည်။ မီကိုသည် ကိုယ်အလေးချိန် လျော့ကျသွားသော်လည်း ယခင်ကထက် ပိုမိုကျန်းမာ လှပနေသည်ကို မြင်ရသောအခါ တန်ယန် အလွန်ပင် ဝမ်းသာမိသည်။ သူမ ပြန်လည် ဝင်စားလာပြီးနောက် ဖြစ်ပေါ်လာသည့် အပြောင်းအလဲများသည် ကောင်းကျိုးများကိုသာ ဆောင်ကြဉ်းပေးခဲ့ရာ ဤသည်မှာပင် သူမအတွက် လုံလောက်နေပြီ ဖြစ်ပေသည်။</p> <p>ယခုနှစ် တက္ကသိုလ်ဝင်ခွင့် စာမေးပွဲကို တန်ယန်အပြင် ယန်ယီအန်လည်း ဝင်ရောက် ဖြေဆိုရပေသည်။</p> <p>ယုံကြည်မှုအပြည့် ရှိနေသော တန်ယန်နှင့် နှိုင်းယှဉ်လျှင် ယန်ယီအန်မှာမူ မိမိကိုယ်ကိုယ် ယုံကြည်မှု လုံးဝမရှိချေ။ နောက်ပိုင်းတွင် တန်ယန်တို့ အတန်းနှင့်အတူ ရောနှော သင်ယူခဲ့သော်လည်း သူ၏အမှတ်များမှာ ပုံမှန်အဆင့်တွင်သာ ရှိခဲ့ရာ ယခုတစ်ခေါက်တွင် ဒုတိယတန်းစား တက္ကသိုလ် တစ်ခုခုသို့ ဝင်ခွင့်ရလျှင်ပင် သူကျေနပ်လှပြီ ဖြစ်သည်။</p> <p>တန်ယန်နှင့် ယန်ယီအန်တို့မှာ စာစစ်ဌာနချင်း မတူကြသဖြင့် အိမ်မှ တစ်ချိန်တည်း ထွက်ခွာခဲ့ကြသော်လည်း လမ်းခွဲကာ အသီးသီး ထွက်ခွာသွားကြ၏။</p> <p>ရာသီဥတုမှာ ပူပြင်းလှပြီး သစ်ပင်များပေါ်မှ ပုစဉ်းရင်ကွဲများ၏ တစာစာ အော်သံမှာလည်း စိတ်အနှောင့်အယှက် ဖြစ်စရာ ကောင်းလှပေသည်။</p> <p>တန်ယန်သည် အသစ်ဝေငှလိုက်သော မေးခွန်းလွှာကို ယူလိုက်ပြီး ပုံနှိပ်မှားယွင်းမှု ရှိ၊ မရှိ သိရှိနိုင်ရန် အစမှအဆုံး တစ်ချက်ကြည့်လိုက်၏။</p> <p>သူမ ကံကောင်းသည်ဟုပင် ဆိုရမည်လားမသိ၊ အခက်ခဲဆုံးဟု သတ်မှတ်ထားသော ဗားရှင်းအေ မေးခွန်းလွှာကို သူမရရှိခဲ့သည်။</p> <p>ယခုနှစ်၏ ဗားရှင်းအေ နှင့် ဗားရှင်းဘီတို့မှာ မေးမြန်းသည့် အချက်အလက်ချင်း တူညီကြသော်လည်း ဗားရှင်းအေ၏ မေးခွန်းများမှာ ဗားရှင်းဘီထက် သိသိသာသာ ပိုမိုရှုပ်ထွေး ခက်ခဲလှသည်။ ဗားရှင်းအေ ရရှိသွားသော ကျောင်းသားများမှာ မျက်နှာများ ဖြူလျော့သွားကြပြီး စိတ်ကိုအတင်း စုစည်းကာ ပုစ္ဆာများကို ခက်ခဲစွာ ဖြေဆိုနေကြရသည်။</p> <p>တန်ယန်မှာမူ မည်သည့် တွန့်ဆုတ်မှုမျှမရှိဘဲ မေးခွန်းလွှာကို ချောချောမွေ့မွေ့ပင် ဖြေဆိုသွားခဲ့၏။ စာမေးပွဲဖြေဆိုချိန် တစ်ဝက်ကျော်ရုံသာ ရှိသေးသော်လည်း သူမသည် တစ်စောင်လုံးကို ဖြေဆိုပြီးစီးသွားပြီ ဖြစ်သည်။ ပေါ့ဆ၍ မှားယွင်းမှုမျိုး ရှိ၊ မရှိ သေချာပြန်လည် စစ်ဆေးပြီးနောက် အမှားအယွင်း မရှိသည်ကို တွေ့ရသဖြင့် သူမသည် လက်ထောင်ကာ အဖြေလွှာကို အပ်နှံလိုက်လေသည်။</p> <p>အဖြေလွှာ အပ်ပြီးနောက် သူမအား နားနေဆောင်သို့ ခေါ်ဆောင်သွားကြသည်။ သူမ အလွန်ပျင်းနေသဖြင့် စာမေးပွဲ ပြီးဆုံးချိန်ကို စောင့်ဆိုင်းရင်း စိတ်ထဲမှနေ၍ ‘ယိတျန်တျန်’ နှင့်သာ စကားပြောနေမိတော့သည်။</p> <p>【အရှင်... စာမေးပွဲ ဖြေပြီးသွားပြီလား】</p> <p>【အင်း... စာမေးပွဲခန်းထဲမှာ နေရတာ အရမ်းအိုက်စပ်စပ်ကြီး ဖြစ်နေလို့ အဖြေလွှာ စောအပ်ပြီး အနားယူဖို့ ထွက်လာတာ】</p> <p>【အရှင်က တကယ်တော်တာပဲ အရှင်ရဲ့ ဉာဏ်ရည်နဲ့ဆိုရင် ဘာသာစုံ အမှတ်ပြည့်ရမှာ သေချာတယ်】</p> <p>【အမှတ်ပြည့်တော့ ဟုတ်ချင်မှ ဟုတ်မှာပါ ပုံမှန်အားဖြင့် တက္ကသိုလ်ဝင်ခွင့် စာမေးပွဲတွေမှာ ဝိဇ္ဇာဘာသာတွဲ ကျောင်းသားတွေကို အထိမ်းအမှတ်အနေနဲ့ တစ်မှတ်လောက် လျှော့ဖြတ်လေ့ ရှိတယ်လေ သိပ္ပံဘာသာတွဲ ကျောင်းသားတွေကတော့ အမှတ်ပြည့်ရဖို့ အခွင့်အရေး ပိုများတာပေါ့】</p> <p>【ဟီးဟီး... ပထမရရင်ပဲ တန်ပါပြီ】</p> <p>ယိတျန်တျန်နှင့် ခဏမျှ စကားပြောပြီးနောက် စာမေးပွဲ ပြီးဆုံးကြောင်း လူနာမည် ခေါင်းလောင်းသံ ထွက်ပေါ်လာရာ သူမသည် စာစစ်ဌာနမှ ပထမဆုံး ထွက်ခွာလာသူ ဖြစ်ခဲ့သည်။ စာစစ်ဌာန အပြင်ဘက်မှ မြင်ကွင်းမှာ သူမအတွက် ရင်းနှီးနေသလိုပင်။ သူမသည် တံငါသည်ဦးထုပ်ကို ငိုက်အောင်ဆောင်းကာ လူအုပ်ကြားထဲမှ အမြန်လျှောက်သွားပြီး သူမ၏ကားကို ရှာဖွေလိုက်တော့သည်။</p> <p>သုံးရက်တာ အချိန်သည် မျက်စိတစ်မှိတ်အတွင်း ကုန်ဆုံးသွားခဲ့ပြီး တန်ယန်နှင့် ယန်ယီအန်တို့၏ ပျော်ရွှင်စရာ နွေရာသီ အားလပ်ရက်ကြီး စတင်ခဲ့လေပြီ။ စာမေးပွဲ ဖြေဆိုပြီးနောက် ရလဒ်ထွက်ရန် ရက်ပေါင်းနှစ်ဆယ်ခန့် စောင့်ဆိုင်းရဦးမည်ဖြစ်ရာ သူတို့နှစ်ဦးစလုံးမှာ စာမေးပွဲကို ကောင်းကောင်း ဖြေဆိုနိုင်ခဲ့သည်ဟု ခံစားရသဖြင့် လောလောဆယ်တွင် အားရပါးရ အနားယူရန်သာ ဆုံးဖြတ်လိုက်ကြသည်။</p> <p>တန်ယန် အိမ်မှာ အေးအေးလူလူ လှဲနေသည်မှာ တစ်ရက်ပင် မပြည့်သေးမီ 'ယွီယင်' ဘက်မှ အရေးကြီးသော လှုပ်ရှားမှုတစ်ခု ရှိလာခဲ့၏။</p> <p>"အစ်မတန်... မနက်ဖြန်ကျရင် 'ယွီယင်' ဗီဒီယိုအတို ပလက်ဖောင်းကို စတင်တော့မှာ မမပြောခဲ့တဲ့ ဗီဒီယိုအတိုတွေ၊ တိုက်ရိုက်ထုတ်လွှင့်မှုနဲ့ အွန်လိုင်းစျေးဝယ် စနစ်တွေအားလုံး တစ်ပြိုင်တည်း ပါဝင်လာမှာ ဖြစ်တယ် ပြီးတော့ ကျွန်တော်တို့က 'ဒေါ့အိစ်' ပလက်ဖောင်းနဲ့လည်း ချိတ်ဆက်ထားတာမို့ ယွီယင်စတိုးမှာ ဒေါ့အိစ်ရဲ့ ဆိုင်လင့်ခ်ကို တိုက်ရိုက် ထည့်သွင်းလို့ ရပါပြီ"</p> <p>ဆွန်းယီဝမ်သည် ဤအချိန်တွင် အလွန်ပင် စိတ်လက်ပေါ့ပါး နေလေသည်။ သူ၏ ကြိုးစား အားထုတ်မှုများမှာ နောက်ဆုံးတွင် အသီးအပွင့် ခံစားရတော့မည်ဖြစ်ရာ ပလက်ဖောင်း၏ အောင်မြင်မှုကို သူ မျက်ဝါးထင်ထင် မြင်ယောင်နေမိချေပြီ။</p> <p>"ဒီလောက်တောင် မြန်တာလား"</p> <p>တန်ယန် အတော်လေး အံ့သြသွားမိသည်။ စမ်းသပ်မှုများအတွင်း အခက်အခဲအချို့ ရှိနေသည်ကို သူမ မြင်တွေ့ခဲ့ရသဖြင့် ပလက်ဖောင်း စတင်ရန် အချိန်အတော် ကြာဦးမည်ဟု သူမ ထင်မှတ်ထားခဲ့ခြင်း ဖြစ်၏။</p> <p>"အဟမ်း... တကယ်တော့ အဲ့ဒီလောက်ကြီးလည်း မမြန်ပါဘူး"</p> <p>ဆွန်းယီဝမ်၏ မျက်နှာမှာ အနည်းငယ် နီမြန်းသွားသည်။ အမှန်တကယ်တွင် ပလက်ဖောင်းကို လွန်ခဲ့သော သုံးလကတည်းက စတင်ရမည် ဖြစ်သော်လည်း စီမံခန့်ခွဲမှုပိုင်းဆိုင်ရာ ပြဿနာ အချို့ကြောင့် ကြန့်ကြာနေခဲ့ခြင်း ဖြစ်ပေသည်။ ကံကောင်းစွာဖြင့် တန်ယန်၏ အကူအညီကြောင့် ပြဿနာများကို အမြန်ဖြေရှင်းနိုင်ခဲ့ခြင်းဖြစ်ပြီး မဟုတ်ပါက ပုံမှန်အတိုင်း စတင်နိုင်ရန်ပင် မသေချာနိုင်ချေ။</p> <p>"ကောင်းပြီလေ၊ မနက်ဖြန်ကျရင် ငါလာကြည့်မယ်"</p> <p>ဖုန်းချပြီးနောက် တန်ယန်သည် ချင်ယွီရုံထံသို့ ဆက်သွယ်လိုက်သည်။ ပြီးခဲ့သည့် ခြောက်လပတ်လုံး ချင်ယွီရုံသည် ကျင်မြို့တွင် အလုပ်များနေခဲ့ပြီး တန်ယန်အတွက် ကုမ္ပဏီတစ်ခု ဝယ်ယူနိုင်ရန် ကူညီပေးနေခဲ့ခြင်း ဖြစ်သည်။</p> <p>တိတိကျကျ ပြောရလျှင် စစ်ပွဲ၏ ဂုဏ်ကျက်သရေ ဟုခေါ်သော မိုဘိုင်းဂိမ်းကို ဖန်တီးခဲ့သည့် နာမည်ကျော် 'တီမီ စတူဒီယို' ကို ဝယ်ယူရန်ဖြစ်၏။</p> <p>နောင်နှစ်အနည်းငယ် အကြာတွင် ‘စစ်ပွဲ၏ ဂုဏ်ကျက်သရေ’ သည် တစ်နိုင်ငံလုံး အတိုင်းအတာဖြင့် အောင်မြင်သော ဂိမ်းတစ်ခု ဖြစ်လာမည်ဖြစ်ပြီး တရုတ်နိုင်ငံရှိ ဂိမ်းဝါသနာအိုးများ၏ ၈၀ ရာခိုင်နှုန်းကို ဆွဲဆောင်နိုင်ရုံသာမက နိုင်ငံတကာ ပြိုင်ပွဲများအထိပါ ကျင်းပနိုင်မည့် ဂိမ်းတစ်ခု ဖြစ်လာပေလိမ့်မည်။ ထိုအချိန်တွင် ‘စစ်ပွဲ၏ ဂုဏ်ကျက်သရေ’ ၏ ကျော်ကြားမှုနှင့် ပတ်သက်ခွင့်ရသော မည်သည့် အနုပညာရှင်မဆို အလွန်ပင် ဝမ်းမြောက်ဝမ်းသာ ဖြစ်ကြရပေသည်။</p> <p>ထိုဂိမ်းသည် ဆယ်စုနှစ် များစွာတိုင် ထိပ်တန်းနေရာတွင် ခိုင်ခိုင်မာမာ ရပ်တည်နေမည်ဖြစ်ရာ သူမ ပြန်လည် ဝင်စားလာသည့် နှစ်တွင်ပင် ဤဂိမ်းမှာ နံပါတ်တစ်နေရာ၌ ရှိနေဆဲပင် ဖြစ်သည်။</p> <p>"အစ်မရုံ... အခြေအနေ ဘယ်လိုရှိလဲ"</p> <p>ဖုန်းချိတ်ဆက်သွားသည်နှင့် တန်ယန်က လိုရင်းကို တိုက်ရိုက် မေးမြန်းလိုက်သည်။</p> <p>"တီမီ စတူဒီယိုဘက်က သဘောတူပါတယ်၊ ဒါပေမဲ့ သူတို့က သီးခြား စီမံခန့်ခွဲပိုင်ခွင့်ကို လိုချင်နေကြတယ်"</p> <p>ချင်ယွီရုံ၏ အနည်းငယ် ပင်ပန်းနွမ်းနယ်နေသော အသံ ထွက်ပေါ်လာ၏။</p> <p>"ရပါတယ်"</p> <p>တန်ယန်အတွက်မူ 'သစ္စာစောင့်သိမှုကတ်' ဖြင့် ဖြေရှင်းနိုင်မည့် ကိစ္စများအတွက် စိုးရိမ်နေရန် မလိုအပ်ပေ။</p> <p>【ယိတျန်တျန်... နောင်မှာ လက်တွဲမယ့် သူတွေအတွက် 'သစ္စာစောင့်သိမှုကတ်' ကို လိုအပ်သလို အသုံးပြုလိုက်ပါ】</p> <p>【ဟုတ်ကဲ့ပါ အရှင် တီမီစတူဒီယိုရဲ့ အဓိက အဖွဲ့ဝင်အားလုံးကို အခုပဲ ကတ်အသုံးပြုပြီးပါပြီ】</p> <p>နောက်တစ်နေ့တွင် 'ယွီယင်' ဗီဒီယိုအတို ပလက်ဖောင်းကို စတင်မိတ်ဆက်ခဲ့ရာ C နိုင်ငံရှိ လူမှုကွန်ရက် စာမျက်နှာများနှင့် 'ဒေါ့အိစ်' ပလက်ဖောင်းတို့တွင် ကြော်ငြာများကို အစီအရီ မြင်တွေ့လာရသည်။ 'ယီယွီ ဖျော်ဖြေရေး' အောက်ရှိ အနုပညာရှင်များသည်လည်း 'ယွီယင်' ဆီသို့ စုပြုံရောက်ရှိလာကြပြီး နောက်ခံတေးဂီတ အမျိုးမျိုးကို အသုံးပြု၍ ဗီဒီယိုအတိုများ ရိုက်ကူး တင်ဆက်ကြလေသည်။</p> <p>၎င်းတို့၏ အိုင်ဒေါများနောက်သို့ လိုက်ပါရင်း ပရိသတ်များမှာလည်း အက်ပ်ကို အလုအယက် ဒေါင်းလုဒ်ဆွဲကာ အကောင့်ဖွင့်ကြသဖြင့် 'ယွီယင်' သည် တစ်နေ့တာ အသုံးပြုသူ အများဆုံး အက်ပ်တစ်ခု ဖြစ်လာခဲ့ချေပြီ။ 'ယွီယင်' ကို အသုံးပြုသူများမှာ သူငယ်ချင်း အချို့ကို ဖိတ်ခေါ်ရုံမျှဖြင့် ငွေသားဆုလာဘ်များ ချက်ချင်း ရရှိနိုင်ကြောင်းကိုလည်း သိရှိသွားကြ၏။</p> <p>ဤကဲ့သို့သော အရောင်းမြှင့်တင်ရေး နည်းလမ်းမျိုးမှာ နောက်ပိုင်းမျိုးဆက်များ အတွက်မူ အထူးအဆန်း မဟုတ်တော့သော်လည်း ယခုအချိန်ရှိ အသုံးပြုသူများ အတွက်မူ အလွန်ပင် ဆန်းသစ်နေပေသည်။ အချို့က သူငယ်ချင်းများကို စမ်းသပ်ဖိတ်ခေါ်ကြည့်ရာ ဆယ်ယွမ် (၁၀ ယွမ်) ဆုလာဘ် ရရှိသွားသဖြင့် အခြားသူငယ်ချင်းများကိုပါ အစုလိုက် အပြုံလိုက် ဖိတ်ခေါ်ကြတော့သည်။ ထိုသို့ဖြင့် တစ်ရက်တည်းမှာပင် ယွမ်တစ်ရာ၊ နှစ်ရာခန့်ကို အလွယ်တကူ ရှာဖွေနိုင်ခဲ့ကြလေသည်။</p> <p>ထို့ကြောင့် ၎င်းတို့သည် ငွေရရှိသည့်ပုံကို ချက်ချင်းပင် ဓာတ်ပုံရိုက်ကာ လူမှုကွန်ရက်ပေါ်သို့ တင်ကြရာမှ လူအများအပြားမှာ 'ယွီယင်' အက်ပ်ဆီသို့ ထပ်မံစုပြုံရောက်ရှိလာကြပြီး ရူးသွပ်ဖွယ်ကောင်းလောက်အောင်ပင် တစ်ဆင့်စကားဖြင့် ပြန့်နှံ့အောင်မြင် သွားခဲ့ပေ၏။</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save