Book List

<h2 style="text-align: center;">အပိုင်း(၂၉၂၅) </h2> <h2 style="text-align: center;">*</h2> <p> </p> <p> </p> <p>      ဝုန်း....... </p> <p>            ပေါက်ကွဲသံနှစ်သံ ထွက်ပေါ်လာသည်။ ကိုးထပ်ဟင်းလင်းပြင်ဓားနှင့် နတ်ဘုရားစစ်သူကြီးတို့မှာ အလွန်တရာ အစွမ်းထက်သော်လည်း ယခင်တိုက်ခိုက်မှုများကြောင့် သူတို့၏ စွမ်းအင်များစွာ ကုန်ဆုံးသွားနေပြီ ဖြစ်သည်။  </p> <p>      ယခုအခါ ဓားချက်ကို ခံလိုက်ရသောအခါ ၎င်းတို့သည် ချက်ချင်း ပျက်စီးပြီး ပျောက်ကွယ်သွားသည်။ </p> <p>      “မကောင်းတော့ဘူး...” </p> <p>      ရှီထျန်းကျွင်းနှင့် တုံဟွမ်ချင်တို့၏ မျက်နှာအမူအရာ အနည်းငယ် ပြောင်းလဲသွားသည်။ ယခုအခါ သူတို့၏ နတ်ဘုရားနယ်မြေနှင့် နတ်ဆိုးနယ်မြေတို့မှာ လုံးဝ ဟာလာဟင်းလင်း ဖြစ်သွားသည်။  </p> <p>      အကယ်၍ နောက်ထပ် တိုက်ခိုက်မှုတစ်ခုသာ ထပ်ထိပါက နတ်ဘုရားနယ်မြေနှင့် နတ်ဆိုးနယ်မြေတို့ ပြိုကျသွားမည်ဖြစ်ပြီး အနိုင်အရှုံး အဖြေပေါ်သွားမည် ဖြစ်သည်။ </p> <p>      သို့သော်လည်း သူတို့ကိုလည်း လျှော့တွက်လို့ မရချေ။ </p> <p>      သူတို့နှစ်ယောက်သည် သူတို့၏ ဓားများကို ထပ်မံဝှေ့ယမ်းလိုက်သောအခါ သူတို့၏ နတ်ဘုရားခန္ဓာများ အပြည့်အဝ နိုးထလာသဖြင့် ခန္ဓာကိုယ်များမှ မျက်စိကျိန်းမတတ် နတ်ဘုရားအလင်းတန်းများ ဖြာထွက်လာသည်။ </p> <p>      ဒုန်း... </p> <p>      သူတို့နှစ်ဦးသည် ယခင်ကထက် သုံးဆပိုမို မြန်ဆန်စွာ လှုပ်ရှားလိုက်ပြီး နယ်ရုပ်တစ်ရုပ်ကို ချလိုက်ကြသည်။ ချက်ချင်းပင် နတ်ဘုရားနယ်မြေနှင့် နတ်ဆိုးနယ်မြေတို့မှ အံ့မခန်း အော်ရာနှစ်ခု ထွက်ပေါ်လာသည်။  </p> <p>      ၎င်းတို့မှာ ‘အစွန်းရောက် နှင်းနတ်ဘုရားဓား’ နှင့် ‘နတ်ဘုရားနိုင်ငံတော်၏ သူတော်စင်’ တို့ ဖြစ်သည်။ ကျင့်ကြံမှုအဆင့် ပိုမြင့်လေလေ စွမ်းအားအနှစ်သာရကို နားလည်သဘောပေါက်ရာတွင် အသာစီးရရုံသာမက နယ်ရုပ်ချသည့် အမြန်နှုန်းမှာလည်း ကျင့်ကြံမှုအဆင့် နိမ့်သူများထက် များစွာ ပိုမြန်လေလေ ဖြစ်သည်။ </p> <p>       သို့သော်လည်း အစက ချင်ဟွမ်ကို အပြတ်အသတ် အနိုင်ရမည်ဟု သူတို့ ယုံကြည်ထားသောကြောင့် အစွမ်းကုန် မထုတ်ခဲ့ခြင်း ဖြစ်သည်။ </p> <p>      “ဟင်...” </p> <p>      ဒိုဂျိုရှိ လူတိုင်း တုန်လှုပ်နေကြသည်။ </p> <p>      ဘာတွေ ဖြစ်နေတာလဲ.... </p> <p>      ရှီထျန်းကျွင်းနှင့် တုံဟွမ်ချင်တို့က အခြေအနေ မဟန်ဘူးလား... </p> <p>      လီဟွာရီ၊ လုချောင်နှင့် ကျန်သူများလည်း အံ့ဩတုန်လှုပ်နေကြသည်။ သူတို့ရှေ့မှ မျှော်လင့်ချက်အလင်းရောင်မှာ ရုတ်တရက် ပိုမို တောက်ပလာသည်။ </p> <p>     နှိုင်းယှဉ်ရပါက ကျောက်ဝူရွှမ်၊ ကျန်းရှန်၊ ကျန်းချူနှင့် အခြားသူများမှာမူ စိတ်မသက်မသာ ဖြစ်လာကြသည်။ </p> <p>      “မဖြစ်နိုင်ဘူး... မဖြစ်နိုင်ဘူး... ချင်ဟွမ်ရဲ့ သိုင်းပါရမီက ဘယ်လောက်ပဲ အစွမ်းထက်နေပါစေ ဒီပါရမီရှင်နှစ်ယောက်ကို ယှဉ်နိုင်ဖို့ဆိုတာ မဖြစ်နိုင်ဘူး... ခုနက ဖြစ်သွားတာက တိုက်ဆိုင်မှုသက်သက်ပဲ... ချင်ဟွမ်က ဒါကို ဆက်ပြီး ထိန်းထားနိုင်မှာ မဟုတ်ဘူး...” </p> <p>      ကျောက်ဝူရွှမ်၊ ကျန်းရှန်၊ ကျန်းချူနှင့် ကျန်သူများမှာ သူတို့ကိုယ်သူတို့ အမြန် ပြန်လည် တည်ငြိမ်အောင် လုပ်လိုက်ကြသည်။ </p> <p>       တစ်ချိန်တည်းမှာပင် သိုင်းစစ်တုရင်ပွဲမှာ ဆက်လက်ဖြစ်ပွားနေပြီး ယခင်ကထက်ပင် ပိုမို ပြင်းထန်လာသည်။ ရှီထျန်းကျွင်းနှင့် တုံဟွမ်ချင်တို့မှာ မောက်မာကြသော်လည်း အခြေအနေကို နားမလည်နိုင်လောက်အောင် အကင်းမပါသူများ မဟုတ်ကြပေ။  </p> <p>     ယခုလို အခြေအနေမျိုး ဆိုက်ရောက်လာချိန်တွင် သူတို့သည် ချင်ဟွမ်ကို ဆက်လက် အထင်သေးဝံ့ခြင်း မရှိကြတော့ချေ။ သူတို့နှစ်ဦးစလုံး အမြန်ဆုံးနှုန်းဖြင့် နယ်ရုပ်များကို တစ်ခုပြီးတစ်ခု ချနေကြသည်။ </p> <p>      ချင်နန်က ဤအရာအားလုံးကို ခေါင်းထဲ မထည့်ပေ။ သူ၏ တိုက်ခိုက်လိုစိတ်များ ပြင်းထန်နေပြီး သူ၏ နယ်ရုပ်များမှာ လူသားကမ္ဘာတွင် သူ၏ စည်းချက်အတိုင်း ရွေ့လျားနေသည်။ </p> <p>      မကြာမီမှာပင် ရှီထျန်းကျွင်းနှင့် တုံဟွမ်ချင်တို့ တတိယမြောက် သိုင်းကွက်ကို မထုတ်ဖော်နိုင်ခင် ချင်နန်က သူ၏ စတုတ္ထနှင့် ပဉ္စမမြောက် သိုင်းကွက်များကို ထုတ်ဖော်လိုက်ပြီ ဖြစ်သည်။  </p> <p>     သံသယမရှိစွာပင် ၎င်းတို့အားလုံးက တိုက်စစ်များ ဖြစ်သည်။ ဤသည်မှာလည်း ချင်နန်၏ ဗျူဟာပင် ဖြစ်သည်။ ပထမဆုံး ကာကွယ်ရေးသိုင်းကွက်မှလွဲ၍ နောက်ပိုင်းတွင် အခြေအနေကို ပြောင်းပြန်လှန်ကာ ခံစစ်မှ တိုက်စစ်သို့ ကူးပြောင်းနိုင်ခဲ့သည်။ </p> <p>      ရှီထျန်းကျွင်းနှင့် တုံဟွမ်ချင်တို့၏ မျက်လုံးများ အေးစက်သွားသည်။ ဤအတိုင်းသာ ဆက်သွားနေပါက သူတို့ တတိယသိုင်းကွက် မထုတ်ခင်မှာ ချင်ဟွမ်က ဆဋ္ဌမမြောက် သိုင်းကွက်ကို ထုတ်ဖော်နိုင်မည်ဖြစ်ပြီး သိုင်းကွက်ကို သိုင်းကွက်ထပ်ဆင့်သည့် အခြေအနေမျိုး ဖြစ်သွားမည်။ ထိုအချိန်ကျလျှင် သူတို့ အန္တရာယ် ရှိလာနိုင်သည်။ </p> <p>      သူတို့နှစ်ဦး လုံး၀ တုံ့ဆိုင်းမနေတော့ပေ။ ထို့ကြောင့် ချင်နန် ဆဋ္ဌမမြောက် သိုင်းကွက်ကို ထုတ်ဖော်လိုက်ချိန်တွင် သူတို့က တတိယမြောက် သိုင်းကွက်ကို ထုတ်ဖော်လိုက်ကြသည်။ </p> <p>      ထို့နောက် ချက်ချင်းပင် သူတို့၏ စစ်တုရင်လမ်းကြောင်းကို ပြောင်းလဲလိုက်ကြသည်။ သူတို့ ယခုလေးတင် ချခဲ့သည့် နယ်ရုပ်များကို ဆက်မကစားတော့ဘဲ နတ်ဘုရားနယ်မြေနှင့် နတ်ဆိုးနယ်မြေတို့၏ အခြား ထောင့်နေရာများသို့ ရွှေ့ကာ နယ်ရုပ်များကို တစ်ရုပ်ချင်း ချလိုက်ကြသည်။  </p> <p>      သို့သော်လည်း ထိုနယ်ရုပ်များမှာ မူလချခဲ့သည့် နယ်ရုပ်များထက် များစွာ အားနည်းနေသည်။ သို့တိုင် ခုနစ်ရုပ် မပြည့်သေးခင်မှာတင် သိုင်းကွက်တစ်ခု ပုံဖော်ပြီးသွားပြီ ဖြစ်သည်။ ဤသိုင်းကွက်မှာ တိုက်စစ်ကို အာရုံမစိုက်တော့ဘဲ ကာကွယ်ရေးသက်သက်သာ ဖြစ်သည်။ ၎င်းမှာ ချင်နန်၏  ‘မြေကမ္ဘာရေတောင်တန်းသုံးထပ်’ နှင့် ဆင်တူသည်။ </p> <p>      စွမ်းအားအနှစ်သာရများကို နားလည်အောင် လုပ်ဆောင်နေစဉ်ကတည်းက သူတို့သည် ကာကွယ်ရေး သိုင်းကွက်ကို မြန်မြန်ဆန်ဆန် ပုံဖော်နိုင်ရန် အားနည်းသော စွမ်းအားအနှစ်သာရအချို့ကို တမင်တကာ နားလည်အောင် လုပ်ခဲ့ကြခြင်း ဖြစ်သည်။  </p> <p>      ဤနည်းအားဖြင့် အရေးကြီးသော အချိန်တွင် အကာအကွယ် သုံးနိုင်မည် ဖြစ်သည်။ သို့သော် ယခုအခါတွင်မူ ထိုအရာကို ကြိုတင် အသုံးပြုရန် ဖိအားပေးခံလိုက်ရသည်။ </p> <p>      အချိန်များ ဖြည်းညင်းစွာ ကုန်ဆုံးနေသည်။ လူသားကမ္ဘာ စစ်တုရင်ခုံပေါ်တွင် သိုင်းကွက်များ ပိုမို ဖွဲ့စည်းလာကာ နတ်ဘုရားနယ်မြေနှင့် နတ်ဆိုးနယ်မြေတို့ကို တိုက်ခိုက်နေသည်။  </p> <p>      နယ်ရုပ်များ ပိုချလာလေလေ ချင်နန်၏ အသာစီးရမှုက ပိုမို သိသာလာလေလေ ဖြစ်သည်။ ဤအရာက နတ်ဘုရားနယ်မြေနှင့် နတ်ဆိုးနယ်မြေတို့၏ တောက်ပမှုကို မှေးမှိန်သွားစေသည်။ </p> <p>      “ဒါက...” </p> <p>      ဒိုဂျိုတစ်ခုလုံး တိတ်ဆိတ်သွားသည်။ ဤမြင်ကွင်းက သူတို့အပေါ် သက်ရောက်မှု အလွန် ကြီးမားသည်။ သူတို့၏ ကျင့်ကြံမှုအဆင့်များကြား ဤမျှကြီးမားသော ကွာဟချက် ရှိနေသည့်တိုင် ချင်ဟွမ်က သူ၏ ကိုယ်ပိုင်အစွမ်းအစအပေါ် အားကိုးကာ တုံဟွမ်ချင်နှင့် ရှီထျန်းကျွင်းတို့ကို ဖိနှိပ်ထားနိုင်သေးသည်။  </p> <p>     ချင်ဟွမ်၏ သိုင်းပညာပါရမီက မည်မျှတောင် အစွမ်းထက်သနည်း... </p> <p>      “ချင်ဟွမ် ဒီလိုလုပ်နိုင်လိမ့်မယ်လို့ ငါ တကယ် မထင်ထားခဲ့ဘူး...”  </p> <p>      ကျောက်ဝူရွှမ်၊ ကျန်းရှန်၊ ကျန်းချူနှင့် အခြားသူများ၏ မျက်နှာများ မှုန်ကုပ်သွားကြသည်။ </p> <p>      “ဒါပေမဲ့ ချင်ဟွမ်ရဲ့ ကျင့်ကြံမှုအဆင့်က အရမ်းနိမ့်ပြီး သူ့ရဲ့ နတ်ဘုရားအာရုံကလည်း သိပ်မသန်မာဘူး... ဒီလောက် နယ်ရုပ်တွေ အများကြီးကို သူ ဘယ်လောက်များများ နားလည်နိုင်မှာမလို့လဲ... သူ ဒီလိုမျိုး ကြာကြာ ဆက်တိုက်ခိုက်နိုင်မှာ မဟုတ်ပါဘူး...” </p> <p>       ကျောက်ဝူရွှမ်၊ ကျန်းရှန်၊ ကျန်းချူနှင့် အခြားသူများမှာ ချင်ဟွမ် ကျိန်းသေပေါက် ရှုံးမည်ဟုသာ တွေးနေကြဆဲ ဖြစ်သည်။ </p> <p>      သူတို့ ခန့်မှန်းထားသည့်အတိုင်းပင် ရှီထျန်းကျွင်းနှင့် တုံဟွမ်ချင်တို့သည်  နယ်ရုပ်ပေါင်း ငါးထောင်မှ ခြောက်ထောင်ခန့်ကို နားလည်ထားကြသည်။  </p> <p>      ချင်နန်မှာမူ နယ်ရုပ် တစ်ထောင်၊ နှစ်ထောင်ခန့်ကိုသာ နားလည်ထားသည်။ တကယ်တော့ ချင်နန်၏ သိုင်းပညာပါရမီဖြင့် နယ်ရုပ် သုံးထောင်ခန့်ကို အပြည့်အဝ နားလည်နိုင်စွမ်း ရှိသည်။ သို့သော် ချင်နန်က ထိုအရာအတွက် အချိန်မဖြုန်းခဲ့ပေ။ </p> <p>      အကြောင်းမှာ နယ်ရုပ် နည်းနည်းလောက်ပိုနားလည်ရုံဖြင့် သူ့အတွက် အဓိပ္ပာယ် မရှိသောကြောင့် ဖြစ်သည်။  </p> <p>    သူ အလွန် အစွမ်းထက်သော စွမ်းအားကို မထုတ်ဖော်နိုင်သရွေ့ ရှီထျန်းကျွင်းနှင့် တုံဟွမ်ချင်တို့ကို အနိုင်ယူနိုင်မည် မဟုတ်ပေ။ </p> <p>      အချိန်ကြာလာသည်နှင့်အမျှ သူသည် နယ်ရုပ် ကုန်သွားမည့် အခက်အခဲနှင့် ကြုံတွေ့ရပြီး ကျိန်းသေ ရှုံးနိမ့်သွားမည် ဖြစ်သည်။ </p> <p>      ထို့ကြောင့် သူသည် ထိုနယ်ရုပ်များကို ပိုမိုနားလည်ရန် အချိန်ယူမည့်အစား တွေးတောခြင်းနှင့် ကောက်ချက်ချခြင်းများအတွက်သာ အသုံးပြုခဲ့သည်။ </p> <p>      ဒုန်း... </p> <p>      ဒုန်း... </p> <p>      ဒုန်း... </p> <p>     နယ်မြေသုံးခုထဲတွင် နယ်ရုပ်များ တစ်ခုပြီးတစ်ခု ချနေသည်။ </p> <p>       ချင်နန်သည် အတောင်ပံဖြန့်ထားသော ရွှေလင်းတကြီးတစ်ကောင်အလား ဆက်လက် ပျံသန်းနေပြီး သူ၏ တိုက်ခိုက်လိုစိတ်များမှာလည်း ပို၍ပို၍ ပြင်းထန်လာသည်။ </p> <p>      ရုတ်တရက် ချင်နန်၏ မျက်လုံးများ လက်ခနဲ ဖြစ်သွားပြီး သူ၏ ရှစ်ဆယ်ခုမြောက် နယ်ရုပ်ကို ချလိုက်သည်။ </p> <p> </p> <p> </p> <p style="text-align: center;">***</p>


Save