Book List

<h2 style="text-align:center">ရှေးဟောင်းမြင့်မြတ်ခန္ဓာမှစတင်၍ (ကျွင်းရှောင်ယောက်)</h2> <h2 style="text-align:center">မူရင်း စာစဉ်အမည် ; Scoring the Sacred Body of the Ancients from the Get-go</h2> <h2 style="text-align:center">မူရင်း စာရေးသူ     ; God j</h2> <h2 style="text-align:center">ဘာသာပြန်           ; နိုင်လင်းအောင်</h2> <h2 style="text-align:center">အခန်း ( ၁၄၆၁ )</h2> <h2 style="text-align:center">သုံးယောက်တစ်ယောက် တိုက်ခိုက်ခြင်း</h2> <h2 style="text-align:center">*</h2> <p style="text-align:center"> </p> <p style="text-align:center"> </p> <p><br /> အလောင်းကောင်ဧကရာဇ်၊ တစ္ဆေဧကရာဇ်၊ မင်ဧကရာဇ်။</p> <p>သူတို့က မြေအောက်ကမ္ဘာတွင် ကျော်ကြားသော ဧကရာဇ်သုံးပါး ဖြစ်ကြသည်။</p> <p>ဟုတ်သည်၊ မြေအောက်ကမ္ဘာ၏ လူငယ်မျိုးဆက်မှ ပါရမီရှင်များက သူတို့သုံးဦးသာမဟုတ်ပါ။</p> <p>နောက်ဆုံးတွင်၊ မြေအောက်မ္ဘာမှာ နန်းတော်ဆယ်ခုရှိပြီး အခြေခံအုတ်မြစ် နက်ရှိုင်းသည်။ လူအရေအတွက်က အလွန်များသကဲ့သို့ ပါရမီရှင်များကလည်း မရှားပါးပေ။</p> <p>သို့သော်လည်း ဤဧကရာဇ်ငယ်သုံးပါးက ထိပ်တန်းအဆင့် ပါရမီရှင်များထဲတွင် ပါဝင်သည်။</p> <p>မြေအောက်ကမ္ဘာတွင် သူတို့၏ အဆင့်အတန်းက ကျွင်းမိသားစုမှ စီကွမ်ဆယ်ဦးကဲ့သို့ပင် ဖြစ်သည်။</p> <p>"ကျွင်းရှောင်ယောက်၊ မင်းက ငါ့မြေအောက်ကမ္ဘာကို အကြိမ်ကြိမ် ရန်စခဲ့တယ်။ အခုတော့ ဒီအခွင့်အရေးကို ဆုပ်ကိုင်ပြီး မင်းကို ဖယ်ရှားနိင်ပြီ"</p> <p>"မင်းမှာ ကစဉ့်ကလျားခန္ဓာ ရှိနေသေးပေမဲ့ မြင့်မြတ်ခန္ဓာတာအိုသန္ဓေကို ဆုံးရှုံးရတဲ့အခါ မင်းရဲ့ခွန်အားကို ကြီးကြီးမားမား သက်ရောက်မှုရှိလိမ့်မယ်"<br /> မင်ဧကရာဇ်က ပြောလိုက်သည်။ သူက ငရဲကိုးပါးသံဖြင့် ပြုလုပ်ထား‌သော အနက်ရောင်ချပ်ဝတ်တန်ဆာကို ဝတ်ဆင်ထား၏။</p> <p>ကျွင်းရှောင်ယောက်ကိုကြည့်သော သူ့အကြည့်များက အလွန်အေးစက်သည်။</p> <p>အမှောင်ဘုရင်မျိုးရိုးက ကျွင်းမိသားစု၏ နယ်မြေဖြတ်ကျော် အင်မော်တယ်စစ်ပွဲတွင် ပြဿနာဖြစ်‌ေစခဲ့ဖူးသည်။</p> <p>ကျွင်းရှောင်ယောက်ကိုယ်တိုင်ကလည်း မြေအောက်ကမ္ဘာမှ ပါရမီရှင်များစွာကို သတ်ဖြတ်ခဲ့၏။</p> <p>သူတို့ကြားမှ ရန်ငြိုးများက အလွန်နက်ရှိုင်းနေပြီ။</p> <p>စင်စစ်တွင်၊ အမှောင်ဘုရင်မျိုးရိုးက မြေအောက်ကမ္ဘာ၏ နန်းတော်ဆယ်ခုအနက် အမှောင်ဘုရင်နန်းတော် ဖြစ်သည်။ </p> <p>အမှောင်ဘုရင်မျိုးရိုးမှလူများ အလွန်လေးစားရသော လက်တစ်ဖက် အမှောင်ဘုရင်ကလည်း မြေအောက်ကမ္ဘာရှိ ထိပ်သီးအကျော်အမော်တစ်ဦး ဖြစ်၏။</p> <p>မြေအောက်ကမ္ဘာ၏ နန်းတော်ဆယ်ခုအနက် ‌အ‌ေမှာင်ဘုရင်နန်းတော်၏ အဆင့်က အလွန်မြင့်မားသည်။</p> <p>ကျန်တစ်ယောက်ကတော့ တစ္ဆေဧကရာဇ်ပင်။</p> <p>သူက စုပ်ပြဲနေသော အနက်ရောင်ဝတ်ရုံကို ဝတ်ဆင်ထားသည်။ သူ့ပုံရိပ်က အစစ်အမှန်နှင့်အတုအယောင် ခွဲခြားရန်ခက်သော တစ္ဆေတစ်ကောင်ကဲ့သို့ဖြစ်ပြီး အလွန်ထူးခြား၏။</p> <p>သူက မြေအောက်ကမ္ဘာ၏ နန်းတော်ဆယ်ခုအနက် တစ္ဆေနန်းတော်မှ လာသူ ဖြစ်သည်။</p> <p>အလောင်းသန့်စင်ခြင်းနန်းတော်က လူသေအလောင်းများ၊ ရုပ်ခန္ဓာနှင့်၊ သွေးမျိုးဆက် စသည်တို့ကို ရှာဖွေကာ အသုံးပြုကြသည်။</p> <p>တစ္ဆေနန်းတော်ကမူ ဝိညာဉ်နှင့်ပတ်သက်သော အရာများကို လေ့လာကြပြီး ဝိညာဉ်နည်းလမ်းများ လေ့ကျင့်ကြ၏။</p> <p>တစ္ဆေနန်းတော်ကလည်း အလောင်းသန့်စင်ခြင်းနန်းတော်ကဲ့သို့ပင် အလွန်ထူးခြားသော တည်ရှိမှုတစ်ခု ဖြစ်သည်။</p> <p>အလောင်းသန့်စင်ခြင်းနန်းတော်က အလောင်းနှင့် ကမ္ပည်းများကို အထူးလေ့လာကာ အစွမ်းထက်သော တာအိုခန္ဓာများကို ရတနာများအဖြစ် ရှုမြင်ကြသည်။</p> <p>တစ္ဆေနန်းတော်ကတော့ အထူးရှေးဦးဝိညာဉ်နှင့် ဝိညာဉ်အမျိုးမျိုးကို စမ်းသပ်လေ့လာကြပေသည်။</p> <p>"ကျွင်းရှောင်ယောက်၊ ငါ့တစ္ဆေနန်းတော်က မင်းရဲ့ မျိုးဆက်သုံးခု ရှေးဦးဝိညာဉ်ကို အရမ်းစိတ်ဝင်စားတယ်။  အဲဒါက မျိုးဆက်သုံးခု ဘဝစက်ဝိုင်းရဲ့ ဆန်းကြယ်မှုကို လေ့လာစေနိုင်တယ်"<br /> တစ္ဆေဧကရာဇ်က အသံဩဩဖြင့် ပြောလိုက်သည်။ သူကလည်း ကျွင်းရှောင်ယောက်ကို ရှားပါးရတနာတစ်ခုအလား စိုက်ကြည့်လိုက်၏။</p> <p>အမှောင်ဘုရင်နန်းတော်၏ မင်ဧကရာဇ်။</p> <p>အလောင်းကောင်နန်းတော်၏ အလောင်းကောင်ဧကရာဇ်။</p> <p>တစ္ဆေနန်းတော်၏ တစ္ဆေဧကရာဇ်။</p> <p>မြေအောက်ကမ္ဘာ၏ နန်းတော်သုံးခုမှ ထိပ်တန်း ပါရမီရှင်သုံးဦးစလုံး ပေါ်လာကြပြီ။</p> <p>သူတို့သုံးဦးကို ရင်ဆိုင်ရလျှင် မည်သည့်ပါရမီရှင်မဆို စိတ်ပျက်အားငယ်မှုကို ခံစားရနိုင်ဖွယ်ရှိသည်။</p> <p>နောက်ဆုံးမှာတော့ မြေအောက်ကမ္ဘာက ကြောက်ရွံ့ခြင်းနှင့် မျှော်လင့်ချက်မဲ့ခြင်း၏ ပြယုဂ်တစ်ခုပင် မဟုတ်လော။</p> <p>မြေအောက်ကမ္ဘာ၏ ပစ်မှတ်ထားခံရသူတိုင်း အသက်ရှင်နိုင်ရန် ခက်ခဲသည်။</p> <p>သို့သော်... ကျွင်းရှောင်ယောက်က အမူအရာမပြောင်းဘဲ အေးဆေးတည်ငြိမ်စွာ ပြောလိုက်သည်။<br /> "မင်းတို့က ငါ့ကို ရင်ဆိုင်ဖို့အတွက် တော်တော်ကြိုးစားထားကြတာပဲ"</p> <p>ကျွင်းရှောင်ယောက်က ပတ်ဝန်းကျင်ကို တစ်ချက်ဝေ့ကြည့်လိုက်သည်။ ကျောက်တွင်းတစ်ခုလုံးကို အစီရင်ကြီးဖြင့် ဖုံးအုပ်ထား၏။</p> <p>လက်တစ်ထောင်နတ်ဆိုးကြီးက ရှေးဦးနတ်ဆိုးတောင်တစ်လုံးကဲ့သို့ ဖိနှိပ်ချုပ်ခြယ်ခြင်းတို့ကို ခံစားရစေသည်။</p> <p>"ဟမ့်... မင်းကိုသတ်ဖို့က ဒီလောက်လည်း ခက်ပုံမရပါဘူး"</p> <p>"ပထမဆုံး ကူချမ်မြဲ့နဲ့ ဆက်သွယ်ခဲ့တယ်။ နောက်တော့ ကျိချင်းရီကို မင်းကိုဆွဲဆောင်စေပြီး ‌ဒီနေရာရောက်အောင် ခေါ်ရတာပေါ့"</p> <p>"ပြီးတော့ ငါတို့က ဒီအင်မော်တယ်ကျောက်တွင်းမှာ မိုရာနတ်ဆိုးအစီရင်ကို တည်ဆောက်ထားလိုက်တယ်။ ဒါက ချုပ်နှောင်ခြင်းနဲ့ သတ်ဖြတ်ရာမှာ အစွမ်းထက်ဆုံး အစီရင်တွေထဲက တစ်ခုပဲ"</p> <p>"ဒါက မိုရာနတ်ဆိုးအစီရင်ရဲ့ ရိုးရှင်းတဲ့ မူကွဲတစ်ခုဖြစ်ပေမဲ့ မင်းကိုသတ်ဖို့တော့ လုံလောက်ပါတယ်"</p> <p>"ငါတို့သုံးယောက်အပြင် ကူချမ်မြဲ့နဲ့ ကျိချင်းရီရဲ့ အကူအညီလည်း ရှိနေသေးတယ်"</p> <p>"ဒီအခြေအနေမှာ မင်း အတောင်ပံပါရင်တောင် ပျံလို့မလွတ်နိုင်ဘူး"<br /> အလောင်းကောင်ဧကရာဇ်က တည်ငြိမ်စွာ ပြောလိုက်သည်။</p> <p>မည်သို့ပင်ဆိုစေ၊ ယခုအခါ ကျွင်းရှောင်ယောက်က ထောင်ချောက်ထဲမှာ ပိတ်မိနေပြီ။</p> <p>သို့သော်လည်း အလောင်းကောင်ဧကရာဇ်မှာ အနည်းငယ် မျက်မှောင်ကြုတ်မိသည်။<br /> deal<br /> ကျွင်စရှောင်ယောက်၏ မျက်နှာတွင် စိတ်ပျက်အားငယ်မှုကို အရိပ်အယောင်မျှ သူ မမြင်ရပေ။</p> <p>ကြောက်ရွံ့မှုဆိုလျှင် လုံးဝကို မရှိပါ။</p> <p>"ကျွင်းရှောင်ယောင်၊ မင်းက အခုချိန်ထိ တည်ငြိမ်သလို ဟန်ဆောင်နေသေးတယ်။ ငါက မင်းကို တစ်ဦးချင်း အနိုင်မယူနိုင်ပေမဲ့ မင်းသေသွားသရွေ့ ဒီအကြောင်းကို ဘယ်သူမှသိမှာမဟုတ်ဘူး"<br /> ကူချမ်မြဲ့၏ မျက်လုံးများတွင် အလွန်ပြင်းထန်သော သတ်ဖြတ်လိုစိတ်တို့ ပြည့်နေသည်။</p> <p>ကျွင်းရှောင်ယောက်ကို ဖယ်ရှားနိုင်သရွေ့ သူ၏ အရှက်ရခြင်းနှင့် အမည်းစက်အားလုံး ပျောက်ကွယ်သွားလိမ့်မည်။</p> <p>"ဒါက အကောင်းဆုံးအခွင့်အရေးလို့ ထင်နေတယ်ဆိုရင်လည်း လာပါ၊ ပြီးတော့မှ ငါက မင်းတို့ကို အခွင့်အရေးမပေးဘူးလို့ မဆိုလေနဲ့"<br /> ကျွင်းရှောင်ယောက်က သဘောထားကြီးစွာဖြင့် သူ့အင်္ကျီလက်ကို ဝှေ့ယမ်းပြီး ပြောလိုက်သည်။</p> <p>"အခုချိန်ထိ ဟန်ဆောင်နေသေးတယ်လား"<br /> မြေအောက်ကမ္ဘာ၏ ဧကရာဇ်သုံးပါးမှာ မကျေမနပ်ဖြစ်သွားကြသည်။</p> <p>သူတို့သုံးဦးက အရှိန်အဝါများကို ထုတ်ဖော်ရင်း တပြိုင်နက်တည်း တိုက်ခိုက်လိုက်၏။</p> <p>၎င်းက လူသုံးဦးမှ ပြိုင်တူတိုက်ခိုက်ခြင်းကဲ့သို့ မရိုးရှင်းပေ။</p> <p>သူတို့တွင် မိုရာနတ်ဆိုးအစီရင်၏ အထောက်အပံ့များ ပါဝင်သည်။</p> <p>၎င်းက မြေအောက်ကမ္ဘာ၏ ကြောက်စရာကောင်းသော သတ်ဖြတ်ခြင်းအစီရင်တစ်ခု ဖြစ်၏။</p> <p>၎င်းက ရိုးရှင်းသော မူကွဲတစ်ခုသာဖြစ်သည့်တိုင် အဓိပတိနယ်ပယ်ခုနစ်ခုမှ ကျင့်ကြံသူများ ခုခံနိုင်သောအရာ မဟုတ်သေးပေ။</p> <p>မတုန်လှုပ်သော အမှောင်ဘုရင်လက်သီး။</p> <p>မင်ဧကရာဇ်က အင်အားကြီးမားသော နည်းလမ်းကို အသုံးပြုသည်။ အမှောင်ဘုရင်ပုံရိပ်တစ်ခုက သူ့အနောက်တွင် ပေါ်လာပြီး သူနှင့်အတူ လိုက်ပါထိုးနှက်လိုက်၏။</p> <p>လက်သီးအင်အားက ပတ်ဝန်းကျင်တစ်ခုလုံးကို သိမ့်သိမ့်တုန်စေသည်။</p> <p>ကျောက်တွင်းထဲတွင် အက်ကြောင်းများ ပေါ်လာသည်။</p> <p>တစ္ဆေဧကရာဇ်ကမူ ဆန်းကြယ်သော ဝိညာဉ်နည်းလမ်းများကို အသုံးပြု၏။</p> <p>ကြောက်စရာကောင်းသော ဝိညာဉ်လှိုင်းတစ်ခုက သူ့မျက်ခုံးနှစ်ခုကြားမှ ဒီရေလှိုင်းကဲ့သို့ ထွက်ပေါ်လာတော့သည်။</p> <p>၎င်းက တစ္ဆေနန်းတော်၏ ကမ္ဘာဖျက်ဆီးခြင်း ဝိညာဥ်လှိုင်းဖြစ်ကာ လူတစ်ယောက်၏ ဝိညာဉ်ကို အပြင်းအထန် ထိခိုက်စေနိုင်သည်။</p> <p>အလောင်းဧကရာဇ်ကမူ အနက်ရောင်ခေါင်းတလားတစ်လုံးကို ထုတ်ယူလိုက်သည်။</p> <p>ခေါင်းတလားကို ဖွင့်လိုက်သောအခါ အနီရောင်ဆံပင်များဖြင့် မိစ္ဆာတစ်ကောင် ထွက်ပေါ်လာ၏။</p> <p>မိစ္ဆာ၏ တကိုယ်လုံးကို သွေးနီရောင်အမွေးအမှင်များ ဖုံးအုပ်ထားသော်လည်း လူသားတစ်ယောက်ဖြစ်မှန်းတော့ ဝိုးတဝါး မြင်နိုင်သေးသည်။</p> <p>သူ့ထံမှ ကြောက်စရာကောင်းသော သတ်ဖြတ်ချင်စိတ်တို့ကိုလည်း ထုတ်လွှတ်နေသည်။</p> <p>"ဟင်"<br /> အနီရောင်အမွေးအမှင်များဖြင့် မိစ္ဆာကို မြင်သောအခါ ကျွင်းရှောင်ယောက်၏ မျက်လုံးများက အေးစက်သွားသည်။</p> <p>ရှေးဟောင်းမြင့်မြတ်ခန္ဓာများတွင် ကပ်ဘေးနှစ်မျိုး ရှိသည်။</p> <p>တစ်ခုက ကောင်းကင်၏ အချုပ်အနှောင်ဖြစ်ပြီး ကျန်တစ်ခုကတော့ မြင့်မြတ်ခန္ဓာ၏ကျိန်စာပင်။</p> <p>ကောလဟာလများအရ၊ ကျိန်စာများကြောင့် ရှေးဟောင်းမြင့်မြတ်ခန္ဓာများမှာ အဆုံးသတ်မကောင်းကြပေ။</p> <p>ကျိန်စာက ရှေးဟောင်းမြင့်မြတ်ခန္ဓာများကို အသိစိတ်ပျောက်ဆုံးကာ ရူးသွပ်စေနိုင်သည်။ နောက်ဆုံးတွင် သတ်ဖြတ်ရန်သာသိသော မိစ္ဆာတစ်ကောင်အဖြစ် ပြောင်းလဲသွားလိမ့်မည်။</p> <p>ယခု ဤအမွှေးနီမိစ္ဆာကို မြင်ရသောအခါ ကျွင်းရှောင်ယောက်က ပို၍ သေချာလာခဲ့သည်။</p> <p>မြေအောက်ကမ္ဘာက မြင့်မြတ်ခန္ဓာကျိန်စာ၏ တရားခံများအနက် တစ်ဦးပင်။</p> <p>နောက်ထပ် ပူးပေါင်းဆောင်ရွက်သူက သက်ရှည်ကျွန်း ဖြစ်သည်။</p> <p>မြေအောက်ကမ္ဘာ၏ မြင့်မြတ်ခန္ဓာကျိန်စာက သူနားလည်နိုင်ပြီ။</p> <p>သူတို့က မြင့်မြတ်ခန္ဓာ၏ သွေးနှင့်ခန္ဓာကို လိုချင်ကြသောကြောင့် ဖြစ်သည်။</p> <p>သို့ရာတွင်၊ သက်ရှည်ကျွန်း၏ ရည်ရွယ်ချက်က အဘယ်နည်း။</p> <p>ဤနောက်ကွယ်တွင် ကြီးမားသော လျှို့ဝှက်ချက်တစ်ခု ရှိနိုင်သည်။</p> <p>သို့သော်လည်း ဤအဖြေကို လူတစ်ဦးသာ သိရှိမည်ကို ကြောက်ရသည်။ </p> <p>၎င်းက သက်ရှည်ကျွန်း၏ လျှို့ဝှက်ဆန်းကြယ်သော ယဇ်ဆရာသခင်ကြီးပင်။</p> <p>ကျွင်းရှောင်ယောက်၏ စိတ်ထဲတွင် အတွေးအများကြီး တွေးပြီးသော်လည်း တကယ်တမ်းမှာတော့ အခိုက်အတန့်တစ်ခုမျှသာ ကြာသေးသည်။</p> <p>သူက လက်သီးဆုပ်ပြီး နတ်ဆိုးနတ်ဘုရား ကောင်းကင်ခွင်းလက်သီးဖြင့် မတုန်လှုပ်သော အမှောင်ဘုရင်လက်သီးကို ရင်ဆိုင်လိုက်သည်။</p> <p>ထို့နောက် မျိုးဆက်သုံးခုရှေးဦးဝိညာဉ်ကို အသက်သွင်းလိုက်ရာ ဝိညာဉ်စွမ်းအင်လှိုင်းများ ဖြာထွက်လာပြီး ကမ္ဘာဖျက်ဆီးခြင်း ဝိညာဉ်လှိုင်းကို ချေဖျက်ပစ်လိုက်၏။</p> <p>ထိုမျှသာမကဘဲ တစ်ဖက်လူ၏ ရှေးဦးဝိညာဉ်ကိုပင် ရိုက်ခတ်သွားသေးသည်။</p> <p>"မင်းရဲ့ ရှေးဦးဝိညာဉ်က ဘယ်အဆင့်ကို ရောက်နေပြီပဲ"<br /> တစ္ဆေဧကရာဇ်က တုန်လှုပ်စွာ ပြောလိုက်သည်။</p> <p>ထိုရှေးဦးဝိညာဉ်စွမ်းအားက ကြောက်စရာကောင်းလွန်း၏။</p> <p>တစ္ဆေဧကရာဇ်၏ ရှေးဦးဝိညာဉ်စွမ်းအားက ကျယ်ပြန့်သော မြစ်တစ်စင်းဟုဆိုလျှင်...</p> <p>ကျွင်းရှောင်ယောက်၏ ရှေးဦးဝိညာဉ်က အကန့်အသတ်မဲ့ ပင်လယ်ကြီး ဖြစ်သည်။</p> <p>မြစ်ရေက မည်မျှပင် လှိုင်းထန်နေစေကာမူ၊ ပင်လယ်ထဲသို့ စီးဝင်သွားပါက အနည်းငယ်မျှပင် တုန်လှုပ်စေမည် မဟုတ်ပေ။</p> <p>ထို့နောက်၊ ကျွင်းရှောင်ယောက်က တာ့လော့ဓားသန္ဓေကို ဖြင့် အမွှေးနီမိစ္ဆာကို ခုတ်ချလိုက်သည်။</p> <p>သံသံချင်း ထိခတ်သံများ ထွက်ပေါ်လာ၏။</p> <p>ကျွင်းရှောင်ယောက်က အနည်းငယ် အံ့ဩသွားမိသည်။</p> <p>အလောင်းသန့်စင်ခြင်းနန်းတော်က အလောင်းသန့်စင်ရာတွင် တကယ်ထူးချွန်သည်။</p> <p>အလောင်းကောင်ကို အင်မော်တယ်ရွှေအမျိုးမျိုးဖြင့် လက်နက်တစ်ခုကဲ့သို့ သန့်စင်ထားခြင်း ဖြစ်၏။</p> <p>သို့သော်လည်း မည်သို့ပင်ဆိုစေကာမူ၊ ပထမဆုံး ထိပ်တိုက်ရင်ဆိုင်မှုတွင် ကျွင်းရှောင်ယောက်က ပေါ့ပေါ့ပါးပါး တိုက်ခိုက်မှုများဖြင့် ရန်သူသုံးဦးကို အသာစီးယူထားနိုင်သေးသည်။</p> <p> </p> <p> </p> <p> </p> <p style="text-align:center">***</p>


Save