Book List

<h2 style="text-align: center;">အပိုင်း(၂၉၂၉) </h2> <h2 style="text-align: center;">*</h2> <p> </p> <p> </p> <p>       မီးခိုးရောင် မီးတောက်များက ထပ်မံ တိုက်ခိုက်လာပြီး လူသားကမ္ဘာပေါ်သို့ ကျဆင်းလာသည်။ မကြာမီမှာပင် စစ်တုရင်ခုံတစ်ခုလုံး လင်းထိန်သွားသည်။ </p> <p>       ချင်နန် အချိန်နှင့်အာကာသကျမ်းစာ၏ နဝမအလွှာကို  နားလည်သဘောပေါက်ခဲ့စဉ်က သူ၏ အံ့ဩ၀မ်းသာမှုသည် ယခုအခါ သူ၏ အိပ်မက်ဆိုးကြီး ဖြစ်လာခဲ့သည်။ </p> <p>      ဤသည်မှာ အချိန်နှင့်အာကာသမီးတောက် လောင်ကျွမ်းခြင်း ကိုးကြိမ်မြောက် ဖြစ်သည်။ </p> <p>      တစ်နည်းဆိုရလျှင် ဤသည်မှာ သူ အချိန်နောက်ပြန်ဆုတ်ခံရသည်မှာ ကိုးကြိမ်ရှိပြီ ဖြစ်သည်။ </p> <p>      ချင်နန်က နှစ်မျိုးစပ်၀င်္ကပါနည်းဗျူဟာတစ်ခုကို ဖော်ဆောင်တိုင်း စစ်တုရင်ရုပ် အခု ၁၁၀ မှ ၁၅၀ ခန့်အထိ လိုအပ်သည်။ </p> <p>      တစ်နည်းဆိုရလျှင် သူသည် စစ်တုရင်ရုပ်ပေါင်း ၁၀၀၀ ကျော်ကို ကစားခဲ့ပြီးဖြစ်သည်။ ထို့အပြင် ၎င်းတို့အားလုံးမှာ မတူညီသော စစ်တုရင်ရုပ်များ ဖြစ်ကြသည်။ </p> <p>      ထိုသုံးနာရီအတွင်း သူသည် စစ်တုရင်ရုပ်ပေါင်း နှစ်ထောင်ခန့်ကို နားလည်သဘောပေါက်ခဲ့သော်လည်း စစ်တုရင်ရုပ်အားလုံးကိုတော့ အသုံးပြုနိုင်မည် မဟုတ်ပေ။ </p> <p>      ထို့အပြင် ရှီထျန်းကျွင်းနှင့် တုံဟွမ်ချင်တို့ကို ရင်ဆိုင်ရန်အတွက် ချင်နန်သည် နှစ်မျိုးစပ် ၀င်္ကပါနည်းဗျူဟာများစွာကို တွက်ချက်မထားခဲ့ပေ။ ချင်နန်သည် နှစ်မျိုးစပ် ၀င်္ကပါနည်းဗျူဟာ ငါးမျိုးကိုသာ တွက်ချက်ထားခဲ့သည်။ </p> <p>      သူသည် နှစ်မျိုးစပ် နည်းဗျူဟာများအပေါ်တွင်သာ အဓိက အာရုံစိုက်ထားခဲ့သောကြောင့် ဖြစ်သည်။ အကယ်၍ သူသာ ရှီထျန်းကျွင်း၊ တုံဟွမ်ချင်တို့နှင့် အကြိတ်အနယ် အခြေအနေသို့ ရောက်သွားပါက စစ်တုရင်ရုပ် ၃၀၀ မှ ၄၀၀ အထိ ကစားပြီးနောက် သူသည် ကစားကွက်အတွင်းမှ အလွန် အံ့မခန်းဖွယ်ကောင်းသော ထပ်ဆင့်ကစားကွက်တစ်ခုကို ဖော်ဆောင်နိုင်မည် ဖြစ်သည်။ သူသည် စိတ်ကူးမယဉ်နိုင်လောက်သော စွမ်းအားများကို ပေါက်ကွဲထွက်စေပြီး ပြိုင်ဘက်ကို ပြင်းထန်သော အဆုံးသတ် တိုက်ကွက်တစ်ခု ပေးနိုင်မည် ဖြစ်သည်။ </p> <p>      တစ်နည်းဆိုရလျှင် ရှီထျန်းကျွင်းနှင့် တုံဟွမ်ချင်တို့ကို ရင်ဆိုင်ရန်အတွက် ချင်နန်သည် နောက်ဆုံးအချိန်၌ မတူညီသော နှစ်မျိုးစပ် ၀င်္ကပါနည်းဗျူဟာလေးခုကို ဖော်ဆောင်နိုင်ခဲ့ခြင်း ဖြစ်သည်။ </p> <p>      နောက်ဆုံးအချိန်ဟု ဆိုသော်လည်း တကယ်တော့ မဟုတ်ပေ။ ယင်းအစား ချင်နန်က အရှုံးမပေးဘဲ ကျန်ရှိနေသော နှစ်မျိုးစပ် ၀င်္ကပါနည်းဗျူဟာ လေးခုကို သူ ဆက်ကစားနေခဲ့ခြင်း ဖြစ်သည်။ စစ်တုရင်ရုပ် ချရမည့် အချိန်ကို အခွင့်ကောင်းယူကာ သူ နားလည်ထားသော စစ်တုရင်ရုပ်များကို ကြယ်ပွင့်များအဖြစ် ပြောင်းလဲလိုက်ပြီး သူ၏ အဆုံးအစမဲ့သော နတ်ဘုရားအာရုံထဲတွင် ဆက်လက် တွက်ချက်နေခဲ့ခြင်း ဖြစ်သည်။ </p> <p>      နှစ်မျိုးစပ် ၀င်္ကပါနည်းဗျူဟာတစ်ခုကို ဖော်ဆောင်ရန်အတွက် အသက်ရှိုက် ၆၀ ခန့် ကြာမြင့်မည် ဖြစ်သည်။ တစ်နည်းဆိုရလျှင် ချင်နန်သည် မတူညီသော နှစ်မျိုးစပ် နည်းဗျူဟာ လေးခုကို တွက်ချက်ရန် အသက်ရှိုက် ၂၄၀ အချိန်ကို သုံးရမည်ဖြစ်သည်။ </p> <p>      အကယ်၍ ရှီထျန်းကျွင်းနှင့် တုံဟွမ်ချင်တို့သာ ဤအကြောင်းကို သိသွားခဲ့ပါက သူတို့၏ တာအိုနှလုံးသားများပင် တုန်လှုပ်သွားလောက်သည်။ ဒိုဂျိုရှိ လူတိုင်းသည်လည်း ကျိန်းသေပေါက် ထိတ်လန့်သွားကြမည်ဖြစ်သည်။ </p> <p>     အကြောင်းမှာ ဤကဲ့သို့သော သိုင်းပညာပါရမီက ကြောက်မက်ဖွယ်ကောင်းလွန်းသည်ဟု ဆိုနိုင်သောကြောင့် ဖြစ်သည်။ နယ်ပယ်ငါးခုတွင် နံပါတ်တစ် ဖြစ်ဖို့ မဆိုထားနှင့်၊ သူသည် အနန္တလောကများ၏ ထိပ်ဆုံးတွင်ပင် ရပ်တည်နိုင်သည်။ သို့သော် တစ်စုံတစ်ယောက်၏ သိုင်းပညာပါရမီမှာ မည်မျှပင် အားကောင်းနေပါစေ အကန့်အသတ်တစ်ခုတော့ အမြဲရှိနေမည်သာ ဖြစ်သည်။ တစ်စုံတစ်ယောက်၏ အတွေးများက မည်မျှပင် မြန်ဆန်နေပါစေ အဆုံးအစမရှိ တွက်ချက်နေရန်မှာမူ မဖြစ်နိုင်ပေ။ </p> <p>      ချင်နန်သည် သူ၏ အကန့်အသတ်သို့ ရောက်ရှိနေပြီ ဖြစ်သည်။ </p> <p>      ပို၍ တိတိကျကျ ဆိုရလျှင် အချိန်နှင့်အာကာသမီးတောက် ခြောက်ကြိမ်မြောက် လောင်ကျွမ်းကတည်းက သူ၏ အကန့်အသတ်သို့ ရောက်ရှိနေခဲ့ခြင်း ဖြစ်သည်။ </p> <p>      သို့သော် သူ၏ နှလုံးသားထဲမှ လက်မခံနိုင်မှုနှင့် ဟိန်းဟောက်သံများက သူ့ကို အကန့်အသတ်များကို ကျော်လွန်သော စွမ်းအားများ ပေါက်ကွဲထွက်လာစေခဲ့သည်။ စိတ်ကူးမယဉ်နိုင်သော စွမ်းရည်ဖြင့် သူသည် နှစ်မျိုးစပ်၀င်္ကပါနည်းဗျူဟာများကို တစ်ခုပြီးတစ်ခု အတင်းတွက်ချက်ခဲ့သည်။ </p> <p>      သို့သော် ယခုအခါ အခြေအနေများ ပြောင်းလဲသွားပြီ ဖြစ်သည်။ စစ်တုရင်ပွဲသစ်တစ်ခု စတင်လာပြီသည်။ ရှီထျန်းကျွင်းနှင့် တုံဟွမ်ချင်တို့က သူတို့၏ စစ်တုရင်ရုပ်များကို ရွှေ့လိုက်သောအခါ အဆုံးအစမဲ့သော အမှောင်ထုကြီး ဖြစ်ပေါ်လာပြီး ချင်နန်ဆီသို့ လွှမ်းခြုံလာသည်။ </p> <p>      ဧရာမ သားရဲကြီးတစ်ကောင်က ပါးစပ်ဟကာ သူ၏ စိတ်ဆန္ဒများကို မျိုချရန် ကြိုးစားနေသကဲ့သို့ ကူကယ်ရာမဲ့သော ခံစားချက်များက သူ၏ နှလုံးသားထဲတွင် ဆက်တိုက် ထွက်ပေါ်လာသည်။ </p> <p>      ချင်နန်၏ မျက်နှာမှာ ဖြူရော်သွားသည်။ </p> <p>      ယခုတစ်ကြိမ်တွင် သူ၏ လက်များသာ တုန်ယင်နေခြင်း မဟုတ်တော့ပေ။ သူ၏ ခန္ဓာကိုယ်တစ်ခုလုံး တုန်ယင်နေခြင်း ဖြစ်သည်။ </p> <p>      အပေါ်ယံကြည့်လျှင် သိုင်းစစ်တုရင်ကစားခြင်းက ပြိုင်ဘက်ကို အနည်းငယ်မျှပင် ထိခိုက်ဒဏ်ရာရစေမည် မဟုတ်ပေ။ သို့သော် တကယ်တမ်းက စစ်တုရင်ကစားရာတွင် လူတစ်ယောက်သည် မိမိ၏ စိတ်စွမ်းအင်အားလုံးကို ထည့်သွင်းရသည်။ </p> <p>      စစ်တုရင်ကစားကွက် ပြိုလဲသွားသည်နှင့် တစ်ပြိုင်နက် ထိုသူ၏ စိတ်စွမ်းအင်များလည်း လုံးဝ ပြိုလဲသွားမည် ဖြစ်သည်။ </p> <p>      “တွက်... တွက်ချက်... နှစ်မျိုးစပ် ၀င်္ကပါ အသစ်တစ်ခုကို တွက်ချက်ရမယ်...”  </p> <p>      ချင်နန်၏ အရိုးထဲအထိ စိမ့်ဝင်နေသော အလျှော့မပေးလိုသည့် စိတ်ဆန္ဒများက အပြည့်အဝ နိုးကြားလာပြီး သူ၏ နှလုံးသားထဲတွင် ဆက်တိုက် အော်ဟစ်နေသည်။ </p> <p>      အတွေးများနှင့် ဉာဏ်အလင်းများက သူ၏ စိတ်ထဲတွင် ဆက်တိုက် ပေါ်ထွက်လာသည်။ </p> <p>      ထိုကြယ်များကလည်း ပုံစံအသစ်တစ်ခုကို ဖော်ဆောင်တော့မည့်အလား ဆက်တိုက် ကခုန်နေကြသည်။ </p> <p>      သို့သော် သူ့တွင် အချိန်မရှိတော့ပေ။ သူ အသက်တစ်ရှိုက်စာ အချိန်မျှ ရပ်လိုက်မိတာတောင် ရှီထျန်းကျွင်းနှင့် တုံဟွမ်ချင်တို့က စစ်တုရင်ရုပ် နှစ်ရုပ် ရွှေ့ပြီးသွားပြီ ဖြစ်သည်။ သူ အသက်နှစ်ရှိုက်စာ အချိန် ရပ်တန့်လိုက်ချိန်တွင် ရှီထျန်းကျွင်းနှင့် တုံဟွမ်ချင်တို့က စစ်တုရင်ရုပ် ငါးရုပ်အထိ ရွှေ့ပြီးနေပြီ ဖြစ်သည်။ နက်နဲလှသော စွမ်းအင်လှိုင်းတစ်ခုက နတ်ဘုရားနယ်မြေနှင့် နတ်ဆိုးနယ်မြေတို့မှ ပျံ့နှံ့ထွက်ပေါ်လာသည်။ </p> <p>      ချင်နန်သည် စစ်တုရင်ရုပ်တစ်ခုကို အလိုလို ရွှေ့လိုက်သည်။ </p> <p>      အကယ်၍ သူသာ စစ်တုရင်ရုပ်ကို မရွှေ့ပါက နှစ်မျိုးစပ်၀င်္ကပါအသစ်တစ်ခုကို စဉ်းစားမိလျှင်ပင် သူ ကျိန်းသေပေါက် ရှုံးနိမ့်မည်သာ ဖြစ်သည်။ </p> <p>      “ဟင်...” </p> <p>      “အဲဒီတစ်ခုပဲလား...” </p> <p>      ရှီထျန်းကျွင်းက ချင်နန် စစ်တုရင်ရုပ် သုံးရုပ်အား ဆက်တိုက် ရွှေ့လိုက်သည်ကို မြင်သောအခါ စစ်တုရင်ကစားကွက်တစ်ခုကို ချက်ချင်း သတိရသွားပြီး အေးတိအေးစက် ပြောလိုက်သည်။ </p> <p>     “မင်းက နှစ်မျိုးစပ်၀င်္ကပါအသစ်တစ်ခုကို မစဉ်းစားနိုင်တော့ဘူး ထင်တယ်...” </p> <p>      “ရိုးရိုးသားသား ပြောရရင် မင်းက နှစ်မျိုးစပ်၀င်္ကပါကိုးခုအထိ ဖန်တီးနိုင်ခဲ့တာ ငါ့ကို တကယ်အံ့အားသင့်စေခဲ့တယ်...” </p> <p>      တုံဟွမ်ချင်က ဘာမှမပြောပေ။ သူ၏ မျက်နှာထားမှာ တည်ငြိမ်နေပြီး စစ်တုရင်ရုပ်များကို တစ်ခုပြီးတစ်ခု ရွှေ့လိုက်သည်။ </p> <p>      ပြိုင်ဘက်က မည်သို့သော စစ်တုရင်ကစားကွက်မျိုး ကစားမည်ကို သူ သိသွားပြီသည်။ အကယ်၍ သူ အနိုင်မရနိုင်သေးပါက အလွန်ပင် ရှက်စရာကောင်းနေလိမ့်မည်ဖြစ်သည်။ </p> <p>      စစ်တုရင်ကစားပွဲ ထပ်မံစတင်သွားပြန်သည်။ နည်းဗျူဟာများ၏ တိုက်ပွဲပင်ဖြစ်သည်။ </p> <p>      ဝုန်းဒိုင်းကြဲ မြည်ဟည်းသံများနှင့်အတူ ချင်နန်၏ နှစ်မျိုးစပ် ၀င်္ကပါများ ထပ်မံ ပေါ်ထွက်လာသည်။ သို့သော် ယခုတစ်ကြိမ်တွင်မူ ရင်သပ်ရှုမောဖွယ်ရာနှင့် မျက်စိကျိန်းစရာ ကောင်းမနေတော့ပေ။ အကြောင်းမှာ ၎င်း၏ လျှို့ဝှက်ချက်များအားလုံးကို အပြည့်အဝ မြင်ပြီးသာ ဖြစ်သောကြောင့် ဖြစ်သည်။ </p> <p>      နတ်ဘုရားနယ်မြေက မိုးကြိုးပြစ်ဒဏ်များဖြင့် တိုက်ခိုက်လာချိန်တွင် နတ်ဆိုးနယ်မြေက အေးစက်သော နှင်းများဖြင့် ဖုံးလွှမ်းလာသည်။ လူသားကမ္ဘာတစ်ခုလုံး၏ အလင်းရောင်မှာ ချက်ချင်းဆိုသလို ဖိနှိပ်ခံလိုက်ရသည်။ </p> <p>      ချင်နန်၏ နဖူးမှ ချွေးများ စီးကျနေသည်။ ယခုအချိန်အထိ သူက ရပ်တန့်မသွားသေးပေ။ သူက စစ်တုရင်ရုပ်များကို ယူကာ လူသားကမ္ဘာအတွင်းသို့ ရွှေ့လိုက်သည်။ </p> <p>      ရှီထျန်းကျွင်းနှင့် တုံဟွမ်ချင်တို့က ဘာမှမပြောကြပေ။ သူတို့က ဤမြင်ကွင်းကို အေးတိအေးစက်သာ ကြည့်နေကြသည်။ </p> <p>      ရုန်းကန်လိုက်စမ်း၊ ဆက်ပြီးသာ ရုန်းကန်လိုက်၊ အဆုံးသတ်ကျရင် ရုန်းကန်ပြီး ရှုံးနိမ့်သွားရမှာပဲ။  </p> <p>      ဒိုဂျိုမှာ လုံးဝ တိတ်ဆိတ်ငြိမ်သက်နေပြီ ဖြစ်သည်။ </p> <p>      ကျောက်ဝူရှန်၊ ကျန်းရှန်၊ ကျန်းချူနှင့် တခြားသူများမှာ ချင်နန်က ကိုယ့်ကိုယ်ကိုယ် အထင်ကြီးလွန်းနေသည်ဟု လှောင်ပြောင်ချင်နေကြပြီး ကျန်းဟုန်ရှူးကိုပါ လှောင်ပြောင်ချင်နေကြသည်။ </p> <p>      သို့သော် ဒိုဂျိုက တိတ်ဆိတ်နေရုံသာမက လေထုမှာလည်း လေးလံလာသည်ကို သူတို့ ရုတ်တရက် သတိပြုမိလိုက်ကြသည်။ တိတ်ဆိတ်သော အရာတစ်ခု ပျံ့နှံ့နေခြင်း ဖြစ်သည်။ </p> <p>      ကျောက်ဝူရှန်၊ ကျန်းရှန်နှင့် ကျန်းချူတို့က သူတို့၏ နှလုံးသားထဲတွင် လှောင်ပြောင်ရယ်မောလိုက်ကြသည်။ </p> <p>      သူတို့က လူမိုက်များ မဟုတ်ကြပေ။ ချင်နန်၏ ခေါင်းမာစွာ ရုန်းကန်မှုနှင့် ရွှေ့ရခက်ခဲလာသော စစ်တုရင်ရုပ်များက ဤနေရာရှိ လူတိုင်းအပေါ် မသိမသာ သက်ရောက်မှုရှိနေသည်ကို သူတို့ သဘာဝကျကျပင် နားလည်ကြသည်။ </p> <p>      သို့သော် သူတို့က အတော်လေး အထင်သေးနေကြသည်။ ထိုကဲ့သို့ ရုန်းကန်နေရခြင်းက ဘာအဓိပ္ပာယ်ရှိမည်နည်း။ </p> <p>      လူသားများ၏ ငိုကြွေးသံများက ဘုံကိုးဆင့် ကောင်းကင်ယံအထိ မည်သို့ ပျံ့နှံ့ရောက်ရှိနိုင်မည်နည်း။ </p> <p>      စစ်တုရင်ပွဲက ဆက်လက် ဖြစ်ပွားနေဆဲပင်ဖြစ်သည်။ </p> <p>      နှစ်မျိုးစပ် ၀င်္ကပါများ ပြီးနောက် ဘက်သုံးဘက်စလုံးက စစ်တုရင်ရုပ် တစ်ရာကျော်ကို ချထားခဲ့ပြီး နည်းဗျူဟာ အမျိုးမျိုးကို ဖော်ဆောင်ခဲ့ကြသည်။ </p> <p>      ချင်နန်၏ စစ်တုရင်ရုပ်များမှာ ရွှေ့ရန် ပိုပို၍ ခက်ခဲလာသည်။ သူသည် စစ်တုရင်ရုပ်များကို ကစားနေခြင်း မဟုတ်တော့ဘဲ ယှဉ်ပြိုင်၍မရနိုင်လောက်အောင် လေးလံလှသော တောင်ကြီးတစ်လုံးကို လှုပ်ရှားနေရသကဲ့သို့ ဖြစ်နေသည်။ သူက ၎င်းတို့ကို မနည်းရွှေ့နိုင်ရန်အတွက် သူ၏ စွမ်းအားအားလုံးကို အသုံးပြုနေရသည်။ </p> <p> </p> <p> </p> <p style="text-align: center;">***</p>


Save