Book List

<h2 style="text-align: center;">အခန်း ( ၁၄၆၃ )</h2> <h2 style="text-align: center;">ကျိချင်းရီ သစ္စာဖောက်ခြင်း</h2> <h2 style="text-align: center;">*</h2> <p style="text-align:center"> </p> <p><br /> မြေအောက်ကမ္ဘာ၏ ဧကရာဇ်သုံးပါးစလုံး မယုံနိုင်အောင် ဖြစ်သွားကြသည်။</p> <p>ကျွင်းရှောင်ယောက်က နိယာမ တစ်ရာကျော်ကို ထုတ်ဖော်ပြီး သူတို့၏ အသိအမြင်များကို ပြန်လည်ဆန်းသစ်စေခဲ့၏။</p> <p>နိယာမကိုးခုသည်ပင် အဆုံးစွန်နယ်ပယ်တစ်ခု ဖြစ်နေပြီ။</p> <p>သို့ဆိုလျှင်၊ နိယာမ တစ်ရာကျော်က အဘယ်နည်း။</p> <p>သူက လူသားတစ်ယောက်တောင် ဟုတ်သေးရဲ့လား။</p> <p>ဧကရာဇ်ကြီးတစ်ပါးက နိယာမတစ်ရာကျော်ကို နားလည်ထားသည်ဟုဆိုလျှင်ပင် နားလည်နိုင်သေးသည်။</p> <p>နောက်ဆုံးတွင်၊ ဧကရာဇ်ကြီးများက တာအိုကို နက်နဲစွာနားလည်ပြီး သူတို့၏လမ်းစဉ်ကိုလည်း သက်သေပြုပြီးပြီ ဖြစ်သည်။</p> <p>သို့သော်လည်း ယခုတော့ ကျွင်းရှောင်ယောက်က တာအိုကို သက်သေပြရန် အဝေးကြီးလိုသေးသည့်တိုင် နိယာမ တစ်ရာကျော်ကို နားလည်ထားခဲ့ပြီ။</p> <p>သူသာ တာအိုကို သက်သေပြုပြီးပါက မည်သို့ဖြစ်မည်နည်း။</p> <p>နိယာမသုံးထောင်ကို အမှန်တကယ် နားလည်သဘောပေါက်ပြီး တစ်ယောက်တည်းအားဖြင့် ကမ္ဘာကို မှောက်လှန်တော့မည်လော။</p> <p>ဧကရာဇ်သုံးပါး သတိပြန်ဝင်လာကြချိန်တွင် မိုရာနတ်ဆိုးအစီရင်က ပျက်စီးလုနီးဖြစ်နေပြီ ဖြစ်သည်။</p> <p>"ချီးတဲ့မှပဲ၊ မင်းက ဘယ်လိုမကောင်းဆိုးရွားမျိုးလဲ။ ဒီကမ္ဘာမှာ တရားမျှတမှု မရှိတော့ဘူးလား"<br /> တစ္ဆေဧကရာဇ်က အော်ဟစ်လိုက်သည်။</p> <p>ကျွင်းရှောင်ယောက်က အဘယ်ကြောင့် ဤမျှမကောင်းဆိုးရွားဆန်နေမှန်း သူတို့ နားမလည်နိုင်ပေ။</p> <p>သူ့တွင် မပြရသေးသော ဝှက်ဖဲများက ဘယ်လောက်များများ ရှိနေသေးသနည်း။</p> <p>"အခု ငါ့အလှည့်ရောက်ပြီ"<br /> ကျွင်းရှောင်ယောက်က အမွှေးနီမိစ္ဆာထံသို့ လက်ကိုဆန့်ကာ ဖမ်းဆုပ်ဟန်ပြုလိုက်သည်။ </p> <p>ထို့နောက် မေယုကမ္ဘာလေးထောင်စွမ်းအားက ပေါက်ကွဲထွက်လာပြီး အမွှေးနီမိစ္ဆာကို တိုက်ရိုက် ဆုပ်ဖြဲပစ်လိုက်၏။</p> <p>အလောင်းဧကရာဇ်က‌ သွေးတစ်ပွက်အန်ထုတ်လိုက်ရသည်။ သူက အနောက်သို့ ချက်ချင်း ဆုတ်သွားရကာ ကြောက်ရွံ့မှုတို့ ပေါ်လာတော့သည်။<br />  <br /> "မဖြစ်နိုင်တာ...၊ ငါ့အလောင်းကို အင်မော်တယ်ရွှေနဲ့ ပေါင်းစပ်ထားတာ... ဧကရာဇ်လက်နက်တွေကိုတောင် ထိပ်တိုက် ရင်ဆိုင်နိုင်တယ်"</p> <p>အလောင်းသန့်စင်ခြင်းနန်းတော်က သူတို့၏အလောင်းကို မှော်လက်နက်များကဲ့သို့ သန့်စင်ထားကြခြင်း ဖြစ်သည်။</p> <p>ရလဒ်အနေဖြင့်၊ ၎င်းကို ကျွင်းရှောင်ယောက်က တိုက်ရိုက် ဆုပ်ဖြဲပစ်လိုက်ပြီ။</p> <p>အလောင်းထိန်းချုပ်သူအနေဖြင့် အလောင်းဧကရာဇ်က သဘာဝအတိုင်း တန်ပြန်သောက်ရောက်မှုများ ခံခဲ့ရသည်။</p> <p>"လူတိုင်းပဲ၊ မင်းတို့ ဘာမှမထိန်ချန်ထားကြနဲ့တော့"<br /> အလောင်းဧကရာဇ်က အသံနက်ကြီးဖြင့် အော်ဟစ်လိုက်သည်။</p> <p>သူတို့အားလုံး အကောင်းဆုံး မလုပ်ကြလျှင်၊ အခြေအနေကို မပြောင်းလဲနိုင်တော့မှာ ကြောက်ရသည်။</p> <p>အလောင်းဧကရာဇ်က နောက်ထပ်အလောင်းကို ထပ်မံထုတ်ယူလိုက်သည်။</p> <p>၎င်းက အနည်းငယ် ပုံရိပ်ယောင်ဆန်၏။</p> <p>သို့သော်လည်း ၎င်း၏စွမ်းအားက ပို၍ ကြောက်စရာကောင်းသည်။</p> <p>"ဒါက..."<br /> ကျွင်းရှောင်ယောက်၏ မျက်လုံးများက အရောင်လက်သွားသည်။</p> <p>သူက မြေအောက်ကမ္ဘာ၏ အင်မော်တယ်လက်နက် ယမ်ပါးနန်းဆောင်အကြောင်း‌ တွေးလိုက်မိ၏။</p> <p>ထိုအင်မော်တယ်လက်နက်ကို အင်မော်တယ်တစ်ပိုင်းလက်နက် ဆယ်ခုဖြင့် ပြုလုပ်ထားခြင်း ဖြစ်သည်။</p> <p>သို့သော်လည်း ယခုအချိန်တွင်၊ အလောင်းဧကရာဇ်မှ ထုတ်ယူလိုက်သော အလောင်းမှာ... အလောင်းသန့်စင်ခြင်းခန်းမ၏ အင်မော်တယ်တစ်ပိုင်းလက်နက် အလောင်းရုပ်‌သေး ဖြစ်သည်။</p> <p>ဟုတ်သည်၊ ၎င်းက စစ်မှန်သော အလောင်းရုပ်သေးမဟုတ်ဘဲ အလောင်းရုပ်သေး၏ အမှတ်အသားတစ်ခုမျှသာ။</p> <p>၎င်းမှာ ယခင်က လွမ်ကုပုဆိန်အမှတ်အသားကဲ့သို့ပင် ဖြစ်သည်။</p> <p>‌ထိုအချိန်တွင် မင်ဧကရာဇ်နှင့် တစ္ဆေဧကရာဇ်တို့ကလည်း သူတို့၏ အင်မော်တယ်တစ်ပိုင်း လက်နက်များကို ထုတ်ယူလိုက်ကြသည်။</p> <p>မင်ဧကရာဇ်မှ ထုတ်ယူခဲ့သောအရာမှာ အမှောင်ဘုရင်မျိုးရိုး၊ အထူးသဖြင့် အမှောင်ဘုရင်ခန်းမ၏ အင်မော်တယ်တစ်ပိုင်းလက်နက် ယာမ၏လက်ပင်။</p> <p>တစ္ဆေဧကရာဇ်ကမူ ရှေးဟောင်း ကြေးမီးအိမ်တစ်လုံးကို ထုတ်ယူလိုက်သည်။</p> <p>မီးအိမ်အတွင်းမှ မီးလျှံများက မရေမတွက်နိုင်သော သက်ရှိများ၏အရိပ်ဟု ထင်ရပေသည်။</p> <p>၎င်းက ဝိညာဉ်လမ်းပြမီးအိမ် ဖြစ်သည်။</p> <p>ယခင် ကျွင်းမိသားစု၏ အင်မော်တယ်စစ်ပွဲတွင် ယိုပြည်ထောင်မှ ဝိညာဉ်သခင်က ဝိညာဉ်လမ်းပြမီးအိမ်ကို ထုတ်ယူခဲ့ဖူးသည်။</p> <p>နောက်ပိုင်းတွင်၊ ဝိညာဉ်သခင်က ကျွင်းမိသားစု၏ လျှို့ဝှက်သွေးကြောမှ ရှန်းယွီဧကရာဇ်၏ လက်ချက်ဖြင့် သေဆုံးခဲ့ပေသည်။ ထိုအခါ ဝိညာဉ်လမ်းပြမီးအိမ်ကို မြေအောက်ကမ္ဘာမှ အကျော်အမော်က ယူဆောင်သွားခဲ့သည်။</p> <p>ယခုမူ၊ ထိုပုဂ္ဂိုလ်က ‌တစ္ဆေနန်းတော်မှ အကျော်အမော်တစ်ဦး ဖြစ်ပုံရသည်။</p> <p>"အင်မော်တယ်တစ်ပိုင်းလက်နက်... မဟုတ်သေးဘူး၊ ဒါတွေကနေ အင်မော်တယ်အငွေ့အသက်ကို ဘာဖြစ်လို့ ခံစားရတာလဲ"<br /> အင်မော်တယ်တစ်ပိုင်းလက်နက် အမှတ်အသားသုံးခုကို ခံစားကြည့်ရင်း ကျွင်းရှောင်ယောက်က ရေရွတ်လိုက်သည်။</p> <p>‌အလောင်းရုပ်သေး၊ ယာမ၏လက်နှင့် ဝိညာဉ်လမ်းပြမီးအိမ်တို့ အားလုံးက ယမဆယ်ပါးနန်းတော်၏ အစိတ်အပိုင်းများ ဖြစ်ကြသည်။</p> <p>ကောလဟာလများအရ ထိုလက်နက်ဆယ်ခုမှာ အင်မော်တယ်တစ်ပိုင်းအဆင့်သာ ရှိရမည်။</p> <p>သို့သော်လည်း ယခုတော့ ဤအမှတ်အသားများမှ ထွက်ပေါ်နေသော အငွေ့အသက်က အင်မော်တယ်လက်နက်အဆင့်သို့ ရောက်လုနီးနေပြီ။</p> <p>ထိုအင်မော်တယ်တစ်ပိုင်းလက်နက် ဆယ်ခုစလုံးကို ပူးပေါင်းလိုက်လျှင် ယမဆယ်ပါးနန်းဆောင်က မည်မျှစွမ်းအားကြီးမည်နည်း။</p> <p>'မျှော်လင့်ထားတဲ့အတိုင်းပါပဲ၊ မြေအောက်ကမ္ဘာက အင်မော်တယ်ဓာတ်စွမ်းအင်တွေ ရရှိနေတာဟာ ကောင်းကင်ကိုးပါး တားမြစ်နယ်မြေတွေ... အထူးသဖြင့် သက်ရှည်ကျွန်းနဲ့ ပတ်သက်မှုရှိတယ်'<br /> ကျွင်းဆရှာင်ယောက်က သူ့စိတ်ထဲမှ ခန့်မှန်းလိုက်သည်။</p> <p>ဒါက သက်ရှည်ကျွန်းနှင့် မြေအောက်ကမ္ဘာကြားမှ လျှို့ဝှက်စွာ ပူးပေါင်းဆောင်ရွက်နေခြင်းကို ပို၍သေချာလာစေသည်။</p> <p>မြင့်မြတ်ခန္ဓာ၏ကျိန်စာက ထိုအင်အားစုနှစ်ခု ပူးပေါင်းကြံစည်ခဲ့ကြခြင်း ဖြစ်မည်။</p> <p>သို့သော်လည်း မြေအောက်ကမ္ဘာ၏ အင်မော်တယ်လက်နက်က အလွန်စွမ်းအားကြီးလျှင်ပင် ကြောက်စရာမရှိပါ။</p> <p>ကျွင်းမိသားစု၏ အင်မော်တယ်သတ်ဓားလေးချောင်းကို ပေါင်းစပ်လိုက်မည်ဆိုလျှင် ယမဆယ်ပါးနန်းဆောင်ကိုပင် ကျော်လွန်နိုင်သည်။</p> <p>ဤအခိုက်တွင်၊ ဧကရာဇ်သုံးပါးက ကျွင်းရှောင်ယောက်ကို ဖိနှိပ်ရန် သူတို့၏ လက်နက်အမှတ်အသားများကို ထုတ်ယူလိုက်ကြသည်။</p> <p>ဒါက သူတို့၏ နောက်ဆုံးအားကိုးရာပင်။</p> <p>ထိုမျှသာမကဘဲ ကူချမ်မြဲ့၏ ဒဏ်ရာများကလည်း အနည်းငယ် ပြန်လည်သက်သာနေပြီ ဖြစ်သည်။</p> <p>"ချင်းရီ၊ သူ့ကို အတူတူသတ်ကြရအောင်"</p> <p>ကျိချင်းရီက ခေါင်းညိတ်လိုက်သည်။</p> <p>သူတို့နှစ်ဦးက သူတို့၏ တာအိုခန္ဓာမှ စွမ်းအင်များကို အင်မော်တယ်နတ်ဆိုးပန်းချီကား အမှတ်အသားသို့ ထပ်မံပို့လွှတ်လိုက်၏။</p> <p>အင်မော်တယ်လက်နက် အမှတ်အသား လေးခုက ကျွင်းရှောင်ယောက်ကို ဖိနှိပ်လာတော့သည်။</p> <p>မိုရာနတ်ဆိုးအစီရင်ပြီးလျှင်၊ ဒါက သူတို့၏ အကြီးမားဆုံး သတ်ဖြတ်ရေး ဝှက်ဖဲဟု ဆိုနိုင်သည်။</p> <p>"ခေါင်းမာနေတဲ့ ကောင်လေးတွေ၊ ဒီလိုဆိုမှတော့ စိတ်ပျက်အားငယ်ရခြင်းက ဘာလဲဆိုတာ မင်းတို့သိရအောင် ပြမယ်"</p> <p>ကျွင်းရှောင်ယောက်၏ ဦးခေါင်းထက်တွင် ခြေထောက်သုံးချောင်းနှင့် လက်ကိုင်နားနှစ်ဖက်ရှိသော အိုးကြီးတစ်လုံး ပေါ်လာသည်။ ၎င်းထံမှ အရာအားလုံး၏မိခင်ချီစွမ်းအား အငွေ့အသက်များ ထွက်ပေါ်နေပြီး ကမ္ဘာတစ်ခုလုံးကို ဖိနှိပ်နိုင်သော စွမ်းအားမျိုးကို သယ်ဆောင်ထား၏။</p> <p>တစ်ချိန်တည်းမှာပင်၊ တာ့လော့ဓားသန္ဓေက သူ့လက်ထဲတွင် ပေါ်လာသည်။ ဓားအလင်းရောင်က ခေတ်အဆက်ဆက်မှ ကောင်းကင်ယံကို တုန်ခါစေသည်။</p> <p>တိုက်ခိုက်ခြင်းနှင့် ခုခံကာကွယ်ခြင်း လက်နက်နှစ်ခု။</p> <p>ဒါက လှောင်ချိုင့်ထဲတွင် ပိတ်မိနေသော သားရဲ၏ ရုန်းကန်ခြင်းမြင်ကွင်း ဖြစ်သည်။</p> <p>သို့သော်လည်း လှောင်ချိုင့်ထဲတွင် ပိတ်မိနေသော သားရဲက ကျွင်းရှောင်ယောက်မဟုတ်ပေ။</p> <p>ထိုအစား မြေအောက်ကမ္ဘာ၏ ဧကရာဇ်သုံးပါးနှင့် ကူချမ်မြဲ့တို့ ဖြစ်ကြသည်။</p> <p>နှစ်ဖက်စလုံးက ပြင်းထန်သော တိုက်ပွဲကို စတင်တော့မည့်အချိန်တွင်...</p> <p>ရုတ်တရက်...</p> <p>ကျိချင်းရီက အင်မော်တယ်နတ်ဆိုးပန်းချီကားကို ထိန်းချုပ်ကာ ကူချမ်မြဲ့ထံသို့ ပြင်းထန်သော တိုက်ခိုက်မှုတစ်ခု ထုတ်ဖော်လိုက်တော့သည်။</p> <p>ဟုတ်သည်။</p> <p>သက်ညှာခြင်းမရှိ၊ တုံ့ဆိုင်းခြင်းလည်း မရှိပါ။</p> <p>သူ့နည်းလမ်းက အလွန်ရက်စက်ပြီး ကူချမ်မြဲ့ကို တစ်ချက်တည်းဖြင့် သတ်လိုသည်။</p> <p>"ချင်းရီ... မင်း"<br /> ကူချမ်မြဲ့က ချက်ချင်း သတိပြုမိခဲ့သော်လည်း နောက်ကျနေခဲ့ပြီ။</p> <p>ကူချမ်မြဲ့က နိယာမစွမ်းအားကို စုစည်းပြီး ခုခံရန် အကောင်းဆုံးကြိုးစားလိုက်သည်။</p> <p>သို့သော်လည်း အလျင်စလိုဖြစ်သောကြောင့် အင်အားအပြည့် မစုစည်းနိုင်ပေ။</p> <p>"ဝုန်း"</p> <p>သွေးများက ဒရဟော စီးကျလာခဲ့သည်။</p> <p>ကူချမ်မြဲ့က မြေပေါ်ကို အရှိန်အဟုန်ဖြင့် ပြုတ်ကျသွား၏။ သူ့အရိုးများ ကျိုးပဲ့သွားပြီး ခန္ဓာတစ်ဝက် ပျက်စီးလုနီး ဖြစ်သွားတော့သည်။</p> <p>သူ၏ ကောင်းကင်နတ်ဆိုးခန္ဓာဖြင့်ပင် မခံနိုင်ပါ။</p> <p>အရေးကြီးဆုံးအချက်က သူဟာ ကျွင်းရှောင်ယောက်ကြောင့် ဒဏ်ရာရရှိထားခဲ့သည်။</p> <p>ယခင်က သူ၏ခန္ဓာကို ပြန်လည်ကောင်းမွန်လာစေရန် အထူးနည်းလမ်းဖြင့် အတင်းအကြပ်ကုသထားခြင်း ဖြစ်ပေသည်။</p> <p>သို့သော်လည်း ယခုအခါ ကျိချင်းရီ၏ ပြင်းထန်စွာ ထပ်မံတိုက်ခိုက်ခြင်း ခံလိုက်ရခြင်းက ဒဏ်ရာအသစ်နှင့်အဟောင်း ပေါင်းစပ်သွားပြီး သူ့အား သေအံ့ဆဲဆဲ ဖြစ်သွားစေခဲ့သည်။</p> <p>"ဘယ်လိုဖြစ်တာလဲ"<br /> အလောင်းဧကရာဇ်နှင့် အခြားသူများလည်း အံ့ဩသွားကြသည်။</p> <p>"ငါ့ရှေ့မှာ အာရုံပြောင်းဝံ့သေးတယ်လား"</p> <p>"ရွှပ်"<br /> ဓားအလင်းတစ်ခုက လေဟာနယ်ကို ဖြတ်သန်းသွား၏။</p> <p>မင်ဧကရာဇ်နှင့် အခြားသူများလည်း သူတို့၏ အင်မော်တယ်လက်နက် အမှတ်အသားများဖြင့် ကမန်းကတန်း ခုခံရန် ကြိုးစားလိုက်ကြသည်။</p> <p>သို့သော်... နောက်ကျနေသေးပြီး ဦးခေါင်းတစ်လုံး လွင့်ပျံသွားခဲ့ပြီ။</p> <p>"မင်ဧကရာဇ်"<br /> အလောင်းဧကရာဇ်နှင့် တစ္ဆေဧကရာဇ်တို့ မျက်နှာပျက်သွားကြသည်။</p> <p>သူတို့က ဤအခြေအနေကို ဘယ်တုန်းကမှ မမျှော်လင့်ခဲ့ပါ။</p> <p>"ကျိချင်းရီ၊ မင်း သစ္စာဖောက်"<br /> အလောင်းဧကရာဇ်က မည်မျှပင် တုံးအပါစေ၊ ယခုအချိန်မှာတော့ အခြေအနေကို နားလည်ခဲ့ပြီ။</p> <p>ယခင်က သူတို့ဟာ ကျွင်းရှောင်ယောက်ကို လှောင်ချိုင့်ထဲမှသားရဲဟု လှောင်ပြောင်ခဲ့ကြသည်။</p> <p>ယခုတော့ လှောင်ချိုင့်ထဲမှသားရဲက သူတို့ကိုယ်တိုင် ဖြစ်နေပြီ။</p> <p>"နင့်အဆင့်လောက်နဲ့ ကျွင်းသခင်လေးကို ဆန့်ကျင်ဖို့ ကြံစည်ဝံ့တယ်။ ကိုယ့်အဆင့်ကို ပိုတွက်နေတာပဲ"<br /> ကျိချင်းရီက ကူချမ်မြဲ့ကိုကြည့်ကု အေးစက်စက် ပြောလိုက်သည်။</p> <p>"ကျိချင်းရီ၊ မင်း မိန်းမယုတ်... ငါကတော့ မင်းကို ကောင်းကောင်းဆက်ဆံလိုက်ရတာ၊ မင်းက တကယ်တော့..."<br /> ရူချမ်မြဲ့က ခံစားချက်များကို မထိန်းချုပ်နိုင်တော့ပေ။</p> <p>မိန်းမတစ်ယောက်ထံမှ လှည့်စားခံရခြင်းမှာ အလွန်နာကျင်ရသည်။</p> <p>အထူးသဖြင့်၊ မိမိအပိုင်ဟု ယုံကြည်ထားသော မိန်းမထံမှ လှည့်စားခံရခြင်းက ပို၍ နာကျင်စရာကောင်းပေသည်။</p> <p>"ဒါက နင့်ဘာသာနင် လျှောက်တွေးနေတာပါ၊ ချင်းရီက ရွံစရာကောင်းသလိုတောင် ခံစားမိတယ်"<br /> ဤအခိုက်တွင်၊ ကျိချင်းရီက သူမ၏ ဟန်ဆောင်မျက်နှာဖုံးကို ခွာချလိုက်ပြီ ဖြစ်သည်။ သူ၏ စကားတစ်လုံးစီက ပြင်းထန်ရက်စက်လှပေသည်။</p> <p>"ချီးတဲ့မှပဲ၊ မင်း ငတုံးပဲ"<br /> အလောင်းဧကရာဇ်နှင့် တစ္ဆေဧကရာဇ်က ကူချမ်မြဲ့ကို စူးစူးဝါးဝါး ကြည့်လိုက်ကြသည်။</p> <p>သူတို့ကဲ့သို့ မြေအောက်ကမ္ဘာ၏ ဧကရာဇ်သုံးပါးနှင့် အင်မော်တယ်နတ်ဆိုးကောင်းကင်ဂူ၏ မဟာနတ်ဆိုးဘုရင်မှာ အမျိုးသမီးတစ်ယောက်၏ လှည့်စားခြင်းကို ခံခဲ့ရပေသည်။</p> <p> </p> <p> </p> <p> </p> <p style="text-align: center;">***</p>


Save