Book List

<h2 style="text-align: center;">အခန်း(၄၁၄၀)</h2> <h2 style="text-align: center;">အဆင့်လေး ဦးသျှောင်တားမြစ်</h2> <h2 style="text-align: center;">*</h2> <p> </p> <p>အင်မော်တယ်တားမြစ် သိုင်းကွက်တစ်ခုကို အသုံးပြုလျက် ချူဖုန်းက ဦးသျှောင်တားမြစ် သိုင်းကွက်တစ်ခုကို ရင်ဆိုင်ခဲ့သည်။</p> <p> </p> <p> </p> <p>ထို့နောက် အဆင့်တစ် ဦးသျှောင်တားမြစ် သိုင်းကွက်တစ်ခုကို အသုံးပြုလျက် အဆင့်နှစ် ဦးသျှောင်တားမြစ် သိုင်းကွက်တစ်ခုကို ရင်ဆိုင်ခဲ့သည်။</p> <p> </p> <p> </p> <p>ထို့နောက်တွင်မူ ထိုအဆင့်တစ် ဦးသျှောင်တားမြစ် သိုင်းကွက်ကိုပင် အသုံးပြုလျက် သူက အဆင့်သုံး ဦးသျှောင်တားမြစ် သိုင်းကွက်တစ်ခုကို အမှန်တကယ် ရင်ဆိုင်ခဲ့သည်။</p> <p> </p> <p> </p> <p>ဤမြင်ကွင်းက ဇော့ချိုကောင်းကင် မျိုးနွယ်စုဝင်အားလုံးကို နေရာတွင် မှင်တက်မိလျက် ရပ်နေသည်အထိ အလုံးစုံ အံ့အားသင့်စေခဲ့သည်။</p> <p> </p> <p> </p> <p>ဦးသျှောင်တားမြစ် သိုင်းကွက်များတွင် အဆင့်တစ်ဆင့် ကွာခြားချက်မှာ ဖြည့်ဆည်းရန် အလွန့်အလွန် ခက်ခဲသည့် စွမ်းအားအရာ ကွာဟချက်တစ်ခု ဖြစ်သည်။</p> <p> </p> <p> </p> <p>ထို့ကြောင့် တစ်ဦးတစ်ယောက်အနေဖြင့် အဆင့်တစ် ဦးသျှောင်တားမြစ် သိုင်းကွက်တစ်ခုကို အသုံးပြု၍ အဆင့်သုံး ဦးသျှောင်တားမြစ် သိုင်းကွက်တစ်ခုကို ရင်ဆိုင်ရန် မည်သို့ ဖြစ်နိုင်မည်နည်း။</p> <p> </p> <p> </p> <p>ဤသည်မှာ မဖြစ်နိုင်သော ကိစ္စတစ်ခုပင်။</p> <p> </p> <p> </p> <p>သို့တိုင် ဤမဖြစ်နိုင်သော ကိစ္စက သူတို့၏ မျက်စိရှေ့တွင် ဖြစ်ပျက်ခဲ့သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုဝင်အားလုံး စိတ်ရှုပ်ထွေးနေခဲ့ကြချိန်၌ ဇော့ချိုကောင်းကင် မျိုးနွယ်စုခေါင်းဆောင်က ပြောလာသည်။</p> <p> </p> <p>“ကြည့်ရတာ ချူဖုန်းရဲ့ ဦးသျှောင်တားမြစ် သိုင်းကွက်က ကျုပ်တို့မျိုးနွယ်စုရဲ့ ဦးသျှောင်တားမြစ်၊ မဟူရာလျှပ်စီး တွယ်ကပ်ခြင်းနဲ့ အတော် တူနေပုံပဲ”</p> <p> </p> <p>“သူ့ရဲ့ ဦးသျှောင်တားမြစ် သိုင်းကွက်က ကျုပ်တို့ရဲ့ ဦးသျှောင်တားမြစ် သိုင်းကွက်ထက် ပိုနက်နဲပြီး သူက အဲဒါရဲ့ အင်အားကို ပိုပြီးတော့တောင် ကောင်းကောင်း ကွယ်ဝှက်ထားခဲ့ရုံပဲ ရှိတယ်”</p> <p> </p> <p> </p> <p>သူတို့ မျိုးနွယ်စုခေါင်းဆောင်၏ စကားများကို ကြားလျှင် ဇော့ချိုကောင်းကင် မျိုးနွယ်စုဝင်များ ရုတ်တရက် တုံ့ပြန်နိုင်သွားကြသည်။</p> <p> </p> <p> </p> <p>မည်သို့ ဖြစ်ပျက်နေခဲ့ကြောင်း သူတို့ သဘောပေါက်ခဲ့ကြသည်။</p> <p> </p> <p> </p> <p>ချူဖုန်း၏ ဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ်မှာ အဖြူရောင် အလင်းတစ်ခုကို ထုတ်လွှတ်နေခဲ့ပြီး အဆင့်တစ် ဦးသျှောင်တားမြစ် သိုင်းကွက်တစ်ခုဟု ထင်မြင်ရသည့်တိုင် တကယ်တမ်းတွင် အဆင့်တစ် ဦးသျှောင်တားမြစ် သိုင်းကွက်တစ်ခု မဟုတ်ခဲ့ပေ။</p> <p> </p> <p> </p> <p>ထိုအစား ၎င်းက အဆင့်နှစ် သို့မဟုတ် အဆင့်သုံး ဦးသျှောင်တားမြစ် သိုင်းကွက်တစ်ခုပင် ဖြစ်နိုုင်ဖွယ်ရှိခဲ့သည်။</p> <p> </p> <p> </p> <p>ချူဖုန်း၏ ဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ် ထူးခြားနေခဲ့ရုံသာ ရှိပေသည်။ ၎င်းက အရောင်ပြောင်းခဲ့သည့်အပြင် အင်အားလည်း ပြောင်းလဲခဲ့သည်။ ထိုသို့ဖြင့် ၎င်းက အခြားသူများကို စိတ်ရှုပ်ထွေးစေနိုင်ခဲ့သည်။</p> <p> </p> <p> </p> <p>“တကယ်ကို ယုတ်မာတာပဲ”</p> <p> </p> <p>မကြာမီ သူတို့ တွေးထင်ထားသည်ကို အဖြစ်မှန်ဟု ဇော့ချိုကောင်းကင် မျိုးနွယ်စုဝင်များအားလုံး အတည်ယူခဲ့ကြသည်။</p> <p> </p> <p>ထို့နောက် သူတို့က ချူဖုန်းကို အမှန်တကယ် စော်ကားပြောဆိုလာကြသည်။</p> <p> </p> <p> </p> <p>ချူဖုန်းက သူတို့ကို လှည့်စားရန် ယုတ်မာသော လှည့်ကွက်တစ်ခုကို အသုံးပြုနေခဲ့သည်ဟု သူတို့ ယုံကြည်ခဲ့ကြသည်။</p> <p> </p> <p> </p> <p>“မျိုးနွယ်စုခေါင်းဆောင်သခင်၊ ဟိုရှေးဟောင်း ကောင်းကင်လျှပ်စီး အစီအရင်ရဲ့ စွမ်းအား ပျောက်ကွယ်မသွားခင် နည်းနည်းလောက် အချိန်ရနိုင်ပါသေးတယ်”</p> <p> </p> <p> </p> <p>“ကျုပ်တို့တွေ သခင်လေးတောက်ယိကို ဟိုချူဖုန်းနဲ့ ဆက်မတိုက်ခိုင်းဘဲ သခင်လေးထျန်းချင်ကို ကယ်တင်ဖို့ နည်းလမ်းရှာသင့်တာမျိုး ဖြစ်ကောင်းဖြစ်နိုင်မလား”</p> <p> </p> <p>ဇော့ချိုဟန်ရွှင်က ဇော့ချိုကောင်းကင် မျိုးနွယ်စုခေါင်းဆောင်ထံ လျှောက်လှမ်းသွားပြီး တိုးသက်စွာ ပြောလိုက်သည်။</p> <p> </p> <p>သူ အမှန်တကယ် စိုးရွံ့နေခဲ့သည်။ ချူဖုန်းကို ဇော့ချိုတောက်ယိ ယှဉ်နိုင်မည် မဟုတ်ဟု သူ စိုးရွံ့နေခဲ့ခြင်း ဖြစ်သည်။ သူတို့မျိုးနွယ်စု၏ ထိပ်တန်း ပါရမီရှင်နှစ်ဦးစလုံး ထိုရှေးဟောင်း ကောင်းကင်လျှပ်စီး အစီအရင်တွင် ပိတ်မိနေလိမ့်မည်ဟု သူ စိုးရိမ်မိခဲ့သည်။</p> <p> </p> <p> </p> <p>ချူဖုန်းက သူတို့၏ သခင်လေးနှစ်ဦးကို ညှဉ်းပန်းရုံသာ ဆုံးဖြတ်ခဲ့လျှင် အကြောင်းမဟုတ်ပါချေ။</p> <p> </p> <p> </p> <p>သို့သော် သူသာ သူတို့ကို တိုက်ရိုက် သတ်ဖြတ်သည်အထိ ရူးနှမ်းခဲ့လျှင် ၎င်းမှာ သူတို့၏ ဇော့ချိုကောင်းကင် မျိုးနွယ်စုအတွက် ဆုံးရှုံးမှုကြီးတစ်ခု ဖြစ်ပေလိမ့်မည်။</p> <p> </p> <p> </p> <p>၎င်းက သူတို့ ဇော့ချိုကောင်းကင် မျိုးနွယ်စု၏ အနာဂတ်ကို ဖျောက်ဖျက်ပစ်ခြင်းနှင့် အလားတူမည်ဆိုလျှင် လွန်အံ့မထင်ပါချေ။</p> <p> </p> <p> </p> <p>“စိတ်မပူပါနဲ့ … တောက်ယိက သူ့ခွန်အားကို အပြည့်အဝ မသုံးရသေးဘူး”</p> <p> </p> <p>ဇော့ချိုဟန်ရွှင်နှင့် နှိုင်းစာလျှင် ဇော့ချိုကောင်းကင် မျိုးနွယ်စုခေါင်းဆောင်မှာ များစွာ ယုံကြည်မှုရှိနေခဲ့သည်။</p> <p> </p> <p>ဇော့ချိုတောက်ယိက နိုင်ပွဲကို ဆုပ်ကိုင်ထားဆဲ ဖြစ်သည်ဟု သူ ယူဆမိခဲ့သည်။</p> <p> </p> <p> </p> <p>“ဪ”</p> <p> </p> <p>ထိုစကားများကို ကြားရချိန်တွင် ဇော့ချိုဟန်ရွှင် အံ့ဩသွားခဲ့သည်။</p> <p> </p> <p>သို့သော် မကြာမီ ကိစ္စတစ်ခုကို သူ တွေးမိခဲ့သည်။</p> <p> </p> <p> </p> <p>“မျိုးနွယ်စုခေါင်းဆောင်သခင်၊ မဟုတ်မှလွဲရော သခင်လေးတောက်ယိက …”</p> <p> </p> <p>ဇော့ချိုဟန်ရွှင်က အံ့ဩပျော်ရွှင်မှုဖြင့် မေးလိုက်သည်။</p> <p> </p> <p>“အင်း”</p> <p> </p> <p>ဇော့ချိုကောင်းကင် မျိုးနွယ်စုခေါင်းဆောင်က ခေါင်းညိတ်ပြလိုက်၏။</p> <p> </p> <p>ဤသည်ကို မြင်လျှင် ဇော့ချိုဟန်ရွှင်မှာ ရှေးဟောင်း ကောင်းကင်လျှပ်စီး အစီအရင်ထံ လှမ်းကြည့်လိုက်မိသည်။ သူ့မျက်လုံးများရှိ စိုးရိမ်မှု ပျောက်ကွယ်သွားပြီး မျှော်လင့်သော အရိပ်အယောင်တစ်ခု အစားဝင်လာသည်။</p> <p> </p> <p> </p> <p>“ခင်ဗျားမှာ နောက်ထပ် လှည့်ကွက်တစ်ခုခု ရှိသေးလား”</p> <p> </p> <p> </p> <p>“ရှိတယ်ဆိုရင် အဲဒါတွေကို မြန်မြန် သုံးသင့်တယ် … မဟုတ်ရင် ခင်ဗျားကို ကျုပ် ဆုံးမတော့မယ်”</p> <p> </p> <p>ရှေးဟောင်း ကောင်းကင်လျှပ်စီး အစီအရင်တွင် ချူဖုန်းအသံ ထွက်ပေါ်လာသည်။</p> <p> </p> <p>“ငါ့ကို ဆုံးမမယ် ဟုတ်လား”</p> <p> </p> <p> </p> <p>“ထောင်လွှားတဲ့ လူမိုက်၊ မင်းပဲ ဆုံးမခံရလိမ့်မယ်”</p> <p> </p> <p>ထိုစကားများကို ပြောပြီးနောက် ဇော့ချိုတောက်ယိက သူ့ဓားကို လက်အစုံဖြင့် ဆုပ်ကိုင်လိုက်သည်။</p> <p> </p> <p>ထို့နောက် သူ့ခန္ဓာကိုယ်မှ မီးလျှံများ တိုးထွက်လာသည်။</p> <p> </p> <p> </p> <p>မီးလျှံများက သူ့တစ်ကိုယ်လုံးကို ဖုံးလွှမ်းသွားသည့်အပြင် သူ့လက်များအတွင်းရှိ ဓားကိုလည်း ဖုံးလွှမ်းသွားခဲ့သည်။</p> <p> </p> <p> </p> <p>မကြာမီ မီးလျှံများက ကောင်းကင်သို့ ထိုးတက်ကာ ပေသုံးသောင်းကျော် မြင့်မားသော ပုံရိပ်ကြီးတစ်ခုအဖြစ် ပြောင်းလဲခဲ့သည်။</p> <p> </p> <p> </p> <p>ထိုပုံရိပ်ကြီးကား ဇော့ချိုတောက်ယိပင်။</p> <p> </p> <p> </p> <p>၎င်း၏ အပြင်ပန်း အသွင်အပြင် တူညီသည့်အပြင် ဇော့ချိုတောက်ယိ၏ ဓားကိုပင် ပုံတူကူးထားခဲ့သည်။</p> <p> </p> <p> </p> <p>ထိုပုံရိပ်ကြီးတွင် မီးလျှံများ ပြင်းထန်စွာ လူးလွန့်နေခဲ့သည်။ တစ်ဦးတစ်ယောက်အဖို့ ၎င်း၏ အင်အားကို အာရုံမခံမိဘဲ ၎င်းထံ လှမ်းကြည့်ရုံမျှဖြင့် ရင်သပ်ရှုမော ဖြစ်သွားပေလိမ့်မည်။</p> <p> </p> <p> </p> <p>“သခင်လေးတောက်ယိက အဲဒီနည်းစနစ်ကို တကယ် တစ်ဖက်ကမ်းခပ်နိုင်ခဲ့တာလား”</p> <p> </p> <p>ဇော့ချိုတောက်ယိတွင် ပြောင်းလဲမှုကို မြင်တွေ့ရလျှင် ဇော့ချိုကောင်းကင် မျိုးနွယ်စုဝင်များမှာ စိတ်လှုပ်ရှားမှုဖြင့် လွှမ်းမိုးခံခဲ့ရသည်။ သူတို့ကိုယ်သူတို့ ထိန်းချုပ်ထားနိုင်စွမ်း မရှိတော့ဘဲ သူတို့ အော်ဟစ်ကာ အားပေးလာကြသည်။</p> <p> </p> <p>အကြောင်းမူ ဇော့ချိုတောက်ယိ ထုတ်လွှတ်နေခဲ့သည့် မီးလျှံများက စိမ်းပြာရောင်ရှိ၍ ဖြစ်သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စု၏ အဖွဲ့ဝင်များ ဖြစ်သည့်အားလျော်စွာ ထိုအစွမ်းသတ္တိကို သူတို့ ကောင်းစွာ သိနေကြသည်။</p> <p> </p> <p> </p> <p>ဇော့ချိုတောက်ယိ အသုံးပြုထားခဲ့သည်မှာ သူတို့ ဇော့ချိုကောင်းကင် မျိုးနွယ်စု၏ အားအကောင်းဆုံး သိုင်းကွက်များအနက်မှ တစ်ခုဖြစ်သည့် ဦးသျှောင်တားမြစ်၊ စိမ်းပြာမီးလျှံများပင်။</p> <p> </p> <p> </p> <p>ဤဦးသျှောင်တားမြစ်၊ စိမ်းပြာမီးလျှံများမှာ အဆင့်လေး ဦးသျှောင်တားမြစ် သိုင်းကွက်တစ်ခု ဖြစ်သည်။</p> <p> </p> <p> </p> <p>တစ်ဦးတစ်ယောက်အနေဖြင့် အဆင့်လေး ဦးသျှောင်တားမြစ် သိုင်းကွက်တစ်ခုကို သင်ယူလိုခဲ့လျှင် ကျင့်ကြံမှုတွင် ကန့်သတ်ချက်တစ်ခု ရှိနေခဲ့သည်။</p> <p> </p> <p> </p> <p>ပါရမီရှင်တစ်ဦး မည်မျှ ထူးချွန်စေကာမူ၊ အဆင့်လေး ဦးသျှောင်တားမြစ် သိုင်းကွက်တစ်ခုကို မသင်ယူနိုင်မီ မိမိ၏ အစစ်အမှန် ကျင့်ကြံမှုက မဟာဦးသျှောင် အဆင့်လေးသို့ ရောက်ရှိရပေမည်။</p> <p> </p> <p> </p> <p>အဆင့်လေး ဦးသျှောင်တားမြစ် သိုင်းကွက်တစ်ခုကို သင်ယူရန် ကြိုးစားသူတွင် သာမန် ပါရမီသာ ရှိခဲ့လျှင် အဆင့်လေး ဦးသျှောင်တားမြစ် သိုင်းကွက်တစ်ခုကို မသင်ယူနိုင်မီ မဟာဦးသျှောင် အဆင့်ငါး သို့မဟုတ် အဆင့်ခြောက်သို့ ရောက်ရှိသည်အထိ စောင့်ဆိုင်းရနိုင်ပေသည်။</p> <p> </p> <p> </p> <p>သို့တိုင် ဇော့ချိုတောက်ယိမှာ မဟာဦးသျှောင် အဆင့်သုံး ကျင့်ကြံမှု၌ ထိုအဆင့်လေး ဦးသျှောင်တားမြစ် သိုင်းကွက်ကို အမှန်တကယ် အောင်အောင်မြင်မြင် သင်ယူနိုင်ခဲ့သည်။</p> <p> </p> <p> </p> <p>ဤသည်မှာ ဇော့ချိုတောက်ယိ၏ ပါရမီက ထူးကဲခဲ့ပြီး စိတ်ကူးမကြည့်နိုင်သော အတိုင်းအတာအထိ ရောက်ရှိနေခဲ့သည့် အဓိပ္ပာယ်ပင်။</p> <p> </p> <p> </p> <p>အရေးအကြီးဆုံးမှာ ပြီးခဲ့ချိန်တွင် ချူဖုန်း၏ ကျင့်ကြံမှုက ဦးသျှောင် အဆင့်ရှစ်သာ ရှိခဲ့ခြင်း ဖြစ်သည်။</p> <p> </p> <p> </p> <p>သူက နှစ်ဆင့်ဆက်တိုက် အဆင့်တက်ခဲ့ပြီး အဆင့်တစ် မဟာဦးသျှောင်တစ်ဦး ဖြစ်လာခဲ့သည့်တိုင် ထိုအဆင့်တက်မှုများကို ပူပူနွေးနွေး ပြုလုပ်ထားခဲ့သည်။</p> <p> </p> <p> </p> <p>ဤသည်မှာ သူ မည်မျှ ပါရမီရှိစေကာမူ၊ အဆင့်လေး ဦးသျှောင်တားမြစ် သိုင်းကွက်တစ်ခုကို သင်ယူရန် အခွင့်အရေးမရှိမည့် အဓိပ္ပာယ်ပင်။</p> <p> </p> <p> </p> <p>နောက်ဆုံးတွင် သူ၏ ကျင့်ကြံမှုက အဆင့်လေး ဦးသျှောင်တားမြစ် သိုင်းကွက်တစ်ခုကို သင်ယူရန် လိုအပ်ချက်များနှင့် မကိုက်ညီခဲ့သည် မဟုတ်ပါလော။</p> <p> </p> <p> </p> <p>သို့ဖြစ်၍ သူ့တွင် ဇော့ချိုတောက်ယိကို ရင်ဆိုင်နိုင်သည့် နည်းစနစ် ပိုင်ဆိုင်မထားခဲ့ပေ။</p> <p> </p> <p> </p> <p>မည်သို့ပင်ဖြစ်စေ အဆင့်လေး ဦးသျှောင်တားမြစ် သိုင်းကွက်တစ်ခု၏ စွမ်းအားမှာ အဆင့်သုံး ဦးသျှောင်တားမြစ် သိုင်းကွက်တစ်ခုထက် များစွာ သာလွန်နေခဲ့သည်။</p> <p> </p> <p> </p> <p>၎င်းတို့ကား မဟာဦးသျှောင်များသာ သင်ယူနိုင်သည့် သိုင်းကွက်များပင်။</p> <p> </p> <p> </p> <p>“စိတ်ဝင်စားစရာပဲ”</p> <p> </p> <p>မီးလျှံများဖြင့် လူးလွန့်နေသည့် ဧရာမ ဇော့ချိုတောက်ယိကို မြင်လျှင် ထိုသိုင်းကွက် မည်မျှ စွမ်းအားကောင်းကြောင်း ချူဖုန်း အာရုံခံနိုင်ခဲ့သည်။</p> <p> </p> <p>အဆင့်လေး ဦးသျှောင်တားမြစ် သိုင်းကွက်တစ်ခုမှာ သေချာပေါက် စွမ်းအားကောင်းပေသည်။</p> <p> </p> <p> </p> <p>သို့သော် ချူဖုန်းမှာ ၎င်းရှေ့တွင် ပျာယာမခတ်ခဲ့ပေ။ ထိုအစား သူက ညာလက်ကို သူ့ရင်ဘတ်ပေါ် နောက်တစ်ကြိမ် ထားရှိလိုက်သည်။</p> <p> </p> <p> </p> <p>“ဒီငနဲ၊ မဟုတ်မှလွဲရော သူက …”</p> <p> </p> <p>ချူဖုန်း၏ လှုပ်ရှားမှုကို မြင်တွေ့ရချိန်တွင် ဇော့ချိုကောင်းကင် မျိုးနွယ်စုဝင်အားလုံး မယုံနိုင်မှုကို ခံစားလိုက်ကြရသည်။</p> <p> </p> <p>သူ ပြုလုပ်ခဲ့သည့် ထိုလှုပ်ရှားမှုမှာ ယခု သူတို့အတွက် အလွန် ရင်းနှီးနေခဲ့သည်။</p> <p> </p> <p> </p> <p>နောက်ဆုံးတွင် သူက ထိုလှုပ်ရှားမှုကို နှစ်ကြိမ်ပြုလုပ်ခဲ့ပြီး မဟုတ်ပါလော။</p> <p> </p> <p> </p> <p>၎င်းမှာ သူ၏ ဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ်ကို ထုတ်ဖော်ရန် ချူဖုန်း ပြုလုပ်ခဲ့သည့် လှုပ်ရှားမှုပင်။</p> <p> </p> <p> </p> <p>“ဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ်”</p> <p> </p> <p>ချူဖုန်းက သူ၏ ညာလက်ကို အရှိန်ပြင်းစွာ ရိုက်ထုတ်ရင်း ဟစ်ကြွေးလိုက်၏။</p> <p> </p> <p>“ဝုန်း …”</p> <p> </p> <p>မြည်ဟည်းသံများ ထွက်ပေါ်လာစဉ် အလင်းက အရပ်မျက်နှာအားလုံးသို့ ပျံ့နှံ့သွားခဲ့သည်။</p> <p> </p> <p>ပေသုံးသောင်းကျော်ရှိ အလင်းလက်ကြီး ပေါ်လာပြန်သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုဝင်များ မှန်မှန်ကန်ကန် ခန့်မှန်းမိခဲ့ကြသည်။</p> <p> </p> <p> </p> <p>ချူဖုန်းက ထိုဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ်ကို နောက်တစ်ကြိမ် ထုတ်လွှတ်ခဲ့သည်။</p> <p> </p> <p> </p> <p>ထိုဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ်ကို ချူဖုန်း အမှန်တကယ် နောက်တစ်ကြိမ် အသုံးပြုခဲ့ကြောင်း မြင်တွေ့ရလျှင် ဇော့ချိုတောက်ယိက ဒေါသတကြီး အော်ပြောလိုက်သည်။</p> <p> </p> <p>“မင်း သေချင်နေတာပဲ”</p> <p> </p> <p>ချူဖုန်းက သူ့ကို လုံးလုံးလျားလျား အထင်သေးနေခဲ့သည်ဟု သူ ခံစားမိခဲ့သည်။</p> <p> </p> <p> </p> <p>သူ ဒေါသတကြီး အော်ပြောလိုက်စဉ် မီးလျှံပုံရိပ်ကြီးက ကောင်းကင်ကို ဖုံးလွှမ်းထားသည့် မီးလျှံများအဖြစ် ပြောင်းလဲကာ ချူဖုန်းထံ အရှိန်အဟုန်ဖြင့် ရွေ့လျားသွားခဲ့သည်။</p> <p> </p> <p> </p> <p>“အုန်း …”</p> <p> </p> <p>အလင်းလက်ကြီးမှာ ပမာဏကြီးမားသော မီးလျှံများနှင့် တိုးတိုက်ခဲ့သည်။</p> <p> </p> <p>တစ်ခဏချင်း၌ အလင်းနှင့် မီးလျှံများ အကြီးအကျယ် ရိုက်ခတ်ဖျက်ဆီးလာသည်။</p> <p> </p> <p> </p> <p>ပြင်းထန်သော စွမ်းအင်လှိုင်းများက ရှေးဟောင်း ကောင်းကင်လျှပ်စီး အစီအရင်တစ်ခုလုံးကို ဖုံးလွှမ်းထားခဲ့သည်။</p> <p> </p> <p> </p> <p>စွမ်းအင်လှိုင်းများ တဖြည်းဖြည်း ပျောက်ကွယ်လာချိန်တွင် ဇော့ချိုကောင်းကင် မျိုးနွယ်စုဝင်အားလုံး မှင်တက်မိသွားကြသည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုခေါင်းဆောင်ပင် ခြွင်းချက်မရှိခဲ့ပေ။</p> <p> </p> <p> </p> <p>ဇော့ချိုတောက်ယိမှာ လုံးဝ မထိခိုက်ဘဲ ရှိခဲ့သည်။</p> <p> </p> <p> </p> <p>သို့တိုင် ချူဖုန်းလည်း လုံးဝ မထိခိုက်ခဲ့ပါချေ။</p> <p> </p> <p> </p> <p>ချူဖုန်းက ထိုဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ်ကို အသုံးပြု၍ ဇော့ချိုတောက်ယိ၏ အဆင့်လေး ဦးသျှောင်တားမြစ် သိုင်းကွက်ကို အမှန်တကယ် ရင်ဆိုင်နိုင်ခဲ့သည်။</p> <p> </p> <p> </p> <p>“ဒါ ဘယ်လိုဖြစ်နိုင်မှာလဲ”</p> <p> </p> <p> </p> <p>“အဲဒီချူဖုန်းက ကျုပ်တို့မျိုးနွယ်စုရဲ့ ဦးသျှောင်တားမြစ်၊ စိမ်းပြာမီးလျှံများကို ရင်ဆိုင်ဖို့ အဖြူရောင် အလင်းတစ်ခုကို ထုတ်လွှတ်နေတဲ့ ဦးသျှောင်တားမြစ် သိုင်းကွက်ကို တကယ် သုံးခဲ့တာလား”</p> <p> </p> <p> </p> <p>“အဲဒါ ဘယ်လို အစွမ်းသတ္တိမျိုးလဲ … အဲဒီသိုင်းကွက်မှာ ဒီစွမ်းအားမျိုး ဘယ်လို ပိုင်ဆိုင်ထားနိုင်တာလဲ”</p> <p> </p> <p>ချူဖုန်း၏ ဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ်မှာ သူတို့ တွေးထင်ထားသည်ထက်ပင် ပိုမိုထူးခြားဟန် ရှိကြောင်း ဇော့ချိုကောင်းကင် မျိုးနွယ်စုဝင်များ သဘောပေါက်သွားကြသည်။</p> <p> </p> <p>“မင်းသုံးခဲ့တဲ့ အဲဒီသိုင်းကွက်က ဘယ်အဆင့်လဲ”</p> <p> </p> <p>ဇော့ချိုတောက်ယိက လေးနက်သော အသံတစ်ခုဖြင့် မေးလိုက်သည်။</p> <p> </p> <p>အခြေအနေအရ ချူဖုန်း၏ ဦးသျှောင်တားမြစ်၊ ကောင်းကင်ကြမ္မာ ချိပ်တံဆိပ်မှာ ထူးခြားသော နည်းစနစ်တစ်ခု ဖြစ်သည်ဟု သူပင် ခံစားမိခဲ့သည်။</p> <p> </p> <p> </p> <p>“အဆင့်တစ် ဦးသျှောင်တားမြစ် သိုင်းကွက်တစ်ခုပဲ”</p> <p> </p> <p>ချူဖုန်းက ပြန်ဖြေလိုက်၏။</p> <p> </p> <p>“ဘာပြောလိုက်တယ်”</p> <p> </p> <p>ဇော့ချိုတောက်ယိမှာ သူ့နားများကို မယုံကြည်ဝံ့ခဲ့ပေ။ သူက ချူဖုန်းပြောသည်ကို နားကြားမှားခဲ့သည်ဟု သူ တွေးထင်မိခဲ့သည်။</p> <p> </p> <p>ချူဖုန်းက ထပ်ပြောလိုက်လေသည်။</p> <p> </p> <p>“စောစောက ကျုပ်သုံးခဲ့တာ အဆင့်တစ် ဦးသျှောင်တားမြစ် သိုင်းကွက်တစ်ခုလို့ ပြောတာ”</p> <p> </p> <p> </p> <p style="text-align: center;">***</p> <p> </p>


Save