Book List

<h2 style="text-align: center;">အခန်း(၄၁၄၃)</h2> <h2 style="text-align: center;">ကြောက်စရာကောင်းသော လျှပ်စီး</h2> <h2 style="text-align: center;">*</h2> <p> </p> <p> </p> <p>“ကျုပ် ခန့်မှန်းတာ မှားသွားခဲ့ပုံပဲ”</p> <p> </p> <p>နဂါးမျိုးနွယ်စုမှ အဘိုးအိုက ပြောလိုက်သည်။</p> <p> </p> <p>“အဘိုးပု၊ ရှင် ဘာကို ဆိုလိုတာလဲ”</p> <p> </p> <p>မိန်းကလေးက မေးလိုက်သည်။</p> <p> </p> <p>“အဲဒီ တည်နေရာပြောင်း အဆောင်က သာမန် အင်အားစုတွေ ပိုင်ဆိုင်ထားမယ့် အရာတစ်ခု မဟုတ်ဘူး”</p> <p> </p> <p>အဘိုးအိုက ပြောလိုက်လေသည်။</p> <p> </p> <p>“အဲဒါ အမွေအနှစ် နယ်မြေတစ်ခုကနေ ရခဲ့တဲ့ အရာတစ်ခု ဖြစ်နိုင်လား”</p> <p> </p> <p>မိန်းကလေးက ထပ်မေးလိုက်သည်။</p> <p> </p> <p>“မဖြစ်နိုင်ဘူး”</p> <p> </p> <p>အဘိုးအိုက ပြောလိုက်၏။</p> <p> </p> <p>“ဪ”</p> <p> </p> <p>မိန်းကလေး၏ အကြည့် အနည်းငယ် ပြောင်းလဲသွားခဲ့သည်။</p> <p> </p> <p>ထို့နောက် သူမမျက်နှာထက်တွင် အပြုံးရေးရေး ပေါ်လာသည်။</p> <p> </p> <p>“စိတ်ဝင်စားစရာပဲ”</p> <p> </p> <p>“ဒါက ပြဿနာတွေကို ဒီဇော့ချိုကောင်းကင် မျိုးနွယ်စု ဖိတ်ခေါ်မိခဲ့တဲ့ အဓိပ္ပာယ် ဖြစ်မနေဘူးလား”</p> <p> </p> <p>မိန်းကလေးက မေးလိုက်သည်။</p> <p> </p> <p>“သူတို့တွေ ပြဿနာရှာမိခဲ့တာ အမှန်ပဲ … ဒါပေမဲ့ အဲဒီချူဖုန်း ထွက်သွားတာကို ကြည့်ရင် သူက ဇော့ချိုကောင်းကင် မျိုးနွယ်စုကို အခက်တွေ့အောင် လုပ်ဖို့ ရည်ရွယ်ထားပုံ မရဘူး”</p> <p> </p> <p>နဂါးမျိုးနွယ်စု၏ အဘိုးအိုက ပြောလိုက်သည်။</p> <p> </p> <p>“အဲဒီလိုဆိုရင် ကိစ္စတွေက ပျင်းစရာကောင်းသွားလိမ့်မယ်”</p> <p> </p> <p> </p> <p>“ပွဲပြီးပြီ … အဘိုးပု၊ သွားကြရအောင်”</p> <p> </p> <p>နဂါးမျိုးနွယ်စုမှ မိန်းကလေးမှာ စိတ်ပျက်သော အမူအရာကို လှစ်ဟလာသည်။ ထို့နောက် သူမက နောက်လှည့်ကာ စတင် ထွက်ခွာသွားခဲ့သည်။ အဘိုးအိုလည်း လိုက်ပါသွားလေတော့သည်။</p> <p> </p> <p>သူတို့ ထွက်ခွာသွားသည်ကို ဇော့ချိုကောင်းကင် မျိုးနွယ်စုဝင်များ မသိကြပါချေ။</p> <p> </p> <p> </p> <p>သူတို့ကို နဂါးမျိုးနွယ်စုမှ သိုင်းထိပ်သီးများ လျှို့ဝှက်စွာ စောင့်ကြည့်နေခဲ့ကြောင်း သူတို့အနက် မည်သူတစ်ဦးမျှ မသိခဲ့ပေ။</p> <p> </p> <p> </p> <p>ထိုခဏ၌ ဇော့ချိုကောင်းကင် မျိုးနွယ်စုဝင်များမှာ ဇော့ချိုထျန်းချင်နှင့် ဇော့ချိုတောက်ယိတို့အတွက် စိုးရိမ်မှုများဖြင့်သာ ပြည့်နှက်နေခဲ့ကြသည်။</p> <p> </p> <p> </p> <p>သို့သော် ရှေးဟောင်း ကောင်းကင်လျှပ်စီး အစီအရင်၏ စွမ်းအား ပျောက်ကွယ်မသွားမီ မည်သည်ကိုမျှ သူတို့ မပြုလုပ်နိုင်ကြပါချေ။</p> <p> </p> <p> </p> <p>အချိန်အတန်ကြာ စောင့်ဆိုင်းပြီးနောက် ရှေးဟောင်း ကောင်းကင်လျှပ်စီး အစီအရင်၏ စွမ်းအား ပျောက်ကွယ်လာသည်။</p> <p> </p> <p> </p> <p>တစ်ချိန်တည်း၌ ကျောက်တိုင်များ စတင် လဲကျခဲ့သည်။</p> <p> </p> <p> </p> <p>ရှေးဟောင်း ကောင်းကင်လျှပ်စီး အစီအရင် ပြိုကျခဲ့သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုဝင်များမှာ ရှေးဟောင်း ကောင်းကင်လျှပ်စီး အစီအရင် ပြိုကျမှုကို အရေးမစိုက်ခဲ့ကြပေ။ ထိုအစား သူတို့အားလုံး ဇော့ချိုထျန်းချင်နှင့် ဇော့ချိုတောက်ယိတို့ထံ ပြေးသွားခဲ့ကြသည်။</p> <p> </p> <p> </p> <p>“ထျန်းချင်၊ မင်း အဆင်ပြေရဲ့လား”</p> <p> </p> <p>ဇော့ချိုထျန်းချင်ရှေ့သို့ သူ ရောက်ရှိလာပြီးနောက် ဇော့ချိုကောင်းကင် မျိုးနွယ်စုခေါင်းဆောင်က စိုးရိမ်တကြီး မေးလိုက်သည်။</p> <p> </p> <p>ဇော့ချိုကောင်းကင် မျိုးနွယ်စု၏ ကမ္ဘာ့စိတ်ဝိညာဉ် ထိန်းချုပ်သူ ပညာရှင်များလည်း ပြေးလာခဲ့ကြသည်။ သူတို့က ဇော့ချိုထျန်းချင်ထံမှ အဆိပ်ပိုးကောင်ကို အတင်းအကျပ် ဖယ်ထုတ်ရန် ရည်ရွယ်ခဲ့ကြသည်။</p> <p> </p> <p> </p> <p>သို့သော် အချိန်အတော်ကြာ ကြိုးစားပြီးနောက် ဇော့ချိုကောင်းကင် မျိုးနွယ်စု၏ ကမ္ဘာ့စိတ်ဝိညာဉ် ထိန်းချုပ်သူ ပညာရှင်အားလုံး စိတ်ပျက်လက်ပျက် ခေါင်းယမ်းခဲ့ကြသည်။</p> <p> </p> <p> </p> <p>“ဒါ ဘာအဓိပ္ပာယ်လဲ … အဲဒါနဲ့ ပတ်သက်ပြီး မင်းတို့အားလုံး ဘာမှ မတတ်နိုင်ဘူးလို့ ကျုပ်ကို ပြောမလို့လား”</p> <p> </p> <p>ဇော့ချိုကောင်းကင် မျိုးနွယ်စုခေါင်းဆောင်က ဒေါသတကြီး အော်ပြောလိုက်သည်။</p> <p> </p> <p>“မျိုးနွယ်စုခေါင်းဆောင်သခင်၊ အဲဒါက သာမန်အဆိပ် မဟုတ်ပါဘူး … အဲဒါ ကျိန်စာတစ်ခု၊ အရမ်း ဒုက္ခပေးတဲ့ နည်းလမ်းတစ်ခုပါ … ကျုပ်တို့က .. အဲဒါနဲ့ ရင်ဆိုင်ရာမှာ တကယ်ကို စွမ်းအားမရှိပါဘူး … တကယ်လို့ အဲဒါကို ဖယ်ရှားဖို့ ကျုပ်တို့ မဆင်မခြင် ကြိုးစားရင် သခင်လေးထျန်းချင်ရဲ့ အသက်ကို ဆုံးရှုံးရနိုင်ပါတယ်”</p> <p> </p> <p>ဇော့ချိုကောင်းကင် မျိုးနွယ်စု၏ ကမ္ဘာ့စိတ်ဝိညာဉ် ထိန်းချုပ်သူ ပညာရှင်များက ပြောလိုက်ကြသည်။</p> <p> </p> <p>“ချူဖုန်း၊ မင်းက ငါ့ကို ငါ့သားရဲ့ ဘေးကင်းမှုနဲ့ ခြိမ်းခြောက်ရဲခဲ့တယ်”</p> <p> </p> <p> </p> <p>“ငါ အမုန်းဆုံးက ခြိမ်းခြောက်ခံရတာကိုပဲ”</p> <p> </p> <p> </p> <p>“လာကြစမ်း … အဲဒီချူဖုန်းရဲ့ ဇာစ်မြစ်ကို သွားစုံစမ်းကြ … သူ ဘယ်ကလာခဲ့သလဲ သိအောင်လုပ်ကြ”</p> <p> </p> <p> </p> <p>“သူ့လုပ်ရပ်တွေကို သူ နောင်တရစေရမယ်”</p> <p> </p> <p> </p> <p>“ဒီချူဖုန်းနဲ့ သိတဲ့သူတိုင်းကို သူနဲ့အတူ မြေမြှုပ်ပစ်မယ် … တစ်ယောက်မှ အသက်ရှင်ဖို့ မစဉ်းစားနဲ့”</p> <p> </p> <p>ဇော့ချိုကောင်းကင် မျိုးနွယ်စုခေါင်းဆောင်မှာ ဒေါသတကြီး အော်ပြောလာပြန်သည်။</p> <p> </p> <p>သူ အမှန်တကယ် ဒေါသထွက်နေခဲ့သည်။ ထို့ကြောင့် သူက ဒေါသအပြင် ပြည့်လျှမ်းသော သတ်ဖြတ်လိုသည့် အသိကိုလည်း ထုတ်လွှတ်ထားခဲ့သည်။</p> <p> </p> <p> </p> <p>အုံကြွနေသော သတ်ဖြတ်လိုသည့် အသိက ကောင်းကင်သို့ ထိုးတက်ကာ မိုင်သောင်းချီ၍ လွှမ်းခြုံသွားခဲ့သည်။ ပတ်ဝန်းကျင် ရာသီဥတုပင် သတ်ဖြတ်လိုသည့် အသိကြောင့် သက်ရောက်ခံခဲ့ရသည်။</p> <p> </p> <p> </p> <p>တိမ်မည်းများက ဒေသကို ဖုံးအုပ်ထားခဲ့သည်။ ၎င်းမှာ အလွန် ကြောက်စရာကောင်းသော မြင်ကွင်းတစ်ခုပင်။</p> <p> </p> <p> </p> <p>ဇော့ချိုကောင်းကင် မျိုးနွယ်စုဝင်များအနက် တစ်စုံတစ်ရာ ပြောဆိုဝံ့သူ မရှိခဲ့ပေ။</p> <p> </p> <p> </p> <p>စောစောပိုင်းက သူ့ဖခင်၏ ရွေးချယ်မှုကြောင့် မကျေမနပ် ဖြစ်နေခဲ့သူ ဇော့ချိုတောက်ယိပင် တစ်စုံတစ်ရာ မပြောဝံ့ခဲ့ပါချေ။</p> <p> </p> <p> </p> <p>သူတို့၏ မျိုးနွယ်စုခေါင်းဆောင်သခင် ဒေါသထွက်ချိန်တွင် မည်မျှ ကြောက်စရာကောင်းသော ပုဂ္ဂိုလ်တစ်ဦး ဖြစ်ကြောင်း သူတို့အားလုံး သိနေကြသည်။</p> <p> </p> <p> </p> <p>အကယ်၍ ယခုအချိန်တွင် မည်သူမဆို သူ့ကို လှုံ့ဆော်ဝံ့ခဲ့ပါက သူ၏ မျိုးနွယ်စုဝင်များ ဖြစ်နေလျှင်ပင် သေဘေးကို ဖိတ်ခေါ်မိဆဲ ဖြစ်ပေလိမ့်မည်။</p> <p> </p> <p> </p> <p>“ဂျိန်း …”</p> <p> </p> <p> </p> <p>“ဂျိန်း …”</p> <p> </p> <p>ရုတ်တရက် အပေါ်ဘက်တိမ်များထံမှ ထစ်ချုန်းသံများ ထွက်ပေါ်လာသည်။</p> <p> </p> <p>ထစ်ချုန်းသံများ ကျယ်လောင်လွန်း၍ ဇော့ချိုကောင်းကင် မျိုးနွယ်စုဝင် အများအပြားမှာ ၎င်းကို ကြံ့ကြံ့ခံနိုင်စွမ်း မရှိခဲ့ကြပေ။</p> <p> </p> <p> </p> <p>လူအများအပြားမှာ သူတို့၏ နားများကို အုပ်ထားခဲ့ပြီး ထူးခြားသော နည်းစနစ်များကို အသုံးပြု၍ သူတို့ကိုယ်သူတို့ ကာကွယ်ရန်ပင် ကြိုးစားခဲ့ကြသည်။</p> <p> </p> <p> </p> <p>သူတို့ ထိုကဲ့သို့ ပြုလုပ်ခဲ့သည်မှာ ထစ်ချုန်းသံသက်သက်ကပင် သူတို့၏ ဇော့ချိုကောင်းကင် မျိုးနွယ်စုဝင် အများအပြားကို မျက်နှာဒွါရအားလုံးမှ သွေးထွက်၍ မြေပြင်သို့ ပြုတ်ကျသေဆုံးစေရန် လုံလောက်ကြောင်း တွေ့ရှိခဲ့ကြရ၍ ဖြစ်သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုဝင်အားလုံး ချောက်ချားနေခဲ့ကြသည်။</p> <p> </p> <p> </p> <p>ထိုခဏ၌ သူတို့အားလုံး သူတို့၏ မျိုးနွယ်စုခေါင်းဆောင်သခင်ထံ အကြည့်ရွှေ့လာကြသည်။</p> <p> </p> <p> </p> <p>ဒေါသမိုးထိုးနေပြီး သူ့စွမ်းအားကို ထိန်းချုပ်နိုင်စွမ်း မရှိဘဲ သူတို့၏ မျိုးနွယ်စုဝင်များကို ဒဏ်ရာရစေခဲ့သူမှာ သူတို့၏ မျိုးနွယ်စုခေါင်းဆောင်သခင် ဖြစ်သည်ဟု သူတို့ တွေးထင်မိခဲ့ကြသည်။</p> <p> </p> <p> </p> <p>သို့သော် ဇော့ချိုကောင်းကင် မျိုးနွယ်စုခေါင်းဆောင်၏ မျက်နှာထက်တွင်လည်း စိတ်ရှုပ်ထွေးသော အမူအရာတစ်ခု ရှိနေခဲ့သည်။</p> <p> </p> <p> </p> <p>ဤကိစ္စကို သူ ပြုလုပ်ခဲ့ခြင်း မဟုတ်ကြောင်း သူ ကောင်းစွာ သိနေသည်။ သူ မည်မျှ ဒေါသထွက်နေခဲ့စေကာမူ၊ သူ၏ မျိုးနွယ်စုဝင်များကို ထိခိုက်စေရန် မဖြစ်နိုင်ပါချေ။</p> <p> </p> <p> </p> <p>ထို့ပြင် ထစ်ချုန်းသံများက ကျယ်လောင်သည်ထက် ကျယ်လောင်လာသည်။ ၎င်းမှာ အမှန်တကယ် ကြောက်စရာကောင်းလွန်းခဲ့သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုခေါင်းဆောင်ပင် ကြောက်ရွံ့နေခဲ့သည်။</p> <p> </p> <p> </p> <p>ထစ်ချုန်းသံကပင် ထိုမျှ အားကောင်းနေခဲ့ပြီးချေပြီ။</p> <p> </p> <p> </p> <p>အကယ်၍ ထိုထစ်ချုန်းသံကို ဖြစ်ပေါ်စေခဲ့သည့် လျှပ်စီးသာ အပေါ်ဘက်မှ ကျဆင်းလာလျှင် ၎င်းမှာ မည်သို့သော ကပ်ဘေးမျိုး ဖြစ်မည်နည်း။</p> <p> </p> <p> </p> <p>သူပင် လျှပ်စီးကို ရင်ဆိုင်နိုင်မည့်ဟန် မရှိပါချေ။</p> <p> </p> <p> </p> <p>ကောင်းကင်သို့ အသေအချာ လှမ်းကြည့်မိလျှင် ဇော့ချိုကောင်းကင် မျိုးနွယ်စုဝင်များ ပိုမို၍ပင် ထိတ်လန့်တကြား ဖြစ်လာခဲ့ကြသည်။</p> <p> </p> <p> </p> <p>တိမ်များတွင် အဆုံးမရှိသော လျှပ်စီးများ ရှိနေခဲ့ကြောင်း သူတို့ မှင်တက်မိစွာ တွေ့ရှိခဲ့ကြရသည်။ လျှပ်စီးကြောင်းများက လှည့်လည်နေသော နဂါးများနှယ် တိမ်များကို ဖြတ်သန်း၍ လျင်မြန်စွာ ပြေးလွှားနေလျက် ရှိကြသည်။</p> <p> </p> <p> </p> <p>ထိုလျှပ်စီးကြောင်း တစ်ခုစီတိုင်းက ဖျက်ဆီးနိုင်သော အရှိန်အဝါတစ်ခုကို ထုတ်လွှတ်နေခဲ့သည်။</p> <p> </p> <p> </p> <p>အရေးအကြီးဆုံးမှာ ကောင်းကင်ကို ဖြည့်ဆည်းထားခဲ့သည့် လျှပ်စီးများက သူတို့ထံ အချိန်မရွေး ကျဆင်းလာနိုင်ခြင်း ဖြစ်သည်။</p> <p> </p> <p> </p> <p>အကယ်၍ လျှပ်စီးသာ ကျရောက်လာလျှင် သူတို့ မလွဲမသွေ အသတ်ခံရပေလိမ့်မည်။</p> <p> </p> <p> </p> <p>၎င်းမှာ ထူးခြားသော လက္ခဏာတစ်ခု မဟုတ်ကြောင်း သူတို့ ပြောနိုင်ကြပေသည်။ ထိုအစား သူတို့၏ မျိုးနွယ်စုတစ်ခုလုံးကို သုတ်သင်နိုင်သည်အထိ အားကောင်းလွန်းသည့် စွမ်းအားတစ်ခု၊ အမှန်တကယ် ကြောက်စရာကောင်းသော စွမ်းအားတစ်ခုပင်။</p> <p> </p> <p> </p> <p>“မျိုးနွယ်စုခေါင်းဆောင်သခင်၊ ဘာတွေဖြစ်နေတာလဲ”</p> <p> </p> <p>ထိတ်လန့်နေသည့် ဇော့ချိုကောင်းကင် မျိုးနွယ်စုဝင်အားလုံး သူတို့၏ မျိုးနွယ်စု ခေါင်းဆောင်သခင်ဘက်သို့ လှည့်ကြည့်လိုက်မိကြသည်။</p> <p> </p> <p>အခြေအနေအရ ကြောက်စရာကောင်းသော လျှပ်စီးကို ဖြစ်ပေါ်စေခဲ့သည်မှာ သူတို့၏ မျိုးနွယ်စုခေါင်းဆောင်သခင် မဟုတ်ကြောင်း သူတို့ သဘောပေါက်ခဲ့ကြသည်။</p> <p> </p> <p> </p> <p>ထိုမျှ ကြောက်စရာကောင်းသော လျှပ်စီးကို သူတို့၏ မျိုးနွယ်စုခေါင်းဆောင်သခင်ပင် စုဖွဲ့နိုင်မည် မဟုတ်ကြောင်း သူတို့ သိနေကြသည်။</p> <p> </p> <p> </p> <p>သူတို့ မသိခဲ့ကြသည်မှာ မည်သည့်ကိစ္စ ဖြစ်ပျက်နေခဲ့သည်ကို သူတို့၏ မျိုးနွယ်စုခေါင်းဆောင်သခင်ပင် မသိခြင်း ဖြစ်သည်။</p> <p> </p> <p> </p> <p>ထိုမျှ ကြောက်စရာကောင်းသော မြင်ကွင်းတစ်ခုက သူတို့၏ ဦးခေါင်းထက်တွင် မည်သည့်အတွက် ရုတ်တရက် ပေါ်လာရမည်နည်း။</p> <p> </p> <p> </p> <p>၎င်းမှာ ရှေးဟောင်း ကောင်းကင်လျှပ်စီး အစီအရင် ပျက်စီးမှုကြောင့် ဖြစ်နိုင်ပေသလော။</p> <p> </p> <p> </p> <p>သူတို့ရှေ့မှောက်ရှိ ကြောက်စရာကောင်းသော မြင်ကွင်းကို မည်သည့်အရာက ဖြစ်ပေါ်စေခဲ့ကြောင်း သူတို့၏ မျိုးနွယ်စုခေါင်းဆောင်သခင်ပင် မသိခဲ့ပေ။</p> <p> </p> <p> </p> <p>“ပြေးကြတော့ … မျိုးနွယ်စုဝင်အားလုံး၊ ကျုပ်တို့တွေ ဒီနေရာကနေ ချက်ချင်း ထွက်သွားရမယ်”</p> <p> </p> <p>ဇော့ချိုကောင်းကင် မျိုးနွယ်စုခေါင်းဆောင်က အမိန့်ပေးလိုက်၏။ ဤသည်မှာ သူ ချမှတ်နိုင်သည့် တစ်ခုတည်းသော ဆုံးဖြတ်ချက်ပင်။ သူ့အနေဖြင့် သူ၏ မျိုးနွယ်စုဝင်များကို ထိုမျှ အန္တရာယ်များသော နေရာတစ်ခုမှ ထွက်ပြေးခိုင်းရန် လိုအပ်နေခဲ့သည်။</p> <p> </p> <p>အကယ်၍ သူတို့သာ ယခု ထွက်မပြေးခဲ့လျှင် လျှပ်စီးများ ကျရောက်လာသည်နှင့် ကျိန်းသေပေါက် အသတ်ခံရပေလိမ့်မည်။</p> <p> </p> <p> </p> <p>သူ အမိန့်ပေးပြီးသည်နှင့် ဇော့ချိုကောင်းကင် မျိုးနွယ်စုဝင် အများအပြားမှာ ကောင်းကင်သို့ ထိုးတက်ကာ ထွက်ပြေးရန် ကြိုးစားခဲ့ကြသည်။</p> <p> </p> <p> </p> <p>“ဂျိန်း …”</p> <p> </p> <p>သို့သော် ထိုလူများ စတင် ထွက်ပြေးမိသည်နှင့် ကောင်းကင်မှ လျှပ်စီးကြောင်းများစွာ ကျဆင်းလာသည်။</p> <p> </p> <p>လျှပ်စီးများက ထွက်ပြေးသူများကို ထိမှန်ခဲ့သည်။</p> <p> </p> <p> </p> <p>လျှပ်စီးဖြင့် ထိမှန်ခံရသည့် လူအားလုံး တစ်ဦးမကျန် သေဆုံးသွားခဲ့ကြသည်။</p> <p> </p> <p> </p> <p>သူတို့၏ သေဆုံးမှုများမှာ လုံးလုံးလျားလျား ဆိုးရွားခဲ့သည်။ ဆံခြည်တစ်မျှင်ပင် မကြွင်းကျန်ခဲ့ပါချေ။ သူတို့အားလုံး ပြာကျသွားခဲ့သည်။</p> <p> </p> <p> </p> <p>၎င်းကို မြင်လျှင် ကျန်ဇော့ချိုကောင်းကင် မျိုးနွယ်စုဝင်များမှာ ထိတ်လန့်နေခဲ့ပြီး မလှုပ်ရှားဝံ့ခဲ့ကြပေ။</p> <p> </p> <p> </p> <p>လျှပ်စီးမှာ သူတို့ထံ ရည်ရွယ်ခဲ့ကြောင်း သူတို့ သဘောပေါက်ခဲ့ကြသည်။ လျှပ်စီးက သူတို့ကို ထွက်သွားရန် ခွင့်မပြုခဲ့ပေ။ အကယ်၍ ထွက်ပြေးရန် ကြိုးစားခဲ့လျှင် သူတို့ အသတ်ခံရပေလိမ့်မည်။</p> <p> </p> <p> </p> <p>“ဒီသိုင်းထိပ်သီး ဘယ်သူဆိုတာနဲ့ ဘာကြောင့် ကျုပ်ရဲ့ ဇော့ချိုကောင်းကင် မျိုးနွယ်စုကို အခက်တွေ့အောင် လုပ်နေတာလဲ ကျုပ် သိရမလား”</p> <p> </p> <p>သေရေးရှင်ရေး အခိုက်အတန့်၌ ပြောလာသူမှာ ဇော့ချိုကောင်းကင် မျိုးနွယ်စုဝင်ခေါင်းဆောင်ပင်။</p> <p> </p> <p>လျှပ်စီးမှာ သဘာဝအတိုင်း ဖြစ်ပေါ်ခဲ့ခြင်း မဟုတ်ကြောင်း သူ သဘောပေါက်ခဲ့သည်။ ထိုအစား ၎င်းကို တစ်စုံတစ်ဦး ဖန်တီးထားခဲ့ခြင်း ဖြစ်နိုင်ပေသည်။</p> <p> </p> <p> </p> <p>“ဝီး …”</p> <p> </p> <p>ထိုစကားများကို သူ ပြောပြီးနောက် ထူးဆန်းသော ဖြစ်ရပ်တစ်ခု ပေါ်ပေါက်လာသည်။</p> <p> </p> <p>ကြောက်စရာကောင်းသော ထစ်ချုန်းသံများ ရပ်တန့်သွားခဲ့သည်။</p> <p> </p> <p> </p> <p>ကြောက်စရာကောင်းသော လျှပ်စီးလည်း စတင် ပျောက်ကွယ်ခဲ့သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုဝင်များ အလုံးစုံ စိတ်ရှုပ်ထွေးလာကြသည်။ မည်သို့ ဖြစ်ပျက်ခဲ့ကြောင်း သူတို့ မသိကြပါချေ။</p> <p> </p> <p> </p> <p>လျှပ်စီး ပျောက်ကွယ်သွားခဲ့သည့်တိုင် ဇော့ချိုကောင်းကင် မျိုးနွယ်စုဝင်များမှာ ကောင်းကင်သို့ စိုက်ကြည့်နေကြဆဲ ဖြစ်သည်။ ကြောက်ရွံ့မှုက သူတို့၏ မျက်လုံးများကို ဖုံးလွှမ်းထားခဲ့ဆဲပင်။</p> <p> </p> <p> </p> <p>သူတို့ အလွန်အကျွံ စိုးရိမ်နေခဲ့ကြခြင်း မဟုတ်ပါချေ။ စောစောပိုင်းက လျှပ်စီးမှာ အမှန်ပင် ကြောက်စရာကောင်းလွန်းခဲ့သည်။</p> <p> </p> <p> </p> <p>ရုတ်တရက် ကောင်းကင်ရှိ တိမ်မည်းများ ပြောင်းလဲလာသည်။</p> <p> </p> <p> </p> <p>တိမ်မည်းများတွင် ပေါ်ပေါက်ခဲ့သည့် ပြောင်းလဲမှုကို မြင်လျှင် ဇော့ချိုကောင်းကင် မျိုးနွယ်စုဝင်များ၏ အမူအရာများ ကြီးကြီးမားမား ပျက်ယွင်းသွားခဲ့သည်။ ကြောက်စိတ်ရစ်ဝဲမှုက သူတို့၏ မျက်နှာများကို ဖြည့်ဆည်းထားခဲ့သည်။</p> <p> </p> <p> </p> <p>ဇော့ချိုကောင်းကင် မျိုးနွယ်စုခေါင်းဆောင်တွင်ပင် အလားတူ တုံ့ပြန်မှု ရှိနေခဲ့သည်။</p> <p> </p> <p> </p> <p>အကြောင်းကား တိမ်မည်းများက စာလုံးကြီးများအဖြစ် အသွင်ပြောင်းခဲ့၍ ဖြစ်ပေတော့သည်။</p> <p> </p> <p>‘ချူဖုန်းကို ထိပါးရဲရင် မင်းတို့ရဲ့ မျိုးနွယ်စုတစ်ခုလုံး သုတ်သင်ခံရမယ်’</p> <p> </p> <p> </p> <p style="text-align: center;">***</p> <p> </p>


Save