Book List

<h2 style="text-align: center;">အခန်း(၄၁၄၁)</h2> <h2 style="text-align: center;">တိုက်ပွဲဝင်စွမ်းအား ကွာဟချက်</h2> <h2 style="text-align: center;">*</h2> <p> </p> <p> </p> <p>“မဖြစ်နိုင်ဘူး”</p> <p> </p> <p>ဒေါသထွက်နေသည့် ဇော့ချိုတောက်ယိက ချူဖုန်းထံ အော်ပြောလိုက်သည်။</p> <p>“အဲဒါ ဘယ်လို အစွမ်းသတ္တိမျိုးလဲ ငါ့ကို မင်း ဘာကြောင့် မပြောပြတာလဲ”</p> <p> </p> <p>“ဘာကြောင့် လျှို့ဝှက်ထားတာလဲ … အဲဒီလို ပြုမူနေတဲ့ မင်းက ဘယ်လို ယောက်ျားတစ်ယောက်လဲ”</p> <p> </p> <p> </p> <p>သူ့ကို ချူဖုန်း လိမ်ညာနေခဲ့သည်ဟု သူ ခံစားမိခဲ့သည်။</p> <p> </p> <p> </p> <p>အဆင့်တစ် ဦးသျှောင်တားမြစ် သိုင်းကွက်တစ်ခုက အဆင့်နှစ် သို့မဟုတ် အဆင့်သုံး ဦးသျှောင်တားမြစ် သိုင်းကွက်တစ်ခုကို ရင်ဆိုင်နိုင်ခဲ့လျှင်ပင် သူ၏ အဆင့်လေး ဦးသျှောင်တားမြစ် သိုင်းကွက်ကို ရင်ဆိုင်ရန် မဖြစ်နိုင်ဟု သူ ယုံကြည်ထားခဲ့သည်။</p> <p> </p> <p> </p> <p>“အဟက် …”</p> <p> </p> <p>ချူဖုန်းက တစ်ချက်ရယ်လိုက်၏။ သူက ပြောလိုက်သည်။</p> <p>“ခင်ဗျား နားမလည်သေးဘူးလား”</p> <p> </p> <p>“မင်း ဘာပြောချင်တာလဲ”</p> <p> </p> <p>ဇော့ချိုတောက်ယိက မေးလိုက်သည်။</p> <p> </p> <p>“မကြာခင် ခင်ဗျား သိရလိမ့်မယ်”</p> <p> </p> <p>ထိုစကားများကို ချူဖုန်း ပြောပြီးနောက် ကောင်းကင်တွင် လျှပ်စီးတိမ်တိုက်များ ပေါ်လာသည်။</p> <p> </p> <p>ကောင်းကင်ကို ဖြည့်ဆည်းထားသည့် လျှပ်စီးတိမ်တိုက်များတွင် တစ်ဟုန်ထိုး ပြေးလွှား၍ မြည်ဟည်းနေသည့် မရေမတွက်နိုင်သော သွေးနီရောင် လျှပ်စီးကြောင်းများ ရှိနေသည်။</p> <p> </p> <p> </p> <p>ပြီးခဲ့ချိန်တွင် ဤတိုက်ကွက်ကို လူအုပ်တစ်ခုလုံး မျက်မြင်တွေ့ခဲ့ကြသည်။</p> <p> </p> <p> </p> <p>၎င်းမှာ ပြီးခဲ့ချိန်တွင် ချူဖုန်း အသုံးပြုခဲ့သည့် အင်မော်တယ်တားမြစ် သိုင်းကွက်၊ အင်မော်တယ်တားမြစ် သွေးလျှပ်စီး နည်းစနစ်ပင်။</p> <p> </p> <p> </p> <p>ချူဖုန်းက ဇော့ချိုတောက်ယိ၏ အဆင့်တစ် ဦးသျှောင်တားမြစ် သိုင်းကွက်ကို ရင်ဆိုင်ရန် ဤအင်မော်တယ်တားမြစ် သိုင်းကွက်ကို အသုံးပြုခဲ့သည်။</p> <p> </p> <p> </p> <p>“ဒါက ဘာအဓိပ္ပာယ်လဲ”</p> <p> </p> <p>ဇော့ချိုတောက်ယိ မျက်ခုံးကျုံ့သွားခဲ့သည်။ ချူဖုန်းကြောင့် သူ အလုံးစုံ ခေါင်းရှုပ်နေခဲ့သည်။</p> <p> </p> <p>ဤကဲ့သို့ ပြုလုပ်နေသည့် ချူဖုန်း၏ ရည်ရွယ်ချက်ကို သူ အမှန်တကယ် တွေးမရခဲ့ပေ။</p> <p> </p> <p> </p> <p>“အမှန်တော့ စောစောက ခင်ဗျားနဲ့ ရင်ဆိုင်ဖို့ အဆင့်တစ် ဦးသျှောင်တားမြစ် သိုင်းကွက်တစ်ခုကို ကျုပ် မသုံးခဲ့ရင်တောင်၊ အင်မော်တယ်တားမြစ် သိုင်းကွက်တစ်ခုကိုပဲ သုံးခဲ့ရင်တောင် ကျုပ်က ခင်ဗျားရဲ့ အဆင့်လေး ဦးသျှောင်တားမြစ် သိုင်းကွက်ကို ချေမှုန်းနိုင်ဦးမှာပဲ”</p> <p> </p> <p>ချူဖုန်းက ပြောလိုက်သည်။</p> <p> </p> <p>“သောက်ရေးမပါတာ”</p> <p> </p> <p>ဇော့ချိုတောက်ယိက ဒေါသတကြီး ကျိန်ဆဲလိုက်သည်။</p> <p> </p> <p>သူ့ကို ချူဖုန်း စော်ကားနေခဲ့သည်ဟု သူ ခံစားမိခဲ့သည်။</p> <p> </p> <p> </p> <p>သူ၏ အဆင့်လေး ဦးသျှောင်တားမြစ် သိုင်းကွက် မည်မျှ မထိရောက်ခဲ့စေကာမူ၊ ၎င်းမှာ အင်မော်တယ်တားမြစ် သိုင်းကွက်တစ်ခု ရင်ဆိုင်နိုင်သည့် အရာတစ်ခု လုံးဝ မဟုတ်ပါချေ။</p> <p> </p> <p> </p> <p>“ဂျိန်း …”</p> <p> </p> <p>ထိုခဏ၌ပင် အပေါ်ဘက်မှ သွေးနီရောင် လျှပ်စီးကြောင်းတစ်ခုက ဇော့ချိုတောက်ယိရှေ့သို့ ကျဆင်းလာသည်။</p> <p> </p> <p>လျှပ်စီးမှာ သူ့ရှေ့တွင်သာ ကျရောက်ခဲ့ပြီး သူ့ကို အမှန်တကယ် မထိမှန်ခဲ့သည့်တိုင် သွေးနီရောင်လျှပ်စီးကြောင့် ဖြစ်ပေါ်ခဲ့သည့်  စွမ်းအင်လှိုင်းများက ဇော့ချိုတောက်ယိကို လွင့်ထွက်သွားစေခဲ့သည်။</p> <p> </p> <p> </p> <p>သူ ကျရောက်ချိန်တွင် ဇော့ချိုတောက်ယိမှာ ဒဏ်ရာများဖြင့် အမှန်တကယ် အတိပြီးနေခဲ့သည်။</p> <p> </p> <p> </p> <p>“ဒါက …”</p> <p> </p> <p>ဤမြင်ကွင်းကို မျက်မြင်တွေ့ရချိန်တွင် ဇော့ချိုကောင်းကင် မျိုးနွယ်စုဝင်များ၏ အသားအရေများ အရောင်ပြောင်းသွားခဲ့သည်။</p> <p> </p> <p>ပြီးခဲ့ချိန်တွင် ချူဖုန်းက ထိုအင်မော်တယ်တားမြစ် သိုင်းကွက်ကို အသုံးပြုခဲ့သည်။</p> <p> </p> <p> </p> <p>၎င်းတွင် အထင်ကြီးဖွယ် စွမ်းအား ပိုင်ဆိုင်ထားသည့်တိုင် ဇော့ချိုတောက်ယိမှာ ၎င်းကို တစ်ချိန်လုံး ရှောင်တိမ်းနိုင်ခဲ့သည်။</p> <p> </p> <p> </p> <p>သို့သော် စောစောပိုင်းက ကျရောက်ခဲ့သည့် လျှပ်စီးမှာ ဇော့ချိုတောက်ယိ မရှောင်နိုင်သည်အထိ မြန်ဆန်လွန်းခဲ့သည့်အပြင် အံ့အားသင့်ဖွယ်လည်း စွမ်းအားကောင်းခဲ့သည်။</p> <p> </p> <p> </p> <p>ချူဖုန်း၏ အင်မော်တယ်တားမြစ် သိုင်းကွက်၏ စွမ်းအား အလွန်တရာ မြင့်မားလာခဲ့ကြောင်း ထင်ရှားပေသည်။</p> <p> </p> <p> </p> <p>“မျိုးနွယ်စုခေါင်းဆောင်သခင်၊ ဒီမှာ ဘာတွေဖြစ်နေတာလဲ”</p> <p> </p> <p>ထိတ်လန့်နေသည့် ဇော့ချိုကောင်းကင် မျိုးနွယ်စုဝင်အားလုံး သူတို့၏ မျိုးနွယ်စုခေါင်းဆောင်သခင်ထံ လှည့်ကြည့်မိခဲ့ကြသည်။</p> <p> </p> <p>လူအုပ်၏ အကြည့်များနှင့် ရင်ဆိုင်ရလျှင် ဇော့ချိုကောင်းကင် မျိုးနွယ်စုခေါင်းဆောင်မှာ မျက်ခုံးကျုံ့သွားပြီး ပြန်မဖြေခဲ့ပါချေ။</p> <p> </p> <p> </p> <p>မည်သည့်ကိစ္စ ဖြစ်ပျက်နေခဲ့သည်ကို သူပင် ရေရေရာရာ မသိခဲ့ပေ။</p> <p> </p> <p> </p> <p>“ဝီး …”</p> <p> </p> <p>ရုတ်တရက် ကောင်းကင်မှ မြောက်မြားစွာသော နောက်ထပ် လျှပ်စီးကြောင်းများ ကျဆင်းလာသည်။</p> <p> </p> <p>လျှပ်စီးမှာ ကျဆင်းလာပြီးနောက် ချက်ချင်း ပျောက်ကွယ်မသွားခဲ့ပေ။ ထိုအစား ၎င်းက ဇော့ချိုတောက်ယိထံ ချဉ်းကပ်လာသည်။</p> <p> </p> <p> </p> <p>အရေးအကြီးဆုံးမှာ ကျဆင်းလာသည့် လျှပ်စီးကြောင်းများက များပြားလွန်းခြင်း ဖြစ်သည်။ ၎င်းတို့က ဇော့ချိုတောက်ယိကို လွှမ်းခြုံထားသည့် ပိုက်ကွန်တစ်ခုကို စုဖွဲ့ခဲ့သည်။</p> <p> </p> <p> </p> <p>သူ့ထံ နီးကပ်သည်ထက် နီးကပ်လာသည့် လျှပ်စီးကို မြင်လျှင် ဇော့ချိုတောက်ယိက သူ၏ အကြမ်းထည် ဦးသျှောင် စစ်လက်နက်ကို ချက်ချင်း ဝှေ့ယမ်းကာ သူ၏ အဆင့်နှစ် ဦးသျှောင်တားမြစ် သိုင်းကွက်ကို ထုတ်လွှတ်လိုက်သည်။</p> <p> </p> <p> </p> <p>သို့သော် အံ့ဩဖွယ်ကောင်းစွာဖြင့် သူ၏ အဆင့်နှစ် ဦးသျှောင်တားမြစ် သိုင်းကွက်မှာ သွေးနီရောင်လျှပ်စီးကို နှိမ်နင်းနိုင်စွမ်း မရှိခဲ့ပေ။</p> <p> </p> <p> </p> <p>ထိုအဖြစ်နှင့်အတူ ဇော့ချိုတောက်ယိမှာ သူ၏ အဆင့်သုံး ဦးသျှောင်တားမြစ် သိုင်းကွက်ကို ထုတ်လွှတ်ခဲ့သည်။</p> <p> </p> <p> </p> <p>သို့တိုင် သူ၏ အဆင့်သုံး ဦးသျှောင်တားမြစ် သိုင်းကွက်ပင် ဝင်လာနေသည့် လျှပ်စီးကို နှိမ်နင်းနိုင်စွမ်း မရှိခဲ့ပါချေ။</p> <p> </p> <p> </p> <p>“ဒီငနဲ၊ သူက သခင်လေးတောက်ယိရဲ့ အဆင့်လေး ဦးသျှောင်တားမြစ် သိုင်းကွက်ကို အင်မော်တယ်တားမြစ် သိုင်းကွက်တစ်ခုနဲ့ တကယ် ရင်ဆိုင်နိုင်တာတော့ မဖြစ်နိုင်လောက်ဘူး မဟုတ်လား”</p> <p> </p> <p>အဆင့်သုံး ဦးသျှောင်တားမြစ် သိုင်းကွက်တစ်ခုပင် ချူဖုန်း၏ သွေးနီရောင်လျှပ်စီးကို မတွန်းလှန်နိုင်ခဲ့ကြောင်း မြင်တွေ့ရလျှင် ဇော့ချိုကောင်းကင် မျိုးနွယ်စုဝင်များ သံသယဝင်လာကြသည်။</p> <p> </p> <p>အင်မော်တယ်တားမြစ် သိုင်းကွက်တစ်ခုက အဆင့်သုံး ဦးသျှောင်တားမြစ် သိုင်းကွက်တစ်ခုကို ရင်ဆိုင်နိုင်ခဲ့ခြင်းမှာ မယုံကြည်နိုင်ဖွယ် ဖြစ်သည်ဟု သူတို့ ခံစားမိခဲ့ကြသည်။</p> <p> </p> <p> </p> <p>သို့သော် ထိုအင်မော်တယ်တားမြစ် သိုင်းကွက်က အဆင့်သုံး ဦးသျှောင်တားမြစ် သိုင်းကွက်တစ်ခုကိုပင် ရင်ဆိုင်ကာ အနိုင်ယူခဲ့ကြောင်း မျက်မြင်တွေ့ရပြီးနောက် သူတို့ အမှန်တကယ် ကြောက်လန့်ခဲ့ကြသည်။</p> <p> </p> <p> </p> <p>“သောက်ပဲ … ငါ့ရဲ့ အဆင့်လေး ဦးသျှောင်တားမြစ် သိုင်းကွက်ကို မင်း ဘယ်လိုများ ရင်ဆိုင်မလဲ ငါ ကြည့်စမ်းမယ်”</p> <p> </p> <p>ရုတ်တရက် စိမ်းပြာရောင် မီးလျှံများက ကောင်းကင်သို့ ထိုးတက်သွားခဲ့သည်။</p> <p> </p> <p>အခြားရွေးချယ်စရာ မရှိသည့် ဇော့ချိုတောက်ယိမှာ သူ၏ အဆင့်လေး ဦးသျှောင်တားမြစ် သိုင်းကွက်ကို အသုံးပြုခဲ့ရသည်။</p> <p> </p> <p> </p> <p>“ဝီး …”</p> <p> </p> <p>စိမ်းပြာရောင်မီးလျှံများ တိုးထွက်လာပြီးနောက် သွေးနီရောင်လျှပ်စီးက ရုတ်တရက် အရှိန်မြင့်ကာ ဇော့ချိုတောက်ယိရှေ့သို့ တစ်မုဟုတ်ချင်း ရောက်ရှိလာသည်။</p> <p> </p> <p>သွေးနီရောင်လျှပ်စီးက စိမ်းပြာရောင် မီးလျှံများနှင့် တိုးတိုက်ခဲ့ပြီး အတိုင်းအဆမဲ့သော စွမ်းအင်လှိုင်းများကို ဖြစ်ပေါ်စေခဲ့သည်။</p> <p> </p> <p> </p> <p>မျက်စိတစ်မှိတ်အတွင်း၌ စိမ်းပြာရောင် မီးလျှံများနှင့် သွေးနီရောင် လျှပ်စီးတို့က ရှေးဟောင်း ကောင်းကင်လျှပ်စီး အစီအရင်တစ်ခုလုံးကို ဖုံးလွှမ်းသွားခဲ့သည်။</p> <p> </p> <p> </p> <p>စွမ်းအင်လှိုင်းများ ပျက်ပြယ်သွားချိန်တွင် ဇော့ချိုကောင်းကင် မျိုးနွယ်စုဝင်များ အလုံးစုံ မှင်တက်မိသွားကြသည်။</p> <p> </p> <p> </p> <p>ဇော့ချိုတောက်ယိမှာ မြေပြင်ပေါ် လဲကျနေခဲ့သည့်အပြင် သူ့တစ်ကိုယ်လုံးလည်း တူးချစ်နေခဲ့သည်။ သူက ပြင်းထန်သော ဒဏ်ရာများဖြင့် အတိပြီးနေခဲ့ပြီး ထရပ်ရန်ပင် ခွန်အားမရှိခဲ့ပေ။</p> <p> </p> <p> </p> <p>ချူဖုန်းအတွက်မူ သူ လုံးဝ မထိခိုက်ခဲ့ပါချေ။</p> <p> </p> <p> </p> <p>ချူဖုန်းက အဆင့်လေး ဦးသျှောင်တားမြစ် သိုင်းကွက်တစ်ခုကို အင်မော်တယ်တားမြစ် သိုင်းကွက်တစ်ခုဖြင့် အမှန်တကယ် အနိုင်ယူနိုင်ခဲ့သည်။</p> <p> </p> <p> </p> <p>ထိုခဏ၌ တိတ်ဆိတ်မှုက ဒေသတစ်ခုလုံးကို ဖြည့်ဆည်းထားခဲ့သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုဝင်အားလုံး ငေးကြောင်ကြောင် မျက်လုံးများဖြင့် တွေဝေနေခဲ့ကြသည်။</p> <p> </p> <p> </p> <p>သူတို့၏ သခင်လေးတောက်ယိနှင့် ချူဖုန်းဟူသည့် လူငယ်တို့ အကြားတွင် ကွာဟချက်တစ်ခု ရှိနေခဲ့ကြောင်း သူတို့ သိထားသည့်တိုင် ထိုကွာဟချက်က ထိုမျှ ကြီးမားမည်ဟု သူတို့ လုံးဝ ထင်မှတ်မထားခဲ့ကြပေ။</p> <p> </p> <p> </p> <p>သူတို့၏ အသီးသီးသော အစွမ်းသတ္တိများကို အသုံးပြုခြင်းဖြင့် လူနှစ်ဦးစလုံးတွင် မဟာဦးသျှောင် အဆင့်လေး ကျင့်ကြံမှု ရှိနေခဲ့သည်။</p> <p> </p> <p> </p> <p>သို့တိုင် ချူဖုန်းက သူတို့၏ သခင်လေးတောက်ယိ၏ အဆင့်လေး ဦးသျှောင်တားမြစ် သိုင်းကွက်တစ်ခုကို အင်မော်တယ်တားမြစ် သိုင်းကွက်တစ်ခုဖြင့် အမှန်တကယ် အနိုင်ယူနိုင်ခဲ့သည်။ ကွာဟချက်က ၎င်းကို သူတို့ လက်ခံနိုင်စွမ်း မရှိသည်အထိ ကြီးမားလွန်းခဲ့သည်။</p> <p> </p> <p> </p> <p>နောက်ဆုံး၌ ချူဖုန်းက ပြောလာသည်။ သူ့လေသံမှာ ဇော့ချိုတောက်ယိအပေါ် အထင်သေးမှုဖြင့် ပြည့်နှက်နေခဲ့သည်။</p> <p> </p> <p>“အခု ခင်ဗျား နားလည်ပြီလား”</p> <p> </p> <p>“ခင်ဗျားကို ကျုပ် အနိုင်ယူနိုင်ခဲ့တာ ကျုပ်ရဲ့ သိုင်းကွက်တွေ ထူးထူးခြားခြား စွမ်းအားကောင်းပုံနဲ့ မပတ်သက်ဘူး … အဲဒီအစား ခင်ဗျား အားနည်းလွန်းလို့ပဲ”</p> <p> </p> <p> </p> <p>“ကျုပ်တို့နှစ်ယောက်စလုံးရဲ့ ကျင့်ကြံမှုတွေ မဟာဦးသျှောင် အဆင့်လေးကို မြင့်မားလာခဲ့ပေမဲ့ ကျုပ်တို့ရဲ့ တိုက်ပွဲဝင်စွမ်းအားတွေက လုံးဝ အဆင့်မတူဘူး”</p> <p> </p> <p> </p> <p>“ကျုပ်တို့ရဲ့ တိုက်ပွဲဝင်စွမ်းအားတွေ ကြားထဲမှာ ကွာဟချက်ကြီးလွန်းတယ် … အဲဒါက ကျင့်ကြံမှုအဆင့်တစ်ခု ကွာဟချက်နဲ့ အတူတူလောက် ရှိတယ်”</p> <p> </p> <p> </p> <p>“အဲဒီလောက် ကြီးမားတဲ့ ကွာဟချက်တစ်ခု ရှိနေတဲ့အတွက် ခင်ဗျားသုံးတဲ့ သိုင်းကွက်တစ်ခု ဘယ်လောက် စွမ်းအားကောင်းပါစေ၊ အားလုံးက အသုံးဝင်မှာ မဟုတ်ဘူး”</p> <p> </p> <p> </p> <p>“သောက်ရေးမပါတာ … မင်းမှာ ရတနာတစ်ပါး ရှိနေတာ မဟုတ်ရင် မင်းရဲ့ အစစ်အမှန် ကျင့်ကြံမှုကို ကွယ်ဝှက်ထားတာပဲ”</p> <p> </p> <p> </p> <p>“မင်း နိုင်သွားတာကို ငါ ဝန်ခံပေမဲ့ မင်းရဲ့ ခွန်အားကို ဖုံးကွယ်ထားပြီး ငါ့ကို အရှက်ခွဲဖို့ တကယ် လိုအပ်လို့လား”</p> <p> </p> <p>ဇော့ချိုတောက်ယိမှာ ချူဖုန်းကို မယုံကြည်ခဲ့ဘဲ ဒေါသတကြီး ကျိန်ဆဲခဲ့သည်။</p> <p> </p> <p>အမှန်တွင်မူ ချူဖုန်း၏ ပြောဆိုချက်များကို သူ လက်ခံနိုင်စွမ်း မရှိခဲ့ခြင်း ဖြစ်သည်။ သူတို့၏ တိုက်ပွဲဝင်စွမ်းအားများ အကြားတွင် ထိုမျှ ကြီးမားသော ကွာဟချက်တစ်ခု ရှိနေခဲ့သည်ဟု သူ လက်မခံနိုင်ခဲ့ပါချေ။</p> <p> </p> <p> </p> <p>နောက်ဆုံးတွင် သူက ပါရမီရှင်တစ်ဦး ဖြစ်နေခဲ့သည် မဟုတ်ပါလော။ တူညီသော ကျင့်ကြံမှုအောက်တွင် သူ့ကို ရင်ဆိုင်နိုင်သူ နည်းပါးခဲ့သည်။</p> <p> </p> <p> </p> <p>သူ၏ တိုက်ပွဲဝင်စွမ်းအားမှာ သူ၏ ကျင့်ကြံမှု အထွတ်အထိပ်တွင် ရှိနေသည်ဟု သူ မှတ်ယူထားခဲ့သည်။</p> <p> </p> <p> </p> <p>အကယ်၍ သူ၏ တိုက်ပွဲဝင်စွမ်းအားသာ အထွတ်အထိပ်သို့ ရောက်ရှိနေခဲ့ပြီးလျှင် သူ၏ တိုက်ပွဲဝင်စွမ်းအားနှင့် ချူဖုန်း၏ တိုက်ပွဲဝင်စွမ်းအားတို့ အကြားတွင် ထိုမျှ ကြီးမားသော ကွာဟချက်တစ်ခု မည်သို့ ရှိနေနိုင်သနည်း။</p> <p> </p> <p> </p> <p>အမှန်အားဖြင့် ချူဖုန်း၏ ပြောဆိုချက်များကို သူတစ်ဦးတည်း မယုံကြည်ခဲ့ခြင်း မဟုတ်ပါချေ။ ဇော့ချိုကောင်းကင် မျိုးနွယ်စုဝင်များလည်း ချူဖုန်းကို မယုံကြည်ခဲ့ကြပေ။</p> <p> </p> <p> </p> <p>သို့သော် အပေါ်ဘက်တိမ်များရှိ နဂါးမျိုးနွယ်စုမှ အဘိုးအိုနှင့် မိန်းကလေးတို့မှာ သေချာသော အမူအရာများကို လှစ်ဟနေခဲ့ကြသည်။</p> <p> </p> <p> </p> <p>“ဇော့ချိုကောင်းကင် မျိုးနွယ်စုရဲ့ ပါရမီရှင်နှစ်ယောက်က အရည်အချင်းရှိပေမဲ့ သူတို့ရဲ့ လက်ရှိ ကျင့်ကြံမှုတွေကို ရဖို့အတွက် ရတနာ အတော်များများကို အားပြုခဲ့ရပုံပဲ … အဲဒါကြောင့် သူတို့ရဲ့ ကျင့်ကြံမှုတွေ မတည်ငြိမ်ဘူး”</p> <p> </p> <p> </p> <p>“ဒါပေမဲ့ ဟိုချူဖုန်းရဲ့ ကျင့်ကြံမှုက အရမ်း သန်မာတယ် … ပြီးတော့ သူ့ရဲ့ တိုက်ပွဲဝင်စွမ်းအားက အစကတည်းက အရမ်း အံ့ဩဖို့ကောင်းတယ် … သူတို့နှစ်ယောက်ကြားမှာ အဲဒီလို ကြီးမားတဲ့ ကွာဟချက်တစ်ခု ရှိနေတာ အဲဒါကြောင့်ပဲ”</p> <p> </p> <p>အဘိုးအိုက ပြောလိုက်သည်။</p> <p> </p> <p>“ဒါပေမဲ့ ရှေးဟောင်း ကောင်းကင်လျှပ်စီး အစီအရင်ရဲ့ စွမ်းအားက ပျောက်ကွယ်တော့မယ့်ပုံ ရှိတယ်”</p> <p> </p> <p> </p> <p>“အဲဒီနောက် သူ ဘာလုပ်မှာလဲ”</p> <p> </p> <p>မိန်းကလေးက မေးလိုက်သည်။</p> <p> </p> <p>“ဝှစ် …”</p> <p> </p> <p>ရုတ်တရက် ချူဖုန်းက သူ၏ အင်္ကျီလက်ကို ဝှေ့ယမ်းလိုက်ပြီး သူ၏ ဖိနှိပ်အားကို ထုတ်လွှတ်လိုက်သည်။</p> <p> </p> <p>ထို့နောက် ဇော့ချိုတောက်ယိနှင့် သူ့ညီ ဇော့ချိုထျန်းချင်တို့မှာ ချူဖုန်း၏ ဖိနှိပ်အားကြောင့် ကန့်သတ်ခံရပြီး လေထဲသို့ ဆွဲယူခံခဲ့ကြရသည်။</p> <p> </p> <p> </p> <p>ညီအစ်ကိုနှစ်ဦး ကိုင်ဆောင်ထားသည့် ဓားများလည်း ချူဖုန်း၏ ထိန်းချုပ်ခြင်း ခံထားခဲ့ရသည်။</p> <p> </p> <p> </p> <p>ထိုခဏ၌ ဓားနှစ်လက်က ညီအစ်ကိုနှစ်ဦးထံ ဦးလှည့်နေခဲ့သည်။</p> <p> </p> <p> </p> <p>“ချူဖုန်း၊ မင်း ဘာလုပ်ဖို့ ကြိုးစားနေတာလဲ”</p> <p> </p> <p>၎င်းကို မြင်မြင်ချင်း ဇော့ချိုဟန်ရွှင်နှင့် ကျန်ဇော့ချိုကောင်းကင် မျိုးနွယ်စုဝင် အများအပြားက ကျယ်လောင်စွာ အော်ပြောလိုက်ကြသည်။</p> <p> </p> <p>သူတို့၏ ခြိမ်းခြောက်မှုများ မရပ်မနား ထွက်ပေါ်နေခဲ့သည်။</p> <p> </p> <p> </p> <p>ချူဖုန်းက သူတို့၏ ပါရမီရှင် သခင်လေးနှစ်ဦးကို သတ်ဖြတ်လိမ့်မည်ဟု သူတို့ စိုးရွံ့နေခဲ့ကြသည်။</p> <p> </p> <p> </p> <p>သို့သော် ချူဖုန်းမှာ သူတို့ကို အာရုံမစိုက်ခဲ့ပေ။ ထိုအစား သူက ဇော့ချိုကောင်းကင် မျိုးနွယ်စုခေါင်းဆောင်ဘက်သို့ လှည့်ကြည့်ကာ ပြောလိုက်လေသည်။</p> <p> </p> <p>“ခင်ဗျားရဲ့ သားနှစ်ယောက်ထဲက တစ်ယောက်ပဲ အသက်ရှင်နိုင်တယ် … ဘယ်သူဆိုတာ ခင်ဗျားဆုံးဖြတ်”</p> <p> </p> <p> </p> <p style="text-align: center;">***</p> <p> </p>


Save