Book List

<h2 style="text-align:center">အခန်း(၄၁၃၄)</h2> <h2 style="text-align:center">ထူးခြားသော လက္ခဏာနှစ်ခု</h2> <h2 style="text-align:center">*</h2> <p> </p> <p>“ဂျိန်း …”</p> <p> </p> <p>ကောင်းကင်နှင့်မြေပြင်ကို တုန်ခါစေသည့် ထစ်ချုန်းသံနှင့်အတူ အရောင်ကိုးရောင်ရှိသော လျှပ်စီးက ရှေးဟောင်း ကောင်းကင်လျှပ်စီး အစီအရင်ကို ထိရိုက်ခဲ့သည်။</p> <p> </p> <p>ရှေးဟောင်း ကောင်းကင်လျှပ်စီး အစီအရင်မှာ အရောင်ကိုးရောင်ရှိသော လျှပ်စီးဖြင့် အလုံးစုံ ပြည့်နှက်နေခဲ့သည်။</p> <p> </p> <p> </p> <p>အထက်ဘုံတစ်ခုလုံးကို ဖုံးလွှမ်းထားသည့် အရောင်ကိုးရောင်ရှိသော လျှပ်စီးက ကျဉ်းမြောင်းသော ရှေးဟောင်း ကောင်းကင်လျှပ်စီး အစီအရင်သို့ ဝင်ရောက်ခြင်းမှာ မည်သို့ရှိမည်နည်း စိတ်ကူးကြည့်နိုင်ပေသည်။</p> <p> </p> <p> </p> <p>အရောင်ကိုးရောင်ရှိသော လျှပ်စီးမှအပ အခြားမည်သည်ကိုမျှ မမြင်နိုင်ပါချေ။</p> <p> </p> <p> </p> <p>ချူဖုန်းနှင့် ဇော့ချိုထျန်းချင်တို့၏ ပုံရိပ်များမှာ လျှပ်စီးဖြင့် အလုံးစုံ ဖုံးလွှမ်းခံခဲ့ရသည်။</p> <p> </p> <p> </p> <p>ရှေးဟောင်း ကောင်းကင်လျှပ်စီး အစီအရင်အနီးရှိ စိတ်ဝိညာဉ် အစီအရင်မှာ ထိန်းမနိုင်သိမ်းမရ တွန့်ရှုံ့လာသည်။ ပတ်ဝန်းကျင် မြေပြင်လည်း ပြင်းထန်စွာ တုန်ခါလာသည်။</p> <p> </p> <p> </p> <p>အရောင်ကိုးရောင်ရှိသော နတ်လျှပ်စီးက စူးရှသော ဟိန်းဟောက်သံများကို အဆက်မပြတ် ထုတ်လွှတ်နေခဲ့သည်။</p> <p> </p> <p> </p> <p>ဖျက်ဆီးနိုင်သော လျှပ်စီးသားရဲကြီးကိုးကောင်မှာ လှောင်အိမ်တစ်ခုတွင် ပိတ်မိနေခဲ့ပြီး ၎င်းကို ချိုးဖျက်ရန် ကြိုးစားနေကြသည့် အလားပင်။</p> <p> </p> <p> </p> <p>အရောင်ကိုးရောင်ရှိသော နတ်လျှပ်စီး ထိုမျှ အားကောင်းသည်ကို မြင်လျှင် ဇော့ချိုကောင်းကင် မျိုးနွယ်စုဝင်များ၏ မျက်နှာများထက်ရှိ တက်ကြွသော အမူအရာများမှာ အံ့ဩမှုနှင့် စိုးရိမ်မှုတို့ဖြင့် အစားထိုးခံခဲ့ရသည်။</p> <p> </p> <p> </p> <p>သူတို့ ကြောက်ရွံ့နေခဲ့ကြသည်။</p> <p> </p> <p> </p> <p>သူတို့၏ ခန္ဓာကိုယ်များ တုန်ယင်နေခဲ့သည်။</p> <p> </p> <p> </p> <p>သူတို့အားလုံး ကောင်းကင် မျိုးဆက်သွေး ပိုင်ရှင်များ ဖြစ်သည့်တိုင်၊ အရောင်ကိုးရောင်ရှိသော နတ်လျှပ်စီးကို တစ်သက်လုံး ရင်ဆိုင်ခဲ့ရသည့်တိုင် သူတို့ ကြောက်ရွံ့မိခဲ့ကြဆဲ ဖြစ်သည်။</p> <p> </p> <p> </p> <p>အရောင်ကိုးရောင်ရှိသော နတ်လျှပ်စီးက ရှေးဟောင်း ကောင်းကင်လျှပ်စီး အစီအရင်မှ လွတ်မြောက်လာပြီး သူတို့အားလုံးကို ဖျောက်ဖျက်ပစ်လိမ့်မည်ဟု သူတို့ စိုးရွံ့နေခဲ့ကြသည်။</p> <p> </p> <p> </p> <p>ကောင်းကင် မျိုးဆက်သွေး ပိုင်ရှင်များပီပီ သူတို့က အရောင်ကိုးရောင်ရှိသော နတ်လျှပ်စီး မည်မျှ အားကောင်းသည်ကို ပိုမို၍ပင် သေချာမှုဖြင့် ခံစားမိခဲ့ကြသည်။</p> <p> </p> <p> </p> <p>သူတို့၏ မျိုးဆက်သွေးအတွင်းမှ ဖိနှိပ်မှု အာရုံတစ်ခုကို သူတို့ ခံစားနေကြရသည်။</p> <p> </p> <p> </p> <p>“လူတစ်ယောက်က အဲဒီလို နတ်လျှပ်စီး ကပ်ဘေးတစ်ခုကို တကယ်ပဲ ရင်ဆိုင်နိုင်မှာလား”</p> <p> </p> <p>ဇော့ချိုကောင်းကင် မျိုးနွယ်စုမှ လူများမှာ သူတို့၏ သခင်လေးထျန်းချင်အတွက် နောက်တစ်ကြိမ် စိတ်ပူလာကြသည်။</p> <p> </p> <p>အရောင်ကိုးရောင်ရှိသော နတ်လျှပ်စီးမှာ အားကောင်းလွန်းလှသည်။ ၎င်းက ရှေးဟောင်း ကောင်းကင်လျှပ်စီး အစီအရင်တစ်ခုလုံးကို လွှမ်းခြုံထားခဲ့ပြီး သူတို့အနေဖြင့် တစ်စုံတစ်ရာ မြင်တွေ့ရန် မဖြစ်နိုင်ခဲ့ပါချေ။</p> <p> </p> <p> </p> <p>လျှပ်စီး အားကောင်းလွန်းသဖြင့် သူတို့က လျှပ်စီးကို ထိုးထွင်း၍ သူတို့၏ သခင်လေးကို ရှာဖွေနိုင်စွမ်း မရှိခဲ့ပေ။</p> <p> </p> <p> </p> <p>သို့ဖြစ်၍ ဇော့ချိုထျန်းချင် မည်သို့သော အခြေအနေမျိုးတွင် ရှိနေခဲ့ကြောင်းနှင့် သူ အသက်ရှင်နေခဲ့ခြင်း ရှိမရှိ သူတို့ မသိကြပါချေ။</p> <p> </p> <p> </p> <p>မည်သို့ပင်ဖြစ်စေ အရောင်ကိုးရောင်ရှိသော နတ်လျှပ်စီး ကြောက်စရာကောင်းပုံကို မျက်မြင်တွေ့ရပြီးနောက် သူတို့ စိုးရိမ်မိခဲ့ကြသည်။</p> <p> </p> <p> </p> <p>ထိုမျှ အားကောင်းသော အရောင်ကိုးရောင်ရှိ နတ်လျှပ်စီးကို မျက်မြင်တွေ့ရလျှင် ဇော့ချိုထျန်းချင်ကို များစွာ ယုံကြည်ထားခဲ့သူ ဇော့ချိုကောင်းကင် မျိုးနွယ်စုခေါင်းဆောင်ပင် ရင်ထိတ်စပြုလာသည်။</p> <p> </p> <p> </p> <p>ရှေးဟောင်း ကောင်းကင်လျှပ်စီး အစီအရင်အတွင်း၌ အကြီးအကျယ် ရိုက်ခတ်နေသည့် အရောင်ကိုးရောင်ရှိ နတ်လျှပ်စီးကို ကြည့်ရင်း သူလည်း စိုးရိမ်လာသည်။</p> <p> </p> <p> </p> <p>ထိုမျှ အားကောင်းသော အရောင်ကိုးရောင်ရှိ နတ်လျှပ်စီးကို သူ့သား ကြံ့ကြံ့ခံနိုင်စွမ်း ရှိမည်လော။</p> <p> </p> <p> </p> <p>“ဂျိန်း …”</p> <p> </p> <p>ထိုအခိုက်အတန့်၌ အပေါ်ဘက်မှ နောက်ထပ် ထစ်ချုန်းသံများ ထွက်ပေါ်လာသည်။</p> <p> </p> <p>မော့ကြည့်လိုက်လျှင် ကောင်းကင်တွင် ပိုများသော အရောင်ကိုးရောင်ရှိ နတ်လျှပ်စီးများ လက်ညှိုးထိုးမလွဲ ပေါ်လာခဲ့သည်။</p> <p> </p> <p> </p> <p>အရောင်ကိုးရောင်ရှိ နတ်လျှပ်စီးမှာ စောစောပိုင်းက တစ်ခုထက် များစွာ ပိုမိုအားနည်းသည့်အသွင် ရှိသည့်တိုင် ပြင်းပြင်းထန်ထန် လူးလွန့်နေခဲ့ဆဲ ဖြစ်သည်။</p> <p> </p> <p> </p> <p>၎င်းမှာ သာမန်လူများ ဖြစ်ပေါ်စေနိုင်သည့် လျှပ်စီးပြစ်ဒဏ်တစ်ခု မဟုတ်ကြောင်း ကျိန်းသေပေသည်။</p> <p> </p> <p> </p> <p>၎င်းကို မြင်လျှင် ဇော့ချိုကောင်းကင် မျိုးနွယ်စုခေါင်းဆောင် ပီတိဖြစ်သွားခဲ့သည်။</p> <p> </p> <p> </p> <p>“အဆင့်တက်မှု … အဆင့်တက်မှုပဲ”</p> <p> </p> <p> </p> <p>“ကျုပ်သား ထျန်းချင်က ဒဏ္ဍာရီလာ နတ်လျှပ်စီးကပ်ဘေးကို ကြံ့ကြံ့ခံနိုင်ခဲ့တယ်”</p> <p> </p> <p>သူက စိတ်လှုပ်ရှားလွန်း၍ ကျယ်လောင်စွာ အော်ပြောမိခဲ့သည်။</p> <p> </p> <p>၎င်းကို ကြားလျှင် ကျန်ဇော့ချိုကောင်းကင် မျိုးနွယ်စုဝင်များလည်း ကျယ်လောင်စွာ ကြွေးကြော်လာကြသည်။</p> <p> </p> <p> </p> <p>အဖြစ်အပျက်ကို သူတို့ သဘောပေါက်ခဲ့ကြသည်။</p> <p> </p> <p> </p> <p>ကောင်းကင်တွင် ပေါ်လာခဲ့သည့် ထူးခြားသော လက္ခဏာမှာ နတ်လျှပ်စီးကပ်ဘေး မဟုတ်တော့ပေ။</p> <p> </p> <p> </p> <p>ကောင်းကင်ရှိ လျှပ်စီးက ယခင် ပေါ်လာခဲ့သည့် လျှပ်စီးကဲ့သို့ မပြင်းထန်သည်မှာလည်း ထိုအချက်ကြောင့်ပင်။</p> <p> </p> <p> </p> <p>နတ်လျှပ်စီးကပ်ဘေး ကျရောက်ပြီးနောက် လျှပ်စီးဖြင့် ဖွဲ့စည်းထားသည့် ထူးခြားသော လက္ခဏာတစ်ခု ပေါ်လာခြင်းက မည်သည်ကို ဖော်ပြနိုုင်သနည်း။</p> <p> </p> <p> </p> <p>၎င်းမှာ နတ်လျှပ်စီးကပ်ဘေးကို ဇော့ချိုထျန်းချင် ကြံ့ကြံ့ခံနိုင်ခဲ့သည့် အဓိပ္ပာယ်ပင်။</p> <p> </p> <p> </p> <p>ထို့ပြင် နတ်လျှပ်စီးကပ်ဘေးကို ကြံ့ကြံ့ခံပြီးနောက် သူက နောက်ထပ် အဆင့်တက်ခဲ့ပြီး လျှပ်စီးဖြင့် ဖွဲ့စည်းထားသည့် နောက်ထပ် ထူးခြားသော လက္ခဏာတစ်ခုကိုလည်း ဖြစ်ပေါ်စေနိုင်ခဲ့သည်။</p> <p> </p> <p> </p> <p>အကယ်၍ ဇော့ချိုထျန်းချင်သာ လျှပ်စီးချက်ကို ကြံ့ကြံ့ခံနိုင်ခဲ့လျှင် ကျင့်ကြံမှုတွင် နှစ်ဆင့်ဆက်တိုက် အဆင့်တက်ပြီး မဟာဦးသျှောင် အဆင့်နှစ်မှ မဟာဦးသျှောင် အဆင့်လေးသို့ တစ်ခါတည်း ရောက်ရှိသွားပေလိမ့်မည်။</p> <p> </p> <p> </p> <p>ထိုသို့ဖြင့် ဇော့ချိုထျန်းချင်မှာ ဇော့ချိုကောင်းကင် မျိုးနွယ်စု၏ အသန်မာဆုံး မျိုးဆက်သစ် ဖြစ်လာပေလိမ့်မည်။</p> <p> </p> <p> </p> <p>ဇော့ချိုတောက်ယိ အလွန် စွမ်းအားကောင်းသော်လည်း သူက အဆင့်သုံး မဟာဦးသျှောင်တစ်ဦးသာ ဖြစ်နေခဲ့သည်။</p> <p> </p> <p> </p> <p>သူ့ထက် ဇော့ချိုထျန်းချင် သာလွန်သွားမည်မှာ ထင်ရှားပေသည်။</p> <p> </p> <p> </p> <p>ဇော့ချိုထျန်းချင်မှာ အသန်မာဆုံး ပါရမီရှင်ဟူသည့် သူ၏ ဂုဏ်ပုဒ်ကို အပြည့်အဝ ကိုယ်စားပြုနိုင်ပေလိမ့်မည်။</p> <p> </p> <p> </p> <p>“ဂျိန်း …”</p> <p> </p> <p>မရေမတွက်နိုင်သော မျက်လုံးများ၏ အကြည့်များအောက်တွင် ကောင်းကင်ရှိ လျှပ်စီးပြစ်ဒဏ်အသစ်က ရှေးဟောင်း ကောင်းကင်လျှပ်စီး အစီအရင်ကို ထိရိုက်ခဲ့သည်။</p> <p> </p> <p>မူလ အရောင်ကိုးရောင်ရှိ နတ်လျှပ်စီးက ရှေးဟောင်း ကောင်းကင်လျှပ်စီး အစီအရင်တစ်ခုလုံးကို လွှမ်းခြုံထားသေးသည့်တိုင် ဇော့ချိုကောင်းကင် မျိုးနွယ်စုဝင်များမှာ ယခင်ကဲ့သို့ မစိုးရိမ်ကြတော့ပေ။ ထိုအစား သူတို့က အတောမသတ်နိုင်အောင် စိတ်လှုပ်ရှားလာခဲ့ပြီး အဆက်မပြတ် အော်ဟစ်၍ ကြွေးကြော်နေလျက် ရှိကြသည်။</p> <p> </p> <p> </p> <p>ထိုမျှ ကြောက်စရာကောင်းသော နတ်လျှပ်စီး ကပ်ဘေးတစ်ခုကို ဇော့ချိုထျန်းချင် ကြံ့ကြံ့ခံနိုင်ခဲ့သောကြောင့် လက်ရှိ နတ်ပြစ်ဒဏ်မှာ သူ့အတွက် ပြဿနာတစ်ခု လုံးဝ မဟုတ်ဟု သူတို့ ယုံကြည်ထားခဲ့ကြသည်။</p> <p> </p> <p> </p> <p>သူတို့ မသိခဲ့သည်မှာ သူတို့၏ ဇော့ချိုကောင်းကင် မျိုးနွယ်စုဝင်များသာ ရှေးဟောင်း ကောင်းကင်လျှပ်စီး အစီအရင်ကို အာရုံစိုက်၍ ကြည့်ရှုနေကြသည် မဟုတ်ခြင်းပင်။</p> <p> </p> <p> </p> <p>တိမ်အချို့အထက်တွင် လူနှစ်ဦး ရပ်နေသည်။ အသက်ကြီးသူတစ်ဦးနှင့် အသက်ငယ်သူတစ်ဦးတို့ ဖြစ်ကြသည်။</p> <p> </p> <p> </p> <p>အဘိုးအိုတွင် ဆံပင်ဖြူများနှင့် သိမ်းငှက်ကဲ့သို့ စူးရှသော မျက်လုံးတစ်စုံတို့ ရှိနေခဲ့သည်။</p> <p> </p> <p> </p> <p>သူ့တွင် ကြံ့ခိုင်သော ကိုယ်ကာယတစ်ခု ပိုင်ဆိုင်ထားသည့်အပြင် သူက ဆယ့်ငါးပေခန့်လည်း မြင့်မားပေသည်။</p> <p> </p> <p> </p> <p>ကျန်သူအတွက်မူ သူမက အတော် သေးသွယ်သော မိန်းကလေးတစ်ဦး ဖြစ်သည်။</p> <p> </p> <p> </p> <p>မိန်းကလေးတွင် အနည်းငယ် ကျီစယ်တတ်သော အသွင်အပြင်ကို ပေးစွမ်းနေသည့် မြင်းမြီးပုံနှစ်ခုအဖြစ် စည်းနှောင်ထားသည့် အနက်ရောင် ဆံပင်ရှည်များ ရှိနေသည်။ သို့သော် သူမ၏ မျက်လုံးနက်နက်များက အလွန် ရင့်ကျက်သည့်အသွင် ရှိခဲ့ပြီး သူမ၏ ရုပ်ရည်သွင်ပြင်နှင့် လုံးဝ ခြားနားနေခဲ့သည်။</p> <p> </p> <p> </p> <p>လက်ရှိ၌ မိန်းကလေးမှာ တိမ်များအထက်တွင် ကျီစယ်တတ်သော ကလေးတစ်ဦးနှယ် တင်ပျဉ်ခွေထိုင်နေလျက် ရှိသည်။</p> <p> </p> <p> </p> <p>အဘိုးအိုအတွက်မူ သူက သူမကို ကာကွယ်ပေးနေသည့် ကာကွယ်သူတစ်ဦးနှယ် မိန်းကလေးနောက်တွင် ရပ်နေခဲ့သည်။</p> <p> </p> <p> </p> <p>အဘိုးအိုနှင့် မိန်းကလေးတို့ နှစ်ဦးစလုံး ရွှေရောင်အလင်းဖြင့် လှုပ်ခတ်နေသည့် ရွှေရောင်ဝတ်ရုံများကို ဝတ်ဆင်ထားကြသည်။</p> <p> </p> <p> </p> <p>အသေအချာ စစ်ဆေးကြည့်ချိန်တွင် အကြေးခွံကဲ့သို့သော အရာဝတ္ထုများက သူတို့ကို ဖုံးလွှမ်းထားကြောင်း သတိပြုမိပေလိမ့်မည်။ ထိုအကြေးခွံများမှာ ရတနာများပင်။ သူတို့အပေါ် အလင်းဖြာနေစဉ် ၎င်းတို့က တောက်ပရွှန်းလက်၍ ဖိတ်ဖိတ်တောက်နေခဲ့သည်။</p> <p> </p> <p> </p> <p>သို့သော် ဝတ်ရုံများမှာ အရေးအကြီးဆုံးအပိုင်း မဟုတ်ခဲ့ပေ။</p> <p> </p> <p> </p> <p>အရေးအကြီးဆုံးမှာ ဆံပင်နှစ်ဖက်ခွဲထားသည့် ကျီစယ်တတ်သောအသွင်ရှိ မိန်းကလေးနှင့် အရပ်မြင့်၍ ကြံ့ခိုင်သော ဆံဖြူအဘိုးအိုတို့ နှစ်ဦးစလုံး၏ ခါးများတွင် တံဆိပ်ပြားများကို ချိတ်ဆွဲထားခဲ့ခြင်း ဖြစ်သည်။</p> <p> </p> <p> </p> <p>တံဆိပ်ပြားများပေါ်တွင် ‘နဂါးမျိုးနွယ်စု’ ဟူသည့် စာလုံးများ ရှိနေသည်။</p> <p> </p> <p> </p> <p>ဤသည်မှာ သူတို့နှစ်ဦးက နဂါးမျိုးနွယ်စုတွင် ပါဝင်နေခဲ့သည့် အဓိပ္ပာယ်ပင်။</p> <p> </p> <p> </p> <p>သူတို့၏ တံဆိပ်ပြားများမှာ လုံတောက်ကျိ ပိုင်ဆိုင်ထားသည့် တံဆိပ်ပြားထက် များစွာ ပိုမိုထူးကဲပေသည်။</p> <p> </p> <p> </p> <p>ဤအသက်ကြီးသူနှင့် အသက်ငယ်သူတို့ နှစ်ဦးမှာ ရှေးဟောင်း ကောင်းကင်လျှပ်စီး အစီအရင်နှင့် အလွန် နီးကပ်နေခဲ့ကြသည်။</p> <p> </p> <p> </p> <p>သို့တိုင် ဇော့ချိုကောင်းကင် မျိုးနွယ်စုမှ မည်သူတစ်ဦးမျှ သူတို့ကို သတိမထားမိခဲ့ပေ။</p> <p> </p> <p> </p> <p>ဇော့ချိုကောင်းကင် မျိုးနွယ်စုခေါင်းဆောင်ပင် သူတို့ကို သတိမထားမိခဲ့ပါချေ။</p> <p> </p> <p> </p> <p>“တောက်ပလိုက်တဲ့ လျှပ်စီး”</p> <p> </p> <p> </p> <p>“အဲဒီလို ထူးခြားတဲ့ လျှပ်စီးလက္ခဏာတစ်ခုကို ကျွန်မ ပထမဆုံး တွေ့ဖူးတာပဲ”</p> <p> </p> <p> </p> <p>“အဘိုးပု၊ ဒါက တကယ်ပဲ ဒဏ္ဍာရီလာ နတ်လျှပ်စီးကပ်ဘေးလား”</p> <p> </p> <p>မိန်းကလေးက မေးလိုက်သည်။</p> <p> </p> <p>“ဒီအဘိုးကြီးလည်း အဲဒီလို မြင်ကွင်းမျိုးကို လုံးဝ မမြင်ဖူးခဲ့ဘူး”</p> <p> </p> <p> </p> <p>“ကျုပ်အထင်တော့ အဲဒါ ဒဏ္ဍာရီလာ နတ်လျှပ်စီးကပ်ဘေး ဖြစ်နိုင်တယ်”</p> <p> </p> <p> </p> <p>“ဇော့ချိုကောင်းကင် မျိုးနွယ်စုမှာ အဲဒီလို ပါရမီရှင်တစ်ယောက် တကယ် ပေါ်ထွန်းလာမယ်လို့ ဘယ်သူ ထင်မိခဲ့မှာလဲ”</p> <p> </p> <p> </p> <p>“သူက ဒဏ္ဍာရီလာ နတ်ပြစ်ဒဏ် လျှို့ဝှက်နည်းစနစ်ကို ကျင့်ကြံထားခဲ့တဲ့အပြင် ဒဏ္ဍာရီလာ နတ်လျှပ်စီး ကပ်ဘေးကိုလည်း ကြံ့ကြံ့ခံခဲ့တယ်”</p> <p> </p> <p> </p> <p>“အဲဒီလို ပါရမီရှင်တစ်ယောက် မွေးဖွားလာတဲ့အတွက် ဇော့ချိုကောင်းကင် မျိုးနွယ်စုက အထက် ကြယ်တာရာမြေတွေထဲမှာ အနှေးနဲ့အမြန် နေရာရလိမ့်မယ်”</p> <p> </p> <p>အဘိုးအို၏ လေသံတွင် ဖုံးကွယ်မထားသော လေးစားမှု ရှိနေခဲ့သည်။</p> <p> </p> <p>“အဘိုးပု၊ အဲဒီလို ထူးခြားတဲ့ လက္ခဏာတစ်ခုက ဖြစ်ရိုးဖြစ်စဉ် မဟုတ်ဘူးလို့ ကျွန်မ မပြောခဲ့ဘူးလား … ကျွန်မက အဲဒါကို သတိထားမိခဲ့ပြီး လာစစ်ဆေးဖို့ ဆုံးဖြတ်ခဲ့တာ ကံကောင်းသွားတယ် … မဟုတ်ရင် ပွဲကောင်းတစ်ခုကို ကျွန်မတို့ လက်လွတ်ခဲ့လိမ့်မယ်”</p> <p> </p> <p> </p> <p>“ကျွန်မကို ရှင် ကျေးဇူးတင်သင့်တယ်”</p> <p> </p> <p>မိန်းကလေးက ခေါင်းမော့ကာ ဂုဏ်ယူစွာ ပြောလာသည်။</p> <p> </p> <p>“ကလေးမ … မင်းက ပျော်စရာရှာဖို့ပဲ အားသန်တယ် … ဒါပေမဲ့ ဒီနေ့ ကိစ္စတွေကို စစ်ဆေးဖို့ မင်းရဲ့ ဆုံးဖြတ်ချက်က ပင်ပန်းရကျိုးနပ်ခဲ့တယ်”</p> <p> </p> <p>အဘိုးအိုက အပြုံးတစ်ခုဖြင့် ပြောလိုက်သည်။</p> <p> </p> <p>“ကြည့်လိုက်၊ ကြည့်လိုက် … လျှပ်စီး ပျောက်ကွယ်နေပြီ”</p> <p> </p> <p>ရုတ်တရက် မိန်းကလေးက အောက်ဘက်ရှိ ရှေးဟောင်း ကောင်းကင်လျှပ်စီး အစီအရင်ထံ ညွှန်ပြလိုက်၏။</p> <p> </p> <p>ထိုစကားများကို ကြားလျှင် အဘိုးအိုလည်း ရှေးဟောင်း ကောင်းကင်လျှပ်စီး အစီအရင်ထံ ပြန်လည်၍ အကြည့်ရွှေ့မိခဲ့သည်။</p> <p> </p> <p> </p> <p>လျှပ်စီး ပျောက်ကွယ်နေသည့် မြင်ကွင်းကို ဇော့ချိုကောင်းကင် မျိုးနွယ်စုဝင်များလည်း မြင်တွေ့ခဲ့ကြသည်။</p> <p> </p> <p> </p> <p>ထိုခဏ၌ ပတ်ဝန်းကျင်မှ အားပေးကြွေးကြော်သံများ ပျောက်ကွယ်သွားခဲ့သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုဝင်အားလုံးမှာ ပါးစပ်ပိတ်ထားပြီး အသက်ပင် မရှူမိခဲ့ကြပေ။</p> <p> </p> <p> </p> <p>သူတို့အားလုံး အလွန့်အလွန် စိတ်လှုပ်ရှားနေခဲ့ကြလေသည်။</p> <p> </p> <p> </p> <p> </p> <p> </p> <p style="text-align:center">***</p> <p> </p>


Save