Book List

<h2 style="text-align:center">အခန်း ( ၁၄၆၄ )</h2> <h2 style="text-align:center">ကျိချင်းရီ မသေမချင်း မရပ်တန့်ဘူး</h2> <h2 style="text-align:center">*</h2> <p style="text-align:center"> </p> <p><br /> အလောင်းဧကရာဇ်နှင့် တစ္ဆေဧကရာဇ်တို့မှာ ဒေါသထွက်သွားကြသည်။</p> <p>မူလက၊ ၎င်းမှာ ပြီးပြည့်စုံသော အမဲလိုက်အစီအစဉ်တစ်ခု ဖြစ်ခဲ့သည်။</p> <p>ရလဒ်အနေဖြင့် သူတို့ဟာ ပွဲမစခင်ကတည်းက ရှုံးနိမ့်ခဲ့ပြီးပြီ။</p> <p>"အသုံးမကျတဲ့ ကူချမ်မြဲ့၊ မင်းက ငါတို့ရဲ့ အစီအစဉ်တွေကို ဖျက်ဆီးပစ်လိုက်တာပဲ"<br /> အလောင်းဧကရာဇ်က ဒေါသတကြီး အော်ဟစ်လိုက်၏။</p> <p>အစပိုင်းတွင်၊ သူတို့က ကူချမ်မြဲ့ကိုသာ ချဉ်းကပ်ခဲ့ကြသည်။</p> <p>နောက်ပိုင်းတွင်၊ ကျိချင်းရီကို အစီအစဉ်များ ပြောပြပြီး ဖိတ်ခေါ်ခဲ့သူက ကူချမ်မြဲ့ပင်။</p> <p>ထို့ကြောင့် ကူချမ်မြဲ့က ဤအစီအစဉ်ကို တစ်ယောက်တည်း ဖျက်ဆီးခဲ့သည်ဟု ဆိုနိုင်သည်။</p> <p>ဟုတ်သည်၊ အမှန်အတိုင်းဆိုရလျှင် ကျိချင်းရီက သူ့ကို သတိပေးသည်ဖြစ်စေ၊ အသိမပေးသည်ဖြစ်စေ...</p> <p>ကျွင်းရှောင်ယောက်ကို အမဲလိုက်လိုသော ဤအစီအစဉ်က လုံလောက်မှုမရှိပေ။</p> <p>သို့သော်လည်း အစီအစဉ်မအောင်မြင်ရုံသာဆိုလျှင် သူတို့က ကံကြမ္မာကို လက်ခံနိုင်ကြသည်။ ကျွင်းရှောင်ယောက်က သန်မာလွန်းသဖြင့် သူတို့ ကျရှုံးရခြင်းဟု ဖြေသိမ့်နိုင်ဦးမည်။</p> <p>ယခုတော့ အစီအစဉ်က ကြိုတင်ပေါက်ကြားသွားခဲ့သည်။</p> <p>ကျွင်းရှောင်ယောက်က ကျိချင်းရီနှင့် အဆက်အသွယ်ရှိနေပြီး အစီအစဉ်ကို ပေါက်ကြားစေခဲ့ပေသည်။</p> <p>ဒါက ဒေါသထွက်စရာကောင်းသည်။</p> <p>သူတို့က ရှုံးနိမ့်ရုံသာမကဘဲ အရူးများလို ဖြစ်ခဲ့ရပေသည်။</p> <p>"ဘာကြောင့်လဲ.... ဘာကြောင့်များလဲ..."<br /> ယခုအချိန်ထိ ကူချမ်မြဲ့က မယုံနိုင်သေးပါ။</p> <p>ဤအမျိုးသမီး၏ တာအိုခန္ဓာက သူနှင့် အလိုက်ဖက်ဆုံးဖြစ်ကြောင်း ထင်ရှားသည်။</p> <p>ထို့ပြင်၊ အင်မော်တယ်နတ်ဆိုးကောင်းကင်ဂူကလည်း သူတို့နှစ်ယောက်ကို ပေါင်းဖက်စေလိုကြ၏။</p> <p>ကူချမ်မြဲ့က ကျိချင်းရီကို သူ့ကိုယ်ပိုင်အဖြစ်ပင် သတ်မှတ်ထားခဲ့သည်။</p> <p>ယခုတော့ ကျိချင်းရီက သူ့ကို အမှန်တကယ် သတ်ချင်နေပြီ။</p> <p>"ကျိချင်းရီ၊ မင်း အင်မော်တယ်နတ်ဆိုးကောင်းကင်ဂူကို ရောက်လာတဲ့အချိန်ကစပြီး မင်းလိုချင်တာမှန်သမျှ ရခဲ့တယ်"</p> <p>"ဘယ်လိုအရင်းမြစ်မျိုးမဆို... အင်မော်တယ်ဓာတ်စွမ်းအင်ဆိုရင်တောင် ငါမင်းကို ပေးနိုင်သေးတယ်။ မင်းက ဘာဖြစ်လို့ ငါ့ကို သစ္စာဖောက်ရတာလဲ"<br /> ကူချမ်မြဲ့က ဟိန်းဟောက်လိုက်သည်။ သူ့နဖူးသွေးကြောများပင် ထောင်နေ၏။ သူ့ရှေ့မှ အရာအားလုံးက ရယ်စရာကောင်းလွန်းပြီး လက်တွေ့မကျဟု ခံစားလိုက်ရသည်။</p> <p>"ငါလိုချင်တာ ဘာမဆို ရနိုင်တာလား"<br /> ကျိချင်းရီ၏ မျက်လုံးများတွင် အေးစက်မှုတို့ ပေါ်လာသည်။</p> <p>"တကယ်လို့... ငါက နင့်ရဲ့အသက်ကို လိုချင်တယ်ဆိုရင် ငါ့ကိုပေးဖို့ ဆန္ဒရှိဦးမှာလား"<br /> ကျိချင်းရီက တည်ငြိမ်စွာ ပြောလိုက်၏။</p> <p>"မင်းဘာပြောလိုက်တာလဲ"<br /> ကူချမ်မြဲ့က အံ့ဩသွားခဲ့သည်။</p> <p>"နင့်ရဲ့ ကောင်းကင်နတ်ဆိုးခန္ဓာကို သန့်စင်နိုင်သရွေ့ ငါဟာ အင်မော်တယ်နတ်ဆိုးခန္ဓာ ဖြစ်လာဖို့ အခွင့်အရေးရှိတယ်"</p> <p>"ဒါဆိုရင် ငါက အင်မော်တယ်နတ်ဆိုးပန်းချီကားကို တစ်ဦးတည်း ထိန်းချုပ်နိုင်ပြီး အင်မော်တယ်နတ်ဆိုးကောင်းကင်ဂူရဲ့ အနာဂတ် အုပ်စိုးရှင်တောင် ဖြစ်လာနိုင်လိမ့်မယ်"</p> <p>ကျိချင်းရီ၏ စကားများက ကူချမ်မြဲ့ကို လုံးဝ အံ့အားသင့်သွားစေသည်။ သူ့စိတ်ထဲတွင် ဟာလာဟင်းလင်း ဖြစ်သွား၏။</p> <p>ရေကန်ထဲမှ ကြာပန်းကဲ့သို့ အပြစ်ကင်းစင်ပြီး လှပသော ဤအမျိုးသမီးမှာ ဤမျှရည်မှန်းချက်ကြီးမည်ဟု သူ မမျှော်လင့်ခဲ့ပေ။</p> <p>သူက အမှန်တကယ်ပင် အင်မော်တယ်နတ်ဆိုးခန္ဓာအဖြစ် လေ့ကျင့်ပြီး အင်မော်တယ်နတ်ဆိုးပန်းချီကားကို ထိန်စချုပ်ကာ အင်မော်တယ်နတ်ဆိုးကောင်းကင်ဂူ၏ အုပ်စိုးရှင် ဖြစ်လာချင်ခဲ့သည်။</p> <p>"ဒီလိုဆိုရင်တောင် မင်းငါ့ကိုသတ်စရာမလိုသေးဘူးလေ။ ငါတို့အတူတူ လေ့ကျင့်နိုင်တယ်၊ ဒါကြောင့် မင်း အခုရပ်လိုက်မယ်ဆိုရင် နောက်မကျသေးပါဘူး"<br /> ကူချမ်မြဲ့၏ သူ့ရင်ထဲတွင် မျှော်လင့်ချက်အရိပ်အယောင်လေးတစ်ခု ရှိနေသေးသည်။</p> <p>ကျိချင်းရီက နောက်ပြန်လည့်စေရန် မျှော်လင့်မိသည်။</p> <p>ဒါကိုကြားတော့ ကျိချင်းရီက နှာခေါင်းရှုံ့လိုက်သည်။ သူ့မျက်လုံးများတွင် အေးစက်မှုအပြင် စက်ဆုပ်ရွံရှာမှု အရိပ်အယောင်များ ပေါ်လာခဲ့၏။</p> <p>ဒါက အလွန်တရာ ညစ်ညမ်းသော အရာတစ်ခုကို ကြည့်နေရသလိုပင်။</p> <p>"နင့်လိုကောင်က..."</p> <p>ရိုးရှင်းသော စကားတစ်ခွန်း၊ အထူးတလည် ပြောဆိုလိုက်ခြင်းမရှိသော်လည်း အလွန်နာကျင်ရသော စကားမျိုး ဖြစ်သည်။</p> <p>ကူချမ်မြဲ့၏ မျက်နှာက နီရဲသွား၏။</p> <p>ဒေါသထွက်သည်၊ သူ ဒေါသပေါက်ကွဲချေပြီ။</p> <p>ဒီတုံ့ပြန်မှုက ဘာလဲ။ သူက တကယ်ပဲ အဲဒီလောက် ရွံစရာကောင်းတာလား။</p> <p>ဒါက လူတစ်ယောက်၏ ဂုဏ်သိက္ခာကို လုံးဝ ထိခိုက်စေသော ထိုးနှက်မှုမျိုးပင်။</p> <p>"ဒီလောကမှာ ချင်းရီကို စက်ဆုပ်ရွံရှာမှုမရှိဘဲ စိတ်အလိုကျ အပ်နှံစေနိုင်သူက တစ်ယောက်တည်းပဲ ရှိတယ်"</p> <p>"ဒါပေမဲ့... အဲဒီလူက နင်မဟုတ်ဘူး"<br /> ကျိချင်းရီက အေးဆေးတည်ငြိမ်စွာ ပြောလိုက်သည်။</p> <p>"မင်း မကောင်းတဲ့မိန်းမ...၊ ဒီနေ့ ငါ ကူချမ်မြဲ့က မင်းကိုသတ်ပစ်မယ်။ ငါ့အသက်ကိုတောင် ပေးဆပ်ရမယ်ဆိုရင်တောင် မင်းလည်းသေရမယ်"<br /> ကူချမ်မြဲ့၏ နောက်ဆုံး အတားအဆီးက လုံးဝ ပြိုကျသွားခဲ့သည်။</p> <p>အမျိုးသမီးတစ်ယောက်၏ အထင်သေးခံရခြင်းက ကျွင်းရှောင်ယောက်ကို ရှုံးနိမ့်ခြင်းထက် သူ့ကို ပို၍‌ ဒေါသထွက်စေသည်။</p> <p>ဒါက လူတစ်ယောက်၏ ကိုယ့်ကိုယ်ကိုယ်လေးစားမှုပင်။</p> <p>"ဝမ်"<br /> ကူချမ်မြဲ့က ကောင်းကင်နတ်ဆိုးခန္ဓာ၏ အဆုံးစွန်စွမ်းအားတို့ကို ထုတ်လွှတ်လိုက်သည်။ သူ့ခန္ဓာကိုယ်တစ်ခုလုံးက နတ်ဆိုးစွမ်းအင်များဖြင့် ပြည့်နှက်နေပြီး ကျိချင်းရီထံသို့ ပြေးဝင်သွား၏။</p> <p>မည်သို့သောတန်ကြေးကို ပေးဆပ်ရသည်ဖြစ်စေ၊ ထိုကောင်မ‌ကို သတ်ရန် စိတ်ပိုင်းဖြတ်ထားပြီးပြီ။</p> <p>ကျိချင်းရီကလည်း အမူအရာ မပြောင်းပေ။ သူက ကူချမ်မြဲ့ကို သတ်ဖြတ်ရန် ရည်ရွယ်ချက်ဖြင့် ပြန်လည်တိုက်ခိုက်ခဲ့သည်။</p> <p>ကောင်းကင်နတ်ဆိုးခန္ဓာနှင့် ကောင်းကင်အင်မော်တယ်ခန္ဓာ... ဆင်တူသော တာအိုခန္ဓာနှစ်ခု ထိပ်တိုက်တွေ့ကြပြီ။</p> <p>နှစ်ဖက်စလုံးက တစ်ယောက်ကိုတစ်ယောက် အသေသတ်ရန် စိတ်ပိုင်းဖြတ်ထားကြတာကြောင့် မည်သူမျှ အနည်းငယ် တွန့်ဆုတ်ခြင်းမျိုး မရှိတော့ပါ။</p> <p>"အိမ်း၊ ငါတို့လည်း ငါတို့ဘက်ကကိစ္စကို ဂရုစိုက်ကြရအောင်"<br /> ကျွင်းရှောင်ယောက်က သူ့အကြည့်ကို ရုတ်သိမ်းပြီး အလောင်းဧကရာဇ်နှင့် တစ္ဆေဧကရာဇ်ကို ကြည့်လိုက်သည်။</p> <p>ကျွင်းရှောင်ယောက်ထံမှ ကြီးမားသော ဖိအားများကို ခံစားမိသောအခါ အလောင်းဧကရာဇ်နှင့် အခြားသူများ တုန်လှုပ်သွားကြသည်။</p> <p>"ခဏ... ခဏနေပါဦး။ ကျွင်းရှောင်ယောက်... ခဏရပ်လိုက်ပါ။ ဒါမှမဟုတ် ငါတို့ နောက်ကိုပြန်ဆုတ်ကြမလား"</p> <p>"အခုချိန်ကစပြီး မင်းကို ထပ်ပြီး ပစ်မှတ်ထားတော့မှာ မဟုတ်ဘူးလို့ ငါတို့ ကတိပေးတယ်။ မင်ဧကရာဇ်ရဲ့ ကျဆုံးမှုကို ဖြေရှင်းဖို့ နည်းလမ်းရှာပြီး မင်းကို ဘာပြဿနာမှ မရှာတော့ဘူး"<br /> အလောင်းဧကရာဇ်က အမှန်တကယ် ကြောက်ရွံ့သွားပြီး ဆုတ်ခွာရန် စဉ်းစားလာသည်။</p> <p>"ဒါက ဖြစ်နိုင်မယ်လို့ ထင်တာလား"<br /> ကျွင်းရှောင်ယောက်က လှောင်ပြောင်သရော်ဟန်ဖြင့် ပြုံးလိုက်သည်။</p> <p>"ကျွင်းရှောင်ယောက်၊ မင်း တစ်ခုခုလုပ်ရင် ဆုတ်လမ်းဆိုတာ ချန်သင့်တယ်။ ဒါမှ အနာဂတ်မှာ ပြန်ဆုံကြရင် မျက်နှာမပျက်ရမှာ... ၊ ဒီနေ့ ငါတို့သုံးယောက်စလုံးကို သတ်လိုက်မယ်ဆိုရင် မင်းနဲ့ မြေအောက်ကမ္ဘာကြားမှာ ဖြေရှင်းမရနိုင်တဲ့ ရန်ငြိုးတစ်ခု ဖွဲ့မိသွားလိမ့်မယ်။ တစ်ဖက်က မသေမချင်း ရပ်တန့်တော့မှာ မဟုတ်ဘူး"<br /> အလောင်းဧကရာဇ်က ပြောသည်။</p> <p>"ဪ၊ ဒါဆိုရင် အရင်က မြေအောက်ကမ္ဘာနဲ့ ငါ့ကြားမှာ ပြဿနာတွေ မရှိခဲ့ဘူးပေါ့"<br /> ကျွင်းရှောင်ယောက်က ပြောလိုက်၏။</p> <p>"မင်း..."</p> <p>"မင်းတွေဘာတွေမလုပ်နေနဲ့၊ မင်းတို့ကိုယ်တိုင် အမဲလိုက်အစီအစဉ်ကို ရေးဆွဲခဲ့တာ... အခု ဒါကို ပြန်ပေးဆပ်ရမဲ့အချိန်ရောက်ပြီ"<br /> ကျွင်းရှောင်ယောက်က ပြောလိုက်သည်။ တာ့လော့ဓားသန္ဓေကို သူ့လက်ထဲတွင် ကိုင်ထားပြီး အရာအားလုံး၏မိခင်ချီ ဒယ်စောက်အိုးက သူ့ဦးခေါင်းထက်တွင် မျောလွင့်နေ၏။</p> <p>တောက်ပသော ဓားအလင်းများက ဖြာထွက်လာတော့သည်။</p> <p>ရလဒ်ကတော့ အားလုံးသိကြသည့်အတိုင်း ဖြစ်သည်။</p> <p>အချိန်တိုလေးအတွင်းမှာ တစ္ဆေဧကရာဇ်ကို သတ်ပစ်လိုက်ပြန်ပြီ။</p> <p>အလောင်းဧကရာဇ် တစ်ဦးတည်းသာ ကျန်ရှိတော့သည်။ သူ့မျက်နှာမှာလည်း ကြောက်ရွံ့မှု၊ စိတ်ပျက်အားငယ်မှုနှင့် နောင်တရမှုတို့ဖြင့် ပြည့်နှက်နေတော့သည်။</p> <p>ဤကဲ့သို့ဖြစ်လာမည်မှန်း ကြိုသိခဲ့လျှင် ဤအစီအစဉ်ကို ဘယ်တော့မှ လုပ်ခဲ့မိမည် မဟုတ်ပါ။</p> <p>တစ်ချိန်တည်းမှာပင် တိုက်ပွဲ၏ တစ်ဖက်ခြမ်းမှာ...</p> <p>ကျိချင်းရီက အသာစီးရခဲ့သည်။</p> <p>မည်သို့ပင်ဆိုစေ၊ ကူချမ်မြဲ့က ကျွင်းရှောင်ယောက်ကြောင့် အစပိုင်းမှာ ပြင်းထန်စွာ ဒဏ်ရာရရှိခဲ့သည်။ နောက်ပိုင်းတွင်၊ ကျိချင်းရီကလည်း အလစ်အငိုက် တိုက်ခိုက်ခဲ့၏။</p> <p>ယခုအခါ သူက နောက်ဆုံးအခိုက်အတန့်ကို ရောက်နေပြီ။</p> <p>ကျိချင်းရီ၏ လှုပ်ရှားမှုများကလည်း အထူးရက်စက်ကြမ်းကြုတ်သောကြောင့် ကူချမ်မြဲ့မှာ သဘာဝအတိုင်း အန္တရာယ်များနေပြီ ဖြစ်သည်။</p> <p>ထိုအချိန်တွင် ကူချမ်မြဲ့က အသံနက်ကြီးဖြင့် အော်ဟစ်လိုက်သည်။</p> <p>"မကောင်းတဲ့မိန်းမ ငါသေရင်တောင် မင်းကို ငါနဲ့အတူ ငရဲကို ဆွဲခေါ်သွားမယ်"</p> <p>ကူချမ်မြဲ့ထံမှ အားကောင်းသော အရှိန်အဝါများ တဟုန်ထိုး ထွက်ပေါ်လာ၏။</p> <p>ကောင်းကင်နတ်ဆိုးခန္ဓာ၏သွေးများ လောင်ကျွမ်းနေပြီ။</p> <p>သူ့အရှိန်အဝါများက အားနည်းနေရာမှ ရုတ်တရက် အဆများစွာ ထိုးတက်သွားခဲ့သည်။</p> <p>"ဒါက..." <br /> ကျိချင်းရီ၏ မျက်လုံးများတွင် အံ့အားသင့်မှု အရိပ်အယောင်တို့ ပေါ်လာသည်။</p> <p>သူက ကောင်းကင်နတ်ဆိုးခန္ဓာမှ တားမြစ်နည်းလမ်းတစ်ခုကို တွေးလိုက်မိ၏။</p> <p>"ဟုတ်တယ်၊ ဒါက ကောင်းကင်နတ်ဆိုး ပြိုကွဲခြင်းကျင့်စဉ်... ကောင်းကင်နတ်ဆိုးခန္ဓာရဲ့ တားမြစ်နည်းလမ်းပဲ"</p> <p>"ဒါကိုသုံးပြီး ငါသေသွားနိုင်ရင်တောင် မင်းကို ငါနဲ့အတူ ခေါ်သွားမယ်"<br /> ကူချမ်မြဲ့က ရက်စက်ကြမ်းကြုတ်စွာ ပြုံးလိုက်သည်။</p> <p>ကောင်းကင်နတ်ဆိုး ပြိုကွဲခြင်းကျင့်စဉ်။</p> <p>ဒါက ကောင်းကင်နတ်ဆိုးခန္ဓာ၏ တားမြစ်နည်းလမ်းတစ်ခုပင်။</p> <p>၎င်းက ကောင်းကင်နတ်ဆိုးခန္ဓာ၏ အစွမ်းအစအားလုံးကို လောင်ကျွမ်းစေခြင်းဖြစ်ကာ လူတစ်ယောက်၏ ခွန်အားကို သိသိသာသာ မြှင့်တင်ပေးနိုင်သည်။</p> <p>သို့သော်လည်း ၎င်းကိုအသုံးပြုခြင်းအတွက် ကြီးမားသော ဘေးထွက်ဆိုးကျိုးများ ရှိလိမ့်မည်။ တန်ပြန်ခံစားရခြင်း၊ အရည်အချင်းနှင့် အလားအလာများ ပျောက်ကွယ်ခြင်းတို့အပြင် ကျင့်ကြံမှုအခြေခံ ထာဝရ ရပ်တန့်သွားခြင်းတို့ပင် ဖြစ်စေနိုင်သည်။</p> <p>ထို့ထက်၊ ရေးကြီးဆုံးအချက်က ကူချမ်မြဲ့ဟာ ပြင်းထန်စွာ ဒဏ်ရာရရှိထားပြီးပြီ။</p> <p>ကောင်းကင်နတ်ဆိုး ပြိုကွဲခြင်းကျင့်စဉ်ကို ထုတ်လွှတ်ပြီးနောက် သူက အလွန်အမင်း မောပန်းနွမ်းနယ်ပြီး သေတော့မည့်အလား ဖြစ်သွားသည်။</p> <p>သို့ရာတွင်၊ သူ မသုံးလျှင်လည်း သေရလိမ့်မည်။</p> <p>ထို့ကြောင့် ဤအချိန်မျိုးတွင် အနည်းဆုံးတော့ သူနှင့်အတူ ကျိချင်းရီကို ဆွဲခေါ်သွားနိုင်သည်။</p> <p>ဒါက သူ့ဒေါသကို ထုတ်ဖော်ရန် နည်းလမ်းတစ်ခုပင်။</p> <p>ကျိချင်းရီ မသေမချင်း သူ ငြိမ်းချမ်းစွာ အနားယူနိုင်မည် မဟုတ်ပါ။</p> <p> </p> <p> </p> <p> </p> <p style="text-align:center">***</p>


Save