Book List

<h2 style="text-align: center;">အခန်း (၁၃၈)</h2> <h2 style="text-align: center;">ဂိမ်းအတွေ့အကြုံ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p> </p> <p> </p> <p> </p> <p>ဂိမ်းထဲသို့ စတင် ဝင်ရောက်သည်နှင့် ပထမဆုံး အဆင့်မှာ ဟီးရိုးရွေးချယ်ခြင်း ဖြစ်သည်။ အသင်းတစ်သင်းအတွင်း ဟီးရိုးတစ်မျိုးတည်းကို နှစ်ယောက်ခွဲ၍ ရွေးချယ်၍ မရပေ။ ဆိုလိုသည်မှာ မိမိတို့ အသင်းမှ တစ်ယောက်ယောက်က မြေခွေးစုန်းမလေးကို ရွေးချယ်လိုက်ပါက ကျန်ရှိသော ကစားသမား လေးဦးမှာ ၎င်းကို ထပ်မံရွေးချယ်၍ မရတော့ဘဲ အခြား ဟီးရိုးများကိုသာ ရွေးချယ်ရမည် ဖြစ်သည်။</p> <p>လူတိုင်း ဟီးရိုးရွေးချယ်ပြီးပါက ဂိမ်းမြေပုံကို စတင်တင်ပေးပြီး မြေပုံထဲသို့ ရောက်ရှိသွားမည် ဖြစ်၏။</p> <p>တစ်ဖက်စီတွင် လမ်းကြောင်းသုံးသွယ်စီ ရှိကြရာ ၎င်းတို့မှာ အပေါ်လမ်း၊ အလယ်လမ်းနှင့် အောက်လမ်းတို့ ဖြစ်ကြသည်။ အလယ်လမ်းမှာ စုန်းမများအတွက် ဖြစ်ပြီး အပေါ်လမ်းမှာ ထိပ်တိုက် ရင်ဆိုင်ရသောလမ်း ဖြစ်ကာ ယေဘုယျအားဖြင့် ဘေးလမ်းဟု ခေါ်ဆိုကြသည်။ အောက်လမ်းမှာမူ တိုက်ခိုက်ရေးသမားများ ပစ္စည်းတက်အောင် စုဆောင်းရသည့်လမ်း ဖြစ်သည်။</p> <p>အလယ်လမ်းနှင့် ဘေးလမ်းများ အကြားရှိ တောအုပ်ဧရိယာကို 'ဘလူးဘပ်' နယ်မြေဟု ခေါ်ဆိုပြီး အလယ်လမ်းနှင့် အောက်လမ်းအကြားရှိ တောအုပ်ဧရိယာကို 'ရက်ဒ်ဘပ်' နယ်မြေဟု ခေါ်ဆိုကာ ၎င်းတို့ကို နှစ်ဖက်စလုံးမှ 'ဂျန်ဂလာ' များက တာဝန်ယူရသည်။</p> <p>ကျန်ရှိသော အသင်းဖွဲ့စည်းပုံမှာ လှည့်လည် ကူညီပေးရသည့် 'ထောက်ပံ့' ကဏ္ဍပင်ဖြစ်၏။ ထောက်ပံ့ဟီးရိုးများကို သွေးထူသော တန်ကီထောက်ပံ့နှင့် အထောက်အကူပေးသော အန်ချန်တာဟူ၍ နှစ်မျိုးခွဲထားသည်။ သွေးထူသော တန်ကီထောက်ပံ့များကို ယေဘုယျအားဖြင့် အရှေ့မှ ခံပေးသူများဟု ခေါ်ဆိုကြပြီး ၎င်းတို့သည် ရှေ့တန်းမှနေ၍ တိုက်ခိုက်မှုဒဏ်ကို ခံယူပေးရသည့် ဟီးရိုးများ ဖြစ်ကြသည်။ အန်ချန်တာထောက်ပံ့များမှာမူ အဓိကအားဖြင့် အသင်းဖော်များကို စွမ်းဆောင်ရည် မြှင့်တင်ပေးသော ဘပ်များပေးသည့် ဟီးရိုးများ ဖြစ်ကြ၏။</p> <p>မြေခွေးစုန်းမလေးဖြင့် နှစ်ပွဲခန့် ဆော့ပြီးနောက် တန်ယန်သည် မိမိကိုယ်ကိုယ် ယုံကြည်မှုများ အပြည့်ရှိနေခဲ့သည်။ နောက်တစ်ပွဲအစတွင် သူမသည် မြေခွေးစုန်းမလေးကိုပင် ချက်ချင်း ရွေးချယ်လိုက်လေသည်။</p> <p>ဂိမ်းထဲရောက်သည်နှင့် သူမသည် ထုံးစံအတိုင်း အလယ်လမ်းရှိ လမ်းလျှောက်လာသော စစ်သည်များကို စတင် ရှင်းလင်းတော့၏။ တစ်ဖက် အသင်းတွင်လည်း မြေခွေးစုန်းမတစ်ယောက် ပါရှိပြီး ၎င်းနောက်တွင် လူတစ်ကိုယ် နွားတစ်ကိုယ် ထောက်ပံ့တစ်ယောက်က ကပ်ပါလာသည်။</p> <p>တန်ယန်မှာ ပြိုင်ဘက်၏ တိုက်ခိုက်မှုများကို မည်သို့ရှောင်ရမည်ကို မသိသောကြောင့် နှစ်ယောက်တစ်ယောက် အနေအထားတွင် လျင်မြန်စွာပင် အသတ်ခံလိုက်ရသည်။ ထို့နောက် ရန်သူ့စုန်းမနှင့် ထောက်ပံ့မှာ အောက်လမ်းသို့ သွားရောက် ကူညီကြလေသည်။ သူမတို့ အသင်းမှ တိုက်ခိုက်ရေး သမားမှာလည်း ရန်သူ့မြေခွေးစုန်းမ၏ တိုက်ခိုက်မှု ပေါင်းစပ်မှုအောက်တွင် အထိန်းချုပ်ခံရပြီး ထပ်မံ အသတ်ခံလိုက်ရပြန်ရာ စိတ်မရှည်နိုင်တော့ဘဲ အများမြင်ကွင်းတွင် ဆဲဆို ဝေဖန်တော့၏။</p> <p>(မှတ်ချက် - ကျွန်ုပ်တို့အသင်း + ဟီးရိုးအမည် + ဟီးရိုးအမျိုးအစား။ ဟီးရိုးအမည်များမှာ လုပ်ကြံဖန်တီးထားခြင်း ဖြစ်သဖြင့် နားလည်လွယ်စေရန် ဟီးရိုးအမျိုးအစားကို အထက်တွင် ဖြည့်စွက်ပေးထားပါသည်)</p> <p>【ကျွန်ုပ်တို့အသင်း】 တိုက်ခိုက်ရေးသမား - "မိတ်ချ် ... နင်ဘာဖြစ်နေတာလဲ၊ ရန်သူ့မိတ်ချ်က အောက်လမ်းကို ဘယ်နှစ်ခါတောင် လာကူပြီးပြီလဲ၊ နင်က တစ်ခါမှလည်း မလာဘူး၊ အချက်ပြတာလည်း မလုပ်ဘူး၊ ငါဘယ်လိုလုပ် ပစ္စည်းတက်အောင် ဆော့ရမှာလဲ"</p> <p>【ကျွန်ုပ်တို့အသင်း】 ရီဝိုင်း - "ဟုတ်ပ၊ သူများကို မကူညီနိုင်ဘဲနဲ့ ဘာလို့ အလယ်လမ်းမှာ ဆော့နေတာလဲ"</p> <p>ထိုအချိန်တွင် တန်ယန်၏ ရမှတ်မှာ ၀-၅-၀ ဖြစ်နေ၏။ ပြိုင်ဘက်ကို ရှုံးနိမ့်နေရသဖြင့် စိတ်ပျက်နေရသည့်အထဲ အသင်းဖော်များ၏ ဆူပူ ကြိမ်းမောင်းခြင်းကိုပါ ခံလိုက်ရသောအခါ သူမ၏စိတ်မှာ တကယ်ကို ဆိုးရွားသွားရသည်။</p> <p>"မမ... ကျွန်တော် ကူဆော့ပေးရမလား"</p> <p>တန်ယန်၏မျက်နှာ ညိုမည်းသွားသည်ကို မြင်သောအခါ တန်ယွီက ချက်ချင်းပင် ဝင်ရောက်ကူညီရန် ကမ်းလှမ်းလိုက်၏။</p> <p>တန်ယန်က စိတ်တိုတိုဖြင့် သူမ၏ဖုန်းကို သူ့ဆီသို့ ပစ်ပေါက်လိုက်ပြီး ရင်ထဲမှာတော့ တင်းနေမိသည်။</p> <p>【အရှင်ရေ စိတ်မဆိုးပါနဲ့ဦး ဂိမ်းကျွမ်းကျင်မှုတွေကို အားကျနှစ်သက်မှု ရမှတ်တွေနဲ့ လဲလှယ်လို့ ရပါတယ်】</p> <p>【ဟင် ဒါမျိုးတွေက ဘယ်တုန်းကစပြီး လဲလို့ရသွားတာလဲ】</p> <p>【အဲဒါကတော့... စနစ်ရဲ့ ဈေးဆိုင်ထဲမှာ လဲလှယ်လို့ရတဲ့ ပစ္စည်းတွေကို အမြဲတမ်း အပ်ဒိတ် လုပ်ပေးနေတာမို့လို့ သတိထား ကြည့်ပေးပါဦးနော်】</p> <p>တန်ယန် စနစ်၏ လဲလှယ်ရေးဆိုင်ကို ဖွင့်ကြည့်လိုက်သောအခါ စာရင်း၏ နောက်ဆုံးတွင် 【ကျွမ်းကျင်မှု】 ဆိုသည့် ကဏ္ဍသစ်တစ်ခု တိုးလာသည်ကို တွေ့လိုက်ရသည်။ သူမ ထို ကျွမ်းကျင်မှု ကဏ္ဍကို နှိပ်ကြည့်လိုက်ရာ ဂိမ်းကျွမ်းကျင်မှု စာရင်းထဲတွင် "စစ်ပွဲ၏ဂုဏ်အသရေ" ဂိမ်းကို ရှာတွေ့သွားသည်။</p> <p>"စစ်ပွဲ၏ဂုဏ်အသရေ" ဂိမ်းတွင် ကျွမ်းကျင်မှု အဆင့်ကို အခြေခံ၊ အလတ်တန်းနှင့် အဆင့်မြင့်ဟူ၍ သုံးမျိုး ခွဲခြားထားသည်။ အခြေခံ အဆင့်အတွက် အားကျစရာ အမှတ်များ ၁ သန်း၊ အလတ်တန်းအတွက် ၅ သန်းနှင့် အဆင့်မြင့် အတွက်မူ ၁၀ သန်းအထိ ပေးရမည် ဖြစ်သည်။</p> <p>တန်ယန်မှာ သူမ၏ အားကျစရာ အမှတ်များ နေရာတွင် ရှိနေသော သုညအမြောက်အမြားကို ကြည့်ပြီး မျက်လုံးအပြူးသား ဖြစ်သွားရသည်။ ဒီကျွမ်းကျင်မှုက ဘာလို့ ဒီလောက်တောင် ဈေးကြီးနေရတာလဲ။</p> <p>【တကယ်ပဲ... ဒါက လွန်လွန်းတယ်လေ ဂိမ်းကျွမ်းကျင်မှု တစ်ခုက ဘာလို့ ဒီလောက်တောင် ဈေးကြီးနေရတာလဲ】</p> <p>သူမသည် ဂိမ်းကျွမ်းကျင်မှု မီနူးမှထွက်ပြီး အခြားလဲလှယ်နိုင်သည့် ကျွမ်းကျင်မှုများကို ဖွင့်ကြည့်လိုက်သည်။ ကားမောင်းကျွမ်းကျင်မှုတောင်မှ အားကျစရာအမှတ် ၅ သိန်းသာ ပေးရသည်မို့ စနစ်၏ ဈေးနှုန်း သတ်မှတ်ချက်က စိတ်ထင်သလို လုပ်ထားခြင်း ဖြစ်မည်ဟု သူမ သံသယ ဝင်သွားသည်။</p> <p>【အရှင်ရေ၊ ဒီဈေးနှုန်းတွေကို စနစ်က တိတိကျကျ တွက်ချက်ထားတာပါ "စစ်ပွဲ၏ဂုဏ်အသရေ" ဂိမ်းက စတင် မိတ်ဆက်ပြီးကတည်းက အပ်ဒိတ်ပေါင်းများစွာ ရှိလာဦးမှာပါ အရှင်အနေနဲ့ တစ်ကြိမ်ပဲ လဲလှယ်ရုံနဲ့ အဲဒီ ကျွမ်းကျင်မှုတွေကို ထာဝရ ပိုင်ဆိုင်သွားမှာ ဖြစ်ပါတယ်】</p> <p>【ဆိုလိုတာက အခု ငါလဲလိုက်တဲ့ ကျွမ်းကျင်မှုတွေက ဂိမ်းထဲမှာ အပ်ဒိတ်တွေ ထွက်လာရင် အလိုအလျောက် လိုက်ပြီး အဆင့်မြင့်သွားမယ်ပေါ့၊ ဟုတ်လား】</p> <p>【ဟုတ်ပါတယ်ရှင်】</p> <p>【ဒါပေမဲ့ ငါ့မှာ အဆင့်မြင့် ကျွမ်းကျင်မှုကိုလဲဖို့ အားကျမှုအမှတ် မလောက်သေးဘူးလေ】</p> <p>【ဒါပေမဲ့ အရှင့်ဆီမှာ အားကျမှုအမှတ် ၇.၉၉ သန်း ရှိနေပြီပဲဟာ အရှင်စုထားတဲ့ ကံစမ်းမဲ သေတ္တာတွေကို အရင် သုံးကြည့်မလားဟင်】</p> <p>【အင်း... အခု သေတ္တာဘယ်နှစ်လုံး ရှိပြီလဲ】</p> <p>【စုစုပေါင်း ၁၄၇ လုံး ရှိပါတယ်ရှင်】</p> <p>【 ကောင်းပြီလေ... ဒါဆို ကံစမ်းမဲ နှိုက်ကြတာပေါ့ 】</p> <p>【 ဟုတ်ကဲ့ပါခင်ဗျာ ဂုဏ်ယူပါတယ် အရှင်... အရှင်အနေနဲ့ အောက်ပါ ဆုလာဘ်တွေကို ရရှိသွားပြီ ဖြစ်ပါတယ် - ထိပ်တန်းပြိုင်ကား မောင်းနှင်ခြင်း ကျွမ်းကျင်မှု၊ ဖူကျားလေလံပွဲ ဖိတ်စာ (၁) စောင်၊ ထိပ်တန်း လူမှုဆက်ဆံရေးကတ် (၁) ကတ်၊ အဆင့်မြင့် လူမှုဆက်ဆံရေးကတ် (၁၀) ကတ်၊ H မြို့ တော် အနောက်ဘက် ဆင်ခြေဖုံးရှိ မြေကွက်တစ်ကွက်၊ ကန်ချိန်ရှိ ရှီးထင်အဆောက်အဦး ပိုင်ဆိုင်ခွင့်၊ အားကျမှုအမှတ် ၃ သန်း၊ 'ဧဝ၏ သွေးဆောင်မှု' ဝတ်စုံဒီဇိုင်းများ၊ အပြစ်အနာအဆာ ကင်းစင်သည့် ကျောက်စိမ်းပြားတစ်စုံ၊ သစ္စာစောင့်သိမှုကတ် ၃၁ ကတ်၊ ဇိမ်ခံကား ၁၂ စီး၊ ဘေကျင်းဆင်ခြေဖုံးရှိ ဗီလာတစ်လုံး၊ ရန်ရှင်းဆေးရုံ ပိုင်ဆိုင်ခွင့်၊ ဆရာကြီးရှောင်ကျဲရှီ၏ လက်ရေးမူတစ်ခု၊ H မြို့တော် ယန်ဇီမြစ် တောင်ဘက်ကမ်းရှိ နံပါတ် (၁) ဗီလာ နှင့် ဘေကျင်း ဂရင်းတောင်းဂါးဒင်းရှိ အိမ်ရာယူနစ် ၂၅ ခုတို့ပဲ ဖြစ်ပါတယ် 】</p> <p>【 ငါ့ကို ဒီ 'အားကျမှုအမှတ် ၃ သန်း' တမင်တကာ ပေးလိုက်တာမလားလို့ သံသယရှိနေတယ်၊ ငါ့မှာ သက်သေလည်း ရှိတယ်နော်】</p> <p>ယိတျန်တျန် : ... 【 အရှင်... စစ်ပွဲ၏ဂုဏ်အသရေရဲ့ အဆင့်မြင့် ကျွမ်းကျင်မှုတွေနဲ့ လဲလှယ်ချင်ပါသလား 】</p> <p>【 လဲလိုက်မယ် 】</p> <p>【 ဟုတ်ကဲ့ပါ အရှင်... ကျွမ်းကျင်မှု လဲလှယ်ခြင်း အောင်မြင်သွားပါပြီ】</p> <p>ကျွမ်းကျင်မှု လဲလှယ်ခြင်း အောင်မြင်သွားပြီ ဆိုသည့်အသံကို ကြားလိုက်ရချိန်မှာ တန်ယန့်အနေနဲ့ ထူးခြားမှု တစ်ခုခုကို သတိမထားမိသေးချေ။ ထို့ကြောင့် သူမသည် တန်ယွီဆီမှ ဖုန်းကိုယူကာ စမ်းသပ် ကစားကြည့်ရန်အတွက် ဂိမ်းအသစ် တစ်ခုကို စတင်လိုက်လေသည်။</p> <p>"အစ်မ... ကျွန်တော့်အတွက်လည်း ဘီတာ အစမ်းဝင်ခွင့်လေး တစ်ခုလောက် လုပ်ပေးလို့ ရမလားဟင်" တန်ယွီက မျှော်လင့်ချက်အပြည့် တောင်းဆိုနေသည့် အကြည့်များဖြင့် သူမကိုကြည့်ကာ ပြောလိုက်သည်။</p> <p>"အေးအေး... ခဏစောင့်ဦးလေ"</p> <p>တန်ယန်သည် ဂိမ်းထဲမှ အရင်ဆုံး ပြန်ထွက်လိုက်ပြီး တီမီစတူဒီယိုထံမှ တန်ယွီအတွက် ဘီတာ အစမ်းအကောင့်တစ်ခု တောင်းပေးလိုက်သည်။ ထို့နောက်မှ ဂိမ်းကိုပြန်ဖွင့်ကာ ရစ်ဖ်ထဲရှိ အဆင့်မြင့် ကျွမ်းကျင်မှုများ၏ ထူးခြားဆန်းပြားမှုကို စတင် ခံစားကြည့်ပါသည်။</p> <p>ဘီတာ အစမ်းအကောင့် ရသွားသည့်အခါ တန်ယွီတစ်ယောက် ပျော်ရွှင်စွာဖြင့် ဂိမ်းထဲသို့ ဝင်ရောက် ကစားလေတော့၏။</p> <p>တန်ယန်သည်လည်း ပွဲအသစ်တစ်ခုကို စတင်လိုက်ရာ ခဏချင်းမှာပင် ဟီးရိုးရွေးချယ်သည့် နေရာသို့ ရောက်ရှိသွားသည်။ ပထမဆုံး ရွေးချယ်ခွင့် ရသူက မာ့ခ်မန်းနေရာကို ချက်ချင်း ယူလိုက်၏။ ၎င်းမှာ ရွေ့လျားမှု နှေးကွေးပြီး အခုအခံပိုင်း အားနည်းသော်လည်း ပွဲနောက်ပိုင်း ရောက်မှသာ အထောက်ပံ့၏ အကူအညီဖြင့် အစွမ်းပြနိုင်မည့် ဟီးရိုးမျိုးဖြစ်သည်။</p> <p>သို့သော်လည်း ဒုတိယမြောက် ရွေးချယ်သူမှာ ဘတ်ဖ်ပေးရုံသာ တတ်နိုင်သည့် အန်ချန်တာ အထောက်အပံ့ ဖြစ်နေပြီး တတိယနှင့် စတုတ္ထမြောက်သူများမှာ မာ့ဂျ်များ ဖြစ်နေကြသည်။ ထို့ကြောင့် တန်ယန်က ဂျန်ဂလာ နေရာကို ဝင်ယူပေးလိုက်ရသည်။</p> <p>ဂိမ်းပွဲသည် တရားဝင် စတင်ခဲ့ပြီဖြစ်၏။ သူမသည် သွားလာလှုပ်ရှားမှု လျင်မြန်သည့် ဂျန်ဂလာ တစ်ကောင်ကို ရွေးချယ်လိုက်သည်။ ရန်သူ့ဘက်မှ ဂျန်ဂလာမှာ ဒတ်ရှ်သုံး၍မရသည့် ဟီးရိုးမျိုး ဖြစ်သည်ကို မြင်လိုက်ရသဖြင့် သူမသည် ရန်သူ့ဘက်က အပြာရောင်ဘတ်ဖ် ဧရိယာထဲသို့ အသာလေး ဝင်မွှေကာ အပြာရောင်ဘတ်ဖ်ကို ခိုးယူလိုက်သည်။ ထို့နောက် သူမ၏ အနီဘတ်ဖ်ကို ပြန်ယူပြီးနောက် အောက်လမ်းရှိ ရန်သူ့ မာ့ခ်မန်းကို သွားရောက်တိုက်ခိုက်ရန် ပြင်ဆင်လိုက်၏။</p> <p>ရန်သူ့ဘက်မှ မာ့ခ်မန်းကို သတ်ဖြတ်ပြီး နောက်တွင်မှ ရန်သူ့ဂျန်ဂလာသည် ၎င်း၏ အနီရောင်ဘတ်ဖ်ကို ယူပြီး ရောက်ရှိလာလေသည်။ သို့သော်လည်း သူ၏ အပြာရောင်ဘတ်ဖ် နယ်မြေမှာတော့ တန်ယန်၏ လက်ချက်ဖြင့် ပြောင်သလင်းခါနေခဲ့ပြီ ဖြစ်၏။ ထို့အပြင် ၎င်းတို့ဘက်မှ အောက်လမ်း မာ့ခ်မန်းမှာလည်း ပထမသွေးကို ပေးလိုက်ရပြီဖြစ်ရာ ရန်သူ့ဂျန်ဂလာမှာ အခြားရွေးချယ်စရာ မရှိတော့ဘဲ လမ်းလယ်သို့သွားကာ မီနီယွန်များ သတ်ဖြတ်၍သာ အမှတ်ရှာရတော့သည်။</p> <p>ထိုအချိန်တွင် တန်ယန်မှာမူ သူမ၏ ဟီးရိုးကို ဘေးလမ်းသို့ ရွှေ့ပြောင်းပြီးဖြစ်ကာ ထိုလမ်းရှိ ကစားဖော်ကို နှစ်ကြိမ်တိုင်တိုင် ကူညီတိုက်ခိုက်ပေးခဲ့ပြီး ပထမတာဝါကိုပါ ဖြိုချပေးလိုက်လေသည်။ ထို့ကြောင့် ဘေးလမ်းကစားသမားမှာ လမ်း၌ပင် ပိတ်မိမနေတော့ဘဲ လွတ်လွတ်လပ်လပ် သွားလာလှုပ်ရှားကာ အခြားသူများကို ကူညီပံ့ပိုး ပေးနိုင်သွားတော့၏။</p> <p>နှစ်ဖက်အသင်းကြား စီးပွားရေး ကွာဟချက်မှာ ပိုမိုကြီးမားလာပြီး တန်ယန်၏ ဂျန်ဂလာမှာ ရန်သူ့တောအုပ်ထဲသို့ လူသူမရှိသည့် ကွင်းပြင်ကဲ့သို့ စိတ်တိုင်းကျ ဝင်ထွက် သွားလာနေသည်။ နောက်ဆုံး ၁၅ မိနစ် အတွင်းမှာပင် ရန်သူ့ ခရစ်စတယ်ကို အလွယ်တကူ ဖျက်ဆီးကာ အနိုင်ရရှိသွားလေ၏။</p> <p>တန်ယန်သည် ဟီးရိုးတစ်ကောင်ချင်းစီကို စမ်းသပ်ကစားကြည့်ပြီး ကြုံတွေ့ရသည့် အခက်အခဲများကို မှတ်တမ်းတင်ကာ တီမီစတူဒီယိုထံသို့ ပေးပို့ခဲ့သည်။ သို့မှသာ ၎င်းတို့အနေဖြင့် ဂိမ်းကို ပိုမိုကောင်းမွန်အောင် ပြုပြင်ညှိနှိုင်းမှုများ ပြုလုပ်နိုင်မည် ဖြစ်၏။</p> <p>တန်ယန်၏ အကူအညီကြောင့် ဂိမ်းစမ်းသပ်ရသည့် ကာလမှာ များစွာ တိုတောင်းသွားခဲ့ပြီး နောက်ဆုံး တစ်ပတ်အကြာတွင် "ဂုဏ်ကျက်သရေတိုက်ပွဲ" ကို တရားဝင် စတင်ဖြန့်ချိနိုင်ခဲ့သည်။</p> <p>တစ်ချိန်တည်းမှာပင် တန်ယန်သည် ၂၀ လက်မအရွယ် ခရီးဆောင် လက်ဆွဲအိတ်လေးကို ယူဆောင်ကာ ဘေကျင်းသို့ ဦးတည်မည့် လေယာဉ်ပေါ်သို့ တက်ရောက်ခဲ့ပြီ ဖြစ်သည်။ သူမအနေဖြင့် ကိုယ်ပိုင်လေယာဉ်ကို အသုံးမပြုခဲ့ခြင်းမှာ ခရီးကလည်း မဝေးလှသည့်အပြင် အပိုအလုပ်တွေ ရှုပ်မခံချင်သောကြောင့် ဖြစ်သည်။</p> <p>သူမသည် မိမိကိုယ်တိုင်နှင့် ယန်ယီအန်အတွက် ပထမတန်းစား လက်မှတ်များကို ကြိုတင်မှာယူခဲ့သည်။ ယန်ယီအန်ကလည်း ခရီးဆောင်အိတ်များကို သယ်ယူပေးရင်း အမျိုးသားတစ်ဦး၏ တာဝန်ကို ကျေပွန်စွာ ထမ်းဆောင်နေလေ၏။</p> <p>"ယန်ယန်... နင့်ရဲ့ ခရီးဆောင်အိတ်က ဒါပဲလား"</p> <p>ယန်ယီအန်က ရှေ့က အိတ်ငယ်လေးကိုကြည့်ရင်း အနည်းငယ် မျက်မှောင်ကြုတ်ကာ မေးလိုက်သည်။ သူ၏ စိတ်ကူးထဲတွင်တော့ မိန်းကလေးများ ခရီးသွားလျှင် အိမ်တစ်အိမ်လုံးစာနီးပါး ပစ္စည်းများ အထုတ်အပိုးဖြင့် သယ်လာတတ်ကြသည်ဟု ထင်ထားခဲ့သည်။</p> <p>"ငါက ဘေကျင်းမှာ အိမ်ရှိတယ်၊ အကုန်လုံးက အဲ့ဒီမှာ ရှိပြီးသားပဲလေ ခရီးဆောင်အိတ်တွေ အများကြီး သယ်နေစရာ မလိုပါဘူး"</p> <p>တန်ယန်က သူ့ကို ခပ်အေးအေးပင် တစ်ချက်ကြည့်ကာ ပြန်ပြောလိုက်သည်။</p> <p>ယန်ယီအန်တစ်ယောက် ရုတ်တရက် နောင်တရသွားပြီး</p> <p>'ငါဘာလို့ အဲ့ဒီလောက် စကားများခဲ့မိပါလိမ့် အခုတော့ ကိုယ့်စကားနဲ့ကိုယ် ပြန်အထိနာရပြီ'</p> <p>ဟု တွေးနေမိတော့၏။</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save