Book List

<h2 style="text-align: center;">အပိုင်း(၂၉၃၄) </h2> <h2 style="text-align: center;">*</h2> <p> </p> <p> </p> <p>        ထိုအချိန်တွင်ပင် ဒိုဂျိုထဲ၌...   </p> <p>      ကောင်းကင်ပြာနယ်မြေသခင်သည် ဤမြင်ကွင်းကို မြင်လိုက်ရသောအခါ ရုတ်တရက် တစ်စုံတစ်ခုကို တွေးမိသွားပြီး တမင် ရေရွတ်လိုက်သည်။  </p> <p>     “ မျိုးနွယ်စုအားလုံးကို တာအိုတရား ဟောကြားခြင်း... ပြီးတော့ အင်မော်တယ်ခန္ဓာကို စွန့်ခွာပြီး သိုင်းတာအို အစစ်အမှန်ခန္ဓာ ပြောင်းလဲခြင်း... ဒါကြောင့်မို့ ဒီကောင့်ရဲ့ သိုင်းပညာပါရမီက ဒီလောက်တောင် ကြောက်စရာကောင်းနေတာကိုး... သူက ပင်ကိုသိုင်းခန္ဓာပိုင်ရှင်ပဲ ...”   </p> <p>      ထိုစကားလုံးများသည် မိုးခြိမ်းသံတစ်ခုကဲ့သို့ ဒိုဂျိုပေါ်ရှိ လူတိုင်းကို တုန်လှုပ်သွားစေခဲ့သည်။ သူတို့၏ မျက်နှာများပေါ်တွင် အံ့သြမှင်တက်မှုများ ပြည့်နှက်သွားသည်။   </p> <p>      ချင်နန်သည် ဤအခိုက်အတန့်တွင် နတ်ဘုရားခန္ဓာကို နိုးထလာလိမ့်မည်ဟု မည်သူကမျှ မျှော်လင့်မထားခဲ့ကြချေ။ ထို့ပြင် ၎င်းမှာ ပင်ကိုသိုင်းခန္ဓာ ဖြစ်နေသည်။ သူတို့သည် ပင်ကိုသိုင်းခန္ဓာ၏ တိကျသော စွမ်းရည်များကို မသိကြသော်လည်း ၎င်း၏ ဝိသေသလက္ခဏာများအကြောင်းကိုမူ ယခင်က ကြားဖူးထားကြသည်။   </p> <p>      ဒဏ္ဍာရီလာစကားများအရ ဤနတ်ဘုရားခန္ဓာ နိုးထလာပြီးနောက် ၎င်းသည် သာမန် နတ်ဘုရားခန္ဓာများနှင့် မတူညီကြောင်း သိရသည်။ ၎င်းသည် လူတစ်ယောက်၏ တိုက်ခိုက်ရေးစွမ်းအားကို အဆမတန် မြင့်တက်သွားစေမည် မဟုတ်ပေ။   </p> <p>      ဤရှုထောင့်မှကြည့်လျှင် ပင်ကိုသိုင်းခန္ဓာ နိုးထလာခြင်းက သိပ်ပြီး ကြီးမားသော သက်ရောက်မှု ရှိပုံမရချေ။ သို့သော် ဒဏ္ဍာရီလာစကားများအရ ပင်ကိုသိုင်းခန္ဓာသည် နတ်ဘုရားခန္ဓာ တစ်ရာထဲတွင် မူလအစသိုင်းခန္ဓာ ဆယ်ခုထဲမှ တစ်ခုအဖြစ်သို့ ပြောင်းလဲသွားနိုင်သည့် အခွင့်အရေးရှိသော တစ်ခုတည်းသော ခန္ဓာဖြစ်ကြောင်း သိရသည်။ ထို့ကြောင့်ပင် နတ်ဘုရားခန္ဓာ တစ်ရာထဲတွင် ဤပင်ကိုသိုင်းခန္ဓာ တစ်ခုတည်းကသာ လျှို့ဝှက်ဆန်းကြယ်နေခြင်းဖြစ်သည်။ </p> <p>      သေချာပေါက် ၎င်းမှာ ဒဏ္ဍာရီတစ်ခုမျှသာ ဖြစ်သည်။ တကယ်လို့ အမှန်တကယ် ဖြစ်နေလျှင်တောင်မှ မူလအစသိုင်းခန္ဓာ ဆယ်ခုထဲမှ တစ်ခုအဖြစ်သို့ တက်လှမ်းရန်မှာ အလွန်တရာ ခက်ခဲလှသည်။   </p> <p>      သို့သော်လည်း အနည်းဆုံးတော့ ပင်ကိုသိုင်းခန္ဓာအတွက် မျှော်လင့်ချက် ရှိနေဆဲပင် ဖြစ်သည်။   </p> <p>      ထူးကဲနတ်ဘုရားခန္ဓာ၊ ရှေးဟောင်းရတနာနတ်ဘုရားခန္ဓာ အစရှိသည်တို့အတွက်မူ လုံးဝ မဖြစ်နိုင်ချေ။ </p> <p>       “ပင်ကိုသိုင်းခန္ဓာ... ပင်ကိုသိုင်းခန္ဓာ... ဒီလိုကိုး...” </p> <p>        လီဟွာရီနှင့် လုချောင်တို့သည် ရီဝေစွာဖြင့် သူတို့ဘာသာ တီးတိုးရေရွတ်နေကြသည်။ အတန်ကြာပြီးနောက် သူတို့နှစ်ဦး ရုတ်တရက် စိတ်လှုပ်ရှားလာကြပြီး ထအော်လိုက်သည်။ </p> <p>        “ငါတို့မှာ အခွင့်အရေး ရှိလာပြီ... ဟုန်ရှူး... ငါတို့မှာ အခွင့်အရေး ရှိသွားပြီ...”   </p> <p>      ကျန်းရှောင်ရီနှင့် တခြားသူများလည်း အဓိကအချက်ကို နားလည်သွားကြသည်။ သူတို့သည် စိတ်လှုပ်ရှားသွားကြပြီး ၀မ်းသာမှုများ ပြည့်လျှံသွားကြသည်။   </p> <p>      ပင်ကိုသိုင်းခန္ဓာ နိုးထလာပြီးနောက် ချင်ဟွမ်၏ သိုင်းပညာပါရမီသည် သေချာပေါက် အဆမတန် မြင့်တက်လာမည် ဖြစ်သည်။   </p> <p>      ထို့ပြင် ပင်ကိုသိုင်းခန္ဓာတွင် မယုံကြည်နိုင်လောက်သည့် စွမ်းရည်များလည်း သေချာပေါက် ရှိမည် ဖြစ်သည်။   </p> <p>      သူ နိုင်တောင် နိုင်သွားနိုင်သည်။ ကျန်းဟုန်ရှူးသည် ချင်နန်၏ နတ်ဘုရားတစ်ပါးကဲ့သို့သော ပုံစံကို ကြည့်ရင်း သဲ့သဲ့လေး ပြုံးလိုက်မိသည်။ ၎င်းမှာ ပန်းတစ်ရာ ပွင့်လန်းသွားသကဲ့သို့ပင်ဖြစ်သည်။ </p> <p>       </p> <p>      တစ်ချိန်တည်းမှာပင် ကြာပန်းစင်မြင့်ပေါ်၌...   </p> <p>      ရှီထျန်းကျွင်းနှင့် တုံဟွမ်ချင်တို့နှစ်ဦးစလုံးသည် အလွန်အတွေ့အကြုံရင့်ကျက်ပြီး လျှို့ဝှက်ချက်များစွာကို သိရှိထားကြသော်လည်း သူတို့၏ရှေ့ရှိ ချင်နန်၏ ပုံစံက သူတို့အား ဘာကိုမှ တွေးမရအောင် ဖြစ်စေသည်။  </p> <p>      “ဒီလိုအရေးကြီးတဲ့ အချိန်အခါမျိုးမှာ မင်းက ဒီလောက်ကြီးမားတဲ့ အောင်မြင်မှုမျိုး လုပ်နိုင်လိမ့်မယ်လို့ ငါ တကယ် မျှော်လင့်မထားခဲ့ဘူး... ဒါပေမဲ့ ဒါက မင်းကို ပိုပြီး မျှော်လင့်ချက်မဲ့သွားစေရုံပဲ ရှိမှာပါ...”   </p> <p>      ရှီထျန်းကျွင်းက အော်ဟစ်လိုက်သည်။ သူသည် အချိန်နှင့် အာကာသကျမ်းစာကို သက်ဝင်လှုပ်ရှားစေလိုက်ရာ ကောင်းကင်တွင်ခေါင်းလောင်းသံ ထွက်ပေါ်လာသည်။ အချိန်နှင့် အာကာသ၏  သန့်စင်သော မီးတောက်သည် ထပ်မံ၍ ထွက်ပေါ်လာသည်။   </p> <p>      နယ်မြေသုံးခု၏ စစ်တုရင်ခုံများသည် သုညအခြေအနေသို့ ပြန်လည်ရောက်ရှိသွားသည်။   </p> <p>      ရှီထျန်းကျွင်းနှင့် တုံဟွမ်ချင်တို့သည် သူတို့၏ စစ်တုရင်ရုပ်များကို ချက်ချင်း ချလိုက်ကြသည်။ သို့သော် ချင်နန်သည် လက်ရှိတွင် နှိုင်းယှဉ်၍မရနိုင်လောက်အောင် နက်နဲလှသော အခြေအနေတစ်ခုအတွင်းသို့ ရောက်ရှိနေသဖြင့် အနည်းငယ်မျှပင် လှုပ်ရှားခြင်း မရှိချေ။   </p> <p>      သူ၏ ခန္ဓာကိုယ်သည် အလွန်နွေးထွေးလှသော သမုဒ္ဒရာတစ်ခုထဲတွင် ရောက်နေသကဲ့သို့ ခံစားနေရပြီး ခန္ဓာကိုယ်တစ်ခုလုံး အလွန် သက်သောင့်သက်သာ ရှိနေသည်။   </p> <p>      သူ၏ သွေး၊ အရိုးများ၊ ကလီစာများနှင့် အခြားသော အင်္ဂါအစိတ်အပိုင်းအားလုံးသည် အံ့မခန်း အပြောင်းအလဲများကို ကြုံတွေ့နေရသည်။   </p> <p>      အရေးအကြီးဆုံးမှာ သူ၏ ဝိညာဉ်သည် လျှို့ဝှက်ဆန်းကြယ်သော နတ်ဘုရားအလင်းတန်းထဲတွင် ရေချိုးသန့်စင်နေပြီး ကြီးမားသော အသွင်ပြောင်းလဲမှုတစ်ခုကို ဖြတ်သန်းနေခြင်း ဖြစ်သည်။   </p> <p>      ဝှစ်...  </p> <p>      ရုတ်တရက် ချင်နန်၏ စိတ်ထဲတွင် မြင်ကွင်းတစ်ခု ပေါ်လာခဲ့သည်။ ၎င်းမှာ သူ့စိတ်ထဲတွင် တစ်ဖန်ပြန်လည် ပေါ်ထွက်လာသော စွမ်းအင်အနှစ်သာရစစ်တုရင်ရုပ် ၉၉၉၉၉ ရုပ် ဖြစ်သည်။   </p> <p>      ချင်နန်၏ နှလုံးသား လှုပ်ရှားသွားသည်။ သူ၏ အစွမ်းထက်သော စိတ်သည် ကောင်းကင်နှင့် မြေကြီးကို ဖုံးလွှမ်းထားသော ဧရာမ ပိုက်ကွန်ကြီးတစ်ခုကဲ့သို့ စစ်တုရင်ရုပ်များကို လွှမ်းခြုံသွားသည်။   </p> <p>      ချင်နန်သည် ယခင်က စွမ်းအင်အနှစ်သာရ စစ်တုရင်ရုပ်များကို နားလည်သဘောပေါက်ရန် ကြိုးစားနေစဉ်တွင် ထိုလုပ်ငန်းစဉ်သည် သာမန်လူတစ်ယောက် တောင်တစ်လုံးကို ရွှေ့ပြောင်းနေရသကဲ့သို့ ဖြစ်သည်။ ထိုလုပ်ငန်းစဉ်က အလွန်တရာ ခက်ခဲပြီး နှေးကွေးလွန်းသည်။   </p> <p>      အစွမ်းပိုထက်သော စွမ်းအင်အနှစ်သာရ စစ်တုရင်ရုပ်များအတွက်မူ ပို၍ပင် ဆိုးရွားသည်။ ၎င်းတို့ထဲတွင် အဆုံးမဲ့ နက်နဲမှုများ ပါဝင်နေပြီး သူ့ကို မြူခိုးများကြားမှ ပန်းများကို ကြည့်နေရသကဲ့သို့ ခံစားရစေခဲ့သည်။ သူ ဘယ်လောက်ပဲ ကြိုးစားကြိုးစား အမှန်တရားကို မမြင်တွေ့နိုင်ခဲ့ပေ။   </p> <p>      သို့သော် ယခုအခါ မြူခိုးများ လုံးဝ ကင်းစင်သွားခဲ့ပြီ ဖြစ်သည်။   </p> <p>      တစ်ချက် ကြည့်လိုက်ရုံဖြင့် ၎င်းတို့အတွင်းရှိ နက်နဲသော လျှို့ဝှက်ချက်များကို သူ နားလည်သွားပြီး အလုံးစုံ သဘောပေါက်သွားခဲ့သည်။   </p> <p>      ထိတ်လန့်စရာအကောင်းဆုံးအရာမှာ သူသည် ထိုကဲ့သို့သော တွေးတော၍မရနိုင်သည့် ဉာဏ်အလင်းပွင့်သည့် အခြေအနေမျိုးတွင် ရောက်နေသော်လည်း သူ၏ စိတ်အာရုံက ထိုထဲတွင် လုံးလုံးလျားလျား နစ်မြုပ်နေခြင်း မရှိပေ။   </p> <p>      သူ၏ စိတ်အာရုံသည် နှစ်ပိုင်း ကွဲသွားသကဲ့သို့ ဖြစ်နေသည်။ တစ်ပိုင်းက စစ်တုရင်ရုပ်များထဲတွင် ရှိနေပြီး အခြားတစ်ပိုင်းက ပြင်ပကမ္ဘာတွင် ရှိနေကာ ရှီထျန်းကျွင်းနှင့် တုံဟွမ်ချင်တို့ စစ်တုရင် ကစားနေသည်ကို ထပ်မံ စောင့်ကြည့်နေသည်။   </p> <p>      ချင်နန်သည် မသိစိတ်ဖြင့် သူ၏ ညာဘက်လက်ကို မြှောက်လိုက်ရာ နတ်ဘုရားအလင်းတန်း စစ်တုရင်ရုပ်များသည် သူ၏ လက်ချောင်းထိပ်များတွင် စုစည်းလာကြသည်။   </p> <p>      သူ နားလည်သဘောပေါက်သွားခဲ့သော စစ်တုရင်ရုပ်များသည် သူ၏ စိတ်ထဲတွင် ရုတ်တရက် ပေါ်လာခဲ့သည်။ ၎င်းတို့သည် ကြယ်များကဲ့သို့ ပုံသဏ္ဌာန်ရှိပြီး ယခုအခါ ၎င်းတို့ကိုယ်တိုင် အသက်ဝင်နေပုံရသည်။ ယင်းတို့သည် အလိုအလျောက် တောက်ပနေကြပြီး ကျယ်ပြောလှသော အမှောင်ထုထဲတွင် ကြယ်မြေပုံများစွာအဖြစ်သို့ ပြောင်းလဲသွားကြသည်။   </p> <p>      ရွှစ်...  </p> <p>      မျက်တောင်တစ်ခတ်အတွင်း မီးတောက်များ လင်းလက်သွားသကဲ့သို့ ရှိပြီး လျှပ်စီးများ လင်းလက်သွားသကဲ့သို့လည်း ရှိသည်။   </p> <p>      လုံးဝ အသစ်စက်စက် နှစ်မျိုးစပ် ၀င်္ကပါတစ်ခုသည် မည်သည့် တွေးတောမှု၊ သုံးသပ်မှုမျှမပါဘဲ ချင်နန်၏ စိတ်ထဲတွင် အလိုလို ပေါ်ထွက်လာခဲ့သည်။   </p> <p>      ဒုန်း...  </p> <p>       ချင်နန်သည် သူ၏ စစ်တုရင်ရုပ်ကို ချလိုက်သည်။   </p> <p>      သူ၏ စိတ်ထဲရှိ နှစ်မျိုးစပ် ၀င်္ကပါသည် ပြောင်းလဲနေဆဲပင် ဖြစ်သည်။ သူ ဒုတိယ စစ်တုရင်ရုပ်ကို ချလိုက်သောအခါ နှစ်မျိုးစပ် ၀င်္ကပါသည် သုံးမျိုးစပ် ၀င်္ကပါအဖြစ်သို့ ချက်ချင်း ပြောင်းလဲသွားခဲ့သည်။ ထို့ပြင် သူသည် စစ်တုရင်ရုပ် ၁၀၈ ရုပ်သာ လိုအပ်သည်။ ချင်နန်၏ စိတ်အာရုံ၊ စွမ်းအင်နှင့် ဝိညာဉ်တို့ လုံးဝ ပြောင်းလဲသွားခဲ့သည်။   </p> <p>      လွန်ခဲ့သော အခိုက်အတန့်လေးကတင် သူသည် လမ်းပိတ်သွားခဲ့သည်။ သူ၏ စစ်တုရင်စွမ်းရည်များ ကုန်ခမ်းသွားခဲ့ပြီး ဆိုးရွားသော အခြေအနေသို့ ရောက်ရှိနေခဲ့သည်။   </p> <p>      သို့သော် ယခုအခါ သူသည် တည်ငြိမ်ပြီး ယုံကြည်မှု ရှိနေသည်။ သူသည် သိုင်းတာအို၏ သားတော်တစ်ပါးအဖြစ် ပြောင်းလဲသွားသကဲ့သို့ ဖြစ်နေပြီး သိုင်းတာအို၏ အမျိုးအစားစုံလင်လှသော နက်နဲမှုများအားလုံးက သူ၏ လက်ချောင်းထိပ်လေးများတွင် ရှိနေသည်။   </p> <p>      ချင်နန်သည် စစ်တုရင်ကို တစ်ဆင့်ပြီးတစ်ဆင့် ကစားလိုက်သည်။ သူ၏ စိတ်ထဲတွင် အံ့သြဖွယ်ကောင်းသော အတွေးအမြင်များစွာ ပေါက်ကွဲထွက်လာပြီး သူ့ကို ပျော်ရွှင်သွားစေသည်။ ဤကမ္ဘာကြီးကို ဖုံးအုပ်ထားသော ကန့်လန်ကာကို လုံးဝ ဖယ်ရှားလိုက်သကဲ့သို့ပင်ဖြစ်သည်။ </p> <p>      အချိန်တိုလေးအတွင်းမှာပင် သုံးမျိုးစပ် ၀င်္ကပါသည် လူသားနယ်မြေတွင် ပေါ်ထွက်လာပြီး နတ်ဘုရားနယ်မြေနှင့် နတ်ဆိုးနယ်မြေတို့ကို တုန်လှုပ်သွားစေခဲ့သည်။   </p> <p>      ရှီထျန်းကျွင်း၏ အမူအရာ ပြောင်းလဲသွားသည်။ သူသည် အချိန်နှင့်အာကာသကျမ်းစာကို လျင်မြန်စွာ သုံးပြီး စစ်တုရင်ခုံကို မူလအခြေအနေသို့ ပြန်လည်သတ်မှတ်ကာ အစအခြေအနေကို ပြန်သွားလိုက်သည်။ </p> <p>      ဒုန်း...   </p> <p>      ချင်နန်သည် သူ၏ ပထမဆုံး စစ်တုရင်ရုပ်ကို ချလိုက်သည်။ သူ၏ မျက်နှာပေါ်ရှိ ခပ်ရေးရေးအပြုံးက ရှီထျန်းကျွင်းနှင့် တုံဟွမ်ချင်တို့၏ နှလုံးသားများကို တုန်ခါသွားစေခဲ့သည်။ </p> <p style="text-align: center;"> </p> <p> </p> <p>***</p>


Save