Book List

<h2 style="text-align:center">အခန်း ( ၁၄၆၆ )</h2> <h2 style="text-align:center">အထူးအင်မော်တယ်ကျောက်တွင်း</h2> <h2 style="text-align:center">*</h2> <p style="text-align:center"> </p> <p style="text-align:center"> </p> <p><br /> "ကျွင်းသခင်လေး၊ ချင်းရီရဲ့ မျက်နှာပေါ်က အမှတ်အသားတွေကို အခု ဖယ်ရှားပေးနိုင်မလား"<br /> ကျိချင်းရီက မေးလိုက်သည်။</p> <p>သူမ မပြောခဲ့လျှင် ကျွင်းရှောင်ယောက်ကိုယ်တိုင် မေ့လုနီးပါး ဖြစ်လိမ့်မည်။</p> <p>ထိုစဉ်က၊ နယ်စပ်မှ လေ့ကျင့်ခန်းတွင် သူက တိုင်းတပါး၏ ကစဉ့်ကလျားခန္ဓာအဖြစ် ရှိခဲ့သည်။ ဤအခွင့်အရေးကို အသုံးချပြီး ကျိချင်းရီကို သင်ခန်းစာတစ်ခု ပေးခဲ့ခြင်းပင်။</p> <p>"ဒါက ကျုပ် မင်းအတွက် ချန်ထားခဲ့တဲ့ အမှတ်အသားလို့ ယူဆလို့ရတယ်။ ဒါကို ဖျက်ပေးရမယ်ဆိုရင် ကျုပ်အတွက် ဘာအကျိုးရှိမှာလဲ"<br /> ကျွင်းရှောင်ယောက်က ပြော၏။</p> <p>"ကွေ့ရှအပျက်အယွင်းရဲ့ နက်နဲရာမှာ ပိုအဆင့်မြင့်တဲ့ အင်မော်တယ်ကျောက်တွင်းရှိတယ်၊ အဲဒီတည်နေရာကို ချင်းရီက ပြောပြနိုင်ပါတယ်"</p> <p>"သူတို့ထဲမှာ ပထမအဆင့် အင်မော်တယ်သွေးကြောတွေထက် သာလွန်တဲ့ ထိပ်တန်းအဆင့် အင်မော်တယ်သွေးကြောတွေတောင် ရှိနိုင်တယ်"</p> <p>"ပါရမီရှင်တွေ အများကြီးပဲ အဲဒီကို သွားနေကြပြီလေ၊ ကျွင်းသခင်လေး မြန်မြန်မသွားရင် နောက်ကျသွားလိမ့်မယ်"</p> <p>"ထိပ်တန်းအဆင့် အင်မော်တယ်သွေးကြောလား"<br /> ကျွင်းရှောင်ယောက်က စိတ်ဝင်စားသွားမိသည်။</p> <p>"ပထမတန်းစား အင်မော်တယ်သွေးကြောတစ်ခုက မိုင်တစ်ထောင်ရှည်ပြီး ထိပ်တန်း အင်မော်တယ်သွေးကြောကတော့ မိုင်တစ်သောင်းကျော်ရှည်ပါတယ်။ အဲဒါက အင်မော်တယ်ဓာတ်စွမ်းအင်တွေကို ပိုပြီး ထုတ်ယူနိုင်တယ်"</p> <p>"ဒီသတင်းက ကျွင်းသခင်လေးအပေါ် ကျွန်မရဲ့ ကျေးဇူးတင်လက်ဆောင်လို့ မှတ်ယူပါ"<br /> ကျိချင်းရီက အပြုံးဖြင့် ပြောလိုက်သည်။</p> <p>"အိုး၊ ကျေးဇူးတင်ပါတယ်"<br /> ကျိချင်းရီက ဤမျှကြိုးစားနေပေရာ ကျွင်းရှောင်ယောက်က သူ့ကို နောက်ထပ် ခက်ခဲအောင် မလုပ်နိုင်တော့ပေ။</p> <p>သူက လက်ကိုမြှောက်ပြီး ကျိချင်းရီ၏ ပါးပြင်ကို ပွတ်သပ်လိုက်သည်။</p> <p>သူ့မျက်နှာပေါ်မှ အမှတ်အသားလည်း ချက်ချင်း ပျောက်ကွယ်သွား၏။</p> <p>ကျိချင်းရီလည်း သူမ၏ အပြစ်အနာအဆာကင်းသော မျက်နှာလေးကို ပြန်လည်ရရှိခဲ့လေသည်။</p> <p>ထို့နောက် အဖြူရောင်ပုဝါစ အသစ်တစ်ထည်ကို ထုတ်ယူကာ မျက်နှာပေါ် အုပ်လိုက်သည်။</p> <p>သူမ၏ ထူးကဲစွာ လှပသော မျက်နှာလေးကို ဖုံးကွယ်ထားလိုက်၏။</p> <p>"ဒီလောက်တောင်လှပပေမဲ့ မြင်ဖူးသူနည်းနေတယ်။ နှမြောစရာပဲ"<br /> ကျွင်းရှောင်ယောက်က စုတ်သတ်လိုက်သည်။</p> <p>ကျိချင်းရီ၏ မျက်လုံးများက အရောင်လက်သွား၏။<br /> "ဒါက ပိုကောင်းတယ် မဟုတ်လား။ ဒါက ကျွင်းသခင်လေး တစ်ယောက်တည်းသာ ခံစားနိုင်တဲ့ မြင်ကွင်းပဲ"</p> <p>သူ့စကားလမ်းကြောင်းက ရှေ့ဆက်ရလျှင် တစ်မျိုးဖြစ်နိုင်သည်။</p> <p>ကျွင်းရှောင်ယောက်က ချက်ချင်း အကြောင်းရာပြောင်းလိုက်သည်။<br /> "မင်းကော ထိပ်တန်းအင်မော်တယ်ကျောက်တွင်းကို အတူမသွားဘူးလား"</p> <p>ကျိချင်းရီက ခေါင်းကို အနည်းငယ်ခါယမ်းလိုက်၏။<br /> "ချင်းရီ မသွားပါဘူး။ ကျွင်းသခင်လေးနဲ့အတူ ကျွန်မ ပေါ်လာမယ်ဆိုရင် ကူချမ်မြဲ့ရဲ့ သေဆုံးမှုနဲ့ပတ်သက်ပြီး ကျွန်မအပေါ် သံသယတွေ ချက်ချင်း ဝင်လာလိမ့်မယ်"</p> <p>ကျိချင်းရီက အလွန်ဉာဏ်ထက်သူ ဖြစ်သည်။</p> <p>"မင်းက တကယ်ကို ပါးနပ်ပါပေတယ်၊ ဒါပေမဲ့ ဒီအတွက် နောက်ဆုံးမှာတော့ ကျုပ်က အပြစ်တင်ခံရလိမ့်မယ်"<br /> ကျွင်းရှောင်ယောက်က ပြောလိုက်၏။</p> <p>ကူချမ်မြဲ့၏ သေဆုံးမှုကို သူ့ကြောင့်လို့ မှတ်ယူကြမည်မှာ သေချာသည်။</p> <p>သို့သော်လည်း ကျွင်းရှောင်ယောက်က စိတ်ထဲမထားခဲ့ပေ။ သူ့တွင် အကြွေးများလွန်းသောကြောင့် အကြွေးတစ်ခု ထပ်တိုးလျှင်ပင် ဂရုမစိုက်တော့ပါ။</p> <p>"ဒီအတွက်က ရှင့်ကိုပဲ ဒုက္ခပေးရမှာပါ၊ ပြီးတော့ အဲဒီသက်ရှည်ခြင်းနတ်ဘုရားမက..."<br /> ကျိချင်းရီက အဝေးမှ သက်ရှည်ခြင်းနတ်ဘုရားမကို လှမ်းကြည့်လိုက်သည်။</p> <p>သူက အရာအားလုံးကို မျက်မြင်တွေ့ခဲ့ရသည် မဟုတ်လော။</p> <p>"စိတ်မပူပါနဲ့၊ သူက ကွေ့ရှအပျက်အယွင်းကနေ ထွက်သွားနိုင်မှာ မဟုတ်ဘူး"<br /> ကျွင်းရှောင်ယောက်က ပြုံးလိုက်သည်။</p> <p>သူ့အသံက တည်ငြိမ်သော်လည်း ထူးဆန်းသော အေးစက်ခြင်း အရိပ်အယောင်တစ်ခု ရှိ၏။</p> <p>ကျိချင်းရီက ကျွင်းရှောင်ယောက်ကို လေးလေးနက်နက် ကြည့်လိုက်သည်။</p> <p>။ကျွင်းသခင်လေးရဲ့ ရန်သူဖြစ်ရတာ တကယ်ကို စိတ်ဆင်းရဲစရာပဲ။ အနာဂတ်မှာ ကျွန်မက ကျွင်းသခင်လေးနဲ့ ပူးပေါင်းဆောင်ရွက်ဖို့ အခွင့်အလမ်းတွေ ရှိလာဦးမယ်လို့ မျှော်လင့်ပါတယ်"<br /> ကျိချင်းရီက နှုတ်ဆက်ပြီး ထွက်ခွာရန် ပြင်ဆင်လိုက်သည်။</p> <p>တစ်ဖက်ကိုလှည့်ကာ တိုက်ရိုက် ထွက်ခွာသွား‌၏။ </p> <p>တွန့်ဆုတ်ခြင်း၊ တွယ်တာခြင်းမျိုး လုံးဝ မရှိပါ။</p> <p>'တကယ်ကို စိတ်ဝင်စားစရာကောင်းတဲ့ အမျိုးသမီးပဲ။ မင်းတစ်ယောက်တည်း ဘယ်လောက်ထိ လုပ်နိုင်မလဲဆိုတာ ငါသိချင်မိတယ်'<br /> ကျွင်းရှောင်ယောက်က ခေါင်းကို အနည်းငယ်ခါယမ်းလိုက်သည်။</p> <p>ထို့နောက် သူသည်လည်း ကျိချင်းရီ ပြောပြခဲ့သည့် ထိပ်တန်း အင်မော်တယ်ကျောက်တွင်းသို့ ဦးတည်ရန် ပြင်ဆင်လိုက်၏။</p> <p>ထိပ်တန်းအဆင့် အင်မော်တယ်သွေးကြောတစ်ခုက အင်မော်တယ်ဓာတ်စွမ်းအင်များကို အများအပြား ထုတ်ပေးနိုင်သင့်သည်။</p> <p>ကျွင်းရှောင်ယောက်က သူ့လက်ကိုမြှောက်လိုက်ပြီး နိယာမသံကြိုးဖြင့် သက်ရှည်ခြင်းနတ်ဘုရားမကို ဆွဲခေါ်လိုက်သည်။</p> <p>ဤအခိုက်တွင်၊ သက်ရှည်ခြင်းနတ်ဘုရားမ၏ မျက်နှာက ကြောက်ရွံ့မှုတို့ ပြည့်နှက်နေပေသည်။ သူက အော်ဟစ်လိုက်သည်။<br /> "အင်မော်တယ်နတ်ဆိုးကောင်းကင်ဂူရဲ့ မိန်းကလေးကလည်း တကယ်ကို နင့်လူတွေထဲက တစ်ယောက်ပဲ။ နင့်ရဲ့အကြံအစည်က နက်နဲလွန်းတယ်"</p> <p>သက်ရှည်ခြင်းနတ်ဘုရားမသည် ဤရလဒ်ကို ဘယ်သောအခါမှ မမျှော်လင့်ခဲ့ပါ။</p> <p>အစပိုင်းမှာ၊ ကျွင်းရှောင်ယောက်က ထောင်ချောက်ထဲကျသွားကြောင်း မြင်ရသောအခါ...</p> <p>ကျွင်းရှောင်ယောက်တော့ ပြဿနာတက်ပြီဟု တွေးရင်း သူ ကျေနပ်ခဲ့သည်။</p> <p>သက်ရှည်ခြင်းဧကရာဇ်၏သားတော်ပင် မလှုပ်ရှားရဘဲ ကိစ္စပြတ်သွားနိုင်သေးသည်။</p> <p>သို့ရာတွင်၊ ဤကဲ့သို့သော အပြောင်းအလဲမျိုး ဖြစ်လာမည်ဟု မည်သူထင်ထားခဲ့မည်နည်း။</p> <p>သက်ရှည်ခြင်းနတ်ဘုရားမက ကျွင်းရှောင်ယောက်ကို လုံးဝ မမြင်နိုင်ခဲ့ပေ။</p> <p>"အံ့သြနေတာလား။ နောက်ထပ်လာလိမ့်ဦးမယ်"<br /> ကျွင်းရှောင်ယောက်က ပြောလိုက်၏။</p> <p>လူတစ်ယောက်အတွက် အဆိုးရွားဆုံး ထိုးနှက်ချက်က သူတို့ကို မျှော်လင့်ချက်ပေးပြီး ကိုယ့်လက်နှင့် ထိုမျှော်လင့်ချက်ကို ဖျက်ဆီးပစ်ခြင်းပင်။</p> <p>သက်ရှည်ခြင်းနတ်ဘုရားမအတွက်တော့ ယခုအချိန်တွင် တစ်ခုတည်းသော မျှော်လင့်ချက်မှာ သက်ရှည်ခြင်းဧကရာဇ်၏သားတော် ဖြစ်သည်။</p> <p>"မဟုတ်ဘူး... နင့်မှာ ဘယ်လောက်ပဲ အကြံအစည်တွေ၊ လှည့်ကွက်တွေ ရှိရှိ... သက်ရှည်ခြင်းဧကရာဇ်ရဲ့သားတော်က ကိုင်တွယ်နိုင်တယ်။ သူက ကောင်းကင်ကိုးပါးရဲ့  နံပါတ်တစ် လူငယ်ပါရမီရှင်ပဲ"<br /> သက်ရှည်ခြင်းနတ်ဘုရားမက သူမ၏ ယုံကြည်ချက်ကို ဆုပ်ကိုင်ထားသေးသည်။</p> <p>"ပထမလား"<br /> ကျွင်းရှောင်ယောက်က ပြုံးလိုက်သည်။</p> <p>"ငါနဲ့အတူဆိုရင် ဒီဘွဲ့ကို သူခံယူနိုင်မှာ မဟုတ်ဘူး"</p> <p>ထို့နောက်၊ ကျွင်းရှောင်ယောက်က နိယာမကြိုးဖြင့် သက်ရှည်ခြင်းနတ်ဘုရားမကို ဆွဲခေါ်ကာ‌ ကွေ့ရှအပျက်အယွင်း၏ နက်နဲရာသို့ ဆက်လက်လျှောက်လှမ်းသွားတော့သည်။</p> <p>..........</p> <p>ယခုအချိန်တွင်၊ ကွေ့ရှအပျက်အယွင်းသို့ ဝင်ရောက်ခဲ့သော ပါရမီရှင်များ တစ်ဝက်ကျော်မှာ ဖယ်ရှားခံခဲ့ရပြီးဖြစ်သည်။</p> <p>အများစုက ထူးဆန်းသော အခြေအနေ အမျိုးမျိုးတွင် သေဆုံးခဲ့ကြ၏။</p> <p>ကျန်ရှိနေသော ပါရမီရှင်များ အများစုမှာ တားမြစ်နယ်မြေအမျိုးမျိုးမှ ထိပ်တန်း ပါရမီရှင်များ ဖြစ်ကြသည်။</p> <p>တစ်ချိန်တည်းမှာပင် ထူးခြားသော သတင်းတစ်ခုက ပျံ့နှံ့သွားခဲ့သည်။</p> <p>၎င်းက မိုင်ပေါင်းသိန်းချီ ကျယ်ဝန်းသော ကျောက်တွင်းကြီး တစ်တွင်း ဖြစ်၏။ </p> <p>၎င်းတွင် ပထမတန်းစား အင်မော်တယ်သွေးကြောထက် ပို၍ အဆင့်မြင့်သော ထိပ်တန်း အင်မော်တယ်သွေးကြောတစ်ခု ရှိနိုင်သည်။</p> <p>ထိပ်တန်းအဆင့် အင်မော်တယ်သွေးကြောတွင် သန့်စင်နိုင်သော အင်မော်တယ်ဓာတ်စွမ်းအင်က ပထမတန်းစား အင်မော်တယ်သွေးကြောထက် အဆများစွာ သာလွန်ပေသည်။</p> <p>ထို့ကြောင့် ကျန်ရှိနေသော ပါရမီရှင်များအားလုံးက ထိုထိပ်တန်း အင်မော်တယ်ကျောက်တွင်းဆီသို့ စုဝေးလာကြသည်။</p> <p>ထိုအချိန်တွင် ပြင်းထန်သော တိုက်ပွဲတစ်ခု ဖြစ်လာနိုင်ခြေ ရှိပေသည်။</p> <p>ကျွင်းရှောင်ယောက်လည်း ရှေ့ကိုဆက်ခဲ့သည်။</p> <p>တစ်ခါတလေလည်း ကောင်းကင်ကိုးပါး၏ ပါရမီရှင် လူငယ်လေးများနှင့် တွေ့ဆုံရ၏။</p> <p>ထိုအခါမျိုးတွင်၊ သူက စိတ်ရင်းမှန်ဖြင့် နှုတ်ဆက်ခြင်း၊ ဂရုစိုက်ခြင်းများ ပြုတတ်သည်။</p> <p>ကောင်းကိုးပါးမှ ပါရမီရှင်များလည်း နောက်ဆုံးတွင် ဝမ်းသာစိတ်ဖြင့် မျက်ရည်များ စီးကျလာကာ ၎င်းတို့၏ အင်မော်တယ်သွေးကြောများကို ကျွင်းရှောင်ယောက်ထံ ပေးအပ်ခဲ့ကြသည်။</p> <p>ကျွင်းရှောင်ယောက်က အဝေးသို့ ရောက်သွားပြီးနောက်...</p> <p>ထိုအခါမှသာ သူတို့က ဝမ်းနည်းပူဆွေးစ ပြုလာကြတော့သည်။</p> <p>"ချီးတဲ့မှပဲ၊ ကျွင်းမိသားစုရဲ့ နတ်ဘုရားသားတော်က ဘယ်လိုမကောင်းမိစ္ဆာလဲ။ ကြက်သွန်မြိတ်တွေ လှီးဖြတ်ရင်တောင် အမြစ်ကိုချန်ထားဖို့လိုတယ်။ ဒီလူဆိုးကတော့ ငါတို့အတွက် နည်းနည်းမှ မချန်ထားခဲ့ဘူး"</p> <p>တစ်ဖက်မှာတော့၊ ကျွင်းရှောင်ယောက်က သူ့ကိုပေးအပ်လိုက်သော လက်ဆောင်ပစ္စည်းများကို စစ်ဆေးပြီး ကျေနပ်စွာ ပြုံးလိုက်သည်။<br /> "တကယ်ကို၊ ဒါက အမြန်ဆုံးနည်းလမ်းပဲ"</p> <p>"ဟမ့်၊ ကျွင်းမိသားစုရဲ့ နတ်ဘုရားသားတော်ဖြစ်ပြီး နည်းနည်းမှ အရှက်မရှိဘူး"<br /> သူ့နောက်ကွယ်တွင် သက်ရှည်ခြင်းနတ်ဘုရားမက အေးစက်စက်ဖြင့် ပြောလိုက်၏။</p> <p>ကျွင်းရှောင်ယောက်ကတော့ စိတ်ထဲမထားပေ။ သေဆုံးရန် ကံကြမ္မာရှိသော လူတစ်ယောက်ကို ဒေါသထွက်နေစရာ မလိုပါ။</p> <p>"မင်းဘာသိလဲ။ ငါက ကိုယ်ကျင့်တရားနဲ့ လူတွေကို အနိုင်ယူနေတာ။ သူတို့ရဲ့ မျက်နှာပေါ်က ဝမ်းသာလို့ကျတဲ့ မျက်ရည်တွေကို မင်းမမြင်ဘူးလား"<br /> ကျွင်းရှောင်ယောက်က လေးလေးနက်နက် ပြောလိုက်၏။</p> <p>သက်ရှည်ခြင်းနတ်ဘုရားမ ဘာပြောရမည်မှန်း မသိတော့ပေ။</p> <p>ဤနတ်ဘုရားသားတော်က ပုံမှန်အားဖြင့် တည်ငြိမ်ပြီး လျစ်လျူရှုထားတတ်သည်။</p> <p>သို့ရာတွင်၊ သူက ဟာသလည်း ပြောတတ်သေးသည်။</p> <p>ထိုအချိန်တွင်၊ သူတို့ရှေ့နားမှ နောက်ထပ် ပုံရိပ်သုံးခု ပေါ်လာသည်။</p> <p>ကျွင်းရှောင်ယောက်၏ မျက်လုံးများက အနည်းငယ် တောက်ပသွား၏။<br /> "ငါ ဒီနေရာမှာ အသိမိတ်ဆွေဟောင်းနဲ့ ပြန်ဆုံလိမ့်မယ်လို့ မမျှော်လင့်ထားဘူး"</p> <p>ဟုတ်သည်။</p> <p>ထိုပုဂ္ဂိုလ်သုံးဦးက ပြန်လည်ဝင်စားခြင်းပင်လယ်၏ သခင်လေးသုံးဦးမှတပါး အခြားမဟုတ်ပါ။</p> <p>ရွှမ်မီ၊ ရွှမ်လီ၊ ရွှမ်မော့။</p> <p>ကွေ့ရှအပျက်အယွင်းသို့ ဝင်ရောက်သောအခါ လူတိုင်းက ကျပန်းဆင်းသက်ကြရသည်။</p> <p>သို့သော်လည်း ညီအစ်ကိုသုံးယောက်၏ ထူးခြားသော အမှတ်အသားကြောင့် မကြာမီ ပြန်ဆုံခဲ့ပေသည်။</p> <p>"အစ်ကိုကြီး၊ ကျုပ်တို့သာ အဲဒီ အထူးအင်မော်တယ်ကျောက်တွင်းမှာ ထိပ်တန်းအဆင့် အင်မော်တယ်သွေးကြောတစ်ခုကို ရှာတွေ့နိုင်ရင်... ကျုပ်တို ညီအစ်ကိုသုံးယောက် ကျင့်ကြံဖို့ လုံလောက်တဲ့ အင်မော်တယ်ဓာတ်စွမ်းအင်တွေကို သန့်စင်နိုင်လိမ့်မယ်"</p> <p>"ဟုတ်တယ်၊ ကျုပ်တို့က အင်မော်တယ်သွေးကြောတွေ အတော်များများ စုဆောင်းထားပေမဲ့ ထိပ်တန်းအဆင့် အင်မော်တယ်သွေးကြောလောက်တော့ မကောင်းသေးဘူး"<br /> ရွှမ်လီနှင့် ရွှမ်မော့တို့က ပြောဆိုလိုက်ကြသည်။</p> <p>"သေချာတာပေါ့"<br /> ရွှမ်မီက အနည်းငယ် ခေါင်းညိတ်လိုက်၏။</p> <p>ထိုအချိန်တွင်၊ ရုတ်တရက် အသံတစ်သံ ထွက်ပေါ်လာသည်။</p> <p>"မိတ်ဆွေတို့... မတွေ့ရတာ ကြာပြီ၊ ကျုပ်က ခင်ဗျားတို့ကို တကယ်သတိရနေတာ"</p> <p>ထိုအသံကို ကြားရပြီးနောက် ညီအစ်ကိုသုံးယောက်က ဆတ်ခနဲ တုန်သွားသည်။ သူတို့၏ ကျောရိုးတစ်လျှောက် အေးစိမ့်သွားသလို ခံစားလိုက်ကြရ၏။</p> <p>"မင်းမလာခဲ့နဲ့"</p> <p>"ပြေး"</p> <p>ညီအစ်ကိုသုံးယောက်က တွန့်ဆုတ်ခြင်းမရှိဘဲ သုတ်ခြေတင်ကာ ပြေးကြတော့သည်။</p> <p>မည်သူက ထင်ထားခဲ့မည်နည်း။</p> <p>ပြန်လည်ဝင်စားခြင်းပင်လယ်၏ သခင်လေးသုံးဦးက ကောင်းကင်ကိုးပါးတွင် အလွန် ကျော်ကြားသည်။</p> <p>သို့သော်လည်း ကျွင်းရှောင်ယောက်၏အသံကို ကြားလိုက်ရချိန်မှာတော့ နောက်ကို လှည့်ပင်မကြည့်ဘဲ ထွက်ပြေးကြ၏။</p> <p>ယင်းက ကျွင်းရှောင်ယောက်ကို ဆွံ့အသွားစေသည်။</p> <p>သူက သက်ရှည်ခြင်းနတ်ဘုရားမကို လှည့်ကြည့်လိုက်ပြီး သံသယဖြင့် မေးလိုက်သည်။<br /> "ငါက နတ်ဆိုးလား။ ငါက အဲဒီလောက်တောင် ကြောက်စရာကောင်းတာလား"</p> <p>ဤစကားကိုကြားသောအခါ မျက်နှာတွင် အညစ်အကြေးနှင့် သွေးပုပ်များ ပေရေနေသော သက်ရှည်ခြင်းနတ်ဘုရားမက ငိုချင်သော်လည်း မျက်ရည်မထွက်လာပေ။</p> <p>'နင်... သောက်ကျိုးနည်းပဲ၊ နင့်ကိုယ်နင် မိစ္ဆာတစ်ကောင်ဆိုတာ မသိဘူးလား။ နင့်ရဲ့နှလုံးသားထဲမှာ ကိုယ်ကျင့်တရားဆိုတာရော ရှိရဲ့လား'</p> <p>သက်ရှည်ခြင်းနတ်ဘုရားမက အသံကျယ်ကျယ်ဖြင့် ဆဲဆိုချင်စိတ်ကို မနည်းအောင့်ထားရသည်။ သူ့တစ်သက်တာမှာ ကျွင်းရှောင်ယောက်လောက် ကောက်ကျစ်သော မိစ္ဆာမျိုးကို တစ်ခါမှ မကြုံဖူးခဲ့ပေ။</p> <p> </p> <p> </p> <p> </p> <p style="text-align:center">***</p>


Save