Book List

<h2 style="text-align: center;">အပိုင်း(၂၉၂၆) </h2> <h2 style="text-align: center;">*</h2> <p> </p> <p> </p> <p>       ဂါး...  </p> <p>   </p> <p>       နဂါးဟိန်းသံနှစ်ခု ထွက်ပေါ်လာပြီး ဒိုဂျိုသို့ ပဲ့တင်ထပ်သွားရာ လူတိုင်း ရှင်းလင်းစွာ ကြားလိုက်ရသည်။ </p> <p>            ထို့နောက် နယ်ရုပ်ရှစ်ဆယ်ထဲမှ နဂါးနှစ်ကောင် ပျံသန်းထွက်ပေါ်လာသည်ကို လူအုပ်ကြီး မြင်တွေ့လိုက်ရသည်။ </p> <p>      သာမန် နဂါးများနှင့်မတူဘဲ ထိုနဂါးများကို ရေနှင့်မြေကမ္ဘာတို့ဖြင့် ဖွဲ့စည်းထားပြီး ဓားစွမ်းအင်များက ထက်မြက်သော လက်သည်းများအဖြစ် ပြောင်းလဲသွားကြသည်။ ထို့ပြင် ချင်နန် ယခင်က ထုတ်ဖော်ခဲ့သော သိုင်းကွက်အမျိုးမျိုးသည် နဂါးအကြေးခွံများအဖြစ် ပြောင်းလဲသွားခဲ့သည်။ </p> <p>     နဂါးများက လူသားကမ္ဘာတွင် ပျံသန်းနေကြသည်။ သူတို့က  ဟိန်းဟောက်သံတစ်ချက်ပေးလိုက်ပြီး ကောင်းကင်တာအို၏ အပြစ်ပေးမှုအလား ကြောက်မက်ဖွယ်ကောင်းသော နဂါးအသက်ရှူငွေ့များကို နတ်ဘုရားနယ်မြေနှင့် နတ်ဆိုးနယ်မြေများဆီသို့ ပစ်လွှတ်လိုက်သည်။ ၎င်းတွင် အလွန် ထိတ်လန့်ဖွယ်ကောင်းသော ဖျက်ဆီးနိုင်စွမ်း ရှိသည်။ </p> <p>      “သိုင်းကွက်ဝင်္ကပါလား...”  </p> <p>     ရှီထျန်းကျွင်းနှင့် တုံဟွမ်ချင်တို့ တုန်လှုပ်သွားကြသည်။ ချင်နန်အနေဖြင့် နယ်ရုပ် ရှစ်ဆယ်တည်းဖြင့် သိုင်းကွက်များ၏ စွမ်းအားကို ပေါင်းစပ်ကာ သိုင်းကွက်အသစ်တစ်ခု ဖန်တီးနိုင်လိမ့်မည်ဟု သူတို့ မမျှော်လင့်ထားခဲ့ပေ။ </p> <p>      သူတို့တွင်လည်း ကိုယ်ပိုင် သိုင်းကွက်ဝင်္ကပါများ ရှိကြသော်လည်း ထိုဝင်္ကပါကို ထုတ်ဖော်ရန်အတွက် နယ်ရုပ် နှစ်ရာကျော် သို့မဟုတ် သုံးရာအထိပင် အသုံးပြုရန် လိုအပ်မည် ဖြစ်သည်။ </p> <p>      သို့သော်လည်း သူတို့အတွက် တုန်လှုပ်နေရန် အချိန်မရှိပေ။ </p> <p>      ပါရမီရှင်နှစ်ဦးလုံး တင်းမာသွားကြသည်။ သူတို့၏ လက်များမှာ မရေမတွက်နိုင်သော အရိပ်များအဖြစ် ပြောင်းလဲသွားပြီး နယ်ရုပ်များကို ဆက်လက် ရွှေ့လျားလိုက်ကြသည်။ </p> <p>      အစပိုင်းတွင် သိုင်းကွက်နှစ်ခု ပေါင်းစပ်သွားမှုက သူတို့ကို အခြေအနေ မဟန်ဖြစ်စေခဲ့ပြီး ချင်နန်ကို ခံစစ်ဖြင့်သာ တုံ့ပြန်ရန် ဖိအားပေးခံခဲ့ရသည်။ သို့သော်လည်း ယခု ဝင်္ကပါကမူ သူတို့ကို ပြင်းထန်သော အန္တရာယ်အငွေ့အသက်ကို ပေးစွမ်းနေပြီ ဖြစ်သည်။ </p> <p>      အကယ်၍ ပေါ့ဆမိပါက သူတို့ ကျိန်းသေ ရှုံးနိမ့်သွားမည် ဖြစ်သည်။ အကြောင်းမှာ ဝင်္ကပါမှ ခေါ်ယူလိုက်သော နတ်ဘုရားနဂါးနှစ်ကောင်၏ စွမ်းအားမှာ သူတို့ ထုတ်ဖော်ခဲ့သမျှ သိုင်းကွက်တိုင်း၏ စွမ်းအားကို ကျော်လွန်နေသောကြောင့်ဖြစ်သည်။ </p> <p>      ဝုန်း... ဝုန်း... ဝုန်း... </p> <p>      နတ်ဘုရားနယ်မြေနှင့် နတ်ဆိုးနယ်မြေတို့ ပြင်းထန်စွာ တုန်ခါသွားကြသည်။ </p> <p>      အဝေးမှ နဂါးအသက်ရှူငွေ့များကြောင့် သိုင်းကွက်များ တစ်ခုပြီးတစ်ခု ဖျက်ဆီးခံလိုက်ရသည်။ </p> <p>      နတ်ဘုရားနယ်မြေ၏ စစ်မှန်သော အနှစ်သာရ စွမ်းအားများဖြင့် ဖွဲ့စည်းထားသည့် နယ်ရုပ်များမှာလည်း ရုတ်တရက် အရောင်အဝါ မှေးမှိန်သွားကြသည်။ </p> <p>      “သိုင်းကွက်နှစ်ခုကို ပေါင်းစပ်...”  </p> <p>    သို့သော် ပါရမီရှင်များပီပီ သူတို့က ဘယ်လိုလုပ် ဒီလောက် လွယ်လွယ်နှင့် ရှုံးနိမ့်ခံနိုင်ပါမည်နည်း။ </p> <p>      ချင်နန်၏ သိုင်းကွက်နှစ်ခု ပေါင်းစပ်မှုကို မြင်တွေ့ပြီးနောက် နယ်ရုပ်များ ချနေစဉ်မှာပင် သူတို့ စိတ်ထဲတွင်လည်း တွက်ချက်ပြီး အလားတူ ပြန်ဖန်တီးလိုက်သည်။ သူတို့၏ မူလ ဝင်္ကပါကိုပင် ဖျက်ဆီးပစ်လိုက်ကြပြီး သိုင်းကွက်အချို့ကို သုံးလိုက်ကြသည်။ </p> <p>      ထိုသိုင်းကွက်နှစ်ခု၏ ပေါင်းစပ်မှုမှာ ပြီးပြည့်စုံမှု မရှိကာ စွမ်းအားများကို အပြည့်အဝ မပေါင်းစပ်နိုင်သော်လည်း ၎င်းတို့ ထုတ်ဖော်နိုင်သည့် စွမ်းအားမှာ ယခင်က ထုတ်ဖော်ခဲ့သော သိုင်းကွက်များထက် များစွာ သာလွန်သည်။ </p> <p>      ချင်နန်က ထိုမြင်ကွင်းကို လုံးဝ လျစ်လျူရှုထားသည်။ သူသည် သူ၏ နယ်ရုပ်များပေါ်တွင်သာ အပြည့်အဝ အာရုံစိုက်ထားသည်။ </p> <p>      ရုတ်တရက် သူက မယုံနိုင်စရာ လှုပ်ရှားမှုတစ်ခုကို ပြုလုပ်လိုက်သည်။ ဒုန်းခနဲ အသံနှင့်အတူ သူသည် လူသားကမ္ဘာ၏ အခြားတစ်ဖက်တွင် နယ်ရုပ်တစ်ခုကို ချလိုက်သည်။ </p> <p>      “သူ နောက်ထပ် ဝင်္ကပါတစ်ခု ဖန်တီးဦးမလို့လား...” </p> <p>       ရှီထျန်းကျွင်းနှင့် တုံဟွမ်ချင်တို့က ချင်နန် ဘာကြံစည်နေသည်ကို ချက်ချင်း သဘောပေါက်သွားကြသည်။ သူတို့ မျက်နှာများ ပျက်ယွင်းသွားပြီး အစီအစဉ်တစ်ခုကို လျင်မြန်စွာ စဉ်းစားလိုက်ကြသည်။ </p> <p>      ပထမဝင်္ကပါကို ထုတ်သုံးနိုင်ရန် သူတို့ အစွမ်းကုန် ကြိုးစားခဲ့ပြီး ပြီ ဖြစ်သည်။ အကယ်၍ အစီအစဉ်တစ်ခုသာ မဆွဲနိုင်ပါက သူတို့၏ ဒုတိယ ဝင်္ကပါ ဖန်တီးမှုမှာ ကျရှုံးသွားမည် ဖြစ်သည်။ </p> <p>      အချိန် တဖြည်းဖြည်း ကုန်ဆုံးနေသည်။ အသက်ရှိုက် အနည်းငယ်အတွင်းမှာပင် ချင်နန်သည် နယ်ရုပ် သုံးဆယ်ကျော်ကို ချလိုက်ပြီး မတူညီသော သိုင်းကွက်သုံးခုကို ထုတ်ဖော်လိုက်သည်။ </p> <p>      သို့သော်လည်း ချင်နန်က သုံးဆယ့်ကိုးခုမြောက် နယ်ရုပ်ကို စစ်တုရင်ခုံပေါ်သို့ ချလိုက်ချိန်တွင် ၎င်းတို့၏ အော်ရာများ ပေါင်းစပ်သွားပြီး ပုံရိပ်နှစ်ခု ဖြစ်ပေါ်လာသည်။ </p> <p>      ထိုပုံရိပ်နှစ်ခုမှာ ယခင် ပုံရိပ်ယောင်များနှင့် မတူညီပေ။ သူတို့၏ ခန္ဓာကိုယ်များကို မီးတောက်များဖြင့် ဖွဲ့စည်းထားပြီး ရေခဲနှင့် နှင်း စစ်ချပ်ဝတ်တန်ဆာတစ်ခု ဖန်တီးထားသည်။ ထို့အပြင် သူတို့၏ လက်ထဲတွင် လေဖြင့် ဖွဲ့စည်းထားသော ဓားတစ်လက်ကိုလည်း ကိုင်ဆောင်ထားကြသည်။ </p> <p>      ထို့အပြင် သူတို့၏ အော်ရာများမှာ ချင်နန်နှင့် အလွန် ဆင်တူနေသည်။ ပြိုင်ဘက်အားလုံးကို အနိုင်ယူတော့မည့်အလား သူတို့၏ ခန္ဓာကိုယ်များမှ တိုက်ခိုက်လိုစိတ်များ ထွက်ပေါ်နေသည်။ </p> <p>      ၎င်းတို့မှာ ချင်နန် နတ်ဘုရားသိုင်းဝိညာဉ်ကို အခြေခံ၍ ဖန်တီးထားသည့် ဒုတိယမြောက် ဝင်္ကပါ ဖြစ်သည်။  </p> <p>      “ဒုတိယ ဝင်္ကပါက ပထမ ဝင်္ကပါထက် ပိုမြန်ပေမဲ့ နယ်ရုပ် လေးဆယ်တောင် မပြည့်ဘူး... သူ့ရဲ့ စွမ်းအားက အများကြီး ပိုအားနည်းတယ်... ငါတို့ကို အနိုင်ယူဖို့ဆိုရင် ဒီထက်အများကြီး ပိုကြိုးစားဖို့ လိုသေးတယ်...” </p> <p>      ရှီထျန်းကျွင်းနှင့် တုံဟွမ်ချင်တို့က လျင်မြန်စွာပင် သူတို့၏ နယ်ရုပ်များကို ချလိုက်ကြသည်။ သူတို့တွင် အချိန် သိပ်မရှိသော်လည်း အစီအစဉ်တစ်ခုကို စဉ်းစားပြီးသွားပြီ ဖြစ်သည်။ </p> <p>      သို့သော် ထိုအခိုက်အတန့်တွင် ချင်နန်က အံ့ဩစရာလုပ်ရပ်တစ်ခု လုပ်လိုက်သည်။ </p> <p>     ဒုန်းခနဲ အသံနှင့်အတူ သူသည် ဝင်္ကပါနှစ်ခု၏ အလယ်တွင် နယ်ရုပ်တစ်ခုကို ချလိုက်သည်။ ဝင်္ကပါနှစ်ခု၏ အော်ရာများမှာ တကယ်ကြီး ပေါင်းစပ် ချိတ်ဆက်သွားကြသည်။ </p> <p>      ဟိန်းဟောက်သံတစ်ချက် ထွက်ပေါ်လာပြီးနောက် ထိုပုံရိပ်နှစ်ခုမှာ ကောင်းကင်သို့ ပျံတက်သွားပြီး နဂါးများ၏ ကျောပေါ်သို့ ဆင်းသက်လိုက်ကြသည်။ သူတို့၏ အော်ရာများက နဂါးများနှင့် ပေါင်းစပ်သွားသည်။ </p> <p>      ထိုအခိုက်အတန့်တွင် ပို၍ပင်ကြီးမားလှသော အော်ရာတစ်ခု ပေါက်ကွဲထွက်လာပြီး ဓားထဲမှ ဆွဲထုတ်လိုက်သော ပြိုင်ဘက်ကင်း နတ်ဘုရား ဓားတစ်ချောင်းအလား ကောင်းကင်ယံသို့ ထိုးတက်သွားသည်။ </p> <p>      “ဝင်္ကပါတွေကို တစ်ခုတည်းဖြစ်အောင် ပေါင်းစပ်လိုက်တာလား...”  </p> <p>    ရှီထျန်းကျွင်းနှင့် တုံဟွမ်ချင်တို့မှာ လန့်ဖျပ်သွားကြသည်။ သူတို့ မြင်နေရသည့်အရာကို သူတို့ မယုံနိုင်အောင် ဖြစ်နေကြသည်။ </p> <p>      ဝင်္ကပါတစ်ခုကို ဖန်တီးထုတ်ဖော်ရန်ပင် အလွန် ခက်ခဲလှသည်ကို ချင်ဟွမ်က ဝင်္ကပါနှစ်ခု အတူတကွ ပေါင်းစပ်နိုင်ခဲ့သည်။  </p> <p>     ၎င်းက မည်ကဲ့သို့ သိုင်းပညာပါရမီမျိုးနည်း </p> <p>      “ဘယ်...  ဒါ ဘယ်လို ဖြစ်နိုင်မှာလဲ...”  </p> <p>     ဒိုဂျိုရှိကျင့်ကြံသူများ ပါးစပ်အဟောင်းသားနှင့် မေးရိုးအောက်ကျသွားကြသည်။ ကျောက်ဝူရွှမ်၊ ကျန်းချူ၊ ကျန်းရှန်နှင့် ကျန်သူများပင်လျှင် မှင်တက်သွားကြသည်။ </p> <p>      သူ့ရဲ့ ကျင့်ကြံမှုအဆင့်က နိမ့်လွန်းနေတယ်... </p> <p>     သူ့ရဲ့ နယ်ရုပ်တွေကို နားလည်နိုင်စွမ်းက နိမ့်လွန်းတယ်... </p> <p>      ဒါက တကယ်တော့ အမှန်ပါပဲ... </p> <p>      ဒါပေမဲ့ အဲ့လိုဆိုတော့ကော ဘာဖြစ်လဲ... </p> <p>       </p> <p>     “ငါတို့ နိုင်ပြီကွ...”  </p> <p>    လီဟွာရီ၊ လုချောင်နှင့် ကျန်သူများက စိတ်လှုပ်ရှားသွားကြသည်။ </p> <p>      ကောင်းကင်ပြာနယ်မြေသခင်၏ မျက်လုံးများပင် တောက်ပနေသည်။ ကျန်းဟုန်ရှူး၏ မျက်ဝန်းများမှာလည်း ရွှန်းစိုတောက်ပမှုများဖြင့် ပြည့်နှက်နေသည်။ </p> <p>      ချင်နန်က သူ၏ ပြိုင်ဘက်ကင်း သိုင်းပညာပါရမီကို အပြည့်အဝ ပြသလိုက်ပြီ ဖြစ်သည်။ သူတို့ကြားရှိ ကြီးမားသော ကွာဟချက်ကို သူ ဖြည့်ဆည်းနိုင်ခဲ့ရုံသာမက သူတို့ကိုပါ ကျော်လွန်သွားခဲ့ပြီ ဖြစ်သည်။ </p> <p>       ရှီထျန်းကျွင်းနှင့် တုံဟွမ်ချင်တို့အနေဖြင့် ထိုသိုင်းကွက်ကို လုံးဝ ခုခံနိုင်မည် မဟုတ်ပေ။ </p> <p>       </p> <p>      “ငါတို့ ရှုံးတော့မှာလား...” </p> <p>      တုံဟွမ်ချင် သတိပြန်ဝင်လာပြီး သူ၏ မျက်နှာ ချက်ချင်း မှုန်ကုပ်သွားသည်။  </p> <p>      သူတို့ ဒီလောက် အသာစီးရနေတာကို ဒါက ဘယ်လိုရလဒ်မျိုးလဲ.... </p> <p>       ဒါက သူ တုံဟွမ်ချင်ရဲ့ သိုင်းပညာပါရမီက ချင်ဟွမ်ထက် အများကြီး နိမ့်တယ်လို့ ဆိုလိုတာလား... </p> <p>      “ချင်ဟွမ်... ချင်ဟွမ်... တုံဟွမ်ချင်နဲ့ ငါ ဒီလိုအခြေအနေမျိုးရောက်အောင် ဖိအားပေးခံရလိမ့်မယ်လို့ ငါ တကယ် မထင်ထားခဲ့ဘူး...” </p> <p>      ရှီထျန်းကျွင်း၏ မျက်နှာအမူအရာက ရုတ်တရက် တည်ငြိမ်သွားသည်။ </p> <p>      “စောစောက မင်းကို အထင်သေးခဲ့မိတာကို ငါ တကယ် ဝန်ခံရမယ်... သိုင်းလမ်းစဉ်မှာ မင်းရဲ့ အောင်မြင်မှုက ငါ့ထက် အများကြီး သာပါတယ်...” </p> <p>      “ဒါပေမဲ့...” </p> <p> </p> <p> </p> <p style="text-align: center;">***</p>


Save