Book List

<h2 style="text-align: center;">အခန်း (၁၃၃)</h2> <h2 style="text-align: center;">ယွီယင် တိုက်ရိုက်ထုတ်လွှင့်မှု</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>'ယွီယင်' ကို ဒေါင်းလုဒ်ဆွဲထား သူများသည် မိမိတို့၏ လှပသော ဓာတ်ပုံများကိုတင်ခြင်း သို့မဟုတ် နေ့စဉ်လူနေမှု ဘဝများကို မျှဝေခြင်းဖြင့် သူစိမ်းများထံမှ အသိအမှတ်ပြုမှုနှင့် 'လိုက်ခ်' များစွာ ရရှိနိုင်ကြောင်း သိရှိသွားကြရာ ဗီဒီယိုများ ရိုက်ကူးရန်နှင့် ဓာတ်ပုံလှလှလေးများ မျှဝေရန် ပို၍ တက်ကြွလာကြတော့သည်။</p> <p>အဆက်အသွယ် ပြတ်နေသည်မှာ ကြာပြီဖြစ်သော သူငယ်ချင်း အချို့မှာလည်း 'ယွီယင်' မှတစ်ဆင့် ငယ်သူငယ်ချင်း သံယောဇဉ်များကို ပြန်လည်နွှေးထုံး နိုင်ခဲ့ကြသဖြင့် ပလက်ဖောင်းအပေါ် ကျေးဇူးတင်ရှိပြီး တန်ဖိုးထားလာကြ၏။ ဤနည်းဖြင့် 'ယွီယင်' သည် တစ်ဦးချင်း အကောင့်များမှတစ်ဆင့် ပျံ့နှံ့သွားခဲ့ပြီး ယခုနှစ်၏ လူကြိုက်အများဆုံး လူမှုကွန်ရက် မျှဝေရေး ပလက်ဖောင်း ဖြစ်လာခဲ့ချေပြီ။</p> <p>ထို့ကြောင့် 'တူဝမ်' တွင် တိုက်ရိုက် ထုတ်လွှင့်နေကြသည့် ထုတ်လွှင့်သူ အငယ်စားလေး များသည်လည်း 'ယွီယင်' ဆီသို့ စတင် ကူးပြောင်းလာကြသည်။ အကြောင်းရင်းမှာ 'ယွီယင်' ၏ စာချုပ် စည်းကမ်းချက်များမှာ ပိုမို ဆွဲဆောင်မှု ရှိသောကြောင့်ပင်။ ဝင်ငွေခွဲဝေမှုစာချုပ် (သို့မဟုတ်) အခြေခံဝင်ငွေ အာမခံချက်ရှိသော စာချုပ်များကို စိတ်ကြိုက် ရွေးချယ်နိုင်ရုံသာမက ပလက်ဖောင်း၏ ကော်မရှင်ခမှာလည်း ၂၀ ရာခိုင်နှုန်းသာ ရှိပေသည်။</p> <p>အနည်းဆုံး ၅၀ ရာခိုင်နှုန်းခန့် ကော်မရှင် ဖြတ်တောက်သည့် အခြား ပလက်ဖောင်းများနှင့် နှိုင်းယှဉ်လျှင် ၎င်းမှာ ထုတ်လွှင့်သူ အသစ်များအတွက် ပိုမို သင့်တော်လှ၏။ ထို့ပြင် 'ယွီယင်' တွင် အခြေခံ အသုံးပြုသူ အလွန် များပြားလှသည်။ 'တူဝမ်' ကဲ့သို့ အသုံးပြုသူနှင့် အတိအကျ ချိတ်ဆက်ပေးနိုင်မှုမျိုး မရှိသေးသော်လည်း စုစုပေါင်း လစဉ်ဝင်ငွေမှာမူ အခြား ပလက်ဖောင်းများထက် သိသိသာသာ များပြားနေဆဲ ဖြစ်၏။</p> <p>ထုတ်လွှင့်သူ အကြီးစားများမှာမူ စာချုပ်များဖြင့် ချုပ်နှောင်ခံထားရခြင်း သို့မဟုတ် လက်ရှိ ပရိသတ်အင်အားကို မစွန့်လွှတ်နိုင်ခြင်းတို့ကြောင့် ရှိနေကြသေးသော်လည်း အားလုံးက စောင့်ကြည့်လေ့လာ နေကြသည်မှာ ငြင်းမရသော အချက်ပင် ဖြစ်သည်။</p> <p>【တိန်း သုံးစွဲမှုတာဝန် စတင်ပါပြီ၊ အချိန်အကန့်အသတ်မရှိ ယွမ်ဘီလီယံ ၁၀၀ သုံးစွဲရန် ဆုလာဘ်အဖြစ် ၃ ဆ ပြန်အမ်းငွေနှင့် စနစ်ဆိုင် အဆင့်မြှင့်တင်မှု ရရှိမည် ဖြစ်ပါသည်】</p> <p>စနစ်ဆိုင်က အဆင့်မြှင့်တင်တော့မှာလား၊ တန်ယန် တစ်ကျော့ပြန် ယုံကြည်မှုများ ပြည့်ဝလာခဲ့သည်။ စနစ် အဆင့်မြှင့်တင်မှုမှာ ခဏခဏ ဖြစ်လေ့မရှိသော်လည်း အဆင့်မြှင့်တင်လိုက်တိုင်း ထူးခြား ကောင်းမွန်လှသဖြင့် အဆင့်မြှင့်ပြီး နောက်ပိုင်းတွင် မည်သို့သော ပစ္စည်းများ ရှိလာမည်ကို သူမ အလွန်ပင် သိချင်နေမိတော့သည်။</p> <p>【ယိတျန်တျန်... ငါ့ရဲ့ အချက်အလက်တွေကို စစ်ဆေးပေးပါဦး】</p> <p>အရှင် - တန်ယန်</p> <p>ရုပ်ပိုင်းဆိုင်ရာ ကြံ့ခိုင်မှု - ၁၀၀ (၀ မှ ၁၀၀ အတွင်း)</p> <p>ဉာဏ်ရည် - ၁၀၀ (၀ မှ ၁၀၀ အတွင်း)</p> <p>ဆွဲဆောင်မှု - ၅၆ (၀ မှ ၁၀၀ အတွင်း)</p> <p>ရုပ်ရည် - ၁၀၀ (၀ မှ ၁၀၀ အတွင်း)</p> <p>ကံကောင်းမှု - ၁၀ (၀ မှ ၁၀ အတွင်း)</p> <p>ကြည်ညိုမှုအမှတ် - ၆,၄၈၃,၂၆၀</p> <p>အထူးကျွမ်းကျင်မှုများ - အလယ်အလတ်အဆင့် ကိုယ်ခံပညာ၊ စန္ဒရားကျွမ်းကျင်မှု၊ ကိုယ်ပိုင်ဟင်းလင်းပြင်၊ ပါရမီရှင်အဆင့် ဂီတအာရုံခံစားမှု၊ ကခုန်ခြင်း ကျွမ်းကျင်မှု၊ ရွက်လှေမောင်းနှင်မှု ကျွမ်းကျင်မှုနှင့် ပါရမီပါသော စာရေးဆရာ။</p> <p>ကျန်ရှိနေသော အရည်အချင်းအမှတ် - ၀</p> <p>ကျန်ရှိနေသော ရွှေရောင်ကံစမ်းမဲသေတ္တာ - ၉၇ ခု</p> <p>*</p> <p>တန်ယန်သည် သူမ၏ ဘဏ်စာရင်း လက်ကျန်ကို တစ်ချက် ပြန်စစ်ဆေးကြည့်ရာ ယွမ်ဘီလီယံ ၁၈၀ ကျော် ရှိနေချေပြီ။ 'ရွေ့လျန်' ဘလက်ဂိုးကတ်နှင့် ချိတ်ဆက်ထားပြီး ကတည်းက သူမအနေဖြင့် ဘဏ်စာရင်းထဲရှိ ငွေပမာဏကို သိပ်ပြီး ဂရုမပြုမိတော့ပေ။</p> <p>အသစ်ရရှိထားသော ငွေသုံးစွဲမှု တာဝန်ကို တွေးတောရင်း သူမသည် 'ယွီယင်' အက်ပ်ကို ဖွင့်လိုက်၏။ ယခုအချိန်တွင် ယွီယင်ပေါ်၌ တိုက်ရိုက်ထုတ်လွှင့်သူ အလွန်အမင်း မများသေးပေ။ အများစုမှာ အခြား ပလက်ဖောင်းများတွင် အခြေအနေ မလှသဖြင့် ပြောင်းလာကြသည့် ထုတ်လွှင့်သူ အငယ်စားလေးများသာ ဖြစ်ပြီး ဖော်လိုဝါ အရေအတွက်မှာလည်း မပြောပလောက်အောင်ပင် နည်းပါးလှသည်။</p> <p>ထို့ပြင် ယွီယင်၏ တိုက်ရိုက်ထုတ်လွှင့်မှု ကြည့်ရှုသူ အခြေခံမှာလည်း ပရော်ဖက်ရှင်နယ် ပလက်ဖောင်းများကဲ့သို့ ခိုင်ခိုင်မာမာ မရှိသေးချေ။</p> <p>တန်ယန်သည် 'ရှီကွမ်းကျင့်ဟောင်' ဆိုသည့် အကောင့်အမည်ဖြင့် တိုက်ရိုက်ထုတ်လွှင့်မှု တစ်ခုထဲသို့ ကြုံရာကျပန်း ဝင်ကြည့်လိုက်သည်။ ထုတ်လွှင့်သူမှာ ရုပ်ရည်အသင့်အတင့် ရှိသော အမျိုးသားတစ်ဦး ဖြစ်ပြီး အချစ်သီချင်း တစ်ပုဒ်ကို ခံစားချက် အပြည့်ဖြင့် သီဆိုနေ၏။</p> <p>"ဟင်း..."</p> <p>တန်ယန်ကတော့ ထိုအမျိုးသား၏ဟန်မှာ အနည်းငယ် ပိုလွန်းသည်ဟု ခံစားရသဖြင့် နောက်ထပ်တစ်ခုသို့ ချက်ချင်း ပြောင်းလိုက်သည်။</p> <p>တိုက်ရိုက်ထုတ်လွှင့်မှု အချို့ကို အပျော်သဘောဖြင့် လှည့်ပတ် ကြည့်ရှုပြီးနောက် သူမ၏ ပလက်ဖောင်းပေါ်ရှိ ထုတ်လွှင့်သူများ၏ အရည်အသွေးမှာ တကယ်ပင် စိတ်ပျက်စရာ ကောင်းနေကြောင်း တွေ့လိုက်ရသည်။ ၎င်းတို့မှာ ကိုယ်ပိုင်ဟန် မရှိကြသလို ဆွဲဆောင်မှုလည်း သိပ်မရှိကြချေ။ သူမ ပြန်လည် မဝင်စားမီအချိန်က ယွီယင်တွင်ရှိခဲ့သော ထုတ်လွှင့်သူ မျိုးစုံကို ပြန်တွေးမိသည်။ အချို့မှာ ရုပ်ရည်ချောမောပြီး ပါရမီပါကြသည်၊ အချို့က ဟာသနှောတတ်ကြပြီး အချို့မှာမူ ယဉ်ကျေးမှုဆိုင်ရာ ဗဟုသုတများဖြင့် ဆွဲဆောင်နိုင်ကြသည်။ ယခုတော့...</p> <p>သူမ စာမျက်နှာကို တစ်ခါပြန်ဖွင့်လိုက်ရာ မျက်လုံးများ တောက်ပသွားတော့သည်။ ယခုတစ်ခေါက်တွင် အမျိုးသမီးငယ် တစ်ဦး၏ တိုက်ရိုက်ထုတ်လွှင့်မှုကို တွေ့လိုက်ရပြီး ခေါင်းစဉ်မှာ</p> <p>"ရှောင်ရို့ပြောပြတဲ့ ပုံပြင်များ" ဖြစ်၏။</p> <p>အစီအစဉ် တင်ဆက်သူ၏ အသံမှာ နူးညံ့ပြီး ကြည်လင်လှရာ အရုဏ်ဦးအချိန် တောအုပ်ထဲမှ ဥသြငှက်လေး၏ တေးဆိုသံကဲ့သို့ပင် နားထောင်ရသူကို သက်တောင့်သက်သာ ရှိစေသည်။ ထို့ပြင် သူမ၏ ရုပ်ရည်မှာလည်း တော်တော်လေး လှပပေသည်။</p> <p>သူမသည် နို့နှစ်ရောင် ဂါဝန်လေးပေါ်တွင် နို့ဖြူရောင် ကာဒီဂန် အင်္ကျီလေးကို ထပ်ဝတ်ထားပြီး မိုက်ကရိုဖုန်းရှေ့တွင် ထိုင်နေ၏။ ဖြူဝင်းသော ပါးပြင်လေး နှစ်ဖက်မှာ ပန်းနုရောင် သန်းနေသည်။ ဝိုင်းစက်နေသော မျက်ဝန်းကြီးများဖြင့် မျက်နှာပြင်ကို စိုက်ကြည့်နေပုံမှာ အပြစ်ကင်းစင်သော ယုန်ဖြူလေး တစ်ကောင်နှင့် တူလှပေသည်။ သူမသည် မြင်သူတိုင်း၏ နှလုံးသားကို အလွယ်တကူ ဖမ်းစားနိုင်သည့် 'ပထမအချစ်' ၏ ပြယုဂ်ဟုပင် ဆိုရမည်။</p> <p>အမှတ် ၁၀ ပေးမည်ဆိုလျှင် ဤ ထုတ်လွှင့်သူမလေးမှာ အနည်းဆုံး ၈.၅ မှတ် ရပေလိမ့်မည်။</p> <p>တန်ယန်သည် လက်ချောင်းလေးများကို လှုပ်ရှားကာ သူမ၏ အကောင့်ထဲသို့ အင်တာတိန်းမန့်ဒင်္ဂါး ငါးသန်းကို ဖြည့်လိုက်သည်။ C နိုင်ငံသုံးငွေနှင့် အင်တာတိန်းမန့် ဒင်္ဂါး၏ လဲလှယ်နှုန်းမှာ ၁:၁ ဖြစ်၏။</p> <p>သူမသည် မိန်းကလေးများနှင့် ပိုမိုလိုက်ဖက်မည့် လက်ဆောင်တစ်ခုကို ရွေးချယ်လိုက်သည်။ ၎င်းမှာ ယွမ် ၅,၀၀၀ တန် 'အိပ်မက်ဆန်သော ဘဲလေးကခုန်သည့် သေတ္တာ' ဖြစ်၏။ ချက်ချင်းပင် ဖန်သားပြင်ပေါ်၌ သီချင်းသေတ္တာ စင်မြင့်ပုံစံ ပေါ်လာပြီး အလယ်တွင် ကခုန်နေသော အရုပ်မလေးတစ်ရုပ် ထွက်ပေါ်လာသည်။</p> <p>ရုတ်တရက် ကျရောက်လာသော လက်ဆောင်များကြောင့် တိုက်ရိုက် ကြည့်ရှုနေသူများမှာ အံ့အားသင့်သွားကြသည်။ သို့သော် ထိုမျှနှင့် မရပ်တန့်ဘဲ ဖန်သားပြင်ပေါ်တွင် ဘဲလေးကခုန်သည့် သေတ္တာလေးများ တစ်ခုပြီးတစ်ခု ဆက်တိုက်ဆိုသလို ပေါ်လာတော့သည်။ လက်ဆောင်ပေးသည့် စာတိုများမှာလည်း ပလက်ဖောင်း တစ်ခုလုံးတွင် ပလူပျံသွား၏။</p> <p>【သူဌေးကြီးကို လာကြည့်တာ】</p> <p>【ယွီယင် တိုက်ရိုက်ထုတ်လွှင့်မှု ပလက်ဖောင်းမှာ ဒီလောက် အသုံးကြမ်းတဲ့သူ ရှိလိမ့်မယ်လို့ မထင်ထားမိဘူး လက်ဆောင်တစ်ခုကို ယွမ် ၅,၀၀၀ တန်တယ် မဟုတ်လား အခုဆို အခု ငါးဆယ်ကျော်တောင် ရှိနေပြီ၊ အနည်းဆုံး ယွမ်နှစ်သန်းခွဲ ကျော်နေပြီပဲ】</p> <p>【လက်ဆောင်လေးတွေက တကယ်လှတာပဲ၊ ဓာတ်ပုံရိုက်ဖို့ ခဏဝင်လာတာ】</p> <p>【'ရှီကွမ်း' က ယောက်ျားလား မိန်းမလား သူဌေးကြီးတို့ရေ... ကျွန်တော့်ကိုလည်း တစ်ချက်လောက် ကြည့်ပေးကြပါဦး၊ ကျွန်တော်လည်း ရုပ်ချောပါတယ်】</p> <p>【'ရှီကွမ်းကျင့်ဟောင်' တဲ့လား နာမည်ကတော့ မိန်းကလေးနာမည်နဲ့ တူတယ်၊ ဒါပေမဲ့ အမျိုးသားတွေလည်း သုံးတတ်တာပဲလေ】</p> <p>【ယောက်ျားလေးပဲ ဖြစ်မှာပါ၊ ထုတ်လွှင့်သူက ချောချောလေးဆိုတော့ ဘယ်မိန်းကလေးကမှ အမျိုးသမီး ထုတ်လွှင့်သူ တစ်ယောက်ကို ဒီလောက်အများကြီး လက်ဆောင်ပေးမှာ မဟုတ်ဘူး】</p> <p>【အပေါ်ကလူပြောတာ မှန်တယ် +၁၊ ကျွန်တော်လည်း အမျိုးသားပဲ ဖြစ်မယ်ထင်တယ်၊ အသက်ကြီးကြီး လူကြီးပိုင်း တစ်ယောက်များလား】</p> <p>တန်ယန်သည် ဖန်သားပြင်ပေါ်ရှိ မှတ်ချက်များကို ကြည့်မနေဘဲ 'လက်ဆောင်ပေးရန်' ခလုတ်ကိုသာ အဆက်မပြတ် နှိပ်နေခဲ့ရာ သူမဖြည့်ထားသည့် ငါးသန်းကုန်သွားမှသာ ရပ်လိုက်တော့သည်။</p> <p>အစီအစဉ်တင်ဆက်သူ ရှောင်ရို့မှာ ထိုမျှများပြားသည့် လက်ဆောင်များကို မြင်သောအခါ အံ့သြဝမ်းသာ ဖြစ်သွားပြီး</p> <p>"လက်ဆောင်ပေးတဲ့အတွက် 'ရှီကွမ်းကျင့်ဟောင်' ကို ကျေးဇူးအများကြီး တင်ပါတယ်ရှင် နားထောင်ချင်တဲ့ ပုံပြင်လေးတွေ ရှိရင်လည်း ရှောင်ရို့ကို ပြောပြပေးပါဦးနော်"</p> <p>ဟု အလျင်အမြန်ပင် နှုတ်ဆက်လိုက်သည်။</p> <p>ရှီကွမ်းကျင့်ဟောင်သည် ရှောင်ရို့၏ တိုက်ရိုက် ထုတ်လွှင့်မှုထဲတွင် 'အိပ်မက်ဆန်သော ဘဲလေးကခုန်သည့် သေတ္တာ' အခု ၁,၀၀၀ လက်ဆောင်ပေးခဲ့သည်။</p> <p>ရှီကွမ်းကျင့်ဟောင် - "ထုတ်လွှင့်သူရဲ့ အသံလေးက နားထောင်လို့ တကယ်ကောင်းပါတယ်၊ ဆက်ပြီး ကြိုးစားပါဦး ကျွန်မမှာ လုပ်စရာလေးရှိလို့ အခုပဲ ထွက်သွားတော့မယ်နော်"</p> <p>ရှောင်ရို့သည် ပရိသတ်ကြီးထံမှ ချီးမွမ်းစကားကြောင့် ပါးပြင်လေးများ အနည်းငယ် နီမြန်းသွားပြီး စိတ်ရင်းဖြင့် ထပ်မံ ကျေးဇူးတင်စကား ဆိုလိုက်သည်။ ထို့နောက် သူမသည် ပထမဆုံး နေရာသို့ ရောက်သွားသည့် ထိုအကောင့်၏ အချက်အလက်ကို နှိပ်ကြည့်လိုက်၏။ ပရိုဖိုင်ပုံမှာ စနစ်မှ ပေးထားသည့် ပုံမှန်ပုံလေးသာဖြစ်ပြီး လိင်အမျိုးအစားတွင် အမျိုးသမီး၊ တည်နေရာမှာ S မြို့တော်ဟုသာ ဖော်ပြထားကာ အခြားအချက်အလက် ဘာမှမရှိချေ။</p> <p>သို့သော် ဤအကောင့်မှာ ထူးခြားနေသည်၊ အိုင်ဒီမှာ YY888 ဖြစ်သည်။ ဤမျှ တိုတောင်းသော အိုင်ဒီမျိုးမှာ ပလက်ဖောင်း၏ အတွင်းပိုင်းအကောင့်တစ်ခု ဖြစ်ဟန်တူသည်။</p> <p>ရှောင်ရို့၏ စောစောက ပျော်ရွှင်မှုများမှာ ရုတ်ချည်းပင် ပျောက်ကွယ်သွားရသည်။ တကယ်လို့သာ အတွင်းပိုင်း အကောင့်တစ်ခု ဖြစ်နေခဲ့လျှင် ယနေ့ရရှိသော လက်ဆောင်ငွေများကို သူမ ရရှိနိုင်တော့မည် မဟုတ်ပေ။ သို့သော် သူမသည် လက်ရှိတွင် ငွေအလွန်အမင်း လိုအပ်နေသဖြင့်သာ တိုက်ရိုက် ထုတ်လွှင့်ခြင်းကို စမ်းသပ် လုပ်ကိုင်နေခြင်း ဖြစ်သည်။</p> <p>"ဟူး..."</p> <p>ရှောင်ရို့သည် အသာအယာ သက်ပြင်းချလိုက်ပြီး စိတ်ကို ပြန်စုစည်းကာ တိုက်ရိုက်ထုတ်လွှင့်မှုထဲတွင် ပုံပြင်များကို ဆက်လက် ပြောပြနေလိုက်၏။</p> <p>【သူဌေးကြီး ထွက်သွားပြီလား ထုတ်လွှင့်သူလေး ကြည့်ရတာ စိတ်မကောင်း ဖြစ်သွားပုံပဲ】</p> <p>【ဝါး... ကျွန်တော် သူဌေးကြီးရဲ့ ပရိုဖိုင်ကို သွားကြည့်လိုက်တာ၊ လိင်အမျိုးအစားမှာ အမျိုးသမီးလို့ ပြထားတယ် ဒါပေမဲ့ အကောင့်ကတော့ အတွင်းပိုင်းအကောင့် တစ်ခုနဲ့ တူနေတယ်ဗျ】</p> <p>【ဒါက လူတွေ စိတ်ဝင်စားလာအောင် ပလက်ဖောင်းဘက်ကပဲ အကွက်ကျကျ ငွေအများကြီး သုံးပြပြီး လှည့်စားနေတာ မဟုတ်ဘူးလား တကယ့် သူဌေးအသစ် ပေါ်လာတာ ထင်နေတာ သွားပြီဗျာ၊ မကြည့်တော့ဘူး】</p> <p>【ဒီအကောင့်က သာမန်အကောင့် မဟုတ်တာတော့ သေချာတယ်၊ ဒါပေမဲ့ ဘာလို့ အတွင်းပိုင်းလူလို့ တထစ်ချ ယုံကြည်နေကြတာလဲ ပလက်ဖောင်းက သူဌေးတွေအတွက် သီးသန့်ထုတ်ပေးထားတဲ့ အထူးအကောင့်မျိုးလည်း ဖြစ်နိုင်တာပဲ ငါ ဖောလိုလုပ်ထားတဲ့ အနုပညာရှင်တွေမှာတောင် သူတို့ကိုယ်ပိုင် သီးသန့်အကောင့်တွေ ရှိကြတာပဲ】</p> <p>【အဆင့် ၁ အကောင့်တစ်ခုကနေ ယွမ် ၅ သန်းတောင် ချက်ချင်းကြီး လက်ဆောင်ပေးတယ်ဆိုတာ တကယ်ထူးဆန်းတယ် 'ယွီယင်' က အခုမှစတဲ့ ပလက်ဖောင်း အသစ်ပဲလေ၊ ပရိသတ် အခြေခိုင်ပြီးသား 'တူဝမ်' တို့လို ပလက်ဖောင်းကြီးတွေနဲ့မှ မတူတာ】</p> <p>【အပေါ်ကလူ ပြောတာလည်း ဟုတ်တာပဲ ငါသာဆိုရင်လည်း ပလက်ဖောင်းကြီးတွေမှာပဲ လက်ဆောင်ပေးဖို့ ရွေးမှာပဲ ဒီက ထုတ်လွှင့်သူတွေက ဟိုဘက်က လူတွေလောက်မှ နာမည်မကြီးတာ】</p> <p>ဖန်သားပြင်ပေါ်မှ စာတိုများကို မြင်ရသောအခါ ရှောင်ရို့၏ မျှော်လင့်ချက်များမှာ ပို၍ပင် မှေးမှိန်သွားတော့သည်။ မကြာမီမှာပင် ယွီယင်အဖွဲ့သား တစ်ဦးဦးက သူမကို ဆက်သွယ်လာတော့မည်ဟု သူမ တွေးထားလိုက်၏။</p> <p>သူမသည် နောက်ထပ် တစ်နာရီခန့် ဆက်လွှင့်ကာ ထိုနေ့အတွက် ပြင်ဆင်ထားသည့် ပုံပြင်ကို အဆုံးသတ်လိုက်သည်။ ထို့နောက် ရှောင်ရို့သည် ပရိသတ်များကို ပြုံးလျက် နှုတ်ဆက်ပြီး တိုက်ရိုက်ထုတ်လွှင့်မှုကို ရပ်နားလိုက်လေသည်။</p> <p>သူမသည် သက်ပြင်းရှည်ကြီး တစ်ချက်ချကာ သီးသန့်စာတိုများကို စတင် စစ်ဆေးလိုက်၏။ မျှော်လင့်ထားသည့်အတိုင်း နောက်ကွယ်မှ စနစ် အကြောင်းကြားစာ တစ်ခု ရောက်ရှိနေပေသည်။</p> <p>"ဖြစ်လာမှာတွေကတော့ ဖြစ်လာတာပါပဲ"</p> <p>ရှောင်ရို့က ခေါင်းခါလိုက်ရင်း အကြောင်းကြားစာကို ဖွင့်ကြည့်လိုက်ရာ -</p> <p>"လေးစားရပါသော ထုတ်လွှင့်သူ ရှောင်ရို့ရှင်၊ လူကြီးမင်း၏ တိုက်ရိုက်ထုတ်လွှင့်မှု အချက်အလက်များမှာ ထူးထူးခြားခြား ကောင်းမွန်နေသဖြင့် လာမည့် တစ်ပတ်အတွင်း ပလက်ဖောင်းမှ ပံ့ပိုးမှုများနှင့် ဆုလာဘ် အမျိုးမျိုးကို ခံစားခွင့် ရရှိမည်ဖြစ်ကြောင်း ဝမ်းမြောက်စွာ အကြောင်းကြားအပ်ပါသည်။ ပလက်ဖောင်း၏ လမ်းညွှန်မှုများ ပိုမို ရရှိနိုင်ရန်အတွက် တိုက်ရိုက် ထုတ်လွှင့်ချိန်များကို ပုံမှန်အတိုင်း တည်တည်ငြိမ်ငြိမ် ထိန်းသိမ်းပေးပါရန် မေတ္တာရပ်ခံအပ်ပါသည်"</p> <p>ဟူ၍ ဖြစ်နေလေသည်။</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save