Book List

<h2 style="text-align: center;">အပိုင်း(၂၉၂၄) </h2> <h2 style="text-align: center;">*</h2> <p> </p> <p> </p> <p>      ရွှစ်... </p> <p>       စစ်တုရင်နယ်ရုပ်အသစ်ဆီမှ လောကထဲရှိ အရာအားလုံးကို ပိုင်းဖြတ်နိုင်စွမ်းရှိသည့် နှိုင်းယှဉ်၍မရသော ထက်မြက်သည့် စိတ်ဆန္ဒတစ်ခု  ထွက်ပေါ်လာသည်။ ၎င်းသည် ရှီထျန်းကျွင်းနှင့် တုံဟွမ်ချင်တို့ သုံးထားသည့် နယ်ရုပ်များထက် အားမနည်းပေ။ </p> <p>      ၎င်းမှာ ဆေဘာလမ်းစဉ်၏ စစ်မှန်သော အနှစ်သာရဖြစ်ပြီး “အနုပညာဓားချက်” ဟု အမည်ရသည်။ </p> <p>         “ထင်ထားတဲ့အတိုင်း သူက ပိုမြင့်တဲ့ အဆင့်ရဲ့ အနှစ်သာရကိုနားလည်အောင် လုပ်နိုင်ခဲ့တာပဲ... ဒါပေမဲ့ ဘာဖြစ်လဲ... နယ်ရုပ်တစ်ရုပ်တည်းနဲ့တော့ ပြောင်းလဲဖို့ မလုံလောက်ဘူး...” </p> <p>      ရှီထျန်းကျွင်းနှင့် တုံဟွမ်ချင်တို့က ဤအရာကို အရေးတယူ မရှိလှဘဲ ချင်ဟွမ်၏ အသည်းအသန် ရုန်းကန်မှုအဖြစ်သာ မှတ်ယူကြသည်။  </p> <p>       သို့သော်လည်း ထိုအခိုက်အတန့်တွင် ထိတ်လန့်ဖွယ်ရာ မြင်ကွင်းတစ်ခု ပေါ်ပေါက်လာသည်။  </p> <p>       လူသားကမ္ဘာထဲမှ ရေစက်ပေါင်းများစွာမှာ အထက်သို့ ပျံတက်လာပြီး မျက်စိတစ်မှိတ်အတွင်းမှာပင် စစ်တုရင်ခုံပေါ်တွင် လွင့်မျောနေသည့် ဓားနှစ်လက်အဖြစ်သို့ စုစည်းသွားသည်။  </p> <p>     မြေကမ္ဘာရေဓားချက်..... </p> <p>      “ဒါ ဘယ်လိုလုပ် ဖြစ်နိုင်မှာလဲ...” </p> <p>      ရှီထျန်းကျွင်းနှင့် တုံဟွမ်ချင်တို့၏ မျက်လုံးများ ကျဉ်းမြောင်းသွားသည်။ နယ်ရုပ် နှစ်ဆယ်တောင် မပြည့်သေးဘဲ သိုင်းကွက်နှစ်ခုကို ပုံဖော်နိုင်သည်မှာ မယုံနိုင်စရာဖြစ်သည်။  </p> <p>       အပေါ်ယံကြည့်လျှင် သိုင်းစစ်တုရင်၏ စည်းမျဉ်းများမှာ ရိုးရှင်းလှသော်လည်း လက်တွေ့တွင်မူ အလွန် ရှုပ်ထွေးလှသည်။  </p> <p>      ၎င်းမှာ လူတစ်ဦး၏ သိုင်းပညာပါရမီနှင့် ကျင့်ကြံမှုအဆင့်ကို စမ်းသပ်ရုံသာမက ခြုံငုံသုံးသပ်နိုင်စွမ်းကိုလည်း စမ်းသပ်ခြင်း ဖြစ်သည်။ </p> <p>      ဥပမာအားဖြင့် ပထမဆုံး နယ်ရုပ်မှ စတင်ကာ တစ်ဆယ့်ငါးခုမြောက်အထိ ချလိုက်လျှင် သိုင်းကွက်အသစ်တစ်ခုကို ဖန်တီးနိုင်သည်။ သို့သော်လည်း ဘာမှမလုပ်ပါက နောက်ထပ် သိုင်းကွက်တစ်ခုဖန်တီးရန် အနည်းဆုံး နယ်ရုပ် တစ်ဆယ့်ငါးခု သို့မဟုတ် ထိုထက်မက ထပ်မံ လိုအပ်မည် ဖြစ်သည်။  </p> <p>       သို့ရာတွင် ကြိုတင် ပြင်ဆင်မှုများလုပ်ထားပါက ပထမသိုင်းကွက်အတွက် နယ်ရုပ် တစ်ဆယ့်ငါးခု သုံးပြီးသော်လည်း ယခင်နယ်ရုပ်အချို့ကို ပြန်လည်အသုံးချကာ နောက်ထပ် နယ်ရုပ် ဆယ်ခုခန့်ဖြင့် ဒုတိယသိုင်းကွက်ကို ဖန်တီးနိုင်သည်။  </p> <p>      ထို့အပြင် နယ်ရုပ် ရာနှင့်ချီ ချပြီးချိန်တွင် အဓိကကျသော နယ်ရုပ်အချို့ကို သုံးပြီး ယခင်နယ်ရုပ်များအားလုံးကို ချိတ်ဆက်ကာ ရန်သူကို အသေအလဲ ထိုးနှက်နိုင်မည့် ပိုမိုအစွမ်းထက်သော သိုင်းကွက်ကိုလည်း ဖန်တီးနိုင်သည်။  </p> <p>       ပါရမီရှင်များပီပီ ရှီထျန်းကျွင်းနှင့် တုံဟွမ်ချင်တို့မှာ ကောင်းကောင်းခြုံငုံသုံးသပ်နိုင်စွမ်း ရှိကြသည်။  </p> <p>       ပထမ နယ်ရုပ်ကို စချကတည်းက နောက်ဘာချမလဲဆိုတာ အကုန်စီစဉ်ထားပြီးသား ဖြစ်သည်။  </p> <p>      သို့သော်လည်း သူတို့၏ အစီအစဉ်အရ ယခင်နယ်ရုပ်များကို ချိတ်ဆက်ရန်အတွက် နောက်ထပ် နယ်ရုပ် ဆယ်ခုခန့် ထပ်ချရန် လိုအပ်နေသေးသည်။ သူတို့က ဒုတိယသိုင်းကွက်ကို အမြန် မထုတ်ချင်၍ မဟုတ်ဘဲ သိုင်းကွက်တစ်ခုကို တည်ဆောက်ရန်မှာ မလွယ်ကူခြင်းကြောင့် ဖြစ်သည်။ သူတို့၏ တွက်ချက်မှုအရ နယ်ရုပ် ဆယ်ခုမှာ အနည်းဆုံး ကန့်သတ်ချက် ဖြစ်သည်။  </p> <p>      ဝုန်း... ဝုန်း...  </p> <p>      အေးစက်လှသော ဓားနှစ်လက်မှာ တစ်လက်က နတ်ဘုရားနယ်မြေသို့၊ ကျန်တစ်လက်က နတ်ဆိုးနယ်မြေသို့ အသီးသီး ပိုင်းချလိုက်သည်။ တိုက်စစ်ဖြင့် ခုခံလိုက်ခြင်းပင် ဖြစ်သည်။ ထိုဓားနှစ်လက်၏ စွမ်းအားမှာ တုံဟွမ်ချင်နှင့် ရှီထျန်းကျွင်းတို့၏ သိုင်းကွက်များထက် အားနည်းသော်လည်း ခဏတာ တားဆီးထားနိုင်သည်။ </p> <p>       မြေကမ္ဘာ၊ ရေနှင့် တောင်တန်း သုံးထပ်ပြန်လည် ပေါ်ပေါက်လာမှုနှင့်အတူ သူတို့နှစ်ဦးမှာ လူသားကမ္ဘာကို အသက်နှစ်ရှိုက်အတွင်း ဖျက်ဆီးရန် မဖြစ်နိုင်တော့ပေ။  </p> <p>     တုံဟွမ်ချင်၏ အော်ရာ ထိုးတက်လာပြီး ပြောလိုက်သည်။ </p> <p>      “ချင်ဟွမ်... မင်းရဲ့ သိုင်းပညာပါရမီက ငါတို့နှစ်ယောက်စလုံးထက် သာပေမဲ့ မင်းရဲ့ ကျင့်ကြံမှုအဆင့်က နိမ့်လွန်းတယ်... မင်း နားလည်ထားတဲ့ အဆင့်မြင့် အနှစ်သာရ ပမာဏက နည်းနေသေးတယ်... မင်း အခုလုပ်နေတာတွေက ပျက်စီးမဲ့ ကံကြမ္မာကို အချိန်ဆွဲနေရုံသက်သက်ပဲ...” </p> <p>      “နောက်ဆုံးမှာတော့ ကွာဟချက်ဆိုတာ ကွာဟချက်ပဲ... ဒါကို သိုင်းပညာပါရမီ တစ်ခုတည်းနဲ့တင် မဖြည့်ဆည်းနိုင်ဘူး...” </p> <p>      ရှီထျန်းကျွင်းလည်း ပြောလိုက်သည်။  </p> <p>     ထို့နောက် သူတို့နှစ်ဦးစလုံး အချိန်မဖြုန်းဘဲ နယ်ရုပ်များကို တစ်ခုပြီးတစ်ခု လျင်မြန်စွာ ချလိုက်ကြသည်။ နယ်ရုပ်တိုင်းမှာ ယခင်ကဲ့သို့ပင် အစွမ်းထက်ပြီး ကြောက်မက်ဖွယ်ရာ အော်ရာများထုတ်ဖော်နေသည်။  </p> <p>      ချင်နန်၏ မျက်လုံးများမှာ စူးရှနေပြီး တိုက်ခိုက်လိုစိတ်များ ဟုန်းဟုန်းတောက်နေသည်။ သူသည် ထိုသူနှစ်ကောင်၏ စကားကို လုံးဝ ဂရုမစိုက်ဘဲ နယ်ရုပ်များကိုသာ ဆက်တိုက် ချလိုက်သည်။  </p> <p>      ထိုနယ်ရုပ်များထဲတွင် အားနည်းသော နယ်ရုပ်များနှင့် အစွမ်းထက်သော နယ်ရုပ်များ ပါဝင်နေသည်။  </p> <p>      အခြေခံအားဖြင့် အားနည်းသော နယ်ရုပ် သုံးခုနှင့် အစွမ်းထက်သော နယ်ရုပ် တစ်ခု ပုံစံမျိုးဖြစ်သည်။  </p> <p>       မျက်စိတစ်မှိတ်အတွင်းမှာပင် ရှီထျန်းကျွင်းနှင့် တုံဟွမ်ချင်တို့က နောက်ထပ် နယ်ရုပ် ခုနစ်ခုစီ ချလိုက်ကြသည်။ နတ်ဘုရားနယ်မြေနှင့် နတ်ဆိုးနယ်မြေများ၏ အထက်တွင် မမြင်နိုင်သော အော်ရာတစ်ခု စုစည်းလာပြီး ကြီးမားသော လျှို့ဝှက်ချက်တစ်ခု ပေါ်ပေါက်လာတော့မည့်အလား ရှိနေသည်။  </p> <p>      ထိုအခိုက်အတန့်တွင် ချင်နန်က နောက်ထပ် နယ်ရုပ်တစ်ခုကို ထပ်ချလိုက်သည်။ </p> <p>      လူသားကမ္ဘာတွင် နောက်ထပ် လှိုင်းလုံးကြီးတစ်ခု ပေါ်လာပြီး ဧရာမ ပုံရိပ်ကြီးနှစ်ခု ထွက်ပေါ်လာသည်။ သူတို့မှာ စစ်ချပ်ဝတ်တန်ဆာများကို ဝတ်ဆင်ထားကြပြီး တိုက်ခိုက်လိုစိတ်မှာ ကောင်းကင်ထိတိုင်အောင် မြင့်မားလှသည်။  </p> <p>      ရှီထျန်းကျွင်းနှင့် တုံဟွမ်ချင်တို့မှာ ထိတ်လန့်သွားကြသည်။ သူတို့၏ ဒုတိယသိုင်းကွက်ကို မထုတ်နိုင်ခင်မှာပင် ရန်သူက စုစုပေါင်း သိုင်းကွက်သုံးခုအထိ ထုတ်ဖော်နိုင်လိမ့်မည်ဟု သူတို့ မမျှော်လင့်ထားခဲ့ပေ။  </p> <p>      သို့သော်လည်း ထိုပုံရိပ်ကြီးနှစ်ခု၏ အဆင့်မှာ နိမ့်လွန်းနေသေးသဖြင့် သူတို့ စိတ်အေးသွားကြသည်။ ၎င်းတို့မှာ သူတို့၏ သိုင်းကွက်များကို တစ်ခဏအတွင်း ဖြိုခွဲနိုင်မည် မဟုတ်ပေ။ </p> <p>       တစ်ခဏဆိုသည့် အချိန်မှာ သူတို့အတွက် ဒုတိယသိုင်းကွက် ထုတ်ရန် လုံလောက်သည်။ ထိုအချိန်ကျလျှင် အခြေအနေမှာ လုံးဝ ပြောင်းပြန် ဖြစ်သွားပေလိမ့်မည်။ </p> <p>       ပုံရိပ်ကြီးနှစ်ခုက “သတ်” ဟု အော်ဟစ်လိုက်ပြီး နတ်ဘုရားနယ်မြေနှင့် နတ်ဆိုးနယ်မြေများထဲသို့ မြန်ဆန်သော အရှိန်အဟုန်ဖြင့် ပြေးဝင်သွားကြသည်။  </p> <p>      အရေးကြီးသော အခိုက်အတန့်တွင် ထိုပုံရိပ်ကြီးနှစ်ခုက မယုံနိုင်စရာ လုပ်ရပ်တစ်ခုကို လုပ်ဆောင်လိုက်သည်။  </p> <p>     သူတို့သည် မြေကမ္ဘာရေဓားကို ကိုင်ဆောင်လိုက်ပြီး ဓားနှင့်အတူ တစ်သားတည်း ဖြစ်သွားကြသည်။ သူတို့သည် ချင်နန်၏ ကိုယ်ပွားများကဲ့သို့ပင် မယုံနိုင်စရာ ဓားချက်တစ်ခုဖြင့် ခုတ်ပိုင်းလိုက်သည်။  </p> <p>      “သိုင်းကွက်နှစ်ခုကို တစ်ခုတည်း ပေါင်းစပ်လိုက်တာလား...” </p> <p>      ထိုအခိုက်အတန့်တွင် ရှီထျန်းကျွင်းနှင့် တုံဟွမ်ချင်တို့၏ မျက်နှာအမူအရာမှာ ပြောင်းလဲသွားသည်။ ချင်ဟွမ် ဤမျှ မယုံနိုင်စရာကောင်းသော အရာမျိုးကို လုပ်နိုင်လိမ့်မည်ဟု သူတို့ လုံး၀မထင်ထားခဲ့ပေ။  </p> <p>      “တိုက်စမ်း...” </p> <p>      ချင်နန်၏ စိတ်ဆန္ဒမှာ ပေါက်ကွဲထွက်လာသည်။ သူသည် အနှစ်သာရများကို နားလည်အောင် လုပ်နေချိန်မှာပင် မေးခွန်းတစ်ခုကို စဉ်းစားနေခဲ့သည်။ </p> <p>     သူ ဘယ်လို အနိုင်ယူမလဲ... </p> <p>      ကျင့်ကြံမှုအဆင့် ကွာဟချက်ကို ဘယ်လို ဖြည့်ဆည်းမလဲ.... </p> <p>        နယ်ရုပ် နည်းနည်းသုံးပြီး သိုင်းကွက်များများ ထုတ်နိုင်ရုံနဲ့တင် ရှီထျန်းကျွင်းနဲ့ တုံဟွမ်ချင်ကို အနိုင်ယူနိုင်မှာလား.... </p> <p>      မဖြစ်နိုင်ဘူး... </p> <p>       အဲဒါက မဖြစ်နိုင်ဘူး... </p> <p>       ထို့ကြောင့် သူ့တွင် သွားရမဲ့ လမ်းတစ်လမ်းသာ ရှိသည်။ </p> <p>      သူသည် ကြီးမားသော ဗျူဟာကို ခင်းရုံသာမက ဗျူဟာ၏ အစိတ်အပိုင်းတိုင်းကိုလည်း အဆုံးအစွန်ထိရောက်အောင် လုပ်ဆောင်ပြီး မတွေးဝံ့စရာ စွမ်းအားများကို ထုတ်ဖော်ရမည် ဖြစ်သည်။  </p> <p>     သိုင်းကွက်တစ်ခုတည်း၏ စွမ်းအားက မလုံလောက်သောကြောင့် သူ သိုင်းကွက်နှစ်ခုကို တစ်ပြိုင်တည်း ထုတ်ဖော်မည် ဖြစ်သည်။ </p> <p>  </p> <p> </p> <p style="text-align: center;">***</p>


Save